رواية ماساتي في سطور الماضي -6
حصه : أظن اني أكلمكم ماكلم جدار
ساره : يمه وش تبينا نسوي خلاص ماراح أكمل الفصل الثاني هالسنه اللي كنت ادرس علشان أفرحه راح
ودقتها صيحة وراحت أمها وحضنتها " خمتها "أو"عانقتها "أو "ضمتها " اختاروا اللي تبون ماني رايقه لطول النقاش هع
مايمديكـــــــــــــــــم على الشخصيه
حصه : لا ياساره لا تقولين هالكلام لو أبوك عايش ما رضى باللي تسوينه
ساره وهي تشاهق : بس لمن ادرس الحين هو اللي كان يشجعني
حصه : ايه ياساره علشان كذا كملي علشان يفخر بك وهو في قبره ويكون مرتاح لازم تحققين حلمه ياساره
ساره : خلاص بحاول
حصه : لا اوعديني أبي أحس اني نفذت وصيت أبوك الله يرحمه
ساره : انشاء الله
حصه : مابي أعيد كلامي لك ياسديم ومي ومازن
الكــــــــــــــــــــــــــــــــــــــــــل : انشاءلله
00000000000000
ياربيه وش فيني ليش أنا ضايع يالله أبي احد يحس فيني معقولة ماقدر أنساك ياعبير آآآآآه لالا مو معقول أصلا أنا ماعدت أطيق اسمع اسمها بس وش فيني ليه أنا كذا
وفي لحظه سكون ماطولت
رن جواله
تركي : هلا وينك ياخي شغلت بالنا عليك
سعود : آآآآآآآآآآآآه ياتركي
تركي : عسى ماشر وش فيك
سعود : مدري ياخي احس بضيقه فظيعه
تركي : ليه وش صاير
سعود : أمس يوم دخلت النت من لقيت
تركي : من
سعود : عبير
تركي : وش تبي عسى ما عطيتها وجهه
سعود : اصبر ياخي ليه ملحوق طلبت مني اني أسامحها وإنها كانت غلطانة معي وندمانه على اللي سوته فيني
تركي : وانشاء الله صدقتها
سعود : لا ماصدقتها بس
تركي : يرحم امك لا تقول انك بتسامحها
سعود : أنا ماقلت كذا بس البنت اعترفت أنها غلطانة وأنها اكتشفت أنها تحبني
تركي : الله وش هالاكتشاف العظيم اللي اخذ معها 3 سنين وتجريح كل ما شافتك في منتدي والا الماسنجر 00سعود لا تكون غبي وترجع المياه لمجاريها تلقها ما لقت احد تلعب عليه رجعت لك
سعود:تركي لا تقول هالكلام عنها يمكن انها صادقه
تركي : ياخي لا تذبحني المؤمن لا يلدغ من حجر مرتين وانا نصحتك وسو اللي تبي انا بتركك الحين وش وش بتسوي وفكر بعقلك ولا تفكر بقلبك وانا متاكد انك ماحبيتها من قلبك والا كان ماترددت واقولك هي ماتستاهل الحب باي
سعود : باي
سعود "يالله ياتركي زدت حيرتي من اكلم الحين من اشكيله انت الوحيد اللي يسمعني "
وفتح النت ودخل المنتدي اللي يكتب فيه طبعا ما لقى احد كثير لان الوقت كان العصر راح كتب موضوع ونزله طبعا كان موضوع عبير
وقبل ما يطلع لفت انتباهه خاطره نازله فتحها بقراها وطبعا اللي كاتبها ملاك الحزن ومملكه الحنيه
" قد يصيبنا جرح لا يمكن مداواته من غالي على قلوبنا 00 وقد يكون الجرح مميت 00لكـــــــــــن 00 هل بامكاننا ان نسامح وإعادت المياه إلى
انا لا اعلم اذا كان بمقدور أحدكم مسامحت من أخطاء بحق وجرّعه الحزن والمآسي
لكن اليوم عرفت أنني كنت كذب على نفسي عندما قلت له مسبقا اني قد سامحته 00 فلا ادري لماذا ينتابني شعور غريب تجاهه أحيانا أود ان انتقم لنفسي وأحيانا أخرى استحقر نفسي لما كنت افكر به فذلك والدي الذي رباني ورعاني لكنه لم يحـــــــــــــــــــــافظ علي كما وعد
لكــــــــــــــــن اليوم 00اليوم فقط بدأت أسامحه بداء قلبي يحن له بعدما مر بي شريط من الذكريات كان يعاني من المرض الذي قضى عليه وهو مازال يوصي بي من حوله ذهب عمي ووالدي اليوم رحمة الله عليه واوسع له في قبره واسكنه فسيح جناته "
سعود "يالله هالبنت مو طبيعيه بس في سؤال يقرقص بقلبي عمها مدري أبوها وش مسوي لها بس ياقوي وجهي اسألها وهي قالت لا تكلمني ايه ما علي منها برد على موضوعها وبقول لها تشوف تطورات قصتي وتعطيني حل"
وطبعا سوى اللي في رأسه رد على موضوعها وأرسل لها رساله خاصة
" ملاك الحزن أنا أسف ان كنت ما احترمت رايك وكلمتك بس الصراحة الكلام اللي منزلته في المنتدى روعه واحس انك عايشه معي نفس اللي يصير لي يصير لك وأتمنى انك تقرين موضوعي وتعطيني حل قبل لا يفوت الفوت واتمنى انك ما تفهميني غلط ونكون أخوان أخوان وبس ان كان ودك "
طبعا رسل الرسالة وجلس يحتريها تدخل بس ما لقى لها اثر في الموجودين قرر انه يطلع من المنتدى ويفتح الماسنجر
وطبعا في هذه الاثناء عبير كانت موجوده ومسكت فيه
عبير : هلا حياتي وينك اليوم
سعود: اهلين بغيتي شيء
عبير: وشفيك حبيّ عسى ماشر
سعود : أظن اللي بينا انتهاء
عبير : ليه ياسعود تقول كذا حرام عليك
سعود : يعني مو حرام عليك انتي يوم تركتيني وطلبتي ننهي العلاقه وغير كذا التجريح الدائم في كل مكان اصير فيه في النت
عبير : بس حبيبي انا شرحت لك ضروفي
سعود : أي ضروف هذي اللي تخليك تهينني وتجرحيني
عبير : انت عارف ان اهلي لو يدرون اني على علاقه مع واحد بيطيرون رقبتي " داريه ان اللي تسويه غلط وشوله تسوينه يامال العافيه "
سعود : وش اللي تغير الحين وانا قبل قلت لك اني مستعد اجيك واخطبك بس انتي رفضتي
عبير : انت عارف ان ولد عمي كان يبغاني بس الحمد لله تطلقت منه الحين كل هذا لاني ماقدرت اعيش من دونك
سعود : الله كل هذا عشاني ياحلوة العبي غيرها
عبير : حرام عليك تظلمني وتظلم نفسك
سعود : وانا وش سويت علشان اظلمك ومن قال اني اظلم نفسي
عبير : لا تلعب علي وعلى نفسك انت تحبني وانا احبك
سعود : للأسف انتي غلطانه
عبير : غلطانه في ايش
سعود : انا يمكن اكون خبل في يوم وهذا اليوم هو اللي قلت اني احبك فيه ولو كنت احبك حبك مات ماسمعتي راشد الفارس يقول
قولوا سافر في سكات حسسوها الوقت فات
والا قولوا حبها مات زي ما قالتها لي
توها بس يعني سألت توها حضّرتها صحت
العفو ما قصرت صرت انا اللي ما أبيها
" انا ماقلت هالبيتين الا لان هذا اللي يصير غالبا اذا تطاق احد او تراضوا يصير اهداء بالأغاني والا اذا رجعنا الى سماع الأغاني فهي حرام " لا تخافون انا معلّمه نفسي ولله الحمد ماعد سمعت من فتره "
نكمل الحوار
سعود : شفتي انا اهديلك الاغنيه ولو سمحتي انسي انك قد عرفتي واحد اسمه سعود
عبير : ليه تسوي فيني كذا انت موطبيعي اكيد تعرف وحدة ثانيه وخايف على شعورها
سعود : انا مو من هالنوع وكل واحد يرى الناس بعين طبعه وان كتي بترتاحين ايه اعرف وحدة اشرف منك واطهر منك واحبها وبتزوجها في العطله الصيفيه انشاء الله وانت اول المدعوّين
عبير: طيب من تكون تعيسه الحظ
سعود : اظن ما يهمك بس اقولك علشان تفرحين حياتي وعمري كله ونور عيني "طبعا كل هالكلام علشان يقهرها والا هو مو صدق "
سديم بنت عمي
عبير : ايه قل كذا انت تحسب نفسك مين " بانت على حقيقتها " تحسب البنات ميتين عليك اصلا الشرهه علي اللي قاعدة اكلم طفل ما يملك قرارابوه غاصبه على بنت عمه والا نسيت كلامك لي انك ما تطيقها ولا تواطنها في عيشه الله وان ابوك اللي غاصبك هههههــــــــــــــــــــــــه
سعود وارتفع ضغطه : ايه طفل وافخر يالله تقلّعي
وسحب عليها وسوى لها حظر "من زمان ياخي توك تذكر تحظرها بس المهم انك فكيتنا منها "
سكر النت وتخيلوا وش يسوي قعد يصيح " يبكي " ليه لانه وللأسف كشف حقيقتها كان متأمل أنها ترجع علشانه كان كل اللي سواه علشان يعرف هي صادقه والا لا
دق تركي عليه يبي يعرف وش سوى مع عبير
تركي : هلا بو يوسف
سعود : هلا فيك
تركي : عسى ما شر وش في صوتك
سعود :آآآآآآآآآآآآآآآآه ياتركي انا شفت حقاره ونذاله وغدر وكذب بس كذب البنات ماشفت
تركي : وش فيك وش صار وليه كل هذا في البنات
سعود : عبير عبير ياتركي
تركي : وش سوت بعد هالبنت انا قايل لك ماوراها الا المصايب
سعود : دخلت اليوم النت بعد ماسكرت منك 000000000000ق\س
بس ماقال اللي سواه لملاك الحزن
تركي : طيب ممكن اعرف ليه قلت هالكلام لها >>قصده انه بيتزوج
سعود: علشان اعرف رده فعلها وهل هي تبيني والا لا
تركي : وش عرفت الحين
سعود : كلامك كله صح
تركي : انت قلت لي انك قلت لها انك بتتزوج سديم صدق والا لا وبعدين ليش قلت سديم بالذات
سعود : بس هي اللي طرت على بالي وبعدين انا شلت فكرة الزواج من بالي ولو بغيت اتزوج !! سديم ماراح تكون هي اللي ابيها
تركي : حرام عليك وش سوت البنت كل هذا لان الحقيره قالت انك طفل اذا اخذتها وبعدين دامك ما تبيها ليه تعشم أبوك وعمانك الله يرحمهم انك بتاخذها
سعود : انا قلت كلمتي ماراح اتزوجها ولو تزوجتها بيكون على الورق
تركي : للأسف منت سعود اللي اعرفه وأتمنى انك تغير اسمك من الشامخ إلى المهزوم وإذا رجعت لسعود اللي اعرفه دق علي باي
سعود : حرام عليك حتى انت تبي تتخلى عني ياخي ارحمنى اللي فيني يكفيني
تركي : انا أسف بس مو انت سعود اللي اعرفه من 15 سنه موانت انا بكون بجنبك اذا احتجتني الى ان ترجع مثل اول ياجبل ما يهزك ريح واتمنى انك قلت كل اللي قلته وانت ماتقصد وعموما اذا احتجتني لا يردك الا لسانك
سعود : ما تقصر يالله مع السلامه
سعود حس انه وحيد ماعنده لا صديق ولا اخو
( وصراحة تصرف تركي ماله أي داعي من وجهه نظري مفروض يوقف معه حتى يتخلص من ازمته والا مايكون صديق صح كلامي والا لا
الصديق الحقيقي هو من يكون"شوفوا صفاته " مثل روميو طبعا عرفتوه ذاك اللي شعره بني وصديقه الفريدو وتزوج روميو اخت الفريدو بيانكا عقب ما مات وجابوا ولد سموه على اسمه ما عرفتوه يـــــــــــــالله
أفلام الكرتون اللي تجي على سبيس تون اسمها عهد الأصدقاء صراحة يضرب المثل في صداقتهم اللي يعرفها بيعرف ان كلامي صدق )
المهم اتصل تركي على ريما وقال لها اخر التطورات
تركي : هاه وش رايك في اللي قلته
ريما : يالله عبير وين طلعت معه ما صدقنا انهم بدوا يميلون لبعض
تركي : ايه مالنا الى الخطه القديمة
ريما : خلاص بس انت غلطان
تركي : في ايش غلطان
ريما : ماله داعي تقول هالكلام له الحين بيحس ان محد جنبه
تركي : وانت مصدقه اللي قلته انا مااقدر اخليه
ريما :ولو بس كلامك جارح هو محتاجلك أكثر من اول
تركي : الله وش هالدرر اللي تطلع منك ولله احسب انك بزر منول بس طلعتي سنافيه
ريما : الله يسلمك كل هذا متعلمته منك الله يخليك
تركي : المهم خليك مع سديم وقولي لها متى ودها تبداء تنشر
ريما : مو وقته الدراسة بتبداء وعمها توه ميت
تركي : هذا أحسن وقت لأنها محتاجه تعبر أكثر
ريما انشاء الله بكره بروح لهم وبجلس معها بشوف وش تقول
تركي : بعدي ولله بأختي عزالله رهف ماطلعت عليك
ريما : اخجلت تواضعي انا من زمان كذا بس محد انتبه لي
تركي : اقول عطيتك وجهه تقلّعي
ريما : افااا وراك خربتها يالله مع السلامه قبل ماتطيح من عيني
تركي : هههههههههه يالله مع السلامه
تركي "ياحليلها هالخبله مو صاحيه "يرن جواله
تركي : هلا ولله وينك وين اراضيك
احمد : ولله منحاس من يوم جيت والمشاكل تتحذف علي
تركي : افااا ولله وش فيك
احمد :موعد سفري قرب ومبعد قلت لسديم وما اقدر اقول لها في هالظروف وانا واعدها اني معد أسافر
تركي : ولله البلشه وش بتسوي
احمد : انا داري أنها بلشه اجل ليه متصل عليك ياحظي
تركي : ليه ماذا تريدني ان افعل
احمد : يرحم امك فاضي انت انا وين وانت وين
تركي : خلاص يابن الحلال هونها وتهون
احمد : آآآآآآه الحين وش اسوي
تركي : رح لهاللبيت وتفاهم معها
احمد : تهقى "تتوقع " اسوي كذا ازين
تركي : ايه ولله أريح لك
احمد : متى اروح لها
تركي : دق الحديد وهو حامي الحين
احمد : لا ما يمدي اليوم
تركي :وش مايمدي تونا 6.40
احمد : مايمديني اكشخ
تركي : استح على وجهك أبوها توه ميت وتقعد تكشخ ولله رايق
احمد : رايق حبيبي يابعد عمري رايق 00000
تركي : اقول الله يرحم حالك مستشفى شهار يفتح ذراعيه لك
احمد : احلف ههههههه
تركي : الحمد لله بس انا طايح في مهبّل يالله بس رح
احمد : ههههه باي
احمد اتصل على جوال سديم بس لقاة مغلق دق على الثابت
احمد : السلام عليكم
مي: وعليكم السلام
احمد : اختي ممكن سديم
مي : نعم00 طيب لحظه
مي انهبلت من هالولد اللي يبي سديم
فيصل : ميونا من على التلفون
مي : واحد يبي سديم
فيصل فتح عيونه : نعم
مي : ولله هو قال أبي سديم
فيصل :وخري بس أشوف منهو
فيصل : نعم
احمد: السلام عليكم
فيصل :وعليكم السلام
احمد : هلا من معي فيصل
فيصل : هلا ولله بس ما عرفتك
احمد : وجع ما عرفتني
فيصل : هلا ولله احمد
احمد :لا ولله فيك الخير عرفتني
فيصل :ما عليش تلخبطت الأصوات وش أخبارك
احمد : تمام بشرني عنك وعن الأهل وش أخبارهم وش أخبار رائد
فيصل : الحمد لله كلنا بخير سم بغيت شيء تبي سديم
احمد : ايه الله لايهينك
فيصل : لحظه أناديها لك
احمد : ماله دعي خلاص بس قل لها اني جاي بعد صلاة العشاء أبغى اكلمها
فيصل :الله يحيك هذي الساعة المباركة
احمد : الله يسلمك يالله مع السلامه
فيصل : مع السلامه
فيصل قال لسديم إن خالها بيجي البنت جهزت الشاهي والقهوة
وفي مكان ثاني
تركي "يالله وش فيه مايرد لا يكون زعلان اخر مره أدق ان مارد بروح أشوف وش سالفته "
طبعا مارد
الكل يتساءل وش فيه وليه مايرد بس من هو >>وحدة بتسوي تشويق بللي هيبة
وفي هالوقت أرسلت ريما لسديم إنها جايتها بكره انشاء الله
نقز تركي لبيت سعود يشوف وش فيه ووصل للبيت
تركي : هلا عمي وش أخبارك
يوسف : الحمد لله
تركي : اجل سعود وينه
يوسف : مدري يمكن بحجرته ارق شفه
تركي : مشكور
رقى "صعد "تركي لغرفه سعود ويدق الباب
سعود : تفضل يبه
تركي بعد ما دخل
تركي : ليه كذا ياسعود
لف سعود
سعود : هلا تركي وش جابك
تركي : ماتعرف وش جابني شف جوالك
سعود بعد ما شاف جواله
سعود : الله الله كل هالمكالمات
تركي : لا وياليتك ترد
سعود : أسف ياخي كنت حاطه على الصامت
تركي : وش أسف عقب ما طيحت قلبي من الخوف
سعود : ليه وش صار
تركي : منت طبيعي وش اللي صاير
سعود : ليه وش فيني
تركي : سعود تتكلم من جد ما تعرف وش صار
سعود : قصدك على الكلام اللي قلته اليوم
تركي : ايه خفت انك زعلت وماكان لهاداعي اقول لك هالكلام
سعود : لا تعتذر ولا شيء انا مفروض أشكرك انت رجعت لي سعود رجعت لي الشامخ
تركي : طمنتني
سعود : الحمد لله وش صاير لك
تركي : اقول تعال أعزمني على العشاء علشان اصدق انك راضي
سعود: شكل العدوى انتقلت لك
تركي : المهم موافق تعزمني
سعود : ايه بس بشرط
تركي : تأمر امر من عيوني كل ماتامر عليه
سعود : الله وش صاير في الدنيا المهم الشرط اني انا اختار العشاء
تركي : وبس مزعجني شرط وشرط وفي الأخير هذا ابد اختر اللي تبي
سعود : خلاص العشاء خبز تميس بجبن وفول
تركي : ولله اني قايل انك بخ بخ اروح أتعشى عند أهلي مكرونه باشاميل ارحم
سعود : لا انت وافقت خلاص عاد فيه فوال جديد توه فاتح شيء رهيب
تركي : تلقاة خذ صحن فول والثاني مجانا
سعود : وش دراك
و صاروا يضحكون وفجاءة يرن جوال سعود
تركي : جوالك شكله يرن
سعود : لا ماسمعته
تركي: شلون تسمعه وانت حاطه على الصامت انا أشوفه ينور بس يالذكاء
سعود :طيب لا تاكلني بشوف من المتصل
سعود :هلا
المتصل : هلا بعمري هلا بحياتي
سعود: ولك وجهه تكلمين
عبير: الحق عليك انت نرفزتني
سعود : اقول اقلبي وجهك وانسي الرقم
عبير : سعود وشفيك علي ليه كل هالقسوه
سعود : معليش أنا موفاضي لك عندي مشاوير مهمة
عبير : أهم مني
سعود : الحمد لله ومن تكونين انتي خلاص انسي شيء اسمه سعود
عبير : بس اسمعني وش فيك ظالمني خل نتفاهم
سعود : الحمد لله بس ما عندك كرامه اقول مابيك سكري تقول خل نتفاهم
عبير : طيب أبي أشوفك
سعود :طيب انا مابي أشوفك
عبير : ياخي حرام عليك عطني الفرصة الاخيره وعقبها لا تكلمني اذا كلامي ماعجبك وخلاص ما راح أدق بس اذا قررت تشوفني تلفوني عندك بااي
سعود سكر وهو مندهش وش تبي به
سعود: تبيني أقابلها للمرة الاخيره
تركي : سعود انا مابي أتدخل في حياتك الشخصية بس انت شايف وش اللي صاير لك ويمكن تكون كذبه جديدة
سعود : لا خلاص انا قررت
تركي : وش قررت
سعود : البنات مالهم مكان في قلبي
تركي : طبعا مو كل البنات
سعود : للأسف كلهم
تركي ريحه رد سعود تجاه عبير بس خاف من كلامه ان البنات ماعد لهم مكان في قلبه >.> اللون روعـــــــــــــــــــــــــــــه
المهم وصل احمد لبيت فهد الله يرحمه ودخل مجلس الرجال بعدها
سديم : هلا خالي كيفك
احمد : الحمد لله وش صار لستعدادك لدراسة
سديم : ولله مالي نفس أكمل
احمد : لا وش هالكلام حرام انتي جايبه معدل حلو حرام يضيع عليك
سديم : وش تبي أسوي ياخالي انت شايف الوضع وبعدين مو أنا لحلي اللي ماابي اكمل حتى إخواني مايبون
احمد : اضغطي على نفسك كلها فصل ويعدي
سديم : انشاء الله
وبعد فترة صمت
سديم : خالي وش فيك عسى ماشر ودك تقول شيء
احمد : ولله مو عارف شلون ابداء
سديم : خير انشاء الله وش فيك
احمد : سدوم حبيتي أنا لازم أسافر
وبعد فترة صمت مو طويلة
احمد : هاه وش قلتي
سديم : في ايش
احمد : الكلام اللي قلته
سديم : ماله داعي اقول رايي وانت عارفه
سديم والدموع محجره في عيونها
احمد : سديم لا تبكين أوعدك المره الجايه
سديم قاطعته : المره الجايه منت مسافر تعبت تعبت من وعوّدك ارحمني خلاص سافر ولا ترجع أريح لك
وطلعت من المجلس تصيح "تبكّيّ " طبعا العايله شافوها راح فيصل للمجلس يبي يعرف وش صار وحصه وسارة راحوا عند سديم
وفي المجلس احمد كان شكله يوجع القلب منزل رأسه وماسك رجلينه ومتسفط " عرفتوا شلون كان جالس تعبت وانا اشرح "
فيصل : عسى ماشر وش فيكم
احمد وباين عليه الحزن : سديم سديم يافيصل
فيصل :وش فيها
احمد : قلت لها عن سفرتي
فيصل : الحمد لله ارتحت الحين
احمد : وش ارتحت منه البنت زعلت وقلت لا ترجع
فيصل : لا تاخذ كلامها على محمل الجد بس هي زعلانه ومبعد فاقت من صدمه موت ابوي
احمد : لا هالمره غير
فيصل : لاتشيل هم وانا اخوك امي الحين بتكلمها وبترضى
احمد : ولله مادري عنها شكلها بتعاند
فيصل : لا لا ماعليك خلهاعلى ربك ثم علينا
احمد : آآآآآآآآآآآآآآه اجل فمان الله بحاول اكلمها اذا هدت
فيصل : يالله مع السلامه
وراح احمد زعلان
في غرفه سديم
حصه : وش فيك يابنتي مو اول مره يسافر
سديم ماردت بس تصيح
ساره : سديم اكبري شوي إلى متى بتظلين كذا أنا اغلي شيء فقدته ولا سويت اللي تسوينه
سديم عقب ما سمعت كلام ساره سكتت شوي
سديم : ممكن تتركوني لحالي
ساره : هذا اللي قدرك ربي عليه
حصه : خلاص يا ساره وبعدين معك، البنت تعبانه الحين
ساره وباين عليها أنها زعلت : طيب بطلع
وطلعت ساره ولحقتها حصه
سديم ماعرفت وش بتسوي بس جلست تفكر في كلام ساره وخست أنها زعلت منها
سديم " وش فيني أنا صادقين هذي مو اول مره يسافر ليه أسوي كذا "
فتحت دفترها الأسود
" الناس غرباء أم أنا الغريبة .. لما كل شيء اعمله يكون خاطئ وما يفعلونه دوما الصواب .. لماذا اذا لم ارضى بفعلهم انتقدوني ورموا علي باللوم ..لمـــــــــــــــــاذا..ألي انني لا ارضى بالظلم ..أم ..لأنني لا أحب الخلف بالعهود ..أم ..لأنني أنثى جريحة ومكسورة القلب ..آآآآآآآآآآآآآآه ..آآه منك يا فكري ترمي علي بالأفكار دون النظر إلى عواقبها ...."
سكرت الدفتر وقررت أنها تروح لسارة تشوف هي زعلانه منه والا لا
تطق باب الغرفة
ساره : مازن أنا مو فاضيه لك الحين
سديم : أنا سديم ياساره ممكن ادخل
ساره : ادخلي
سديم : انت زعلانه مني
ساره : أنا زعلانه عليك مو منك
سديم : ولله موقصدي
ساره : وش اللي موقصدك
سديم : موقصدي اطردكم واصرخ عليكم
ساره : سديم حبيبتي أنا مو زعلانه انك طردتيني بس زعلانه على حالتك وبعدين خالك بيرجع وفيه تلفونات اذا بغيته تتصلين عليه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك