رواية مسموح يامن ملكت الروح -26
متعب: والله ماني مكذب عليك....اذا ماهي متزوجه ابغاها على سنه الله ورسوله...
طالعت عمته فيه مهي مصدقه: انت صاحي......وتلمس راسه...
متعب: وربي صاحي ياعمتي.....ومافيها شي هالبنت عجبتني كثير...
موضي بتردد: ياولدي....ناس مانعرفهم وش لنا فيهم؟؟
متعب: عمتي قبل ماتطوليها وهي قصيره......الله يخليك اسألي عنها......وانا اكلمك الليله انشالله........
موضي باستسلامك :صار ياولدي....انشالله......
وجى وقت المغرب وبدت الناس تجمع
طبعا لاهايدي ولا الجوهره جوو وحتى سعاد بس امها.......والشوق وامها وطبعا اللي يشوفهم يعرف انهم عندهم حزن لانهن شاحبات وجوهن ولابست ملابس داكنه ولاحاطات مكياج ولا عطر....
من الرجال جو كلهم ماعدى عماد وعاشق...
ياترى ايش بيصير الليله؟؟؟؟؟؟؟؟؟
ومتعب هل راح يتحقق حلمه؟؟؟؟؟؟
واحداث جديده ورائعه
نهايه الجزء الثامن والثلاثون
الجزء التاسع والثلاثون
لسى باحداث العزيمه
وعلى الساعه 10 دق متعب لعمته
متعب: السلام عليكم...
العمه: هلا والله ولدي خير....العشى وصل؟؟
متعب: لابعده بغيت اسألك....
العمه: تفضل....
متعب: شفتيها اللي قلت لك عنها؟؟؟
العمه: ايه ماشالله عليها وعلى امها......
متعب استانس من قلب: والله.......حلوة...
العمه: حلوة وبس ماشالله عليها.....امها اسمها ام عاشق...اكيد تلقى ابوها عندكم....
متعب ماصدق: يلا عمتي باروح اشوف ابوها....
وقفل متعب وراح لعمه ابو رعد: اقول عمي....
العم مستغرب من ولد اخوة اللي يناظر حوله: خير ولدي كأنك تدور شي....
متعب: وين ابو عاشق عمي؟؟
العم مستغرب: ويش تبغى فيه؟؟
متعب: ياعم الله يخليك وينه...
العم بدون مايناظر: تشوف الرجال اللي لابس جكيته بني.....وثوب اسود....
متعب: اللي عنده ابو لحيه طويله؟؟؟
العم: أي نعم هذاك هو....
متعب استانس: اقول عم عنده بنات؟؟؟
العم عقد حجاجه وش تبي فيهن؟؟؟
متعب: والله ماريد غير الحلال....والله...
العم ناظر بولد اخوه اللي عمره مافكر بها السالفه من قبل....راح اشوفه لك لاتتدخل...
متعب رجع ورى ورافع يديه: ابدا ماراح اتتدخل........وابتسم وراح يشوف الرجال......
ابو رعد قرب من ابو عاشق وسلم عليه.......وبعد التحيه والسلام........
ابو رعد بتردد: والله ابغى اشكرك على تركك بنتك الشيخه عند مرتي وبنتي هذيك الليله.....
ابو عاشق بابتسامه عذبه: ياخوي الناس للناس والكل بالله.......وانت مقطوع هنيا بعيد عن اهلك وهذا اقل من الواجب الغالي.........
ابو رعد: والله ان وقفتكم ماتنسي.........
ابو عاشق: ياخوي لاتحرج نفسك وتحرجني والله اللي سويته مايستاهل......
ابو رعد بتردد كبير واحراج: اقو ابو عاشق .....
ابو عاشق حس بتردده: هلا اخوي قول اللي تبي(توقعه يسأله عن عاشق......)
ابو رعد : انت لك بنات للزواج........وبسرعه ولد اخوي يبغى يتزوج ومالقيت اخير منكم نناسبه.......
ابو عاشق اندهش من السؤال اول بعدين ابتسم: ياريت يابو رعد........والله ان بنتي لو هي ذبيحه ماعشتكم........بس الرجال كلمه.........وانا متكلم علي واحد عنها وعطيته كلمته وماقدر ارده الحين ........عيب وانت ماترضاه علي.......
ابو رعد: لا افا اخوي اكيد ماارضاها عليك....والله يوفقها انشالله والله انها جوهره نادره..........
ابو عاشق: من زود طيبك يالغالي........
وغيروا دفه الموضوع لمواضيع ثانيه لين قام من عنده ابو رعد..........
ويوم قرب من متعب..........سحبه متعب وهو يسأله:هااااااااا بشر عمي قمحه ولا شعيره........
عمه وهو متكدر على الاخر على ولد اخوه: والله مادري ويش اقولك يابناخي؟؟؟
متعب: أفااااااااا...........لاتقول ياعمي........
عمه: ايلغالي يقول انه في ناس متكلمين عليها.........وماظنه بيكذب علينا......
متعب بحزن: يعني اشلون؟؟؟؟
عمه: يعني الله يرزقك باللي احسن منها...
متعب بحزن عميق ماظني فيه احسن منها: مشكور عمي.......واعذرني اني احرجتك...
عمه: يالغالي انت ماتحرجني.......انت تفرحني يوم تخليني اشاركك افراحك واحزانك وسرارك........انا عندك متي مابغيت.......جنبك وساعدك........ومن بغيت تخطب انا حاضر وموجود.......
متعب ابتسم غصب: الله لايحرمني منك يالغالي......وراحول يقابلوا المعازيم.......
كان الحريم ماليات المطبخ وعهود معاهن يجهزن مي وكاسات وخضره ومقبلات يعني عشان العشى....والخدامات يودن......يوم خلصن طلعن الحريم ظلت عهود وعمتها موضي والخدامات ودخل عليهن ابوها يتكلم معاهن بنفس الوقت اللي عمها ابو متعب لأانه هو الكبير يحيي بالرجال يدخلون المغلط اللي هو متصل بباب المطبخ..................لمحت عهود ابو عماد........عرفته على طول وماصدقت يوم شافته .........كان نحفان ولحيته متخللها الشيب بشكل واضح والحزن مالي عيونه...........يوم شافته كأن حد صب عليها مي بارد.........وبالغصب منعت عيونها عن الدموع وبشويش طلعت لغرفتها حتى محد يلاحظ هروبها المفاجئ...........
وبلحظه مدخلت غرفتها قعدت تصيح ورمت حالها على السرير وضمت المخدات لها عشان محد يسمع نحيبها...........وظلت تبكي لاكثر من ثلاث ساعات جت خلالها امها تدق عليها لكنها سكتت وسوت حالها نايمه...........وبعدين فجأه قعدت على السرير وهي تناظر للفراغ............
وقعدت تكلم حالها بصوت مسموع: يعني صدق.............يعني صدق...........يعني زياد..........وتطالع فوق............ليه مهو انا ياربي ليه............ورجعت تصيح مره ثانيه..........كأنها بشوفتها لوالده تأكدت انه خلاص ودع وراح...........وظلت كمان ساعه وتذكرت اعتراضها على قدره الله بكلامها وحست بالذنب وقامت غسلت حالها وتوضت ورجعت لبست الملفح وظلت تقرى وهي تنحب وتصيح حتى اختلط القران بالدموع...........ويوم سجدت ظلت اكثر من عشر دقايق بنفس السجده .........كانت تدعي له بالمغفره والرحمه........وكانت تستغفر ربها عن ذنبها............وعن محاولتها قتل نفسها..........ويوم رفعت رفعت يديها للسما وظلت تدعي وتستغفر اكثر واكثر..........ظلت على هالحال لين اذن الفجر.........وكأنها بقرايه القران هدت شوي..........ونامت على سجادتها...............
ماتدري اشكثر نامت لين ماقامت..........كانن عيونها وارمات وحارات..........يوم طالعت للمرايه كان اثر الدمع واضح مره على وجهها.........تجمعت على عينها غشاواه دمعه لكنها طردتها بسرعه وهي تغسل وجهها انصعقت يوم شافت الساعه وحده.........راحت وضت وصلت الجمعه.........ورجعت قرت سوره الكهف........وظلت تدعي له وبعدين حطت مكياج خفيف يخفي اثار الدمع مع ان عيونها منتفخات.........ونزلت........
اول ماوصلت تحت لقت امها ترضع اخوها.......اغتصبت ابتسامه من ثمها وهي تسلم.....
الام: وعليكم السلام والرحمه.....وبنظره استغراب....وراك طولتي النوم اليوم؟؟؟
عهود: كنت تعبانه من العزيمه البارح وماحسيت بحالي....اشلونك اليوم وين خالتي؟؟؟
الام بتنهيده: أيييه....روحوا ويسلموا عليك كثير كثير......الخدامه طلعت تناديك لكن مارديتي عليها....
عهود: يمكن كنت مولعه المكيف وكذا ماسمعت.........متى روحوا؟؟؟؟؟؟؟
الام: الساعه 8 الصبح..........جوري مخليه لك كيس تقول هديه وعطتها ياه........
عهود فتحته: لقيت بلوزه كانت مدحتها عهود مره تاركتها مع رساله انها احلى عليك وعندنا بعسير كثير منها.......ابتسمت عهود لطيبه جوري....
الام: اقولك بنتي تجهزي العصر....
عهود باستغراب: وين؟؟؟؟؟؟
الام: تخبرين قبل التمايم ماقدر اطلع من البيت ولازم نروح نعزي اهل زياد........لانا مارحنا.........
عهود هنا جتها الغصه وبذلت مجهود خرافي عشان ماتبين شي: أن....أنشالله يما....عن اذنك باروح اصلي........مع انها صلت بس تحججت عشان تطلع........
دخلت غرفتها وناظرت بالفراغ........ظلت شوي كنها تطرد الدمع عن عيونها لكن اخيرا انتصر الدمع وقعدت تصيح......اول بهدوء وشوي شوي ليمن على .......راحت للحمام وغسلت وجهها وحاولت تذكر اشياء مسليه لكن كل ماتفكر بشي تذكر زياد.......كأن كل ذكرياتها صارت معاه خلص........ورجعت تهرب للنوم مره ثانيه......
يوم نامت حلمت فيه......وكأنه يسلم عليها.......ومد يده لكنها بعدت عنه..........وظهرت ملامح الحزن بوجهه .........وكان لابس بياض..........بعدين سمعته يقول......انا مرتاح.........انتي اللي تعذبيني بدموعك........ارجوك ودعيني الحين وودعي الدموع........وناظرت له وكأن دموعها خلاص وقفن ولافي شي منها..........ومدت يدها له هالمره........ابتسم وقال........منتي لي.........منتي لي...........بتكونين للي يستاهلك............وماراح تحزني ابد.............
قامت متفاجئه من النوم وتضاربت عليها الافكار..........لكن ماكانت حزينه..........كان شعورها انها مرتاحه كثير.......وماكان هناك اثر للدموع والحزن.........نزلت واكلت لها لقمه........وتجهزت عشان تروح مع امها العصر......
في بيت ابو عماد
الساعه 5 العصر......
دق الباب ودخلت ام رعد وكانت الجوهره منتظرتها وهايدي:
ام رعد: السلام عليكم.......وناظرت للجوهره وهي تسلم عليها........عظم الله اجركم بنتي......شدي حيلك واعذرينا على تأخرنا....
الجوهره: احسن الله عزاكم خالتي..وعارفه ومقدره ظروفكم....
عهود كانت واقفه مثل المذهول.......ماحست لابضيقه ولابزعل ةهي داخله ....قلبها عصرها من الحزن صح لكن الدموع ماجاسن عينها ابد........
تناظر للجوهره: عظم الله اجركم....ام شروق...
الجوهر: احسن الله عزاكم......
جلسن حوالي ساعه وجت هايدي وعزنها بعدين طلعن........
واليوم روحوا اهل ابو سعود.....وفضى البيت صدق بعد ماكان مليان عليهم........
وحوالي الساعه 12 بالليل دخل عماد.......وزي العاده راح للمقلط...دخل ونزل غترته على الشماعه وضو المقلط........وهنا تفاجأ.......كانت الجوهره قاعده ومعها كراسي البيبي التوم حاطتهم عندها ونايمين بكل سلام ........منظرهم كان جنااااااااااان.......
عماد: انتي ......هنا؟؟؟؟
الجوهره: وعليكم السلام اول......مساء الخير يالغالي........يابو عيالي......
عماد كأنه انطعن: السلام عليكم......
الجوهره: وعليكم الف سلام ورحمه ياحبيبي.......
عماد اتفاجأ كلامها وهدوها ورقتها غير..........
عماد: .....أنتي.......أنتي ليش مانتي صاعده فوق؟؟؟؟؟
الجوهره: واترك حبي تحت .......مستحيل.......
عماد: عادي....انا اقدر ادبر نفسي.....
الجوهره وتحولت للحزن: بس انا ماقدر.....وربي ماقدر اعيش وانت بعيد عني........وغطت وجهها بيديها وقعدت تصيح......
عماد ارتبك على الاخر يوم شاف دموعها........جثى على ركبيته....:الجوهره....بس الله يخليك....دموعك تذبحني.....ارجوك بطلي.......يوم شاف مافي فايده.....ضمها لصدره وليته ماسوى........زاد بكاها عن اول......كأنها فعلا قبل بدوامه والحين حست بالامان........مايدرون شكثر قعدوا.........لين هدى صوتها وبدت تهدى........وقعدت وحده من التوم تصيح.......ابعدت الجوهره عنه........وراح لها وطلعها من الكرسي وشاف دموعه.........من زمان ماشافهن........كانت كبرت وعيونها احلوت......وصارت اموره حيل.......هنا طفت على عينه دمعه.......
عماد: تدرين......
الجوهره طالعته وعيونها حمر من اثار البكي: خير؟؟
عماد: هذي نفس عيونك....هي شروق؟؟؟؟؟؟
الجوهره بابتسامه: لا غروب.......شروق عيونها بنيات وعليها شامه بطرف رقبتها.......
عماد ابتسم: تصدقين ماعرفتهن من بعض.....
الجوهره: ومالوم......لك كم ماطالعتهن......او حتى جيتهن؟؟؟
عماد ناظر للارض: تدرين اني للحين مصدوم ومو مصدق ان عضيدي راح وودعنا........وبدى يتهدل صوته.......
الجوهره: وانا هنا ليش.......عشان اسمعك وانت تفضفض ....حبيبي لازم تفرغ الشحنه اللي بداخلك ولا صدقني بتدمرك وتخليك انسان ثاني......
عماد ناظر للفراغ: يوم دخلت ولقيته مرمي ماصدقت الصراخ اللي حولنا ابدا.......يوم قرر الطبيب وفاته....كنت مثل الميت.......كيف كان وداعه لنا مهيب.......كيف كان ينصحني قبل وبرمضان يخانقني ليش اني اشرب ارقيله احيانا........كان متغير صح لكن كان حنون والحزن مافارق عيونه ابد......ورجع صوته يتهدل........والحين انا الحين وحيد........ماعندي اخوان ولا يصير لي اولاد اخو.......
هنا قامت له الجوهره ولمته وهي تصيح.......:ايوة لا تسكت...تكلم الكلام يريح....السكوت هو اللي يجيب الامراض والاحزان......اخوك كان نعمه عظيمه......بس عندك اختك اللي هي كل دنيتك الحين واللي هي محتاجتك اكثر من قبل.......تعرف زياد ايش كان لها.....
ناظر لها عماد.:حنا مكانا غلط......
ناظرت وهي مو مستوعبه:أيش؟؟؟
عماد ماكان عندها يوم ناظرت شافته قام وخذ وحده من التوم: ماتبغين تجين بكيفك.........انا اشتقت لغرفتي......وهالكتكوته بتنام بحضني .......
الجوهره بدون تفكير: ماشرهت والله......وبعدين استحت مره من كلمتها...وناظرت للارض.....
عماد ابتسم: والله........وليش يعني......
الجوهره سكتت واستحت ماتدري ايش تقول.....
عماد مسك يدها: يالله خلينا نودي بناتنا غرفتهم......ونروح نريح احس ظهري مكسر.....
الجوهره وهي مستحيه: انشالله صار.......
وطلعوا لغرفتهم ورجع لهم عماد اللي يحبهم ويخاف عليهم........
ومرت ايام الدراسه سريعه........
عماد وعائلته بدو يتقبلوا الوضع ويرضوا بما كتبه الله لهم......ابو عماد انطوى على نفسه لكنه يشاركهم كل شي.....وهايدي اللي بدت تختلط بالحياه واكثر اهتمامها منصب على هوايتها اللي بدت تنميها......وعماد اللي رجع زي اول وفرح اهله فيه والجوهره اللي كانت شايله البيت كله على راسها وتركت الدراسه عشانهم
ابو رعد وام رعد بعالم ثاني من فرحتهم بابنهم الصغير وعهود كانت تجاريهم رغم جرحها الاليم واللي تعرف انه بيجي يوم والكل يعرفه......
عائله ابو عاشق: ابو عاشق عارف ان ولده غلطان وانه بيجي يوم يندم لكن زي ماقال نربيهم وهم صغار ويعذبونا وحنا كبار وقال الحياه هي اللي راح تعلمه.......والشوق سعيده بعملها ومنغمسه فيه لاخر حد حتى نست عبدالله وماجد وغيرهم.......
ابو سعود وعائلته.......سعود لسى الزواج مو في باله مع انه عرف مين اللي خلاص بيخطبها لكن ينتهي من زواج اخته الاول........وماجد اللي دبر حق الارض واشتراها وابوة مو مصدق ان ولده قدر عليها.......وسعاد اللي من قالوا لها موعد العرس وهي منقلبه فوق تحت وتختلط عليها المشاعر والظروف......حتى جهازها بدون نفس.....وفيصل اللي بدى يتقرب من بيت خاله اكثر وزيارته لهم تكثر بسبب وبدونه.....
وهشااااااااام اللي حاله غير............وراح تعرفون بعدين انشالله
طبعا العرس اجلوة لين شهر 7 هـ........يعني بعد وفاه زياد ب 7 شهور......وابو سعود هو اللي الح عليهم ولا هم بيأجلوة لين السنه الجاي.......بس ابوها رفض ان ينته تصير مملكه سنه ونص....واكثر واحد فرحان هو هشام.....
ولان ماعندهم ام وابوة ماعنده اخوان فكانوا عيال عم ابوة وخالاته هن اللي مسئولات عن العرس بشكل كامل.......من تجهيزات وكروت وكل شي..........
قبل العرس باسبوع تمام.......يوم الخميس
في بيت ابو عاشق........
الساعه 8 المغرب
كانت الشوق مسويه كيكه لان الجوهره بتزورهم وكانت كيكه الفراوله اللي يحبها زماااااااان وهو صغير ماجد.......وكانت دايما تذكره لمى تعملها برغم انها تحاول تبعده عن تفكيرها لكن بدون فايده......
وقبل ماتجي اختهم .....دخل عليهم عاشق وهو حاله مبهدل بالمره حتى امه شهقت لمن شافته
امه: بسم الله علامك ياوليدي ايش صار لك؟؟؟؟؟؟
الشوق: اشفيها ملابسه مقطعه كنك متخانق مع احد؟؟؟
ناظر للشوق بعين: انا ابي ابدل.......جهزي قهوة وتحلايه للرجال اللي معي بسرعه........قال اخر كلمه بصرخه خلاها تتطير من مكانها....
الام: وراك ياوليدي شاب ضو........سم بالله واستهدي وقولي علامك.؟؟؟
عاشق: الله يخليك الغاليه بابدل واقعد عند الضيف وبعدين اخبرك.........
الشوق راحت وهي تكلم نفسها: هذا وراه يزعل برا ويتفشش عندنا .......انا ماسويت له شي.....المفروض مايعصب علي اخته الكبيره انا......وجهزت صينيه حطت فيها القهوة والشاي.......وصينيه الكيك والصحون وبسكوت وخلافه.......
وطلعت مع باب المطبخ للصاله......جهزتهن(بصوت عالي عشان يسمع.....)
عاشق من فوق ولسى بالملابس الداخليه: حطينهن بالمقلط .......بصراخ بعد...
الشوق تحرطم: بعد.....احطهن لحضرته بالمقلط......ورى مايجي ياخذهن من هنا......
مسكت صينيه الكاسات والخدامه الشاي والقهوه........وفتح الباب بحذر لان يدهن مشغولات........ودخلن على طول وحطنهن على البترينه....وكانت تكلم على الخدامه يوم سمعت حد يتنحنح وراها.......جمدت بمكانها حتى شيله ماهي شايله على راسها......وبسرعه خطفت شارده برى.......ولحقتها الخدامه.......
الشوق وهي ترجف: وي من هذا اللي دخله اخوي مقلطنا؟؟؟؟؟؟وتذكرت كيف يقول لي ادخلهن المقلط وفيه رجال....عصبت حيل.... ..وطارت لاخوها لقته على الدرج
الشوق بصريخ: انت كيف يامحترم ياخوي تخلينا ندخل المقلط وفيه رجال؟؟؟؟؟؟؟
عاشق انصدم: معقوله .......انا قلت له تفضل .ماتوقعته يخش المقلط.......وناظر لها بعين.......عسى ماشافك؟؟؟؟؟
الشوق: وش دراني انا لا واحظرتك بالصوت المليان(دخليهن المقلط)مو عيب هالسواه؟؟؟؟؟؟؟
عاشق يناظر لامه: يما تكلمي عليها مادريت عنه انه بيدخل؟؟
الام: هو منهو ياوليدي اللي قاط الميانه معاك لهذي الدرجه؟؟؟
عاشق: ماجد ولد ابو سعود............!!!!!!!!!!
هنا كن حد صب عليها مي بارد.......ماجد من بد خلق الله يشوفني.....ورجعت تناظر لشكلها كيف كان........كانت لابسه دشداشه مطرزه وعليها تول ومشغوله ونص كم......واستحت من حالها وحمدت ربها ان ششعرها مو مفلول ومسرح......
الام: عادي ياوليدي البيت بيته.......ماعد حاله غريب......
مالحظوا ان بنتهم تغير لون وجهها وصار اشكال الوان.......طلعت من عندهم بدون كلام......وراحت لغرفتها على طول.....
اول مادخلت قعدت تناظر للفراغ.......حست ان قلبها تحرك عقب شهور من الهدوووء.......ياربي انا ليش كل مايطروة يتغيرشكلي؟؟؟؟اصلا انا وش لي فيه؟؟؟؟حدي كبر امه حتى عيب تفكيري هذا........ياربي والله مو بيدي......ووقفت قدام المرايه تناظر لحالها......مافيها عيب وشكلها اصغر من سنها بكثير بكثير........طيب ليش هاليأس يابنت.....يمكن هو خلاص كرهك تذكرين يوم دخل بالغلط عليك بغرفه اخته قال ياخذ احتياطاته وش قصده؟؟؟معقوله كرهني........انا احس فيه ليه ولا افكر فيه ليه.......ورمت حالها على السرير بتنام بس وين النوم ووينها..........
اما ماجد فأول مالقى عاشق يتخانق مع شله جره من بينهم وجابه للبيت حتى يهدأ ويعرف سالفه الهوشه.......واول مادخل عاشق قاله حياك فوت.......وهو متعود يدخل بيتهم للمقلط يعني المجلس للضيوف الرسميين ومهي اول مره يدخل داخل.......يوم سمع فتحت الباب حسبه عاشق ويوم شاف البنتين على طول عرف الشوق......لكن هالمره كان عنده حميه وماناظر لها ونزل عيونه تحت ........لكن يوم شافهن يسولفن تنحنح عشام ينتبهن.........وماناظر لين هدأ الجوء الخارجي........لكن كل القرقعه بالجو الداخلي........قلبه غدا طبول ويديه ترجف وحالته حاله.......قال لنفسه: هييه انت وش صار لك........كنك اول مره تشوفها......ماكنك من وانت صغير تشوفها.......بس والله من شهور مالمحتها,........ياقلبي عليها.....هييه انت وش تهذرب عيب......لاعيب ولاشي....اذا بتخانق خانق قلبك اللي اختار وارتاح وخلاك للعذاب.........بس هي زعلت عليك من ذيك اليوم.......وشكلها خلاص نسيتك من انخطبت للدكتور......وحس بغصه.....يعني الدكتور الحين تحبه....مستحيل عيونها مايقولن هالكلام ابد.......بس كيف بتاخذه يعني؟؟؟؟؟؟؟
كان يكلم نفسه ويحاورها ماحس باللي دخل وسلم وجلس.......
عاشق وهو يهزة: هييييييييه......ماجد؟؟؟
ماجد ناظره: هه......ايش؟؟؟؟
عاشق ابتسم: العذر والسموحه على الموقف....مادريت انك هنا.......
ماجد صخ معقوله قالت له: لا حصل خير.......
عاشق يناظر: اشوفك ماسميت......ترى هذي الكيكه المفضله عندنا.........
وناظر ماجد...ماانتبه ان الخدامه جابت الكيكه عنده........لكن من شافها تذكر ايامه زمان وهو صغير وماخذ راحته......وتمنى اليوم اللي يشوفها بصحن داره.......
اكل لين ماترك شي.......
عاشق: صحه انشالله ....تبي اجيب لك صحن.....
ماجد ابتسم: والله مابي اكلف لكن هالكيكه من صغري وانا هيمان فيها......
عاشق ضحك وبين وجهه الحلو.......ماطلبت شي.....وراح جاب الصينيه بكبرها مادرى ان الجوهره بتجي وموصيه عليها....
ماكذبوا خبر اكلوا حق اسبوع كامل.........
وبعدين ناقش ماجد عاشق:اقول عاشق مين ذا الشله اللي صادفتك عندهم؟؟؟؟
عاشق: هذول جماعه يبغوني اسافر معاهم يوم رفضت تلفظوا علي وماسكت لهم........
ماجد : وبعدين معاك يالغالي......لين متى بتظل على هالحال اللي راح ماراح يرجع......
عاشق فهم قصده..:والله اني احاول واجاهد.....واللي كاتبه ربك بيصير.......
ماجد: ياخوي.....احنا بنروح رحله شباب انشالله للشرقيه الاسبوع الجاي.........انشالله بتروح معنا.....
عاشق: من معك؟؟؟
ماجد: انا وسعود وعماد ومجموعه من اصحابنا........
عاشق فكر: انشالله يصير خير بالعرس اخبرك.......وسكت كأنه حزن.......
ماجد وهو يقوم: يالله عاد......اخليك......واشكر لى الوالده على هالكيكه الطيبه عزا الله اني ماتعشيت هههههههه
عاشق: انشالله يبلغ للي سوت الكيكه......
ماجد سكت وابتسم هو عارف انها عملتها بس حب يتأكد.......وراحوا مع بعض يوم وصل للباب
ماجد: اقولك عاشق......
عاشق: تفضل....
ماجد: انا احبك موووووووت.......
عاشق وقف مذهول وهو يشوف ماجد يركب ويروح؟؟؟؟؟؟؟؟؟؟
يوم دخل عليهم كان يبتسم ببلاهه.......بس اختفت الابتسامه يوم شاف الشوق واقفه ومخصره له وتضرب برجلها الارض بعصبيه....
عاشق: بسم الله اشفيك كنك بتحاربين؟؟؟؟؟؟؟
الشوق: اقدر اعرف من اللي اخذ الكيكه حقتي؟؟
عاشق: اوووو سوري لكنها طعمه مره......ماقدرنا نقاومها.....
الشوق: والجوهره الحين كيف انا مسويتها لها.....
عاشق: نجيب لك وحده جاهزة...
الشوق ماترضى تبغى كيكتي.......كيف تاخذوها كذا صحيح همج......
عاشق: والله مو بس انا الهمجي حتى خويي همجي لانه اكل مثل الشرهين ......
الشوق ارتبكت وفرحت انها عجبته: طيب خلاص بسر عه جيب كيكه والله يعيني على اختك.....
عاشق وهو طالع....تشوف هالخبل وش قال؟؟؟؟
الشوق وش قال؟؟؟
عاشق: قااااال يحبني موووت اخافه شاذ وانا مادري.......
الشوق وقفت واستحت مره عرفت انها هي المقصوده لكن بداخلها شي انكر هالسالفه كيف وهو يبغى ياخذ احتياطاته؟؟؟
ورجعت للمطبخ تخلص اشغالها لين تجي اختها
يوم الاثنين
بيت ابو سعود
الساعه 11 الصبح
سعاد واقفه وتحرطم على امها مهي مصدقه انه خلاص بعد يومين العرس......
سعاد: يما الله يخليك ساعديني...
الام: والله ماشفت وحده مثلك يبغين تتهربين من العرس.......ايش يقولوا الناس عنا مابقى على عرسها شي وتطلقت؟؟؟
سعاد : يما احس اني بانجن ....باموت........انا وتاشر بيدها على نفسها.......باتزوج واروح لبيت لحالي؟؟؟؟؟ماصدق.......يما والله احس اني احلم.......الله يخليك يما قولوا لي انه حلم (وتجمعت الدموع بعيونها)
الام: بسم الله عليك يابنتي.......وش صار لك......والله اني لو داريه ان حالك بيكون كذا ماكان تممتها من اول........سمي بالرحمن واقري لك كم ايه عسى بالك يرتاح.......
سعاد: بالي مايرتاح الا لمى تقولو لي ان مافي عرس......
الام وبدهشه قويه:يابنتي وش تهذربي...مستحيل نأجل العرس ولا نلغيه.....
سعاد جلست على الارض: يمااااااااا........والله بيصير فيني شي صدقيني......
الام تحوطها: يابنتي...اهدي ليه اعصابك متوتره؟؟؟؟
سعاد: خلاص......روحي بتطلع.....الله يخليكم خلوة يروح وينسى العرس....
........:ينسى العرس؟؟؟؟؟؟؟؟
والتفت الام والبنت وكل امارات الخوف على وجههم؟؟؟؟؟؟؟؟؟؟
ياترى ايش بيصير لسعااااااد؟؟؟؟؟؟؟
وبقيه العوائل؟؟؟؟؟؟؟
نهايه الجزء التاسع والثلاثون
الجزء الاربعون
سعااد ناظرت للي دخل وكل علامات الخوف والذعر عليها.......
........:ماقلتو لي مين اللي ينسى؟؟؟
الام: محد ياوليدي كنا نسولف.....
ماجد: يما قولوا الصدق؟؟
الام: اختك خايفه من العرس بس هذي السالفه....
ماجد ناظر لسعاد : صحيح؟؟
سعاد ناظرت للارض ولاردت...
ماجد : اقول يمى ابروح انا وسعاد نتمشى شوي....خلاص...
سعاد مسكت قلبها بخوف (هذا وين بيوديني؟؟؟)
الام: ماله داعي يايمااااا الحين تهدى...
ماجد : انا بروح اشغل السياره....
وطلع قبل لايسمع احتجاجات....
سعاد تناظر لامها: يمااا.......بيذبحني
الام: هذا اخوك كيف بيذبحك....لبسي عباتك وروحي قبل لايعصب وصدق يذبحك...
قامت سعاد لبست وهي ترجف وخايفه.....وركبت السياره وماتكلم معاها....ولفوا شوي لين وقفوا عند مركز كبير فيه مقاهي مختلط......نزل وراح فتح لها الباب......وباستغراب كبير نزلت سعاد وراحوا عند طاوله......جلسوا ولا تكلموا.......زطلبت هي عصير ليمون وهو قهوة........يوم جى الطلب بادرها
ماجد: هااااا.....ماقلتي لي ليش ماتبغي تتزوجي؟؟
سعاد ناظرت للارض مستحيه....
ماجد حط يده على يدها وشدها بدفء كبير هي حسته: هاااااااا.....ززتكلمي وفضفضي وانسي اني اخوك....
سعاد وعلى عيونها غشاوة...:اخاف تهاوشني؟؟
ماجد: العروس عليها الامان......بس اتكلمي...
سعاد اتشجعت من شكل اخوها الهادي.....:اخوي...انا قبل مافكرت بالزواج لاني عشت عند اولاد.......واحس اني مثلهم بكل شي........وبعدين يوم جى الرجال وابوي انحرج منه عزت علي نفسي ان ابوي ينحرج بسببي......
وبعدين يوم صارت الملكه خفت مره.....كيف اعيش مع انسان ماعرفه ولا قط كلمته والاهم ماحس اتجاهه باي موده......وثم صكيت على نفسي يوم شفتكوا فرحانين....بس يوم شفت السالفه جد خفت وقلت مستحيل اتحمل اني اقعد مع رجال ببيت واحد....والله اموت خووووف
اتوقعت انه يضربها لكنها اتفاجأت انه ماقدر يمسك ضحكته وبصوت مجلجل خلى اللي حولهم يناظروا......
سعاد استحت: بس ماجد......الناس تطالع......
ماجد شوي وسكت: الحين انتي خايفه من ابو الهش؟؟؟
سعاد صخت يوم قال اسم الدلع قدامها: .............
ماجد سكت شوي كنه يفكر: وبعدين بدى بالجديه: شوفي حبيبتي......كلامك صح لكن باقولك شي......أيش بيصير لو انا الغينا كل شي الحين؟؟؟؟؟؟
سعاد تناظر كنها تفكر: ماراح يصير شي يادار مادخلك شر....
ماجد :خليني اشرح لك....
أولا: احنا وزعنا البطاقات لمى نقول لهم الغينا العرس بيتساءلوا.....زين....
احنا ايش نقولهم؟؟؟
سعاد: ولا شي....
ماجد: هم راح يجاوبون....بيقولون....اكيد البنت فيها عيب......هاللي خلى الرجال يتركها......(.ويقطع عليها احتجاجها) حتى لو حنا اللي الغينا بيقولوا البنت معيوبه....وابوي واخواني بيوطوا روسهم ليش ان الناس من هنا لسنين بتظل تذكر السالفه ويقولوا يوم بنت ابراهيم رجلها طلقها قبل عرسها بيوم......وراح يحكوا ويالفوا ممكن يقولوا شافها مع رجال ولا شافها سوت شي غلط.........صدقيني كلام الناس ماراح ينتهي......وانتي ماترضي علينا وعلى ابوك أي كلمه
(كان فاهم ان اخته مستحيل تتحمل احد يتكلم على اهلها لو فيها موتها)
سعاد ظلت ساكته وناظرت بالكوب اللي قدامها وهي تفكر..........
ماجد: هاااااااا....ايش رايك اتصل على هشام(ومسك جواله يعني انه بيتصل)
مسكت سعاد يده ترده: ياخوي خلص اقتنعت......
ماجد ابتسم وفرح من قلب وقاموا روحوا للبيت
في البيت
الام قاعده على اعصابها...يوم شافتهم داخلين يضحكوا استغربت
ماجد وسعاد: السلام عليكم...
الام: وعليكم السلام ...اشلونكم ياعيال انشالله طيبين...
سعاد وهي تناظر لماجد: بخير يماا...الحمدلله...
الام: يعني مافي شي؟؟
سعاد :لا مافي شي....واتذكرت....لا فيه نسيت اتصل على البنات اقولهن يجن يساعدني بتجهيز اغراضي...
الام استانست: والله.....لعاد بسرعه روحي اتصلي فيهن
يوم طلعت سعاد ناظرت امه فيه: انت ايش عملت فيها؟؟
ماجد : والله بس قلت لها ايش يصير لو الغت العرس بس...
الام ناظرت وكنها فهمت: ماقصرت....
وتموا يجهزون للعرس بلهفه كلهم ماعدا سعاد اللي حاز بنفسها هالعرس وخايفه منه موووووووت
يوم الاربعاء الصبح
كانت ام سعود ترتب المكان وتحط الهدايا عشان الحنه اللي هي كانت رافضتها من الاصل....وسعاد عندها النقاشه هي و الجوهره اللي اصرت انها تبات عندهم من البارح هي وهايدي.......والعيال كلهم انتقلوا لبيت ابو عماد هههههههههه
سمعت ام سعود الجرس وشافت الخدامه....تطلع وشوي جت وقالت لها ان سعود بالمجلس يبيها..
دخلت عليه : السلام عليكم...
سعود قام : هلا يماا وعيكم السلام ارتاحي...
كان سعود مرتبك وواضح قلقه...
الام: علامك ياولدي عسى ماشر وجهك مو طبيعي؟؟؟
سعود(معقوله باين علي):لا سلامتك يماا بغيتك بسالفه...
الام(ولدي فيه البلا):تفضل انا اسمعك...
سعود(كيف باقولها انا):يمااا.....انا.....انا....
الام قامت وجت عنده: ياولدي...بسم الله عليك عمري ماشفتك كذا؟؟
سعود ارتبك(كيف باقولها والله استحي):..............
الام تناظر له: وربي ياسعود انا ماتكلمت لاغضب عبليك طول عمري......(هي قلصده كذا عشان يقولها )
سعود خاف: يماا.....بالعرس ابي تشوفين..........
الام كنها لقطت السالفه:هااااااااا..........الحين عرفت......
سعود ( وي لاتكون فهمت غلط)فهمتي ايش يماا؟؟
الام وهي تبي تطيح ولدها: تباني ادور لك على عروس.......
سعود اخترع: لالا.........لاااااا
الام: اجل تبغى اخلي حد يدور لك عليها؟؟
سعود (امي بتوهقني):يماا.....لا........
الام: اجل تكلم........ضيعتني....
سعود وكنه خايف يتراجع: ابغاكي تشوفي بنت وحده واذا اعجبتك ابس اخطبها........واخذ نفس كنه تريح
الام (يعني شايف بنت...منهي قليله الحيا هذي):والله....ومنهي هذي اللي حاط عينك عليها ....وبتهديد...ان كانت من بنات التلفوانات ..........ياويلك
سعود: يما...والله بنت ناس....بس انتي شوفيها بكره وقولي رايك ...
الام بعصبيه : ومنهي؟؟؟هالبنت....
سعود: بنت.....بنت ابو رعد جار خالي.....
الام فتحت عيونها كنها مو مصدقه:من؟؟؟؟؟؟؟؟؟؟
سعود(لاوالله ماعجبت امي):يماا....أنا.....
الام وهي تحضنه: ماشالله ياولدي.....زين ماخترت........الله يبلغني واشوفك معرس يالغالي.......
سعود مو مصدق حاله كنه بيصيح: صحيح يماا......عجبتك البنت؟؟؟
الام: وكيف ماتعجبني.....ماشالله عليها......ولايهمك بكره اجس نبضهم.....
سعود وهو يمسك يد امه: يالغاليه......مو الحين.......بس شوفيها وشوفي اذا مخطوبه ولا لا.......وخلينا نخلص من عرس اختي وبعدين يصير خر انشالله......
الام بفرحه: يصير كل خير باذن الله.......
ومشى سعود وهو فرحان لان امه مبدئيا موافقه.......وانشالله بيقول لابوة بعد عرس اخته......
عند سعاد كانت الحاله حاله:
هايدي تفرج عليهن لانها رفضت تحنى قبل ضحيته اخوها: ماشالله سعاد الحنة مرتبه عليك...
سعاد بنفخه: اووووف........مادانيه لكن امي غصبتني عليه...
الجوهره وهي تطالع بيدين بناتها المحنيات: وش رايكم مو احلى حنه...
هايدي وهي تبوسهن: وي فديتهن هن وكلبوجاتهن.........يختي على جمال حنتهن.....
الجوهره : شوفوا كيف لطخت يدي وتعدمت........بكره بتبين....
سعاد: وليش ماتحنيتي؟؟
الجوهره: والله ماقدر اقرب لها وانا اخبر الغالي حزين على الغالي...
هايدي بتلطف الجو عارفه ان الحزن بيكثر الحين: ياعيني ياعيني....وش كل الحب ذا....
كانن يسولفن وشروق حبت من عندهن....خذتها ام سعود تلعب عليها....
ام سعود: وي........فديت اللي محنيه وصايره عروس....
شروق مو فاهمه ايش تقول بس تناغي معاها...وتضحك....
دخلت الخدامه: ماما بابا عماد برا..
ام سعود: قولي له يفوت محد نازل من فوق...
ودخل عماد: السلام عليكم....شخبارك عمتي...
العمه: بخير وعافيه وليدي...حياك جنبي..
جلس وهو يسحب شروق: اغاا......حيات بابا انتي.......اغاااااااا
قعدت تضحك شروق وتناغي ابوها فرحانه........قامت ام سعود تكمل شغلها......على نزله الجوهره خايفه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك