رواية ماساتي في سطور الماضي -7
ساره : أنا زعلانه عليك مو منك
سديم : ولله موقصدي
ساره : وش اللي موقصدك
سديم : موقصدي اطردكم واصرخ عليكم
ساره : سديم حبيبتي أنا مو زعلانه انك طردتيني بس زعلانه على حالتك وبعدين خالك بيرجع وفيه تلفونات اذا بغيته تتصلين عليه
سديم : يعني مو زعلانه
ساره : لا أنا زعلانه
سديم : توك قلتي انك موزعلانه
ساره : ايه بس أنا زعلانه على اللي سويته بأحمد
سديم : ليه أنا وش سويت
ساره : فيصل قالي عن اللي صار لأحمد وشلون طلع زعلان
سديم : مفروض أنا اللي ازعل مو هو
ساره : هو موزعلان منك زعلان عليك
سديم : يعني وش أسوي له اذا هو ما صدق بوعوده
ساره : شوفي أنا ما راح ارضى الا اذا دقيتي عليه قدامي وراضيته
سديم : طيب بس موالحين
ساره : الا الحين والااطلعي براء" تقوله وهي تضحك "
سديم : طيب خلاص
تتصل سديم على خالها
سديم : السلام عليكم
احمد وبفرح واضح : هلا ولله وعليكم السلام >>ما تجي مع بعض بس من الفرحة
سديم : هلا وش أخبارك
احمد : الحمد لله وش أخبارك انتي
سديم : بخير عقب ما شفتك من شوي
وبعد فترة صمت
سديم : أنا أسفه
احمد : لا أنا اللي أسف طول عمري أناني مايهمني الا سفراتي وشغلي
سديم : لا انت مالك دخل هذا شغلك أنا اللي غلطانة مفروض أتفهم
احمد : لا خلاص أنا قررت
سديم : ايش
احمد :أنا بلغي سفري وبستقر في السعودية
سديم : لا أنا ما ارضى
احمد : على ايش ما ترضين
سديم : انك تضيع مستقبلك عشاني
احمد : هيه وش فيك أي مستقبل الحمد لله بس
سديم : طيب انت رح الحين وبعد ماترجع بالسلامه نتفاهم
احمد : انشاء الله بس اشكري فيصل بالنيابة عني
سديم : على ايش
احمد : انه خلاك تسامحيني
سديم : لا هذا مو فيصل
احمد: ياحليلك اجل حسيتي بتعذيب الضمير
سديم : لا ولله لوها راده علي ما اتصلت
احمد : افاااا ولله اجل وراك اتصلتي
سديم : ساره زعلت علي وقالت موراضيه الا اذا راضيتك ...اااااي
احمد : المهم اشكريها بالنيابه عني وبعدين وش فيك فجرتي طبلتي
سديم : ساره طقتني ..ااااااي
احمد : أحسن تستاهلين
سديم : طيب الشرهة علي اللي أبي أرضيكم
احمد : ايه أحسن
سديم : طيب أنا زعلانه عليكم انتم الاثنين
احمد : أنا ازعلي علي بس ساره لا
سديم : هيه وش فيكم
احمد :ليه
سديم : انت تقول ازعلي علي بس هي لا وسارة تقول ازعلي علي بس هو لا
احمد : ايه القلوب عند بعضها
سديم : استح على وجهك لو تسمعك بتكفخك
احمد : ههههههه طيب يالله باي
سديم : باي
سكرت سديم وقعدت تضحك
ساره : وش فيك
سديم : مافيني شيء يالله بروح لغرفتي
الجزء السابع
يرن الجرس
فيصل يفتح الباب
ريما وطبعا فاقه الخشه " يعني طاقتها البوهه" : السلام عليكم
فيصل : هلا وعليكم السلام
ريما : سديم موجودة
فيصل : ريما هلا وش أخبارك ماعرفتك الا يوم سالتي عن سديم ..تفضلي هي داخل
ريما تشققت يوم درت إنها ما نساها وشوي وتطيح ضروسها >>الحمد لله إنها متغطية كان انفضحت
كان هذا اول لقاء بالنسبة لفيصل من يوم رجع من السفر وطبعا مو اول لقاء لريما قد قزته"شافته " كم مره
دخلت سلمت على العايله الكريمه ودخلت غرفه سديم
ريما : هلا سدوم وش أخبارك
سديم : آهلين ريوم
ريما : عسى ماشر وش فيك
سديم : مافيني شيء
ريما : العبي على غيري ياحلوة أنا عاجنتك وخابزتك
سديم : السبت اول يوم دراسة
ريما : وإذا
سديم : عمي توه ميت
ريما : ولله أحسن لكم تلهون في الدراسة وتنسون
سديم : وش ننسى الله يخليك
ريما : اسمعيني أنا ماجيت علشان كذا أنا ادري انه مو وقته بس لازم أقولك
سديم : خير وش فيه
ريما : أظنك واعدتني بشيء ولا نفذتيه
سديم : أنا وش هو
ريما : مسويه ناسيه أذكرك انت مو قلتي انك بتنشرين خواطرك
سديم : الله إلى الحين تذكرين
ريما : لا أنا نسيت بس ذكرني تركي قال أنها الحين ماعندها إلى الكتابه لتعبر عن الأحزان الجديدة
سديم : ايه ولله صادق بس أنا ماقدر
ريما : ليه ما تقدرين انشريها باسم مستعار ومحد عارف من انتي
سديم : بس خاف عمي يرفض
ريما : هو وش دخله مو عارف انك انتي اللي تنشرين
سديم : مدري بس خايفه
ريما : يالبقره وش تخافين منه هماك تنشرين في النت ،المجلة نفس الشيء
سديم : مدري سوي اللي تبينه
ريما : وانا وش دخلني أنا اللي بكتب
سديم : طيب خلاص
ريما : أوف مابغيتي
سديم : الله يقطع بليسك ضحكتيني
ريما : اقول خلينا من بليسي الحين وخلينا في أخر كتاباتك علشان اعطيك رأيي قبل لا ترى النور
سديم : افتحي النت وشوفيها
ريما : وين
سديم : في المنتدى 0000
ريما : الله وش هالخيانه ترى النور قبل لأشوفها
سديم : اقول اخلصي اقريها قبل لا أهون " أغير رأيي
ريما : افاااا ماهي الهقوه "اللي كنت متوقعته
وفتحت ريما المنتدى ولقت لسديم رساله خاصة
ريما : هيه سديموه
سديم : وجع انشاء الله اسمي سديم وش فيك
ريما: دخلت بالنك حقك وطلع لك رساله خاصة
سديم : اقريها طيب
ريما : اسمعي " ملاك الحزن أنا أسف ان كنت ما احترمت رايك وكلمتك بس الصراحة الكلام اللي منزلته في المنتدى روعه وأحس انك عايشه معي نفس اللي يصير لي يصير لك وأتمنى انك تقرين موضوعي وتعطيني حل قبل لا يفوت الفوت وأتمنى انك ما تفهميني غلط ونكون أخوان00أخوان وبس ان كان ودك "
سديم : وجع من هذا
ريما : لا من هذا 00هذا شموخي
سديم : ترى مو رايقه لك صدق تتكلمين
ريما : ايه ولله صدق
سديم : وش يبي
ريما :يبيك تعطينه وجه وتحلين مشكلته
سديم : ارحميني ياشيخه ما حليت مشاكلي فاحل مشاكله
ريما : طيب وش بتسوين
سديم : ماراح أرد عليه
ريما : حرام مسيكين شكله طايح بورطة
سديم : يعني وش تبين أسوي له
ريما : لاتسوين شيء بس شوفي موضوعه وردي عليه بس
سديم : وبس ما شاء الله عليك
ريما : لا من جد خل نشوف موضوعه ويصير خير
سديم : شوفيه اخلصي
ريما : طيب بدوره
وبعد ما لقته
ريما: ياعمري
سديم : وش فيك
ريما : مسيكين وانت ظالمته
سديم : وجع من هو عساه الشامخ
ريما : ايه
سديم : وليه وش صار فيه
ريما : اسمعي وش كاتب
#الغدر من مثلك مستغرب
فكيف لا أشكو ولا اغضب #
هاه وش رايك
سديم : ايه وبعدين
ريما : يقول " طلبت مني السماح لا تسالوا من هي تلك التي جرحتني وشمتت بس الناس طلبت مني السماح بعد مرور ثلاثة أعوام
تقول أنها أحبتني ولا تستطيع العيش بدوني ،لا استطيع الكتابه أكثر ولكن أود من يمده يده ويخرجني من ما أنا فيه
هل أسامحها ونرجع كسابق عهدنا أم أغلق الباب في وجهها ، أود منكم المشورة "
وبعد فترة صمت
ريما : هاه وش رايك
سديم : في ايش
ريما : في اللي سمعتيه
سديم : مدري انتي وش رايك
ريما : رأيي انه غبي وإنها حقيرة ولله لو تسوي مع هالحركات لأثور فيها
سديم : وجع وش هالحقد
ريما : مو حقد بس هذا رأيي انتي وش بتردين
سديم:مدري
ريما : وش ما تدرين اخلصي الرجال يبي حل قولي له يتركها
سديم : خير وانا امه
ريما : بس بيسمع كلامك
سديم : وش دراك يا فالحة
ريما : باين لانه سألك وقال انتي مثل أختي
سديم : بعدين أرد عليه
ريما : الحين الرجال يقول قبل ما يفوت الفوت
سديم : الله يزعجك يا شيخه ابعدي عني خليني اعرف أرد
ريما : طيب ببعد بس وش بتقولين له
سديم : مو شغلك هو سألني أنا
ريما : طيب يالله ردي عليه
سديم : اؤؤؤف يالمزعجه برد خلاص
سديم بعد إلحاح ريما أرسلت ردها في رساله خاصة
" الأخ الشامخ ما اعرف وش اقول لك في مشكلتك بس حاول انك تحلها بدون تدخل احد وان اقول لك الخيار تسامحها وترجع لها او تسامحها بدون رجوع لعلاقتكم السابقة وانا استبعد الخيار انك ما تسامحها لأنك بعدين ممكن تحس بتعذيب الضمير وتحس انك ما عطيتها فرصه للتعبير عن سبب معاملتها لك 000 ارجوا اني أكون ساعدتك وأي شيء تبي فيه مساعده أنا جاهزة باللي اقدر عليه 00اختك ملاك الحزن ومملكه الحنيه"
سديم : ارتحتي الحين
ريما : وانا وش دخلني
سديم : انتي المزعجتني من الصبح ردي عليه
ريما وبمكر : أنا اللي مزعجتك ايه افلقيني أصلا انتي تبين تردين بس مسويه ثقل
سديم : الحمد لله بس
ريما : ايه ولله الحمد لله أنا اذكر مره قد قلتيلي اسمعي " كيف نخفي حبنا "
سديم : متى ما اذكر
ريما : مو مهم المهم أنا اذكر
سديم : ايه وبعدين
ريما : لابس أحس انك لازم تسمعينها
سديم : وش معنى
ريما وهي تضحك : لا بس كذا
سديم : اقول اقلبي وجهك
ريما : طيب أنا بروح الحين بس تجيني بكره
سديم : لا يكون زعلتي
ريما : لا شايفتني بزر بس بروح أتقضى للمدرسة دفاتر وأقلام
سديم : من بتروحين معه
ريما : ليه بتروحين معي
سديم : يمكن
ريما : مدري يمكن أهلي مع السواق
سديم : لا خلاص اجل بروح مع فيصل
ريما : لا تستحين اذا بغيتي تروحين معنا ترى فيه مكان
سديم : لا ما راح استحي بس كنت اسأل
ريما : طيب يالله باي
سديم : أوصلك والا تدلين الطريق
ريما : اللي يسمعك اول مره أجي لكم يالله ضفي وجهك بروح
سديم : ولله ما تستحين هذا وانا بخدمك
ريما : امزح يالله باي
طلعت ريما مغشي عليها من الضحك من سالفة سديم والشامخ وهي طالعه خذها الطرب
مين اللي بحبه أنا
رديّ عليّ وقولي >> يا قدمها مو وين طلعتها من عهد الفراعنة
يسألوني ليه احبك
حب ما حبه بشر
وليه انتي في حياتي
شمسها وأنتي القمر >>هذي ارحم شوي ههــــــــــــــه
المهم عقب الطرب الاصيل ما وقف لكن مو من الباب و الطاقٍه سكتت "يعني سكتت غصب عنها من اللي شافته "
رأت فارس احلامها يمتطي الحصان الأبيض "البنت كانت مضيعه شوي " توه داخل البيت ومعه رائد وكيس شوكولاته الواضح أنهم كانوا في البقاله"أي السوبر ماركت بس صغير"
"جعلهم الشقاق ماذكروني ولو بكسره جالكسي "
طبعا أخونا في الله سمع الصوت الشجي والهبال اللي صدر من مطربتنا الغالية ريومه ، طبعا الا أكيد صار فيه فقّه خشه من الطرفين " يعني طقه البوهه ويعني الصدمة ويعني 00الخ "
وبعد فتره تأمل قطعها رائد بطفولته وهو يمد المارس لفيصل علشان يفتحه
طبعا رائد صغير على الاكل بس يلحس ويمص " جعل بطنه يمزع >>من حر ما اؤنس "
لكن يا ترى ليه شاري الشكولاته طبعا من المارس عرفتوا
كان بيعطيها سديم وأهله علشان يتقهون عليها وعارف ان ريما تموت على شيء اسمه مارس
المهم خلونا من هذا كله ونشوف ردت فعل كل من الاثنين
ريما عقب ما تغطت : اووووه أسفه
فيصل وتذكر كل يوم مر به مع الطفلة ريما ويقول في نفسه " ياحليلها مازال هبالها فيها وحياها اللي مدري وش موقعه من الإعراب"
فيصل : على ايش أسفه أنا الغلطان مفروض أتكلم اذا دخلت
ريما : لا انت في بيتكم ماله داعي
فيصل : خلاص بيكيفك انت الغلطانة
ريما : ليه وانا وش سويت
فيصل : يعني ما تعرفين
ريما : لا ولله وش سويت
فيصل : طلعتي بدون ما تتقهوين
ريما : ومن قال اني ما تقهويت
فيصل : لأنك ما تقهوين الا بمارس
ريما ومع زلة لسان : لا ياحبيبي خبرك قديم
استوعبت ريما الكلمة اللي قالتها ودعست لبيتهم وفيصل فقّ خشته للمرة الثانيه على التوالي
ريما قبل ما تدعس : أسفه مع السلامه
وفيصل ولاهو هنا دخل البيت ومعه الكيس طبعا اول شيء سواه راح لسديم
فيصل : سديم ممكن ادخل
سديم : ايه تفضل
فيصل : ما قلتيلي رح جبّ شوكولاته
سديم : ايه ليه
فيصل : ليش
سديم : وليه ليش
فيصل : موعلشان تتقهون عليها
سديم : ايه
فيصل : جبتها
سديم : وش فيك
فيصل : راحت ريما
سديم : مضيع وإذا راحت
فيصل : اجل ليه جايبها
سديم : أيـــــــــــــــــه قل كذا مارحت تجيبها الا لريما تلقاك جبت مارس
فيصل: لا ولله بس استغربت إنها راحت وأنتي قلتي جب كل الأنواع
سديم وبمكر : أحب اقول لك أنها غيرت النوع وخلته باونتي تقول يذكرها بشخص تحبه
فيصل : يا حليله من هو
سديم تعبت من غباء فيصل : اقول اطلع براء خلني أشوف شغلي
فيصل : طيب يالسخيفة
طبعا ريمـــــــــــــــــــــا ماصدقت اللي صار لها اليوم وحبت تنسى كل اللي صار دقت على تركي وقالت كل اللي صار بين سديم وسعود
تركي : طيب هي وش قالت في موضوع النشر
ريما : وافقت طبعا
تركي : خلاص اجل قولي لها نبداء من الاسبوع الجاي
ريما : خلاص بقول لها في المدرسه السبت انشاء الله
تركي :خلاص أنا بدق على سعود بشوف وش سوى مع هالنشبه عبيّر
ريما:خلاص
اتصل تركي على سعود
تركي : هلا سعود
سعود : آهلين وينك
تركي : انت اللي وينك فيه
سعود : ولله على هالنت
تركي : ولله مالقاها إلى النت اللي مقابله 24 ساعه
سعود : الحمد لله رتب كلامك
تركي : طيب لنا الله لوني وحده من اللي تعرفهم من النت ما قلت هالكلام
سعود : الحمد لله ومن قال لك اني اعرف بنات في النت
تركي : ايه مره مره ماتعرف أحترني عند باب المسجد بس
سعود : الحمد لله خل عندك ثقة بنفسك واظهر شخصيتك
تركي : شخصيتي تكمن في نفسي وليس بالأشياء التي املكها
" وقفه ،،أخر سطرين من الحوار مالهم موقع من الإعراب الكاتبة اللي هي أنا الله يخليني ويحفظني من العين ويرزقني ويوفقني 00000الخ مضيعه شوي وبداءت تخربط ،، الكلام أعجبني وله سالفة خاصة فيني توها صايره مع الحدث اللي اكتبه وقررت اني أنا بنت ابوي الله يحفظني 000الخ اني اكتبه اللي عند ه مانع أو اعتراض يطق رأسه بالحيطة هيء هيء هيء هيء هيء"
المهم سكروا
الحين الساعة 2 إلا ربع الليل سديم وفيصل وحصة ما جاهم النوم ولكل واحد سببه
حصه كانت تفكر في حياتها بعد وفاة فهد وش بتسوي مع عيالها
وفيصل يفكر في حياته وكيف يواجه اهله بمشكلته وكيف بيواجهه ريما بعد ماعرف من تلميح سديم أنها تميل له وبالأصح تحبه "الأجزاء القادمة بإذن الله تعرفون وش مشكلته "
وسديم سرحانة في حياتها وش بيكون مصيرها المهم البنت ملت وفتحت النت
وكان سعود فاتح النت كمان وقرى الرسالة الخاصة اللي أرسلتها ملاك الحزن ومملكه الحنيه المهم في هالاثناء وهو يفكر انه يرسل لها رساله خاصة شافها من ضمن الموجودين طبعا رحب فيها وطلب منها أنها تروح معه إلى شات المنتدى
وبعد ماسطحوا *أظن عارفين معناها *
الشامخ : مراااااااحب
ملاك الحزن 000: آهلين
الشامخ : كيفك
ملاك الحزن00: بخير كيفك انت
الشامخ : الحمد لله ماشي في هالدنيا
وبعد فتره صمت
الشامخ : ملاك وين رحتي
ملاك الحزن :لامعك وش بغيت
الشامخ : حبيت اخذ رايك في شيء
ملاك الحزن 000: امر وش بغيت
الشامخ : مايأمر عليك عدو أنتي عارفه باللي صار لي مع عبير
ملاك الحزن 000: ايه وبعدين
الشامخ : صارت تطورات وأبيك تشاركيني الرأي
ملاك الحزن 00: ممكن سؤال
الشامخ : تفضلي
ملاك الحزن 000: ليه أنا بالذات
الشامخ : ما فهمت وش يعني انتي بالذات
ملاك الحزن 000: ليه أنا بالذات اللي تبي رأيي
الشامخ : بصراحة مدري
ملاك الحزن 000: وش ماتدري أنا ماقدر أساعدك الا اذا عرفت
الشامخ : مدري أحس اني أعرفك من زمان
ملاك الحزن 000:................@@............
الشامخ : وين رحتي
ملاك الحزن 000: لا معك بس وشلون تعرفني من زمان
الشامخ : لحد الحين ماعرفت جواب لهذاالسؤال
ملاك الحزن 000: انت غريب
الشامخ : وأنتي اغرب مني ولا فوق كذا غامضة
ملاك الحزن00:ليه وش شايف مني
الشامخ :ماشفت شيء بس إحساسي يقول كذا
ملاك الحزن 000: خل إحساسك عند امك الله يخليك
الشامخ :..............@@................
ملاك الحزن 00: وين غطيت "اختفيت"
الشامخ : لامعك بس ذكرتيني بالوالدة
ملاك الحزن 00: ليه متزوجة غير أبوك
الشامخ : لامتوفيه
ملاك الحزن 000:اؤاؤاؤ أسفه الله يرحمها
الشامخ : لاعادي
ملاك الحزن000: اقول لك شيء حتى أنا مثلك
الشامخ : امك متوفيه
ملاك الحزن 000: ايه من يوم كان عمري 7سنين
الشامخ :اووووووووه ياعمري يتيمة
ملاك الحزن00: لو سمحت احترم نفسك
الشامخ : أسف ولله مو قصدي طلعت كذا
ملاك الحزن 000: لا عاد تتعودها
الشامخ: انشاء الله ياعمتي
ملاك الحزن 000: هههههههه حلوه عمتي بس لاتكررها
بعد فتره صمت كل واحد لاحظ انه بداء يندمج مع الثاني وهالشيء خوف كل الاثنين
الشامخ : تصدقين أحس اني أنا وأنتي نتشابه كثير
ملاك الحزن 000: ليه شايفني ههههه
الشامخ : الحمد لله وشفيك منهبله اليوم خليني أكمل
ملاك ترى بطلع ان هاوشتني ثانيه ،يالله كمل لاتاكلنيالحزن000:طيب
الشامخ : كل واحد منّا ظروف بس اغلب ظروفنا متشابهه
ملاك الحزن 000: يعني علشان أمي وأمك ميتين طلعنا نشبه بعض
الشامخ:لامو كذا وبس أنا وأنتي ما عندنا أخوان ولا كلنا متعرضين لخيانة من اللي نحبهم
ملاك الحزن 000: ومن قال لك ان رجال خاني أصلا
الشامخ : انتي قلتي انك انصدمتي فينا يعني أكيد خانك
ملاك الحزن 000: اللي سواه اكبر من الخيانة وبعدين ماكنت أحب ولا عمري انشاء الله بحب
الشامخ : طيب ليه تكرهينا وما تبين تحبينا
ملاك الحزن 000: خلنا من موضوعي الحين وش تبي تاخذ رأيي فيه
الشامخ : صراحة تعرفين ترقعّين المهم اسمعي 0000000وق\س
ملاك الحزن000: صراحة مدري خاف اقول لك لاترد عليها أكون ظلمتها وخاف اقول لك رد تنصدم فيها أكثر ما انت مصدوم
الشامخ : انتي زدتي حيرتي
ملاك الحزن 000 : أنا أسفه بس ما اقدر اقول لك شيء بس صديقتي قرت مشكلتك وعطتني حل
الشامخ : الله شايفكم طايحين حش فيني
ملاك الحزن 000: حرام عليك أصلا ما كنت برد عليك بس هي ّجبرتني
بس وش قالتالشامخ : لا طيب
ملاك الحزن 000:تقول" رأيي انه غبي وإنها حقيرة ولله لو تسوي مع هالحركات لأثور فيها "
الشامخ : أف أف أف وش سوت معها هالعربجيه
ملاك الحزن000 :هههههه هذا رأيها
الشامخ : مثل رأي صديقي بس هو اخف منها
ملاك الحزن 000: الحمد لله ولله أنا مصادقين عرابجه وانّا ماندري
الشامخ : شفتي عاد
ملاك الحزن 000: تصدق
الشامخ : ايه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك