رواية مسموح يامن ملكت الروح -28
اول فيصل مد يده ببوكس قوي..........تفاداه عماد بمهاره........لكن ماانتبه لرجل فيصل اللي غاصت بمعدته..........تأوه عماد بشده.........وهو يشد فيصل من كتف ثوبه ويرميه على جنب السياره.........طاح فيصل وهو يصرخ لكن بسرعه قام ولاهو مواجهه عماد مثل الثور الهايج.........انقض عليه عماد ببوكس حرك كفه من مكانه ونزل الدم جري على خده...........لكن بسرعه بوقبضه فيصل رد على عماد بضربه على صدغه حركت راسه شوي واستند على السياره ودوخ.........لكن قاوم(اكتشف ان فيصل قوته عاليه)وكان فيصل طاير عليه من ورى ومسكه من خصره يبغى يفقده توازنه عشان يرميه بوسط الشارع .......لكن عماد رد عليه بانه نزل راسه لين مستوى رجليه وقلب فيصل وطاح فيصل على ظهره بالشارع وكان الشارع صلب.........ظل فيصل ثواني يصلب ظهره ..........نزل عليه عماد وهو يقوله : ها اكتفيت ولا ازيد؟؟؟؟؟
فيصل: ماجابته امه اللي يتغلب علي...........وبسرعه وقف ولا هو مقابل عماد..........وبغوا يمسكون بعض الا والناس متجمعه عليهم
سعود اللي خلص غداه وطلع بيدور على فيصل شاف اللمه برى وراح يدفعه الفضول يشوف ايش فيه؟؟؟؟؟؟؟؟؟؟بغى يغمى عليه يوم شافهم..............فيصل والدم مالي ثوبه وعينه منفوخه شوي ولا عماد اللي ملابسه مقطعه وخده كله لونه احمر.........يعني مشردين هههههههههههههههههه
سعود بصريخ لانهم يحاولون يمسكون بعض: عماااااااااااااااد.............فيـــــــــصل...... ..
انتبهوا له اثنينتهم..............
سعود: وش السالفه ليش مسويين باعماركم كذا؟؟؟؟؟
فيصل يطالع لعماد: هو اللي بدا مو انا........
سعود: علامك ياعماد يالعاقل؟؟؟؟؟؟؟؟
عماد: خلني عليه........اربيه.......
فيصل: مربي قبل عنك يالثور........
سعود بصريخ عالي: فيصــــــــل ..........وبعدين.............يلا قدامي على السياره......
فيصل: خلني باروح البيت.........
سعود بسخريه: ايه روح خل امك يغمى عليها واختك تنفجع بشكلك..............عيب عليكم بكره العرس وليوم خناق مثل البزارين..........يلا السياره نروح بيت خالي......
وركبوا وكل واحد مايكلم الثاني
فيصل اللي عارف ان هذا بسبب الكلام اللي قالته اخته له
وعماد اللي مايقدر يستنطق فيصل ويعرف اخته وش صار لها هناك.......وبعد هالخناق ماراح يخبره اكيد
اول مانزلوا كان ابو عماد بيطلع........وكان فاتح السياره الفان ويحمل فيها كراتين وشنط يعني كنه بيسافر............اول ماشاف العيال انصدم حتى نسي يقفل شنطه الفان
ابو عماد: بسم الله..........بلاكم ياعيال.........مع من متهاوشين؟؟؟؟؟؟؟
سعود حاول يغطي عليهم: هذا الله يسلمك فيصل كان يتخانق مع ولد وجى عماد يساعده تورطوا اثنينهم.........وقام يضحك عشان يغطي على السالفه
عماد: هو الصادق يباا......
فيصل: صح عمي....انا كنت اتخانق مع واحد....وجوا يساعدوني...
سعود يصلح له: مع جماعه ويقرص عينه لفيصل...
فيصل: جماعه...صح....جماعه كثار.......
ابو عماد ماصدق بس سكت عنهم لانه مشغول: طيب يلا بسرعه بدلوا وحطوا ثلج على عيونكم مو حلوا بكره تكون ورمانات........وانت عماد حط ثلج على خدك..........بكره بيزرق .........وانت فيصل حط مطهر ولزق جروح على مكان الدم.........بسرعه شباب ورانا اشغال كثيره.........
(سعود عرف ان عمه مشغول مره ولا كان ناقشهم فارتاح لكلام عمه)
سعود: يلا شباب سوو اللي قاله لكم خالي.......البيت قدامكم فاضي.....
ودخلوا العيال كل واحد مايكلم الثاني ابد.........
سعود ظل واقف عند عمه: اقول خالي......
ابو عماد وهو يرتب كتب بالكرتون قبل مايقفله باللاصق.........:خير ولدي قول اللي تبي...
سعود: عسى ماشر اشوفك تجهز وراك سفره؟؟؟؟؟؟
ابو عماد ترك اللي بيده وناظره: لا ياولدي ماوراي سفره........
سعود لسى علامه الاستفهام على وجهه: اجل.......ليش كل ذا.؟؟؟؟؟؟
ابو عماد كمل شغله وبدون مايناظر له: لاني راحل بعد العرس انشالله لكندا.......فرع الشركه هناك محتاجني كاستشاري دائم.......فانتظرت لبعد العرس........
سعود فتح ثمه من الدهشه: خالي........انت بترحل عنا؟؟؟؟؟
ابو عماد وهو مايناظر له لكن واضح انه متأثر: كم سنه انشالله وبعدها ارجع......
سعود: لا ياخالي لاتقول........حنا ماصدقنا انك استقريت عندنا تقوم ترحل.....
ابو عماد: اقولك ولدي......هالخبر محد يعرفه غير الكبار وياريت ماتخبر فيه احد لين اسلم على الكل خصوصا امك ماراح تتركني......
سعود: بس.........
ابو عماد طالعه بنظره حزينه: لا بس ولا شي........
سعود: طيب وعماد.......وهايدي؟؟؟؟؟
ابو عماد رجع لشغله ورد: عماد صاحب بيت وموظف ومتزوج ماراح يروح معي.......وهايدي شاورتها قالت ماتبي تتركني بروحي........
ابو عماد: مافيها شي خلصت المتوسطه وهناك ادخلها مدرسه تتوافق مع مناهجنا وشهاداتها معتمده.......وبعدين مونتريال مدينه حلوة وانا اخذت بيت حوله سور وحديقه حتى ترتاح فيه وبحي كله عرب عشان تكون صداقات.....
سعود: خالي.......انت مرتب كل شي؟؟؟؟؟؟
ابو عماد : انا من ثلاث شهور وانا اتجهز........
سعود: الله يوفقك ياخال والله مايهون علينا تتركنا........وحضن خاله اللي انصدم من حركه بناخه لكن حط يده على راسه ومسح عليه(كان بيدمع بس مسك نفسه)
ساعد سعود خاله لين خلصوا كل الشنط والاغراض.......وسكراوا على الفان بالكراج عشان بالليل الساعه 1 بكره طيارتهم وبيكونون جاهزين.......
(فيصل وهو يتحمم حس بغلطه انه مهما كان مايجوز يضرب رجال اكبر منه ولا زود ابو عيال بعد .......وصمم بس يطلع بيعتذر منه)
يوم طلع لقى عماد بالصاله حاط ثلج على صدغه ولا عبره
فيصل: السلام عليكم عماد...
عماد بدون نفس: وعليكم
فيصل: السموحه اخوي.......انا غلطت عليك وماكان يصير اضربك والشيطان شاطر....
عماد ناظر له بعين: يعني تعترف انك غلطان...
فيصل ناظر للارض: ايه....غلطان وابي منك السماح ........(وقرب بيحبه على راسه)
عماد بعده: ماني مسامحك غير بشرط....
فيصل: اشرط وامر وانا علي التنفيذ...
عماد: لا تقول وتخلف بعدين....
فيصل: انشالله...
عماد: ويش سوت اختي هذاك اليوم؟؟؟؟؟؟؟
فيصل تلون وجهه: وليش هي ماخبرتك؟؟؟؟
عماد: اختي كانت تمر بصدمه ومهي متذكره شي بنوب........
فيصل فتح عيونه ويبتسم: واللـــــــــــــــــــــــــــــه؟؟؟؟؟؟؟؟
عماد طالعه : والله...........يعني باكذب؟؟؟؟؟؟؟
فيصل: محشوم..........ويطير يبوسه على راسه وعلى خذه(فرحان انها ناسيه عشان ماتحس بالحرج لو تشوفه لانها من يومها ماشافها وقال فرصه بكره يشوفها لكنه مستحي من الموقف اللحين مافي شي يستحي منه)
عماد: بس..........بس..........خيستني.........وعورت صدغي....
فيصل: انا احبك..........انا اموووووووووت فيك.........وطار برا ولا قال له شي......
عماد يبوس يده وجه وظهر: الحمدلله والشكر ........استخف هالولد........
المهم تغدو وناموا لهم ساعتين عشان يستعدوا للعشى الليله.......الرجال فبيت ابو عماد.......
طبعا الكل بالعزيمه يسـأل عماد وفيصل.........عن الالوان اللي بوجيهم........وكل واحد يقول نفس القصه..........ههههههههههههه...........بعد الخناق الاتفاق..........
عند البنات........هايدي لبست طقم تنورة فيه لمعه بسيطه على درجات الوردي لين الزهري وسوت شعرها وردات بسيطه.......يعني حتى المكياج خفيف.......
الجوهره لبست فستان اسود طالع عليها خيال ومناسب لست متزوجه وشعرها حر........ولبست طقم ناعم ماس كان هديه من عماد لمن ولدت التوم ..........فجاي على الفستان حلو
الشوق لبست تنورة وبلوزه يعني عمليات مره بحكم انها تحرك وتخدم مع ام سعود وامها....وشعرها سوته رولات وطلع عليها مناسب وزي كل مره تحط ورده فوق اذنها اليمين.........يعني شكلها مثل فنانات السينما
سعاد عاااااااااد تعالوا شوفها.........طالعه جنان بالفستان الايطالي المليان خرز وترتر وقصته المبتكره جاي على درجات الازرق........معطي قوه وكتوفها برى.........ولابسه ذهب ابيض مطعم بفصوص نفس لون الفستان.........الشي الغلط الوحيد هو شعرها الولادي........مع ان المزينه حاولت تكثفه بس قصير .......
عهود كانت لابسه فستان هادي مافيه لمعه وشعرها طبيعي وعيونها ينبضن بالحزن..........ونحفانه شي 8 كيلوا يعني اللي يشوفها يقول صايبها مرض........امها بالعافيه خلتها تروح للصالون وحاولت معهها المزينه لين خلت وجهها حيوي شوي....
كانت الساعه حول 11 يوم البنات نزلن تحت وخلن سعاد لحالها شوي........الشوق كانت تحاول تنفس عن عهود حست بها حزينه.....
الشوق: هاااااا عهوده .........شرايك بسعاد
عهود بضحكه: ماشالله عليها طالعه قمر....
الشوق: عاد انتي لاتبالغي........ماتشوفين شعرها هههههههههههه
عهود تتذكر: ههههههههههه........مسكينه الا شعرها ذا......الله يعينها ليه ماتطوله؟؟؟؟؟؟
الشوق تقاطعها: تشربين عصير........وماانتظرت سحبتها للمطبخ.....
عهود تضحك: ايوا ابغى عصير.....عطشانه.......
وقفن بالمطبخ كانت ام سعود شايله صينيه حلا لحريم تو ماوصلن.........راحت الشوق وفتحت الثلاجه........وقعدت تعبي كوب عصير........عطته عهود........عهود مسكته وسرحت شوي........وهي راحت تعبي كوب ثاني لها...........ولا الباب يفتح
سعود لماجد وفيصل: يلا بسرعه دخلوا الصدر (صحن الاكل الكبير )
الشوق انخشت بباب الثلاجه المفتوح عشان مايلاحظوها وشافت عهود ماحولك احد
الشوق: انلجمت ماقدرت تفتح ثمها تقول ملزق بباتكس........
وهم يدخلوا الا وفيصل ينزله ويشرد برا........
سعود: ليه فيصل.......وناظروا الاثنين.........كانت عهود اللي باينه وكانت سرحانه ماحست بدخولهم كلش.......
سعود على طول عرفها ونقز قلبه بس طلع على طول........وماجد ناظر تحت وتنحنح
عهود انتبهت من شافت الرجال على طول هربت داخل وهي ترجف من الموقف......
ماجد يبتسم للموقف: تعالوا عيال ......الدار امان.......بس ماشالله عليها......
سعود عصب: عيب عليك .......استح.........ورجعوا يشيلوا الصحن لين فوتوة........
تلقائي ماجد راح للثلاجه والا اللي يصرخ عليه(لاتقرب)
شكل ماجد رهيب يوم نقز من الخريعه
انتبهو عليه العيال
سعود: علامك ماجد
ماجد برجفه: بسم الله........سمعت صوت....
الشوق: السلام عليكم عيال...........مبروك زواج اختكم ولو سمحتم بلا مطرود مو لابسه ستره......
ماجد عرفها على طول( أأأأأأأأهـ بعد عمري هنا ......خساره اللي مافتحت الباب انا )
سعود: هلا وغلا الشوق........العقبا عندك انشالله......
الشوق : بحضورك انشالله
ماجد بخبث: وبحضوري انشالله....
الشوق : ..................
ماجد تكدر انها حتى ماداعبته.....
فيصل قعد يجرهم يطلعون بدخله امهم
الام: ها ياعيال وراكم تأخرتم؟؟؟؟؟؟؟
الشوق: بعدين عمتي خلني اطلع من حبسي.......
سعود: ههههههههههههههه........يلا يما الحين نجيب باقي الاغراض.....
وطلعوا وتنفست الشوق الصعداء وراحت فوق.........وظلن فوق لين تعشوا الناس وبعدين نزلن لمن روحوا الناس
اما سعود اول ماطلعت الشوق ركض لامه وبهمس........
سعود: يمااا......شفتيها؟؟؟؟
الام مو منتبه معاه: منهي؟؟؟؟
سعود استحى يقول اسمها: يماااااااااا
الام : آآآآآآآهـ........ايه شفتها........واعلي عليها شكله تعبانه مررررره
سعود تكدر( جعله فيني ولافيها....هيه سعود انت وش تقول ؟؟؟؟؟؟انهبلت)
ماجد: سعــــــــــــــــــــود.......
سعود: هااااااا........وراك تصارخ؟؟؟؟
ماجد: بلاي طاحت يدي وانت ولا انت هنا........امسك........ومسك عنه الصينيه.........
الام: ياولدي تبيني اخطبها الحين اروح لامها........
سعود: يمااا.......خلى العرس يخلص وبعدين نخطبها انشالله......
الام: اللي تقوله انشالله ياولدي....
ماجد: وش اللي انشالله يمااااااا.......
سعود بحده: مو شغلك انت.......تليقف على ايش حضرتك؟؟؟؟
ماجد : افااااااا........هذا وانا عضيدك تقولي هالكلام......صار خير انشالله(عطاهم ظهره يعني انه زعلان)
سعود حس بزعل اخوه: خلاص.......يالغالي بكره او بعده بالكثير اقولك....
ماجد بانتصار : وليه مو الحين؟؟
سعود: لان الحين مو وقته........ورانا شغل........
ماجد ماتكلم لان فيصل ناداهم........وراحوا يكملوا الشغل ونسوا السالفه.....
على الساعه 1 ونص........
الشوق كانت تودع آآخر المدعوات وتقفل الباب.....
ام سعود جلست على الكنبه وهي تمسد رجولها: أأأأأأأأأأي .......الله يعينا بكره يام عاشق......
ام عاشق وهي تجلس على الارض: ايه.....وانتي الصادقه........اخ يارجولي.......
الشوق رمت صندلها وجلست على الكنبه ومددت رجولها عليها: يمااااااا........بكره بنتعب زي اليوم؟؟؟؟
ام سعود: اليوم لعب عند بكره حبيبتي.....
الشوق تلون وجهها: وي.......اكثر من كذا.......وارخت راسها على الكنبه.....
ام عاشق: اقول الشوق ...اتصلتي بعاشق يجينا؟؟
ام سعود: وين يجيكم.....باتوا عندنا الليله...
ام عاشق: ياوخيتي ماتقصري بس وراي رجال اقابله وولد الله اعلم بحاله..
ام سعود: ليه عسى ماشر....بلاه عاشق...
ام عاشق استحت تخبرها عن حزنه: مادري عنه......مرافق له شله فاسده.......اخاف يضيع نعاها...
ام سعود: انصحيه وانا اختك....لاتخليه كذا....صدقيني يضيع...
هنا نزلت هايدي بروب بيت: السلام عليكم...
الكل: وعليكم السلام...
الشوق: ياحظك بدلتي....ابي ابدل بس ابوي اخافه يجي فجأه...
هايدي وهي تسحب ورده الشوق: اقول الشوق.....باتي عندنا.....ابي انام بعيد عن الجوهره ورعانها ماخلوني انام البارح...
الجوهره وهي نازله: هاااااا.......من يطري عيالي؟؟؟؟؟وكانت معاها غروب...
نطت الشوق على غروب وخذتها بحضنها: ويييييييي........فديت ورعانك انت......يما على الكلبوظه هذي........تاكليها اكل......اممممممم
الجوهره: بسم الله على بنتي........وخري عنها لاتاكليها
ام عاشق: ههههههههههه........من حلاتها ماتتاكل وبس.......الا تنشرب بعد........هههههههههه
ام سعود: بسم الله.......قولوا ماشالله لاتنظلون بنيتي......
هايدي: اقول الجوهره وراك ماغيرتي......لا وعلى سنقه عشره كمان...
الجوهره ارتبكت: هاااا.......لا ولا شي........بس ماجا على بالي ابدل بس.........
الشوق ببراءه: بس.......اهـ......بس.....
ام عاشق: الا وين سعاد مانزلت؟؟
الجوهره: سعاد تلحفت وتقول تبي تنام........وانا ماظنتي انها بتنام هههههههههه
هنا سمعن دق على الباب.......وراحت الخدامه ولا انهم العيال جايبين الفرش والسجاجيد اللي خذوهن من بيتهم وودهوم بيت ابو عماد اليوم........فتحوا الديوانيه (بيت الشعر ) وقعدوا ينزلوا......
وهنا رن تلفون الجوهره
الجوهره: ايه.......وتبتسم........خلاص.......انشالله........
هايدي: مين؟؟؟؟؟؟؟
الجوهره: هذا عماد يبي يسلم على بنته......
الشوق بخبث: يسلم على بنته........ولا مشتاق لام بنته؟؟؟؟؟
الجوهره بحيا: انتن.......القعده معاكن حرام.........وقامت(وتكلم ام سعود)خالتي انا بالمغلط.......
اول مافتحت الجوهره الباب بصريخ: عمـــــــــاد.........ايش صار لك؟؟؟؟؟؟
عمااااااااد ايش فيه؟؟؟؟؟
سعااااااد ايش بيصير لها ويا هشام؟؟؟؟؟
فيصل وسعود وهايدي وعهود؟؟؟؟؟؟؟؟بقيه العوائل
نهايه الجزء الواحد والاربعون
الجزء الثاني والاربعون
اول مافتحت الجوهره الباب بصريخ: عمـــــــــاد.........ايش صار لك؟؟؟؟؟؟
هنا كل اللي بالصاله نقزوا لهم.......حتى الشوق لفت حالها وراحت
عماد كانت عينه ورمانه شوي........ووجه مزرق
ام سعود اول وحده صارخت: واعليه ياوليدي........علام وجهك متلون ووارم؟؟؟؟؟؟مع من انت متهاوش؟؟؟؟؟؟
عماد (الحين شاقولها انا) : الله يسلمك عمتي...انا .....شفت فيصل يتخانق مع واحد.......وبدال مااهديه .....هديت معاه على الولد .......و(ويأشر على وجهه) وهذا اللي صار
ام سعود : وفيصل الحين اسلونه........(ومشت عنهم للديوانيه....)
ام عاشق: ياوليدي....رحت المستشفى تشوف حالك؟؟؟
عماد : ماتستاهل ياخاله....كلها كم كدمه ويروحن انشالله...
الشوق: بس لازم تاخذ ابره عنهن........وبكره انشالله بالعرس لازم تسوي اخفاء لهن لايبينن بالعرس بوضوح...
عماد : كيف يعني؟؟؟
الشوق : تحط شويه مكياج عليهن...
عماد: أفاااا.....انا احط مكياج؟؟
الشوق: للضروره احكام اخوي....سلامات ماتشوف شر....
(وهنا يدق ابوهم ولا هو واقف على الباب....ويستأذنن ويروحن عشان يتجهزن)
كل هذا وهايدي ساكته بس تدمع بصمت....
يوم انتبهت لها الجوهره راحت لها
الجوهره: هايدي...هايدي حبيبتي.....شوفيه اهو قدامك.....كنه البخت.......لاتصيحين...
هايدي ولاتحركت من مكانها:............
الجوهره انخرعت عليها:بسم الله هايدي.........اشفيك .........عماد الحق على هايدي.......
عماد مسك يد اخته وهزها: هايدي.......انا معك طالعيني......
هايدي تناظر للفراغ: عمااااااااد.........وارتمت بحضنه
الجوهره انخرعت عليها وش فيها كذا تصيح........واستغربت ان عماد اشر لها انها تمشي عنهم.........كانت تبي تعترض لكن بدون فايده......طلعت وردت الباب وراها....
عماد سحب اخته بهدوء لين جلسها على كرسي....وقعد يمسح دموعها: ليش هالدموع الغاليه....تعرفين دموعك مو رخيصه عندي...
هايدي وهي تصيح بعدها: انتم تهاوشتوا بسببي صح؟؟؟؟؟
عماد سكت شوي بس قال: لاااااااا........مو بسببك حبيبتي.......حنا تهاوشنا كذا.......
هايدي صاحت زود: انا الحين باروح عنكم وانتم متهاوشين بسبتي.......بتكرهوني زود.......ورجعت تصيح......
عماد: ومن قالك حنا نكرهك اصلا........اذا ماحبيناك من نحب بالله؟؟؟؟؟؟
(بها اللحظه دخل محمد بس يوم شاف الموقف طلع عنهم برا)
هايدي: انتم كلكم تكرهوني.........ومن بين دموعها ....اللي يحبني مات وخلاني بروحي....وترجع تصيح بعد.....
عماد حضنها بكل قوته وهو يقول: لا مو صحيح الغاليه....كلنا نحبك وان ماقلناه صريحه........حنا مانعرف نعبر عن مشاعرنا بصراحه مثله الله يرحمه........بس كلنا نحبك........
هايدي: لاااااااااا........انتم تكرهوني.......محد فيكم اهتم فيني وانا حزينه .........محد فيكم واساني وشد علي........يوم امي ماتت........محد اهتم فيني الا زيااااااااد...........آآآآآآآآآه وينك يازيااااااااااد.........ليييييييش رحت وخليتني بروحي........وجتها نوبه بكاء هستيري......
عماد ظال شاد عليها يبغاها تحس بالامان لكن بدون فايده.............أخر شي قعدت تحاول تتركه بتشرد........مسكه غصب وهو يكلمها بدون ماتحس بولا كلمه......
عند ام سعود والعيال قبل شوي من صياح هايدي
ام سعود من طلعت الحوش: فيصــــــل؟؟؟؟
ماجد يهمس لفيصل: جاك الموت ياتارك الصلاه
ركض فيصل لامه : سمي.......
الام تتمقل وجه فيصل اللي صار اشارت مرور من الحيا .......امه مسكت ذقنه وتحركه:ممكن تقول لي وش ذا؟؟؟
فيصل تملص من يدها: هااا.........ذا .....تهاوشت مع واحد من ربعي.....بس....
الام مو مصدقه: بس؟؟؟؟؟؟
فيصل ناظر لسعود
سعود: هلا يمااا......الغاليه ......عسى ماشر ......
الام: لاتقول لي تهاوش وماتهاوش.......وش ذا........
سعود: يما تبغيني اقولك الصدق؟؟؟
(فيصل طاح قلبه)
الام: اكييييييييييد.......
سعود: انا شفت فيصل وعماد يتهاوشون مع عيال من الحاهر.....ويالله فكيتهم......
الام: سعوووووووود
سعود(استغفر الله ياربي): يماااااااااا..........اكيد.......
وبتقاطعه....جاهم محمد
محمد: يمااااااااا.........هايدي تبكي ......
الام: تبكي......وي على بنتي.......ومشت ورى محمد
فيصل نسى عمرها وراح وراهم .......ماحس الا باليد اللي مسكته
ماجد: هيه.......انت انهبلت.......ويندك؟؟؟؟؟؟؟؟
فيصل كان لسى ماصحى: ابي اشوفها....(وبرجاااااااء)....تصيييييييييح؟؟؟؟؟
ماجد عطاها كف خفيف: هيه ........فيصل اصحى.......وين..........رايح؟؟؟؟؟؟
فيصل كنه فاق: هاااا......ليه.....وش صار.....
سعود: هيه ويندك فيصل....
فيصل: هااا.......لا بس.......ولاشي......وراحوا يكمل نقل الاغراض وهو عقله مهو معاهم........وتعثر كذا مره........اخر شي خلاة ماجد يجلس لنه مامنه فايده كذا
كان لسى عماد قاعد يحاول يهديها بدون فايده....
ام سعود دخلت: يماااا.......بنيتي علامك؟؟؟؟؟
هايدي ارتمت بحضنها بدون ماتكلم.....
ام سعود ظلت تقرى عليها الكرسي والمعوذات لين بدت تهدى.....
ام سعود تناظر لعماد كنها تسأله.....لكن مايدري شيقول لها؟؟؟؟
هايدي : عمتييييي
ام سعود: عيون عمتها.......
هايدي : ابي اطلبك طلب....
ام سعود: انتي امري وتدللي مو بس طلب....
هايدي: ابي اروح بيتنا....
ام سعود مسكتها من كتوفها وعينها بعين هايدي: اييييييييش؟؟؟؟؟ليه يابنتي حد زعلك؟؟؟؟
هايدي ناظرت تحت: لاااااااا.......بس ابي انام ببتنا...
عماد عرف انها بتودع السعوديه ويكون اخر بيت تنام فيه بيتها....
ام سعود: بس يابنتي مايصير ؟؟؟؟؟
عماد: عمتي....خليها....انا اخذها معاي.....ومسك جواله دق على الجوهره قال لها ترسل شنطه هايدي......مع ان الجوهره قالت بتروح معاهم لكنه رفض.......كان بيخلي اخر ليله لاخته معاه عل وعسى يعوض فقدانها وحرمانها لزياد
ام سعود بعد سيل من الاعتراضات وافقت
كانوا العيال توهم مخلصين......وفيصل شغل السياره بيروحون بيت خالهم....الا وعماد ماشي وماسك وحده من كتفها لابسه عبايه راس وماسك بيده الثانيه شنطتها
فيصل عرفها على طوووووووول
ماجد قام: خير عماد.....عسى محد تعبان؟؟؟؟؟
عماد بابتسامه مصطنعه: لا ياخوك محد تعبان....بس الغاليه تتدلع علي شوي.....قلت حقها.....مالي غيرها ادلعها....
سعود طالع لعماد: ياخوي حصل خير.....ماله داعي هالسواه؟؟؟
عماد عرف ان سعود فهم غلط:ياخوي صدقني فهمت غلط......المره هنيا بايته هي والعيال.......وانتم مكانكم بالبيت محفوظ.......بس هالبنت ابي ادلعها شوي........وكمل طريقه.......يوم ركبها رجع عليهم.......عيال اشوف واحد تاركه منامه ببيتنا وجاي يبيت هنا ياويله.......انا عندي بنات هنا واغار عليهن الصراحه......وابتسم لهم ومشى......
سعود ابتسم له......بس قال اكيد هايدي فيها شي خلاها ترفض تنام هنيا.....
ماجد يناظر لهم: يلا منتظرين ايش هنا؟؟؟؟؟سمعتم عنده بنات يغار عليهن.....ومشوا كلهم للبيت يباتون فيه
عماد اول ماوصلوا البيت فتح لها الباب......كانت لسى ساكته
اول مادخلوا البيت ظلت تفرج فيه....كنها اول مره تشوفه......
هايدي ناظرت فعماد: عمااااد....
عماد: عيونه...
هايدي: سامحني انا مو قصدي قبل شوي....مدري شصار لي..
عماد ماخلاها تكمل حط يده على ثمها: انتي كنتي حزنانه على فراقنا...وزادها هالخبل بسالفه مدري وش هي....اتجمعت حولك الاحزان لازم تفرغيها......وزين اللي فرغتيها علي.....انا اخوك واحس فيك........
(ومسك يدينها بيديه).......انتي اختي.......وانا خوك.......فهمتي........مالنا غيرض بعض ...(وبصوت كله حنان وتأكيد)....مالنا غيربعض.....
هنا هايدي مامنعت دموع دافيه تنزل على خدودها لكنها ابتسمت......كلام اخوها مثل البلسم لين حطيته على الجرح......يلدغ بس يشفي........
كملوا طريقهم يلفون البيت........كانت الساعه 2 بالليل......وبعدين طلعت غرفتها يوم دخلتها دخل معاها
هايدي بابتسامه: نعم...اي خدمه؟؟؟
عماد بدلع: ابي انام عند اختي الوحيده اللصغيره...
هايدي حطت يدها على خصرها: لا والله؟؟؟؟؟
عماد يتعمد الرجاء: الله يخليك....ابي انام عندك....الليله وداعيه...
هايدي نزلت راسها الارض....:طيب بس ابدل....
وبعد مابدلت فتحت الباب لقته واقف ولحافه بيده....
نامت هي بسرعه بينما هو طول وهو يتقلب تحت.......اخر شي طلع فوق على السرير ونام بلحافه واخيرا نام....
على صوت الاذان صحت هي........وجت بترفع الغطى ماتدريايش الشي اللي ماسكه.....يوم ولعت الاباجورة شافت عماد نايم عندها.......وانها تشد لحافه مو لحافها......ابتسمت......ووخرت لحافه وسحبت لحافها وقامت.......راحت الحمام ويوم طلعت ولا هو لسى نايم......جت له وصحته بهدوء ويالله قام.....وراح لغرفته يوضي.......كان هذا اخر يوم لها بالسعوديه وماتدري متى بترجع.......فقالت ماتبي تضيعه بالنوم وغيره........راحت تحت تبي تجهز فطور لها ولابوها ولعماد....لان كل الخدم عند عمتها....اول مادخلت المطبخ شمت ريحه اكل......يوم دققت ولا المطبخ كن معركه صايره فيه.......اتذكرت ان عيال عمتها هنا.......طلعت فوق وبدلت ولبست دشداشه وطرحه وغطوه ونزلت.......يوم دخلت المطبخ لقت سعود
هايدي: صباح الخير...
سعود ارتبك لان شكله يضحك بمريله المطبخ وقاعد يغسل الصحون يعني جنااااااان
سعود: هلا.....صبحها بالنور....كيف اصبحتي؟؟؟
هايدي: احسن شوي...وش صاير هنا معركه؟؟؟؟؟
سعود: ههههههه.....تشوفي الجوع كافر.......ماقدرناننام من الجوع قلنا نسوي لنا عشى....
هايدي: هههههههه......الحمدلله والشكر........عشى الفجر؟؟؟
سعود: لا الساعه 3 لكن العيال تعشوا وهربوا وخلوني انا بالمهمه الصعبه......
هايدي : عنك والله مهو بيدك.....انا اكمل عنك.....
سعود: يابنت الحلال......خلي انا اقدر عليهن متعودين بالبيت نطبخ لروحنا....
هايدي وهي تسحب المريله منه: يارجال بيتكم غير وبيتنا غير.....وربطتها على خصرها وقعدت تجلي.........سعود كان بيطلع لكن ناظر لها....
سعود: هايدي؟؟
هايدي ناظرت فيه: خير....
سعود: صحيح بتسافرين مع خالي؟؟
هايدي طاح الصحن اللي بيدها وانكسر.....
سعود عرف انه غلط .........
نزلت بتشيل الصحن وهو نزل معاها.......بس هي لانها انصدمت من السؤال جرحت حالها جرح كبير
سعود مسك يدها ورفعها: انا اسف.......والله مو قصدي بس دريت صدفه.....
هايدي وهي تمسك محارم مطبخ تلفهن على يدها: حصل خير.......انا ماكنت ادري ان حد درى بعده......
سعود: ليييييييش......بتتركين ديرتك؟؟؟؟؟؟
هايدي: ياخوي انا بين نارين اسهلهم يحرق....
سعود: ليييييييش؟؟؟؟
هايدي: ابوي وجنتي بها الدنيا بعد امي.......وصعب اتركه بالغربه وهو بها السن........وديرتي وحنيني واخوي هنا......لكن هذا مايسوى ابتسامه من ابوي......
سعود: بس ابوك رجال........انتي لو صار لابوك شي هناك بتضيعين.......
هايدي بدون تفكير: مو رب العالمين ادرى فينا.......
سعود: نعم
هايدي: خلاص.......ربك هو اللي كافل عبيده......الله يوفق ابوي بس.......ويقدرني على رضاه ياااااااارب....
سعود وهو طالع: الله يكملك بعقلك اختي.......
هايدي يوم طلع سعود تأوهت من شده الالم بيدها......وركعت على رجولها وهي تضغط على الجرح لانه ينزف بغزارة.......وظلت تقرى قران عشان تهدى وتنسى الالم.......شوي(كان القطع بابهامها)
شوي والباب يفتح مره ثانيه........بدون ماتناظر: عماد الحق على يدي انجرحت......هات لي لزق جروح....
وسمعت المشي يبعد......
وشوي فتح الباب
..........:وريني صبعك......
هايدي ارتجفت مو صوت عماد
.........:وريني ياه معاي المطهر....
هايدي: فيصل؟؟؟؟؟؟؟؟؟؟
(كان لابس ثوب ابيض ولابس الطاقيه وفوقها العقال والشماغ على كتفه..........مبين انه بيروح المسجد......)
فيصل ماناظر لوجهها لانه مستحي.........بس هي حمدت ربها انها مارفعت الغطوة يوم راح سعود.....
فيصل جلس القرفصاء قدامها....وقعد فيصل ينظف الجرح من اثر المحارم وهي اعصابها على الاخر........وتناظر فيه يوم حط المطهر بعدت يدها لانه يألم.......مسكها فيصل ........هنا كن تيار لسعها.........(ياااربي.........هذا ايش فيه علي.......بيذبحني......كانت هايدي تكلم عمرها)..(فيصل حاول يركز بجرحها......كان يحاول يخفي المشاعر اللي تعتمل في داخله.......شوفتها وهي طايحه على رجولها......ولا يوم استنجدت فيه على بالها انه عماد.....ولا صبوعها الصغير المجروح.......ظل يقاوم رغبه ضمها له بالقوة)...كمل فيصل دهن يدها بالمرهم على دخله عماد
عماد: الس......هايدي ........ايش فيك........
عماد وايق من فوق فيصل اللي ولا رمش عينه من عماد.........(اصلا ماحس فيه ههههههههههه)
عماد مسك لزق الجروح وفتحه: فيصل امسك.......
فيصل لسى يدهن المرهم: .................
عماد هزة: فيصل.......
فيصل : هه......عماد.....متى جيت؟؟؟؟؟
هنا هايدي وجهها غدى طماطه من الحيا(من الصبح اخوي هنا وهو ولا حس ......بايش سرحان؟؟؟؟)
عماد وخرهبالقوة: اقول خلني اداوي اختي.......وانت روح الصلاه بس........
فيصل وقف على رجوله......وظل يناظر بالجرح........وهي ماتجرأت تناظر له.......حاسته اكلها بعيونه.......يوم لصق عماد الجرح
عماد: ها كيف تحسين اللحين؟؟؟؟
هايدي: الحمدلله....احسن....
عماد وهو يساندها توقف: انتي وش اللي جابك هنيا اصلا.....ويناظر لفيصل......ليش ما المقاريد اللي حاسوا ينظفوا؟؟؟؟؟؟؟
فيصل تلون وجهه من شتيمه عماد المتعمده.....
هايدي: انا حلفت على سعود مايقرب ......عيب ينظف وانا هنا......ودقايق والفطور جاهز.....
عماد: أي فطور يابنت الحلال ويدك تعبانه.....انا اجيبه معي من برا.....بس ارتاحي......
(هنا سمعوا أقامه الصلاه)
هايدي: الحقوا على الصلاه.......لاتفوتكوا........
عماد ركض يبدل لنه مابدل......وفيصل طلع بس شوي سمعت دق الباب
هايدي وهي مقابله المجلى: فووووووت
فيصل: سامحني ماسلمت عليكي.......كيف حالك انشالله بخير.....
هايدي انصدمت تو ماتذكر يسلم : وعليكم السلام......الحمدلله انا بخير وعافيه....انت كيفك؟؟؟؟
فيصل ناظر للارض: انا ......ايه.....الحمدلله بخير وسهاله......وكان بيتكلم لكنه طلع بسرعه.....
هايدي استغربت........هذا ايش بغى يقول؟؟؟؟
فيصل اللي كان بيغلط بالكلام مسك حاله في اخر لحظه
وراحوا المسجد واستغفر الله مدري كيف صلى الفجر......وهو طالع كان يكلم حاله
(انا علامي صرت ماني صاحي......وش بغيت اقولها؟؟؟؟؟؟؟انا اخاف عليها.......وانا ليه كل ماشفتها اتوتر واخاف.....واتمنى اسلم عليها وايسمع صوتها؟؟؟؟؟وش صار لي يوم شفتها مجروحه ......(ويلمس عينه)حشى والله الدمعه بغت تفر......هيه فيصل عيب هالحركات......ادري اني مراهق بس والله ماتحمل......لا تحمل انت رجال........وراك دراسه ومستقبل.......بس هذي هايدي.....مو هذي اللي كله تخانقها وتحسها مغروره ومتكبرة؟؟؟؟؟مو هذي هايدي اللي بغت تذبحك بعسير .......وقعد يتذكر اللي صار (وابتسم غصب)..........يابن الحلال اعترف.......الحب مايعرف سنين.........(وهنا وقف ولاحظوة العيال)فيصل انت تحبها؟؟؟؟؟انت قد هالكلمه؟؟؟؟؟؟؟يالمصيبه.......مالقيت الا هي ......متكبرة ومغرورة........الا قل واثقه بنفسها ........والا انت شفتها يوم توفي اخوها.......مسكينه كل حزن الدنيا تجمع عليها.......كان لسى يسولف على نفسه )
ماجد: فيصل.........فيصـــــل؟؟؟؟؟
فيصل: هه......ماجد.......(كان ماجد ماسكه مت كتوفه ويهزه....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك