رواية ماساتي في سطور الماضي -33
بدريه : انتي انهبلتي وش بيقولون الناس رايحه لولد عمها
ريما ماكانت تدري ليه ودها تشوفه : يمه زياره المريض واجب
بدريه : اقول عطيتك وجه روحي لغرفتك
وع دخلت ابوريما
ابوها : وش اللي صاير
بدريه : بنتك انهبلت تبي تروح لبدر
ابوها: طيب وش فيها ولد عمها
ريما وبتحدي : وخطيبي
الكل لف جهتها
ابوها : بس يابنتي
ريما : وش بس يبه
بدريه : ابوك بيقول ان التحاليل ماتطابقت و زود عن كذا بدر يمكن مايجيب عيال والاهم انك مخطوبه
فتحوا عيونهم
ريما : مخطوبه لمن
بدريه : فيصل ولد فهد
ريما وبلا مقدمات : انا ما ابيه انا ابي بدر وراحت لغرفتها تبكي
ريما " وش فيك ياريما ليش ززعلانه فيصل اللي تحبينه خطبك واهلك موافقين بس بدر اووووووف بدر وش جابه الحين ياربي ريحني من اللي انا فيه "
وفي الغرفه الثانيه
ابوها : انتي انهبلتي يامره تبيني اروح للرجال واخطب بنتي له
بدريه : انا ماقلت رح اخطبها هو اصلا خاطبها انت رد له موافقتها
ابوها : بس البنت ماتبيه
امها : ماعليك منها ماتعرف مصلحتها فيصل ماينرد
ابوها : بس هو ارمل واكبر منها
بدريه : طيب وش اللي بيصير انت لاتجلس تعقد الامور
ابوها : بس هي تبي بدر
بدريه : شف انا مابعد انهبلت ازوج بنتي واحد مايجيب عيال ولا ان جاب جاب مشوهين لا عيوني
ابوها : ربك يكتب اللي فيه الخير بس تراني مابغصب بنتي عشيء ماتبيه
الجزء الخامس والعشرين
مضي شهر البصل عفوا شهر العسل ع ابطال قصتنا واليوم راجعين للرياض ع طياره 5 الفجر من يوم الاحد
ووصلوا سالمين غانميييييين
اما في الرياض ريما كانت تتطمن ع بدر بالتلفون وهذا زاد ولع بدر فيها
بدر : طيب ليه قطعتي الزيارات
ريما : وش تبي الناس تاكلني اكل
بدر : ههههههههه وهم يحصلونك
ريما اللي تذوب من كلام بدر ورقته معها : بدير خلاص
بدر : طيب اوكي ماراح اقول شيء بس انتي غردي علي
ريما : انت الظاهر مو ناوي تجيبها البر
بدر : سكت سكت
ريما : احسن
بدر : طيب ماراح تزوريني
ريما : مدري خلها للظروف
بدر : اوووووف من هالظروف لي حول الاسبوع وانا اترجاك
ريما : بدر وش فيك قلت بحاول
بدر : طيب
ريما تسمع امها تناديها
ريما : امي تناديني بروح اشوف وش تبي
بدر : طيب باي
ريما : باي
نواف كان جالس عند بدر ويسمعه يكلم ريما جلس يتريق عليه
نواف يقلد بدر : ريما الله يخليك زوريني
بدر : ايه اتريق بس قل امييين
نواف : امييييييييييييييييييييييييييييييييييين بس ع ايش
بدر : ربي يبلاك بما بلاني
نواف : لا الله يخليك ماابي اتزوج منهبل انا اترك حريتي اصلا انا مو مؤمن بالحب
بدر : ههههههههه عشان ثاني مره ماتتريق واذكرك اذا طحت عشان كذا امن به من الحين
نواف : ههههههههههههه الله يقطع بليسك
صمت
نواف بجديه : بدر بقول لك شيء
بدر : تفضل
نواف : انا صاحبك واللي بيصيبك بيصيبني وانا ما ابي اخسرك
بدر : نواف وش هالمقدمه العريضه
نواف : انا ما ابيك تنصدم بس قبل ماتتعلق في البنت زياده حبيت اذكرك ان التحاليل مو متطابقه ويمكن
نواف : يمكن ريما تحس بالذنب وانت تفكر بشيء ثاني
بدر : ااااااااااااااااااااااه يانواف كنك جالس بقلبي انا هذا اللي خايف منه اخاف تكون تحس بالذنب واتحطم
نواف : وهذا اللي خايف منه مابي افقدك كافي علي مره
بدر يحاول يرطب الجو : هههههههه قلبناها فلم هندي
نواف : من جد بس تراني انا هيرثك وانت شاروخ
بدر : لا ياحبيبي لاتلعب علي ليه دايم تاخذ الزيون
نواف : لاني ببساطه مزيون
بدر: لاينط فيك عرق يالمزيون
نواف : ههههههههههههههه طيب
جلسوا يسولفون وبمكان ثاني بنفس الوقت اللي تكلموا فيه
مي : يمه تكفين انا وريما متفقين مابقى الا شغلات شويه تكفين
حصه: ياربيه منك طيب من بيوديكم
مي : بروح مع فيصل
حصه : طيب اخافه مشغول
مي : بروح اشوفه اذا مشغول او لا
مي راحت لغرفته وقبل لاتدخل سمعته يتكلم
فيصل : افهمني ياطلال
طلال : وش افهم
فيصل : مدري ايش اقولك احيانا احس انها اختي الصغيرة وودي انها تفرح وتعيش حياتها واحيانا لا احس اني ماحبيتها الا في فتره وانتهت بعد ماشفت كاتي وتزوجتها نستني ريما بحبها بس يوم رجعت وشفتها انقلب كياني مره وحده مدري ليه يمكن لانها احلوت بس
طلال : بس ايش
فيصل : يوم سمعت بخطبتها مازعلت رحت وسالت عن الولد وكمان عرفت انها يموت بالتراب اللي تمشي عليه
طلال : الى الحين مو عارف وش تبي توصل له
فيصل : انا نفسي مو عارف ودي انها تعيش مع اللي تحبه ويحبها
طلال : اللي هو انت
فيصل : ماادري احس اللي في قلبي مو حب حب احسه معزه غلا
طلال : طيب وبعدين
فيصل : اخاف تتزوج بدر وقلبها يكون مع غيره واخاف ماتتزوجه ولا تتزوج اللي ببالها
طلال : تقصد انك ماراح تتزوجها
فيصل : مدري مدري ولله اني ملخبط
طلال : اسمع يافيصل انت اكثر من اخوي واذا مو ناوي تتزوج البنت قل لها ع الاقل ما تستناك
فيصل : ما اقدر اخاف اندم
طلال : وش تندم عليه
فيصل : ريما حنونه مع فهد وهو يحبها
طلال : فيصل اذا كان عشان فهد مو عشانك بتلقى اللي تحبه بس قل وين اللي بتحبها
فيصل : اااااااااه ياطلال انا بين نيران تحرقني
طلال : ابعد يافيصل تعال عندي كم شهر
فيصل : مقدر ياطلال اترك اهلي يكفي اللي ضاع من عمري بعيد عنهم
طلال : انت فكر بالموضوع
فيصل : ان شاء الله يالله اسف ازعجتك وطولت عليك فمان الله
طلال : لاتقول هالكلام حنا اخوان في حفظ الله
وقفلوا
مي طبعا كانت مستمعه للمكالمه كلها
مي " ياربي وش هالورطه اشوى اني سمعت قبل لا اعلق البنت فيه اكثر الحمدلله مابعدت بديت الخطه خليني الغي الروحه احسن
مي رجعت لامها
مي : خلاص يمه ماابي اروح بتصل ع ريما تروح لحالها
حصه : ليه فيصل رفض يوديك
فيصل وهو يبوس راس امه
فيصل : وين اوديها ماقالت لي شيء
مي تورطت : لا بس ماللي نفس خلاص
فيصل : طيب وين كنتي ناويه تروحين
حصه : للسوق عشان يكملون باقي اغراض الحفله اللي مسوينها لاخواتك
فيصل : يووووه مايمدي انا الحين مواعد الشباب عندنا شغل طيب تروح مع السواق ايش المشكله
مي : خلاص اصلا هونت
وفي الوقت هذا ريما تتصل عليها
مي : هلا ريما
ريما : اهلين يالدبه وينك
مي : بالبيت
ريما : ماطلعتي
مي : لا هونت
ريما : بلا بياخه
مي تصرف :ماعندي احد يوديني فيصل مشغول والسواق مالي طلعه لحالي معه
ريما : خلاص امرك انا بالسواق
مي : لا مولازم انتي كملي الناقص
ريما : مي ياسخفك
حصه كانت تسمع مي وعرفت ان ريما تبي تمرها
حصه : خلاص مي خليها تمرك
ريما سمعتها : تقبر البي حصوص يالله ماعلي منك خمس دقايق واطلعي
مي : اووووووف منك عنيده باي
وفي السياره
ريما :مي مو من عوايدك تسكتين
مي كانت تفكر بكلام فيصل وحزز بخاطرها ريما وش راح يكون موقفها
ريما :هيييييييييييه وين وصلتي
مي : هاه معك
ريما : ايه مره معي من الصبح اكلمك وانت ولاانتي هنا اللي ماخذ عقلك
مي : هههههه من بياخذه تكفين محد يستاهل
ريما : افا وليه وين هيرثك وين راشد الفارس وين الشله
مي :ههههههههههه الله يرجك
ريما : يالله اعترفي من هالمره
مي : ولله مو اللي تفكرين فيه اصلا مافيه احد يملا عيني
ريما : ههههههههههه وليش ان شالله
مي : اولا ابي مثل رجوله وحميه شجاعه وفروسيه ابو شهاب بس مو لاقيه
ريما :هههههههههه الله يرجك انا قايلته باب الحاره مو متقفل على خير
مي : ايه اتريقي خليني اكمل
ريما تكتم ضحكتها : انا اكمل عنك وتبين مثل معتز في حميته ونخوته وحبه لابوه
مي : وبعد
ريما : حشى وش بقى
مي : ابي واحد يشعل نار الحب ابي يحارب عشان الحب ابي
ريما : خلاص خلاص عرفت اهم شي الحب
مي : والاخلاص والوفاء والحنيه
ريما : الله الله كل هذا اجل عنستي
مي : لا وازيدك من الشعر بيت ابيه يحارب عشاني ابي اكشن في حياتي والا مو لازم اتزوج الحمدلله مرتاحه عند اهلي
ريما تفكر في كلام مي اللي قالته بعفويه وضاعت في الطوشه
مي حست بسرحانها : رمو وين وصلتي
ريما :اااااااااه ولا مكان بس سرحت شوي في كلامك
مي :يووووووه لها الدرجه انا ابالغ في احلامي
ريما : لا مو كذا وسكتت
مي حست انها تبي تقول شيء ومستحيه
مي : كملي ريما حنا اخوات
ريما : مي اذا كنتي محتاره بين ثنين وش تسوين
مي وبعفويه : اتبع هذا وتاشر ع قلبها وتكمل اذا كنت متاكده انه يبادلني نفس الشعور واكثر
ريما رجعت لسرحانها
ومي عرفت السالفه حبت تساعد ريما وعشان تريح فيصل وتبعد ريما عنه
مي : وقلت لك انا من مواصفات فارسي مايتخلى عني بسهوله لاني متاكده في هالحاله ان حبه ماوصل به لحد الجنون انا ابي واحد يتملكه حبه ابيه يحارب عشان يوصلني مابي اكون مثل الفاكهه ياكل قطعه منى وبعدين يمل ابيه يتمسك فيني واذا مثل ماكنتي تقولين اثنين اكيد واحد منهم بيتخلى ووالثاني بيتمسك بك بدون مايجرح شعور الاول
ريما فكرت بكلام مي وحست ان الكلام ينطبق ع بدر بدر كان متمسك فيها وحبه لها بغى يموته اما فيصل من اول مشكله تخلى عنها وكفايه خياته لها وزواجه حست انها تميل لبدر بشكل مو طبيعي حست بنار الشوق لبدر بس فيصل فيصل اصحي ياريما فيصل لو يحبك صدق ماتخلى عنك وبعدين انا كنت مراهقه يوم حبيته وبدر بعد كنت طفله مو مراهقه مرهقه ع الاقل كبيره
مي حست بحيرتها :ريما انتي من تبين
ريما : شلون من ابي
مي : ريما انا اكلمك مو بصفتي اخت فيصل بصفتي اختك و صديقتك
ريما : سديم قالت لك شيء
مي : وش جاب سديم بالسالفه اصلا هالدبه من سافرت ماسمعت صوتها بس تكلم امي
ريما : طيب انتي وش تقصدين
مي : بدرولد عمك وفيصل محتاره بينهم
ريما سكتت
مي : اسمعي قلبك ايش يقول لك الحين
ريما : مي بدر صار له حادث بسبتي
مي : هذا غلط هذا قضاء وقدر وبعدين لا تخلين شعورك بالذنب يخليك ترتكبين الغلط
ريما وهي تناظر يدها : ارتاح اذا كلمتي واحيانا اشتاق له ابي اشوفه ابي اقول له وسكتت
مي : تبين تقولين انك تحبينه
ريما : مدري بس احس ودي اشوفه
مي : طيب شوفيه
ريما : ماعندي احد يوديني
مي بخبث : الحين انا طالعين والسوق اللي نبيه جنب المستشفى نزوره ونروح للسوق بعدها
ريما وكن الفكره عجبتها : طيب وش بقولون الناس
مي : وش عليك من الناس انا لو منك اعيش الحب بجنونه
ريما تفكر بكلام مي ويتردد في اذنها اعيش الحب بجنونه
ريما "يعني انا احبه وفيصل "
مي حست بحيرة ريما : ريما بقول لك شيء لاتشيلين هم فيصل انتي جربي ماراح تخسرين واوعدك ماراح اقول لاحد عن هالزياره الى ان تحددين من تبين
ريما ضمت مي بحنيه :مشكوره يالغلا بس اخاف السواق يقول انا راحنا للمستشفى
مي : انا نوقف في السوق وندقها رجليه للمستشفى
ريما : واو اكشن
مي : عشان تعرفين قدري
وفعلا هذا اللي صار
ريما وهي تتدخل للمستشفى :مي مابقى شيء وينتهي وقت الزياره
مي : باقي نص ساعه استغليهاواذا ماكفت رحنا للسوق ونرجع ثانيه
ريما : طيب يالله مشينا
ريما كانت متجهه لفرفه بدر وقبل لاتوصل للغرفه اتصلت
بدر يشوف الرقم مو مصدق
بدر :نواف ريما تتصل
نواف : طيب رد لا تقطع
بدر : طيب يالله ورني مقفاك
نواف : افااااااا ليه هذا وانا مخلي اشغالي كلها عشانك اوريك
بدر : خلاص كسرت خاطري بس ياويلك تترق علي
نواف وبنظرة براءه :انا اتريق
بدر: اسكت اسكت بس خلني ارد
بدر : هلا وغلا
ريما : اهلين
بدر : كيفك
ريما :بخير
صمت
ريما : بدر عندك احد
بدر : ليه تسالين
ريما ماتدري وش تقول :لا بس انا قربيه من المستشفى واذا ماعندك احد امر
بدر وطار من الفرحه : لا ماعندي احد حياك
نواف عرف انها جايه وقام بيطلع مسكه بدر واشر له يجلس
بدر : استناك لاتتاخرين
ريما : طيب باي
نواف : خلني اطلع عشان تتدخل
بدر : ماراح توصل الحين يبي لها شوي وبعدين مابقى وقت بتقفل الزياره ويالله تجي ع الزياره الثانيه
نواف : اهااا يعني افهمها واتقلع علاطول اذا خلصت الزياره الحين
بدر : ويبيلها كلام
نواف : الحين وجهي ماعد يعجبك والريما هي اللي تعجبك
بدر : ايه وبعدين ما اسمح لك هذي ريم الفلا ريم قلبي ريم 24 حب
نواف : الله الله كل هذا طيب انا اوريك اجل خلها بكره تجي وتسليك كل اوقات الزياره
بدر :اااااه خلني اشوفها الحين وبعدين يحلها الحلال
طبعا ريما كانت واقفه ع الباب وسمعت كل الكلام وولعت خدودها كيف يحكي لصديقه عنها اااااااه وش كثر احبه هذا اللي قالته ريما وبعدين فكرت في كلمتها لالا مو معقول احبه ياربي ليه احط حواجزلقلبي خلني اعيش جنون الحب
ورجعت تتصل مره ثانيه ع بدر
بدر : اااااخ ياقلبي
نواف : وش فيك
بدر : غلاي تتصل
نواف :رد لاينقطع قلبك
بدر وبلهفه : هلا
ريما : اهلين انا ع الباب ادخل
بدر فتح عيونه : امداك وصلتي
ريما تضحك في خاطرها "هههه مأمل اجلس كل الزياره الثانيه عنده : ايه وصلت
بدر : حياك
نواف :اجل انا بطلع واذا راحت ومااحد عندك الزياره الثايه قل لي اجي
بدر : ان شاء الله
وطلع نواف
مي كانت بكراسي الانتظار تستني ريما لان المغرب اذن وبتخلص وقت الزياره وبطلعون
نواف راح يصلي المغرب
اما عند بدر وريما
ريما : الحمد لله عالسلامه
بدر : الله يسلمك
مي جالسه عكراسي الانتظار اللي بالاستقبال صلت وخلصت وماتدري وش تسوي جلست تكلم عمرها : ياربي ماتنعطى وجه خلني اتصل واشوف وين هجت
وبنفس المكان كان نواف موجود وبالصدفه جالس بالكرسي اللي جنبها وسمعها تكلم عمرها وضحك ع كلامها
مي ماكانت منتبهه له
ريما وهي تعطيه بوكيه الورد :يالله ماتشوف شر ومع السلامه
بدر : وين تو الناس والزياره مابعد خلص وقتها
ريما : لا صديقتي تحت ونبي نروح السوق
بدر : بس السوق قفل اذن المغرب
ريما : بنزل اصلي وفيما نوصل السوق قد فتح
بدربتردد :بس ماشبعت منك
ريما ولعت <<اشوى انها متغطيه
ريما : بس تاخرت على مي
بدر بلقافه : من مي
ريما : هاه
بدر : لاولا شيء
ريما : مي بنت جيرانا واحنا اكثر من الاخوات
بدر : اهاا
صمت
بدر : رمو ممكن طلب
ريما : عيوني
بدر ذاب : تسلم عيونك ارفعي الغطاء
ريما بلمت ماتدري وش ترد وبدر حس انه زودها
بدر : اسف مو قصدي
ريما ترقص من الفرحه من داخلها
ريما : لا مو مشكله تامر شيء
بدر بياس : سلامتك
ريما : الله يسلمك
وطلعت ريما متشققه وفي الوقت
مي تتصل ونواف ذب اذنه
مي : يالدبا وينك
ريما : ليه تاخرت
مي تقلدها : ليه تاخرت لاياعمه الشيوخ ماتاخرتي وش رايك تباتين احسن
ريما : لا شينه
مي : وجعه وصدقتي تعالي لا اطب في بطنك انتي وياه
ريما : كله منك انتي قلتي عيشي الحب وجنونه
مي : قلت عيشي الحب وجنونه بس مو تلطعيني كني سيلانيه لحالي وبعدين نسيتي المشاغل اللي ورانا ولا مايتكل عليك الشرهه على اللي يقول لك نصايح
ريما : انا نازله الحين
مي : استناك
ريما : استناه واتمنى لو اعيش العمر كله معاه
مي : لا البنت لسع شويه العقل اللي بقى براسها يالله تقلعي
وقفلت وجلست تستناها
مي تشوف ريما من بعيد : طيب يالبطه ان ماكرفتك عشان تعرفين ان الله حق ولله لاذلك بنصايحي
ريما كانت مسبهه وطلعت من المستشفي
مي : شف الدبه طلعت وخلتني صدق قليله خاتمه
نواف كان ناقع من الضحك ع شكلها
في هالوقت بدر يتصل ع نواف يبي يقوله عاللي صار ونواف حط جهازه ع الصامت كان يبي يسمع هالخبله وش بتقول وتسوي <<<<ولله ملقوف
مي رجعت تتصل
ريما : هلا وينك
ومي وشوي وبتنفجر : لا ويني الحين ابعرف يومك مسفحه وين بتروحين
ريما : بروح للسوق
مي تقلدها : بروح للسوق اجي ادق خشتك
ريما : ليه
مي : انتي صاحيه ادخلي للمستشفى
ريما : ليه
مي : يالله بتجلطيني الحمدلله اني بالمستشفى عشان يلحقون علي ادخلي وبس انا بالاستقبال
ودخلت ريما وراحت لمي
نواف كان مغطي وجهه من الضحك " ولله هالبنت فله توسع الصدر ياليتهاولد هههههه"
مي تاشر لها : رميوه تعالي انا عنا
ريما : وجعه اولا اسمي ريما يالدبه ثاني فضحتيني كل اللي بالمستشفى عرفوني
مي : اقول لايكثر الشرهه مو عليك علي انا
ريما : افااااا ليه
مي : ليه ياعمتي ماطلعتي بدري
ريما : ولله يوم شفته نسيت الدنيا بعدين ماجلست الا ربع ساعه
مي وهدت : طيب اتصلي ع السواق يجينا هنا ماراح نروح ع رجلينا الحين ظلام وعيال الحرام واجد وانا وحده توني مابعت عمري
ريما : طيب
وتصل ع السواق يجيهم
مي : طيب ماقلتيلي وش صار
ريما : يوه انتي وش دخلك
مي : الله يالدنيا الحين انا وش دخلني بعد التعب اللي تعبته
ريما : أي تعب الله يعافيك
مي: الشرهه علي اللي من الصبح جالسه اعلمك شلون الحب
ريما : اقول خلي تعليمك لك انا وحده مابي حروب ونيران حب
مي : بلاك خبله الحب حلاوته في شراسته في جنونه في كل شيءفيه
ريما : اقول بس لا يكثر قومي شكل السواق جاء وع فكره افلقيني اذا لقيتي واحد بمواصفاتك
مي : وليه مالقى
ريما : قومي واقول لك ليه
طبعا الاخ تليقف وقام يبي يعرف وش بتقول لها
وهم يمشون
ريما تكمل :انتي تبين رجوله وبداوه وحلات وحب وهذا ماتجي
مي : وليه
ريما : رجوله وبداوه ماتجي مع الحب لان في هالحاله بداوته بتمنعه من شيء اسمه حب وحلات وحب تلقينها بس مع شوي مياعه وخيانه لان الحلو بيستدفيد من حلاته وانت ماشاءالله عليك شارطه جمال هيرثك
مي : هههههه الجمال مو كل شيء انا امزح لو يكون مشوه بس يحبني ابيع الدنيا عشانه اهم شيء حبه ع قوله القايل لا اريد حبا صلدا جامدا ..لا اريده حبا عاقرا .
اريده حبا كشريط سينمائى تبقى فى مخيلتى اجمل ما شاهدته .
اريد حبا ككتاب احتفظ باحلى كلماته بعد نهايته .
وتكبر فيه اشجارى وتزداد خضرة اوراقى .
اريد حبا اطرح فيه اشهى تمارى.
وتزهر فيه براعمي ...
ويكبر فيها محصولي...
ريما : هههههههههههههههه : الله الله كل هذا وش هالفصحى اللي نزلت عليك
وركبوا السياره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك