رواية ماساتي في سطور الماضي -35
سعود ضمها من جهه ظهرها وجلس يتمايل بها : افاااا وانا اقدر لو تبين تباتين عند ضرتي اسبوع كم عندي من سدوم
سديم بفرحه : جد ولله
سعود : ايه بس مو اسبوع امزح يوم يكفي
باسته سديم ع خده : مشكووووووووووووووور يالغالي
سعود : العفو ع ايش يالله ننام
سديم : يالله
وراحوا ناموا
اليوم الثاني
الصباح مي تتصل ع ريما
مي : صباح الخير
ريما : هلا صباح النور
مي : يالله اجهزي ماعندنا وقت الساعه تسع لازم نكون بالاستراحه
ريما : مو كنه بدري
مي : لا بس انت اجهزي ولا يصير الا الخير
ريما : اوكي نتقابل بالستراحه
مي : مين بيوديك
ريما : السواق
مي : كويس مريني
ريما : ان شا الله
والساعه تسع الا ربع ريما موقفه عند باب البيت تستنى مي
بعد ماركبت مي
مي : عسى ماتاخرت عليك
ريما : لا عادي كم عندنا من ميوو
مي : الله وش هالرضى
ريما :هههههههههه كومار يالله حرك
وراحوا للاستراحه
كانوا معلقين بلونات وحركات ومجهزين الاستريو وكل شيء الاهم الساعه 11 خلصو البنات ترتيب
مي : يالله باقي ساعه ويشرفون
ريما : اشوا خلصنا
مي : ايه ولله الا ع فكره اكدتي ع رهف من زمان عنها <<ايه ولله تزوجت وخلص دورها هههههه
ريما : ايه اكدت عليها بس حبيبها مابيخليها تنام
مي : اهم شيء تحظر
ريما : ع قولتك اهم شيء نجتمع ولله من زمان
مي : الا يالدبه ماقلتي وش صار بالمقابله امس
ريما : أي مقابله
مي : الحمدلله امداك تنين يالفالحه بدر
ريما : اه لا تذكريني
وق/س
مي : يالله فاتتني الرومنسيه
ريما : تتريقين انت وجهك
مي :لا
ريما : ايه اشو0000
ويقطع عليها نغمت رساله
مي : لنا الله محد يعبرني
ريما : يمه منك اصبري اشوف من مين يمكن الفاتوره صادره
وتفتح الرساله
/ إلى من أحببتها وبكلماتي غازلتها
إلى من عشقتها وسهرت الليل لأجلها
إلى من كتبت لها رسائل الحب بالصدق والوفاء بدماء القلب والمشاعر
إلى من أسرتني برقتها و طيبة قلبها
إلى من منحتني أجمل الأحاسيس و المشاعر
إلى من قلبي بها أغرم
وأصبحت بها شاعر
يا كل الحب . . . يا كل الحياه . . . يا حبيبتي
يا أجمل حب . . . يا قصة حبي . . . يا حسنائي
يا قدري . . . يا عمري . . . يا حياتي
لقد أشتقت إليكِ كثيراً
صباحك سكر
ريما تقطعت من الحياء ومي لا حظتها
مي :اجل فاتورة الجوال وريني اشوف وش مرسل اخزاه ربي
ريما : ميوو لا تدعين عليه
مي تقلدها : لاتدعين عليه طيب وريني
وتقراء الرساله
مي : الله الله وش هالدلع وبعدين امداه يشتاق انا اوريك فيه
ريما : ليه وش بتسوين
مي : بتشوفين
وجلست مي تكتب له مسج من جوال ريما
يالنصاب امداك تشتاق العب غيرها امس جايبتها لك وبعدين خف عالبنت شوي واستح ع وجهك <<امون صح >>ايه امون ونص هذي رمو حبيبتنا كلنا مو لحالك هع هع هع هع هع هع المرعبه
وارسلتها
بدر فتح المسج بسرعه توقع انها ريما
يالنصاب امداك تشتاق العب غيرها امس جايبتها لك وبعدين خف عالبنت شوي واستح ع وجهك <<امون صح >>ايه امون ونص هذي رمو حبيبتنا كلنا مو لحالك هع هع هع هع هع هع المرعبه
بدر : وش السالفه شكلها غلطانه خلني اتصل اشوف
مي : ما سويت شيء بس قلت يخف عليك شوي
ريما : ولله فشله وش اقوله الحين
ويتصل بدر
ريما : ياويلي يتصل وش اسوي
مي : هاتي اكلمه
ريما : عشان تطينينها ززياده
وراحت ريما عن مي وردت ع بدر
ريما : هلا
بدر : هلا وغلا كيفك
ريما : بخير كيفك انت
بدر : توني اصير بخير
ويحمر وجهه ريما تنط عليها مي وتصرخ بالتلفون
مي : ياهووووه وش قلت للبنت انا ما قلت خف عليها
ريما تدفها
مي : اااااي طيب مردوده اخليك الحين
صمت
بدر : عندك احد
ريما وهي متفشله : ايه صديقتي
بدر استغرب : جايتكم هالحززه
ريما : لا انا وياها رايحين للاستراحه عشان اليوم وق\س
بدر : اهاا طيب هي نفسها اللي جت معك امس
ريما : ايه
بدر : ههههههههههه الله يرجها هي اللي ارسلت المسج اجل
ريما تورطت : هاه
بدر : هي اللي ارسلتي المسج تو
ريما : ايه
بدر : طيب اشكريها بالنيابه عني
ريما : طيب بس ليش
بدر : تقول هي اللي جابتك لي
ريما : اهااا
بدر : مابعد وصلوا الضيوف
ريما :لا
صمت
ريما : امممم متى بتطلع
بدر : مدري يمكن بعد يومين
ريما : الله يقومك بالسلامه
بدر : ماراح تنوريني وتجين
ريما : خلاص بتطلع ماله داعي اجي وبعدين زوارك كثار
بدر : حرام عليك ماعندي الا هالنواف يجي يسليني
ريما : هو اقرب واحد لك
بدر : اصلا ماعندي غيره
وجلسوا يسولفون لما نطت لهم مي ثاني مره
مي تصارخ : الكناري ماشبغ تغزلعيب استحوا ع وجيهكم اذا خطبتوا رسمي لاتقفلون ابد
بدر سمعها
بدر : هههههههههههههههههههه الله يرجها
ريما تاشر لمي بذبحك
مي : الله يالدنيا وصلت للذبح اسلم بعمرك يابدير ولا تتوهق صاحبتنا طلعت سفاحه
ريما طاح وجهها
بدر : هههههههههه تمون بدير
ريما : خلاص بدر اكلمك بعدين
بدر :هههههههههه خذي راحتك بس لاتاذينها يكفي انا السبب عشان اكلمك
وقفلوا
ريما تلحق مي
مي : توبه مااعيدها
ريما : وش بعده بعد مافشلتيني
ووصلو للمسبح ريما انتقمت من مي ورمتها بالمسبح
مي :ااااااااااااااااااااااااااااااااااااااااااااااااا اااااااااااااااي يالمجرمه وربي لاردها
ريما فاطسه من الضحك عليها ومن سوء حظ مي ان المعازيم وصلوووووووووووووو
الجزء
السادس والعشرووووووون
سديم تدخل عليهم
سديم : اظاهر بدات الحفله قبل مانجي
لفت ريما : سدووووووووووووووووووم ولله ولك وحشه وراحت تضمها
وتدخل ساره ونفس السيناريو
ساره : مي وش عندك بالمسبح وليه ماغيرتي ملابسك
مي بحقد: هالدبه رمتي
سديم : افاااااااااااا ليه
ريما : احسن ثاني مره ماتفشلني
ساره : وش تفشلك اقول بس اطلعوا رطوبه مو طبيعيه نستناكم براء
طلعت ساره وبقوا البقرات الثلاث عفوا الصبايا الثلاث
مي تاشر لسديم يعني ارمي ريما
سديم :هههههههههه ما اقدر اخاف تزعل
انتبهت ريما
ريما : ولا تحاولين اللي يرشني بالمويه ارشه بفمتو
سديم : لا ماتقدرين الفمتو خلصوه برمضان هع هع
ريما ومي يناظرون بعض
مي : الحين قلتي شيء يضحك
ريما : مدري عنها
مي : الحمدلله طالعه ثقيله دم
سديم : وجعه اتفقتوا علي صدق مالكم صاحب
ريما : الا انتي مدري وش صار لك تزوجتي سعود وثقل دمك
سديم : حرام عليكم
مي : اقول خلوا البربره وجيبوا لي منشفه
سديم : مالي دخل خلي ريما تنفعك
مي : ياربي منك ياسديم رمو جيبي لي منشفه
ريما : ههههههههههه طيب انا رايحه اجيب لك
وطلعت مي ورجعت تكشخ وبعد مالحريم والصبايا تغدوا وريحوا العصر اقبل
رهف تدخل ع البنات
رهف : هاااااااااااااااااااااااااااااااااااي صبايا
الكل: هلا رهوف وينك
وقمو يتبادلون السلام والاحضان
مي وقفت
مي : احم احم عندي لكم خبر
ريما : مي انا بقول سخافه
مي : لا هذي فكرتي
ريما : اوريك
سديم : يالله اخلصوا وش عندكم
ريما ومي يتكلمون مع بعض : رهف طبع ماجت لوحدها جايه ومعهاضيف
الكل : من هو
رهف نزلت راسها بحيا
مي وريما : رهف حاااااااااااااااااااااااااااااااامل
الكل استانس بهالخبر وبارك ارهف
سديم : الف مبررروك
رهف : الله يبارك فيك عقبال لك
مي : وش شعورك وبداخلك روح
رهف تستهبل : شعور أي مواطن سعودي له حساب بالبنك
البنات :هههههههههههههههه
ريما : طيب بلا هبال بنت والا ولد
رهف بحياء : مدري ماعرفوا يقولوا توم
البنات :واااااااااااااااااااااااااااااااااااااااو
رهف : اوووووووه بنات بش ويش
ساره : ياي وناسه ززوجك ايش سوى لما عرف
رهف : بغى ينهبل صار يدلعني ومايخليني اشيل شي
مي : الله يتمم لك
ريما : ولله وناسه بصير خاله
وجلسوا البنات ضحك وهبال
اما عند بدر كان سرحان ويوززع ابتسامات دخل عليه نواف ولا حس فيه
نواف : بووووووووووووووووووووو
بدر نقز من الروعه
نواف يستهبل :بشر وين وصلت الزواج والا توك بالمهر
بدر : ياخف دمك ياشيخ وكم مره قايل لك اذا كنت سرحان وفرحان لاتقطع علي
نواف : افاااااااااااااااا وش هالكلام طيب انا طالع
بدر : اقول بس انثبر بمكانك
نواف : تامر طال عمرك اوامر ثانيه
بدر : لا
نواف : طيب وش سر هالابتسامات هالمره
بدر تذكر الموضوع وجلس يضحك
نواف : عسى ماشر ايش فيك
بدر يطلع جواله ويفتح اخر رساله جته من ريما
وعطاها نواف يقراها
يالنصاب امداك تشتاق العب غيرها امس جايبتها لك وبعدين خف عالبنت شوي واستح ع وجهك <<امون صح >>ايه امون ونص هذي رمو حبيبتنا كلنا مو لحالك هع هع هع هع هع هع المرعبه
نواف : شلون مافهمت
بدر حكى كل شيء انواف حتى مطامرها في التلفون وصياحها
نواف : هههههههههههههه انا قايل لك البنت فله
بدر يناظره بنص عين : يعني عجبتك
نواف فهم قصده : اعوذ بالله منك ومن تفكيرك
بدر : طيب افلقني اذا ماصار اللي ببالي ترى فيه حب من اول نكته هع هع
نواف : اقول ايش رايك تهوينا وتغير الموضوع
وفجاء يرن جوال بدر نغمه مسج
الحق ترى هالخبله رمتني في المسبح وخلتني فرجه للي رايح واللي جاي كله بسبتك ماراح اسامحك انت وياها لو صار لي شيء انا الحين بداني زكام
والله العالم وش تاليتها ذنبي برقبتكم وانتقامي بعيالكم هع هع
بدر : هههههههههههههههههههههههههههههه
نواف : ضحكنا معك
بدر يمد له الجهاز
نواف : ولله مو طبيعيه هالبنت
بدر : تمون مرسله من جوال ريما
ارسل بدر مسج لريما
قلبووو لا تخلين هالخبله ترسل من جهازك ترى الفاتوره بترتفع وبعدين قولي لها لاتحلم تلمس عيالنا وهي الخبله اوكي
ريما فتحت المسج مافهمت شيء بس عرفت ان السالفه وراها مي راحت للرسائل المرسله وشافت الرساله اللي ارسلتها لبدر
ريما تصرخ : مييييييييييييييييييييييييييييييييييييييييييي
مي من بعيد : قلت لك بردها هع هع
ريما : طيب الشرهه ع اللي معطيك جهازه
مي تطلع لسانها
ريما : الحمد لله صدق يوم قال خبله
مي : ميييييين انا
ريما تضحك : ايه تعالي شوفي المسج
مي تشوف المسج :انا يابدير هيييييييييين ولله لاردها لكم
مي عطت السواق فلوس وجاب لها شريحه شحن
مي " هيين يابدير الشرهه علي طيب "اخذت الرقم من جهاز ريما
وترسل مسج لبدر
انا الخبله طيب طيب ولله لاردها ومايكون اسمي مي اذا ما رديتها لك انا تخليني مصخره الشرهه علي اللي معطتكم وجهه انت ورميوه بس هيييييييين ان ما ادبتكم وحرمكتم من هالرسايل والزيارات لين تعرفون قدري انا اوريك وبعدين اذا تزوجت ريما لا تنسى تزيد ع المهر 75 ريال قيمه الشريحه اللي شريتها عشان اهزئك انت وجهك
طبعا المسج وصل وبدر بغى يغشى عليه من الضحك
بدر : شف الخبله شرت شريحه عشان تهزئني
نواف فطس ع حركاتها
نواف : ايش ناوي تسوي
بدر : شف الحين
يتصل بدر ع رقم مي
مي "وله وجهه يتصل انا اوريك طيب طيب "
مي تنادي ريما اللي جالسه عند الحريم
ريما : هلا
مي : رقم غريب يدق علي ردي
ريما : طيب هاتيه
ريما : نعم
بدر : الله ينعم عليك
ريما شكت انها تعرف المتصل
ريما : نعم بغيت شيء
بدر عرف انها ريما وعرف قصد مي<< مو لازم تعرفونه هع هع
بدر : هلا رمو انا بدر
ريما سكتت
بدر : مي جنبك
ريما تلف تدورها
ريما : لا انحاشت ليه وش صاير
بدر قال لها كل السالفه
ريما : ههههههههههه الله يقطع بليسك يامي
بدر : اااااااااااه
ريما : سلامتك وش فيك
بدر : فديت هالضحكه
ولعت ريما
بدر : معي
ريما : هلا
بدر : قولي لمي لو تبي 100 الف تامر يكفي بسبتها سمعت صوتك مرتيين ولا بعد ضحكتك
ريما : ههههه بدر لا تبالغ
بدر : من جد ما ابالغ صح نواف ما ابالغ
نواف يصارخ : ايه اعرفه من سنين في حياتي ماشفته يبالغ كثر هاليوم
ريما : ههههههههههههه
بدر : الحين ارفسك عشان تتادب
نواف : هههههههههههههههههه بان ع حقيقتك
ريما : وش عنده حاقد وش مسوي له
بدر يتدلع : ماسويت له شيء بس كذا يستقوي علي لاني بالمستشفى
مي جت لريما
مي : هيه انتي وياه حركات الغرام ما بيها ع جهازي والرقم جديد لاتعودونه يخرب
بدر : هههههههههههههههههه هالخبله تذكرني بالخبل اللي عندي
ريما :ههههههههههههه
نواف : ولله لادرها ان كانك رجال حط ع السبيكر
بدر : لا تسمع صوت حبيبتي
ريما طلع وجهها الوان
سحبت مي منها الجهاز
مي : هيييييييييييه انت وش قلتلها
بدر حط ع السبيكر
مي : وينك يامال اللي منيب قايله البنت قلبت اشاره مرور عندي ولله محد فاضحني الا انت وياها الشرهه ع اللي معطيكم وجه
بدريشوف نواف وتعابير وجهه يوم سمع صوتها : هههههههههههههههههه
مي : انا قايله نكته انت وجهك الشرهه علي اللي معطتكم وجه دورولكم احد غيري يسوي لكم تهريب لغرامياتكم
نواف يبي ياخذ حقه من بدر : الله يعافيك خذي حقى وحقك منهم من الصبح طايحين تهزززئ فينا
مي بلمت ماتدري من اللي عند بدر تحسبه لحاله
مي تكلم ريما : يامال الضعفه من اللي فضحنا عنده
ريما : هذا نواف اللي قلت لك عنه
طبعا بدر ونواف يسمعون مي بس ريمالا
مي : وهالفضيحه مايعرف يسترنا اقول مالت عليكم
ريما :هههههه احسن بس تراه متورط مع بدر مثلك
مي : شلون
ريما : حتى هو طلع خبل
مي : ههههههههههه
نواف بقلبه "فديت الضحكه ":اااااااااااه
بدر:ههههههه
مي رجعت لبدر : وانت يالفضيحه ان ماادبتك شلون تقول لي خبله انتم مو وجهه مساعدات وانت يانويف اسحب عليه ترى ماله امان يالله مافيه ززياده بربره خسرتوني 75 مالت عليكم وطررررررااااااخ
بدر : هههههههههههه نويف تمون البنت
امانواف سرحان بعالم ثاني البنت هذي مو طبيعيه
ريما : ولله انك مو صاحيه الحين وش بسوين بهالشريحه
مي : اربي بدر فيها كل ماغلط
ريما : هههههههههههه ولله موصاحيه
مي : وبالرصيد الباقي الله يخلي المحطات برسل لما تخلص هع مايمديك
ريما : ولله انك دااااجه
سديم تطب عليه
سديم : وين طسيتوا وش تسوووووون
ريما ومي يناظرون بعض ويضحكون
سديم : خير وش اللي صاير
مي : انا مالي شغل اسالي ريما
مي راحت عند الحريم
وسديم جلست مع ريما اللي قالت لها كل اللي صار مع تشفير بعض حركات مي
سديم منصدمه من مي شلون تقرب ريما لبدروهي عارفه ان فيصل يبي ريما
المهم سديم فرحت يوم شافت الفرحه بعيون ريما يمكن ربي ما يكتب لها نصيب مع فيصل
المهم نرجع للمستشفى
نواف انقلب حاله وبدر حس فيه
بدر : نواف وين وصلت
نواف : ولا مكان انا معك
بدر : وش فيك
نواف : مافيني شيء بس تعبان شوي
بدر: خلاص روح ريح بالبيت انا عارف اتعبتك معي
نواف : لا تقول كذا حنا اخوان انا بروح وان شالله امرك برك وتطلع
بدر : ان شاء الله
وطلع نواف
اما في الاستراحه انواع الفله والهبال
حصه تكلم ام ريما وام رهف ورهف : اسمعوا تراكم معزومين الخميس في المزرعه بسلامه البنات
ام ريما : الله يسلمك بس وشوله الكلافه انتم اهل تسدون
حصه : وش هالكلام وانتم بحسبه اهلي ولله جيره 25 سنه تبون اضيعها ما حبيتها منك
ريما : ولا يهمك ياحصوص انا ابجي
ام ريما : وجعه هالبنت وش حصوص
حصه : ههههههه خليها يابنت الحلال
رهف بغصه حزن: انا اعذرني يا خالتي ما اقدر انا جايه اليوم اودعكم انا مسافره استراليا زوجي بكمل دراسته وانا بكمل معه
البنات قلبوها مناحه
حصه : وكم سنه بتجلسون
رهف : من اربع الى خمس
حصه : الله يرجعكم بالسلامه
رهف : امييييييييييين <<وش اسوي قلت مالي الا اقلعها قلبت كبدي خليها تخيس بااستراليا لما اخلص هالروايه هع هع
وبعد مارجع كل واحد لبيته كملوا البنات ببيوتهم السهره سديم وساره ومي
سديم كان ودها تسال مي ليه سوت مع ريما كذا بس ماتبي تفتح الموضوع عند ساره
ساره : ااااااااه بنات ماتعبتوا يالله ننام << عن نفسي منى عيني انام واصكها احلام ورديه خخخخخخ
مي : تونا مابعد جت اربع وبعدين بنفطر وننام
ساره : بكيفكم انا واصله حدي
سديم : خلاص روحي وانا بجلس مع مي
المهم ساره راحت ومي حاسه ان سديم تبي تقول لها شيء
مي : يالله سدوووووووم اسمعك
سديم : هاه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك