رواية ماساتي في سطور الماضي -8
الشامخ : أف أف أف وش سوت معها هالعربجيه
ملاك الحزن000 :هههههه هذا رأيها
الشامخ : مثل رأي صديقي بس هو اخف منها
ملاك الحزن 000: الحمد لله ولله أنا مصادقين عرابجه وانّا ماندري
الشامخ : شفتي عاد
ملاك الحزن 000: تصدق
الشامخ : ايه
ملاك الحزن 000:طيب لو اكذب
الشامخ وبداء يفسخ الحياء : ماأتوقع تكذبين اللي مثلك ما يعرف يكذب
ملاك الحزن 0000: وليه
الشامخ : مدري إحساسي يقول كذا وبعدين بنت مثلك وبشفافيتك وأخلاقك ما اتوقع أنها تكذب ولأني أصلا عارف وش بتقولين
ملاك الحزن 00: يالله وش كنت بقول
الشامخ : بتقولين انك اكتشفتي شيء مشترك بينا وتبين اقول لك وش هو
ملاك الحزن000:0000@@0000
الشامخ : وين رحتي
ملاك الحزن 00: معك ولا لقيت شيء ثاني مشترك بينا بعد
"أظن عارفين وش الأشياء المشتركة ماله داعي اكتبها "
الشامخ : يعني تعادلنا
ملاك الحزن 000: ايه
الشامخ :يؤيؤيؤيؤيؤ
ملاك الحزن00: وش فيك
الشامخ : الساعة اربع
ملاك الحزن 000: لا صدق يؤيؤيؤ
الشامخ :يالله أشوفك بكره
ملاك الحزن 000: ما أوعدك
الشامخ : ليه ولله ماقليت أدبي
ملاك الحزن 000: موعلشان كذا بس السبت دراسة
الشامخ : يووووه توك تدرسين
ملاك الحزن 000: ليه كم تحسب عمري انشاء الله
الشامخ : متوقع انك في الجامعة اومتخرجه
ملاك الحزن 000:حراااااااام عليك كبرتني أنا في 3 ثانوي
الشامخ : يوووووووووه اكلم بزر
ملاك الحزن 000: تكفى يالكبير في أي سنه انت
الشامخ : أنا متخرج من الجامعة لي سنه ومتوظف ياحلوة
ملاك الحزن 000:يالله اكلم شايب
الشامخ : شايب في عينك توني شباب
ملاك الحزن 000: وانا ياعسل بنوته شابه
الشامخ : طيب لا تأكليني متى أشوفك
ملاك الحزن 000: ولله ماقدر أقولك شيء خلها لظروف اذا تلاقينا
الشامخ : طيب وإذا بغيت شيء
ملاك الحزن00: وش تبي من بزر مثلي
الشامخ : لا يكون صدقتي كنت امزح
ملاك الحزن 00: لا بس كنت امزح معك
الشامخ :طيب ممكن طلب
ملاك الحزن000 :امر
الشامخ : أبي أيميلك
ملاك الحزن00: أسفه ما اقدر خلاص اذا بغيت شيء ارسل رساله خاصة وانا بحاول ادخل كل أربعاء أو خميس
الشامخ :خلاص بس مو تسحبين علي وتعطيني ركبه
ملاك الحزن000: افااااااااا عليك صرنا أخوان
الشامخ : اسمحيلي اقول كلمه وعلا طول بطلع
ملاك الحزن 00: يالله قل
الشامخ : الله لا يحرمني منك يا أغلى اخت
طبعا الشامخ طلع قبل ما تقول له شيء وهي ظلت مبحلقة بالشاشة وبعدين طلعت
سعود انسدح على السرير يستناه يأذن الفجر >>الولد محترم مومثل شباب هالايام لويبقى دقيقتين على الأذان ناموا الله يصلحهم
سعود " يالله وش فيني من يوم كلمت البنت وانا منهبل وبعدين وش قلت لها ، ما فيها شيء أنّا أخوان ياربيــــــــــــــه "
وسديم نفس الحالة " ياربي ليش كلمته لازم احد علاقتي به ، بس هو ما تعدى المعقول وبعدين أنا أخوان ،لالالالا ما فيه أخوان في النت ،وش أسوي أيــــــــــه بقول لريما السبت تشوف لي حل هي اللي وهقتني (ورطتني )"
اليوم الجمعه
يوسف : سعود ياولدي قم لا تفوتنا صلاه الجمعه
سعود : طيب رح وانا بلحقك
يوسف : قم قامة تلشط العدو"وحده من الدعوات المشهورة عندنا"
سعود : هاهاه قمت
يوسف : يوم ان فيك النوم ليه تسهر
سعود : خلاص مافيني النوم قمت شف عيوني
وراحوا يصلون الجمعه
في بيت فهد
حصه : سديم يالله قومي ماصار كل هذا نوم
سديم : طيب يمه
وصحت سديم من النوم
حصه : اذا صليتي ابغاك
سديم :انشاء الله يمه
وعلى الغداوبعد ما اجتمعوا العايله الكريمه
فيصل : يمه بروح اليوم لعمي
حصه : خير انشاء الله وش تبغى فيه
فيصل : بروح أشاوره في ايش أحط الفلوس اللي جمعتها
حصه : الله يوفقك ياولدي
سديم: ايه يمه وش كنتي تبغين فيني
حصه : لا خلاص فيصل مو فاضي اليوم
فيصل : ليه يمه وش تبغين اذا ما فضيت للغالية لمن أفضى
سديم : أيـــــــــــــــه هين وانا طلعنا من المولد بلا حمص
فيصل : وأنتي وش دخلك أم وولدها يتكلمون
سديم : طيب مصيرك ترجع لي
حصه : خلاص انت وياها كنت ابك تودي أخواتك للمكتبة يشترون أغراض للمدرسة
فيصل : خلاص مو مشكله أذبهم "أحطهم "في السوق وانا رايح لعمي وانا راجع أرجعهم
حصه : لا تترك البنات لحاهم
فيصل : ليه بياكلهم البعبع
ساره :أيـــــه بياكلنا
فيصل : وأنتي وين طلعتي منه
ساره : من بطن أمي
فيصل : ههههههه يا خف دمك
سديم : أنا عندي حل
حصه : وش هو
سديم : يودينا خالي احمد
فيصل : لالالا وش بيقول عننا
سديم : وش بيقول أنا بنت اخته
حصه : خلاص روحي انتي وياه واشتري لإخوانك معك
سديم : أنا بشتري لهم بس ساره لا
ساره : اوووووووف وش هالنذاله
سديم : مو نذالة بس انتي ذوقك صعب مو أي شيء يعجبك
فيصل : ايه أختي ذوق مو مثلك ترقع
ساره : شكرا يااخي العزيز
فيصل :في الخدمة دوما
حصه : خلاص لا تزعجونا روحي معها
ساره : وين اروح معها
حصه : يعني وين للمكتبة وتمرون السوق تشترون جزم وشنط
ساره : أنا عارفه بس هي بتروح مع خالها أنا من اروح معه
فيصل : لالالالا علمي أكيد أنا اشك الا وشلون جبتي 99 أنا اشك انك ماخذتها
سديم : لا هم معطينها النسبة لأنها أختي
فيصل : أنا اقول والا مو فلاحه
ساره : خير وش فيكم استلمتوني
حصه : كله منك تسألين اسئله مالها داعي يعني أكيد بتروحين مع خالها مو مأكلك لا تخافين
سديم تشوف ردت فعل ساره وتأكدت أنا تميل لخالها
ساره : خلاص سديم تروح وتجيب لي معها
سديم :لا ياحلوة أنا ما عندي استعداد أجيب شيء وفي الأخير ما يعجبك
فيصل : خلاص أنا اوديكم وأمري لله بكره اروح لعمي
سديم : شفتي ياساره بيلغي موعده بسبتك
ساره : ياربيه خلاص بروح مع خالها
سديم : خلاص برح اقول لخالي
سديم تتصل على خالها
احمد : هلا بقمر الـ00000
سديم : ايه مره قمر
احمد : وش فيك
سديم : أبي اطلب طلب بس خاف ترفض
احمد : أنا ارفض مهبول أمري لو تبين عيوني ما عطيتك إياها
سديم : افاااااااااااا
احمد : لا صدق عاد خلينا نتكلم بجديه لو تحتاجين عيوني ما عطيتك إياها بايع نفسي
سديم : طيب خل عيونك لك أنا ماابيها
احمد : أشوى طمنتيني وش تبين
سديم : أبيك توديني للسوق
احمد :خلاص متى تبين أمرك
سديم : العصر
احمد : خلاص ما عندي شيء أمرك
سديم : اسمع ترى ساره بتروح معي
احمدوه مومصدق : لا يعني امر الحلاق احلق واكشخ
سديم : ايه لا تفشلني
احمد: طيب خلاص أمركم المغرب
سديم : هيييه العصر ليش المغرب
احمد : مايمديني اكشخ
سديم : أصلا اكذب ساره مو رايحه معنا عيت "رفضت "
احمد : خير وليه عيت
سديم : بعدين أقولك
احمد وهو يتمتم : يافرحه ما تمت
سديم : خير وش قلت
احمد : وأنتي إلى الحين على الخط يالله باي
سديم: بااي
الجزء الثامن
العصر
ساره :سديم يرن جوالك
سديم : شوفي من هو
ساره وبعد شافت الاسم وقلبها هفهف من راعي الاسم "عرفتوه صح"
ساره: سديم خالك
سديم : شكله وصل ردي عليه قولي بنطلع
ساره : فشله تعلي انتي ردي
سديم : ياربيه شايفتني اغسل وجهي بلا سخافة ردي لا يزعل
وبعد لحظه كانت تفكر فيها ردت
أحمد : ترى عطيتك وجهه ليه مارديتي تقطع قلب الجوال وهو يرن وما عبرتيه
ساره : هلا أنا موسديم بس تقول إنها بتطلع بعد شوي
احمد وبعد فتره صمت:عفوا من معي
ساره : اناساره
احمد وودكم لو إنكم شايفين تعابير وجهه:آهلين أسف حسبتك سديم اذا ما عليك امر قولي لها اني انتظر براء
ساره : انشاء الله تبي شيء ثاني
احمد : سلامتك
ساره : الله يسلمك
والأخوان مازالوا على الخط طايحين سرحان
احمد : يالله اجل مع السلامه
ساره : الله يحفظك
مابغواواخيرااااااا استحوا على وجهم وقفلوا ( هؤهؤهؤهؤ >>ضحكه جديدة من إبداعي جميع الحقوق محفوظة
ساره : سديم يالله وجع الرجال عصب ترى ماني رايحه ان مالبستي عباتك الحين
سديم : يالله هذا أنا لبستها
وطبعا طلعوا
احمد كان في عالم ثاني سرحان مع الصوت العذب والشجي اللي كنّه صوت غنمه توها صاحية من النوم >>امحق تشبيه لا عزالله فلحنا
المهم فتح الباب الخلفي لسيارة الحين أبشركم احمد انتبه ولفّ على ورى
احمد : خير انشاء الله وش قالوا لك سواق عندك يوم انك راكبه وراي انزلي اركبي قدام
ويفتح الباب الأمامي
سديم : مرحبا
احمد : يمه اجل من اللي ورى
سديم : هذي ساره أختي
وسارة طايره بوهتها من الكلام اللي قاله احمد
احمد حس انه اليوم بيضيع مستقبله من عجلته الزائدة وعلى طاري العجلة اذا الواحد مايبي يتوهق ولا تصير له حركات ارعاء يعني حركات نص كم يحط ميزان على خشته "فمه"يعني قبل مايتكلم يوزن كلامه ليش ذهب ههههه لا فضه "الله من خف الدم اللي فيني "
المهم احمد كل تبـ000 وسكت وسارة عرفت ان سديم ماقالت له إنها جايه معهم وعلشان كذا بغى يأكلها يوم ركبت ورى يحسبها سديم
المهم ماعلينا من هذا علينا من الحوار اللي دار في السياره وكان أبطاله سديم واحمد "كل واحد يبي يبرز قدراته ويأخذ دور البطولة في مسلسل فجر السعيد الجديد "
سديم :وين بتودينا انت الحين
احمد: اللي تأمرون عليه
سديم : انتي ياساره وش رايك
ساره : بكيفكم
سديم : خلاص نروح المكتبة الأول ثم السوق
احمد : خلاص
وطبعا الرجال ما قصر وداهم لأفخم مكتبه في الرياض الخبراء
وفي المكتبة كل واحد راح لقرنه من قرن المكتبة "لجهة من الجهات "
ساره جمعت الدفاتر والأقلام اللي تبيها وكان احمد متحمس معها كان يبي يشوف وش الألوان اللي تحبها وذوقها في الاختيار
طبعا سارة في البداية ماكانت منتبهة له لكـــــــــــــــــــــن رحمها ربي وانتبهت في الأخير قبل ماتسوي حركات ارعاء
المهم خلصت من حوستها بس سديم توّها
ساره راحت جهت سديم تساعدها
سديم : ماشاءالله خلصتي من متى
ساره : من زمان بس اخلصي
سديم : لاانا مطوّله روحي تفرجي على الرويات اللي عندهم تقول رهف إنها مره حلوه
ساره : طيب اذا خلصتي ناديني
وراحت ساره لقسم الروايات فإذا بها تتفاجاء بأحمد يقف أمامها >> أنا داريه ومتاكده ان مافيه احد يمديه عليّ
البنت دقت ريوس تبي ترجع واحمد انتبه لها
"كن مافيه في المكتبة إلا احمد وسارة "
احمد : ساره وين راجعه
ساره : لاكنت أتفرج وماعجبني شيء في هالقسم
احمد : ما أمداك داخله الا طلعتي
ساره : ايه ذكرت بروح أشوف سديم خلصت والا لا
احمد : ساره
ساره : هلا
احمد : انتي ليش تتهربين
"مايمديكم الولد انهبل و بقّ البحصه اللي بتموه>>مثل سوري
ساره وبخوف : وش أتهرب منه
احمد : لا تسوين نفسك ما تعرفين
ساره : وش اعرف
احمد : ما توقعتك كذا
ساره : احمد وش فيك
احمد : مابغيتي تقولينها
ساره : وش اقول
احمد : لا بس حبيت اعرف انتي عارفه اسمي والا لا >>الله من ثقل الدم والا وش رايكم
ساره : ياسخفك طيحت قلبي
احمد : بسم الله عليه
ساره : وش قلت
احمد : بسم الله على قلبك >> الولد قوي
ساره : أنا سمعتها في الأول
احمد : ليش تبيني أعيدها
ساره بعد فترة صمت
ساره : بصراحة طحت من عيني طلعت مثل هالشباب الفاضين
احمد : افااااا ليه أنا وش قلت مو قصدي
ساره: قصدك والا مو قصدك مايهمني
ساره راحت لسديم
ساره : ما بعد خلصتي إلى الحين
سديم : الا خلصت يالله بدق على خالي
وفي السياره الصمت كان سيد الموقف لكن سديم كانت تتكلم أحيانا
احمد: وين الحين اوديكم
سديم : السوق والا وش رايك ياساره
احمد كان نظره على ساره وش بتقول "طبعا المرايه كانت عليها
ساره : لا أنا تعبت لو نروح للبيت أحسن
سديم : وش تعبتي
ساره : بكيفك
احمد وبعد ما حس انه غلطان "بدري ":خلاص سديم بكره اوديكم
سديم :لا وش بكره انت وراك سفر وما أبي أشغلك
احمد يلمح : لا ما تشغليني بس ماكنت اقصد اللي صار
سديم : ما فهمت
احمد : مولازم تفهمين
ساره حست أنها المقصودة بالكلام
ساره : خلاص نروح الحين بس لا تطولين مثل ما سويتي في المكتبة وتخليني أنصدم
سديم : ما راح نتأخر بس وش انصدمتي فيه
ساره : لا ولا شيء
سديم حست إنها في هاللحظه غبية : طيب بكيفك
احمد أيضا حس انه هو المقصود وسديم مثل الأطرش بالزفة
احمد : خلاص بوديكم للسوق اللي تبونه بس ماراح ادخل
سديم : ليه
احمد : علشان محد ينصدم فيني
سديم : وش فيكم اليوم صدم وصديم
احمد : اقول يالله بنوصل ولا تتأخرون وتنسوني في السياره
سديم : انشاء الله
ونزلوا للسوق
السوق كان فيه كفتريا نزل فيها احمد وقال للبنات
البنات تجولوا في السوق وشروا الأغراض اللي يبونها وهم رايحين للكفتريا بينادون احمد احد الشباب الله يصلحه مارس هوايته "الهواية المعهود على اغلب شبابنا الله يهديهم وهي تنطيل الأرقام (المغازل)"
والبنات ماتوا خوف واللي زاد خوفهم أنهم ما لقوا احمد في الكفتريا والولد مازال يلحقهم
سديم : سوير وش نسوي
ساره:مادري دقي على احمد
سديم تطلع جوالها
سديم : يالله
ساره : وش فيك
سديم : ما فيه شحن
ساره : اتصلي بجوالي
سديم خذت الجوال تتصل بس احمد مايرد
سديم: مايرد
ساره: جربي
سديم :جربت بس مايرد
الرجال اللي ماشي وراهم كان ينطل كلام وهم ماردوا عليه في هالاثناء
ساره : وش رايك ندخل محل من المحلات إلى ان يضف وجهه
سديم : خلاص
دخلوا محل عطور
سديم : شوفي ورانا والا لا
ساره : ايه جعله الجنّي اللي يمحط به بسم الله علينا
وسارة وهي لا فه أصدمت في رجال لفت عليه
ساره : أسفه اخوي مانتبهـ......وانعقد لسانها طلع احمد
احمد : وش فيك
سديم : ما فيها شيء بس...
احمد: وش فيكم
سديم : فيه واحد يلاحقنا
احمد : وينه
ساره لفت تدوره ما لقته
ساره : راح
سديم : ايه يوم شاف خالي خاف
احمد : طيب ليه ماتصلتوا علي
سديم : اتصلت بس مارديت
احمد وهو يلمس جيبه :يؤيؤيؤ شكلي نسيته في السياره
سديم : خلاص خل نرجع
احمد: خلصتوا
سديم : ايه
احمد : طيب وش كنتوا تدورون في هالمحل
سديم : ماندور شيء بس ننحاش من الرجال
احمد :الله وش هالفكره العبقرية
سديم : ايه فكرت ساره
احمد صرف الموضوع : طيب يالله نرجع للسيارة
في السياره
سديم : الا بسالك
احمد : هلا وش بغيتي
سديم : وش كنت تسوي في محل العطور
احمد : الحمد لله هذا بذمتك سؤال الواحد وش يسوي في محل العطور
سديم : استغربت انك داخله بس
احمد : عموما خربتي المفاجاء
سديم : وش مفاجاءته
احمد : قلت قبل ما أسافر لازم أجيبك هديه
سديم : الله يسلمك يا أحلى خال بالدنيا
وسكتوا طلع احمد شريط وشغله
انت العزيز انت
وانت المهم انت
انت أغلى ناسي كلهم
قلبي وإحساسي معاك
سديم : الله وش هالنعومه والرقة
احمد : أنا من زمان كذا بس ياليت توسل الرسالة
سديم : أي رساله
احمد وهو يصرف : الرسالة اللي في الاغنيه
ساره من الأول حست أنها هي المقصودة
سديم : أنحش ياولد وش رسالته قل لي وش فهمت من الاغنيه
احمد : يالغبيه مو لا زم اشرحها المهم اللي يسمعها يفهمها مو ذنبي انك غبية
سديم : طيب أنا زعلانه
احمد : خلاص يابنت الحلال يوم وصلنا البيت زعلتي مايمديني أراضيك
سديم : وإذا وصلنا عادي
احمد :لا موعادي انتي يالله ترضين
سديم : الحين الساعة كم
احمد : باقي 10دقايق وتصير ثمان
سديم : خلاص
احمد : وش خلاصه
سديم : حسبتها تسع
احمد : وش الفرق
سديم : كان تعشينا
احمد : ولا يهمك ان كان هذا يرضيك كم عندي من سديم
سديم : لا امزح يالله وصلنا مع السلامه أشوفك بكره
احمد : مع السلامه
سديم نزلت وخذت الأغراض اللي معها طبعا بقى أغراض بتنزلها ساره نزل احمد علشان يعطيها اياه ومد في يدها كيستين
احمد : الله لا يهينك الكيس الأحمر عطية سديم والوردي لك
ساره : وش هذا
احمد : ولا شيء انشاء الله تكونين سامحتيني وركب السياره وراح
المهم دخلت البيت وعطت سديم كيستها
سديم : ياحليلك ياخالي
مي : وش طلع جايب لك
سديم : عطرمع ورد جوري
مي : الله وش هالورمنسيه وش لون الورد
سديم : احمر
ساره كانت طول الوقت ساكتة
حصه : سارونه يمه وش فيك
ساره : ما فيني شيء بس تعبانه وأبي أنوم
حصه : تونا بدري
ساره : أنا صاحية بدري يالله عن أذنكم تصبحون على خير
الكل :وأنتي من اهله
سديم ماكان عاجبها الوضع حست ان فيه شيء صاير بين ساره واحمد بس هي كانت تسوي مو فاهمه
ساره دخلت الغرفة وفتحت كيستها كان فيها ورد جوري لونه ابيض يأخذ العقل مع ورده وحده حمراء
ساره :" وش قصده ، الا أنا زودتها بعد ماكان له داعي كل هذا ، ياربي وش أسوي اقول لسديم ،لالالا "في هاللحظه سديم دخلت على ساره
سديم : ساره وش فيك
ساره ارتبكت ورمت الورد على الأرض
سديم : ساره وش فيك
ساره : مافيني شيء
سديم : اسمعي أنا بريحك أنا كنت فاهمه كل شيء بالسيارة بس كنت استغبي أبي اعرف خالي وش مسوي
ساره : .......سديم أنا أنا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك