رواية مسموح يامن ملكت الروح -36
الام بعد ماراحت الشوق: يعني ياوليدي نتعبها بنصوص الليالي لولدنا.......ونشكرها بدموعها؟؟؟؟مو حرام اللي سويتها......انا ودي تحاكيها لانها مثل اختك الكبيره لكن ماتزعلها منك وانا امك.......انا اخلي جدتك تناديها الحين واستسمح منها.......سمعت....
ماجد: انا قصدي اغيضها.......مادري ليه بكت؟؟؟(هو عارف ومتأكد من سبب بكاها لكن كابر ونفسه كابرت)
وبعد ربع ساعه نادتها جدتها......
الشوق: هلا جده؟؟
الجده: ياميمتي لاتصيرين ورى الباب......اقربي جاي وانا جدتكي.....
الشوق: جده هنا انا مرتاحه........
الام: وانا خاتكي ماجد وده يعتذر منك.....
الشوق: من دون عذر انا مسامحته......هذا اخوي الصغير ياخاله....
ماجد خلاص عصب من كلمتها هذي........بعد تقول اخوي.......
الام: وهذا عشمي فيك يابنتي......عاقل ورزين الله يكملك بعقلك ويرزقك بالذريه الصالحه.....ز
الجده: اللهم امين.........يلا ياجدتي صوتي على عمك نروح......
الشوق: الحين اكلمهم.......انتي لبسي عباتك.....
الجده: انا ماماني همكم عباتي وعلى راسي......يالله يمه......
وروحوا وماجد متقطع بين الحزن والغضب عليها.......حزين ليش دموعها نزلت بسببه........وزعلان انها خلاص بطلت تحبه وتبي ذا الدكتور المتعجرف على قولته........وشلون تكلمه بكل برود وكنه من اقصى اقربائها.......فعلا قلبه بدى يخونه وبدى يحس باليأس من حبه.......
في مونتريال.......
لبست هايدي فستان زيتي متدرج لين البيج.......اكمامه طويله فرنسي.....وجاي علي جسمها بدون ضيق ........ولابسه خمار بيج وطروف الفستان والخمار مطرزه بلمعه خفيفه ومو ملفته للنظر.......وقصه الفستان مبتكره وحلوة لعمرها......ودخلت داخل عند غلا وهي تجهز
هايدي: السلام عليكم......والف الف مبروووووك.....
الام: كللللللييييييييش........الله يبارك بروحك غناتي والعقبى عندك انشالله....
هايدي بخجل: بحضورك انشالله.....
غلا: انشالله اكيييييييييييد بنحظر( بخبث وهي تسلم على هايدي)
هايدي: يالعياره ........فستاني مو حلو.......كل هالحلاه ومو حلو........
غلا: سكتي سكتي........من اللي كنه حوريه بحر جايه هاااااااااا.......
هايدي استحت: بالله.......فاضح......اروح ابدله؟.
غلا تمسكها من ثوبها: وين....وين يايبا......لاوالله ماتبدلي......ياعمي خليك اسم على مسمى.......وتناظر ......هذا ذهب ولا فالصو؟؟؟؟؟
هايدي تحط يدها على العقد: اشرايك فيه اول؟؟؟؟
غلا: بجد.......ذا عقيق حقيقي؟؟؟؟؟يعني احجار كريمه؟؟؟؟؟
(كانت لابسه عقد عقيق لونه اخضر غامق.......متموج مع لون بيج جاي رهيب مع اقراط وخاتم واسواره)
هايدي: اذا عجبك مايغلى عليك....
غلا: لاوالله مايلبسوا اعز منك......لكن فعلا احجار مميزة......
هايدي: هذا ورثته عن المرجومه امي....
غلا بحزن: انا اسفه....
هايدي: لا عادي....كل مالبسه اتذكرها مو محتاجه اسف......
غلا: عمري الحين بنطلع.....قبلها ابي أسألك وجاوبيني بصراحه....
هايدي: حبيبتي...أسألي اللي تبي......وانشالله بارد عليك
غلا:بجد بجد بدون زعل.......انتي مرتبطه شي؟؟؟؟؟
هايدي تطالعها: غلا.....ايش ذا الكلام؟؟؟؟
غلا: جاوبني ايه ولا لا؟؟؟؟
هايدي بارتباك: لا......طبعا لا......
غلا: متاكده.......احسك تحبي بشكلك وقلقك.......وهذاك اليوم يوم تفرجنا على الفضائيه السعوديه قعدتي تتنهدي بحزن وآهه مكتومه.....
هايدي بعصبيه: غلا.....وش ذا التخريف اللي انتي تقوليه؟؟؟
غلا: خلاص.....خلاص امي تنادي الحين ننزل تحت........
ونزلت غلا ووراها هايدي بخمارها ومع جنبها بنت عمهم اللي جت من كولارادو مخصوص عشان الخطوبه واهل العريس ثلاث حريم بس........جلست غلا على الكوشه وكانت هي وتركي لابقين على بعض مره.......راحت هي عند ابوها وجلست.......وابوها يعلق ويتكلم عن السياسه يعني مو مهتم مره للزفه والجو الرومانسي.......جت منها التفاته لمشاري.....كان يطالعها باهتمام بالغ........اللي لاحظته انه هو وتركي لابسين دشداشات وشمغ كنهم بالخليج....بس طالع عليهم شي مميز.........
شوي لاحظت مشاري يمشي يم غلا........همست بأذنه كلام......ناظر لهايدي وهو يبتسم......هي خافت وش ورى هالابتسام؟؟؟؟
وبعدين
مشاري: السلام عليكم....
ابوعماد+هايدي: وعليكم السلام.
ابو عماد: حياك ولدي......تفضل.....
مشاري: ابغاك عمي بكلمه راس...
جت هايدي بتقوم......لكن ابوها قالها ترتاح لانه مكان منزوي عن الزحمه وقام مع مشاري.........ربع ساعه وجى ابوها كان وجهه ينور والابتسامه ماليه وجهه.........قلبها نغزها ليه ماتدري........
خلصت الحفله....روحو الناس....وطلعت هايدي مع غلا تساعدها بتبديل ملابسها......وبنت عمها مع امها بالبيت....
هايدي: غلا....ايش قلتي لولد عمك عني؟؟؟؟؟
غلا: ماقلت شي .......(وتتذكر) ماقلت شي؟؟
هايدي بارتباك: كنتم تتهامسون وتطالعوني وتضحكو.؟؟؟؟؟
غلا تذكرت : آآآآآآآهـ......هذا قلت له انك حوريه........قال مو تو من زمان هي حوريه ودره مكنونه يكفي انها في محارتها ومحد شافها.......وبخبث أكمل؟؟؟؟؟؟
هايدي بعصبيه: طبعا......
غلا: وانشالله انا اكون صيادها واحصل على اللؤلؤة المكنونه.....وش رايك؟؟
هايدي ارتبكت: اقول...الوقت تأخر وصار لازم امشي...
غلا: وين يايبا....تو الناس....انا اسمع ضحك ابوك من هنا....خليه مستانس....
هايدي: طيب ننزل نساعد خالتي تعبت هي وبنت عمك....
غلا بخبث: اخت مشاري؟؟؟؟
هايدي تناظره وتأشر (حاله ميؤس منها) وتنزل تحت....
اول ماوصلت سمعت ابوها يناديها وروحوا.....
هايدي اول ماوصلت : يبا؟؟
الاب: سمي غناتي؟؟
هايدي: وش يبي منك ولد عم غلا؟؟
الاب باستغراب: مشاري؟؟
هايدي:أي نعم؟؟
الاب: عنهم حفل بالسفاره الكويتيه وعازميني كضيف شرف......وخصني بالدعوه المميزة وانا فرحت.......
هايدي تنفست الصعداء وعرفت ان كل شكوكها غلط: الحمدلله....بس ترا ماامشي هناك...
الاب: على راحتك......يالله تبغي شي........تعبان وابغى ارتاح......
هايدي: تصبح على خير الغالي......وحبت ابوها على راسه ومشت.....
الاب: الله يكملك بعقلك بنتي......
في السعوديه
سعاد نامت من التعب واذن صلاه العصر وماهان على امها تقعدها خصوصا انها نامت وهي تبكي.......
وجت الجوهره تسلم عليها من درت.....واصرت على عمتها تقعدها
الام:يالله يابنتي......كفايه نوم .......والله بتروح عليك الصلاه الحين....
سعاد ترفع راسها بحزن: ومتى قامت الصلاه؟؟
الا: ماجد وابوك رجعوا من المسجد...
سعاد تقعد مفزوعه وتناظر الساعه: يوووووووووووه.....ليش ماقعدتيني يماااااا؟؟؟؟
الام: ماهان علي يوم شفتك نمتى متأخر وعلى لحم بطنك من الصبح.......وبعدني توضي وصلي ونزلي بنت خالك جايه تسلم عليك.....
سعاد : لكن مو قادره اقابل حد....
الام: عيب هذي جايه ومتعبها نفسها عشانك.....
سعاد وهي توخر الاغطيه: انشالله يما.......
الام: وانا تحت اقهويها......
ظلت شوي سعاد بعدين نزلت
الجوهره: الله حيها العروس.........وتواجهها شلونك حبيبتي.....انشالله مبسوطه؟؟؟
سعاد بحزن: الحمدلله.....
الجوهره: ماله داعي الحزن......الله يعافي ابو هشام ويرجع بالسلامه......مو نهايه العالم المرض.......وتعرفين الكبار تعبهم دايم......
سعاد وكنها ارتفعت معنوياتها شوي: مشكورة....
الجوهره: وين مشكورة....وين هديتي؟؟؟
سعاد بابتسامه: ماشالله عليك......مايفوتك شي......تعالي معاي فوق مجهزتها ادري بيك.....
الجوهره تطالع بام سعود: خالتي انتبهي ع بناتي لين انزل ماطول.....
الام: باوديهم العيال بالمجلس موصيني عليهن وهذي فرصتهم......
الجوهره بحقد: بس لاحد يبوسهن بوستهن بشرهه مو بلاش هههههههههه
الام: وكل الشرهه تجيهن حلاو ومصاص وشوكلات......خلاص.......
الجوهره بخريعه: لا لا لعاد.......بلاش.......يحوسون على ملابسهم ومو جايبه لهن غيارات.....
الام تناظر لغروب اللي تضحك: ويييييييي........فديت ضروسهن لو هن بخياش يجنن.......
الجوهره تحط يدها على روس بناتها وتقرى......
الام: هو......بلاك الجوهره؟؟
الجوهره: اقرى الكرسي والمعوذات على بناتي لاينظلن.....
الام: ماشالله حولهن والله واجب .....العين ماتذكر بخير....
سعاد: وبعديييييييين.......تروني بانسى سالفه الهدايا واقعد....
الجوهره وهي تدفعها: بللللللل......ماصدقت على الله لا يما مشينا.....
وصلن الغرفه وطلعت سعاد عطر رهيييييييب بالمسك.........وميداليه بحرفها رجاليه لعماد......والبنوتات دببه وارنوبات حلوات
الجوهره: اللـــــــــــه......وربي ذوقك يجنن ماشالله عليك....
سعاد: بلا مبالغه عاد....اصلا الميداليه ساعدني فيها هشام......
الجوهره: ياعيني ياعيني......ياماما عيب هذا (وتأشر على انتفاخ بشفتها)
سعاد تلمسه: آآهـ....هذا يمكن ناموسه ماشيه علي ولا شي مخليها منتفخه كذا..
الجوهره بخبث: علينا.....هالحكي قوليه للي مايفهموا..
سعاد ظلت سرحانه بمقصدها بعدين عصبت: الجوهره......ايش هالحكي.....تراك غلطانه.....
الجوهره: ههههههههههههه....خلاص غلطانه غلطانه....
سعاد انحرجت ةتلون وجهها مو مصدقتها الجوهره ابد........
ويرن التلفون ويطلع هشام......هنا تلون وجهه سعاد فرحه...بلهفه: ألووووووو
هشام: السلام عليكم...
سعاد: وعليكم السلام ورحمه الله وبركاته (كانت صوتها مليان لهفه وشوق له مع انه الصبح عندها.....)
الجوهره انسحبت من عندها بهدووووووء.....وهي تبتسم......
هشام: كيف حالك انشالله طيبه؟؟
سعاد: كنت مو طيبه يوم سمعت صوتك طبت....
هشام ظل متنح شوي(هذا كلام جد جد ولا تمزح؟؟):..........
سعاد: هشااااام؟؟
هشام: ياقلبه..
سعاد: وصلتوا؟؟
هشام: الحين نازلين من المطار عشان كذا ماقدر اطول وباكلمك بعد ما تطمن على ابوي الليله واذا ماقدرت بكره...
سعاد: عمي اشلونه الحين؟؟
هشام: حالته طول الطريق مستقره ولا فيه مضاعفات لكنه يتنفس اصطناعي.....والله خايف عليه......
سعاد: خل ايمانك بالله قوي....انت قوي وصبور وربي بيكون معاك انشالله...
هشام: مشكوره سعاد...رفعتي من معنوياتي شوي...الحين فعلا لازم اقفل سياره الاسعاف برا..
سعاد: هشاااام....دير بالك على نفسك...مع السلامه..
هشام: مع السلامه...
هشام ماكان عنده وقت يفكر فيها.....جى الاسعاف وراح مع ابوه.....طوال خمس ساعات وهم تحاليل وفحوصات........وبعدين قرروا انه جلطه خفيفه ......ونهم لحقوها بسرعه برجله......وعطوه مضادات لازمه......والادويه على اساس اذا استجاب للعلاج مايحتاج عمليه ويستمر شهر او اكثر حسب ماتستدعي حالته.....
سعاد قفلت وظلت تناظر للجوال( انا معقوله كنت انأنيه لها الدرجه مع انسان طيب وحنون مثله؟؟؟؟شلون قسيت عليه.....شلون مافكرت انه مقطوع من شجره ولا له اهل الا الله اللي فوق ثمن ابوة وانا صرت اهله؟؟؟؟يااااااااااااه ياني انانيه وانا مو درايه........ياااااااااه كيف صبر علي والله لو واحد ثاني كان شاد شعري وفاضحني بين الله وخلقه........انا لازم اعوضه.......الله يشفي ابوة ويرجع بالسلامه........بس انا لازم اتغير داخليا قبل مايرجع انشالله ...........ونزلت تحت......
الام وهي قاعده مع الجوهره: كيف هشام وابوة انشالله بخير؟؟؟
سعاد:والله مادري تو ماوصولوا بريطانيا......ومادري اذا يقدر يكلمني اليوم ولا غير بكره؟؟؟؟؟
الجوهره: شدي حيلك حبيبتي......انتي قويه وانشالله ابوه بيكون بخير.....
الام سمعت العيال ينادوها واستسمحت وراحت للمجلس......
سعاد: اقول الجوهره(كانت متردده)
الجوهره: هلا سعاد.....بغيتي شي؟؟؟
سعاد: أ.....أ ....ابي منك طلب....
الجوهره: اطلبي اللي تبغيه انتي تامري .....
سعاد: ابي اشتري حاجات ومو عارفه كيف.....امي ماتقصر بس استحي منها وكمان اللي تختاره مايناسبني.....
الجوهره: يعني.....وضحي؟؟؟
سعاد بنفاذ صبر : مادري......المتزوجات ايش يلبسو؟؟؟؟
الجوهره بعين ضيقه : أنتي ايش تلبسي؟؟؟؟
سعاد بدون تفكير: مادري.....بدل .....بيجامات.......بنجابي.....بس؟؟؟؟
الجوهره: سعاد......هذا مزح ولا جد؟؟؟؟
سعاد: لا جد.......وربي .....
الجوهره: ماقد لبستي تنورة؟؟؟؟فستان فضفاض وحلو صباحي......وبخبث (قميص نوم)
سعاد بشهقه: جواهر......ايش هالكلام......أنا (وتأشر على نفسها البس ذا اللبس ).......
الجوهره: ههههههههههههههه..........وربي انك طيبه........شوفي.......الشوق فاضيه باخليها تروح معاك لاي مركز وهي تعرف تختار وذوقها احلى من ذوقي بكثير.......ولمن تشترن الاغراض تخبرني نلتقي هنا ونتكلم بالحاجات الثانيه........يامام يبي لك دروس عن جد....ههههههههههههههه
سعاد: يعني اشلون؟؟؟؟؟انا بعد بكره او بعدو بالكثير باروح للبيت......واذا ابغى اشتري شي اجيبه بكره انشالله.....
الجوهره: لحظه.......وتتصل
الجوهره: الووووو الشوق....
الشوق: هلا جواهر (اخفت حزنها من الموقف اللي فات عشانها)
الجوهره: بكره وراك شي؟؟؟؟
الشوق: بس ازور امي الصبح انشالله,........ليش؟؟؟
الجوهره: اجل العصر ابغاك تروحين مع سعاد......تبي شويه حاجات اخبرك فيهم المغرب انشالله........لاني ابي اتعشى عندكم.....
الشوق: صار انشالله....انا فاضيه لها.......لكن من يجيبها؟؟؟
الجوهره: اكيدسعود....
الشوق: صار اجل فمان الله.....
وتناظر لسعاد: اتجهزي العصر بكره انشالله...
سعاد: ولكن ليه سعود اخاف يرفض....
الجوهره: ياسعود يافيصل ولا ماراح تروحك معك الشوق ولا تسألي ليش؟؟؟؟
سعاد باستغراب: انشالله.......بس ظلت تسأل ليش؟؟؟؟؟
الحين
هشام هل بتتحسن حاله والده؟؟زعلاقته مع سعاد اشلون؟؟
الشوق هل بيتم ملكتها على د.عبدالله...وامها بغيبوبه؟؟
فيصل وهايدي ومشاري ؟؟الى اين ينتهي المثلث؟؟
نهايه الجزء التاسع والاربعون
الجزء الخمسوووووون
هايدي كانت فاتحه النت وتكلم صديقاتها اللي بالسعوديه.......وجتها رساله من الشوق تخبرها ان سعاد وصلت اذا بتكلمها....على طول ودعت صاحباتها واتصلت عشان تكلم سعاد
واتصلت اول مره لين قفل الخط.....محد
وثاني مره جا الرد
هايدي: الوووووو
ماجد: الو....مين؟؟(كان الصوت بعيد ويقطع)
هايدي: السلام عليكم بيت ابراهيم ال....
ماجد: ايه نعم اختي من معاي؟؟
هايدي: انا هايدي...انت سعود؟؟
ماجد: هايدي....كيف حالك وينك يالدبه كل ذا ولا الو ولا اتصال؟؟
هايدي: ماجد؟؟
ماجد: اجل فيصل طبعا ماجد..
هايدي من قال اسمه ارتبكت: يالدب.......لاتخرعني قال فيصل قال...
ماجد: كيف خالي وشخباره وكيف الديره هناك والبنات اكيد شقر وحمر وصفر هههههههههههههههه
هايدي: الا وخليجيات بعد.......صاحبتي الكويتيه منخطبه من يومين بس....
ماجد: ماشالله العقبى عندك انشالله بس تعزمينا......
هايدي: المهم توصلوا انشالله.....
ماجد: لا انشالله الا احضره ملكتك بعد كم هايدي عندنا؟؟
هايدي فعلا حزنت من كلامه وطيبته وان فيه حد مهتم فيها وقعدت تصيح..
ماجد: هايدي؟؟انتي تبكي؟؟
هايدي: والله مو بيدي الغربه صعبه وتشهق غصب...
ماجد: لاحول ولا قوة الا بالله......اختي لا تبكي والله اصيح معاك ترى حتى لو شفتي دب وماافهم بس حساس.....
هايدي تبتسم من ورى الدموع: ماتبطل سوالفم يامجود..
ماجد نغزة قلبه من اسم الدلع: وبعدين تبيني تضيعين السالفه وماترسلي لي وحده شقرى من عندكم .....
هايدي: بس اطلب تبي حمرى ولا شقرى؟؟
ماجد : الا حمرى وياريت تكون بيضى وحلوة ومو طويله خبرك اخوك قصير ههههههههههههههه
هايدي: طيب هالمواصفات عندكم...
ماجد: والله.......بس قول من هي وانا اروح اخطبها.....
هايدي: هههههههههههههه الا مستحيل تخطبها وان خطبتها انت مستحيل هي ترضى فيك.......انا ارعفها زين.......
ماجد: وبعدين عاد شوقتيني من ذي اللي ماترضى فيني لاجيبها الارض واطيحها بنظره من عيوني.....
هايدي: واخبرك غزلنجي مو محتاج تقولي.....
ماجد: وبعدين هايدي من هي ذا البنت؟؟
هايدي: بنت خالتي الشوق......هو فيه برقتها ولا حلاوتها......
ماجد ظل ساكت.......في هذي صابت..
هايدي: وراك سكت؟؟
ماجد: وليه ماترضى فيني بالله ناقص يد ولا رجل ولا على راسها ريشه؟؟
هايدي: الله يهداك بس...وحده اكبر منك وتخبرك يوم جيت كيف تخطبها انت وهي كيف بترضى لك؟؟
ماجد مسك الغصه بحلقه غصب(حتى هايدي تفكيرها كذا.....مالوم الباقيين): انتي نسيتني ايش تبغى داقه حد معين؟؟
هايدي: تشوف ماشالله عليك تاخذ الواحد بالحكي....الشوق خبرتني ان سعاد جت وبغيت اسلم عليها وابارك لها..
ماجد: لحظه شوي...
ماجد :يماا.....
الام: خير ياولدي؟؟؟
ماجد: سعاد وينها؟؟
الام: مشت مع الشوق السوق وداهم فيصل...
ماجد: بعد الشوق...محوطه فيني من كل مكان وتباني انساها....صدق قاسيه...
ماجد: الو هايدي....مشت الشوق.......بالليل كلميها...
هايدي: انشالله...مع السلامه...
ماجد: في حفظ الله...
الشوق وسعاد بالسوق.....الشوق اختارت لها تشكيله دشداشات بيت مرتبه وتصلح للصبح و للاستقبالات.......وراحت للصنادل وطقمت عليهن وبعدين لفستانيين سهره.....ومجموعه تنانير طقم وموزع......وحتى البياعه ماقصرت ظلت تساعدهم........وراحت لقمصان النوم والارواب .......برغم تردد سعاد الا ان الشوق اختارت تشكيله من نعومي اللي نازله جديد.....حتى اسعارهم عاليه بس كان ماجد جايب لها مصروف من هشام وكان مغطي كل التكلفه......وبعدين راحوا لفساتين بيتيه حلوة كنها للاطفال بس هي للكبار على الوان قوس قزح وكانت شباحي كلهم وخذت لهم الشوق كم ايشارب وصنادل ناعمه باصبع تطقيمه واخر شي الاكسسوارات.........ظلوا حوالي 5 ساعات بالسوق وبثلاث مراكز بس..........اخيرا اتصلن على الجوهره وقالن لها تقابلهن بالبيت..........
سعاد وهي تنزل الاغراض بالغرفه : أوووووووووووف ........كني اجهز من جد وجديد........
الشوق: حرام عليك انا اللي ظهري انكسر وانا اقيس واختار احس اني ابي انام........تعبت تعب ماصار.....
الجوهره وهي تجلس بناتها على الارض وتعطيهن العاب: ماشالله عليكن ماقصرتن
(وتجي تطلع بعض الاغراض......طلعت تنورة موديلها غريب ( : اللـــــــــــه هذي كيف اخترتنها احسها بتجي جنان عليك سعاد......
سعاد ترمي الجكيت حقت بدلتها وتلبس من فوقه الطقم: فعلا حلو......بس مو كنه واسع شوي؟؟
الشوق: لا والله جاي تمام........حلاته يكون مريح عشان المشي......
الجوهره : وفستان البيت ذا ذا لبسيه........
لبسته سعاد وطلعت كنها طفله فيه : اشرايكم؟؟
الجوهره+الشوق: الله......رهييييييييييب بس كيف جاي خصره نازل؟؟
سعاد: لا وانتي الصادقه انا القصيره
الشوق بحيا: مو كنه عاري لحاله؟؟انا مدري كيف شريته؟؟
الجوهره: حبيبتي...عاري عند اخوانها لكن زوجها عادي مو عاري ولا شي...وبعدين سمعي مني اللي باقوله سعاد (سعاد جلست بالفستان على الكرسي تسمعها....)لمن يجي زوجك من برا وتكوني بالمطبخ ماتطلعين بمريله الطبخ لا.....علقيها وبعدين غسلي يديك وطلعي له هذا اذا جى فجأه.........لكن على موعده تخلصي طبخ بدري وتحممي وتبدلي......ماقول تكوني سبور.......لكن كوني مرتبه......وانا جبت لك تشكيله ادوات مكياج اعلمك عليها ......
سعاد: عندي ماله داعي..
الجوهره: بس هذول احسن....وبعدين مو لين نعستي تنامي لا....وظلت تشرح لها عن العلاقه بين الزوجين.......كانت جريئه وصادقه وهدفها تعليمها........الشوق استحت من كلام اختها وشرحها ونزلت تحت.....وسعاد تلون وجهها بكل الوان الطيف وبالاخير ........هااااااااا فهمتي كل اللي قلته لك؟؟
سعاد بحيا: يعني...
الجوهره بنفاذ صبر : لي ساعه ونص وتقولين يعني......تراي تعبت وبناتي نامن......يالله نروح تحت......
سعاد: بس ارتب الاغراض بالكياس ونروح تحت.......
طول اليوم هشام ماكلمها وماتدري كيف تكلمه.......تعرف تكاليف المكالمه الدوليه عاليه.......وهي لانها نشأت ببيت بسيط عارفه هالشي ومتعوده عليه........قررت انها ترسل له رساله
وكانت الرساله
أكتب شقا على بيض الاوراق ..
وأرسم من الواقع بدمعة حزينة..
وأرسم خيالك في نظر عين مشتاق..
وأسري بطيفك بس ويني ووينك ..
وأسري مع طيوفك على حر الأشواق..
وأحن لك وأشتاق وأذكر حنينك..
وظلت تحت حوالي ساعه ويوم مارد عليها زعلت وراحت تنام.......
حوالي الساعه 11 اتصلت هايدي تدور سعاد......
وكان فيصل توة راجع من عند صديقه
هايدي: الو...السلام عليكم...
فيصل تنح هذي هي؟؟
هايدي: فيه حد على الخط؟؟
فيصل: وعليكم السلام..
هايدي من سمعت صوته ماتحملت قفلت الخط......كانت مستحيه منه مره خصوصا بعد الموقف الاخير وجرأته بالكلام...
فيصل ظل يناظر لسماعه التلفون شوي: جبانه.....(وبعصبيه وبصوت اعلي وبغيظ) جباااااااانه
ماجد: من اللي جبانه فيصل...تكلم روحك؟؟
فيصل: هه...لا محد...(اتفأجا من ماجد وكان يهابه)
ماجد قعد يطالعه كنه يتفحصه.....وناظر للسماعه اللي بيده.....وله: فيصل؟؟؟؟؟من تكلم؟؟؟؟؟؟تغازل؟؟؟
(وبحركه سريعه خطف السماعه وحطها على وذنه لكن محد......
ماجد: من اللي كان على الخط؟؟
فيصل: محد......
ماجد: فيصل؟؟؟
فيصل: أووووووووف........قلتلك محد......
ماجد خذى السماعه وحطها مكانها......وعلى طول رن التلفون.......ماجد يناظر لفيصل المرتبك:ارفع السماعه؟؟
فيصل: مابي؟؟
ماجد: فيصل قلت لك رد.....
فيصل بصراخ ونفاذ صبر: قلت لك مابي.....اوووووووف........وطلع فوق
(من لف على الدرج جلس يتسمع الحوار)
ماجد: الووووو
هايدي: السلام عليكم (ارتاحت انه مو فيصل )
ماجد: مين.......هايدي(ويناظر للدرج )
هايدي: ماجد......وينكم انقطع الخط تو...
ماجد: آآهـ.....جبانه......كيف حالك
(فيصل اتوتر يوم سمع كلمه جبانه.....)
هايدي: وين سعاد؟؟
ماجد: نامت والله كانت تعبانه من اللف على الاسواق.....
هايدي: حليلها مو مثلي ماالقى اللي يعجبني الا بطلوع الروح....
ماجد: الله يكون بعونك......اقول مافكرخالي بوحده من هالمزين؟؟
هايدي: لا ابوي وفي لامي......تصدق عنده سكرتيريه تقول ممثله سينما أنا أستحيت من نفسي يوم شفتها....
ماجد: لاماشالله علك جمال ودلال وغنج ....
(فيصل اللي مايسمع الا كلام ماجد تفرقع من الغيظ........يتغزل بها بعد)
هايدي: اشوفك تزوغ بالحكي ايش عندك؟؟
ماجد: عندي ناس تقول جبانه للسماعه بس ومادري ايش السبب....
(فيصل مسك قلبه الحين تقول له السالفه اللي مره (سالفه التلفون والقلوب وعمليه التبادل ههههههههه))
هايدي ارتبكت (يقول جبانه ): ماجد....كيف اكلم سعاد الحين؟؟
ماجد: كلميها على جوالها..
هايدي: وانت الصادق كيف مافكرت عطني هو.....
ماجد: 055*******
هايدي: صار......توصي على شي؟؟
ماجد: سلامتك....
هايدي: مع السلامه...
ماجد: في حفظ الكريم.....(يوم تأكد انها قفلت ) ياحياتي وعمري وحبي.....
(تخيلوا شكل فيصل من سمع هالكلام.........حياتي.........يعني ماجد يحبها؟؟؟؟؟؟؟زانا اقول قفلت بوجهي اليوم؟؟؟؟؟؟وماردت على هذاك اليوم........معقوله هايدي وماجد......والله ويلبقوا على بعض.....ماجد اوسم مني بكثير.....واكيد راعي كلام ولسانه ينقط عسل مو مثلي الغبي ماعرف حتى ادلع بنت.....قام وهو مهموم على الاخر من كلام اخوة)
ماجد ضحك على الحركه اللي سواها........عارف ان اخوة يسمع وبغى يناكده بس.....
ومر يومين بدون مايتصل هشام وقلبها بدى ياكلها....وقالها لها ماجد انهم يمروا على البيت (بيت هشام ) عشان ترتباغراضها وتنظف البيت.....
خذت معاها الخدامه وخدامه الجوهره ........وراحوا البيت......
اول مافتح ماجد الباب حست بوحشه كبيره........شكله كئيب من دون اهله.......الخدامات راحن يرتبن الغرف
سعاد: ماجد تعال معي.....
ماجد: يابنت الحلال وين اروح عيب.....
سعاد: تعال معي ولا مااطلع.......
ماجد يلا.......
سعاد: افتح الباب هذاااااااك........شوف فيه حد؟؟(واشرت على باب فيولا)
ماجد: سعاد مايصير عيب....
سعاد: هذا مو بيتي؟؟
ماجد: الا....
سعاد: اجل فتح الباب؟
ماجد راح وفتحه: هاااااا.......محد هنا......
سعاد : أأأهـ الحمد لله........تعال معي لجناحي...
ماجد منحرج: سعاد ماله داعي....
سعاد: عاااااادي تعال........
ودخلوا مع بعض الغرفه.........اول مادخلت سعاد انصدمت من الاغطيه اللي تذكرت انها مو شايلتهم.......ومن نظره ماجد لها عرفت انه فهم
ماجد: انا باطلع الاكياس اللي تحت.....ونزل تحت.....
سعاد: اهـ......انا أيش سويت؟؟؟؟؟؟وكيف نسيت الاغراض ولا رتبتهم؟؟؟؟
بسرعه نفظت هالفكره وهي تفتح شنطته هشام اللي على شكلها ماخذ منها ثلاث غيارات بس......
فتحت اول دولاب.....لقت فيه بيجامتين وكم ثوب وتحت احذيه رجاليه عرفت ان هذا كبته........خذت الملابس وقعدت تعزلهم اللي للغسل واللي بأكياسه ترتبه........وظلت وقت وهي تحارب دمعه بتنزل من عينها غصب.......ولا يوم شمه ريحه عطره........خلاص صاحت غصب وهي تلاوم نفسها اشلون قدرت تقسى عليه.........
دخل ماجد وماحست عليه : انا مستغرب شي واحد..
سعاد وهي تمسح دمعتها بطرف يدها: خير؟؟
ماجد: انسان طيب مثل هشام.......ماتستحقيه انتي.......واللي مستعجب منه انه صابر عليك ومتحملك........(وبعصبيه ) انا نازل الحين ساعتين بارجع اخذك.........
سعاد بعد ماطلع : هو الصادق.......واحد مثل هشام طيب وصبور مو انا اللي استاهله.......لكنه اختارني.......وصبر علي (وبابتسامه أمل) وبأعوضه انشالله .........
وهي مشغوله بترتيب الملابس رن جوالها......ماهتمت اول لكن يوم طول الرنه.......طالعت الرقم : الوووو
هشام: الووو.......سعاد......فينك ياحبيبتي ماتردي على التلفون؟؟
سعاد: هشاااااااام.........وينك لك ثلاث ايام ماتكلمني ليه؟؟
هشام: اسمحي لي كنت مشغول مع ابوي........الحمدلله يتجاوب مع العلاج زين اليوم بس قريت رسالتك.......ماتدرين كيف ردت فيني الروح......
سعاد بحيا: انا اعرف تكلفه المكالمات الدوليه قلت رساله اسهل.......
هشام: يابويا ولا رساله ولا شي اتصلي متى مابغيتي بس ياريت على الساعه 3 او 4 العصر......
سعاد : المكالمه تكلف وليش 4 العصر؟؟
هشام : مالك دخل بالكلفه انا اللي ادفع انتي بس كلميني......و4 لانه يكون بتوقيتنا 1 ونكون خلصنا جلسه العلاج .....
سعاد: وابوك في المستشفى؟؟ولا برى؟؟
هشام: لا بالمستشفى اسبوعين كمان......وبعدين بناخذ شقه ويتردد عليهم لين ينتهي علاجه انشالله بس انتي ادعي.......
سعاد: الله يوفقكم يارب......تدري اني فبيتك الحين...
هشام بعصبيه: بيتنا.....ولا مو حاسبه بيتك؟؟
سعاد : ياعمري زعلت...الا بيتي ونص....
هشام بلهفه: صحيح؟؟
سعاد : ايه وربي بيتي انشالله ...
هشام بنفاذ صبر لاااااااا..........قصدي انتي قلتيها ياعمري........يعني صدق.......انا........يعني عمرك؟؟
سعاد استحت.......لان الكلمه طلعت عفويه : هشاااااااام........وراي شغل كثير........توصي علي شي؟؟
هشام: ماراح استسلم.....انشالله بتقولينها لي يوم من الايام.....سلامتك ياعمريييييييي
سعاد :اقفل؟؟
هشام: في حفظ الرحمن قفلي........
سكرت سعاد وهي تطالع له وارسلت
نزلت دمعه مني مجبوره..
سالتها ليش مقهوره؟؟
قالت غاب عني حلو الصوت والصوره...
هشام اول ماقرى الرساله فرح ورد عليها
فديت من كان لغيابي يعاني..
فديت أنا ممشاه وخطاويه..
د ماني بقاطع رجاه لو دهري || جفـــــــــاني ||..
هو تاج راسي وبعيني اداريه..
شوفته تسوى كل عمري وزماني..
وجرحه بدموع عيني اداويه..
سعاد استانست وردت
كل أحاسيسي تبيك
والعين تتمنى لقاك
دقـات قلبي تناديك
ياليتني جالس معاك
هشام طالع الرساله مبهوت وأتصل عليها
سعاد : هشام..
هشام: صدق اللي بالرساله ولا مجرد كلام؟؟
سعاد : هشاااااااام متصل عشان ذا السؤال.......مع السلامه......وقفلت الخط
هشام ارسل
كابر قد ما تكابر..
أنا معك متحمل وصابر..
وأعرفك أكثر من أحساسي تجاهك ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك