رواية مسموح يامن ملكت الروح -33
هشام: لا....كنت ابي اخليها مفاجأه.......
سعاد بسخريه: مفاجأه؟؟؟؟؟
هشام مستعجب: ايه ليه ....مفاجأه...
سعاد: يعني انت عادي تكلم بنات؟؟؟؟؟؟
هشام مافهم مقصدها: اشلون يعني؟؟؟؟
سعاد: يعني عادي تكلم فلانه وعلانتانه حتى لو مو سعوديات؟؟؟؟
هشام جلس جنبها : ياحبيبتي.....انتي ماتعرفينها عشان تقولين هالكلام...
سعاد: والله.....ماهي محتاجه وحده تكلم رجال.....يبي له شرح يعني؟؟؟؟؟
هشام بخبث : تغارين؟؟؟؟؟؟
سعاد ببروده لانها مستعده لها السؤال: ولا قول اشوفه شي حرام......
هشام: طيب اعرفي من تكون؟؟؟؟؟
سعاد: وحده من هالبنات اللي حضرتك تكلموهم......مو محتاجه شرح....
هشام قبض ع يدها بعصبيه .....:سعاااااااااااد......بس خلاص سمعيني........
سعاد اتفاجأت من عصبيته: :.......................
هشام وخر يده باسف: اسف ماقصدي القسوة.....بس سمعي.......امي الله يرحمها لمن كانت تتعالج ببريطانيا .......ولانها ماتحب الفنادق والدكاتره اوصوها بالاماكن الهاديه والمريحه كان خوزيه ابو كريستينيا صديق الوالد فعزم عليه انا نسكن عندهم بالملحق.......وكذا قعدت ثلاث سنين من عمري مع هالعايله وصرنا اصدقاء بس .......والعايله كلها صديقه لي وهم اللي وجهو لي الدعوه لزيارتهم.......
سعاد: بس انت قلت بريطانيا....وهذي اسبانيا...
هشام: اصلا ابوهم كان موظف هناك وهم اسبان فلما انتهى عمله رجعوا لمزرعتهم باسبانيا.....وعشان كذا دعوني هناك.....
سعاد: بس هذي حكت اسباني اول.....
هشام: لانها علمتني اللغه......
سعاد غمت لفكره انه يقعد معاها وتعلمه.......
هشام: سعاد...
سعاد: نعم...
هشام: تراها مو مسلمه......يعني افهمي ......وترا القلب مااحتله غيرك لو تلقف مع غيرك....
سعاد استحت : طيب اجيب لك شي تاكله لين يجي..
هشام بحزن ليه تغير السالفه: لا ....بس اذا فيه حليب جيبي لي......
سعاد دخلت الغرف : اشفيني انا......عادي خل يتغزل فيني زوجته انا.......امحق زوجه ابسط حقوقه معطيتها طاف........وهو المسكين راضي بنصيبه........ياربي ليه مايخانق ليه مايعصب.......والله لو يضربني اهون من سكوته كذا......ضميري بيقتلني عليه.......والله ودي اقوله له كلمه تتطيب خاطره مو قادره.........وش اسوي انا الحين؟؟؟؟؟؟خذت حليب وودته له....
هشام: خليني نروح الاسواق اليوم لان بكره بنروح اسبانيا انشالله.....
سعاد: وليش تقولها بحزن؟؟
هشام: لاني كنت باروح لليونان وبالبحر لايطاليا وبعدين فرنسا وتالي اسبانيا......بس دامهم اتصلوا عيب لازم نروح لهم......
سعاد: ولللللللللل.......كل ذا ياشيخ لو انك ابن بطوطه......
هشام: هههههههههههه...........ليه عاد......انا متمني ازورهن مع حد.........لحالي مو حلوات......
سعاد: يعني قط زرتهن قبل؟؟
هشام: وووووووووهـ.......كثير ......
سعاد: يعني عادي.....ماراح تفرق زيارتك لهن الحين ........
هشام: الا تفرق ونص......وطالعها بنظره......
سعاد تحرجت من نظرته: يالله باروح داخل شكل الطلب وصل (الفطور )
وقعدوا يفطروا وقضوا يومهم يتسوقون........
في المستشفى
زار خلف والجده فاطمه ام عاشق.....وطولت وهي تصيح عنها.....والشوق غصب ظلت تهديها لين ترتاح ........بس بدون فايده.........تالي صارت تصيح معها........وجت ام سعود على هالمنظر ........وظلت تخانق عليهن لين هدتهن.....وسكتن شوي.......
ام سعود: والله زين سكتن ...مابغيتن؟؟؟
ابو عاشق: جزاك الله خير اللي سكتيهن انا واخوي عجزنا عنهن......
الشوق:والله غصب عني يوم شفت جدتي تصيح كن الاول والتالي جى...
الجده: يابنتي وش باليد حيله.......والله عقب هاك الجسم والدلال ماتصورت اشوف بنيتي الغاليه طايحه ولا حول لها ولا قوه...
ابو عاشق: اسمحي لي ام سعود: اخوي برا لحاله....
ام سعود: مسموح اخوي دربك سهاله انشالله....
ام سعود يوم طلع ابو عاشق خذت ترمس القهوه وصبت لام خلف منه....
الجده: مشكورة يابنتي.....
ام سعود: والله مهو واجبك يام خلف.......لكن حلفت وسابقتك عشاكم باكر عندنا.....
الجده باعتراض: يابنت الناس والله واصلنا خلاص....انا ولدي حرمت عليه....
ام سعود: عاد يميني سبقت يمينك.....وماهقيتك ترديني.....
الجده: محشومه يابنت العرب....الاصل والجود منبعكم....
الشوق: خالتي كيف سعاد الحين؟؟؟؟؟
ام سعود: بخير وطيبه.......وحنا ماخبرناها باللي صار للوالده لانهم بشهر عسلهم.....
الشوق: زين ماسويتي خالتي.....
وهنا دخلت الجوهره وطولت وهي تسلم على الجده مع انه امس مسلمه عليها........بعد قالت ان عماد والعيال بيسلمون عليها......راحت عند الباب والستاره بينها وبين البنات وام عاشق
عماد: هلا والله بجدتيي.....كيف حالك العجوز عساها طيبه..
الجده: بخير وعافيه.......و(بحمق) انت العجوز ومرتك......انا بعدني بشبابي.....
سعود : السلام عليكم جده.....عساك طيبه.......
الجده: بخير ياولد ام سعود.....انت اللي منت بخير......
سعود: افاااا.....ياذا العلم......وراي مو بخير؟؟؟
الجده: سنينك (وتاشر ع عماد)خلف وانت بعد هالزواج ماطرا عليك......
سعود: انشالله فالكي طيب ......خل الامور تهدأ شوي وبتسمعين اللي يسرك جده....
جى ماجد يسلم على جدته وماصدق اللي يقوله سعود:
ماجد: انت صادق؟؟؟؟؟
سعود: هالكلام مابه مزح....
الجده: يعله مبارك ياولدي......
ماجد: مبارك ايش وهو حتى ماخبرني؟؟
الجده: سعود هاك المركاد خلني اضرب اللي مايستحي.....يخبرك ليش ياقليل النظر؟؟
ماجد ويعلي صوته: عشان انا استعد بعده على طول.....لانه.......واقف بطريقي....
(الشوق استحت حست انهم كلهم عرفوا قصده وهو ماقال شي......بس الكل نظراته طبيعيه لها)
الجده: يالله عساكم كلكم تعرسوا واشوف عيالكم ....قولوا امين....
ماجد بحقه واهه: أمين....
ام سعود للشوق: الحمدلله والشكر...
الشوق: ليه خالتي؟؟
ام سعود: اللي يسمع كلامه وتلميحاته يقول عاشق وخلاص مابقي غير العرس.......وهو حتى تلمح لي مالمح وماظنه يحب من بنات الهوى ......
الشوق فزت من كلمه ام سعود.......مدامه مو قايل لامه معناته مستحي من الشوق......ولا يمكن عينه على بنت ثانيه ويلعب عليها.....بس كيف يلعب عليها من صغيرها.....ظلت افكارها تودي وتجيب لين روحوا.....
في مونتريال...
اليوم اول يوم دراسه للبنات......
هايدي لبست عبايه كتف سودا.......ولبست نقابها وخذت شنطتها .......وهي طالعه لمحت مشاري واقف ينتظر حد......هي راحت لسياره ابوها لقتها مقفله........صوتت على ابوها ولا هو جاي.......يوم شاف مشاري وقف على طرف الشارع ومشاري ع الطرف الثاني....
مشاري: السلام عليكم ابو عماد......
الاب: وعليكم السلام والرحمه.....كيفك يامشاري.....
مشاري: الحمدلله.....كويس ودوامي كويس.......
الاب: والماجستير؟؟؟؟؟
مشاري: خلصتها وباقي المراجعات النهائيه بس.....
الاب: يالله الله يوفقك انشالله....
(كل ذا وهايدي واقفه عند السياره ومستحيه تقول لابوها يعطيها المفتاح....ومشاري كل لحظه والثانيه يناظر لها)
الاب: وراك واقف بالشارع مشاري....تتنتظر احد؟؟؟؟
مشاري:انتظر صديقي ومدري وراه اتأخر........
الاب: باي مستشفى انت؟؟؟؟
مشاري: مستشفى ********
الاب: هذي على طريقي ......حياك اوصلك......
مشاري باحراج: لا الله يخليك ابو عماد......مشكور وماتقصر......انامتأكد ان صديقي الحين يوصل.....
الاب: حلفت عليك غير تركب حياك....ومشى للسياره ومشاري وراه ومستحي....
هايدي انفجرت من الحيا لانها حاطه عطر ثقيل مره....واكيد بيوصل له....
اول ماركبوا هايدي كانت ناويه تطلب من ابوها ملازم.....يوم ركب معاهم استحت ولا تكلمت شي....
كانت ساكته لين وصلت مدرستها لانها اول شي...وهي نازله
الاب: ها بنتي توصي على شي؟؟؟؟
هايدي : سلامتك يبا......وطلعت....
مشاري من لمحها وهي واقفه قبل ابوها.....تحرك داخله احساس...واللي زاده احتشامها بمكان مايطلب منها هالشي....كبرت بعينه.......ولا يوم دارت بوجهها عنه يوم ابوها راح يكلمه.....ويوم جى يركب.......جاه احساس غير وخصوصا مع العود المعتق اللي حاطته.....لان الدنيا برد وهالعطور تمنح طاقه ودفء.........ويوم نزلت ماكانت بتقول حتى مع السلامه لانه هنا......ويوم كلمها ابوها ردت باقتضاب......فعلا بنت شغلت تفكيره وهو اللي شاف غيرها كثير........
عند هشام وسعاد:
اول ماركبوا الطياره كان درجه ممتازة.......واتفاجأت سعاد من كم الخدمات هنا اللي ماتلاقها بالدرجه السياحيه........وجلست جنب الشباك حتى ترفع الغطوة وتاخذ راحتها.......
هشام بعد مااقلعت الطياره قعد يقرى مجله.......وانتبه لشنطه حاطتها سعاد جنبها...
هشام: سعاد...
سعاد اللي كانت تطالع مع الشباك: هلا...
هشام: حبيبتي ايش هادا؟؟
سعاد تطالع الشنطه: هذي؟؟
هشام:ايوا..
سعاد مسكتها وحطتها على رجولها: هذي يسمونها شنطه مكياج...
هشام: يعني اللحين مافيها مكياج؟؟
سعاد بمرح: الا فيها (وفتحتها عشان يشوفها هشام)
هشام: كل دا......داحين هادي ايش؟؟
سعاد بضحكه: هذي ماسكار..
هشام: وهادي؟؟
سعاد: كونسيلر ..
هشام: ايش كونسيلر ؟؟
سعاد: هههههههههههه.......خافي عيوب...
هشام: بردو كيف مافهمت...
سعاد تفتحها وتحط شوي عيدها: يعني مثل الضربه الخفيفه على جبهتك........اذا استخدمنا هاذا انشالله تختفي فتره ماحنا حاطينها.....
هشام: وهادي؟؟
سعاد: هذا قلوس خفيف...
هشام: ماشالله كل دولا ....بس...(وحزن)
سعاد ولسى مبتسمه: وبس ايش ....قول ولا تستحي...
هشام: مادري....ماعمري شفتك استخدمتيهم اللهم القلوس اللامع...
سعاد اتكدرت......ابد مافكرت بذا الموضوع: ليه....تبغاني استخدمهم؟؟
هشام: لا.....ابغى انتي من خاطرك تستخدميهم....مو لاني انا ابغاك تستخدميهم.......
سعاد: بس علي انا ماحب استخدمهم.......اصلا ماشريت منهم شي.......كل العلب والمكياجات هدايا من صاحباتي.....لانهم يعرفون اني مااشريهم حق نفس.......
هشام: اجل لاتستخدميهم.......انتي حلوة بدون شي.....ولا كونسيلر ولا شي......
سعاد: هشااااااام...
هشام: لا عاد.......انتي حلوة وامورة وقمر.........ومن يوم شفتك بالمستشفى اسرتي قلبي ومارجعتيه......
سعاد: هشام......بس......
هشام: على شرط.......
سعاد: اتفضل.......
هشام: تعطيني قلبك......
سعاد بعفويه :ياريييييييت(وانتبهت على عمرها) قصدي ....قصدي......شي غصب عني.......ولا ودي اعطيك ياه اليوم قبل بكره........
هشام مارد عليها والتفت على الجهه الثانيه......عرف الا تأكد ان قلبها مو ملكها.....لكن مايقدر يبعد عنها......خلاص صارت معذبته الساديه.......
اول ماوصلوا المطار.......نزلوا شنطهم.......ومشوا .......وهم يناظروا بصاله الاستقبال ......انتبهت سعاد للوحه مكتوب عليها بالانكليزي والعربي مكسر :هشام...
سعاد: هشام...تشوف اللوحه هذيك؟؟
هشام ابتسم: كرييييييس........
(اتفاجأت هايدي ببنت فلقه قمر تطير على هشام وتحضنه بكل جرأه.....وجى ولد كبير يعني باواخر العشرينات لها وخذ شنطتها ....وقعد يكلمها بالانكليزي)
......: مرحبا...
سعاد: نعم؟؟
......: انا سوليفان ابن خوزيه....تشرفنا...ومد يده لها...
سعاد مسكت يديها ببعض : ان لي الشرف بمعرفتكم...
سوليف: قعد يناظر ليده المدود : لماذا لاتصافحيني ...الا لاني على غير دينكم؟؟
سعاد طالعته بتهجم....وناظرت لكريس اللي تتكلم بمرح مه هشام : هذي اختك على دينك اليس كذلك؟؟
سوليف: اجل..
سعاد بجرأه راحت لها وخذتها بالاحضان....
سعاد: ارأيت......كل الحكايه ان ديني اكرمني وطهرني من مساس الاغرباء الذين ليسوا بمحارم لي........وقعدت تناظر لكريس اللي غدى وجهها اشارت مرور من الحيا...ولكن امس يد أي امرأه حتى لو لم تكن على ديني...
هشام يحاول يلطف الجو: انا لم اعرفكم ببعض...سوليف كريس ...زوجتي....
كريس بلطف ك تشرفت بلقائك مدام هشام...
سعاد: وانا كذلك (وقعدت تتفحصها بتمعن......ارتعبت منها جمال واناقه وجسم جميل مو زي سعاد النحيفه.......ولا ضحكه تبن غمازاتها واسنانها الحلوة.......وحست بالاكتئاب يوم عملت مقارنه بسيطه بينها وبين ملكه الجمال هذي)
سوليف: ساحمل الحقائب الى السياره...
كريس: تفضلي منها صديقتي...
وقعدت تكلمها عن المطار والمدينه والاثار والحضاره......يعني كسائحه.......
وركبوا وظلوا يمشوا اكثر من ساعه لين طلعوا برشلونه ووصلوا لارياف المدينه.......دخلوا مع بوابه كبيره......وبعدين مرو باسطبلات وبيوت خشب (اكواخ).......لين وصولوا بيت فخم وجميل لابعد حد........سعاد تخيلت نفسها باحد افلام القرن التاسع عشر يوم شفت البيت.....ونزلوا وكريس تكفل بالشنط....
سوليف: من هنا اذا سمحتوا...
هشام: شكرا لك...
شافوا رجال اشيب الشعر : اه...هانت هشام.......منذ متى لم ارك؟؟؟؟؟؟
هشام: منذ وفاه والدتي..
الرجل: رحمها الله.......آهـ....وانتي الصغيره التي سلبت قلب ابننا...
سعاد تلون وجهها مع انه مو باين: اهلا بك ...
الرجل: خوزيه....يابنتي...
سعاد: اهلا بك....(ماقدرت تقول له عم )
خوزيه: كيف حالك ...بخير (ومامد يده يصافحها لانه عارف طبايعهم)
سعاد : بخير....
جت بعدها مرته وحيتها بحراره......وجلسوا حوالي الساعتين بعدين تركوهم يرتاحوا بالملحق.......لين يجهز العشى..........
سعاد اول مادخلت : اوووووووف.......
هشام: ليه......ماعجبوك؟؟؟؟؟؟؟
سعاد: المشكله انهم عجبوني وانهم طيبين......بس كيف اقعد عندهم وانا بلثامي وهن غير وجيهن وشعورهن؟؟
هشام: عادي...تعودوا على امي قبل ......
سعاد تناظر للملحق: تصدق....احس انس بفلم قديم....
هشام: ههههههههههههههه.........حلوة فيلم قديم.........وارتخى ع السرير ........
سعاد: مادري.....لازم البس رسمي على العشى؟؟
هشام: وليه؟؟
سعاد: اشوفهم بالافلام يسوون كذا...
هشام: ههههههههاااااااي........خلاص بطني تعورني........ياماما انسي الافلام وعيشي الواقع.......
سعاد: احس اني بحلم........الاسفار والتجوال وهالاسره.....احس حالي بفلم او حلم......
هشام بحسره: انشالله يكون حلم وترجعين للواقع......
سعاد: هشاااام...
هشام وهو سرحان: عيوووونه....
سعاد: كريس....
هشام: اشفيها؟؟
سعاد: ليه حيتك كذا؟؟
هشام قطب: اسف...المفروض ماتسلم علي كذا..
سعاد بريبه: كان بينكم شي قبل ؟؟
هشام بخبث : مادري..
سعاد بنفاذ صبر : هشااااااام....
هشام: دخيلك لاتقولين اسمي...
سعاد بخوف: ليه؟؟؟؟
هشام: لاني ماتحمل اسمي من شفاتك.....يجيني حار يجول بجسمي ولا امسك اعصابي......واخاف اسوي شي اندم عليه.....وقلبي مسكين ضعيف....
سعاد ماردت بس طلعت برا وهي مرتبكه.....وبعد نص ساعه : هيه......ماقال لي اذا بينهم شي ولا لا؟؟؟؟؟؟(وهنا بدى الخوف يغزي قلبها لانه تهرب من الاجابه.......)
وعلى العشى كانوا قسمين لان ام كريس عارفه عاداتهم فما حبت تحرج سعاد.......وكذا كان العشى مرتب وهادي.......وخبرتهم ام كريس ان خدامه من عندهم بتكون بملحقهم تخدمهم بفتره جلوسهم هنا.......برغم انها رفضت سعاد لكن السيده اغصبت عليها.........
ويوم وصلوا البيت كانت قدامهم.....حيوها ودخلوا على غرفتهم......اول ماوصلوا كانت سعاد تناظر تدور شي.......بس مالقته
سعاد: هشام؟؟؟؟؟
هشام وهو يفسخ الجاكيت: هلا..
سعاد: مافيه كنبه طويله هنا؟؟
هشام وقف عن اللي يسويه ويناظر بالغرفه: ايوا الله صحيح.....وناظر لها .....
سعاد: كيف ذا حين؟؟؟؟؟
هشام بخبث : ماااااادري.......عندك حل.......لاتقولين لي الغرفه الثانيه هنا فيه ناس على طول بيكتشفون هالشي......
سعاد طالعت له بعصبيه.....: لا عندي حل......(وخذت اللحاف العلوي من السرير ومخدتين وفرشت ع الارض........)
هشام اول مااستوعب اللي تسويه مسك يدها بعصبيه: انتي شقاعدع تعملين؟؟؟؟؟؟
سعاد بتحدي: بانام.......اليوم كان تعب مررررررره.....
هشام برقه: كل ذا عشان تبعدين عني؟؟؟؟؟
سعاد تبعد عن عيونه: لا......
هشام: اجل فسري.......
سعاد: ماتعودت بعدني.....
هشام مسك اللحاف بعصبيه: كنبه قلنا ماعليه انتي قصيره......لكن على الارض مافيه حد ينام غيري.......وخذى اللحاف وحطه ع الارض وتلحف فيه حتى بدون مايبدل......
سعاد ظلت شوي واقفه مكانها......وبعدين دخلت الحمام وقعدت تصيح من قلب (ياربي لين متى بيصبر علي.......كل يوم اقول اليوم باتقرب منه....وكل ماتوافرت اللحظه المناسبه اجبن واهرب.......ولا ادافع عن خوفي بقوة........ابن الناس لمتى بيصبر......لمتى بيتحمل.......والله لو دروا اخواني ليذبحوني بدون رحمه........خلاص انتي جمدي قلبك واتقربي منه.......الله يارب يساعدني)........غسلت وجهها ودخلت الغرفه.......يوم قربت منه لقته نايم وواضح من تنفسه الرتيب.......حزنت ورجعت بدلت ونامت على السرير.....
في السعوديه
ام سعود كانت جالسه مع فاطمه (الجده يسولفن)
ام سعود: ومن يوم تخرج ذا الولد وانا اقوله تزوج تزوج.......وهو رافض........غير هاليومين ربي هداه.....
الجده: زين زين يابتي يوم ربك هداه........ورى ماسمعنا شي......
ام سعود: مثلك عارف يالغاليه.........مايصير نروح نخطب......واوخيتي ام عاشق بالمستشفى......
الجده: واوخيتك ام عاشق مايرضيها ان البنت تطير من يكم.......لو خطبها احد الحين......تروح حسره بقليب بناخي........لاتقولي ولا رتدي.......باكر انشالله نروح انا وانتي ونخطبها ونحجزها........ولين طابت بنتي نتمم الملكه انشالله......المهم نحجز البنت......
الشوق وهي تنزل صينيه الكيكه: حجز ايش اللي تقولوه......
الجده: عيب البنات يتكلمون بعلوم الكبار......
ام سعود: هههههههههههههههه..........تراها مو صغيره تخافين تسمع كلام مو بزين........كبيره بعقلها واخلاقها ياخاله.....
الشوق: بعد ماخبرتوني وش اليالفه.؟؟؟؟؟
ام سعود: ادعي يابنتي.........
الشوق: يارب.....
ام سعود: انك توفق وليدي جنيني........بنروح نخطب له بكره انشالله........
الشوق طاح قلبها بين رجولها.......(خلاص يعني بيخطبون له؟؟)
ام سعود: وراكي ماقلتي مبروك......
الشوق: هه......مبروك ياخالتي مبروك.......اسمحوا لي باروح المكتبه اجيب كتب.......المكان مكانكم.....الجوهره على وصول الحين.......
وطلعت الشوق ولبست عباتها وهي نازله ضربت بكتف الجوهره اللي الشوق ماانتبهت لها اصلا........ولاحظت الجوهره الحزن بعيون اختها بس الشوق هربت بدون ماتعطيها فرصه.......
ركبت مع سواق اختها........ويوم وصلت المكتبه قالت له ينتظرها.........
ودخلت ماكانت تدور على شي معين قدر ماحاولت تنفس عن حزنها وغضبها......مااغضبها شي كثر كذبه عليها ........وايهامها بانه يحبها وهو شي بعيد عن الواقع.......
كانت عند قسم الكتب العلميه لمن لاحظت بطاقه تنرمي عليها........ناظرت بين الرفوف.......ولا على الزاويه الثانيه كان هو!!!!!!!!
ماجد كان مار جنب المكتبه رايح بيت ابو عاشق.......لانها قريبه مرررره منهم......لمح سواق عماد........نزل سلم عليه.....وسأل من اللي جايبه ......ماصدق يوم قال ماما الشوق.......نزل على طول ودورها لين لقاها تطالع كتاب وسرحانه.......على طول خذى بطاقه ودفع قيمتها للبايع وخذ قلم وكتب......أحبك......وللنهايه اموووووت فيك.......(كان هذا اول تصريح بحبه لها ........)
لكن تجري الرياح بما لاتشتهي السفن........في هذي اللحظه بالذات الشوق كرهته خداعه وضحكه عليها.......اول ماطاحت بيدها الورقه فتحتها باستخفاف.......ويوم شافت الكتابه انغاضت زوووووود........(يعني بيخطب ويكذب بعد)........قدام عينه شققتها طول وعرض يمين شمال لين صارت فتافيت وحطتها باقرب سله مهملات..........
ماجد انصدم يوم شاف حركتها........(اتوقعتها زعلانه علي........لكن مو تكرهني كذا )..........رد كتب بطاقه ثانيه ........(لييييييييه تجرحيني كذا .......وانا ميت بهواك)...........ورماها عليها.........
الشوق هالمره ماخذت البطاقه لكن ناظرت لحارس الامن : لو سمحت.......
ماجد فتح عيونه هذي ايش تبغى فيه؟؟؟؟؟؟؟؟
حارس الامن : نعم اختي؟؟
الشوق: لو سمحت هالشب يزعجني .......
حارس الامن : ولا يهمك اختي.......ومشى يم ماجد......
حارس الامن: لو سمحت ممكن تتفضل معاي..
ماجد: خير يالطيب.....
حارس الامن : اتفضل معي ....
ماجد مشى معاه لين طلعوا بر ا.......
حارس الامن: لو سمحت ماترجع داخل الحين الزباين اشتكوا منك......
ماجد بتعجب : انا؟؟؟؟؟؟
حارس الامن وراه البطاقه: وهذا دليل ضدك ممكن بكل سهوله اكتب عليك تعهد خصوصا ان مو بس انا لاحظتك.......ارجوك ماترجع قريب على هالمكتبه.......
ماجد روح وهو مصدوم على الاخر منها......ومنغاض بنفس الوقت........يعني ماتحبني.....يعني عيونها يكذبن علي؟؟؟؟؟؟يعني كل شي انتهى الحين........اخر شي اتوقعته انها تغدر فيني......خلاص راعي الطب والدكاتره صار اخير مني عندها.......لا والله ماهقيتها منك يالغاليه.........خلاص ياقلبي انكتب عليك الشقى والمراره بعد هاليوم.........وبدال مايروح لامه روح للبيت وكل حزن الدنيا متجمع فيه......
الشوق وجعها قلبها عليه بس قالت هو جابه لنفسه.......رجعت للبيت ودخلت غرفتها وخذت حمام اختلطت دموعها فيه......وطلعت وادعت ان الشامبو دخل بعينها عشان كذا لونه احمر.......وصاروا يتكلمون بمواضيع مختلفه........لين تعشوا وناموا.......
في برشلونه
قامت سعاد الصبح بس ماتحركت من فراشها.......حست على هشام يوم قعد.......جلس وحرك ظهره يمين وشمال وكان يطقطق ظهره دليل انه مو مرتاح.....عورها قلبها عليه.....كانت بتقوم له لكن قوة خفيه خلتها ولاهي قادره تحرك من مكانها........لين نزل تحت.......
ربع ساعه قامت وتحممت ونزلت تحت......اول مادخلت المطبخ سوت حركه عشان يحس عليها.......كان يشرب قهوه بس من انتبه لها طالعها
هشام بابتسامه: صباح الخير.......
سعاد بحزن: صباح النور.....كيف اصبحت؟؟
هشام: الحمدلله.......ظهري يعورني صح بس الحمدلله......
سعاد تبي تعتذر: هشام ....انا....
هشام: بس.......حبيبتي الحياه قدامنا.....ماله داعي تعتذري عن شي مو مقتنعه تعملي عكسه......واليوم انا عامل لك مفاجأه.......
سعاد وهي تشرب حليب قدمته الخادمه: مفاجأه.......مفاجأه ايش؟؟؟؟؟؟
هشام: انتي تركبي خيول؟؟
سعاد: نعم.......خيل.......انا........لا....
هشام قطب جبينه كأنه يفكر: اممممم.....خلاص انا اعلمك.......لكن روحي بدلي لبسك الحين....البسي بنطلون مريح.......جينز فضفاض يكون احسن.......
سعاد: اشلون اركب فرس.....المكان مليان ناس....
هشام: انا ادبرها.....انتي ماعليك...
سعاد : صار انا باطلع.....
هشام لحقها وبدل لبس لبس رياضي......وخذى خوذه وحده.....ونزل
كانت الخادمه عامله سله بها سنتدويتشات وعصاير وانواع فاكهه ومياه .......خذاهم هشام......وسعاد لبست عباتها وتلثمت وطلعت وراها......
وهم رايحين للاسطبل صادفوا الرجال الكبير وحيوة.......اول ماوصلوا الاسطبل لقوا سوليفان....عطاهم فرس وحصان ......الفرس لونها ادهم وذيله مقصوص بعنايه......والحصان اشقر وحر وشكله من اصول عربيه........مسكت سعاد الفرس بخوف رغم تطمينات هشام انها مطواعه.......وهشام حط السله على جنب حصانه وقاموا يسير فيهن باجوا الريف الجميل.......
سعاد: مو قادره اصدق انها تمشي معي بدون زعل...
هشام: ههههههههه.......زلا ماتزعل وشكلها حبتك كمان.......اذا زعلت عطيها تفاحه على طول حاتحبك......
سعاد:انت من متى تركبهن؟؟
هشام: يووووووووووه.......من زمان مره.....ماذكر لكن وعمري سبه سنين طحت عن ظهر مهره صغيره وصار الشق اللي براسي هذا........
سعاد: ايوه شفتوا.....بس استحيت اسألك ايش هو........
هشام: المفروض ماتستحي مني.......انا زوجك....
سعاد استحت من كلمته وماعلقت.....
هشام: شوفي العجوزين اللي هناك.....يناظروا لنا ويضحكوا....
سعاد: اكيد على شكلي.......
هشام: وانتي الصادقه حاسديني عليكي.......
سعاد: هشام....متى بنوقف......
هشام : خلاص الحين.....وتوغلوا بالارياف وتركوا الشارع العام.....
هشام: ارمي عباتك داحين....
سعاد رمتها وعطته ياها
هشام خذاه وحطها تحت سرج فرسها......يالله اركبي الفرس داحينا واتساندي علي يديني......(وشبك يدينه عشان تتساند)
سعاد وربي خايفه.......
هشام: لا زوجتي حبيبتي.....ماتخاف......يلا.....
سعاد بتردد......ركبت.......وعطاها الخوذه تلبسها انه خايف عليها....وبعدين قعد يمشي وهو ماسك رسن الفرس بشويش........
سعاد: يكفي هشام خلاص......زاحس اني بادوخ.....
هشام: شوي كمان وبتتعودين عليها......
سعاد خافت زود حضنت رقبته الفرس بخوف.........وظلت متعلقه فيها......
هشام: ههههههههههههههه ياماما ايش هادا....هههههههههههه
سعاد وهي متمسكه برقبه الفرس: هشام....خلاص باموت من الخوف.......
هشام: طيب امسكي نفسك شوي......
سعاد تناظر له ايش بيسوي ماحست الا وهو قافز على الفرس وراها........
سعاد فزت وقعدت: هشام......ليه هاذا.....انا ابغى انزل.......
هشام: وانا ابغاك تتعلمي الفروسيه........اشفيك.....والله مااعض المفروض عرفتي خلاص........
سعاد اتوتر كل جسمها من ركوبه وراها.......ماانتبهت لشرحه عن الخيول ولا طريقه مسك الرسن.........ولا تحريك رجول الشخص عشان يخلي الفرس تسرع او تبطي.......كل هذا انه قريب منها بشكل غريب.......
هشام: سعاد.....وحرك يدها......
سعاد: هه......ايوة هشام...
هشام: مالك حزينه كذا......منتي مبسوطه بالرحله والمناظر؟؟؟؟
سعاد(ممكن انبسط اذا ابعدت عني): لا ......عادي.....زصراحه متوتره من الحصان.....
هشام: ولا من اللي مجاورك على الحصان......
بهاللحظه التفت لورا و ناظرت له بتقوله ايوة: لا....قصدي عادي....(هنا حست بانفاسها هي تضطرب.....ماتوقعته قريب منها لها الدرجه........وحراره جسمه متصله بحراره جسمها)
هشام: خلاص كلها ثمانيه كيلوا وناصل المكان....
سعاد(ثمانيه كيلوا مااستحمل): هشام وقف.....
وقف هشام الفرس: خير سعاد...فيه شي؟؟
سعاد: ابي اجربها بروحي.....يمكن اقدر....
هشام: خلاص........ومسك خصرها عشان ينزل.....
.ووقف قلبها لين حضرته وصل الارض.....
وبدون تفكير وخزت الفرس....وصارت الفرس تجري.......بس كانت ماسكتها ومسيطره عليها....يمكن خوفها من قرب هشام خلاها تتغلب على خوفها من الفرس........لحظات وكان هشام جنبها.......برغم انه يمشي بشويش لان السله معاه......واخيرا وصلوا للمكان اللي قاصدينه......كان ولا احلى منه مكان.....بحيره صغيره وتحيط بها الاعشاب........وشويه اشجار حلوة.......قضوا احلى يوم ببرشلونه فيه........وروحوا وهم مبسوطين من الرحله ظاهريا........مكسورين من الفشل المريع في علاقتهم الخاصه كزوجين......
في السعوديه
اتصلت ام سعود على الجده
ام سعود: السلام عليكم
الجده: هلا ...من...ام سعود...هلا والله ببنيتي...كيف حالك..
ام سعود: بخير جعلك بخير ياخاله...
الجده: وكيف المعرس ها ههههههههههه
ام سعود: مصدق عمره ههههههه مرتبك وخايف كنه بيروح للامتحان هههههههه
الجده بعذره ماينلام.......مسيكين الحيا ماكله من صغره مو مثل غيره هههههههههه
ام سعود: فهمت عليك ياخاله......اقول خالتي..
الجده: سمي يابنتي..
ام سعود: طلبتك لاترديني..
الجده: افا ياخالتي...ماعاش من يردك..
ام سعود: ابي تجيبي الشوق والجوهره معك....تخبري ماقد خطبت لعيالي قبل ...وهذي مره بعيده..
الجده: ماقلتي شي يابنتي....وخصوصا انا لازم نكون جماعه حتى نكبر بعينها....
ام سعود: امر عليكم العصر ونروح بيت الجوهره وعقب المغرب نسير يمهم...
الجده: صار
وعلى العصر راحت يمهم رغم ان الشوق حاولت تحجج لكن بدون فايده الجده راسها يابس.........وظلت تقنعها يمين شمال لين رضت........وراحن يم بيت الجوهره.........والجوهره كل ظنها انهن بيسيرن عليها يوم عرفت بخطبتهن خافت.........
الجوهره: اقول خالتي..
ام سعود: سمي..
الجوهره: اخاف ان البنت مخطوبه..
هنا غصت الجده وفزت لها الشوق بكاسه مي وام سعود انخرعت: كيف يابنتي..
الجوهره: قبل ماتزور امي يبومين...خبرتني انها هناك ولد اختها يمكن بيخطب البنت لكن اجلوا الكلام لين تطيب البنت..
الجده: متكلم عليها رسمي؟؟
الجوهره: لا..
الجده: اجل ماصار شي وكل شي جايز...دامهم ماخطبو.....
ام سعود بخوف: يعني نروح؟؟
الجوهره: انشالله...
هنا دخلت الشوق: ايش اللي انشالله..
الجوهره: نامت غروب؟؟
الشوق: يوووووووه...تعتني على مانامت..
الجده: قوموا يابنات مشينا..
الشوق: يعني مصممين امشي معكم...خلوني جالسه..
الجوهره: وراك مرتبكه ياشوق...صاير شي؟؟
الشوق خافت من نظره اختها المشككه: ها...لا...ماصار شي...
الجده: لعاد توكلنا على الله...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك