رواية مسموح يامن ملكت الروح -29
ماجد: فيصل.........فيصـــــل؟؟؟؟؟
فيصل: هه......ماجد.......(كان ماجد ماسكه مت كتوفه ويهزه....
ماجد: عسى ماشر اخوي......تعبان؟؟؟؟
فيصل: مين؟؟؟؟؟؟انا؟؟؟؟؟؟لا كني البخت ليه اشصاير؟؟؟؟
سعود: وقفت وحنا نمشي وننادي عليك ولا التفت.......
فيصل فاتح عيونه من الدهشه: اناااااااااا؟؟؟؟؟؟!!!!!!!!!
ماجد: ايه انت.......يلا بسرعه خل نروح.....ورانا شغل متلتل اليوم......
سعود: وانت الصادق......
اول ماوصلوا البيت لقوا غطاياتهم اللي بالمغلط مرتبه على زاويه.....ومحطوط طاوله صغيره عليها حليب وشاي ودله قهوه وكرواسون......
ماجد: الله يعطيها العافيه بنت الخال ماقصرت
سعود: مسكينه هذا ويدها انجرحت.....
ماجد: له له.....متى.......سلامات انشالله.....
هنا دخل عليهم عماد بصينيه الكاسات والفناجيل
عماد: لا ماعليه الحين......الله يسلمك......(ويناظر لفيصل).....اعتقد لو تروح تجيب للشباب فطور يكون احسن.....
فيصل ناظر للعيال
سعود: اخير القوم صغيرهم.....
عماد: تلقى الطلب جاهز باسمي بس هاته.......(ويناظر للعيال).....ماهان علي اخليها تسوي فطور وهي تعبانه من امس......بس عيت الا جلت المواعين......
سعود: ماتقصر والله بنت اصول......
وهنا دخل عليهم ابو عماد وسلم وجلسوا يتحاكوا شوي ويفطروا قبل مايروحوا لبيت ابو هشام ........لان الجمعه الصباحي فبيته لان اهل جده كلهم جوا....
هايدي يوم خلصت شغل بالبيت راحت غرفتها تريح شوي........اول ما اتمددت على طول جا فبالها فيصل.......
(حليله خاف علي الا ينظف الجرح بنفسه........بس هو يده ليش كانت ترجف؟؟؟؟؟ولا جبينه ليش كان يندي؟؟؟؟؟انتي ليش تفكري فيه هو اصلا مغرور.......ايوا وكمان رافض يقولي وش صار هذاك اليوم؟؟؟؟؟؟طب ليه انا مو زعلانه منه لو غيره كان فرطت من الزعل....بس حليله سهى وماسلم علي.......ولا شكله يوم رجع احمر ومحرج جنااااااااان..........هيه انتي خرفتي........وش لك بالولد فصفصتيه ........هههههههههههه.........بس والله فله..........)كانت تكلم نفسها ونامت بدون ماتحس........
طبعا الجمعه فبيت ابو هشام قبل مايروحون للفندق اللي عاملين العرس فيه........كانت خالات هشام مو مقصرات من قبل العرس بشهرين.......يروحن لسعاد وامها ويسألنها عن القاعه كيف يبغنها ولا المفارش والكوشه تصميم خاص جاي من لبنان.......يعني اهتمن بكل شي من اوله لتاليه.......وبيت ابو هشام كان مو بيت كان اكبر من الفيلا بكثير لانه كان غني من زمان.....كانت قاعه الرجال فالبيت توازي مجلس ومقلط بيت ابو سعود .......ولا الاثريات اللي ماليه البيت كلها تحف جابها ابو هشام من رحلاته هو وام هشام الله يرحمها.......وطرقه تصميم البيت.......(بنرجع له انشالله)
أول مادخل ابو سعود والعيال استقبلهم هشام والوجه ينور والابتسامه شاقه الحلق هههههههههههه(مو شايف خير اول مره يعرس ههههههههه).......
هشام: يامرحبا .....أهلا وسهلا فيكم ......البيت ينور بوجودكم......
ابو سعود: الله يسلمك ويحيك يابناخي........وبغمزة...ها وشلونك........عساك بخير ..........
هشام تلون وجهه: ايوا ياعمي....بخير وعافيه....
ماجد قرصه: انشالله انا اللي وراك على طول.......
ابو عماد : ههههههههه.......انشالله ياوليدي.......ويرزقك باللي تمناه......
ماجد من قلب ورب: آآآآآآآآآمين
ابو هشام: حياكم يارجال.......بتظلون واقفين على الباب؟؟؟؟؟؟
سعود: قولهم ياعم.......من قبل شوي اسحبهم محد راضي......
ابو هشام: الا وين عماد.......ماجا؟؟؟؟؟
ابو عماد: يوصل البنيه عند عمتها ويجي انشالله.......
ودخلوا كلهم.......
فيصل ماجلس مع هشام وعيال خواله(هشام ماعنده لا عمام ولا عمات)وخالاته كانوا شايلين التصبيحه شيل......مع ان فيه مقهويين الا انهم ماجلسوا......وبالمباخر وكلشي.......لين انتقلوا للفندق حوالي الساعه 11 الظهر....
بيت ابو عاشق........
كان كل البيت يستعد ويتجهز.......ماعدا واحد ضاقت الدنيا عليه بما رحبت......
ام عاشق كانت حاسه بولدها
ام عاشق: ياوليدي لمتى هالحزن؟؟؟؟؟؟خلاص اللي كتبه ربك صار.......صدقني لو كانت مقسومه لك ماكان حد طالها......(وتمسح على راس ولدها....)
عاشق وهو يناظر للفراغ: خلاص يما......انا نسيتها......
الام وهي تأشر على علبه الزقاير اللي مابقى فيها الا ثنتين: واضح........واضح ياوليدي انك نسيتها........هذا من ساعه بس كان مليان.......
عاشق بدون مايلتفت: يماااا......انا نسيتها....وهالدخان تسلايه بس.......
الام: تسلايه بعمرك يالغالي.......تدري انه بيذبحك ان استمريت عليه......(وتمسك يده) يماااا.....انا مالي غيرك بها الدنيا....لاتحرمني من ضحكتك يالغالي.......(وبدت تصيح)
عاشق ينزل عند رجول امه: يماااا.......يالغلا والحنيه اللي ماشفت بحياتي مثلها.......دموعك غاليه علي......والله مااتحملها (وبدى يصيح معاها)
امه نزلت له وحضنته وقدوا يبكون مع بعض
هنا دخلت الشوق وكان بيدها فستان ..........يوم شافت المنظر طاح الفستان من يدها........وقلبها من بين ضلوعها......
الشوق: يماااااااا.......عاشق وش صار......(ونزلت تناظر لامها......)
امها وهي تمسح دموعها بشيلتها: يماااا......ضناي مهو راضي يريحني.......هالدخان والحزن اللي فيه ذبحوني......
الشوق تناظر لعاشق: خير ياخوي.......وش فيك حزين ومهموم.......ياخوك قولي انا اختك....
عاشق وهو يمسح دموعه بيده: مافيني شي......صدقيني حياتي......انا طيب.......(ويتهدل صوته) بس ماتحملت دموع امي.......وصحت.......(كان يكابر .......دموعه حزن ولوعه على فراق اللي حبها قلبه للابد......لانه عرف انها خلاص......صارت ملك لغيره ابد........)
الشوق وهي تقوم: الله يخليكم وقفوا هالمناحه........والله ماتحمل......الحين باصيح مثلكم.......الله يخليكم خل نقوم.......ورانا الف شغله وشغله....
عاشق يحاول يخفف من هالحزن: يلا يما غناتي.......قومي معاي......يلا الشوق....هاتي عبايه امي......
الام: وين ياوليدي؟؟؟؟؟
عاشق: مفاجأه ......قومي معي.....
الشوق باستغراب: مفاجأه الساعه 10ونص الصبح؟؟؟؟؟؟
عاشق بابتسامه مغتصبه: ايوا.......انا عندي هالوقت احسن وقت.......
الشوق مشت تجيب عباه امها.......وعاشق ساندها لين المغسله وغسلت وجهها وعطاها البشكير .......يوم خلصت ابتسمت له......وهو حبها ع راسها........وكتفها........وهو يمسك الدمعه.......
الشوق: وهذي العبايه....بس ماتبون تخبروني وين رايحين؟؟؟؟؟
عاشق بخبث: ماتشرهين.....يلا....ومسك العبايه ولبسها امه....وخذها بكل حنيه لين السياره وفتح لها الباب وركبها.....ثمن ركب هو مع الباب الثاني....ومشوا......
بيت ابو سعود.....
الساعه 11 الصبح......كانت سعاد من الفجر صاحيه وهي اصلا البارح مانامت..........وواقفه على المرايه تطالع بحالها......
سعاد تكلم عمرها بصوت عالي: هيه......انتي......وتطالع بعيونها......ايه انتي.......خلاص وقت اللعب ولى.......انتي الحين مرة وعنك زوج ومسئوليات........(وترجع تناظر بعيونها)والله ماهقيتكي تخذليني كذا......هيه خلاص اصحي وانسي الاحلام.....انتي عندك اهل تخافي عليهم وعلى سمعتهم....العاب الصغار راحت......(وترجع تناظر لنفسها)خلاص.....اي شي زمان انسيه.....انتي عندك حياه جديده.......ايه ومجهوله بعد........خلاص.......انتي اعقلي........وبعدين معك ......(كانت تتكلم مع نفسها جزء منها رافض هالزواج تماما وجزء عاقل متقبل لها الزواج هههههههههه........(احيانا اكلم نفسي بهالاسلوب لاتقولون مجنونه هذا الانا والذات وحوار عادي بينهم ههههههههه))
دخلت عليها هايدي وكان وجهها احسن عن امس: السلام عليكم عروستنا.......
سعاد تناظر لها من المرايه: وعليكم السلام.......ليه تذكريني......
هايدي: هههههههههههه........حد ينسى ان اليوم عرسه......هذا اكيد انهبل........هههههههههه
سعاد: خلاص انا انهبلت......كنت بحوار ذاتي مع نفسي........تو ماحسيت اني اتسرعت
هايدي: خليك عمليه حبيبتي........هالتراجع مامنه فايده......كلها كم ساعه وتفارقينا لبيتك الجديد......
هنا سعاد دمعت: يعني لازم.......لازم انتقل ليش مايجي هو هنا......
هايدي انصدمت من دموعها: حبيبتي.....لا تكين انا اسفه.......مايصير الرجال يجي عند البنت.......يعني انا اعلمك.....
سعاد تناظر للغرفه: يعني معقوله ........اترك غرفتي اللي كل عمري فيها.......واخواني وامي........وابوي.......ورجعت تصيح......
هايدي حضنتها: حبيبتي انتي مو رايحه بعيد.........وبتروحون لزوج يسعدك ويهنيك انشالله........شلون حالي انا المسكينه.......
سعاد ناظرتها: ليه علامك انتي؟؟؟؟؟؟
هايدي حست انها غلطت: هاااا.......لا انا مافيني شي......طالعي لي الحمدلله بخير وعافيه......
سعاد مسكتها ذقنها بيدها ورفعتها لين عيونها: هاااااااايدي؟؟؟؟؟؟؟(كان صوتها محذر لها انها تكذب عليها.....)
هايدي انهزمت: اوعديني انك ماتقولين لحد؟؟؟؟؟
سعاد بجديه وشوق: وعد شرف........
هايدي ناظرت للارض وخبرتها كل السالفه......
سعاد بحزن: لااااااااا........صحيح بترحلون عنا.......لاتقولين انا ماصدقت رجعنا لبعض.......الله يخليك قولي انك تمزحين.....
هايدي ماسكه الدمعه: والله صحيح.......الحين غيري الموضوع ابي استانس شوي بها الساعات الباقيات......مابي حزن ودموع.....
سعاد حزنت عليها وحست بالمسئوليه: طيب......شرايك اوريك بدلتي وعقدي اللي بالبسهم الليله؟؟؟؟؟
هايدي ابتسمت غصب: ياااااااريت......
وقعدت توريها واندمجن مع بعض وجت الجوهره وكملوا سوالف وضحك لين نسوا نفسهم.........
بيت ابو عاشق
اول مادخلت ام عاشق من برا كانت تضحك هي وعاشق
الشوق: وعليكم السلام والرحمه...
الام: سامحينا يابنتي نسينا نسلم....السلام عليكم...
الشوق: مسموحين دام الضحك شاق الحلق هههههههههه
عاشق: وانتي وش عليك غيرانه هههههههه
الشوق: وليه مااغير دام امي تحب غيري هالكثر.......الا اموت من الغيره.....
الام: عن الدلع عاااااد......تدرين اني احبك .....بس ماتغلين على وحيدي......
عاشق: تعيش امي.......تعيش.......وحبها على باطن يدها.....
الشوق قامت بزعل: لا والله........خلاص خليه لك اشبعي فيه.....انا باطلع فوق احسن لي.......ومشت عنهم
الام تناظر لعاشق يوم جلسوا: شفت.......زعلت اختك منا يرضيك؟؟؟؟
عاشق: خليها شوي هي ترضى بروحها......
الام: طيب انت الحين شلونك.......
عاشق مسك يد امه وحطها على قلبه: دامك راضيه عني انا بخير وعافيه.....
الام: راضيه عليك دنيا واخره.......
عاشق مسك يدين امه وضغط عليهن: أكيد........
الام استغربت: أكيد وش يالغالي.....
عاشق: اكيد.....مهما صار ترضين علي دنيا واخره.....
الام خافت من كلامه: ليه ياوليدي.........وش فيه؟؟؟؟؟
عاشق مسك عيونه ليصيح: مهما صار......اكيد بترضين علي؟؟؟؟؟
الام مسكت حالها: وليدي.......حبيبي.......علامك.......وش فراسك؟؟؟؟؟طمني وانا امك......
عاشق حب على ايديها: صدقيني مافي شي.......ياميمتي .....ياحلوة المبسم.......طمنيني وقولي انك راضيه عني دنيا واخر.....
الام من ورى قلبها: ياولدي.......قولي علامك انا امك حبيبتك......
عاشق قال بتصميم: طمنيني.......
الام: الله فسماه يشهد اني ياولدي يابن بطني راضيه عنك دنياه واخر.......
هنا عاشق طاح على ركبتها وحب رجولها وهو يصيح بصوت طفولي......وقعدت تمسح امه على راسه بخوف.......كانت حاسه ان ولدها فيه شي......بس مو راضي يخبرها....
وهنا سمعوا اذان الظهر......قام وتوضا وراح للمسجد.......ظلت ام عاشق شوي تطرد الوساوس عنها وراحت توضا للصلاه........
الشوق كانت جهزت الغدى على دخله عاشق.....
عاشق: ياسلام الغدى جاهز.......
الشوق: المفروض انك عند الرجال مو هنا....
عاشق قطب وجهه لكن رد: انا اروح لهم الليله انشالله......الحين وراي اشغال اخلصها......
جت امهم وتغدوا مع بعض.........طول الجلسه وعاشق يضحكهم ويسليهم.......وكان نادرا مايسوي كذا......
يوم تغدت ام عاشق طلعت تريح شوي......والشوق خذت الاطباق للمطبخ.........وهي قاعده تساعد الخدامه ماحست الا اللي يحبها على راسها....
الشوق التفت: عااااشق....وش شايفني عجوز تحبني ع راسي؟؟؟؟؟
عاشق بنظرات كلها حب: لا يالغاليه....انتي شيخه البنات....
الشوق: وراك اليوم.......غزل صريح هااااا......عمري ماراح اسامحك اخذت الغلى عني هاااااااااا......ز
عاشق حط يده من ورى كتوفه: بتسامحيني انشالله......خصوصا اذا شفتي هذا ومد يده بهديه.........
الشوق: الله.......وهدايا بعد.........والله انك مو هين......يالله هذي بوسه مسامحه وحبته على جبهته........
عاشق: طيب افتحيها........
الشوق: أي شي من اخوي حبيبي..........حلوووووووو
عاشق: يعني ماراح تزعلين مني؟؟؟؟؟؟
الشوق: طبعا لا..........
عاشق بنبره غريبه :وتسامحيني على كل شي......
الشوق: اكيد حبيبي اسامحك عن كل سخافاتك الماضيه بس انشالله تترك هالعاده الشينه........
عاشق: انشالله.......يلا باروح توصين شي؟؟؟؟؟
الشوق: سلامتك يالغالي........
طلع ......وهو على الباب وقف شوي كنه يفكر..........بعدين رجع بسرعه وحبها على خدها وطلع.........هي اتفاجأت منه .......ليش يتصرف هالتصرفات الغريبه؟؟؟وش صاير له؟؟؟؟كانت هذي اخر مرة تشوفه قبل ماتروح للعرس........
بيت ابو سعود
الساعه 3 الظهر
كانت سعاد نايمه بعد ماغصبوها تغدى وبالزور اكلت كم لقمه.......وامها ترتب اغراضها عشان الليله........والجوهره وهايدي بغرفتهم يتشاورن على المكياج والاشياء هذي.......ز
ماجد دخل البيت وقال للخدامه تنبهم انه داخل.....
اول ماطلع فتح باب غرفه سعاد بشويش وكانت نايمه: مشى على روس اصابعه وجلس على الكرسي اللي عندها.......وقعد يتأملها وهي نايمه......
بعد ربع ساعه جى سعود......اول مافتح غرفه اخته بشويش اتفاجأ بماجد
سعود بهمس: انت هنا؟؟؟؟؟
ماجد: وانت ليه جاي؟؟؟؟؟
سعود يبتسم: بغيت اشوفها قبل الزحمه...
ماجد: وانا بعد.....
ومشى على طروف اصابعه وجلس على الكرسي الثاني.....وظلوا يتاملوها.....
شوي ولا فيصل جاي.......وقالوا له نفس الحكايه.....وجلس على طرف السرير بدون مايوعي اختهم
فيصل: مو مصدق......
ماجد: وانا بعد
سعود: خلاص انتم كبار بتصيحوني معاكم الحين.....
ماجد : هالشقيه بتفارقنا.......والله صعبه...
فيصل: اسكت ولا بتشوفني ابكي الحين.....
سعود: اصصصصصصصص........قاعده تتحرك.......
سعاد فتحت عيونها بشويش........ماكانت مستوعبه المكان.....يوم ناظرت ولا كلهم يناظروا لها......قامت بصرخه...
فيصل مسك يدها: بسسسسسسس.......
سعاد: اشفيه.......اشصاير......امي بها شي؟؟؟؟؟
ماجد بضحكه: كلهم بخير .....محد فيه شي.....
سعاد: اجل ليش كلكم مجتمعين هنا؟؟؟؟
سعود: اشتقنا لك......عاااادي...
فيصل: والله مو مصدق انك بتزوجي وتخلينا......على من بالعب بعدين.؟؟؟؟؟
سعاد: والله.......حضرتك شايفني لعبه عندك؟؟؟؟؟
ماجد: محشومه الغاليه......بس والله مو مصدقين......
سعاد قعدت تطالعهم: يعني يتوضحون لي انكم هنا عشان مشتاقين لي......ومو هاين عليكم اني امشي عنكم؟؟؟؟؟
كلهم ناظروا لها بعلامه الموافقه
سعاد بدت الدموع تجمع بعينها: يعني انتم تحبوني؟؟؟؟؟
فيصل ضمها له: طبعا ياعمري......انتي اختنا الوحيده......اكيد نعزك ونغليك اكثر من أي شي بالدنيا....
سعاد: فديتكم والله....مابي اتزوج ابي اقعد عنكم......
ماجد يناظر لهم: شفتوا......بتخلون ابو الهش يذبحنا الحين.....شيشنا مرته عليه....
سعود: لااااااا........عاد كله ولا العرس......بيفرغ بروسنا طلق هشام.......
سعاد: مافشر يقرب صوب واحد منكم......اذبحه بارضه......
فيصل: بعدي اختي.....فديتك والله......
ماجد: تدرين سعاد باحذرك......
سعاد: من ايش؟؟؟؟
ماجد: من ابو الهش........عليه تصرفات غريبه عجيبه......وتريه غريب الاطوار احيانا.....
سعاد تناظر: ايش تقول؟؟؟؟؟؟؟مجنون يعني؟؟؟؟؟
هنا كلهم ضحكوا بصوت عالي.....
سعود: أي مجنون يابنت الحلال......كنا بنزوجك ياه لو كان مجنون........هو.....(وقعد يفكر بتعبير مناسب)مرح زياده عن اللزوم.......وصاحب مقالب وقفشات.......يعني ماتستغربي يوم يطبخ بدالك......ولا تلقيه لابس لبس يضحك.......ولا سيارته غريبه........يعني.......
سعاد: ايييييييييش........لا دخيلكم مابيه.......
ماجد يناظر لسعود: شفت خرعتها زود.......قولها انك تمزح.....
سعود بضحكه: امزح.......امزح صدقيني..............المهم لايذبحنا الرجال......يوم يشوف دموع حبيبته بيقتلنا اكيد......
وهنا دخلت امهم
الام: بسم الله وراكم متجمعين كلكم هنا؟؟؟؟؟
سعاد: مشتاقين لي يما......
الام : وي علام عيونك كذا.......(وتناظر لهم)مستانسين الحين......شوفوا عيونها من اثار الدموع خلاص......يلا قدامي.....وبطرد تطردهم.....
هنا جت رساله لسعاد: فتحتها........من شافتها تغير لونها........خطف ماجد الرساله وقام يضحك بصوت عالي.......الشباب انقهروا وخذوا الجوال يقرون الرساله.......
سعاد استحت منهم........ودزتهم لين طلعوا........ويوم مشوا مسكت الجوال وقرت الرساله مره ثانيه.........مافيها شي بس كلمه( مبرووووووووووووووك علينا)
اخذت تضرب ازرار الجوال بعصبيه: (الله يبارك فيك)
ورمت الجوال بكل برووووووود على السرير.....
العيال قاموا فرحانين لاختهم......ونزلوا وصادفوا عماد عند الباب....
ماجد: اقول يالحبيب.....ماكنك مصختها كل شوي جاي بيتنا؟؟؟؟
عماد: اقولك.......بيتكم بكبره ماهمني......همني الاقمار اللي فيه.....
سعود: ياعيني ياعيني.......من قدك ياحضره........عندك بدال القمر ثلاث.......
عماد: غلطاااااااااان ههههههههههههههه
فيصل: الا ثلاث اقمار .......مو اثنين الا اذا كانت زوجتك مو قمر هههههههههههه
عماد: وانت بعد غلطاااااااااان ههههههههههه
فيصل وسعود سكتوا.......
عماد: عندي ماشالله حولي وحوالي اربع اقمار......بناتي وزوجتي وبعد عمري اختي وحيدتي......
هنا وجهه فيصل تلون........يمكن لانه سمع طرياها ولا لان اخوها تغزل بها قدامهم
ماجد: ماشالله حولك.......اجل حنا قمراي وحده بس......
سعود: غلطااااااااااااان.......هههههههههههههه....... .كان عندنا اثنين ومن الليله بس وحده
عماد: الله يعوضكم جميع بزوجات صالحات تملا بيوتكم اقمار....
فيصل: اقول شباب ماسمعتوا كلام يمين شمال عن الشباب حد بيسوي مقلب بهشام؟؟؟؟؟
ماجد: منين يااااريييييت........بس خبرك شلتنا خواااااااااافه مره.....ولاحد قدر يفكر بمقلب ولاينفذه.....
عماد: ياويلكم ان قربتوا له........حراااااااااام عليكم انا مت من الخوف ليله عرسي.......والله مااتمناها لمسلم غير خالد.....
سعود:ههههههههههههههههاااااااااااااااي..........هال مسكين انا متأكد انه مابيتزوج هنا من خوفه منك........ههههههههههه
فيصل: اقول شباب ترانا مصخناها وحنا واقفين هنا.......يلا مشينا للفندق......
عماد: يلا.........انتم ........وانا خلوني شوي...........
ماجد طالع بالعيال ومسكوه من يده وجرووووووة للفندق
وصارت الاحداث بسرعه.......وصلوا المعازيم للفرح من المغرب........والعروس والجوهره وهايدي وامهم جوا على الساعه 10 ب الليل......ووقفوا بغرفه الانتظار......انظم لهم هشام وابوه بس ......جت خاله هشام وزفتهم.....كان كل شي مرتب وحلو لاخر درجه........ابو سعود وماجد هم اللي دخلوا سعود رفض رفض باتا .........وفيصل امه منعته.......ووصلوا للكوشه........رفع هشام الطرحه عن وجهه زوجته وهو مو مصدق حاله......بسرعه حبها ع جبهتها........وجلسوا........بدوا المهنئين يوصلون ........ومشى ابو هشام وابو سعود مع بعض.......
على الطوايل.......كانت هايدي والجوهره والشوق على طاوله.......اول ماخلصت الزفه قامن يعلقن على العريس والعروس.......محد لاحظ ان الشوق مهي معهم بالمود ابدا.....
الجوهره تهز الشوق: الشووووووق.....
الشوق: هه.......هلا الجوهره بغيتي شي؟؟؟؟؟
الجوهره تطالع للمكان اللي تناظر له اختها وتنصدم: الشوق ......على ايش تطالعي؟؟؟؟
الشوق تناظر للحريم: هه......ولا على شي.......كنت بس سرحانه......
الجوهره: ماسمعتي شي من اللي نقوله؟؟؟؟
الشوق: اسمحي لي ماانتبهت.....
هايدي بخبث: اللي ماخذ عقلك يتهنا به......
الجوهره ماعلقت......بس قامت تشوف بناتها.......
الشوق رجعت تخطف نظره على المكان مالقت احد......ناظرت للارض وهي خايفه ان اختها تكون شكت بشي....
فنفس اللحظه رن جوال الشوق
الشوق: هلا عاشق......بغيت شي؟؟؟؟
عاشق: بغيتك انتي وامي تجن للبوابه..
الشوق : انشالله.....بس دقايق......
عاشق: بسرعه لاتتأخرن علي......
الشوق قفلت وراحت تدور امها.......يوم لقيتها عطتها عباتها وراحن للبوابه الكبيره.......
عاشق كان واقف ولابس ثوب وكان اخر كشخه......
عاشق: هلا يما.......خفت انكن تطولن....
الشوق: هلا عاشق بغيت شي؟؟؟؟
عاشق ومبين عليه التوتر: بغيت اعطي هذي امي.....وجيت البيت لقيتها رايحه....ماهان على الا تلبسها.....ومد يده على العقد اللولو.....ورفع طرحه امها عن رقبتها وقعد يلبسها
الشوق: عاشق......ماله داعي حنا بالشارع.....
عاشق: خلك بنفسك ماهمتني الدنيا بكبرها
الشوق( اتفأجأت ان امها ماحركت ساكن كنها مخدره......)
يوم ارخى عاشق يده......طالعت فيه امه من ورى نقابها.......كنها تناظره لاول مره.......هو مسك دموعه وحظنها على طوووووووول.......
الشوق: ايهههههههههههييييييييه.........هيه انتو بالشارع......خلو مشاعركم الجياشه بعدين.......ودزتهم على زاويه الباب من داخل.....
عاشق رفع حاله عن امه غصب.......وناظر ف الشوق........
الشوق كنها فهمت: لا تحاول.......
عاشق (ماخلاها تكمل كلمته الا وحظنها على طوووووول)
الشوق: عاشق......اخوي......كان لسى مايتحرك.......اتفاجأت ان الباب من وراهم فتح..........والمصيبه انه ماجد وفيصل.......كانوا فغرفه الاستراحه مع امهم.........الشوق على طول بعدت اخوها وراحت داخل.....
ام عاشق: هلا بناخي.....هلا وليدي.......كيفكم.......
ماجد وفيصل كانوا لسى مبهورين من المنظر اللي قدامهم لكن ردوا عليها التحيه......
عاشق : هلا شباب......مادرينا انكم هنا......
ماجد وهو لسى شاك....: لا حصل خير.....
ام عاشق: ياعيالي لايروح فكركم بعيد......هذي اخته........من زمان ماسلم عليها........بس......
هنا الدم تصاعد فراس ماجد......(مايستحي يحضنها بالشارع عيني عينك.......وين غاريته....الا والله الخديه......لو بس لي سلطه عليه)
فيصل: اسمحي لنا خالتي.....
عاشق وهو معاهم: حب يده امه.......يماااااا.....اكيد تسامحيني؟؟؟؟؟
ام عاشق باستسلام: اسامحك دنيا واخره يمااا......بس انت ارتاح......
ومشى عنها بدون مايناظر وراه......
ماتدري ام عاشق ليش وهي تناظر له.....عندها احساس قوي انها ماراح تشوفه مره ثانيه؟؟؟؟؟؟
العرسان زفوهم لجناحهم على الساعه 11 ونص........وراح معاهم ماجد.......البقيه كانوا على الباب بس........ابو عماد راح يجيب الفان من البيت......عشان ياخذ عهود ويودع العوايل باللحظه الاخير......كان لازم يكون بالمطار على الساعه 12 اكيد لان طيارتهم 1 بالليل........واللي راح معاه سعود بسيارته عشان هو اللي داري من العيال......
اول ماوصل البيت بسرعه نزل يشغل السياره.......والمفاجأه عيت السياره تحرك من مكانها......
سعود: خير عمي.....
ابو عماد وهو معصب: رافضه تشتغل......
سعود : حاول عمي.......وراح ركض بفتح الكبوت حق السياره......
رجع ابو عماد يدق سلف بدون فايده.......
سعود: حاول ياعمي......
ابو عماد نزل بسرعه: مافيه وقت.......وراح يفتح الشنطه حقت سيارته وينزل الا غراض.....
سعود: وش تبي تسوي؟؟؟؟
ابو عماد: افتح شنطه سيارتك........
سعود: سيارتي ماتكفي اغراضكم......
ابو عماد وهو ماوقف: اتصل على عماد وقوله يجيب اخته ويجي......مافي وقت نودعهم.....
سعود : انشالله عمي...
سعود يدق: الووووو......عماااااااد.....وينك؟؟؟؟؟
عماد: بعدني بالفندق خير؟؟؟؟؟؟؟
سعود: يقولك خالي...جيب هايدي وتعال طيران الفان اتعطلت ومابقى وقت ع الطياره......
عماد: هايدي روحت مع عمتي لانها منهاره واتوقعت انكم تجوووون تودعون عمتي.......
سعود ناظر لخاله: خالي يقولك هايدي بيت ابوي......
ابو عماد ضرب السياره بيده بقوة: اشلون هالحين......من البيت للمطار نص ساعه وان راح بيت عمته بيتأخر ثلاث ارباع ساعه......خله يجي هو طيران نحمل باقي الاغراض معاه......ونشوف حل لهايدي بعد شوي......
سعود قال لعماد وبعدين ناظر فخاله: خالي.....ليش ماتاجل السفر يومين.........
ابو عماد: يوم السبت اجتماع الرؤساء وانا كمستشار لازم احضره والرحله الجاي غير يوم الاحد......مستحيل اتأخر.....
سعود: وش نسوي لهايدي الحين؟؟؟؟؟
ابو عماد: كلم ابوك خل يجيبها؟؟؟؟؟؟
سعود: ابوي عند الرجال.......وهو اصلا مايسوق بالليل.....
ابو عماد: قول لها تاخذ تكسي وتجي.....لحظه......فيصل يسوق؟؟؟؟؟؟؟
سعود: بس ماعنده رخصه.......
ابو عماد: يسوووووووووق.......
سعود بنفاذ صبر: ايه.......
ابو عماد خلاص........:كمل الشنط وطلع الباقي برا.......
ابو عماد: الووووووو.......هلا بنتي هايدي......
هايدي: هلا يبااااااا........وينك ماجيت؟؟؟؟؟
ابو عماد: حبيبتي.......لبسي عباتك..........ووجهزي شنطك الحين .....
هايدي بتجي الحين؟؟؟؟؟
ابو عماد: خلصي ونزلي عند الباب بسرعه........ولا تودعي احد.......بسرعه......
قفل ابو عماد وناظر لسعود: كم رقم جوال فيصل؟؟؟؟؟؟
سعود: *******050
ابو عماد : الوووووو
فيصل: هلا........من خالي؟؟؟؟؟؟
ابو عماد: طلبتك ولدي قل تم........
فيصل احتمى من كلام خاله: تم.......ياخالي افا والله.....
ابو عماد: ابغاك تخاطر وتجيب هايدي للمطار الحين.......ماتوصلون الا وحنا واصلين.......
فيصل فتح ثمه من المفاجأه: أ.........
ابو عماد: انا عارف ان ماعندك رخصه لاكن مالقيت غيرك.......خصوصي ان الكل بالفندق......وهو بعيد مررررررره عن المطار يعني مانلحق على الطياره.....
فيصل ماكان بيعترض على الرخصه.......كان بيعترض انه ماراح يتحمل قربها منه........خصوصا عقب الاعتراف الخطير اللي اعترفه لنفسه اليوم.....
فيصل تذكر: بس انا ماعندي سياره)وارتاح لها الحجه المقنعه)
ابو عماد : ماعندك سياره؟؟؟؟؟؟
سعود: قله ياخذ سيارتي القديمه مفتاحها فوق دولابي......
قال ابو عماد هالكلام لفيصل وقفل بسرعه لان عماد وصل وراحوا يشيلون الاغراض...
فيصل ظل واقف بغرفته شوي.........انا اوديها؟؟؟؟؟؟؟وناظر لنفسه ولا هو بالبيجامه......بسرعه بدل.......وتكشخ وتبخر كنه عريس........بعدين قعد يضحك على حاله انا وش اخبل بروحي.......بسرعه طار لمفتاح اخوة.......ونزل.........يوم جا يفتح السياره تذكر(المطااااااار؟؟؟؟؟؟؟؟؟)لييييييييييش؟؟؟؟؟؟؟؟وين بيسافرون بهالليول؟؟؟؟؟؟؟.........وبدى الف سؤال وسؤال براسه.......
هايدي استغربت كلام ابوها........بس بسرعه لبست عباتها ولملمت اغراضها الخفيفه بشنطه يدها.......وبدت تمشي على روس اصابعها........شافت عمتها تصيح والجوهره تهدي عليها.......كان ودها تسلم عليها لكنها مسكت حالها غصب........ونزلت.......تنقبت وفتحت الباب الفرعي من البوابه الكبيره........وظلت واقفه تتنتظر الفان تجي......
انصدمت يوم البوابه فتحت(من بيطلع سيارته الحين؟؟؟؟؟)........لكنها صدمتها مهي شي عند صدمه فيصل يوم شافها........فيصل ماكلمها........رجع داخل.........(عصبت هي ليش ماسلم........)......وشوي الا وصوت سياره سعود اللي هي تعرفها.......وقف ونزل وفتح لها الباب اللي يمه ......
فيصل: يقولك خالي امشي اوديك المطار.....
هايدي فتحت عيونها من المفاجأه: نعععععععععععععععم؟؟؟؟؟؟؟؟
في بيت ابو عاشق.......
اول مادخلت ام عاشق البيت........مافتحت النور على طووووووول طلعت لغرفه عاشق
الشوق: يمااااااا.......شوي شوي على نفسك.......طيب نزلي عباتك؟؟؟؟؟؟
ابو عاشق: بلاها امك تركض كنك صاير شي؟؟؟؟؟؟؟
الشوق: ماااااادري الله يستر......
ماخلصت جملتها الا وصرخه امها تعبر المكان كله.......وتخليه يهتز مثل الورقه......
طار ابوها وهي لين وصلوا لغرفه عاشق اللي كانت مفتوحه......
الشوق فتحت عيونها على الاخر من المفاجأه.........
ياترى؟؟؟؟؟؟ايش اللي صاير بعاشق؟؟؟؟؟؟
وهايدي .......بتركب مع فيصل؟؟؟؟؟وايش رده فعل اهلهم؟؟؟
وسعاد ايش سوت بالفندق؟؟؟؟؟؟؟
ومع احلى الاجزاااااااااااااء.........
نهايه الجزء الثاني والاربعين
الجزء الثالث والاربعين
كانت الزفه رهييييييييييييييبه لهشام.......على عكسها لسعاد
وراحوا الاهل من عند الباب.....الا ماجد اللي صمم يدخل ويلتقط صور معاهم
ماجد: اقولك......صوريني من هنا.....(ووقف بين اخته وزوجها.....)
هشام: خلاص ياخويا....كفايه صور....
ماجد يبتسم: وانت وش عليك......(ويناظر لسعاد)تبغيني اتصور؟؟؟؟؟
سعاد ناظرت للارض وهزت راسها علامه الموافقه......
هشام ارتفع ضغطه.....بينما ماجد ضحك بخبث......
واخر شي طلبت المصورة ان العروسين يوقفوا مع بعض.......بعد مارفع ضغطها ماجد....
هشام تشقق من الوناسه....وبدون كلفه لم سعاد وصورتهم المصورة....
سعاد اللي اصطبغت من الحيا......اشلون يسوي هالحركه قدام اخوها.......
وماجد انحرج على الاخر....
ماجد: اقول ياجماعه.....الف مبروووووووك.......والسموحه....
سعاد فتحت ثمها بتناديه.....لكن صوتها اختنق بحلقها ولا طلع.....
ظلت سعاد بالغرفه وهي تسمع هشام يودع ماجد والمصورة ويأكد عليها ان الصور خلال اسبوعين تكون موجوده......وسمعت قفل الباب وراهم..........
مرت لحظتها كنها دهر......والخوف ماليها .......اول مرة تحس بخوف فضيع كذا.....سمعت مشيه للغرفه......ناظرت حولها بتنحاش......ولا بتخبى بمكان......بدون فايده غرفه نوم وفيها حمام......بس .....والدور العشرين.....وينها وين النقزة الحين........
دخل هشام وهو يبتسم: معليش ياحبيبتي......انا متعود على خفه دم ماجد......(وجلس قبالها.....وظل يناظر فيها)سعاااااااد......
سعاد كانت لسى تناظر للارض: نعم.....
هشام: الف مبروووووك......انشالله يارب اقدر اسعدك واهنيك......
سعاد ظلت ساكته.......لكن شريطه الورد اللي بيدها انهرت من كثر ماتفركها......
هشام قام من مكانه بيجلس جنبها.........بدون ماتحس لقت حالها قايمه وهي تقول كلام ماتدري كيف نطقته
سعاد: اقول......انا ماصليت بعدني.....ولا بدلت ملابسي......ولا.....ولا......
هشام وقف قبالتها وابتسم: ولا ايش؟؟؟؟
سعاد بحيل منهد: ولا وضيت.....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك