رواية ماساتي في سطور الماضي -4
في بيت فهد يرن التلفون الكل كان لاهي باللي صار ولا احد شال التلفون والمتصل كانت ريما تبي تعرف وش صار لهم العيال صار لهم 3ايام مورايحين للمدرسة حست ريما ان سديم زعلانه منها بسبت اللي صار في المطعم ذاك اليوم وتدق على جوالها وماترد كانت سديم نايمه من شده التعب ولا سمعته يرن المهم أرسلت ريما لها رساله
"سدوم حبيبتي وش فيك وليه لك 3 أيام ماداومتي لا تكونين زعلانه مني ترى مو قصدي ازعلك ذاك اليوم "
طبعا ريما ماحصلت رد
المهم يرن جوالها
ريما:هلا
تركي : هلا ولله وش فيك
ريما : سلامتك مافيني شيء
تركي : هاه وش أخبار سديم
ريما : ولله مدري 3 أيام لاحس ولا خبر
تركي : ليه عسى ماشر صار في عمها شيء
ريما : وش دخل عمها في الموضوع
تركي : وجع وينك عايشه فيه عمها الحين مسافر اليوم مع ولده
ريما : لا ولله وين راح مع ولده توه صغير
تركي : يالخبله وين صغير معه بيكمل 25 وأنتي تقولين صغير
ريما : شارب شيء مازن بيكمل 10 هذاك فيصل وفيصل مهاجر
تركي : ولله انتي اللي شاربه فيصل راجع من يومين
ريما : احلف سديم ليه ماقالت لي
تركي : فاضيه لامك هي أبوها بين الحياة والموت وتبينها تدق عليك وتعلمك
ريما : اقول شكلك تنصب علي
تركي : احترمي نفسك انا يمكن اكذب بس ماانصب هــــــــــــــــهههههه
ريما : ياخف دمك ياشيخ
تركي : وش فيك نار شابه "مولعه"
ريما : الحين تتكلم صدق والا لا
تركي : تبين ادق على سعود تتاكدين
ريما : وش دخل سعود بعد
تركي : هو اللي موديهم للمطار
ريما : أخس ولله ياسعيدان
تركي :خلينا من هالموضوع عندي موضوع اكبر منه
ريما:وش هو اخلص علي
تركي : وراك مادقيتي علي ذاك اليوم يوم اقول لك دقي علي
ريما: ولله مافضيت وبعدين وش تبي
تركي : موانتي تهمك سعادة سديم مثل ماتهمني سعادة سعود
)ريما : صح بس انجزعلي "سبق ترجمتها(
تركي : وش رايك نساعدهم أنهم يتزوجون بعض
ريما :ايه وشلون
تركي :زي ماتعرفين سديم تحب الكتابه بصير انشر لها في المجلة باسم مستعار وطبعا اللي ماتعرفينه ان سعود يكتب بعد في مجله ابوه لكن باسم مستعار
ريما : قل ولله 0000طيب وش اسمه
تركي : وجع يالمطفوقه "يعنى مستعجله "خليني اكمل
ريما :يالله كمل
تركي : انا وش قلت 0000 اسمه الشامخ بس لا تقولين شي ء لسديم أبيهم يتعرفون على بعض لان كل واحد يكره الجنس الأخر
ريما : سديم واعرف ليه تكره الرجال بس سعود ليه يكرهنا بعد
تركي :لانه تعرف على وحده بالشات وحبها وهي استغلت حبه وخلته يصّرف عليها ثم يوم لقت واحد ثاني سحبت عليه طيب انا الحين ما عرفت ليه تكره سديم الرجال
ريما : سديم ما اقدر اقولك شيء عنها بس مو مبرر ان سعود يكره كل البنات ومعروف أصلا ان كل اغلب البنات في التنتن "يتهيئلي انكم عرفتوا معناها "مو صادقين في مشاعرهم
تركي : عاد وش تقولين في سعود رأسه ايبس من الصخر
ريما : طيب وش تبيني أسوي
تركي : ابيك تشوفين سديم وتقنعينها انها تنشر مقالاتها في المجلة عندنا
ريما : واذا ما وافقت
تركي : لابتوافق اذا ضغطتي عليها
ريما : تدري سديم وسعود احس انهم يميلون لبعض شفت تصرفاتهم في المطار
تركي : اجل ليه يالذكيه أبي أقربهم من بعض
ريما : مدري عنك
تركي : وأبيك تسألينها عن القصة اللي غيرت شعورها تجاهنا
ريما : طيب ليه
تركي : بس فيه شيء براسي أبي اتاكد منه
ريما : وشو
تركي : بعدين تعرفين يالله معي خط
ريما :باي
ريما "يالله كل هذا يصير معك ياسديم ولا تقولين لي ليش كل هذا يمكن زعلانه مني لابس هي ماتزعل على سبب تافهة بشوف برسل لها وان ماردت يعني زعلانه "
سديم صحت من النوم وسمعت جوالها يدق
سديم : هلا ولله
احمد : هلا فيك وينك كن ماعندك خال والا من لقى احبابه نسى أصحابه
سديم : افاااا >>أتحداكم كم مره كتبت افا في القصة الدعوة كلها افاااااااااااااااات
وش هالكلام ياخالي بس تعرف الظروف اللي مرينا فيها
احمد : ايه كنت امـــــــــــــــــــــــــــزح معك بس وش رايك أمرك اليوم نتعشى مع بعض
سديم : لا ياخالي صعبه اطلع وش بيقولون الناس أبوها بين الحياة والموت وانا أتمشى انت تعال تعشى معنا
احمد : لا أخاف أثقل عليكم
سديم : وش تثقل أمي حصه ماراح تمانع يالله تعال بسرعة بروح أولّم
"أجهز " الشواهي والقهاوي
سكرت الخط علشان مايتهرب من العزيمه
احمد "ولله بنت أختي موصاحيه وش عندها يالله خلني اروح قبل ماتزعل "
سديم بعد ما قفلت شاافت المكالمات التي لم يرد عليها والرساله شافت المكالمات طلعت 1من احمد و2 من ريما والرساله من ريما المهم قرت الرساله وممداها تقفل الرساله تبي تدق على ريما الا رساله ثانيه تجيها وكانت وسائط شغلتها
"جفا الأصحاب يقتلني00 يقتلني ترى أسئل 00 سيف الهم تراه استل" "كملوها انتم نسيتها "
الدمعة خنقت سديم يوم سمعت الرساله ودقت بسرعة على ريما
سديم : هلا حبيبتي وش فيك وش اللي صاير
ريما : هلا ولله مافيني شيء بس خفت انك تزعلين علي
سديم : وليه ازعل وبعدين انا اقدر ازعل على كل الناس بس انتي لا
ريما : طيب ليه مادقيتي علي وليه 3 أيام غايبه انتي وسارة مع ان ساره عليها امتحان كيمياء وكانت مسببه ازمه
سديم : بشويش علي علشان اعرف أجاوب هذا ياحبيبتي 0000000000000000000000000000000000000000وقالت لها السالفة من طقطق إلى السلام عليكم
ريما :اهـــــــــــــــــــــــــــــــــــــــــــــــ ــــــــــــــاء علشان كذا طيب فيصل ماجاب ولده معه
سديم :أي ولد
ريما ومسويه على بالي ماهتمت : مادري ذاك الولد اللي يقول خالك عنه
سديم : ولله مدري ماسالته
ريما : طيب تركي يسالني عن قصه الشامخ
سديم : ماشاء الله عليه إلى الحين يذكرها حسبته نساها
ريما:لا مانساها انجزي علي "سبق تعريفها
سديم : تدرين بقول لك شيء ماراح تصدقينه
ريما : وشو
سديم :تذكرين يوم نجيب خالي
ريما :لاماذكر تراها من 3 أيام بس اخلصي وش قالوا لك فاقده الذاكرة
سديم : وجع بشويش علي والا ماقلت لك
ريما :اخلصي
سديم :كنت فاتحه البلوتوث
ريما : اعرف وبعدين
سديم : وجع وين تعرفين معه
ريما : لأني انا فاتحه بلوتوثي بعد وشفت اسمك المهم وش صار
سديم : تعرفين الشامخ راعي القصة
ريما :لا مااعرفه يختي وش فيك اليوم قولي السالفة بسرعة
سديم : المهم راسلني
ريما : وجع وين راسلك معه
سديم : يعني وين من البلوتوث
ريما :وجع وش دراك انه هو
سديم :هو قالي اسمعي اللي صار00000000000000000000وقالت لها السالفة كلها
ريما : سديم أكلمك بعدين يالله معي خط
سديم :وجع مابعد كملت لك وش رد علي يوم أرسلت له رساله خاصة
ريما: ايه صح وش رد
سديم : لامارد شكله مادخل وما بعد فضيت ادخل يمكن رد وانا ماشفته
ريما :اقول يابردك يالله مع السلامهطبعا اختنا في الله ريمـــــــــــــــــــــــــــــــــــــــــــــــ ــــــــا فهمت كل السالفة ودقت على تركي كان تركي توه مار سعود وراح هو وياه
للكوفي شوب رن جواله
تركي : هلا ولله
ريما : اهلين معك احد
تركي : ايه
ريما : لا يكون روميو
تركي : من روميو
ريما : اقصد سعود
تركي وهو يضحك : أيــــــــــــــــــــــــــــــــــــــــــــه ليش
ريما:بلاك ما تدري وش صايربين جولييت وروميو
تركي : رميو عرفنا من هو بس جولييت من هي لايكون اللي باللي بالك
ريما : ايه مسوين كل واحد يكره الثاني
تركي لف على سعود وهو يضحك :لالا وش صاير
ريما :اسمع 0000000000000وقالت له السالفة
تركي : يصير خير انتي راقبي من عندك وانا من عندي
ريما : خلاص أوافيك بأهم الأنباء بعد مايصير شيء وانت لاتنسى
تركي : لا افا عليبك تو اللعب بداء يحلى يالله باي
سعود:وش فيك تناظرني وتضحك ومن روميو وجولييت
تركي :لا سلامتك وبعدين احد مايعرف من هم روميو وجولييت
سعود : عسى ماشر فيك شيء اليوم
تركي : اقول خلنا من هالكلام اللي ماله داعي متى اخرمره دخلت التنتن
سعود : يوه من زمان
تركي : وراك هماك منزل موضوع وتبي تشوف الردود
سعود: أيــــــــــــــــــــــــــــــــــــــوه ذكرتني
تركي يبي يسحب الكلام منه : لا وش ذكرتك فيه
سعود : في وحده
تركي : وش وحدة انت ماتمل ولا تتوب
سعود : يرحم امك لا يروح بالك بعيد
تركي : هو بيروح بعيد ان ماقلت لي القصة
سعود :ياربيه يالنشبه اسمع 0000000000000000وقال له السالفة
تركي : انا اقول ورى أزره الجوال دخلت كل هذا مع الحماس
سعود : يرحم امك هوّنا ولله مافيه شيء من اللي في بالك
تركي :الا صدق وش تبي منها
سعود: لا بس أبي اعرف ليش اسمها كذا
تركي : علي يالحبيب
سعود: اقول بدال ماارجع للبيت وش رايك نستاجر وحدة من غرف الدردشة في الكوفي شوب علشان تعرف الموضوع
تركي :خلاص okمافيه مشكله
طبعا خذولهم الغرفة وفتح المنتدى
لقى له رساله خاصة فتحها مافهم وش فيها
تركي : اقول وش هالرسايل الخاصه ومن هي ملاك الحزن ومملكه الحنيه
سعود : مدري شكلها هي الانثى الجريحة
تركي : ياحليلك وياحليلها شكلها طيبه
سعود : وانت وش دراك
تركي : باين من اسمائها ومن تصديقها لك
سعود: خير وانا وش مسوي
تركي : لاسلامتك بس قلت لها ادخلي وانت سحبت عليها
سعود : اقول ورى ماتعشق الراحة
تركي : بلا ولله من الرفيق اللي قاعد معه غاوي نكد
سعود : اقول بس وخر عني بس خلني أشوف دخلت المنتدى والا لا
تركي :اقول قم بس ورح بيتكم ارخص لك
سعود : دقايق برسل لها رساله خاصة
تركي : وش بتكتب فيها
سعود : مالك شغل 00000وكتب
"انا أسف أختي نسيت ادخل ذاك اليوم كانت عندي ظروف بس حبيت أقولك علشان ماتاخذين عني فكره شينه وترى انا داخل انشاء الله على الوحدة "
وسكر وطلع فتحت سديم الرساله الخاصه يمكن بعد ربع ساعه وقرتها وطلعت دقت على ريما
ريما :هلا وش صاير اليوم سديم تدق علي مرتين لا وبعد مرور اقل من ساعه
سديم : اسمعي يالخبله دخلت المنتدى 0000000وق/س"يعني قالت السالفه
ريما: وبتدخلين الساعة وحده
سديم : مدري يالله مع السلامه
ريما :وشفيك
سديم : الباب يطق شكله خالي احمد يالله مع السلامه
ريما :طيب يالله أشوفك بكره انشاء الله
سديم : باااي
راحت سديم وفتحت الباب ودخلت خالها احمد للمجلس وراحت تجيب الشواهي والقهاوي وطبعا محد يدري انه فيه الا حصه المهم ساره كانت متحمسة وهي تلعب مع مازن توزي "يعني غميمه"
المهم سوت فالحة ودخلت على احمد بقميص وردي وكانت رافعه شعرها بربطه ومع الحماس كان حوسه بس طبعا البنت كانت مملوحه مع كل هالحوسه
احمد أنصدم من اللي دخلت عليه وسارة" فتحت خشتها يعني طقتها البوهه يعني كنّه بريق مويه بارد وانكب عليها" من الجمال اللي كان واقف قدامها ماصدقت من ذا الزين معقوله فيه سعودين بهالجمال وبعدين وين دخل معه المهم بعد لحظه تامل انسحبت ساره بكل هدوء وطلعت تركض لغرفتها وفي الطريق رقعت"صدمت " في سديم
سديم : ساره عسى ماشر وش فيك
ساره : هاه وشو
سديم : وش فيك منتي طبيعيه ابوي فيه شيء
ساره : لا ابوي وش دخله
سديم : مدري عنك وش فيك
ساره : لابس من في المجلس
سديم : خالي ليه
ساره : لاصدق ولله هالزين خالك
سديم : اقول منهبله وش صار لك
ساره : بعدين بعدين أقولك
سديم : براحتك
دخلت سديم على خالها اللي كانت علامات الدهشة باينه على وجهه
سديم : هلا ولله بخالي
احمد :هـ هـ هلافيك
سديم : وش فيك بعد انت
احمد : لا مافيني شيء بس
سديم : وش بس
احمد : من اللي لابس اليوم قميص وردي
سديم : من تقصد ساره
احمد : هاه هي اسمها ساره
سديم حست بنفسها انها غبية شوي وش درى خالها ان ساره لابسه قميص وسارة ليش كن واحد معطيها كف على وجهها
سديم : وش قصتكم
احمد : لابس 00000000000000000ق/س
سديم : انا اقول وش فيكم كل واحد كنه مصفوق على وجهه
احمد : ليه هي قالت لك شيء
سديم : لا بس صقعتني وقامت تقول كلام مومفهوم
احمد : شكلي هبلتها "جننتها "
سديم : وش هباتها فيه ياحسره من زينك هي احلى منك
احمد:افاااااااااا ليه كذا وهذا وانا ناوي أخطبها اجل هونت
سديم : صدق ولله تراها طيبه وتحب الدراسه وتهبل
احمد : هيه وش فيك كنت امزح وبعدين ماراح اتزوج لما ازوجك
سديم : لا عاد بلا سخافه انا مابي اتزوج
احمد : اقول اتركينت من هالسالفه وش اخباردراستك
سديم : زينه الحمد لله
0000000000000000000000000000000
وجلسوا يسولفون حتى 10بالليل
راحت سديم لغرفه ساره
سديم :سارونه وش سويتي اليوم
ساره : ولله موقصدي كنت العب مع مازن واحسبه في المجلس يوم دخلت الا اشوف وائل كفوري سعودي كان انهبل
سديم :بسم الله على خالى خالى ازين منه
ساره : المهم زين
سديم : اقول وش رايك ازوجك ايا ه"(يابنات لاحقوا عمركم اللي تبيه تقولي قبل لا يروح لسويرههــــــــــــــــــــــــــه
ساره مسويه ثقل : لا هو اكبر مني بـ10سنين
سديم : خلاص يعني ماتبينه
ساره : موقصدي لاتزعلين وبعدين ابوي في المستشفى وانت تقولين كذا
سديم ضحكت وطلعت عرفت ان الاثنين عجبوا بعض المهم ماعلينا
سعود رجع للبيت وجلس مع ابوه يدردشون
يوسف :ياولدي مادقيت على عيال عمك تشوف هم محتاجين شيء
سعود : لا ولله ولا يهمك ادق بكره
يوسف : ليه ماتدق اليوم
سعود : صعبه تلقاهم نايمين بكره مدارس
يوسف :لا تونا الساعة مابعد وصلت 11
سعود : خلاص بتصل
المهم اتصل سعود
سعود : السلام عليكم
مازن : وعليكم السلام
سعود : من معي
مازن : انت من تبغى بيته
في هالوقت بنت تكلم مازن حبيبي مازن من على التلفون
مازن: مدري من هو
سديم :عطني اشوف
سعود : السلام عليكم
سديم : وعليكم السلام امر لخوي بغيت شيء
سعود: كيف الحال
سديم : عفوا من معي
سعود : موهذا بيت ابو فيصل
سديم : الا من بغيت
سعود: من معي ساره والا سديم
سديم : لا سديم بس ممكن اعرف من انت
سعود :معك سعود ولد عمك
سديم سكتت فجاءة ماتدري وش تقول
سعود : سديم وين رحتي
سديم : لا معك سم وش بغيت
سعود : الله بشويش علي علاطول وش بغيت مافيه شلون عمي مافيه سلام
سعود حلا له الجو
سديم : هلا ولله كيفك كيف عمي هاه وش تبي
سعود :لا دقيت اسأل تبون شيء قاصركم شيء"أي ناقصكم شيء"
سديم : لا تسلم مانبغى شيء
سعود : اذا بغيتوا شيء دقوا علي ترى عمي وفيصل موصيني عليكم
سديم : لا عدمناك اذا بغينا شيء اتصلنا عليك
سعود:يالله تصبحون على خير
سديم : وانت من اهله
وسكـــــــــــــــــــــــــــــــــــــــــــــــ ــــروا سديم راحت لغرفتها وجلست تكتب في دفترها الأسود
"لا املك جواب لما ساكتب 00اريد من يملكه 00آآه 00آآه ياقلبي الحزين 00هل ياقلبي استطعت ان تسامح من قتل ابتسامتك 00
وهل تستطيع ان تحب من اهان كبرياءك بغروره 00لا اعرف ما بك ياقلب 00لم اعد افهم مابي قلبي 00يتعبني حالي هذا ويشعرني بالكثير
من الأسى ""
سكرت سديم دفترها وقررت انها تنهي علاقتها بالشامخ مع ان ما فيه أي علاقة بس خافت يغير شعورها تجاه الرجال وتبداء تميل له أو لسعود دخلت المنتدى على 11.30 تبي ترسل له رسله خاصة بس طلع سعود فيه ومسكها
اليكــــــــــــــــــــــــــــــــــــــــــــــ ـــــــــــــــــــــــم مادار من حديث داخل شات المنتدى
الشامخ: هلا وينك من طول الغيبات جاب الغنايم
ملاك الحزن ومملكه الحنيه : اهلين امر بغيت شيء
الشامخ : وش فيك
ملاك الحزن 00: مافيني شيء وش كنت تبغى بسرعة قبل مااطلع
الشامخ : وراك تكلميني كذا
ملاك الحزن00: وشلون تبيني أكلمك
الشامخ : مو معقول انت هي الانثى الجريحة
ملاك الحزن 00: انا ماابي أزيد كرهك على البنات وكرهي يزيد على الشباب
الشامخ : عسى ما شر وش فيك وبعدين انا متفقين نكون إخوان
ملاك الحزن 00: ولله مافيني شيء واكتشفت ان مافيه أخوه في التنتن
الشامخ : افاااااا ماهقيتها منك هذا وانا ناوي أقولك عطيني الايميل
ملاك الحزن 00: معليش انا أسفه بغيت شيء قبل ما اطلع
الشامخ : خلاص مابي شيء بااااي
ملاك الحزن 00: بااي
سديم بعد ماطلعت حست كن ودها تصيح المهم دقت على ريما
ريما : انت منتي طبيعيه اليوم ولله بيجيني هبال كم مره تدقين في اليوم
سديم : انا أسفه ان كاني ازعجتك يالله بااي
ريما : هيـــــــــــــــــــه وش فيك كنت امزح وبعدين وش فيه صوتك
سديم : مافيني شيء بس متضايقة وودي اصيح
ريما: عسى ماشر وش فيك
سديم : مدري بس من يوم كلمت سعود وانا متلخبطه وكملها الشامخ
ريما : ليه وش صار
سديم :0000000ق/س
ريما : طيب الشامخ ليش تنهين العلاقة معه هو وش سوى
سديم : ماسوى شيء بس
ريما : بس وشو
سديم : خفت
ريما : وش خفتي منه
سديم : مدري خفت انه يغير نظرتي للشباب وأحس اني كنت ظالمتهم أو أميل له أو لس000
ريما: وش فيك وقفتي أو لسعود صح
سديم : ايه
ريما : سديم حبيبتي إلى متى بتظلمين كذا
سديم : ريما انتي تعرفين اني مااقدر
ريما : سديم انتي مو ضعيفه ليش تسوين كذا انتي لازم تثبتين وجودك وبعدين واذا مرت بك مشكله وانتي صغيره لا تخلينها تحطمك سديم : ريما انتي كنك ماتعرفين اللي صاير لي
ريما : تكفين سديم انسي هالسالفه الى متى بتظلين كذا وبعدين لازم تعيشين حياتك مع اللي تحبينه
سديم : اللي يسمعك يقول فيه احد حبني وانا صكيت الباب في وجهه أصلا اول مابيعرفون حقيقتي بيتركوني ولا موبعيده يكرهوني
ريما : وش حقيقته انت مالك ذنب وبعيد اشوف انا ماكرهتك يوم دريت بالسالفه
سديم : انت تغير
ريما : ليش وش فيني غير
سديم : ماادري بس غير
ريما : سديم اسمعيني انتي لازم تتغلبين على اللي انت فيه وانا عندي الطريقه
سديم : على أيدينك
ريما : انتي تكتبين صح
سديم : ايه وبعدين
ريما : ولا قبلين بس انتي اكتبي وفرغي اللي فيك وانا اخلي تركي ينشرها باسم مستعار
سديم : انتي وش قاعدة تقولين أنا مااكتب الا الخواطر الحزينه
ريما : هذا عز الطلب واكتبي قصتك على سبيل انها قصه قصيرة موحقيقه وبعدين سوي استفتاء
سديم : بس خاف عمي يرفض أو سعود
ريما : انت ماعليك قولي بس ايه وسعود ليه يرفض وبعدين مولازم يدري وعمك سهله تركي يتصرف
سديم : خلاص بس موالحين
ريما : انتي بس هماك وافقتي خلاص متى ماتبين تركي حاظر
: ريما الله لايحرمني منكسديم والعبرة خانقتها
ريما : اميــــــــــــــــــــــــــــــــــن بس لا تبدين المناحه
سديم : انشالله باي
ريما : باااي
طبعا سكرت ريما من هنا وكلمت تركي من هنا
ريما : هلا وينك معك احد
تركي : وجع وش فيك هدي شوي انا في البيت على الماسنجر
ريما : سعود معك
تركي : لا ماشفته
ريما : اجل اسمع اللي صار 0000ق/س
تركي : الله الله كل ذا منك يا سعيدان بس اوريك فيهم ان ماخليتهم يتزوجون مايكون اسمي تركي خلاص انا بضبط خطه واقولك
ريما : لا تطّول بااي
المهم لقط تركي التلفون ودق على سعود
تركي : هاه وش صار مع الحب الجديد
سعود : أي حب
تركي : الانثى الجريحــــــــــــة من غيرها اللي ماخذ بالك
سعود : اقول اعشق الراحــــــــــــــــــــــــــة أي حب
تركي : لالا على غير تركي والحركات تخاف اخذها منك
سعود :هههههههههه ضحكتني ياشيخ اذا عطتك وجهه قابلني على الجسر المعلق >>معلم من معلم البلاد الغاليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك