رواية مسموح يامن ملكت الروح -27
الجوهره: والله ماقدر اقرب لها وانا اخبر الغالي حزين على الغالي...
هايدي بتلطف الجو عارفه ان الحزن بيكثر الحين: ياعيني ياعيني....وش كل الحب ذا....
كانن يسولفن وشروق حبت من عندهن....خذتها ام سعود تلعب عليها....
ام سعود: وي........فديت اللي محنيه وصايره عروس....
شروق مو فاهمه ايش تقول بس تناغي معاها...وتضحك....
دخلت الخدامه: ماما بابا عماد برا..
ام سعود: قولي له يفوت محد نازل من فوق...
ودخل عماد: السلام عليكم....شخبارك عمتي...
العمه: بخير وعافيه وليدي...حياك جنبي..
جلس وهو يسحب شروق: اغاا......حيات بابا انتي.......اغاااااااا
قعدت تضحك شروق وتناغي ابوها فرحانه........قامت ام سعود تكمل شغلها......على نزله الجوهره خايفه
الجوهره: هي عندك وانا نطف قلبي وانا ادورها....
عماد : سلامه قلبك ياقلبي انت....
الجوهره تناظر حولها: عيب حنا مو فالبيت....
عماد: انا ماقلت غلط....
الجوهره تناظر لحالها: شوف شكلي عدمانه حنا وانا احني بناتك....
عماد يناظر لبنته: وي فديت العروس المتحنيه.....وصلت عنده
وشوف اصابعي كيف اتلطخت:...وترفع يدها توريه...
عماد وهو يحب الاصابع المحنيه: الله على ريحتهم تجنن....(يقصد الحنى)
الجوهره سحبت يدها بسرعه: هيه انت انهبلت.......ترا فيه ناس...
عماد ناظر تحت....
الجوهره قربت له: عماد انت بخير؟؟
عماد ناظر لها وابتسم بالغصب: الحمدلله بخير...
الجوهره (لا اكيد فيه شي):ومسكته من يده وسحبته مع شروق للمغلط.......وهي تقفل الباب: خير الغالي علامك....صاير شي؟؟؟
عماد : والله مافي شي........بس متضايق شوي....والجماهير اللي نامت بالبيت البارح فجرت راسي باللعب والضحك والتلفزيون....
الجوهره بضحكه: منت متعود على الازعاج بس خل هالبنوتات يكبرن....
عماد: فديتهن خل يكبرن ويزعجن على راحتهن مسموح لهن كل شي....
الجوهره: والله ان فيك شي....تكلم....
عماد طالعها بخبث: اشتقت لكم.......فيها شي؟؟؟؟؟
الجووهره استحت وناظرت للارض: كلها يومين ونرجع للبيت ماتقدر تصبر؟؟؟
عماد: القلب مايصبر ولو حاولت...
الجوهره خلاص لو قعدت اكثر بيسوون مصيبه: عطني البنت عنك خل اروح اغسلها....وانت تحمم بمي بارد ...(قالتها وهي تبتسم)
عماد وهو يناولها بنتها حضنها وبسرعه سحبت حالها.....:والله انك بتورطنا......وعلى فتحت الباب بتهرب دخلت هايدي...
هايدي تناظر بخبث: انتم هنا وحنا ندوركم؟؟؟
الجوهره استحت وطلعت بدون ولا كلمه.....وكانت متأكده ان عماد مخبي شي.....
عماد: انا بغيت مرتي بسالفه....
هايدي: والله....والسالفه ماتنتظر للبيت؟؟؟
عماد يضحك : الا تنتظر....بس......
هايدي: أهاااااا......يلا اعترف....ايش بغيت؟؟؟؟
عماد: والله انك فايقه ورايقه.........(وكأنه انتبه).....هيييه.....أنتي ويش مسويه براسك.....
(كانت صابغه شعرها بندقي...ومسويه قصه)
هايدي وهي تفك شعرها وتفله: هاااااااا.......شرايك فيه حلو؟؟؟
عماد: ههههههههه......رهيب من وين تجيبون هالافكار والقصات....
هايدي ترفع كتوفها دليل الغرور: حنا مو مثلكم.....
عماد : اشوف لفي لفي.,.....
هايدي تدور وكأنها ترقص وشعرها يطير معها وتضحك بفرحه هههههههه
بها الوقت دخل فيصل وماسك بيده احمدومحمد
فيصل بصريخ عالي ومعصب: يماااااااااااااااااااااااا
ثواني على ماستوعب الموقف
كانت لابسه بنجابي بيج وفيه تطريز هادي يلبس ف البيت بس وتدور بشعرها اللي واصل لتحت كتوفها وابتسامتها الصافيه اللي من زمان ماشافها ............(.هبلت به هالبنت..)......
هايدي على طول فرت للباب........وظلت تركض لين الغرفه وهي تتنفس بصعوبه من الحراج.......
عماد استحى: العفو الشيخ....المفروض ماتجي هنا.......بس انا ناديتها...
فيصل أخر شي ودة يسويه الحين يتكلم(كان متوتر حده من جهه معصب من جهه شوفته للبنت اللي فطرت قلبه بدموعها).:هه.....لا ياشيخ ماصار شي.......وطلع ماقال غيرها....
عماد استغرب سواته(هذا ليش جى وليش طلع؟؟):...............
محمد: هههههههههههههههههههههههه
عماد: وراك تضحك وكنت تبغى تبكي قبل شوي؟؟؟
محمد: اشو افتكينا ....كان وده يفتن علينا عند امي.....الحمدلله اللي انحرج وشرد.....دايم يشرد هو هههههههه
ودخل سعود وماجد جايبين كراتين فيهن اغراض.....
ونزلوهن على الارض....
ماجد: وراكم تضحكون؟؟؟
احمد ببراءه: هذا فيصل....مدري ليه شرد؟؟؟
سعود: شرد(وعلى وجهه علامات استغراب.)
عماد يحاول يوضح: دخل الشيخ هنا واختي عندي تكلمني بس....
ماجد بنغزة: الحمدلله اللي مو زوجتك ولا علمته حاجات عيب هههههههه
عماد تغير لونه والباقين ضحكوا....
احمد: بس فيصل دايم يشوف هايدي....
هنا كلهم سكتوا واستغربوا وش يقول ذا الوغيد؟؟؟
محمد(عرف ان الولد تذكر الموقف اللي زمان)بصراخ: أحمــــــــد(كأنه يسكته)
(هنا عماد الدم طلع لراسه وش يقصد الولد)
عماد نزل لمستوى احمد: حبيبي احمد ....متى فيصل يشوف هايدي؟؟؟
محمد بتوسل: هذا كذاب لاتصدقوة؟؟
ماجد صرخ على محمد: محمد..........وش السالفه.....
(كانوا كلهم متوترين لان هذي دمهم وعرضهم كلهم...)
محمد: خلوا الولد انا اقولكم بس احلفوا ماتخبروة اني انا خبرتكم...
عماد: انت ماراح تكون صادق مثله (وياشر على احمد)
محمد حط يده على قلبه: ومن خلق هالكون اني صادق....والله العظيم...
عماد جلس على الكرسي وكلهم جلسوا عنده.........ومحمد ظل واقف قبالهم مثل الطالب اللي قدام المدير وخايف......
ماجد : تكلم محمد.......
محمد: كان هذا يوم ماتوفى زياد........
تأثر عماد مره ......وناظر للارض....
سعود: متى بالزبط؟؟؟
محمد: يوم امي قالت لفيصل يروحنا للبيت ويعشينا ....وينومنا....
ماجد كنه تذكر: ايوة اخبرهذاك اليوم........ويش صار؟؟؟؟؟؟
محمد يبلع ريقه: دخلنا لقيناها والخدامه نايمين بالصاله تحت....وطلعنا على اصابعنا فوق عشان مايصحون.....وظل احمد يصيح يبي عشى
احمد بضحكه: انا طلبته اندومي وبس...
ضحكوا على كلمه احمد وناظروا لمحمد...
محمد: ونزل فيصل.....بس طول....(هنا عماد تغير وجهه)وبعدين قال لي احمد انه جيعان وبينزل....نزلنا ....ومالقينا فيصل بالمطبخ(هنا عضلات عماد تحركت وفكه تحرك ومسك قبضه يده بقوة....وماجد خاف مره على اخوة وعلى هايدي)ورحنا للصاله ومالقيناه وكانت هايدي مو بمنامها(خلاص عماد حده....بيقوم ومسكه سعود بقوة)...........سكت محمد
الكل وبصراخ : كمل..........
محمد: أمانه ماتضربوني.....
ماجد: باكسر راسك ان ماتكلمت الحين........
محمد: خلاص خلاص (ودموعه بدت تنزل....)مادري كيف احمد شاف الباب اللي برا مفتوح وطلعنا........وهنااك......سكت......(قام ماجد ومسك نحره ....كمل.....يالثور....ولا بيجيك اللي يرضيك.....)
محمد : خلاص........خلاص.........
كلهم طالعوا للباب..........كان فيصل واقف...........وكل جديه واصرار الكون على وجهه.....
عماد وقف.........وهجم عليه ومسك نحره:انت..............انت؟؟؟؟؟؟؟؟؟؟؟
فيصل ماتحرك خلاه...:عطاها اول بوكس والثاني غلط فيه قبل مايتدخلوا العيال ويفكوه....
ماجد: تعوذ من ابليس.........ياخوي مايصير بالهواش....
سعود وهو يجلس عماد : يابن الحلال ........تصدق ذا البزر........خلاص ماصار شي انشالله(ويناظر لاخوة بقلق....)
عماد: يالنذل.........يالجبان.........وش سويت باختي....تكلم؟؟؟
فيصل مسح شفته اللي بدت تسيل دم وهو يناظر لمحمد واحمد: طلعوا فوق........وتغدوا وغيروا وبعدين تعالوا.........وهم يطلعوا ركض.....
صارخ فيصل على الخدامه يوم جت: جيبي لي ثوبين وملابس وبشكير وادوات صحيه...
سعود يناظر لبرود اعصاب اخوة وكنه مو مسوي شي؟؟
وجا بيطلع ....ناداه ماجد...:فيصــــــــــــل؟؟
فيصل ناظر: نعم؟؟؟؟؟؟؟ولا كنه مسوي شي...
سعود عصب: فيصـــــــل.........اعتقد من العيب والحرام تجاهل اللي اكبر منك واحتقارهم كذا؟؟؟
فيصل ناظر لاخوة وهو حاس بالذنب: محشوم الغالي....بس باروح قبل محد يغتالني...(وناظر لعماد)
سعود: اعتقد من الغلط تروح وتخلينا بدون ماتفسر كلام الولد؟؟
فيصل ناظر لهم وتذكر اليوم الحزين هذاك:ياخوي باقول كلمه وليتكم تفهمونها...
الكل طالعه باهتمام؟؟؟؟؟؟؟؟؟؟؟
فيصل: قال رسولنا الكريم: في مامعناه(من ستر على مسلم....ستر الله عليه بالدنياء والاخره....ومن فرج عن مسلم كربه من كرب الدنياء فرج الله عنه كربه من كرب يوم القيامه)
واعتقد انه من الغلط تسألوا الجهال عن اشياء مايفهمونها....
عماد: والمعنى؟؟؟؟؟؟ماراح تخبرنا؟؟؟
فيصل : باخبرك شي واحد.....اختك بنت خالي........وعرضها عرضي.......وسمعتها من سمعتي......وغير هذا........لو تقطعني مانطقت لك بكلمه وحده....
سعود تأثر بكلام اخوة مره وفهم انه ماسوى شي غلط.....وماجد سكت وهو مو راضي...
عماد ناظر فيه : يعني كذا؟؟؟يصير خير....وقام وطق باب المغلط لين جت الخدامه
الخدامه : يس بابا...
عماد: قولي لماما هايدي تلبس عباتها وتجيني عند السياره....
الخدامه: يس بابا
هنا فيصل خاف....هذا ممكن بزعله يذبحها....بس سكت
سعود: ياعماد استهدي بالرحمن...الناس فرحانين لاتخليهم بحزن وانا اخوك.......ارجوك...
عماد ( كان مو قادر يستوعب شي...يبي يعرف ايش صار):لو سمحت سعود...مو من حقك تكلم....(ويناظر لفيصل بتحدي) اختي وكيفي.......وطلع برا.....
تجمعوا العيال على اخوهم
ماجد : وش السالفه فيصل؟؟
فيصل ناظرهم بحزن(خايف على البنت من اخوها):صدقوني مافي شي ....
سعود ويربت على كتف اخوه: اخوي هي عرضنا مثل ماهي عرضك....ومايرضينا عليها شي...اعرف انك بتستر عليها...لكن حتى حنا نستر عليها....ارجوك تكلم...هالمجنون يمكن يوديها للبر ويذبحها...
فيصل: ايش....لحقوا عليه....اتصلوا على امي قولوا لها لاتطلع البنت...
ماجد انتبه وركض على الباب...وظل ينادي...
جت الخدامه: يس بابا...
ماجد: وين هايدي؟؟؟
الخدامه: في روح مع بابا عماد...
هنا انصدم فيصل ورجوله ماشالنه وجلس على الكرسي....
سعود مسك جواله يدق على عماد :ناظر لهم بحزن....مغلق...
فيصل: لاحول ولا قوة الا بالله...
ماجد جلس عند سعود: يالله وانا اخوك خبرنا...
فيصل تحول وجهه لون الطماطه(وش اقولهم انا الحين؟؟؟؟):صدقوني مافي شي...
سعود مسك يده كنه يعطيه قوة عشان يتكلم....
فيصل: نزلت وانا اشوفها قاعده...سلمت عليها وانا على الدرج وعزيتها....ناظرت لي وكل حزن الدنيا قيها...الشهاده قطعت قلبي عليها...ويمكن من تأثير الصدمه ماكانت متحجبه....(وناظر تحت استحى)
سعود يساعده: بس الولد يقولوا انكم برا؟؟؟
فيصل: يوم ناظرتني...مدري وش تفكر فيه...بدون مقدمات شردت برا....وكانت تركض باقصى سرعتها للبوابه...بالبيجامه بس....وش توقعوا اني اسوي؟؟؟؟هذيك اللحظه...
ماجد بحماس: تمسكها طبعا هذي بحاله صدمه وماتدري ويش تسوي؟؟؟
فيصل بنفس الحماس: هذ اللي سويته ركضت وراها ومسكتها قبل البوابه بخطوة.......وتذكرون الجو كيف كان؟؟
سعود على طول تذكر لانه تذكر عهود معاه: طبعا مطر ورعد وبرق....
فيصل...:..................................
ماجد: يعني العيال شافوك وانت تسحبها داخل؟؟؟
فيصل :لا؟................
سعود: اجل إيش صار بعد؟؟
فيصل ناظر له ووجه اشارات مرور.....:والله مدري ويش اقولكم؟؟
ماجد استغرب(هذا ويش مسوي؟؟):حبيبي لازم تقول الصدق علشان نرد على اخوها...
فيصل: انتوا تذكرون وفاه اخوي الله يرحمه
الكل الله يرحمه...
فيصل: كنا بظروف مايعلم فيها غير رب العالمين...وهذا حنا بين ابوي وامي واخوان كثار نواسي بعضنا....وهي مسكينه ماعندها الا اخو من بعد المرحوم وهو بعد تذكرون كيف كان حاله الله يكون بالعون....وابوها اللي منصدم اكثر منهم....يعني ماعندها ام او اخت يواسيها بمحنتها...
ماجد...بيساعده: يعني واسيتها...
فيصل بتنهيده : أيه...واسيتها...
سعود: يعني قلت لها شدي حيلك وانا اخوك...كلنا على هالدرب...ومحد مخلد...يعني شي كذا؟؟؟
فيصل يهز راسه: لا؟؟
ماجد: تراك بتجنني ...كيف يعني؟؟
فيصل تلون مره: والله استحي......
سعود فتح عيونه: تستحي من وش...انت وش مسوي؟؟؟
فيصل وهو رافع يديه: انا ماسويت شي....هي؟؟
ماجد يناظر: البنت؟؟؟وش تبي تسوي يعني؟؟
فيصل: يااااااااربي..........خلوني بحالي.........وجى بيقوم......مسكه ماجد.......
ماجد: والله ماتطلع غير وانت متكلم......
فيصل ناظرفوق: هي....ركضت علي.....وحضنتي وهي تصيح......انا وش اسوي؟؟؟؟؟؟وشرد برا........
ماجد وسعود ناظروا لبعض ثواني........و كههههههههههههكههههههه
سعود: المسكين.......مستحي وحنا نحقق معاه كنا شرطه......
ماجد: ايهيييييييييه.......فعلا فشله......زين اللي قدر ينطقها.....
سعود: مسكين هالولد.......ظلمناه وحنا ماندري...........
ماجد : بس صدق موقف........ لوصار لي.....وسكت(كانه تخيل الشوق بهذيك اللحظه)
سعود ناظر له: صار لك مع من اعترف؟؟؟
ماجد سكت:
سعود: والله.........الولد فيه شي احلىىىىىىىىى
طلع ماجد من عنده........وهو راح للخدامه قالها تجهز الغدى له.....
فنفس البيت فوق...
الجوهره تكلم سعاد...
الجوهره: بس ماقلتي لي سعاد....ليش كل ملابسك بدل....ليش مافي تنانير وفساتين؟؟؟
سعاد تطالعها: من قبل تخبريني....ماحب هالسوالف...
الجوهره: قبل غير والحين غير...انتي الحين مرة وعندك زوج لازم تهتمين فيه.......
سعاد(هذا الباقي اتكشخ له):لا ياعمري....قبل نفس بكره...
الجوهره: طيب على الاقل....مكياج؟؟
سعاد: حبيبتي....اللي يبيني....يرضى بشكلي وبكلي....
الجوهره استغربت من جفا سعاد...بس ماعلقت حتى ماتزعل...
قامت الجوهره لبنتها ترضعها وخلت العنيده على حالها....
وبعد ماخلصت اتصلت في عماد
الجوهره: الوووو....مرحبا حبيبي...
عماد: هلا الجوهره خير؟؟
الجوهره استغربت جفاه: الخير بوجهك الغالي...بس بغيت اسلم واشوف انت وين رحت...
عماد: لا تتصلين علي الحين......ولاتسألين ليش....وقفل بوجهها
الجوهره بحلقت بالتلفون مو مصدقه....أشفيه هذا معصب؟؟؟
ياترى عماد ايش سوى باخته؟؟؟
وفيصل هل راح يصير له شي؟؟
والعرس هل بيتم ولا لا؟؟
نهايه الجزء الاربعون
الجزء الواحد والاربعون
قفل عماد من عند مرته وناظر لاخته اللي خايفه وماتدري اخوها ليش جابها هنا
(كانوا في اطراف الرياض بمكان خالي من الناس ابد.....)
كان الشرريتطاير من عيونه...
هايدي: عماد...خير ياخوي ليش جايبني هنا؟؟؟
عماد: يعني ماتدري؟؟
هايدي: والله ياخوي مدري...ويش فيه تراك خوفتني؟؟
عماد: تذكرين يوم توفى اخونا الله يرحمه...
هايدي بحزن: الله يرحمه...
عماد : يومك رحتي لبيت عمتي؟؟؟(وقعد يتصيد تعابيرها يشوفها تخاف ولا لا؟؟)
هايدي بكل براءه: ايه اذكر....ليه يخوي؟؟
عماد: ماسويتي شي غلط هناك؟؟
هايدي تذكر: لا ياخوي ليش؟؟
عماد : شوفي هالحركات مابيها......قولي الصدق ولا؟؟؟
هايدي تناظر بتحدي: ولا ايش ياخوي...تظربني؟؟؟تذبحني.......وشرفي ياخوي ماسويت شي؟؟
عماد: ويومك ركضت بالحوش شارده لبرى ببيجامتك؟؟
هايدي فتحت عيونها: أييييييييييش؟؟؟؟؟
عماد طالعها مو مصدق انها متفاجئه: ويوم فيصل مسكك لاتشردي...
هايدي والدموع تحجرت بعيونها: عمااااااااااااااد........انت ايش تقول.......(صوتها كان يقطع القلب)
عماد: يعني انتي منتي متذكره؟؟
هايدي تأشر على نفسها: انا ركضت بالبيجامه ........وشردت قدام فيصل.......(كأنها تحتقر نفسها)
عماد أول ماصدقها لكن يوم شاف كميه الخوف فيها بتلقائيه لمها لحضنه: حبيبتي منتي ذاكره شي......
هايدي وهي تشهق: والله ياخوي مو متذكره........وااااااااي يالفشيله......والولد وش سوى؟؟؟
عماد: هذا اللي مو راضي يخبرني فيه..
هايدي تناظر له: والله........ياويلي وش سويت انا.......وترجع تصيح
عماد: طيب ايش اللي متذكرته؟؟
هايدي سكتت: والله مادري...اذكر انهم جابوا عشى وتعشيت.......بس حتى مادري عن حالي متغطيه ولا لا.......وترجع تحضن اخوها اللي من سنين ماحضنته...
عماد مسح على راسها من فوق العبايه: تريحي اختي.......مايصير غير الخير انشالله....
هايدي: بس ياخوي وش انا مخبصه.......هاك الوقت كنت كني بغيبوبه ومادري وش انا مسويه؟؟؟
عماد يبتسم: الله يلوم اللي يلومك........(ويناظر فوق) الله يرحمك ياعزوتي......
المهم روحوا للبيت وهي يتملكها القلق الكبير....ايش سوت هذيك الليله؟؟؟؟؟؟
(فيصل اول ماشرد من عند اخوانه.........ركض للشارع وكان الوقت حر موووووووت........قام شرى بارد من السوبر ماركت وقعد تحت شجره.......سرح........وتذكر هذيك الليله بكل تفاصيلها......وجته رعشه خفيفه لمى تذكر كيف حضنته........ولا يوم كانت تاكل بكل حزن........ونسى نفسه....وصار يبتسم ببلاهه....يعني اللي يمر عليه بيقول هذا ايش فيه مهبول؟؟)
هايدي اول ماوصلت للبيت دخلت على طول عند الجوهره وتلحفت باللحاف....الجوهره تكلمها تقولها الغدى البنت ولا ردت....نااامت
نزلت الجوهره لقت ام سعود جاسه وسعاد عندها....
الجوهره : السلام عليكم...
الكل: هلا وعيكم السلام والرحمه...
الجوهره : ليش ماتغديتوا؟؟
ام سعود: ننتظرك انتي وهايدي.....وينها؟؟
الجوهره: والله مادري من طلعت مع عماد ماتكلمت ولا شي دخلت ونامت...
ام سعود: ويش فيها يابنتي ...لايكون اخوها مضايقها؟؟
الجوهره :ماظن لانها كانت راح تخبرني على طوووول....
كل هذا وسعاد ساكته...
الجوهره تناظر لسعاد: سعااااااد؟؟
سعاد: ....................
الجوهره تلوح بيدها بوجهه سعاد: سعاااااااااد
سعاد: هه.....ايوا....تكلميني؟؟
ام سعود: بلاك يابنتي...تلعبين بالشوكه ولا ذايقه لقمه وحده ليش؟؟
سعاد: مادري يمه ....مو مشتهيه..
الجوهره بضحكه: ماتنلام......انا يومها ماكلت شي لين دوخت من الجوع...
ام سعود: والله....وكيف صحيتي؟؟
الجوهره: غير لمى الشوق عطتني مغذي يالله تحسنت...
ام سعود: على الطريا...وينها مامرت اليوم؟؟؟
الجوهره: اليوم مداومه وبتاخذ اجأزه بيروحون اهلي الدمام عند اجدادي...
ام سعود: حليلهم اجدادك وينهم من زمان مامروا...
الجوهره: تعرفين جدتي متعلقه بعمي خلف وماتقدر تبعد عنه....هههههههههه
ام سعود: حليلهم الله يخليهم لبعض...
الجوهره شبعت وقامت عشان تشوف الصغار...
ام سعود طالعت ف سعاد: ها يابنتي...اشفيك؟؟
سعاد بابتسامه باهته...:خير يماااا......مافيني شي...
الام: انتي بنتي وانا ادري فيك....قولي لي وش مضايقك؟؟
سعاد مسكت يد امها: اني بافارقكم........هذا اكبر شي ممكن يضايقني.......ولا الباقي....خير وسهاله...
الام ضمت يدها لبنتها وابتسمت....
في المستشفى
الساعه 2....الظهر
الشوق كانت تخلص اوراقها...وبيدها روزنامه توريها عنود وتشرح لها المرضى ومواعيد ادويتهم وابرهم...وهم يمشون بممرات المستشفى...وكأنها بتغيب شهر مو اسبوع
عنود: والله ماصدق...بتروحين اسبوع كامل ماشوف...معجزة
الشوق: ياشيخه.....التلفون قرب البعيد حبيبتي...
عنود: صحيح انا يمكن انخطب بعد اسبوع ؟؟
الشوق وقفت عن المشي وتناظرها.: صحيح؟؟
عنود بحيا: صراحه مو اكيد بس حبيت اخبرك اول وحده...
الشوق بصريخ خافت: ومنو سعيد الحظ؟؟؟
عنود: ولد خالي...كان مسافر برا ووصل من ثلاث شهور...
الشوق تمسك يدها وودها تحضنها: الف الف مبروك حبيبتي....وربي تستاهلي....
وهن يبتسمن لبعض سمعن جلبه بممر وضجه تلقائيا راحن
عنود: ايش صاير ليش هاللمه كلها؟؟
الشوق مادري علمي علمك...تعالي نشوف...
يوم قربن سمعن تهاني وتبريكات....وشوي لاحظن انهم يسلمون على دكتور....شوي انبلج من بين الجمع ..............وطاحت روزنامه الشوق من يدها......
د.عبدالله بابتسامه صافيه: السلام عليكم ورحمه الله....شلونكم يابنات..
عنود: وعليكم السلام دكتور...
الشوق نزلت تلم اغراضها وتخبي توترها:و...وعليكم السلام...
د.عبدالله يناظر لها: اشلونك الشوق...انشالله بخير؟؟؟
الشوق تناظر تحت: بخير وعافيه...
عنود: اشلون الدوره دكتور انشالله زينه..
د.عبدالله ولسى عيونه على الشوق: كويسه مره...وناجحه بكل المقاييس...
الشوق : عن اذنكم باخلص اشغالي...ومشت وسحبت عنود معاها..
عنود: حرام عليك...كان خليتنا نسولف شوي...
الشوق: والله....تسولفي بابش الشيخه؟؟
عنود: حراااااااام عليك..........شفتي كيف يطالعك وانتي ولا معبرته.........وربي حرام مايستاهل..........أأأأأأخ لو هو مطالعني كان خطفته من زمان.......
الشوق: يااااااااااريت خطفتيه من زمان وريحتيني...
عنود تطالعها: الشوق اشفيك انقلبتي 180درجه ويش صاير.....
الشوق تجلس على كرسي غرفتهن:اسكتي مو مصدقه انه جى.........على بالي انه حلم ورااح.........وقعدت تصيح........
عنود (انفجعت منها تصيح ليش):وتنزل لرجولها....حبيبتي..عمري.......حياتي ليش تبكين عمري ماشفت دموعك الغاليه.......خلاص وربي قطعتي قلبي.........وقعدت تحضنها وهي تصيح.........
ظلت حوالي ربع ساعه وهي كذا.......لين ماهدت الشوق وجابت لها مويا وشربتها
عنود: هاااااااا........اشلونك الحين؟؟
الشوق: احسن...
عنود: تقدرين تكلمي؟؟؟اذا لا خذي راحتك...
الشوق تمسك يدها: باتكلم...ان ماتكلمت....بيصير لي شي.........تدرين.........تدرين ان د:عبدالله خطبني من اهلي....
عنود : ايه ادري.........هذا خبر قديم........
الشوق : واهلي غصبوني اوافق....وهم ينتظرونه يجي عشان يتممون الملكه والعرس...
عنود بشهقه مو مصدقه : معقوله؟؟؟؟؟؟وانتي........ويش بتسوين الحين؟؟
الشوق: ماااااااادري.......والله بيصير بعقلي شي.....
عنود: انتي ماتحبيه بس يمكن بالعشره تحبيه.......
الشوق: مستحييييييييييل........
عنود تطالعها: ليه؟؟؟؟؟ليه مستحيل؟؟
الشوق بارتباك: لان....لا......ن...
عنود: صاريحيني.....فيه غيره؟؟؟
الشوق تهز راسها علامه الايجاب....
عنود: والله مشكله....بس شوفي......انتي وراك عرس بكره خذي راحتك وانسي اللي صار......وراح يفرجها رب العالمين بسماه....خلاص.....
الشوق: انشالله.....لكن ماظنتي باقدر
عنود: حبيبتي حرام تضيعين على نفسك الفرحه بكره......لازم تتناسي وصدقيني ربك رحيم بعباده
الشوق: اللهم آآآآآآآآآآمين.....
وهدت الشوق شوي .وظلن جالسات يتكلمن بمواضيع مختلفه لين هدت وقامت تروح.......
بيت ابو سعود
الساعه 4 العصر
سعاد قاعده تشيك على الاغراض كلها جاهزة ولا لا لانها بتسافر بعد العرس على طول وقبل مايوصلون بكم يوم بتروح امها تودي الاغراض بيتها.........وتأكدت من شنطه السفر خاصتها لانها ماراح تاخذ شي كثير بتشتري من برا.........وحسب مابلغها من اخوانها ان الرحله بتكون مفاجأه........فحسبت حساب أي شي........وبعد ماخلصت راحت تتأكد من لبسها الليله ........ومي مصدقه انها تلبس فستان.......ظلت تقنع امها بالبدله لكنها رفضت.......وهي عناد رفضت تجي مزينه وتبي هي تروح للصالون.........على دخله الجوهره
الجوهره : السلام على احلى عروس عندنا........
سعاد طالعتها بنص عين: عروس..........ياشيخه لاتذكريني.......
الجوهره بضحكه عاليه: ههههههههههههههههه........والله اجل ليش وجهك غدى طماطه؟؟؟؟؟؟؟
سعاد تناظر للشنطه وتشغل عمرها: أنا.....أ.....أنا مافيني شي...........بتخليني غصب فيني شي؟؟؟
الجوهره: ياعمري كلنا مرينا بهذي الظروف.......واكثر بعد.......بس شدي حيلك خليك بنت عاقل.......تراي اخبرك مطفوقه هههههههههههه
سعاد تفرها بالمخده: والله........وش قالوا لك ولد؟؟؟؟؟؟
الجوهره تطالعها من فوق لتحت كنها تفحصها: والله الشكل ولد؟؟؟؟؟؟؟وغيره (قالتها وهي تشرد برا)الله اعلم.....
ظلت سعاد شوي تستوعب اللي قالتها ........
سعاد: الا يام التوم........انا تقولي لي هالكلام.....ونزلت وراها جري تبي تضربها.........وهي هربانه تحت........الا ام سعود واقفه عند الخدم تكلمهم
ام سعود: وللللللللل.........عروس وهذي سواتها الله يعين زوجك والله..........وانتي الجوهره ماتقولين انك ام توم وطول وعرض.........عيب استحيين......
الجوهره فعلا انحرجت.......وطلعت بسرعه لعيالها
سعاد ظلت واقفه فوق
ام سعود: انتي واقفه ببجامتك؟؟؟؟؟؟
سعاد فتحت عيونها: شتقصدين؟؟؟؟؟
ام سعود: يالله بسرعه بدلي بيجي ماجد يوديك الصالون ........عشان المغرب تكونين جاهزة لمن يجون الناس.........
سعاد تذكرت: ايييييييييييييه........صح يالله انا بسرعه باروح البس........وركض طلعت فوق........
ام سعود ضحكت على خبال بنتها ورجعت تشوف البيت جاهز ولا لا.......
سعاد جالها ماجد ووداها للصالون وجت الساعه 5 الشوق وامها عشان يساعدون ام سعود وجت المزينه تخلص البنات قبل المغرب........
ام عاشق تكلم ام سعود: اقولك ياوخيتي.....جهزت المباخر والهدايا والشموع وكل شي؟؟؟
ام سعود: يعطيهن العافيه الخدامات ماخلن شي.........بس اشرف عليهن اشراف...
ام عاشق: ماشالله الله يبارك لك والعقبا عند اللي ماطرى عليهم العرس ولا ادري علامهم(تقصد ولدها وعيال ام سعود)
ام سعود: وانت الصادقه تعبوني........بس واحد شكله لان شوي لانه يسألني عن بنت من هالبنات.....
ام عاشق: زين زين........عساه فاتحه خير للباقيين انشالله......
ام سعود: اللهم امين...
ام عاشق: الا هايدي وينها ماطاحت عيني عليها من جينا...
ام سعود: مادري علامها حتى ماتغدت كل ماجينها تقول تعبانه وراسها يعورها...
ام عاشق: يمكن معاها مغص ولا شي......وديتوها الطبيب؟؟؟
ام سعود: لا والله هي رفضت.......سويت لها زهورات وعيت عنهن........تقول خذت مسكن والحين احسن........وكنت باطلع لها الحين........تمشي معي؟؟
ام عاشق: يلا مشيت معك......
ولمن وصلن لباب هايدي دقن الباب
هايدي: اتفضل...
ام سعود وام عاشق: السلام عليكم...
هايدي كانت متمدده على السرير من شافتهن جلست على السرير: وعليكم السلام ورحمه الله وبركاته....
ام عاشق: كيف صحتك يابنتي انشالله الحين احسن؟؟
هايدي مع انه وجهها شاحب ابتسمت: الحمدلله...احسن كثير مع اني لسى تعبانه...
ام عاشق: الله يهداك يابنتي...قومي معي اوديك المستشفى ولا خلي الشوق تفحصك...
هايدي: وربي مافيني شي....شويه ارهاق ومو متعوده على الماكن هنا ...
ام سعود: افا والله يالغلا ....بيت عمتك حبيبتك مو متعوده عليه؟؟؟
هايدي تناظر لام عاشق: شفتي...زعلتي عمتي مني...قامت وحبت على راس عمتها...العذر والسموحه عمتي...بس والله مرهقه...
ام عاشق لام سعود: خلاص...خلي البنت على راحتها...لا تضايقيها...
ام سعود: يعني ماتبغي تجهزي للحنه الليله....ماراح تنزلي؟؟
هايدي: لا عمتي بانزل انشالله بس الحين خلوني بروحي شوي...وكانت تبي تصيح
ام سعود: امانه عليك يابنتي انك تخبريني اذا بغيتي شي....مايردك الا لسانك...
هايدي تحضن عمتها: الله يخليك لي عمتي....ولا يحرمني منك يارب....
وطلعن وهن يدعن لها....
رجعت من قفلن الباب تصيح
هايدي تكلم عمرها( ياربي انا شسويت هذاك اليوم؟؟؟؟؟ياربي كاني قلت شي وحرجت الولد ......والله مااسامح نفسي ابد......وهو ليش ماتكلم وخبر اخوي؟؟؟؟؟؟؟؟ليش سكت......اكيد اني مسويه فضيحه استحى لايخبر اهلي فيها.......وظلت تفكر شوي.......مو قادره تخيل المصيبه اللي عملتها...........وافكارها تودي وتجيب.......
نرجع شوي لورى.........لحظه مانزل عماد اخته.......كمل طريقه بالشارع وشاف فيصل جالس تحت شجره ويبتسم.........وقف السياره قدامه ولاحس الاخ(احلام اليقظه ماخذته تمام..........)ولا انتبه الا يوم زمر له عماد.........هنا فز وطار وانكب العصير علىثوبه........
فيصل ناظره وعصب: انت ليش تزمر كذا..........عجبك اللي سويته بحالي الحين؟؟؟؟؟؟
عماد راد الضحك غصب: من الصبح اصوت لك ولا انت راد........ايش اسوي لك يعني؟؟؟؟
فيصل: انزل وسلم علي.........مو تزمر بوجهي .......خرعتني...
عماد بسخريه: اسف يالانسه.........ياذات القلب الرقيق........
فيصل استشاط من الغيظ: هيه انت قد الكلام اللي تقوله؟؟؟؟؟؟؟
نزل عماد من السياره ووقف مقابله بالشارع(كان براسه هدف):ايه قده ونص.........ولا انت منت رجال.......
فيصل خلاص ظلمت الدنيا بوجهه: هيييييييه.........ماجابته امه اللي يقول هالكلام........ورمى العلبه بقوة خلاه تتكسر الف كسره........
عماد ضحك بخبث(انا هنا وصلت):والله اذا انت رجال........تكلم زي الرجال.......وواجهني........
تحرك فيصل بكامل جسمه لين صار مواجهه وكان اقصر من عماد شوي بس نفخه جسمه وعصبيته خلته يوازيه بالقوة: هااااااااا...........وش عندك؟؟؟؟؟؟؟
عماد: انا لو مكانك مااتجرئ وواجه ناس اكبر واعقل مني ويردون على الرجال بكلام رجال.........
فيصل: هييييييييييه..........مو انا اللي اسوي شي مو قده.........انا قدامك ومسك نحر عماد.......(يبي يتهاوش)
عماد: ان غلبتني تبشر بعزك واللي تبي..........وان غلبتك لي اللي ابي..........
فيصل : صار ..............وبدى العراك بينهم
اول فيصل مد يده ببوكس قوي..........تفاداه عماد بمهاره........لكن ماانتبه لرجل فيصل اللي غاصت بمعدته..........تأوه عماد بشده.........وهو يشد فيصل من كتف ثوبه ويرميه على جنب السياره.........طاح فيصل وهو يصرخ لكن بسرعه قام ولاهو مواجهه عماد مثل الثور الهايج.........انقض عليه عماد ببوكس حرك كفه من مكانه ونزل الدم جري على خده...........لكن بسرعه بوقبضه فيصل رد على عماد بضربه على صدغه حركت راسه شوي واستند على السياره ودوخ.........لكن قاوم(اكتشف ان فيصل قوته عاليه)وكان فيصل طاير عليه من ورى ومسكه من خصره يبغى يفقده توازنه عشان يرميه بوسط الشارع .......لكن عماد رد عليه بانه نزل راسه لين مستوى رجليه وقلب فيصل وطاح فيصل على ظهره بالشارع وكان الشارع صلب.........ظل فيصل ثواني يصلب ظهره ..........نزل عليه عماد وهو يقوله : ها اكتفيت ولا ازيد؟؟؟؟؟
فيصل: ماجابته امه اللي يتغلب علي...........وبسرعه وقف ولا هو مقابل عماد..........وبغوا يمسكون بعض الا والناس متجمعه عليهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك