رواية لا قلت احبك اسكتي واحضنيني -4
انا ما ادري اصلا ليش عورت راسك بهالسوالف .. واتمنى من جد محد يدري
يارب وفقني بدراستي ورجعني ديرتي بالسلامه:
الوحده اذا ماطلعت اللي بداخلها بتنفجر .. يالله ما اطول عليك وكوني متأكده ان ربي ماراح يخيب صبرك
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
ان شاء الله وابيك يالغاليه تدعين لوحده من صديقاتي في مشكله يالله مع السلامه
طلعت وريف من الماسنجر.. سبحان الله اشكثر ارتحت يوم كلمت اسيره كلامها بلسم سبحان الله .. فعلا هالانسانه طيبه .. الحمد لله اني اضفتها
حطت جوالها تنبيه الساعه 9 وغطت نفسها ونامت
عبد العزيز قفل الماسنجر وهو ماسك راسه وشلون يصير في انسانه كذا .. طلاقها بليلة عرسها .. وفاة ابوها .. سكنهم عندوحش مو انسانه .. يااااااااااااالله وفوق هذا التجريح بالمنتدى .. وانا جاي بعد ابطيح راسها .. اقسم بالله اني حقير .. حقير .. حسبي الله عليك يا ابليس
فيصل بهالوقت داخل من برا
فيصل : هههههههههههه عزوز هيثم برا يقول ممكن يدخل
عبد العزيز وجهه مخطوف: فيصل .. خواطر مسكينه
فيصل : عزوز اش فيك؟
عبد العزيز : دخلت الماسنجر وهي شكلها مالقت احد
تفضفض له وقالت لي قصة حياتها والله ولا اقوى رجال يستحمل
فبصل : اشدعوه
عبد العزيز : والله ما أبالغ
فيصل: وش صار لها؟؟
عبد العزيز : أنا حلفت لها ما أقول لاحد
فيصل : الا هي تدري إنك رجال؟؟
عبد العزيز : لاااااااااااا وهذا اللي ذابحني
فيصل سكت ماعنده شي يقوله
عبد العزيز : انا حيوان شلون بغيت العب بالبنت وربي مسكينه والله العظيم مسكينه .. لازم اقولها ..
فيصل: انت مالك ذنب .. ولا كنت بتضرها
عبد العزيز سند راسه عالكنبه ولا رد بكلمه وحده ..
الساعه 9 قامت وريف من النوم متخرعه على اتصالات فجر ..
وريف: هلا فجر
فجر: اسمحيلي بس امي قلقانه على سلمان
وريف: لالالا عادي بس اصحي زياد ونجيكم
قامت وريف ميته نوم تسحبت من غرفتها راحت لغرفة زياد اللي رجع لها من يوم صارت وريف اخته وفتحت الباب
زياد: ميــــــــــــــــــــــــــــــــــــن<<<نومه خفيف
وريف: اشوى انك صحيت قوم يالله ودنا المستشفى
زياد: عسى ماشر من تعبان
وريف: يوووه شكلك مضيع ياخوي بنودي اهل سلمان لولدهم
زياد: تعبان والله
وريف جازفت وفتحت الانوار .. زياد عصب وقام بيمسكها وانحاشت
بعد ما انحاشت دخل ياخذ له دش يصحصح فيه طلع لقى وريف لابسه عباتها وواقفه برا الغرفه
زياد كان شعره للحين مبلول وبلوزته كت مبينه عضلاته وجنز لبس نظارته العريضه على وجهه: يالله مشينا
ركبو السياره وتحركو على بيت ام سلمان وضرب بوري((هرن)) وطلعو له بسرعه وركبو ورا
ام سلمان: سامحني ياولدي بس ماعندي احد يوديني ويجيبني
زياد صوته نوم: لا ياخاله بس الحمد لله على سلامتك
وريف: فجر دهنتي رجولها بزيت زيتون؟؟
فجر: ايه .. والحمد لله جاب نتيجه
جوري قربت من فجر وهمست: اخوها يجنن
فجر كتمت ضحكتها : ايه ماشاء الله بس اوص لا يسمعنا
وصلو المستشفى وراح زياد يفطر بالكافتريا ينتظرهم ..
دخلو كلهم ماعدا وريف
وريف: انا بنتظركم برا
ام سلمان: مايصير يابنتي تقعدين بالأسياب كان قعدتي مع اخوك طيب
وريف: ماجاء في بالي
فجر: سلمان مثل اخوك امشي يالله
دخلت وريف ترجف
سلمان كان متسند على مخده والمغذي بيده : هلا هلا ببناتي
جوري راحت تركض وبكت على صدره : ليش تخوفنا عليك
ام سلمان توها وصلت عنده باسته على راسه: يمه حمد لله على سلامتك
فجر كانت تحاول ماتبين دموعها ابتسمت وقالت من بعيد: حمد الله على السلامه يافندم
سلمان وابتسامته التعبانه: ماودك تسلمين
فجر ما استحملت حضنته وبكت من قلبها .. ووريف لمحت دمعة سلمان
سلمان انتبه لوريف: من هذي؟
فجر: هذي صديقتي
ام سلمان: هي وأخوها ما قصرو جابوك هنا وسهرو معنا لين طلعت من العمليات ورجعونا البيت واللحين جايبينا نزورك
سلمان وابتسامة شكر : ماتقصرون .. مشكورين
وريف صوتها يرتجف: لا شكر على واجب
سلمان ضحك بنفسه .. مسكينه تستحي: طيب وينه اخوك لازم اشوفه
وريف: فجر تعالي
راحت فجر عند وريف: نعم
وريف: امشي انادي زياد مانيب رايحه بلحالي
فجر: طيب
طلعو البنات من الغرفه وجوري تقرق على راس سلمان
وريف زهمت على زياد وطلع لهم وهو يضحك
وريف: خير عساها دوم البسمه
زياد: هنا بعض المعجبين ههههههههه ضحكوني واحد يسوي نفسه مغمى عليه من الفرحه هههههههههههههههههههه
وريف: اهاا طيب وخر شوي على ورا معنا غريبه
زياد: اؤؤؤ اسف على بالي شادن
وريف: ههههههههههه يالله بس امشي الرجال يبي يسلم عليك ويشكرك
زياد: يالله اتحمد له بالسلامه ونروح
راحو واول ما دخل على سلمان ضحكو الاثنين وسط ذهول الباقين
سلمان: يالله حيه
سلمان: فجر يبه صبي للرجال قهوه
فجر تفشلــــــــــــــــــــــــــت .. وش ذا
زياد حس بإحراج فجر : لا والله ما ابي الا سلامتك
فجر كان ودها تحب راسه على هالإنقاذ
سلمان: هههههههههه يعني تردها لي الحركه
زياد: هههه يمكن ... يالله وريف بنمشي
وطلعو زياد ووريف محركين عالبيت
سلطان جار ابو زياد كان طالع من الدوام الساعه 2 .. اليوم بيبدأ اول يوم بالبرنامج الصحي اللي بيسويه ..آآآه ان شاء الله ألتزم فيه ويصير بعد 4 شهور وزني تمام وأتزوجك يا وريف بالصيف .. يااااارب حقق لي مناتي بقربي منها يااارب
وريف كانت بغرفتها الساعه 4 العصر .. ياربي انا وشلون قلت للبنت الكلام اللي أمس؟؟؟ والله اني مجنونه شلون فرطت السالفه كلها .. بس لولا الله ثم كلامها كان اللحين انا صاير لي شي يا منتحره .. ولا ميته بحسرتي ..
وريف ماتدري ليش حست ان ودها تفتح الماسنجر
فتحته وماكانت اسيرة الذكريات اون لاين .. قامت ارسلت لها ايميل
((سلام اسيرة شخبارك؟؟ بغيت اقولك شي انا ابنزل خاطره مهمه ابي رايك فيها .. واهداء مني لك على وقفتك معاي امس .. كلامك كان بلسم والله على قلبي مشكوره))
وحولت حالتها لمشغول وفتحت المنتدى وسجلت دخول خواطر مكسوره وفتحت صفحة موضوع جديد بقسم الخواطر والنثر
((مساء صافي كصفاء الذي تحملونه بين أضلعكم..
مساء الروعه كتلك التي تحتفظون بها في دواخلكم..
مساء مفعم بالبياض كلون البدر في منتصف الشهر..
مساء يعزف به قلبي أنشودة الحزن..
اليوم .. أتيت هنا .. كمصافحة لذكرى اربعة سنين مضت عرفتكم من خلالها .. أتيت هنا .. وفاء لجرح أظهرني للبشريه ..أتيت هنا .. أمام الملايين أشهد بأن القلب لازال ينزف وسيبقى نازفا مادام ذلك الجرح لم يطيب..
اليوم 15/7/1424هـ ذكرى أول حرف خططته هنا .. وأول دمعة ذرفتها أمام الملايين .. لست هنا اليوم لأنظم الشعر .. ولست هنا لأسطر الأسى .. ولست هنا لأُدمي قلوبكم.. انا هنا لأقف دقيقة حداد على نبرة حزينة سكنتني .. لأقف دقيقة حداد على أشياء فقدتها ولم يعد بإستطاعتي إستعادتها.. انا هنا لأنحني لشعرة قصمت ظهري .. انا هنا لأُفصح عن سكاكين إستغلت سقوطي وعرفت طريقها الى متني الذي لم يعد قادرا على التحمل..أنا هنا لأقول شكرا..
شكرا لتلك الظروف التي أنهكت روحي وجسدي.. شكرا لظروف قتلتني قبل موتي أربعون مره.. شكرا لقلوب قست على قلبي .. شكرا لإبتسامة تهزأت بدمعي.. شكرا لمن إنتقدني .. شكرا لمن أحبني .. شكرا لجرح وهبني الكثير والكثير من حب الناس .. شكرا لمن قرأني..
شكرا لأختي أسيرة الذكريات والتي رغم معرفتي القليله بها إلا انها كانت نعم الاخت ..
شكرا لقلمي الذي كان نعم الصديق لي طيلة الاربع سنوات ..
كنت بصدد إعلان ما أرغب به ولكن .. قررت تأجيله لأنتهي حيثما بدأت ..
بدأت عام 15/7/1420.. وقررت الانتهاء 15/7/1424
ليس لي مكان هنا بعد اليوم .. سألملم شتاتي .. وأرتب أوراقي وأرحل بعيدا ..
لكم كل الحب ..
اختكمـ خواطر مكسوره))
حطت العنوان وإعتمدت الموضوع وطلعت من المنتدى .. خلاص انا ما اقدر استحمل هالمصايب اللي تصير بالمنتدى ابريح راسي من النت بكبره انسحب وأحتفظ بخواطري أحسن لي ..
عبد العزيز اللي دخل الماسنجر بس كان حالته اوف لاين نوى يكلم وريف بس شيك عالايميل شاف ايميل منها قراه وإستانس وطار عالمنتدى كان مسجل دخول بإسم كبرياء الجرح عشان يقرا هالخاطره .. قراها وكانت الصدمه .. ليش بتنسحب من المنتدى؟؟؟ لالا هذي بتنسحب من النت بكبره .. قرا الردود الي وصلت صفحتين وكلها يطلبون منها الرجوع عن هالقرار .. قرا رد لمشرف الخواطر والنثر اللي دايم كان يتهاوش مع خواطر مكسوره يقول فيه:
((أحسدك على ذكائك .. عندما أعلنت قريحتك الإفلاس إنسحبتي كي تحافظي على جمهورك ..أقدر فيك هذا الحب للجمهور.. واقدر فيك رقيك بالإنسحاب ..وإسمحيلي أختي أنقل الموضوع لقسم الترحيب .. بعد إذنك طبعا بما أنه آخر موضوع لك))
عبد العزيز ركبت راسه مليون جنيه.. هذا فرحان إنها بتنسحب لا ويتتريق يقول اعلنت قريحتك .. وبدون شعور حط رد وكتب..
((اخي الغبي جدا بإنتقاء مفرداته ..اتمنى عدم حذف أي حرف من ردي كـ مثال عن احترام الراي الآخر الذي دوما ماتنادي به..
لأن خواطر مكسوره باتت أكبر ممن حولها .. قررت الإنسحاب .. لان خواطر مكسوره لاتجد فيمن حولها من يحفزها على العطاء قررت الإنسحاب.. لأن خواطر مكسوره آثرت الإنسحاب والهدوء على المهاترات التي لا تصدر من عاقل !! قررت الإنسحاب ..
كل هذه الاسباب قد تكون كافيه للرد على تساؤلك السقيم عن أسباب إنسحابها ..
تحياتي .. كبرياء الجرح))
توقعاتكم وارائكم لاهنتو
ارسل الرد وناظر بالمتواجدين بالصفحه لقاهم 300 ضيف و11 عضو مااااااااااااشااااااااااااء الله ..
عبد العزيز كان مشهور دايم بالمنتدى بتميزه بقسم الصرقعه والضحك .. حتى كلمتين بالفصحى ولا عمره حطهم إستغربو كلهم من اسلوبه الجديد بالرد والألفاظ القويه ..والردود اللي عقبه كانت كلها ترجي لخواطر ترجع ولا تفرح العذال على قولتهم
عبد العزيز دخل على خواطر وكان نكه..
ســـــــــارعي للمجد والعـــــلـــــيـــــــــاء :
لييييييييييييييييييييييييييش؟
وريف ما كان ودها تشوف الردود عالخاطره لانها عارفه نفسها مابتقاوم نداء الجمهور لو طلب منها الرجوع لانها حتى هي ماراح تقدر تستغني عن الكتابه كان نكها
خـــــواطـر مــــــكـــــــ,ـ,ـ,ــــووره:
وشهو؟؟؟؟((وحاطه صورة واحد متخرع))
ســـــــــارعي للمجد والعـــــلـــــيـــــــــاء:
ليش إنسحبتي من المنتدى؟؟
خـــــواطـر مــــــكـــــــ,ـ,ـ,ــــووره:
اهاا .. والله تعبت تعبت المنتدى ماوراه الا المشاكل
ســـــــــارعي للمجد والعـــــلـــــيـــــــــاء:
بهذي معك حق .. بس مو انك تكسرين بخاطر 100 شخص عشان شخص واحد
خـــــواطـر مــــــكـــــــ,ـ,ـ,ــــووره:
صادقه بس ابعد عن الشر .. الا شفتي وش كتبت عنك؟
ســـــــــارعي للمجد والعـــــلـــــيـــــــــاء:
ايييييه ماتقصرين مشكوره مره فرحت
خـــــواطـر مــــــكـــــــ,ـ,ـ,ــــووره:
دوووم موب يوم
ســـــــــارعي للمجد والعـــــلـــــيـــــــــاء:
الا انتي اليوم بشريني شخبارك؟؟؟؟
خـــــواطـر مــــــكـــــــ,ـ,ـ,ــــووره:
والله الحمد لله أزين من امس .. يالله هذا حال الدنيا
ســـــــــارعي للمجد والعـــــلـــــيـــــــــاء:
لازم ترجعين
خـــــواطـر مــــــكـــــــ,ـ,ـ,ــــووره:
صدقيني اسيره ما اقدر
ســـــــــارعي للمجد والعـــــلـــــيـــــــــاء:
طيب انتي اقري الردود .. فيه وحده مسكينه تقول قاعده تصيح اللحين
خـــــواطـر مــــــكـــــــ,ـ,ـ,ــــووره:
ياقلبييييييييييييييييي من جد؟؟؟
ســـــــــارعي للمجد والعـــــلـــــيـــــــــاء:
والله العظيم روحي شوفي الردود
خـــــواطـر مــــــكـــــــ,ـ,ـ,ــــووره:
لالالالا مالي خلق
ســـــــــارعي للمجد والعـــــلـــــيـــــــــاء:
ههههههههههه خايفه انك تضعفين ؟؟؟
خـــــواطـر مــــــكـــــــ,ـ,ـ,ــــووره:
يامصيييييييييبه شلون عرفتي؟؟
ســـــــــارعي للمجد والعـــــلـــــيـــــــــاء:
((حط وجه يرفع حواجبه بسرعه))
خـــــواطـر مــــــكـــــــ,ـ,ـ,ــــووره:
هههههههه برب بروح اشوف الردود
ســـــــــارعي للمجد والعـــــلـــــيـــــــــاء:
تيت
غابت وريف 5 دقايق ورجعت ..
خـــــواطـر مــــــكـــــــ,ـ,ـ,ــــووره:
باك
ســـــــــارعي للمجد والعـــــلـــــيـــــــــاء:
ولكمو
خـــــواطـر مــــــكـــــــ,ـ,ـ,ــــووره:
قريتي الردود؟؟
ســـــــــارعي للمجد والعـــــلـــــيـــــــــاء:
ايه كلها السبع صفحات
خـــــواطـر مــــــكـــــــ,ـ,ـ,ــــووره:
استغربت شي
ســـــــــارعي للمجد والعـــــلـــــيـــــــــاء:
وشهو؟؟؟
خـــــواطـر مــــــكـــــــ,ـ,ـ,ــــووره:
كبرياء الجرح
((هنا عبد العزيز ماقدر يبلع ريقه))
ســـــــــارعي للمجد والعـــــلـــــيـــــــــاء:
وش فيه؟؟؟؟
خـــــواطـر مــــــكـــــــ,ـ,ـ,ــــووره:
ما ادري بس ولا عمره دخل قسم الخواطر ولا عمره رد علي واليوم راد برد غريب .. يعني كلامه كأنه من زمان يقرا لي .. ما ادري شلون يعني يدافع عني عند هالبهيمه
((عبد العزيز ضحك على كلمة البهيمه بس تذكر .. انا اش خبصت .. انا صح ما كنت اقرا لها بس من يوم عرفتها سويت بحث لكل مشاركاتها.. وش اقول انا اللحين ..
ســـــــــارعي للمجد والعـــــلـــــيـــــــــاء:
طيب يمكن انه من زمان يقرا بس من خلف الكواليس؟؟
خـــــواطـر مــــــكـــــــ,ـ,ـ,ــــووره:
يمكن مايندرى والله وبعد ياقلبي شفتي الملهوفه؟؟
ســـــــــارعي للمجد والعـــــلـــــيـــــــــاء:
اييييييييه اللي تصيح؟؟
خـــــواطـر مــــــكـــــــ,ـ,ـ,ــــووره:
ايه ياقلبي قطعت قلبي
ســـــــــارعي للمجد والعـــــلـــــيـــــــــاء:
ارجعي لهم ياخواطر
خـــــواطـر مــــــكـــــــ,ـ,ـ,ــــووره:
صععععععبه
ســـــــــارعي للمجد والعـــــلـــــيـــــــــاء:
لا مو صعبه كبري عقلك من ناحية المشاكل .. والمهم جمهورك الواعي يقرا لك.. وبعدين تعالي ماشاء الله عليك حافظه أول يوم كتبتي فيه خواطرك اكثر من يوم ميلادك
خـــــواطـر مــــــكـــــــ,ـ,ـ,ــــووره:
ههههههههههه ميلادي اكيد حافظته 4/10/1404 .. وبعدين اممممممممم لا تضغطين علي
((عبد العزيز : والله ان شاء الله لترجعين))
ســـــــــارعي للمجد والعـــــلـــــيـــــــــاء:
براحتك .. بس لاتخسرين جمهورك .. تحويشة 4 سنين هههههههههه
خـــــواطـر مــــــكـــــــ,ـ,ـ,ــــووره:
ههههههههههههههههه يالله عن أذنك والله مصدعه
ســـــــــارعي للمجد والعـــــلـــــيـــــــــاء:
سلامتك ماتشوفين شر
خـــــواطـر مــــــكـــــــ,ـ,ـ,ــــووره:
هههههههههههههه شكلك مشتاقه للسعوديه حيل .. من النك واضح
ســـــــــارعي للمجد والعـــــلـــــيـــــــــاء:
توك تنتبهين للنك خخخخخخ ايه والله اني حالفه اذا وصلت أبوس ترابها
خـــــواطـر مــــــكـــــــ,ـ,ـ,ــــووره:
((حطت وجه يدمع)) ياقلبييييييييييي انتي
((عبد العزيز خق^_^))
ســـــــــارعي للمجد والعـــــلـــــيـــــــــاء:
ما اعطلك توكلي على الله
خـــــواطـر مــــــكـــــــ,ـ,ـ,ــــووره:
سلالالالالالالالالالام
وطلعت خواطر وغمضت عيونها على طوووووووووووووول نامت
عبد العزيز وحديثه لنفسه..
بالفتره الاخيره صار لي تغيير كثير .. اكتشفت موهبه عندي كنت غافل عنها .. بديت اقرا واكتب .. ابتعدت عن دراستي ..لا إلا الدراسه مستحيل أبتعد عنها .. ياربي انا اش صار فيني مو قادر افكر .. مو قادر أركز .. اففف متى اخلص وافتك
فيصل طلع من غرفته وشاف عبد العزيز سرحان: وش فيه الحلوووو؟
عبد العزيز : فيصل ممكن اتكلم معاك شوي
فيصل خاف : وش فيك عزوز اهلك فيهم شي؟
عبد العزيز : لا الحمد لله مافيهم شي بس انا اللي فيني
فيصل : وش فيك؟
عبد العزيز : فيصل يوم الواحد يحس انه مكتئب .. وضايق بدون سبب .. وفجأه وبدون سبب يصير اسعد إنسان بالدنيا .. وش تفسيره؟؟؟
فيصل: مافيه شي بدون سبب.. يمكن فيه سبب بس انت مو ملاحظه
عبد العزيز حط يده على خده : وشلون؟؟
فيصل: يعني اممممم مثلا انت احيان تكون طفشان وقرفان من نفسك .. بس تدخل الماسنجر تنبسط صح؟
عبد العزيز يفكر: امممم مو بالضروره
فيصل: الا انا شايف كذا
عبد العزيز : يعني؟؟؟
فيصل: يعني السبب اللي يخليك حزين وسعيد بالماسنجر
عبد العزيز طارت عيونه: يعني شلون؟؟؟
فيصل حس ان عبد العزيز فهم: ما ادري انت حكم عقلك .. بس المهم دراستك لا تهملها
عبد العزيز : زين
فيصل:الا على طاري الدراسه انت اللحين اذا اخذت الشهاده مالك رجعه هنا؟؟؟
عبد العزيز : لاااااااااااا الحمد لله مالي رجعه ابدااااااااااا
فيصل تضايق: تصدق .. أبفقدك
عبد العزيز: يابعد راسي يافيصل .. انت بعدي بـ 6 شهور بتجي
فيصل: وابرجع اكمل دراستي
عبد العزيز: ..................
فيصل: طيب هيثم اخذ نفس شهادتك .. واللحين راجع يكمل دراسه
عبد العزيز: هيثم راجع يكمل صياعه مو دراسه
فيصل: ههههههههههههههههههههههه وانت الصادق
سلمان: ههههههههههه اجل سفراتنا لبرا طلعت بنتيجه
فجر: ههههههه ايييييييييه يعني لو ما اعرف اسوق كان نص الرياض جنايز اليوم ههههههههههه
جوري: هههههههههههههههههههه وريف كانت مره خايفه اننا نصدم
ام سلمان: مااااااااااشاااااااااء الله عليها كانت كفو البنت .. والله ياوليدي انها اخذت جوال فجر واتصلت على عبدالعزيز تسأله عن احسن دكتور عمليات للقلب لأن فجر كانت بتتصل بس وريف قالت لها اذا اتصلت بينشغل عليك بيعرف ان فيكم شي من صوتك
سلمان: ماشاء الله عليها ..صدق انها بنت رجال
فجر: الله يرحم ابوها يارب.... وجوري كانت نكتـــــــــــــــه
سلمان: بعد؟؟ هههههههههه وش زينت؟؟
فجر: ههههههههههههه قول وش مازينت .. أول شي راحت المستشفى بدون عبايه
سلمان: افااا وين الحيا
جوري: والله ما ادري عن نفسي
فجر : ثاني شي يوم طلع الدكتور من عندك تعلقت بجاكيته تصارخ عليه
سلمان: افااااااا فصخت الحيا هههههههههههههه
جوري متفشله: هذا حقي يوم خفت عليك؟؟
سلمان: هههههههه تعالي يايبه عندي ..
فجر كانت جالسه على سرير سلمان وجوري وام سلمان قاعدين عالكرسي .. قامت جوري وجلست جنب راس سلمان اللي حضنهم جميع وقال: الله لا يحرمني منكم
فجر: اقول ورا ما تكلم عزوز تطمنه عليك
سلمان: اتصل لي عليه وافتحي السبيكر
فجر : اوكي
طلعت فجر جوالها من شنطتها واتصلت على عبد العزيز اللي كان ماخذ غطه قبل الظهر
عبدالعزيز شاف الرقم : هلاااااااااااااااا والله
فجر: هلا فيك ربي يبقيك
عبد العزيز: فجوره بشريني عن أخو صديقتك شلونه؟
فجر: هههههههههههههههههه بخير وهذا هو بيكلمك((وغمزت لسلمان عشان يتكلم))
عبد العزيز: يكلمني أنا؟؟
سلمان: شلونك يبه؟؟
عبد العزيز: هلا والله سلمان شلونك يالغالي
سلمان: والله بخير الحمد لله
عبد العزيز : شسالفه
سلمان: السالفه اني انا اللي كنت مريض والحمد لله دكتور رامز ماقصر
عبد العزيز : أيــــــــــــــــــــــــــــــــــــــــــــــــ ــــــــــــش؟؟ انت المريض؟؟؟
سلمان: لا تخاف بعد شوي ابطلع من المستشفى
عبد العزيز بعصبيه: فجرررررر اناماني بزر تقولين اخو صديقتك تكذبين علي..
سلمان:هههههههههه اصلا مو فجر اللي كلمتك
عبد العزيز: اجل من؟؟
فجر بتردد: صديقتي
عبد العزيز: ليش؟؟
فجر: لاني كنت منهاره وقلت لها تتصل لك تسألك لو سمعت صوتي كنت بتعرف ان سلمان المريض
عبد العزيز: اهاا ... سلمان امانه شلونك اللحين؟؟؟ اكنسل هالكورس وارجع عادي والله ماتفرق
سلمان: لا والله اني بخير الحمد لله .. وشهادتك هي سلاحك تكمل هالكورس وترجع السعوديه الدكتور عبد العزيز
جوري: ههههههههههه مايليق
عبد العزيز : وهـ بس تكلمو السحالي
جوري: ماااااااااااااااانيب سحليه يا التمسااااااااااااااااااااح
عبد العزيز : اجل وش انتي؟
جوري: عزوز والله وحشتني متى ترجع
عبدالعزيز الدمعه بعينه بس يكابر: ههههههههههههههه مانيب راجع .. ليه مهبول انا ارجع عشان تفترسيني؟؟؟
فجر: هههههههههههههههه هذا زمان اللحين جوري نحفت
عبد العزيز : لا لا .. معقول؟؟ ههههههههه ما يليق
جوري: يالدب تردها لي
عبدالعزيز: وين امي ما اسمعها
ام سلمان: هنيا ياوليدي ..
عبدالعزيز تغير صوته والكل لاحظ: يمه شلونك؟؟
ام سلمان نزلت دمعتها: بخير ياعلك بخير
عبدالعزيز: يمه انتبهي لسلمان وانتبهي لنفسك ومع السلامه ما ابي اطول على فجر
ام سلمان: انتبه لنفسك يابعد عمري ولاتنسى صلاتك
قفل عبد العزيز من اهله وهو مو طايق الدنيا .. اااااااااااخ وحشني كل شي .. متى ارجع ..نذر علي لا رجعت لا أبوس ترابك يابلادي..
قام عبد العزيز وشاور فيصل وطلعو يتمشون..
دانه: يمه ترى مره غلط اللي انتي تسوينه
ام سلطان: ليش؟؟ ولدي وابفرح فيه
دانه: تفرحين على حساب موته
ام سلطان: يهب ياوجهك تفاولين على اخوك
دانه: مانيب مفاوله بس يمه هو يبي وريف وقال لك ماني متزوج الا وريف
ام سلطان: وانا لو على جثتي ما يتزوجها شايفه نفسها على ولدي .. لو فيها خير ماعافها الطير .. طلقها بليلة عرسها
دانه: يمه استغفري ربك انا على وجه زواج .. قولي الله لا يبلانا .. وانتي عارفه اخلاق وريف ولا ما كان خطبتيها لسلطان
ام سلطان: حسبي الله عليها الله لا يوفقها
دانه مسكت راسها وقامت من عند امها : اللي تبين تسوينه سويه بس ترى سلطان مو متزوج الا وريف
وطلعت وخلتها
زياد: اليوم القناه الرياضيه مسويه لي برنامج خاص فيني انا بس
وريف: ماشاء الله ليش؟
زياد: لاني صاحب الهدف.. ثاني لاني ماحضرت حفلهم للفريق ليلة الفوز
وريف: ايوووه عشان مرض سلمان؟
زياد: على طاري سلمان وشلونه اللحين؟
وريف: له كم يوم مطلعينه من المستشفى بس دوام حلفت عليه جوري مايروح
زياد: هههههههههههههه اللي كانت بدون عبايه؟
وريف: ايوووه
زياد: الله لايحرمهم منه ..
الساعه 9 ونص بالليل
الذيع : السلام عليكم ورحمه الله وبركاته ..صاااااانع انجازات الفريق الذهبي .. صاحب القدم الذهبيه .. المتسبب بأفراح المشجعين .. زياد طلال الـ....
زياد اللي كان كاشخ بالثوب والشماغ ابتسم للمذيع كان باين عليه الارتباك
المذيع: حياك الله معانا كابتن زياد
زياد: الله يحييك يارب
سلمان: ماكأن هذا زياد أخو وريف؟؟؟
جوري تهمس لفجر: اقسم بالله يجنن
فجر: هههههههههههه .. ايه ايه هو
المذيع: كابتن زياد الجمهور عتبان عليك تغيبك عن احتفال النادي ليلة الفوز
زياد: والله صارت لي ظروف .. واحد من الاهل دخل المستشفى وماقدرت اتواجد مع النادي
المذيع: الحمد لله عالسلامه .. وتلبيه لنداء الجمهور حطينا هالحلقه مخصصه للكابتن زياد لايف.. واللحين معنا اتصال .. الوو من معي؟؟
بمياعه: الوووووو
المذيع" هلا اختي حياك الكابتن زياد يسمعك
بنفس المياعه: كابتن زياد
زياد اللي متفشل من مياعة البنت : نعم
البنت: وااااااااااااااااااااااااااااااااااااااااااو لااااااا مو مسدقه واااااي انا رنيم اموووت فيـ
((الكنترول قطع الاتصال))
المذيع : نأسف انقطع الاتصال ..
زياد والوجه الوان وأشكال ومتخبص وحالته حاله ابتسم مجامله
شادن: ياقلبي عليه زيود يجنن
وريف: ههههههههههه شوفي شلون متفشل
ام وريف: يارب لا تغير عليه
وريف+شادن: آميـــــــــــــــــــــــــــــــــــــــــــــــ ــــــن يارب
المذيع : والآن فيه تقرير مفاجأه لضيفنا
زياد عقد حواجبه
بدأ التقرير بنص الشاشه والنص الثاني وجه زياد يتابع التقرير .. بالبدايه كان المذيع ماسك المايك ويمشي بالفندق ليلة المباراه كان زياد ومعاه زميله جاسم يتصورون مع الجمهور وبعدين تغيرت الشاشه وجابو الكاميرا على اللاعبين بعد نهاية المباراه كانو مشغلين اغنية ويرقصون مستانسين والكاميرا بينهم بس مايدرون انها شغاله .. زياد فطس ضحك على اشكالهم
انتهى البرنامج وطلعت وريف غرفتها تشيك على ردود الخاطره وتشيك عالايميل
فتحت ايميلها شافت اسيرة اون لاين
ســـــــــارعي للمجد والعـــــلـــــيـــــــــاء:
هلااااااااااااااااااااا وينك ماعاد تنشافين وحشتيني
((عبد العزيز ارسل الكلام بس انتبه لكلمه زلزلته
.. وحـــــ ـ ـ ـشــ ـ ـ ـتـ ـ ـيـ ـ ـنـ ـ ـي.. ليش كتبتها؟؟
كيف كتبتها ؟؟
لييييييش؟؟
حرام ....مايصير...... مايجوووز
حس بضيييييييييييق بداخله مو عارف سببه آآآآآآآآآآه))
خـــــواطـر مــــــكـــــــ,ـ,ـ,ــــووره:
اهليييييييييين اسيره شخبارك .. وانتي اكثر والله.. اخبار الناس والعالم
ســـــــــارعي للمجد والعـــــلـــــيـــــــــاء:
كلهم طيبين
خـــــواطـر مــــــكـــــــ,ـ,ـ,ــــووره:
اسيره فيك شي؟
ســـــــــارعي للمجد والعـــــلـــــيـــــــــاء:
ااااااااااااخ خلاص تعبت والله تعبت اشتقت للسعوديه اشتقت لأهلي.. ابي ارجع
خـــــواطـر مــــــكـــــــ,ـ,ـ,ــــووره:
يالبى قلبك والله .. لا تشيلين هم ارجعي بشهادتك وارفعي راس اهلك واحمدي ربك ابوك عندك.. ياليت ابوي يرجع ماابي شي من هالدنيا
ســـــــــارعي للمجد والعـــــلـــــيـــــــــاء:
ابوي؟؟؟
خـــــواطـر مــــــكـــــــ,ـ,ـ,ــــووره:
ايه مو هو ابوك اللي ساكن عندك؟؟
((عبد العزيز تذكر كذبته))
ســـــــــارعي للمجد والعـــــلـــــيـــــــــاء:
ايييييييييييييييييييييه
خـــــواطـر مــــــكـــــــ,ـ,ـ,ــــووره:
من كثر ما انتي طفشانه نسيتي حتى ابوك هع هع هع
ســـــــــارعي للمجد والعـــــلـــــيـــــــــاء:
تستظرفين انتي ووجهك؟
خـــــواطـر مــــــكـــــــ,ـ,ـ,ــــووره:
لا انكت هههههههههه
ســـــــــارعي للمجد والعـــــلـــــيـــــــــاء:
خواطر..
خـــــواطـر مــــــكـــــــ,ـ,ـ,ــــووره:
لبيه
((عبد العزيز .. انا وشلون ابسلى وهذي كلامها كذا))
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك