رواية ماساتي في سطور الماضي -36

رواية ماساتي في سطور الماضي -36

مي : تونا مابعد جت اربع وبعدين بنفطر وننام

ساره : بكيفكم انا واصله حدي

سديم : خلاص روحي وانا بجلس مع مي

المهم ساره راحت ومي حاسه ان سديم تبي تقول لها شيء

مي : يالله سدوووووووم اسمعك

سديم : هاه

مي : ههههههههه قولي اللي تبين انا عارفه تبين تقولين شيء باين بعينك

سديم بتردد: ابسالك ليه

مي : ليه سويت مع ريما كذا

سديم هزت راسها بمعنى ايه

مي : شوفي سدوم انا يوم 00000وق\س

سديم كانت مبلمه

مي : وانا متاكده من اللي سمعته

سديم : طيب ايش الحل

مي : الحل انهم يبعدون عن بعض

سديم : ريما طيب شلون وافقتك

مي : ريما تحب بدر وتموت فيه بس ماكانت تعرف رجعت فيصل وبٌعد بدر هو اللي دفن هالحب ولما صار له الحادث طلع مره ثانيه

سديم ومستغربه من تفكير مي عمرها ما فكرت انها بهالعقل والتتفكير

مي تشوف نظران سديم المصدومه

مي : ههههههههههههههه وش جالسه تتمقلين فيه

سديم : عمري ماتخيلتك بهالعقل

مي : عشان تعرفين قدري

ضمت سديم اختها وهي فرحانه فيها

مي : خلاص قبرتيني

سديم وهي تبعد عنها : مو كفو حنان

مي بتقهرها : خلي الحنان لسعودك انا بيجني اللي بيعطيني الحنان ان شاءالله

سديم ولعت خدودها : وجع استحي ع وجهك

مي :اذا استحيتي ع وجهك انتي بالاول

سديم : وجع وانا ايش مسويه

مي تاشر ع مكان مخفي العيوب برقبتها وفطست ضحك وسديم فهمتها وولعت ثانيه <هع هع مو لازم تعرفووون ليش يضحكون يمكن تذكروووو شيء

في مكان ثاني وبعالم ثاني ملء بالرومنسيه

كان جالس لحاله يبكي ع اطلال حبيبته يتذكر كيف جمعهم الحب والقدر فرقهم كانت مثل الملاك حنونه قلبها كبير بس معقوله راحت ورجعت مره ثانيه لالالا مو معقول اللي يغيبه المووووت مايرجع

بس شلون هي نفسها نفس التفكير نفس كل شيء لا مو معقول يمكن يتهياء لي

معقوله القدر مثل ما خذك مني رجعك ثانيه

اااااااااااااااااااااااااااااه يازمن كيف قسيت

لحظه صمت مع ذاته

شلون رجعت لي ندى وبعصبيه يرد ع نفسه لالالا مو ندى ويرجع يكمل وينطق اسمها بكل نعووووووووومه هذي مو نداوي هذي مي

قام من مكانه

كيف كيف مو معقول راسي بينفجر حتى الصوت نفس الصوت ااااااااااااه كيف كيف تقدر تخون يانواف هذي ندووو حب 5 سنين حب الغربه

ويقاطعه نفسه حتى هي خاينه نسيت كم واحد حبت قبلك وكم بعدك

اصحى يانواف ندووووي عمرها ما خانتك كانت تبي تبعدها عنك ماتبيك تعاني معها

لالا يارب وش جالس يصير

نواف اصحى تخون ندى ماصار لها سنه من بعدت عنك وانت تفكر بغيرها

بس هذي بعد ندى لالالالا مو ندى ندى ماتت ماتت وموتت قلبك معها

وجلس نواف بهالحاله حتى نام

اما بدر اللي كانت الدنيا مو سايعته بعد اللي صاير له مع ريما تذكر نواف

بدر " ااااااااااه يانواف شلون اقدر اساعدك ان شاء الله يتحقق اللي ببالي وترجع نواف اللي قبل صدق ما تستاهل اللي يحصل لك "

لحظه صمت

" مالي الا ريما هي اللي بتساعدني بس اخاف ما يكون اللي ببالي لالالا اتصل واشوف بس مو كن الوقت متاخر بشوف ماراح اطول "

ريما كانت توهاحاطه راسه ونايمه والا وجوالها يدق تاخذ التلفون بدون ماتشوف المتصل

ريما : يا قلبي انتي وياها اختارووو اوقات احسن

بدر طاح وجهه عرف انها نايمه

ريما : ياهوووووووه مو رايقه لهبالكم

ولا رد

ريما : سدوم عن الهبال وانت واللي معك خلاص عرفنا انكم فالينها وكملتوا السهره

ولارد

ريما شكت ان الخط فصل تطالع الجوال

وفتحت عيونها من الصدمه

بدر حس انها عرفته

بدر : اسف ازعجتك

ريما بخجل : لا عادي

بدر : اممم طيب ليه كنتي معصبه

ريما : ابد الله يسلمك كل ربع ساعه شلتي يتصلون ويقهروني لانهم مكملين السهره وانا رجعت

بدر : اهااا

صمت

ريما : بدر فيك شيء

بدر : هاه

ريما : ما اتوقع متصل 5 الفجر وماتبي شيء مهم والا عندي

بدر يصرف : اعرف اخبارك اهم شيء عندي

ريما استحت

ريما : لا بجد

بدر : انتي قلتيها الوقت مو مناسب اتصل وقت ثاني

ريما والفضول بيذبحها والنوم طار : لالا قل يوم طيرت نومي

بدر : هههههههههههه ماتوقعتك ملقوفه

ريما بقهر : افااااااااااااااااااا طيب تشكرااات

بدر : ههههههههههه امزززززززززززح

ريما : طيب تبي شيء

بدر يبي يقهرها: سلامتك

ريما والطبلون بينفجر : يعني منت قايل باي باي

بدر : ياويلي وش صار لقلبي

ريما : خير وش صار

بدر : ابد انت عصبتي وقلبي وقف معك

ريما: ههههههههههههههههههههه الله يقطع بليسك

بدر : كم مره قايل لك لا تضحكين يجيني مثل الخفّه "الهبال "

ريما ولعت خدودها

بدر : احمحم المهم كنت بسالك عن شيء وولا تسالي ليه انا بشرح كل شيء بس بوقته

ريما : اوكي ايش عندك

بدر : مي

ريما : ايش فيها

بدر : مرتبطه

ريما مستغربه : لا توها 17 سنه

بدر : مو يعني متزوجه او مخطوبه بس اقصد تحب

ريما : لا ما اتوقع

بدر : ليه

ريما : لاني اعرف مواصفاتها وماراح تلاقي

بدر : اهااا ممكن اعرف

ريما مستغربه : وليه كل هالاسئله

بدر : اممم وش اعتبر سؤالك غيره والا استطلاع

ريما : مو شغلك ابي اعرف

بدر : ان كانه غيره فدييييييييييييييييييت اللي يغارون وان كانه استطلاع بعد فديته

ريما ما تستحمل من الحياء بتقفل بوجهه

بدر : رمو فيه موضوع براسي عشان كذا ابي اعرف وان كانه بينجح قلت لك ما ابي اتامل بشيء قبل ما اتاكد

ريما طبعا قالت كل المواصفات

بدر : اهااا طيب عندك ايميل

ريما : ايه

بدر : اذا ممكن تعطينياه

ريما : طيب برسله لك

بدر : ابرسل لك شيء وانا اليوم العصر طالع من المستشفى اذا قدرتي تدخلي ع الساعه 10 بالليل اقول لك كل شيء

ريمابحماس تبي تعرف الموضوع : افاااااااااا عليك من 9 وانا مرتكزه

بدر : اهاا كل هذا حماس اممممم ع بالي شوووق

ريما : بدووووووور خلاص باي

بدر : ااااااااااااااااااااااااااه منك باي

وقفلوااااااااااا

ريما ترتاح لما تكلمه بس فيه شيء ناقصها ما تعرف ايش هو تحس فرحتهامسروقه يمكن تحس بتعذيب الضمير ع فيصل وبعد كل اللي عرفته عنه زياده وانه خطبها اكييد هو يحبها شلون بتجرحه ااااااااااااااااااااااااه ياربي ساعدني

بكررررررررررره العصر

حصه تصحي مي من النوم

حصه :قووووووومي وجع

مي : يممممممممممممممممه خليني انوم

حصه : ليه نمتي بالليل قومي اخواتك بيرحون قومي سلمي عليهم

مي نقزت من السرير : تونا ليه

حصه تضحك ع شكل بنتها : الحمد لله لوتدرين انهم بغو يجون من الصباح بس استحوا

مي : هذولي نسباك انا اوريك فيهم

وقامت مي غيرت ملابسها وطلعت لهم قابلت عمها يوسف

مي : السلام عليكم

يوسف : وعليكم السلام هلا وغلا بمي وينك ما تنشافين

مي : وش اقولك جدول اعمالي زحمه شوي

يوسف : هههههههههههه اجل ما ينفع اللي كنت افكر فيه

مي بلقافه : لالا اخاف ينفع قول وماعليك

يوسف : كنت ابيك تمسكين المجله عني تعرفين ماعندي معاون

مي وجتها الفرصه للانتقام من سعود : وجعه وسعود وينه مو ولدك انا اوريك فيه جيد يطامر من صباح الله يبي حرمته تعال اغسل شراعه

وتاخذ مي غطاء وتتلثم به وتتدخل للمجلس اللي كانوا سعود وسديم جالسين فيه ويتغزلون في بعض كنهم ما شافو بعض سنين

مي : وجعه جدي روبي صار مباشر

سديم نقزت من الروووعه

سعود : هييييييه انتي وين داخله وبعدين بشويش بغيتي تهبلين سدوم

مي : الحين عندي سؤال ليه جاي من العصر

سعود : جاي اخذ زوجتي

مي : زوجتك ذاك اول اذا تقول زوجتك رجعناها اذا عرفت شلون تساعد ابوووك بشغله نرجعها لك

يوسف واقف ورى مي وميت ضحك

سعود منقهر : محد شكى لك

مي : لا هالمسكين اللي وراى وش هد حيله هذا هو توه معرس ماسوى سواتك

سعود : سدوم شوفي اختك

سديم مالها وجهه تتكلم مستحيه

مي : يالله رح داوم واذا زادت الارباح رجعناها لك

سعود : يببببببببببببببببببببه شف بنت اخوك

يوسف وهو ميت ضحك : وهي الصادقه وانا ابوك

حصه تتدخل عليهم بعد ما سمعت صياحهم

حصه : وش فيكم

سعود : بنتك ورجلك منهبلين يبوني اخلي ..ويلف ع سديم ويتكلم بنعووومه ..قلبي واروووح يرضيك اروح بدون قلب

حصه : ههههههه لا ما يرضيني

مي : وانا وعمي يمه يرضيك نقعد بدوون كلاوي

سعود : الله يقرفك من تشبيه الحين ليه دايم تهزئني عندك احمد امسكيه وهزئه وهذا وهو ماخذ ساره من الظهر

مي تنهبل تحسب ساره ماراحت

مي منقهره وزعلانه : اوووووووووووووف منكم اخوات ورجال اخوات وطلعت

سديم طبعا ولا كلمه

سعود استغرب : لايكون زعلت

حصه :ما عليك منها هي حساسه شوي

سعود "معقوله هالعربجه وراها هالنعومه ماتنفع ابد لتركي اخاف اورطه واورطها "

سعود يلف ع سديم : خلاص اجلسي الى الليل وابجي اخذك

حصه : خلاص ياولدي وشوله المشاوير بتشوفها في المزرعه وتنام معها

راحت سديم وسعود

سعود بالسياره كان سرحان بمي

سديم : حبيبي وش عنده سرحان

سعود : لا ولا شيء بس مستغرب من اللي صار اليوم

سديم : اذا قصدك مي وزعلها تراها حبوبه على طول ترضي بس هي حساسه لا تحسب كلامها وعربجيتها صدق هي تبي تصير قويه مع انها نعوووومه وتهتم بشكلها ورومنسييه بشكل مو طبيعي

سعود : اهاا بس من جد ما ابيها تزعل كنت امزح

سديم : لا عادي بترضي

ويقطع عليهم رنه الجوال

سديم : ماقلت لك شف هذي مي

وحطت ع السبيكر سديم : هلا

مي وهي تبكي : اسفه سدوم مو قصدي واعتذري من سعود اذا كان زعلان

سديم : لا مو زعلانين اصلا الحق معك لو ماتحبينا ما تزعلين ع فراقنا

مي : من جد مو زعلانين

سعود يعلي صوته : معقوووله نزعل من ميوووووووووو اختنا الصغيره

مي فرحت ماتوقعت سعود مايكرهها : اهااا طيب انا مابعد رضيت اذا بتجوون المزرعه لا تنسون رضوتي

سعود : ابشري كم عندنا من زعول بس وحده يالله امسحي دموعك سديم تقول تجيبي المرض وانتي تبكين

مي ومسويه قويه : اصلا ما ابكي من زينكم ابكي عليكم بس انا مزكمه شوي

سعود : اهااا توى ماصارنا تاركينك نص ساعه

مي : اقول بس باي باي

وقفلت

سعود : ههههههههههه من جد هالبنت هبله

سديم : ما قلت لك

سعود : الله يسعدها

سديم : امييييين بس لو تدري

سعود : ايش

سديم : شارطه ماتتزوج الا عن قصه حب قويه

سعود : هههههههههه متاثره بالروايات

سديم : شوي مو كثير

سعود : اهاااااا طيب قلبي وين يبي يروح

سديم تستهبل : ولله وده يسير ع البحر ويرجع

سعود : هههههه ماطلب ساعتين بالكثير وحنا بالشرقيه

سديم: لا امززززح

سعود : ماعندي مززح مايردنا الا الجوازات عن البحرين والسينما ويغمز لها

سديم ماتت من الحياء

سديم : طيب اجلها بعد المزرعه

سعود : وش عندنا اليوم الثلاثا وبكره الاربعا والخميس لاحقين ان شاءالله الصبح الخميس نايمين فيها

سديم : تدري انك مجنون

سعود : ماكنت كذا كله منك يالمجرمه

......

احمد: سارونه ايش قررتي لازم تقررين عشان اقدم اوراقك

ساره : مدري محتاره ما ابي ابعد عن اهلي

احمد : كلها 7 سنوات ان كثرت وانتي هنا

ساره : مادري

احمد : حرام فرصه جتك ابتعاث ع حساب الدوله وباي مكان حرام حققي حلمك ومرره وحده جيبي الشهاده من برى انت امتحنتي لقبول والقدرات ونجحتي وكمان عديتي المقابله

ساره : ولله معك حق بس مابي افارق اهلي

احمد : براحتك بس مو تجيني بعدين تقولين ياليتني سمعت كلامك

ساره : بفتح الموضوع معاهم بالمزرعه اذا زعلوا مابروح

احمد : اكيد حيزعلون انت اقنعيهم

ساره : ربي يعيني

...............

فيصل من زمااان عنه هذا حاله بعد التطورات

فيصل كان ذابح نفسه بالشغل مايبي يفكر بريما كل همه ينساها ويركز ع مستقبله ومستقبل ولده

...............

اما مازززن

يقبر امه ان شالله شوووووووو مهضوم

كان كل وقته بالنادي

كان مسجل بنادي الهلال

ويموووووووووووووووووووووووووووووووووووووووووووت بشيء اسمه الهلال <<<طيب ايش نسوي به >>لا بس حبيت اعلمكم اخاف تستفيدون بكر هع هع

.......................

اما حصه ويوسف كان حياتهم ماشيه

فكر يوسف انه يسكن بقصره وياخذ معه حرمته وعيالها طبعا حصه رافضه تماما

بس يوم عرفت انه مسوي جناح خاص لي سعود وسديم عشان يسكنون معهم وجناح خاص لفيصل

حتى ساره واحمد كان لهم جناح كانوا بيقنعونهم يسكنون معهم

القصر مررره كبير والاجنحه بعيده عن بعض يعني كنها نظام شقق مقسمه

حصه فررحت للفكره وبتفاتح بزورتها بالمزرعه ماندري ايش يستناها هونيك <<انحش يالبنانيه هع هع

.......

المغرب

مي جالسه لوحدها بالغرفه جايها تكّه " ضيقه صدر "

فتحت النت مع انها ماتحبه وجلست ع الماسنجر النك نيم حقها

بين يديا واحس انك بعييد ** ذوووب باحضاني مثل قطعةجليد **علم العشاق كيف الحب يكون **لا حواجز احلى طعم حب اكيد **

جلست تستنى احد يعبرها ويدخل لا حيات لمن تنادي

ارسلت لريما

رمو ولله زهقانه اذا تقدرين تدخلين الماسنجر ابي اسوووووووووووووولف

طبع ريما ما كذبت خبر