رواية مسموح يامن ملكت الروح -37
ياليتني جالس معاك
هشام طالع الرساله مبهوت وأتصل عليها
سعاد : هشام..
هشام: صدق اللي بالرساله ولا مجرد كلام؟؟
سعاد : هشاااااااام متصل عشان ذا السؤال.......مع السلامه......وقفلت الخط
هشام ارسل
كابر قد ما تكابر..
أنا معك متحمل وصابر..
وأعرفك أكثر من أحساسي تجاهك ..
وأنت خابر أن حبك لي كبير ..
مال جرحك يا حبيبي الا انا..
انا جرحك وأنا اللي أحمله..
وأعرف أن البعد ما حطم طموح ..
وأعرفك يا سيدي كلك سموح لا تكابر..
سعاد طالعت الرساله بابتسامه وماردت لانها عارفه انه ماراح يرد عليها
بعدها صارت يوميا تكلمه وتتطمن على احواله .....وهو يسولف معاها براحه....نسى الغربه والخوف معاها وهي بتواصلها معاهـ ريحته وصارت تتكلم معاه بدون حيا أو خوف......
بعد اسبوعين
بيت ابو عاشق كان جوال الشوق يرن
الشوق هلا عنود.....
عنود: الشوق....زتعالي بسرعه امك فاقت.....
الشوق بفرحه: حلفيييييييي.....وركضت تمسك عباتها وهي تكلمها...
عنود: وربي فاقت .....
الشوق: قالت شي....تكلمت؟؟؟
عنود: تسأل عن عاشق....وهي هاديه مو قاعده تصيح.....
الشوق: فديتها وربي......خليك معاي وقولي لي أي شي تقوله.....
عنود: انا برى مايدخلوني غرفتها......
الشوق وصلت الباب وتوقف تكسي.....: حبيبتي حبي راسها وقولي لها اني جايه...
عنود: مايخلوني ادخل عليها...
الشوق: ادعميهم ارجوك .....ارجووووووووك......
عنود: طيب خلك معي........وسمعت همهمات وبعدين : وصلت عندها ابتسمت لي.....
الشوق بدت دموعها تنزل: فديتها وربي .....زفديت ريحه الجنه.......والتكسي طاير عشان يوصل المستشفى.....
عنود: قاعده تقرى الكرسي.....
الشوق: بعد عمري اميمتي.....وصلت الباب.....
عنود: قاعده تضحك لي.....مادري ليه احس وجهها منور.....
الشوق: هذي حلوة المبسم امي......وقفلت التلوف....
وفتحت الباب وبصراخ: يماااااااااااا
الام وبصعوبه: بنتي...ضناي...ومسكت يدها....
الشوق وهي دافنه راسها على السرير .: يماااا.......فقدتكي مرررررة.....وينك عن بنتك حبيبتك....
الام: كم لي هنا؟؟
الشوق: شهر...
الام قطب جبينها: وولدي؟؟......شفتيه؟؟
الشوق: مالقيناه مسافر بس لاتفكري كثير......
الام تلمس عقدها وتلقاه: يمى وليدي.....احس بريحته قريبه مني.....وينه يما؟؟
الشوق تقطع قلبها: ابوي الحين يجي.......كلمته عنود.....والكل الحين يجي جدتي والعوايل كلها بتجمع.....يما رجعي لنا زي قبل ........
الام مسكت يدها: يما...........شدي حيلك.......
الشوق طالعت امها بأستغراب......
الحين.....هشام هل سينجوا والده ويعود؟؟
الام هل ستشفى.؟؟وعاشق هل سيظهر؟؟
فيصل والصدمه الجديد؟؟
والبقيه...
نهايه الجزء الخمسووووون
الجزء الواحد والخمسوووووون
وكانت الشوق تناظر لامها مو مصدقه كلامها.........
الشوق: يما.........ليش اشد حيلي؟؟؟
الام: واذا شفتي عاشق سلمي لي عليه وقولي له مسامحته وقلبي راضي عنه بس لا يحزن هو.....
الشوق بصراخ: يماااااااا.......لاتقولي ذا الكلام.......انشالله بتشوفينه وبتسامحينه بنفسك......وتقعد تصيح امها تكلمها كلام مودع.....
الام: بنتي.....ابوك طول...
الشوق تقوم وتناظر للباب....انشالله الحين يجي.....
ظلت تناظر لامها وهي تصيح وتشهق من كلامها......الا وابوها داخل.....
ابو عاشق جلس عندها: الف حمدلله على سلامتك يالغاليه.......ليه الدلع هذا تخبريني ماتحمل بلاكي.....
الام ظلت تطالع للشوق......عرفت الشوق انها تبغاها تكون برى,......راحت برى وهي ترجف وحاسه ببرد ماتدري ليش......ظلت ربع ساعه.......وطلع ابوها يمسح دموعه بشماغه......
الشوق: يبااااا....ليه طلعت من عند امي؟؟؟؟
الاب: امك تطلبك الحل يابنتي....
الشوق شهقت.......وهذا اخر عهدها بالحيااااااااه.....
كان اسبوع صعب على الكل.....
جو اخوان ابو عاشق واخو ام عاشق اللي بالخارج......والتمو ناس على العزى.......الشوق ظلت بالمستشفى ومعاها انهيار عصبي وبعد الاسبوع قدرت ترجع للبيت........
ام سعود ظلت معاهم لين تعبت........وابو عاشق جى يومين هو وهايدي ورجعوا.......
سعاد ظلت على اتصال بهشام وهو الوحيد اللي كان يواسيها ........
ماجد ثاني يوم العزى طلبوة الخدمه المدنيه لوظيفه بالخبر........فسافر هناك وماعزى الجوهره والشوق
والجوهره وقف معاها عماد باكثر مماتصور.......
الجده نقلت باقي اغراضها وقررت انها تسكن عند ولدها وبنتاخها......
وكذا مر كمان اسبوعين.......وبدت العائله تفيق من الصدمه رغم حزن ابو عاشق وبناته العميق الا انهم بدو ينخرطوا مع الحياه مره اخرى.........ومن المستحيل ان أحدأ ينسى القلب الرحيم الذي فقدوة........
واليوم متوقعين عوده هشام......مع ان سعاد عرفت انه ماراح يخبرهم ......راح سعود يسئل بالحجوازت ولقى اسمهم بقائمه العائدين......انتقل الكل لبيت ابو هشام.....لان سعاد دعتهم وهي ناويه تعمل عزيمه مصغره لابو هشام.......تحمدا بالسلامه لعودته.....
أول مادخلت البيت ومعاها الخدامه اللي من اسبوع وصلت.....فتحت كل الابواب والشبابيك....مع انهم امس مرتبينه......ودخنت البيت كله بالبخور ......واشعلت الاضواء وبغرفتها نثرت مجموعه ورود ذات رائحه عطره.....اما غرفه عمها فخافت انها تبخرها بكثافه لايختنق ولا موزين لصحته.....ففتحت الستاير والشبابيك وتركتها تهوى.....
على صلاه المغرب......كانت بدت تحمم وتغير ملابسها .....لبست تنورة صيفيه لونها اخضر مايل للاصفرار وموديلاها بطبقات وحطت مكياج خفيف لانها مو متقبله الالوان والمكياج الغامق.......وشعرها ماقصته طول فجعدته وردته لورى عامله تسريحه روعه.....ونزلت تحت لقت امها مقابله الخدامات وبالمطبخ.....
شوي سمعوا صوت ابوها طالع من برى ......يحيي ويرحب......وسعود وماجد......قلبها بدى يدق بخوف.....وكمان بحيا.......كيف بيستقبلها بعد هالفتره الطويله هذي؟؟؟هل بيهملها كأنها مو موجوده؟؟؟ولا بيرحب فيها؟؟زلا كيف........فعلا بدى الارتباك فيها.......
وشوي دخل سعود وهو يرحب......دخل وراها ابو هشام......كان ذبلان لكنه مستند على مركاد جميل ويمشي لحاله.......تريحت يوم شافته كذا......امها تغطت عنه وهي وقفت ورى امها كأنها مستحيه........
ابو سعود: ام سعود .......سعاد وراكم ماتسلمون؟؟
سعاد تدور بعينها ماجى معاه؟؟
ام سعود: الله تحيه فبيته.....خطاك السو يابو هشام.......
ابو هشام: خطاك اللاش ياوخيتي....
ابو سعود بعصبيه: سعاد....وراكي ماتقربي تسلمي على عمك؟؟
سعاد فزت وراحت لعمها وحبت على راسه: خطاك السو عمي....كفاره ذنوب انشالله...
ابو هشام بابتسامه خفيفه دليل زعل: خطاك اللاش يابنتي.....
ابو سعود: وراك واقف ياخوي تريح.....
وهنا سمعوا صوت ضحكات من برى......ودخل هشام وفيصل متأبطين يدين بعض...
سعاد بدت دقات قلبها تزيد......واتوترت .......ومسكت بثوب امها خايفه......
اول ماشافها هشام........اختفت ضحكته......وخافت هي مره .......شافت على وجهه تعبير غريب.....(يعني مافرح بشوفتي؟؟؟؟؟؟يعني زعلان علي.......ومسكت دموعها بالغصب )
ام سعود: ياحي الله وليدي هشام......الف حمدلله على سلامه الوالد......وقرت عينك فيه...
هشام وهو يختلس النظرات لسعاد: الله يسلمك خالتي من كل شر......ومد يده لها يصافحها.....
ام سعود: سعاد وراك ماتسلمي على زوجك؟؟
الكل سكت.......وهي زاد حياها زود.......
سعاد مدت يدها بتردد....: الحمدلله على سلامه الوالد.....قرت عينك بشوفته....
هشام خذ يدها بكامل كفه: الله يسلمك.....
سعاد سحبت يدها بخوف وشردت للمطبخ.......دخلت امها تأخذ القهوه ويوم وصلت لقت الرجال بالمجلس......خذى فيصل الدله.....وراح للرجال.......وبدن يشتغلن بالمطبخ واحتاسن فيه........واذن الموذن لصلاه العشى........وشوي طلعت امها فوق تصلي......والخدامات راحن لغرفتهن يصلن وهي ظلت تناظر للعشى........شوي سمعت فتحت الباب وراها
سعاد: يما اللحم استوى....تعالي شوفيه...
هشام: كيفك سعاد...
سعاد تلتفت مو مصدقه وتناظر للباب وتلف على جنب عنه: الحمدلله.....انت كيفك؟؟
هشاو وقف قبالتها: مو مصدق......انك قدامي واني اشوفك......
اتفأجأت سعاد من رده......كان حنون حتى وهي قاسيه عليه.....رفعت يدها وساندت فيها ساعدها وغطت بكفها وجهها لانها خلاص دموعها سالن....
هشام قعد يوطي راسه يشوفها....انصدم يوم شاف دموعها......ويطالع الباب يخاف حد يدخل عليهم...
هشام برقه: سعودة....حبوبه ليش الصياح الحين.....ايش اسوي انا ....اخاف احضنك يدخل علينا حد......
ارتبكت من كلمته وقعدت تمسح دموعها بطريقه طفوليه: اسمح لي........بس والله ماتحملت يوم شفتك........كنت خايفه افقدك.......مادري كيف حسيت...
هشام برقه: اشتفتي لي؟؟
سعاد: مادري......ساعات احس اني اتمنى اشوفك.......وساعات مادري كيف......
هشام: قولي انك اشتقتي لي..
سعاد: الا ميته شوق......
هشام قرب منها الا بسمع خطوات.......على طول بعد وهي تمسح دموعها....
الخدامه: بابا....بابا هشام ينادي أنتى...
هشام يلعن الساعه اللي جت بها الخدامه وبحنق يناظر لسعاد: انا مادري وش الله بلاني فيها...
سعاد تبتسم وهو يطلع .......كانت فرحانها فيه مثل الطفل اللي جابو له هديه العيد......
كانت عزيمه ولا أحلى.........يوم ودعت اهلها راحت سلمت على عمها اللي بغرفته تحت.......وطلعت فوق........وهشام سلم على ابوة ويوم جى بيطلع ناداهـ ابوة....
الاب: ياولدي اقعد ابي اتكلم معاك..
هشام: سم يبا..
الاب: ياولدي انا ادري باللي بينك وبين مرتك......
هشام باستغراب وأيش اللي بيني وبينها؟؟
الاب: يوم ماوصلتوا يوم طلعت فوق لقيت غرفتكم مفتوحه وجيت ابي اقفلها.....وشفت كل شي.....
هشام أنرعب ان ابوهـ داري.....وسكت....
الاب: ياودلي.....لك كرامه المفروض تطلقها على طووووول...
هشام انصدم: يبا انت فاهم غلط......كانت ظروف وراحت.........صدقني.....
الاب: يعني بتفهمني ان اللي شفته ........كان من غير قصد؟؟
هشام: وربي يبا.......انت شفتها اليوم......
الاب: وهذا اللي خلاني استغرب.....
هشام: يبا......انت ادع لنا بالذريه الصالحه......وكل شي زين....
الاب بتشكيك: أكيد؟؟
هشام بابتسامه: أكيد.......
يوم طلع من عند ابوة بدى التردد.....وحس انه مو متأكد......وطلع فوق بخطوة قدام وخطوة ورى.....
سعاد الصبح محتاسه تسوي فطور عمها ومسويت له خبز مخصوص.......وبيض وفول واكلات جداويه......والخدامه محتاسه معاها طبعا.......كانت لابسه دشداشه مغربيه فخمه........ولافه شعرها على راسها........وبدخله هشام
هشام: صباح الخير ( والابتسامه شاقه الحلق )
سعاد بخجل: صباح النور.......صليت؟؟
هشام عبس : ايه صليت ليه ماصحيتني للصلاه على وقتها؟؟
سعاد: رحمتك شكلك تعبان من السفر وماهان على اقومك....كيف اصبحت انشالله مرتاح؟؟
هشام بخبث: طبعا عريس لازم اكون مستانس......
سعاد ذابت من الفشله وراحت للصاله تشوف شغل فيها.....
هشام ضحك على حركتها وراح لابوة......لقى ابوة بالحمام وقف ينتظره ويم طلع سنده....بدخله سعاد و الخدامه جايبه معاها الفطور والخدامه تدفع عربه القهوة والحليب...
هشام : على الطاوله ...
سعاد: مو على السرير احسن...
الاب ينقل نظره بينهم وهو مبتسم: على الطاوله بعدني ماعجزت.....وتساند على هشام لين جلس على الكرسي الفردي....
هشام جلس على الاريكه وجابت سعاد الخبز وجلست عند جنب هشام.......الاب ارتاح من منظرهم الحميمي وعرف ان تفكيره كان خاطئ......
فطروا على ضحك وسوالف........ويوم خلصوا شالت سعاد الاكل......والاب قال انه بيرتاح.....فشال الشاي هشام وراح الصاله......سعاد طلعت تحممت ونزلت.....
سعاد وهي نازله بالبيجامه: اوووف......الواحد بعد شغل المطبخ يحتاج لحمام.....
هشام يوم جلست: شاي؟؟
سعاد: مشكور....
هشام: تدرين سعاد؟؟(وكان سرحان ويفكر)
سعاد: هلا ؟؟
هشام: انا كنت مفتكرك من البنات البويات....لاني قلت لصديق لي تخصص علم نفس ويعمل بعياده عن تصرفاتك معي ......وفسرها انه كونك عشتي ببيت كله اولاد.....ولبسك وشكلك كالاولاد.....انك منهم........وقال انك تحتاجيني لفتره طويله اكثر من اربع شهور على بال ماتأقلمي على كونك بنت اول وكونك متزوجه ولزوجك حقوق وواجبات.........وانا كنت مصدقه تماما.......لكن اتفاجأت ان سفري عنك خلاكي تشتاقين لي وترضين عني (وابتسم لها)
سعاد متفاجأه: أنا بوي......هههههههههههههههه.......انا ماتحملهم في الكليه تباني اصير منهم......ايه احب اني اكون مسترجله لكن مايعني اني صرت منهم........لانهم استغفر الله يسوون الهوايل.......ولا انا بنوته طيبونه مسالمه ......
هشام بحسد: مساااااالمه........ياعيني على المسالمه والله.........طلعتي الشيب براسي على بال مارضيتي علي يامدام.......
سعاد بخجل: مو انارضيت......وانت سامحتني......خلاص خلينا نفتح صفحه جديده.......
هشام يحط يدها على يده.........:بنفتحها انشالله......والقلب من القلب ابيض.......وعطاها اجمل ابتسامه........
وجى شهر رمضان الكريم........محملا بالخيرات وبالدعوات المباركه لمن ودعوه من الاصدقاء والاقرباء........وكان اول رمضان لناس هاجروا واناس ولدوا واناس تيتموا..........كان الافطار العام في اول يوم في بيت ابو سعود........كانت الجده وبنتها(الشوق ) والجوهره وبيت هشام الجميع مدعوا.......
ام سعود لسعاد: خلصتي التقليه يابنتي؟؟؟
سعاد: دقايق يمااا.....
ام سعود للخدامه: وزعي المقبلات كويس بالصحون....
الشوق: خلصت ترتيب السمبوسك .....الرجال رجعوا من صلاه المغرب؟؟
الجوهره: مابعدهم جو....
الجده: يام سعود......تعالي كلمي ماجد.....على التلفون.....
(من يوم ماتوظف ماجى الامره وحده خميس وجمعه.......وحتى برمضان مو جاي الا بآخره)
ام سعود طارت تسلم على ولدها: الو.......مبارك عليك الشهر يما.......وليدي (وقامت تصيح) وراك ماجيت اول رمضان من دونك يايما.....
ماجد: الشهر مبارك علينا وعليكي...
ام سعود:ياغناتي.....ليه مو جاي اليوم ولا بكره.....والله اشتقت لك موت ياوليدي...
ماجد ماسك العبره غصب: يما انا بعد أشتقت لكم....لكن مو راضيين يعطوني اجازة(يحاول يرضي امه)
ام سعود: ياوليدي.....البيت ناقص من غيرك...
ماجد: يما...لا تخليني اصيح الحين على التلفون...
ام سعود: خلاص ....سكت...كيف حالك باول يوم؟؟
ماجد: بروحي....افطرنا قبلكم هنا....بس ماكلت شي مو مشتهي...
ام سعود: لا يايما...لا ياغناتي...تغذى زين....رمضان طويل ولازم تقوى عشان تعرف تشتغل...روح عند اصحابك وافطر معهم ولا في النوادي عشان يفتحون شهيتك....اخبرك من يوم وانت صغير ماتشتهي تاكل بروحك...
ماجد : يايما وربي اني مرتاح ....(وهنا سمع سعاد تصوت على الشوق تقول لها تجهز عصير للرجال...)يماا عندكم احد اليوم؟؟
الام: العوايل كلها عندنا اناعزمتهم جميع...
ماجد: وجدتي فاطمه؟؟(يتحجج بها)
الام: وجدتك وعمك ابو عاشق والشوق والجوهره ,,أيييييه الله يذكرك بالخير ياخوي....ماناقصنا غيره...
ماجد(ياويل قلبي انا القلب بالبيت عندنا ): يما....توصين على شي بامشي...
الام: في حفظ الله ورعايته...
ماجد: مع السلامه...
ويوم قفلت كانت الشوق ماره بالعصير: من اللي على الخط خالتي.؟؟
الا: هذا نظر عيني ماجد ...
الشوق اتفاجأت وسكتت: يالله خالتي ودي العصير للرجال..
وخذت خالتها العصير
الشوق:ياويل حالي انا.......متى عبدالله بيتقدم رسمي ويريحني من هالعذاب اللي حاسه فيه.....
وراحت تكمل الشغل...ودخل فيصل بسرعه يبي فناجيل زياده ومعاه محمد.......ويدق التلفون مره ثانيه...
فيصل: الو....
هايدي: السلام عليكم..
فيصل خفضت سرعته فجأه وغاب عنه الحماس: هايدي؟؟
هايدي بدورها من سمعت صوته ارتبكت: مبارك عليكم الشهر؟؟
فيصل بدون نفس : وعليك (تذكر كلام اخوه وتلميحه انه يحبها)
هايدي(بلاه ماله خاطر): فيصل؟؟أخبارك..
فيصل: الحمدلله بخير...تكلمين الوالده؟؟
هايدي انصدمت تماما: ياريت..
فيصل :لحظه:
الام: هايدي...غناتي كل عام وانتي بخير حبيبتي..
هايدي بحزن: الشهر عليك مبارك عمتي
الام: علينا وعليك...واعليا عليك يابنتي...انتي بغربه وماجد بغربه..
هايدي: هو بعده مازاركم...معقوله بيقضي الشهر بعيد عنكم؟؟
الام: تشوفيني جنني :....انا اقوله يمين وهو يقول لي شمال
(كان فيصل يسمع وعرف انهم يتكلمون عن ماجد )
فيصل: على طول...على طول سألت عنه...ماقدرت تصبر شوي...وحز بخاطره الم فضيع..
هايدي: تكلمي عليه عمتي انا عيب احاكيه ولا نصحته..
الام: ايه..عيب تكلميه ولا خليتكي تقنعيه اعرفه يعزك مره
فيصل بخاطر: طبعا يعزها...مو غاليه عنده حيل الانسه..
هايدي : عمتي من عندكم؟؟
الام: الكل...الجوهره وعماد والشوق
هايدي تقاطعها: عماد عندكم...ناديه لي...
الام : لحظه....
وشوي ولا عماد على الخط: الووووووو
هايدي وهي فيها العبره : عمااااااااااااااد
عماد: ياعيونه وقلبه المركب بضلوعه..
هايدي: وينك اخوي.......اشتقت لك موووووت
عماد: فديت كل اللي يشتاقون لي وربي..
هايدي: مبارك عليك الشهر الغالي..
عماد: على كل الغوالي...ويناظر بطرف عينه للجوهره اللي كلت بعضها من الحيا..
هايدي: ياخوي...تعال زورنا الله يخليك..
عماد: تبشري ماطلبتي شي....انتظريني ب 19 الشهر انا والتوم....
هايدي بصريخ فرحه: الـــــــــــــــلــــــــــــــه.......أمانه بتجون...
عماد: وانا اقدر اخلي رمضان يمر بدون ما أشوفكم؟؟
هايدي: ياخوي.....وتصيح.....فديتك.....
عماد: بس....بس الا الدموع ذي وربي لا أصيح جنبك الحين.....
هايدي: لا والله ماتهون....ودي اسولف معك بس ماقدر....
عماد: وانا بعد الرجال خلصو الفطور عني......واخوك ميت جوع..
هايدي: ههههههههه يعني راح عليك الفطور..
عماد بخبث: ماهون على ام العيال اقعد بدون فطور......(هنا الجوهره قامت من الصاله وشردت للمطبخ)ههههههههههه شفتي شردت من الحيا.....يالله اختي فمان الله وديري بالك علة عمرك.....وسلمي على ابوي مع اني اليوم مكلمه....
هايدي: صار اخوي........فمان الله.....
عماد ويناظر لهم (الجده والشوق وسعاد وعمته) تسلم عليكم هايدي وتقول لكم مبارك عليكم الشهر..
الكل: علينا وعليك..
عماد: اسمحوا لي باروح المطبخ..
الكل ضحك...العمه: مسموح..
عماد عند باب المطبخ : احم احم
الجوهره: حياك...فوت..
عماد: وراك شردتي تو؟؟
الجوهره بغياظ: من كلامك اللي يفشل.......عيب استح.....عندنا الجده.....
عماد: ههههههههههه وانا ايش قلت........(وبخبث) ماتبين تفطريني؟؟؟؟؟؟؟
الجوهره تلون وجهها بالوان الطيف: انت افطرت....وانا عامله فطاير بالبيت.....واذا تبي حلويات ومعجنات هنا جاهزة.......وش تبي بعد؟؟؟؟؟؟(وتحط يدها على خصرها)
عماد يستند على الباب المقفول: اخبرك تفهميها وهي طايره...
الجوهره بققت عيونها على كلامه: انت صاحي.......البيت مليان ناس.......وربي انك مجنون.......
عماد: ههههههههه........والجنون يلبق لي........
الجوهره تروح لباب الحوش بتطلع: الكلام معك مامنه فايده.......
عماد برقه تحنن: يعني اهووووووووون؟؟؟؟؟؟؟؟انا ابو التوووووم؟؟؟؟؟
الجوهره تطالعه بنظره وتقفل الباب وراها...
عماد طالع للباب: قويه ذي.......وش وراها بنت يوسف؟؟؟؟
وطلع راح لمجلس الرجال.....
بعد صلاه التروايح والحريم يسولفن والرجال بالحوش جت سعاد رساله
من هشام
الشهر عليك مبارك...
أشتقت لك.....
وانتي؟؟؟؟؟؟
يوم قرتها سعاد ابتسمت غصب وردت
محــلا الرساله منك لاجت على شوق ..
تهزني هز الهبايب للأوراق ..
تطفي لهيب اللي من البعد محروق ..
تطفي عطش قلب على الوصل مشتاق ..
لاجت من && الغــالي && لها ميزة وذوق ..
مكتوبه باخلاص من كل الأعمــاق ..
وحطت الجوال على الصامت وهو بيدها
شوي ولا رساله واصلتها
انت تدري عن غلاك
لو عيوني ما تراك
شاغل قلبي وعقلي
وكل احساسي معاك
الوالد بيمشي للبيت.......تمشي معنا؟؟؟
سعاد ضحكت على اسلوبه وتلقائيته
وردت
أنا ابي ابات هنا......
وشوي رد هشام
شوفي برضا ي ماني سامح لك.....بتغضبيني......انتي وضميرك
سعاد نست حالها....يعني تستخدم حق النقض الفيتو
طيييييييييب
ردت
روحنا ولا ماروحنا......انا اليوم مصدعه
وجاها الرد بسرعه
بتروحين مصدعه ولا لا يكفي انك بقربي
سعاد طالعت امها
يما.....هشام يقول يلا...
الجده بهزره: بدري......كل ذا الكلام من الصبح......وغير الحين يقول لك يلا.......صدق عيال اخر زمن هه
الكل: ههههههههههههههه
سعاد استحت من حالها وقامت تلبس عبايتها....
وروحت الجوهره على الساعه 1 بالليل.....ومابقى غير الجده والشوق سهرانين للسحور عندهم..
كانت الجده عند الرجال هي بس والشوق تتكلم مع الشوق بالصاله يوم سمعوا كلام عن الشوق
ابو سعود: بس يالغالي بنتنا ماهي رخيصه ولا حنا ناسيينها عشان يقعد كل ذا الوقت بدون مايتحرك......بتمر السنه الحين على الكلام..
ابو عاشق: ياخوي انا معك بس يمكن مستحي لان المرحومه مامر عليها زمن؟؟
ابو سعود: الله يهداك ملكه على السكيتي عشان يعرفوا الناس ان بنتنا بذمه رجل...تخبر متعب ولد اخو مالك يوم خطبها رديناه ولا كان بنتنا الحين بذمه رجل
شهقت الشوق: متعب خاطبني؟؟
العمه: من متعب ذا؟؟
الشوق: قريب عهود وامها..
سعود: وانا مع كلام ابوي ياعمي...بنتنا غاليه علينا ولاهي هاينه
الجده: ياعيال لاتسرعوا...يمكن الرجل عنده ظروف؟؟
ابو سعود: أي ضروف ياخاله...وهو رجال راكز وعاقل...انشالله انا رايحين له بكره ومكلمينه...يا يتممون الخطبه بملكه...يا يتفارقون على الخير..
ابو عاشق: يارجال اخاف انا تسرعنا؟؟
سعود: انشالله انا محنا مسويين غير الخير انشالله...
العمه: الشوق...متى خطبك متعب؟؟
الشوق تهز كتوفها: علمي علمك...مادريت غير الحين..
العمه: وهو من ذا متعب؟؟
الشوق : شفته مره عند عهود وهي منومه بالمستشفى.....لكن صدق ماعرفت انه خطبني غير الحين.....
العمه: وانا كمان لازم ازور ام رعد......ابغى اشوف كان مهم ناويين يزوجوها لولدهم.......وليدي كاسر خاطري .......باخطبه له....
الشوق: بس صبري ياخاله بدري الكلام الحين....
العمه بحسره: يابنيتي وليدي يذوي قدامي وماني قادره اصبر اكثر...انشالله بكره رايحه لها وانشالله الله يقدم اللي فيه الخير....
الشوق: ياعه الصبر زين..
العمه: والله وليدي وهو على امل صغير وحالته منتهيه....أجل لا ماصار فيه نصيب (وبخوف) لاقدر الله.......وش بيصير بوليدي ياخوفي يضيع مني......وتمسك نفسها لاتصيح....
الشوق: الله يوفقه انشالله......
وهذي الليله هايدي ماباتت ....مستغربه تصرف فيصل معاها......وشحقه رد عليها بها البرود....وليه مابارك لها وحياها زي قبل؟؟
والصبح اتجهزت للدوام لانهم يدوموا زي قبل....وهي خارجه صادفت غلا عند بيتهم
هايدي بصوت عالي وهي تلوح: غلا........غلااااااااا
غلا تاشر لها: هدوووووة........وتجي يمها وينك يالدبه ليه ماداومتي امس؟؟
هايدي: مبارك عليك الشهر..أول هههههههه
غلا بضحكه: علينا وعليك.......
هايدي: كنت تعبانه ومالي خلق اداوم....كيف الدوام امس؟؟
غلبا وهي تهز يديه بقرف: أوووووه......ممل وبغيت ادوخ هناك........غير لمن جاني مشاري ووصلني
هايدي: يااااربي يالدلع وينه تروك عنك؟؟
غلا بزعل: تروك فعينك...أصغر عيالك هو؟؟؟؟؟
هايدي: بس.....بس.....ياربنا جتك المدافعه ياتروك.......ويني انا وين اللي يدافع عني الله يرزقني بس
.....:حاظرين.....
البنتين انخرعن: بسم الله
غلا: مشاري.......خرعتني تكلم طيب........وبعدين حاظرين لايش؟؟
مشاري وهو يناظر لهايدي اللي تعدل نقابها: للي يبغونا ندافع عنهم....
هايدي استحت: مشينا غلا..
مشاري: اش دعوه ياحافظ.....الشهر عليكم مبارك.....رمضان كريم.......وبتساؤل ولا حنا مالنا دعوة؟؟
هايدي بحراج: الشهر عليك مبارك اخوي.......يالله غلا الباص جىة......وراحت وهي متخرعه من جرأته الزايده.....
مشاري بعد ماراحت: وين بتروح......الله يزفقها انشالله ويجعلها من نصيب اللي يستاهلها ياااااارب..
وثاني يوم كانت لسى مستغربه من حركه فيصل وانشغل تفكيرها تماما بها وخذت جوال ابوها واتصلت على جوال فيصل اللي كان مخزن وقبل مايرفع الخط استحت وقفلته.........وظلت تلعن نفسها كيف جتها الجرأه تتصل على الولد......واتريحت ان المكالمه الدوليه تكلف وماراح يتصل........فيصل كان نايم ويوم قعد شاف مكالمه لم يرد عليها.....وطالع ولا رقم خاله........ولا قبل ساعه........فاستغرب لانه امس مكلمه........وقلبه نغزة لايكون هايدي صار بها شي.......وراح يكلمه
اول مارن
خاله: السلام عليكم..
فيصل: وعليكم السلام عمي.....كيف حالك ؟؟
الخال بتعجب: بخير ياوليدي...انت وش لونك والوالده؟؟
فيصل: كلنا بخير وعافيه...وقعد ينتظر عمه يتكلم ليه متصل..
الخال: خير فيصل بغيت شي؟؟
فيصل أتفاجأ:لا والله ياخال ...مادري عنك يمكن تبغى شي؟؟
الخال: انا...لا والله يالغالي...عسى ماشر؟؟
فيصل: لانك متصل علي وانا نايم؟؟
الخال باستغراب: أنااااا....لاوالله ياوليدي مااتصلت....وليه اتصل؟؟
فيصل: يعني انت مو متصل من ساعه؟؟
الخال يتذكر: ولا قربت للتلفون هذا اليوم...هذا مخصص للبيت...
فيصل: اسمح لي ياخال فهمت غلط..
الخال: حصل خير ياولدي..
فيصل: في حفظ الله..
الخال: في حفظه..
ظل فيصل متعجب من يكون متصل عليه...وماراح تفكيره ابدا لهايدي لانه خلاص يعتقد انها تحب اخوه...
وثاني يوم كان يزور اخته فبيتها فنادته فوق لانها تشتغل بالغرفه وباقي على صلاه العصر وقت عشان تجهز الفطور
سعاد: وينكيارجال ماتقول ازور اختي فبيتها؟؟؟؟؟
فيصل: وانا شقاعد اسوي الحين....
دخلوا غرفتها:
فيصل: فاتحه الكمبوتر؟؟
سعاد: مشغلته على الشيخ السديس حلو برمضان تحس له روحانيه..
فيصل: ممكن استخدمه(الكمبيوتر)
سعاد: اتفضل...انا بارتب الغسيل بالكبت..
فيصل فتح البرامج وقاعد يتفرج فيهم فتح المفكره لقى اسماء كثيره وارقام تلفونات وايميلات
فيصل: سعاد...ليش كل ذي الارقام والايميلات؟؟
سعاد: لان احيانا يقفل ايميلي وانا ابي ارسل ضروري فاتورط فكذا احسن.......عشان مااحتاس...
فيصل وهو يدور شاف هايدي انصدم: هايدي....هاتف ****** ايميل******.......طالع يم اخته ولا هي بغرفه الملابس طيران خذى ورقه وكتب ايميلها ويوم بيكتب رقمها دخلت اخته......بخفه خبى الورقه
فيصل بارتباك:برامج الفلاش عندك حلوة؟؟
سعاد: يعني مو مثل برامجك لكني احب الفوتوشوب لانه سهل مره....
فيصل : وهشام وينه؟؟
سعاد: مع ابوة بالشركه صار نظر عيني مع ابوة بكل خطوة..
فيصل: ياعيني ياعيني...نظر عيني....وين اللي قبل ماتداني صوته ولا تطلع له؟؟
سعاد: كنت غبيه ومافهم(بها اللحظه دخل هشام وهي ماانتبهت له واشرلفيصل انها خلاها تكلم ).....بس الحين عقلت
فيصل: يعني بتفهميني انكي عقلتي وصرتي تحبيه؟؟
سعاد: انا عقلت فعلا لاني قبل ماكنت اشوف الجانب الحلو فيه.......طيبون لابعد حد.....واخلاقه عاليه مرررره......وعلى ماسويت فيه ولا مره عايرني فاللي سويته ولا عاتبني عليه...
فيصل: لاتقولين......يعني راضيه عنه؟؟
سعاد: طبعا..
فيصل: وأيش تعتبريه بالنسبه لك؟؟
سعاد سكتت طويل(وهشام خاف): هو....دنيتي كلها....حياتي وعمري...وعيوني اللي اشوف بها العالم...
هشام: وانتي كمان...
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك