رواية ماساتي في سطور الماضي -42
ريما: ابدر اللقافه اشتغلت عندنا وطلينا عليكم
بدر :اهااااااا
ريما :وبغينا ندخل بس ماحصل نصيب
بدر : افااااااااا ليه ماقلتي لي واجي انا ادخلك
ريما : ههههههههههه تبيها من الله
بدر : احلى مافيك انك فاهمتني بس وش اللي منعكم من الجيه للمزرعه
ريما :هههههههههههههه لا تذكرني
بدر : ليه
ريما: يوم عرضنا الفكره اشجع وحده بالشله صرخت لالالالالالالالالالا
بدر : مي
ريما :ههههههه ايه
بدر : بلا ولله من اللي شافته
ريما تسمع سوت السياره تحت وامها تناديها
ريما : بدور صديقاتي ينتظروني بطلع واذا جيت كلمتك
بدر : وين بتطلعين
ريما : اذا جيت قلت لك
بدر : ماراح اقفل لما اعرف حرمي المصون وبين بيدج
ريما : ههههههههههه ولله انك مضيع بروح السوق
بدر : أي سووق
ريما : مدري
بدر : وش ماتدرين قولي اسمه والا مافيه رووحه انا مو ناقص تروحين لسووق مليان شباب وتجيك ارقام
ريما :هههههههههه لا تخاف ماحد راح يناظرني والسوق مافيه شباب كثير واذا حددنا السوق قلت لك ارتحت
بدر : موووو مره يالله روحي لصديقاتك
وقفلواااااااا
بالسياره
ريما : وين قررتوا تروحون
سديم : مدري انتي ايش رايك وين تتوقعين القى حجابات زينه
ريما : ما ادري بس خلينا نروح لـ.....
مي : لا مو حلو نروح لـ...احسن
سديم : يالله حددوا
ريما : خلاص نروح لسوق مي
ساره : الحمدلله حددتوا السووق تعبت من الدوران بالشارع وقلبت كبدي
مي بهبال : لايكون حااااااامل
ساره: الحمد لله حامل وتوني مكمله شهر
مي : مدري قلت يمكن
ساره : اقوول الحمدلله عالعقل
ريما ارسلت لبدر اسم السووق اللي رايحين له
نواف : انا ودي اعرف جوالك ليه دايم تجيه مسجات وانا بس في المناسبات
بدر : قول ماشاءالله وبعدين وش هالمسجات اللي تقول عنها كلها من الخدمات اللي مشارك فيها
نواف : ماشاء الله وش هالخدمات اللي ماتخلي الجوال مايوّن " مايون تعني مايهدى"
بدر : اشترك بنادي الزعيم واخبار العربيه وصحه الرياض و
نواف : بس بس خلاص وهالمسج من موين ان شالله
بدر : لا هذا مسج غير لازم تشترك بنادي الحب
نواف : هاه
بدر : اقصد هذا من ريمتي
نواف : اهاااا مو توك مكلمها امداها تشتاق
بدر : يمه وانت وش حارك وبعدين اناقايل لها اذا حددت اسم السوق ترسل لي
نواف : اهاااا البنت من الحين بدت تجهز
بدر : لا اصلا هي اجلت الملكه رايحه مع صديقاتها
نواف : افاااا ليه اجلتها
بدر : وحده من صديقاتها بتسافر وهي معنده تبيها تحضرها
نواف : ومتى بترجع صديقتها
بدر : مو قبل اسبوعين
نواف : اها
بدر : يالله قوم
نواف : وين
بدر : مشتاق ابي اشوفها
نواف : انت منهبل وين تشوفها وهي طالعه للسوق
بدر: يالغبي بروح اشوفها بالسوق
نواف : ايالملعون قول كذا
بدر : ههههه اعجبك يالله قوم
نواف : ب مو فشيله تشوفها قدام صديقاتها
بدر : تكفي وش هالصديقات كلهم 3 مي وساره وسديم
نواف وقلبه صار يرقع يوم تذكر شكلها : وانت وش عرفك
بدر : مايبي لها ذكاء عمي مايخلي بنته تطلع الا معهم واللي بتسافر سديم اكييد هم
نواف : بس انا مكسل ماودي اروووح
بدربخبث : قم بس بلا حركات نص كم الا على فكره
نواف: هلا وش عندك
بدر : لازم تحط مظله بالمزرعه
نواف : وليه
بدر قاله سالفت البنات وهم يطلون ويشوفونهم يرقصون
نواف : افااااا عسى ماصوروا لنا مقاطع
بدر : بغوا يصورون بس ماقدروا
نواف : ليه
بدر : كانوا ناوين يجون المزرعه ويصورون عن قرب بس وحده كانت ميته خووووف وفلت لهم لا
نواف فهم قصد بدر : اهاااااااا وش رايك تلحق ع ريمتك قبل لا تطلع من السووق
بدر : صدقت
وفي السووووووق
البنات جالسين يفترون من محل الى محل
مي : لحظه بنات شوفوا محل عطور
سديم : يووووه يامي انتي فاضيه
مي : ماعلي منكم بروح له
ساره : خلاص روحي له لاتتاخرين انا بندخل هالمحل
راحت مي لمحل العطور وهي داخله لمحت اثنين يتلزقون
الاول : ياهوووووووو عبرني
الثاني : انا مو فاضيلك ابعد عن وجهي
مي ودها تصقعهم باقرب شيء
طلعت مي من المحل قرفانه نفسها وتروح للمحل اللي قالت ساره انهم بيجلسون فيه وماحصلتهم
مي " ياربي وين راحوا وذا الثيران يلاحقوني وش اسوي "
وهي تسرع بمشيتها وتكلم سديم
مي : وينكم
سديم : ليه وش صاير
مي : ابد الله يسلمك هالشباب مايخلون حركاتهم وينكم انتم
ريما : بمحل ...
مي :خلاص جيتكم
فجاء تصدم بشء
في قرنه ثانيه السووق
بدر : ماشفتها
نواف : يمكن مو بالسوق
بدر : لاهنا
نواف : طيب اتصل اسالها
بدر : لاصعبه
نواف : اوف منك انا رايح للمحل هناك اذا خلصت دوران ورى حبيبه القلب قول لي
بدر : اها طيب
ويروح نواف لمحل العطور
وبالصدفه شاف الحرمه اللي تتغازل
طبعا الولد ماحرك ساكن اخذ اللي يبه وطلع
نواف " ولله هالشباب مدري متى بيعقلون اذا جاهم الموووت ماراح يستفيدون "
طلع من المحل وهو طالع من المح شاف نفس الرجالين يلحقون الحرمه للمحل الثاني والحرمه باين عليها تنحاش منهم وتدور اهلها
طبعا نواف كمل مسيرته ويمشي
والحرمه طلعت من المحل وهي تتلفت ومسرعه وتكلم بالجوال مو منتبهه للي قدامه
وطاااااااااخ
مي من الخوووف طاح جوالها
نواف نزل يجيبه لها
فجاءة نواف " الجوال مو غريب علي "
يمد الجوال لمي
مي : اسفه مو قصدي ومشكـ....و
وتنصدم لما تشوف وجه وتعرف انه نواف
مي : وانا وين ماروح القاك
نواف : هلا
مي تاخذ جوالها : مشكور
نواف "انا وين اروح القـ....اك مي هذي مي "
طبعا نواف التفت يبي يشوفها لقاها اختفت
مي ترووووح لاخواتها
ساره : هاه ان شالله عجبك شيء
مي :هاه
ساره : وش فيك مفهيه
سديم : تلقينه من هاللي لحقوها قبل شوي
مي مازالت مصدومه فجاءه تسحب ريما
ريما :ميوو وش فيك
مي : تدرين من معانا بالسووق
ريما : لا مين
مي : نواف
ريما :هاه وين شفتيه
مي قالت لها السالفه
ريما : الله يقطع بليسك الولد بينجن والسبه انتي
مي : هههه وش اسوي هذي ضريبه الحلاوة
ريما : هه ع طاري الحلاوة شفتي هالشيف اللي مجعدين شعورهم
مي : ايه الله يقرفهم هذولي اللي يلحقوني
ريما : افااااااا على ايش يغازلون لو انهم زيوون قلت ماعليش يحق لهم
مي : ماعليك منهم
ريما : مثل ماقلتي ماعلينا منهم وين اخواتك ذلفوا
مي : ولله مالهم صاحب
ريما :اووووف وين بنلقاهم
مي : تعالي اكيد ما ابعدوا
ريما :طيب ماشفتي اخد مع نواف
مي بخبث : اهااااا لا ماشفت
ريما :امممم
مي : اتصلي ع بدر شوفي اذا معه او لا
ريما : طيب
وتتصل ريما ع بدر مشغوول
بدر : يالغبي شفني قدامك لف ع اليسار
نوااف : اهاااا شفتك
بدر : يالله تعال
وبعد ما اجتمعوا
نواف : ماحصلت ريما
بدر : لا
نواف : اناشفت مي
بدر : هاه وين
نواف :من شوي صدمت فيني
بدر : وش عرفك انها مي
نواف قال له السالفه
بدر : اهااااااااا طيب اصل ع ريما اشوف وينهم اكيد مي قالت لها انها شافتك
ويتصل ع ريما
مي : شوفوي ان ماتركونا في حالنا بوريهم شغل الله
ريما : خليهم يولون
الاول :اقوول خلود مامعاك صرف
خالد : لا ليه
محمد : انا سكري انخفض والحلو مو رايد يعطينا وجه
خالد : هههههههههههه ولا تزعل الحين يعطونك وجه
مي وهي منفجره :هيه انت وياه استحوا ع وجيهكم
محمد : سمعت خلود ايش تقول
خالد : لالا ماسمعت
مي : انتوا يالكلاب ان لحقتونا ماتلوموا الا انفسكم بنات الناس مو لعبه
محمد : افااااااااا مو كنها غلطت
ريما انتهبت لبدر اللي يتصل
ريما : بدر الحقني
بدر : ايش فيكم
ريما : شباب ناشبين لنا ومي تتضاربمعهم
بدر :وين
نواف يقاطعه :بدر شوف الزحمه عند المحل شكل فيه مضاربه
بدر :هاه ايش تقول
نواف ياشر للمحل
ريما: بدر وين رحت
بدر : انتوا قدام المحل ...
ريما : ايوووه
بدر : انا جايكم
وقفلواا
بدر وهو يكلم نواف :بسره الزحمه اللي هناك ع البنات
نواف : أي بنات
بدر : تعال وشف
وراحوا
ووصلوا على
خالد :افا ليه الحلو يغلط
مي : انت شايف وجهك اللي تقول ماسحين به حوش غنم
خالد : احترمي نفسك
مي : اذا احترمت نفسك ومالاحقت بنات خلق الله احترمتك
خالد يمد يده يمسك يدها
مي لاشعوريا سحب يدها وطراااااااااااااااااااااااااااااااااااااخ
الكل كان فاتح فمه مد يدها ع خالد ولد .....
مي : ان فكرت تمد يدك ثاني مرره اكسرها
خالد كان منصدم شلون هذي تضربه قدام الناس وتهزئه
خالد وهويمد يده : يابنت
بدر دخل بالعرض بعد مامل من دور المشاهد
بدر : احترم نفسك وروح بحال سبيلك
ريما بهمس :بدر الحملله اللي جيت
خالد : وانت ايش عليك
بدر :روووح احسن لك
خالد يدف بدر : مابقى الا اعرج يكلمني بهالطريقه
الكلمه كان لها اثر قوي ع بدر
نواف : احترم نفسك يالسافل
الكل لف جهت الصوت
مي كانت جامده في مكانها
محمد : انت مو عارف من تكلم عشان كذا اقلب وجهك ولا تتدخل في شيء مايخصك
نواف : متخسى الا انت خذ خويك وروحوا على زباله تحويكم
خالد : انت هيه من تحسب نفسك
نواف : اعرفك بنفسي انا نواف بن يعقوب الـ........
صمت يهب المكان
نواف وهو يمسك بدر من الارض
نواف : قوم حرام توسخ يدك بحشرات مثل هذولي
نواف يكلم البنات : يالله تعالوا
مي : ماراح اتحرك لما اخذ حقي
الكل يشوفها خالد ومحمد مازالوا مصدومين معقوله هذا واحد من عيال يعقوب
مي : الحين الشرطه والهيئه يجون
ريما : مي لاتفضحينا
مي بعناد : انا ابي حقي واظن الكل شهد على اللي صار
محمد يكلم خالد : وش نسوي الحين
خالد: لاتسوي شيء
محمد : هذا نواف بيودينا ورى الشمس
خالد :لاتخاف انت اجمد
وبعد دقايق الهيئه وصلوا وبشهاده الشهود اخذوا خالد ومحمد
والبنات واقفين مع بدر ونواف
والسكوت سيد الموقف
يرن جوال مي وترد
مي : هلا وينكم
سيم : انتم اللي وينكم اذن المغرب ولا شفناكم
مي : بلا ولله من فلاحتكم
سديم :وليه ايش صاير
مي بمرح :كالعاده شباب واخذوا جزاهم
سديم : ههههههه يعني الهيئه والشرطه وصلوا
مي :ههه ايه بس لا تتاخرون انا عند البوابه ننتظركم
نواف كان عينه ع مي " شلون هالبنت غريبه تدخل القلب بسرعه وعليها جرءة ماشفتها ع مخلوق والا خالد ولد .... تسحبه الهيئه بسبتها"
قفلت مي
ريما : ولك وجه تضحكين
مي : ليه انا ايش مسويه
بدر : ههههههههههههههه ماتعرفين
مي : لا ما اعرف قلي يالفالح
نواف وعيونه طايره بالبنت : ابد الله يسلمك خالد الـ... سحبتها الشرطه ع يدك وجاه كف محترم منك
مي : احسن هو الي جاب لنفسه هو لو شايف نفسه يغازل حرم يطب سووق يحوم الكبد
نواف :ههههههههههههه
مي انهبلت ع ضحكته
مي : ماقلت شيء يضحك
نواف : انتي مو طبيعيه
مي : ليه وش قالوا لك
نواف : ماقالوا شيء
صمت مرررره ثانيه بعدها دمووووووووع مي هلت
ريما : وين البنات
مي : احم بيجون الحين
ريما : ميووو ايش فيك
مي : مافيني شيء شوفي البنات وصلوا
البنات : هاي <<ماكانوا منتبهين ع بدر ونواف انهم واقفين مع البنات
ريما : هاي
سديم : يالله مشينا
مي ساكته
ساره : ميو وش فيك لايكون نفس كل مره
ريما : شلون يعني
سديم : ابد الله يسلمك بعد ماتشرشح الواحد وتجرجره ع مراكز الشرطه تبكي توها تحس بالرعبه
ريما :هههههههههههههههههه توها تخونك شجاعتك
مي من بين دموعها :هههههههههه وش اسوي مدري شلون مسكت نفسي
ريما تلف ع الشباب اللي ميتين ضحك
ريما : مشكورين
الشباب وهم يضحكون : ولوا ماعملنا الا الواجب
مي منفقعه مرارتها منهم : اظن مافيه شيء يضحك
نواف :هههههههههههههههههههههه
بدر وهويضحك : نواف اسكت
مي : اظاهر تبون تلحقون خالد
نواف :ههههههه لا الله يعافيك ياله يابدر مشينا
وراحوا عنهم سديم وساره فاتحين فمهم من هالزين اللي مع بدر
طبعا ريما قالت لهم عن نواف بالسياره
سديم : من جد هذا نواف ولد يعقوب
ريما : ايوه ليه
سديم : ابوه صديق عمي
ريما : اهااااااااا
ورجعوا البنات للبيت اما في السوق
بدر: رجلي تكسرت يالله خلينا نرجع
نواف : اصبر مدري وين حطيت الكيس
بدر : خلاص تعال نشتري من المحل مره ثانيه
نواف : لالا خلنا ندوره
بدر : يالبخيل ع حسابي
نواف : اجل يالله
وهم يمشون يسمعون
الاول :ولله ماخليها بحالها
الثاني :يعني وش بتسوي
الاول :انا خالد تجرجرني على الشرطه وتهزئني قدام خلق الله
محمد : طيب وين تلقاهم شكلهم طلعوا
خالد : هييين وين بتروح مني اخذت رقم لوحه السياره
محمد : لا
خالد : مو مشكله اعرف اجيبه موهي كاتبه محضر بالشرطه
محمد : ايه
خالد : خلاص انا اجيبها
بدر : يتكلمون عن مي
نواف بخوف : ايه وشكله ناوي عليها
بدر : ايش نسوي
نواف : مدري بس لازم نحميها
بدر : شلووووون
نواف : بحاول اعرف وش ناوي عليه
ياترى ايش راح يصير لمي
الجزء التاسع والعشرووون
رجعوا البنات هلكانين من السوق وعلى طول ع غرفهم وناموا
نواف رجع للبيت هلكان بس النووم مجافيه
نواف " يالله وش هالورط اللي طحتي فيها يامي هذا خالد وماراح يسكت عن حقه ههههههههه بس احسن يستاهل ماجاه بنات الناس مو لعبه "
نواف يتصل ع بدر
بدر : هلا
نواف : اهلين
بدر : خير اشوفك متصل
نواف : يالله مع السلامه
بدر : وين مع السلامه
نواف : انا ادري عنك متصل وتقول وش عندك
بدر : بلى مو من عوايدك وماصار لنا نص ساعه مخلين بعض
نواف : طيب الزبده تسمع وش ابي والا لا
بدر : قول الدرر اللي عندك
نواف : ابي سكن مي
بدر :هههههههههه امداك اشتقت وبتروح تخطب
نواف بجديه : انت رايق انا خايف لايسوي لها خالد شيء
بدر : اهااا بس ولله ماادل الا بيتهم القديم بجنب بيت عمي توهم ناقلين
نواف: افاااا وين نقلوا
بدر : بيت عمهم يوسف اللي بالـ……
نواف : تقصد قصره
بدر : ايووه تعرفه
نواف : ايه بينه وبين بيتنا شارعين
بدر : اهااااااااااطيب ايش ناوي عليه
نواف : الى الحين ما ادري بس بحاول ابعدها عن خالد
بدر : الله يقويك تبي شيء الحين
نواف : ليه مشغول
بدر : لا بس راسي صاكني فيني النوووووووووووووم
نواف : هههههههه نوم الظالم عباده بايووو
بدر وهو يطالع شاشه الجهاز : انا ظالم هيييين اردها لك
نواف جلس يفكر شلون يبعد خالد عن مي
نواف " مافيه حل الا اني اراقب بيتهم وطلعاتهم في الوقت الحالي "
ونفذ اللي براسه ويوم الاحد كان واقف قدام القصر من العصر وحتى الليل
بدر اتصل ع نواف وشرح نواف لبدر خطته
بدر : انت لا تتعب ماراح يطلعون من البيت اليوم حتى بكره يمكن بس يرحون للمطارالعصر يودعون اختها
نواف : اهااا طيب مشكور ع الخدمه
بدر : العفو
نواف : تبي شيء
بدر : سلامتك باي
وقفلوااا
بدر بدوره يكلم ريما ويقولها عن نواف وحمايته لمي
ريما : يعني يحبها
بدر : تقريبا بس مابعد بصمت بالعشره
ريما : اهاااااا اذا بصمت بالعشره حاكني
بدر : افاااااااااااا ليه كذا
ريما : بدور شايف الساعه كم
بدر :2
ريما :حلوووووو عارف انها 2 انا وحده مصدعه
بدر : اهاااااااا طيب نوم العوافي
ريما : تصبح ع خير
ريما توها بتحط راسها وتنام تسمع نغمت مسج
فتحت المسج طلع من مي
رموووو مالي الا انتي محد معبرني بهالقصر افتحي الماسنجر ابي اسولف
طبعا ريما ماقدرت ترفض طلب لمي فتحت الماسنجر
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك