رواية مسموح يامن ملكت الروح -35
جلست على الكنبه اللي جنبه وكانت طويله.......زهشام صب لها كاسه شاي وقدمه لها..
سعاد: تسلم...
هشام: تحبي الافلام البوليسيه ولا اغيره؟؟
سعاد: الا اموت فيها حلوة وتفك الغاز......
ظلوا دقايق ساكتين.......
هشام بتردد: سعاد...
سعاد وهي تطالع الفلم: ها...
هشام: انتي صادقه قبل شوي؟؟
سعاد تناظره: متى؟؟؟
هشام: لمن قلتي انك بتقعدي لاني حلفتك بشي غالي؟؟
سعاد طالعت شوي: هشام...انا اقول البطل هو اللي قتل البنت صح؟؟
هشام عصب حيل بس سكت: ايه انا كمان اعتقد كذا...
ظلوا نص ساعه .....بعدين اتمددت سعاد وهي تتابع الفيلم.....وشوي كانت نايمه.........هشام ماأنتبه لها....ويوم خلص الفيلم ناظر لها
هشام: خلص....رهيييييي...ويناظر لسعاد......سعاد....انتي نمتي؟؟
سعاد: .........
هشام قرب لها: سعاد....سعاد....
سعاد: هه....
هشام: قومي نامي فوق....مو حلوة نومتك هنا...
سعاد قامت بثقل تجر شرشفها.......وهشام شال الشاي وداها المطبخ.......يوم طلع فوق.......لقاها على الكنبه......ضحك على طبعها اللي ماغيرته حتى ةهي نعسانه.......وتحمم ونام على السرير........
بيت ابو سعود
ام سعود تتصل على الشوق حوالي وحده بالليل..
ام سعود: الوووو
الشوق بنعاس: ايوة...
ام سعود: بنتي الشوق...(وصوتها مبين فيه القلق..)
الشوق وبعدها مااستوعبت: مين؟؟
ام سعود: خالتك مريم...
الشوق: خالتي....خير ...وتناظر للساعه....عسى مافي شي؟؟
ام سعود بخوف: وليدي احمد مسخن....وحرارته مرتفعه حيل..
الشوق: عطيته ادول؟؟
ام سعود: ماخليت شي........بالله تجي هالوقت المستشفيات مقفله والطوارئ مامنهم فايده.....
الشوق: خير خالتي..
ام سعود: ارسل لك واحد من العيال مع الخدامه..
الشوق بسرعه :لاا....قصدي.....خالي هنا وابوي اجي مع واحد منهم...
ام سعود: بس تعب عليهم.....
الشوق: بالعكس.....يالله خالتي يادوب ابدل واجيكم.....وقفلت من عندها
جدتها الا مشت معها وابوها وعمها كلهم جو........
ام سعود وهي تسلم على الجده لان الشوق استسمحت وطلعت لاحمد: الله يسلمك ياخاله ماكان له داعي تعبين عمرك وتجين.......
الجده : والله ماكان ودي اجي......بس خوفي على بنيتي بها الليل هو اللي خلاني اجي.....
ام سعود: أفاااااا......ليه حنا غرب؟؟
الجده: يابنتي وربي مهو غرب......بس لاتنسي يبتك كله عيال ماشالله.....وانا بنتي مزيوينه وتتطيح الطير من سماه....
ام سعود: ياخاله وش ذا الكلام.....والله بنتك ماعليها كلام حلاه ودلال وعقل......بس مثلك خابر ازود عنهم بالعمر....
الجده بزعل: واذا ازود عنهم.....الكبار مهو عيب......امي يومها اعرست على ابوي كانت اكبر منه بسنتين ولا عيبها شي ولاتزوج عليها........افا ياذا العلم......الحين لو حد من عيالك خطبها ودك ترفضين؟؟
ام سعود: افا ياخاله بس يطلبوا هم.......انتي شفتي سعود وده ببنت معينه وماجد ياعالم متى بيفكر يتزوج حتى.....لكن صدقيني ياخاله لو طلب بنتي الشوق ماودي اوقف بوجهه......
الجده: خلينا من وجع ذا الراس بنتي عيالي لاتودين لهم قهوه مو بزين بذا الليل.......ودي لهم حليب وليته دافي......
ام سعود: هههههههههه.......يالفشله وش هالكلام خالتي.......عييييييييب....
الجده: وانا حلفت ورى الحليب مايذوقوه الحين.....وجيبيه عندهم ودي اقعد اسولف معاهم....
ودخلت على العيال اللي كان عندهم ابو سعود وسعود
الجده: السلام عليكم...
قاموا كلهم ورحبوا بها وعيت الا على زوليه تقعد......وقعدوا الكبار حدها وسعود قدامهم....
وظلت تسولف معاهم عن ماضي زمانهم .........وشوي ولا ام سعود داخله عليهم بكاسات الحليب وهي مستحيييييه.....
خلف خذى الكوب: يعطيك العافيه اختي.....وجلس يشرب ولا كن فيه شي....
ابو سعود: افا ياذا العلم....السموحه العيال (الرجال) .....ام سعود....زوش ذا؟؟
الجده: خلها عنك.......انا قلت لها..
ام سعود: منك لعمتك......انا مالي شغل......وطلعت برى..
ابو عاشق: يماا؟؟؟؟ انا ماشرب الحليب ابد...
الجده: ولي عليك ياوليدي لييييييييه؟؟؟؟؟؟
ابو عاشق: ماني بمتعود.....
الجده: لا ياوليدي......انشالله انك غير تشربه.......
سعود نقع من الضحك على شكل ابو عاشق وهو يشرب الحليب ويوم دسم شاربه.........شكله جناااااااااان......
الشوق اول مادخلت على احمد
الشوق: احمد حبيبي كيفك؟؟؟؟؟
احمد بصوت واهن من التعب: تعبان...
الشوق: ياقلبي على التعب....جعله فيني ولا فيك...حبيب قلبي انت ...(احمد حوالي 8 سنين عمره)
احمد: راسي يعورني...
الشوق وهي تحط مقياس الحراره بابطه: ووين كمان يعورك؟؟
احمد: وهنا(ويأشر على بطنه)
الشوق تناظر للحراره38ونص مرتفعه: حبيبي متى اخذت الدوى؟؟
احمد: الحين...يوم دق الجرس...
الشوق مسكت يده كانت نار : طيب حبيبي لاتحرك انت....
دخلت حمام الممر لان غرفتهم مابها حمام ......وملت البانيو ميه بارده شوي....ورجعت لاحمد
الشوق: احمد حبيبي لو اطلب منك طلب توافق؟؟
احمد: اكيد..
الشوق: خلني اساعدك ترمي ثوبك هذا....باوديك الحمام عشان تحمم..
احمد بضيق: بس انا مابغى..
الشوق: حبابي انت...حرارتك عاليه حيل...ولا مستحي مني...عادي اذا مستحي قول..
احمد: انتي طيبه لا مو مستحي....وساعدته ورمت ثوبه ويوم جت بترمي الفنيله عيا.......وخلته على راحته......ورمت هي عباتها.....وكانت لابسه دشداشه نص كم....ورمت النقاب وتركت الشيله عليها.......وراحوا الحمام...
الشوق وهي تساعده: انتبه المي بارد...
احمد: لا ماخاف....بس يوم بغى يقعد تضايق من بروده المي..
الشوق: خلك قاعد....(وكانت بتكلمه عشان ينسى بروده المي ) قول لي....تدرس..
الشوق: وباي شنه؟؟
احمد: خلصت اول وجبت ممتاز..
الشوق: ماشالله على حبيبي الشطور...
احمد: وانتي؟؟
الشوق باستغراب: وانا ايش؟؟
احمد: خلصتي اول؟؟
الشوق ماقدرت تمسك الضحكه: ايو....من زمااااااان......هههههههههههه
احمد: وليه تضحكي؟؟
الشوق: لاني يوم خلصتها ماكنت انت جيت..
احمد: وليه؟؟
الشوق: لانك .....وبلشت شتقول........لانه الوالده ماحملت فيك الا بعد ماخلصت........اممممممممم........يوم خلصت دراسه كلش.....هذاك الوقت امك حملت فيك.....
(كانت جالسه القرفصاء عند البانيو وتحرك المي على جسمه الصغيرون........وهو يلعب بالبطه اللي بالمي)
احمد: طيب.......كيف امي حملت فيني؟؟؟انا ماشفتها حامل؟؟
الشوق: ههههههههه.........لانها بعدك ماخلفت احد.....انت كنت الصغيرون.....كيف الام تحمل هاااااااا.......وقعدت تفكر........
انت تعرف رب العالمين صح؟؟؟
احمد: الله....
الشوق: شاطر....ربنا ياحبيبي سوى معجزات كثيره ومنها معجزة الحمل يالغالي....انت تعرف ان بابا يحب ماما....صح...
احمد: صح....بابا يحبها كثير...
الشوق: ولا صار الزوج يحب زوجته ....يكون ناتج الحب...اطفال....يعني 1+1=2.........زوج وزوجه يساوي اطفال...
احمد: اممممممممممم.......يعني انتي ماتقدري تجيبي بيبي؟؟
الشوق اتكدرت لكنها ابتسمت: طبعا لا....لانه انا مو متزوجه....
احمد: وليه ماتزوجي؟؟
الشوق: انشالله....قريب اتزوج....انا الحين مخطوبه وكم شهر انشالله ونسوي عرس وحفله وتنبسط انت فيها...
احمد: الله....واكل كيك وحلاو؟؟
الشوق: هههههههه......وتاكل كيك وحلاو...
احمد: لعاد انشالله بسرعه تزوجي.....بس؟؟؟؟؟؟؟؟مين؟؟؟
الشوق: واحد ماتعرفه.....نشتغل مع بعض بالمستشفى....
هنا سمعوا صوت مفاتيح وقعت على الارض........
الشوق فزت: بسم الله........حد هنا.......ووقت عند الباب وهي حاطه لثام على وجهها...
(ناظرت شافت ظهر واحد نازل على الدرج.......ماتبينته......لكن شافت المفاتيح على الارض.......مشت لهن وخذتهن.....كانت ميداليتهن بحرفين أم وش....والوجه الثانيه لا مستحيل بالانجليزي طبعا.......شكت لكن سكتت.......رجعت لاحمد
الشوق: ها خلاص طلعنا؟؟
احمد: مين هناك؟؟
الشوق: مادري...لقيت المفاتيح هذي..
احمد: مفاتيح مااااااجد:.......غرييييييبه.......ليه ماجى؟؟
الشوق مسكت صدمتها: لانه عيب يدخل على وحده مو محرم له.......
اخذت احمد ودخلته غرفته وغيرت عليه......نزلت حرارته ل 37وغطته ونام.....وهي جلست جنبه وهي تفكر
(معقوله سمع كلامي؟؟......طيب واذا اكيد هو عارف اني باتزوج قريب......وانا ماسبيت حد ولا قلت لحد شي.........بس ليه ماتكلم ماسلم.......عيب هالحركه اللي عملها......انا مارضى علي ولا عليه هالحركه)
ماجد كان طالع وهو هلكان من التعب اليوم.....ويوم بغى يدخل غرفته سمع صوت........قرب بيشوف الا صوت بنت......سمعها تكلم عن دراستها......على طول عرفها.....ماقدر يتكلم كان مبسوط انه بس يسمع صوتها.....ونسى الكلام والعمل اللي عملته بالمكتبه.........ويوم وصلت عند جزء الخطوبه مسك قلبه.....اكيد ماراح تجامل الطفل او تكذب عليه.......ويوم قالت المستشفى.......ارتخت يده عن المفاتيح وطاحت.....ارتبك ماكان عنده وقت ياخذهن.....هرب تحت.......وهو ماسك نفسه من الصدمه.....يعني خلاص.....صار كل شي......واهي الحين خطيبته.........ياخسااااااااااااره حبك ياماجد........وين بتروح بقلبك عنها الحين............وهاللحظه هذي بس........هاللحظه.........حس باحساس عاشق وعذرة للمرة الاولى بحياته..........ماتنلام ياعاشق اذا انت اكثر مني........خلاص.........القلب بدت جروحها الحين.....
وغصبت عليهم ام سعود يباتوا عندهم الليله.......العيال بالمجلس والمغلط.....والشوق والجده بغرفه سعاد.........
في مونتريال...
هايدي قامت من الصبح تتنظر باص المدرسه.....لان عندها امتحان قدرات اليوم.......لان اللغه الفرنسيه عندها ضعيفه حيل وهي الرسميه هنا.........وغلا ماتداوم اليوم لانها مخلصه الامتحان من زمان.....وهو بس للطلاب الجدد.........ولان الجو ربيع......فيه اعاصير ورياح قويه.......وهي واقفه ماتشوف بيت ابو غلا.....وطول الباص عليها مره.....والتوقيت محدد لو تأخرت دقيقتين مايدخلوها.......اخر شي استسلمت انها تمشي على رجولها لان المدرسه بعد ثلاث شوارع.........وكان الهوا جاي من ورى........وكل شوي تمسك نقابها وكتبها بيدها........وشنطتها........يعني كانت فوضى......واصلا ماكانت منتبه للطريق ابد........شوي ولا هي صادمه بشي تخيلته عامود او حاجه كذا........لكنها شافت رجال.......وبعد سكران......قلبها طاح بين رجولها.......صرخت وراحت تركض بكل حيلها........لين حست انه صار بعيد........قعدت تصيح وهي تمسي......شوي حد ربت على كتفها.........وصرخت برعب
..........: اسف ماقصدت اخرعك...
هايدي يتكلم عربي: من؟؟
مشاري: انا مشاري ولد جاركم..
هايدي: مشاري.....وفرحت انها لقت احد كانت خايفه....وبدت تصيح...
مشاري: ايش ذا......هايدي ليه الصياح؟؟
هايدي: مابقى الا ربع ساعه على الامتحان والجو رياح وعجاج وشفت واحد سكران .........انا خايفه مررررررره.......
مشاري..جعل الخوف فيني ولا فيك: لاتخافي...انا موجود....ويلا بسرعه قبل مايروح عليك الامتحان..
هايدي: لسى المكان بعيد..
مشاري: تعالي وراي...
هايدي: وين موديني؟؟
مشاري: تاثقي فيني؟؟
هايدي: انشالله..
مشاري: اجل وراي.......
ظلو يمشو في زقاق ضيق مره .....وشوي طلعوا على شارع....ولا قباله مدرستها..
مشاري: اتفضلي...وشدي حيلك..
هايدي: مادري شاقول فيصل..وغلطت باسمه...اسفه...مشاري..
مشاري(فيصل من هذا؟؟):لا عادي اختي...فيصل اخوك؟؟
هايدي: لا ماعرف احد بها الاسم اصلا..
مشاري ماصدقها بس قال: يالله موفقه خير...وهالدرب لاتمشيه بروحك مو مأمون..
هايدي: الله يجزاك خير يارب...يلا فحفظ الله..
مشاري: ف حفظ الرحمن..
في السعوديه...
قام هشام الصبح....ومالقى سعاد مع انه تاركه فراشها على حاله..
دخل غسل ونزل......وشم ريحه الفطور المشهي..
هشام وهو داخل المطبخ: الله....الله.....ايه الرائحه الزكيه دي؟؟
سعاد بفرح: صباح الخير اول..
هشام: صباح النور حياتي..
سعاد: هذا فطور ع السريع....
هشام: اذا هذا فطور وع السريع اذا الفطور اللي على مهل وشلون؟؟
سعاد: تراه مو مجاني؟؟
هشاك: آآآآآآآهـ.......لعاد ورى ذا الراس الصغير سالفه؟؟
سعاد: ابي اروح بيت اهلي...والله ماغفت عيني البارح من شوقي لهم..
هشام أفا...كل ذا شوق لهم...يالي نصه بس لي: انشالله....بس نفطر..
سعاد: ثواني بس...وكل شي على السفره.....
وكانت صادقه.....مانزل وهو مبدل الا وكل شي على السفره...
هشام: الله....خلصتي..
سعاد: على بال ماتفطر اكون بدلت..
هشام بحزن: واهون عليك تتركيني افطر بروحي؟؟
سعاد: بتمسكني من يدي اللي توجعني...يالله جلسنا...
سعاد بعد شوي: الحمدلله...خلصت...يادوب اروح ابدل وانزل هداياهم..
هشام: خلاص وانا ارفع الاطباق المطبخ...
سعاد: لا تعب عمرك..
هشام: اذا ماتعبت عمري لحبي اتعبه لمن؟؟
سعاد استحت وطلعت....
من الربكه بدلت ونزلت الهدايا وخلت الغرفه مفتوحه والجناح وكلش على حاله.....
هشام: خلصتي...سعاد وهي تلف الطرحه على راسها...خلصت..
هشام: يلا...
وهنا انفتح الباب...سعاد تغطت على بالها ادم....لكنه ابو هشام...
هشام: ابويا....وركض له وسلم عليه..
ابوه اندهش اول لكن على طول جى له
الاب: يابكاش...وصلتوا ولا خبرتوني؟؟
هشام: اسمح لي...بغينا نرتاح وراه نزورك بجده...
الاب: كان خبرتوني استقبلكم..
هشام: والله مابغيتك تتعب..
الاب: أي تعب ياولدي...انت تعرف اني مالي غيرك بها الدنيا..
هشام: الله يديمك على راسي من فوق...ويحب على راس ابوة...
الاب: بس ياولدي علامك نحفان مره.......(ويلمس جسمه من فوق القميص.......لالا نحفان مررررررره........ويناظر لسعاد.....كيف حالك يابنتي؟؟
سعاد: ارتبكت من ملاحظه عمها لكنها قالت اشلونك عمي وقربت حبته ع راسه....
الاب:يابنتي وراك ماتأكلين زوجك نحفان مررررره
سعاد ارتبكت: والله ناكل ياعمي بس مادري عنه؟؟
الاب: اشلون ولدي معاك بس عساه مو متعبك؟؟
سعاد تناظره: يتعبني...والله انا اللي متعبته معاي ولا هو مافي حد مثله ولا بصبره..
هشام حس بكلامه وعرف مقصدها
الاب: الله الله....الله يخليكم لبعض انشالله...ويهدي بالكم يارب..
هشام: بنظل واقفين يبا...اتفضل ارتاح؟؟
الاب: انتم طالعين صح؟؟
هشام ارتبك: لا وين طالعين...ماعليك يبا..
الاب: المشكله اني مادريت انكم جايين....وعندي صفقه الظهر بالدمام والحين عندي نص ساعه بس واكون بالمكتب ...يعني حتى جلوس ماراح اقدر اجلس..
سعاد: مايصير عمي...على الاقل فطور..
الاب: ماتعرفيني يابنتي...ماافطر...ووراي الف شغله وشغله...يعني ماراح حتى اقدر اشرب كاس مويا...
سعاد: مايصير عمي؟؟
هشام: سعاد انا ااعرف ابوي...ماراح يرضى...يلا اتوكلنا على الله..
الاب: هذا عين العقل ياولدي...والشغاله يابنتي اسبوعين بالكثير وتكون موجوده..
سعاد: ماله داعي عمي...
الاب: قبل عندنا ادم...الحين بنجيب زوجته وهو يكون سواق البيت..
هشام: الله يخليك لنا يبا..
الاب: بسرعه امشوا لاتطلع دموعي دا حين..
طلعوا وهم يركبوا السياره
سعاد: تدري هشام؟؟
هشام: خير..
سعاد: ابوك هذا انسان رائع جدا..
هشام: طبعا مو ابوي..
سعاد: ااااخ لو هو اللي اتقدم لي...
هشام: نعم نعم...ايش قولتي؟؟
سعاد: ههههههههههه........زامزح وربي..
هشام: حسبت....على فكره...فيولا اليوم اوديها الحديقه..
سعاد: كيف؟؟
هشام: يجي الطبيب ويعطيها مخدر ونوديها....سهله..
سعاد: ماشالله عليكم...
ووصلوا بيت اهلها...
فتحت الباب ومو مصدقه........تتأمل بيت اهلها.....كأن لها دهر ماشافته........وقامت تنزل الهدايا.......ونزل معها هشام لين وصلوا الى البوابه........نزل هشام الاغراض
سعاد: وراك هشام مابتدخل؟؟
هشام: لا ياحياتي الوقت صبح وبدري والناس نايمه......وانا عندي اشغال مع ابوي بالشركه قبل مايسافر على الساعه 11 انشالله باكون هنا.......لاتخافي ماني مطول عليك.......
سعاد: بس .....ابغاك معاي..
هشام ابتسم: انتي قويه كلها كم ساعه وراجع...
سعاد: فمان الله.....انتبه على عمرك..
هشام: فمان الكريم الغاليه.....ديري بالك على روحك..
وظلت واقفه لين اختفت السياره وقلبها ناغزها ماتدري ليش.....
دقت الباب بعنف......خلت كل البيت يجري.....اولهم سعود وماجد.....والشوق والجده على راس الدرج مع ام سعود......ابو سعود وقف عند الباب مايدري شسالفه........
ماأنتبهو الا على صوت ماجد يهلي ويرحب بسعاد.....الام ماتحملت وجرت لبنتها وجتهن نوبه بكاء حار.......والشوق والجده نزلن وكانت خلطه حلوة ممزوجه بالفرح والبكاء......يوم خلصن نوبه البكاء
ماجد: بس وراك سعاد ذويانه؟؟؟؟
الام: واعلي يابنتي حتى عظام فكك طالعه....
سعاد تبتسم بحيا: والله اني اكل وماخلي شي.....بس مادري.....
الجده: ماعليكم....هذي البنت وهي عروس ياكلها الحيا...
سعود: الا وين ابو الهش وراه مادخل؟؟
سعاد: عارف انكم نايمين وماحب يزعجكم وابوة بالشركه راح له وعلى الساعه 11 بيرجع هنا....
الام: اجل غداكم اليوم هنا....
سعاد بضحكه: مايبي لها كلام....
الام: وراك واقفه.....تريحي.....
سعاد: والعيال عيب انهم هنا انا مشتاقه للشوق بعد...
الشوق: لا ماعليك انا مرتاحه هنا (كانت واقفه عند الدرج....)
الجده: وبعدكم واقفين مسودين الوجه يلا داخل.....مايصدقون يشوفون بنت وحلوة بعد....
الشوق استحت من التعليق.....بينما ماجد مسك نفسه بالغصب يحبها لكن معرفه انها وافقت خلاص على الدكتور تقطع قلبه....
راحوا الاولاد المجلس
وقعدت سعاد تسولف بفرح عن كل شي صار باستثناء الفشل الذريع بعلاقتهم........كانت تصور كل شي وكأنها ولا اسعد منها.........حست امها انه في شي ناقص بس مابغت تكدرها........وهي حزنت وبكت يوم درت عن ام عاشق وعاشق........حتى الشوق رحمتها لانها كانت تغالب نفسها ماتبين شي لاهلها......لكن الشوق لقطت الاحساس الخفي وزاد حزنها على اخوها..........
جت الساعه 11 وماجى هشام.....وصارت 11ونص وزاد خوفها اكثر......ارتبكت وهي تشوف ماجد يطير فوق يبدل ملابسه وينزل ويدور مفتاحه.......ودلت امه انه بغرفه احمد........ورجع يطلع برا وهو يناظر لسعاد نظره غريبه........
سعاد: يمااا.......ماجد وين رايح؟؟
الام: علمي علمك...
الجده: تلقي احد من اصحابه ناداه...عادي..
الشوق: لا شكله في شي صاير..
سعاد: يما....ابروح اتصل فهشام مدري ليه تأخر..
الام: يابنتي لاتخافي مافيه شي انشالله..
سعاد: قلبي قابضني...وخذت جوالها وراحت للمطبخ...
سعاد بعد ثالث او رابع رنه قفل الجوال بوجهها.........انصدمت اكيد فيه شي.........
ياترى....هشام صار فيه شي؟؟
الشوق ود.عبدالله هل بيتموا الزواج؟؟
هايدي؟؟؟ويش بيكون مصيرها؟؟
نهايه الجزء الثامن والاربعون
الجزء التاسع والاربعون
كانت هايدي منهمكه بالتحضير للحصص الخاصه بمدرسه الاحياء لانها صعبه يوم اتصلت عليها غلا...
هايدي: هلا غلا..
غلا: اهلين...اخبارك يالدبه..
هايدي: دبه بعينك حبيبتي....الاجسمي مثل السمكه.....
غلا: ياشيخه على قوله مشاري حوريه بحر.....
هايدي: غلا....عيب ذا الكلام....
غلا: لا عيب ولاشي.....هذاك اليوم يوم العاصفه.......قال كنها حوريه بحر ضايعه.....الله تشبيهه خياااااااال........صراحه ليتني انا كنت مكانك.......
هايدي وهي معصبه: وبعدييييين......انتي شتبين؟؟؟؟
غلا: ابيك تجين بكره عندنا ضروري.....
هايدي: ضروري ليش ياحضره؟؟؟؟؟
غلا: لان بكره خطوبتي....
هايدي بشهقه: اييييييييش.......خطوبه يالدبه صحيح وماتخبريني؟؟؟؟؟؟
غلا: والله كل شي صار بسرعه......والحفله صغيرونه لين نسافر للكوين الشهر الجاي.....ونسوي عقد قران.....
هايدي: والله مو هين هالمشاري......بسرعه خطف قلبك......
غلا: هههههههههههههههههههه........ههههههههااااااااا اااي
هايدي حست انها سخيفه: علا...ليه الضحك السخيف ذا؟؟
غلا....: مشاري تعال تقول انك خطفت قلبي.........
سمعت هايدي ضحكه لانه كان عالي.......
غلا: مسكين مشاري.......غيري خطف قلبه وسكنه......سمعت سكون مشاري وهدوءه كنه حزين لتعليق غلا......وبعدين خطواته طالع برا...
غلا: هايدي حبيبتي......منو فيصل اللي سميتي به مشاري هذاك اليوم؟؟
هايدي:هه...هذ.....هذاك.....محد.....اسم وجى على لساني..
غلا وبجديه: حبيبتي هايدي اذا بحياتك حد...خبريني...عشان نتريح جميع....والناس على البر..
هايدي بعصبيه: اذا مو ولد عمك خاطبك اجل من؟؟
غلا: تذكري تركي القطري اللي من اسبوعين سكنوا جنبنا..
هايدي بشهقه: مو معقول.....خطبك؟؟
غلا: وخلاص وافقنا وبنعمل خطوبه صغيرونه هنا لانهم بعد اسبوع راجعين للبلاد وبعد شهر بننزل الكويت ونعمل الحفله الكبيره..
هايدي: مو كنك استعجلتي؟؟
غلا: الحب لادخل مع الباب مايعرف قوانين وايام....
هايدي: توك 17سنه؟؟
غلا: وباصير 18كمان كم شهر يعني ماراح اتزج الا لمن اصير 19 او حتى عشرين......يعني مو صغيره انتي لو متزوجه كان خلفتي صح؟؟
تلون وجهه هايدي من الخجل وسكتت......بس جى ببالها مشاري معقوله انها عاجبته؟؟
غلا: حياتي انتظرك بكره لاتكسفيني..
هايدي: ماعاش اللي يكسفك بيوم فرحتك......بس كل شي صار بسرعه وماعندي فستان....
غلا: انزلي وجيبي فستان.....فساتيني كلها كاشفه وماتناسبك...
هايدي: خلاص باخلي ابوي ينزلني اليوم اكيد....
غلا: ماراح انسى هالوقفه لك طولعمري..
هايدي: بعد عمري انتي حنا اخوات.....
وعلى طول راحت تجهز حق الحفله لانها فعلا مميزة......
في السعوديه
عند سعاد
سعاد بعد ثالث او رابع رنه قفل الجوال بوجهها.........انصدمت اكيد فيه شي.........
ظلت تاكل بنفسها ثلث ساعه لين جاها اتصال من هشام من اول دقه
سعاد: الوووووووو
هشام: اهلين سعاد......سامحيني قفلت بوجهك...
سعاد ارتاحت يوم سمعت صوته: هشام....انت بخير(صوتها كله خوف عليه)
هشام: انا بخير.....بس ابوي تعبان حيل......خسرنا مناقصه مهمه....وابوي....وابوي.......طاح علي بالشركه ووديناه للمستشفى.......حولوة لمستشفى ببريطانيا لانهم ماقدروا يشخصوا مرضه.......وانا بالمطار الحين تجي طياره الاخلاء الطبي.......وباروح مع ابوي...
سعاد: هشام...عمي علامه؟؟
هشام بخوف: مادري سعاد......ادعي له الله يستر...
سعاد: هشام.......خذني معاك.....
هشام بحب: ياريت ياحبيبتي......بس ابوي تعبان ومحتاج حد يراعيه وانا ماقدر على الاثنين.......انتي خلك ببيت اهلك لين الله يشفي الوالد بالسلامه
سعاد: هشاااااام........انتبه على عمرك الله يخليك....
هشام: بعد عمري لاتخافين.......دعواتكم لابوي والله خايف عليه مررررررره
سعاد: الله يشفيه يااااااارب........الله يخليك اتصل فيني اول ماتوصل.....طمني عليك.....
هشام: ابشري حبيبتي......ارسلت المفاتيح مع ماجد.......خوفني عليك يقول اني مااطعمك.......نحفانه.....
سعاد: هذا الاهل كذا دايم......
هشام: اذا ماعليك كلافه تمرين البيت وترتبين اغراضي بشنطهم مو زين.....
سعاد: انت ماطلبت شي........
هشام: الطياره وصلت سعاد...
سعاد: الله يشفي عمي ويقومه بالسلامه ......ومسكت العبره بعيونها ماتبغي تحسسه
هشام: انتبهي على عمرك حياتي..
سعاد: وانت......تغط زين دايم تطير الغطى من السرير
هشام: ههههههههه.....خلاص امي تامري هههههههه(وبجديه .....ابي اقفل مع السلامه)
سعاد: م....م........مع السلامه.....
وقفل الخط وظلت تناظر فيه شوي......جلست على رجولها وهي تصيح.......
دخلت امها: بسم الله........سعاد ليه الصياح.......يما حبيبتي هشام صار له شي؟؟؟؟
سعاد: يما.....عمي......عمي تعبان حيل ووده المستشفى وحولوة بريطانيا.......
الام: لاحول ولا قوه الا بالله.......الله يكون بعونه وبعون ابوه.......بنتي قولي الحمدلله.......واصبري الصبر زين.......
سعاد: يما.......خايفه....
الشوق: الس.....ياجماعه سعاد ايش صار؟؟؟؟؟
حكت سعاد الحكايه
الشوق بتفهم: لاحول ولاقوة الا بالله....الحمدلله الذي لايحمد على مكروة سواة.....شدي حيلك سعاد.......الله يصبرك انشالله........ويشفي عمك وامي وجميع مرضى المسلمين اللهم آآآمين......
الكل: اللهم امين
دخلن الصاله وقلب سعاد فارغ....حست بشعور غريب يتملكها......بس كون هشام بعيد.....طيب المفروض افرح مو احزن....خلاص........هو يغيب كم يوم مو متأخر انشالله......طيب اشفيه قلبي حزين......يارب اهدني للصواب.......
وظلوا يتكلموا لكن الحزن مسيطير عليهم لين دخل ماجد حوالي 2 الظهر
اتغطت الشوق وكانت ورى جدتها يعني مستتره.......خصوصا انها على الارض وقومتها صعبه........
ماجد: السلاو عليكم....
الكل: وعليكم السلام
الام: بشر كيف ابو هشام؟؟؟
ماجد يهز راسه باسى: والله مادري......ماكان يتكلم يوم طاروا....الله يكون بعون هشام مسك الدمعه غصب.....
الجده: مسكين ماله غير ابوة لا أم ولا اخت ولا أخو يحنون عليه ويرحمونه.....
تخيلو وقع هالكلام على سعاد
قلبها اعتصره الالم مره وحده........ماله ام ولا اخت.......محتاج الحنان......ويني وين هالكلام من زمان.......كيف مافكرت فيه قبل مافكر بانانيتي و حياتي......مسكيييييييييين ياهشاااااااااااام..........اشلوووووووون صبرتي علي وعلى غروري وكبرتي.........صحيح اني قااااااااااسيه..........أول مره احتقر نفسي كذا........والله استاهل اكثر من الاحتقار..........استاهل الضرب واكثر...........(واحتقنن عيونها دموع ومشت ركض لغرفتها)
الام: سعااااد.........بنتي(وبتقوم تلحقها وردتها الشوق)
الشوق: خليها ياخالتي.......محتاجه تقعد بروحها شوي.......
الجده: وليه يابنتي؟؟
الشوق: تفكر بنفسها شوي.....مو سهله عليها زوجها يسافر وماتودعه ولا تكلمه........وخايفه على عمها بعد......
ماجد: زين الناس اللي عندهم مشاعر ويحسون.......(كان يقدها قال الكلام هذا بقهر وحزن)
الشوق : ياعمه: الناس الواعيه ماتضايق حد.........ولا تتنصت على حد(رد بنغزة)
ماجد: يما.......مادري اذا تمت خطبه سعود متى بتسوون ملكه(كمان نغزة)
الام: ياوليدي.......يقولون تم من هنا........نملك من هنا.......خير البر عاجله.......
ماجد: عجيييييب؟؟؟؟
الجده: وش العجيب يايمه؟؟؟؟
ماجد: يعني الخطبه ماتطول ليه ناس يقعدون حول العام مخطوبين بس........ولايصير شي.......
هنا الشوق انفجرت من الحزن......لها الدرجه يهينها.......
الجده: ويش تقصد يالغالي؟؟؟؟
الشوق بغصه ومبين انها تصيح برغم تغطيتها لعيونها: انا اقولك ياجده.....انخطبت من تسع شهور لدكتور بالمستشفى......وراح لبعثه وتأخرت الملكه.....ورجع قبل عرس سعاد باسبوع بس وبعده امي طاحت بالمستشفى.....ومستحيل افرح وامي حزينه.....(وتشهق من الدموع خلاص)........وهذا الشي مو بيدي جده.....صح......
وقامت وهي حاطه يدها على راسها ويالله تشوف الدرب من الصياح.......وماجد رفع يده بيكلمه ماقدر نظارته امه بنظره قشرى......وقلبه منفطر عليها يبغى يغيضها لكن مو يبكيها.......
الام بعد ماراحت الشوق: يعني ياوليدي نتعبها بنصوص الليالي لولدنا.......ونشكرها بدموعها؟؟؟؟مو حرام اللي سويتها......انا ودي تحاكيها لانها مثل اختك الكبيره لكن ماتزعلها منك وانا امك.......انا اخلي جدتك تناديها الحين واستسمح منها.......سمعت....
ماجد: انا قصدي اغيضها.......مادري ليه بكت؟؟؟(هو عارف ومتأكد من سبب بكاها لكن كابر ونفسه كابرت)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك