رواية ماساتي في سطور الماضي -30
فيصل وهو يضحك : اقول بس ضفي وجهك ونامي وخذي فهودي معك
مي : لا ياحبيبي خذه معك مو ناقصني بزران احمد ربك اخذته امس
فيصل : افاااااا ولله طيب دوري لك احد يوديك بكره
مي : امزح امزح ياربي صاير تصدق كل شيء وبسرعه
في بيت ام ريما
بدر : ولله العظيم احبك
ريما : اسمع يابدر ياولد عمي اذا كنت تحبني ابعد عني
بدر : طيب ليه رافضتني
ريما : بس
بدر : حرام عليك من سنين وانا انتظر هاللحظه وانتي ببرود ترفضيني
ريما : انا مارفضتك والا ناسي ان التحاليل ما تطابقت
بدر وبحزن : ريما انا عارف ان التحاليل متطابقه بس انتي اللي طلبتي من الممرضه تغيرها
ريما وبخوف : من قال لك اصلا لو ما ابغاك كان من الاول ماوافقت
بدر : ريما انا كنت معك بيوم التحليل وسمعت الممرضه يوم عرضت عليك انها تغير النتيجه
ريما برعب مو مصدقه : بس انت ما سمعت وش قلت لها
بدر سكت
ريما : تكلم ليه ساكت
بدر : اااااااااااااااااه وش اقول غير الله يسعدك مع اللي تحبينه وانا اسف مره ثانيه
وقفل
ريما ماتدري وش كان ودها تسوي كانت الدنيا مسكره كل الابواب في وجهها
ريما وهي تبكي " الله يسامحك يافيصل الله يسامحك "
نرجع لوين ماتركنا ساره واحمد
الدكتور : احب اطمنك يا اخ احمد انك بخير بس
ساره : بس ايش
الدكتور : بسبب اهمالك لحالتك كنت بتودي نفسك للقبر انت عندك ضعف بالقلب وفي أي لحظه كان ممكن تجيك جلطه بس الله قدر ولطف ولا جتك
احمد : طيب يادكتور ايش اسوي
الدكتور : لا تسوي شيء انا بكتب لك كم علاج تداوم عليه فتره ومن يوم تجيك الاعراض انصحك تروح لاقرب مستشفى واترك الزعل عنك
احمد : ان شاء الله أي تعليمات ثانيه
الدكتور : لا والحمد لله ع السلامه مره ثانيه
طلع احمد وعيونه ع ساره حاس بخوفها عليه
احمد : سارونه وين حابه نروح الحين
ساره : أي مكان حبيبي
وجلسوا يتمشون
في ايطاليا
سعود : حبيبتي سدوم كل هذا نوم يالله قومي
سديم بكسل : صباح الخير حبيبي
سعود باسها ع خدها : صباح الورد والجوري يالله قومي
سديم : ان شاء الله
قامت سديم ودخلت للحمام واخذت شور سريع وطلعت
سعود : قلبي انا برى استناك عشان نفطر
سديم : خمس دقايق واجهز
طلع سعود وسديم تفكر " ياربي انا ظلمت عمي فهد شلون اسامح نفسي "
سعود وهو ينتظرها " ياربي هذي ليه تاخرت "
دخل عليها سعود ولقاها مابعد غيرت وسرحانه
سعود : اللي ماخذ عقلك
سديم : هههه مافيه غيرك
سعود : طيب يابكاشه ليه للحين مابدلتي ملابسك
سديم : خلاص دقايق
في الرياض
فيصل : ميونا بتجهزي والا اروح لوحدي
مي : خلاص الحين اجهز
وجهزت مي وبعدها طلعوا
في السياره
فيصل : ياربيه يالعجوز ساعه عشان تركبين
مي : اووووف لاتتريق بعدين تراني لابسه عبايه
فيصل : اهااا قلتي لي لابسه عبايه كل الحريم يلبسون عبايات بس ماظرهم
مي وهي تعدل جلستها بالسياره وتقفل الباب : ياربيه هذاني ركبت حرك
فيصل : طيب
فيصل وهو يحرك السياره لمح سياره بدر
فيصل : هذا بدر ال....
مي : وينه خطيب ريما
فيصل وبضيق : شوفيه اللي يركب السياره
مي : يووووووه مامداني اقزه بس شكله حليو
فيصل وضحك من تفكير اخته : هههه لايكون انتي اللي بتاخذينه
مي : الشرع محلل اربع ياشيخ فيصل
فيصل : من جدك تاخذين واحد متزوج
مي : عادي تحصل في احسن العوايل وبعدين ماكنك طولت يالله حرك
مي طبعا عارفه سبب حزن فيصل وحاسه باللي يدور في باله وحبت ترفع من معنوياته
مي : تصدق فصفص
فيصل يضحك ع خبال اخته : مو اصغر عيالك فصفص بس يالله امشيها لك وش عندك
مي :احس الرجاجيل احيانا بقر
فيصل : هههههههههه افااا ليه مو ثيران
مي : المهم يعني احسهم اغبياء وتافهين
فيصل : وليش ياانسه بقره
مي : ياربي يافصفص خلني اعبر
فيصل :ههههه عبري
مي : لامن جد الرجال احسه احيانا تافه يضيع اشياء من بين يديه وهو قادر يحصلها بس لانه مايتمتع بالرجوله الكافيه
فيصل وتحمس مع اخته : وليش تقولين هالكلام
مي ماتبي تقول له انها تقصده بالكلام
مي : يعني مثلا صديقك طلال اول شيء يبي سديم وبعدين حول ع ساره وبعدين جاني ماتمسك بسديم ولاتمسك بساره تحسه مايبغاهم هم يبغاك انت اهم شيء تصير نسيبه
فيصل: مي ماتحسين انك متناقضه وش دخل طلال بالموضوع
مي : مو تناقض بس انتم يالرجال تفكرون بالعقول وتخلون القلوب ماتخلون القلب يحكم او انكم توفقون بين الاثنين مثلنا
فيصل : لان احيانا لازم مانكون انانين ونفكر بالعقل ونخلي القلب ماتشوفين انا احنا الرجال نتحمل الصدمات اكثر منكم بسب سيطرت قلوبك ع المواقف
مي وبعجز : بس لاتنكر ان طيبه قلوبنا هي اللي لاعبه فيكم لعب يالرجال
فيصل : هههههههه اقول بس يالفيلسوفه وش رايك تنزلين ترى وصلنا
مي : ايه تهرب
في مكان ثاني في بيت ام ريما
ابوريما : ولله يابدر انّا نشتري رجال بس للاسف مو مقدر هالزواج
بدر : الله يسلمك ياعمي بس هذا النصيب وين تروح منه
ابو ريما : صدقت ياولدي
بدر : يالله ياعمي استاذن
ابو ريما : وين تو الناس
بدر : ههه وين تو الناس ياعمي انا من قبل الصلاه وانا عندك رحم الله من زار وخفف
ابو ريما : براحتك ياولدي
طلع بدرمن المجلس وفجاءه يشده صوت هو متعود عليه صوت من ززمان وهو يعشق صاحبته وبلا مقدمات راح اتجاه الصوت للحوش
ريما كانت مندمجه وهي تغني
عشان الحب واللي بيني وبينك
عشان الحب عشان ايامي وسنينك
ابيك تراجع احساسك
وتنسى جروحي والامك
حرام انا بهذا البعد تضيع ايامي وايامك
ادري البعد اثر فيك
وتدري البعد ذابحني
حبيبي الله يخليك
ابي ترجع تريحني
انا اترجاك لا تنسى ليالي الحب وسنيني
وحاول لاجل حبي لك انك ماتخليني
ريما دمعت عيونها وهي تغني
بدر لمح دموعها : لها الدرجه تحبينه وهو مو معطيك وجهه
ريما خافت من الصوت : بدر
بدر : ايه بدر
ريما : وبعدين من تقصد من اللي ما عطاني وجهه
بدر : حبيبك الخفي
ريما : بدر احترم نفسك انا ما احب
بدر وبحزن :طيب امنتك الله انتبهي ع نفسك
طلع بدر وركب سيارته وراح
ريما : يالله لها الدرجه تحبني بس ولله ما اقدر ياولد عمي اضرك واخذك وانا قلبي مع واحد ثاني
في مدينه الملاهي مي ماخلت لعبه مالعبتها ولاشيء مهبول الا سوته
فيصل : هاه ان شالله انبسطتي
مي وهي تلهث : كثيييييييييير الله يخليك لي ولا يحرمني منك
فيصل :هههههههههه وش هالرضي اجل كل يوم بطلعك
مي : صدق ولله
فيصل : مو كل يوم كل يوم
مي : اهم شيء تطلعني
فيصل : ابشري ع هالخشم
وكملت مي هبال
اما عند سديم وسعود كان الجو غيييييييييييييييييير
اما عند ساره واحمد مناحه ما حصلتش قبل كده
المهم نرجع للعاصمه الحبيبه الرياض الخبراء وفي احد شوارعها
خالد : من جد الحادث فضيع
امين : الله يقومه بالسلامه
خالد : ولله ما اتوقع حي والحادث بهالشكل
فواز : لاتفاول ع الرجال ان شاء الله يطلع سليم
امين : صدق خالد وين سليم معه والسياره مثل مانت شايف منشلخه "منقسمه " نصفين
فواز: انتم ادعوا يقوم بالسلامه ويصير خير
خالد وامين : الله يشفيه ويرده لكل عين ترجيه
في احد بيوت الرياض الراقيه
ام سليمان : ياسالم الوضع مو عاجبني انت شايف حاله ولدك بدر ولله قلبي يتقطع عليه كل يوم
سالم : وش تبيني اسوي البنت وخطبتها له بس الله ما كتب لهم نصيب يعني وش اسوي
ام سليمان : طيب مو لازم تتطابق التحاليل اهم شي ولدي
سالم : انتي منهبله يامره واحفادك اذا طلعوامعتلين وفيهم بلا من بيتحملهم
ام سليمان : ان شالله ماراح يصير هالكلام وبعـ...
يرن التلفون
سالم: اروح اشوف من المتصل اوفق
سالم : هلا
المتصل : السلام عليكم
سالم : وعليكم السلام
المتصل : هذا بيت بدر الـ....
سالم : وصلت انا ابوه
المتصل : لو سمحت ممكن تشرفنا في مركز الشرطه
سالم : خير وش صاير
المتصل : اذا جيت بتعرف
وقفل
ام سليمان : خير ياسالم وش اللي صاير وش فيه وجهك قلب اصفر
سالم : ولله مدري بس الشرطه يبوني اجيهم
ام سليمان : ليه وش مسوي
سالم وهو يتمتم "ولله مو انا ولدك هالفالح الله يستر بس "
ام سليمان : سم وش تقول
سالم : ما اقول شيء بروح اشوف وش يبون عن اذنك
وراح ابو بدر للشرطه
في السياره
فيصل : اقول ميوونا
مي : هلا
فيصل غير الموضوع : وش رايك كل خميس نطلع كلنا مع العايله
مي : ولله فله
فيصل : انا مفكر ابني استراحه نجتمع فيها كل العايله
مي : ليه الاستراحه ومزرعه عمك موجوده
فيصل : اجل ما علينا الا نبلغهم بالفكره
مي : فيصل وش فيك
فيصل مستغرب : مافيني شيء ليه وش فيني
مي : مدري عنك احس مو هذا اللي بتكلمني فيه
فيصل : هاه
مي : من قال هاه سمع
فيصل : اقول ولله رايقه
مي : فيصل
فيصل : نعم
مي : وش هالحوسه والسيارات اللي عند جيرانا اهل ريما
فيصل : وين
مي : شف عند باب بيتهم
فيصل : مدري خلينا نوقف نسال
مي : لا فشيله وش نوقف بهالوقت
فيصل : بكيفك
مي : والا وش رايك نسال
فيصل : حددي
مي : خلاص اسالهم اخاف يحتاجون مساعده
فيصل : ع رايك اخاف يحتاجون مساعده
ووقف فيصل عند بيت ريما ويشوف الضجه اللي صايره
فيصل يسلم ع ابو ريما
فيصل : السلام عليكم
ابو ريما وبحوسه مع الي صاير : وعليكم السلام هلا ولله
فيصل : عسى ماشر وش فيكم تحتاجون مساعده شيء
ابوريما : ولد اخوي بدر صار له حادث وبين الحياة والموت والسياره مثل مانت شايف مادري وش فيها وصار لنا مده متصلين ع تركي ومابعد جاء عشان يوصلنا للمستشفى
فيصل : مايشوف شر ولله يقومه بالسلامه ياعمي انا ماعندي شيء وش رايك اوصلك
ابو ريما : لالا مايحتاج اخاف نشغلك
فيصل : لا تشغلني ولا شيء اصلا ماعندي شيء بس ابطمن اختي واحطها في البيت وامرك
ابوريما : تسلم ياولدي اجل بقول للحريم يطلعون
راح فيصل وقال السالفه كلها لمي وبعد خمس دقايق رجع لبو ريما
فيصل : يالله جاهزين
ابو ريما : ايه ياولدي
وركبوا
طبعا ريما كانت رايحه معهم كانت تحس بتعذيب الضمير تحس انها السبب في اللي صار
ابو ريما : خلاص ياريما هذا قضاء وقدر وانتي مالك شغل
فيصل ماتوقع تكون ريما اللي راكبه معهم كانت طول الوقت تبكي
فيصل " يالله ياريما لها الدرجه تحبينه وخايفه عليه "
فيصل : ان شاء الله يقوم بالسلامه ولا يصير فيه شيء بس انتي اهدي
ريما وبعصبيه وبصياح : انت اسكت كله منك انت السبب بكل شيء
فيصل كان منصدم وهو يسمع كلام ريما " انا وش دخلني وش القصه "
ابوريما : يابنتي اهدي وش فيك هذا فيصل وش دخله بالموضوع
ريما جلست تشاهق : انا مابسامح نفسي لو صار فيه شيء ما بسامحها اذا راح انا بروح معه
فيصل كان منصدم من جد " يالله كل هذا حب "
ابو ريما : سمي بالرحمن يابنتي واعقلي
ووصلوا المستشفى
كان المستشفى مليان وزحمه اهل بدر كلهم مجتمعين وحالتهم حاله
وريما من يوم دخلت وهي صياح لدرجه انهم توقعوها امه وكل اهل بدر حتى امه جلسوا يهدونها
ام بدر : يابنتي ان شالله مافيه الا العافيه
ريما ماكنت تردد الا : كله مني انا السببب جعل اللي فيه فيني ولا فيه
ام بدر : استغفري ربك يابنتي وان شاء الله بيقوم بالسلامه
وطبعا فيصل كان يراقبها من بعيد لبعيد
ابو ريما حط يده ع كتف فيصل : ياولدي ابيك تسامح ريما ماكانت تقصد
فيصل : لا انا عاذرها الله لايلومها
ابو ريما : هذا العشم ولله و..
يدق جوال ابو ريما
ابو ريما : هلا ولله ياسالم وينك
سالم : انا بالشرطه
ابو ريما : افااااا ليه وش عندك بالشرطه
سالم : ولله مادري وش اقول لك بس بدر طلع هو المخطي يسوق بسرعه جنونيه وعليه 250 الف غرامه لانه خرب ممتلكات دوله
ابو ريما : لا حول الله وانت وش بتسوي شلون بتدبر المبلغ انا مامعي الا نصه
سالم : ولله مدري وتكاليف المستشفى سوات ربك احسن
ابو ريما : ان شاء الله بتنحل بس لاتجيب طاري لام بدر
سالم : ان شالله لو تدري بتموت حسره
المهم قفلوا وفيصل سامع كل المكالمه
فيصل : ياعمي بقول لك شي بس مابيك تاخذ بخاطرك
ابو ريما : تفضل
فيصل : ياعمي انا مثل ماانت عارف ربي مغنيني وعندي خير
ابو ريما : لاتكمل وانا ابوك تسلم
فيصل : هذا انت قلت ابوي يعني هذا ولد عمي ورجل اختي وانا لازم اساعد وهو دين متى ما قدرتوا تردونه ردوه
ابوريما : ولله مادري وش اقول لك بس ولله انك نشمي ورجال
فيصل : اتصل على العم سالم وبشره انك دبرت المبلغ بس ما ابي احد يدري انه مني
ابو ريما : ولله مادري وش اقول لك بس الله يقدرني وارد لك جمايلك
فيصل :حنا جيران واهل يالله انا استودعكم الله بس طمني ع بدر تعرف الاهل في البيت لحالهم وليل واكيد هم خايفين ويبون يطمنون
ابو ريما : الله يحفضك ياولدي
رجع فيصل للبيت وهو يفكر بالي صاير ريما ليش تبكي هالبكي وهو ايش دخله بالموضوع اكيد فيه شيء
اما بالمستشفى
الدكتور : ولله مااقدر اخبي عليكم حاته صعبه انتم عارفين ان فيه ماصوره دخلت في حوضه وهذا بيسبب له فشل في كليته في المستقبل لان الكليه الثانيه مع الحادث تقطعت ولازم زرع كلى اذا استلزم الامر غير الاصابات الباقيه والكسور و
ابو ريما : وايش
الدكتور : فيه احتمال كبير انه ماينجب
ابو ريما : وش قاعد تقول يادكتور تدري بكلامك بتحطم حياة شاب
الدكتور : انا اقول احتمال وكل شيء بيدد رب العالمين
طبعا ريما كانت تسمع كل الكلام اللي قاله الدكتور وكل ما قال شيء حست بسكين تقطعها
ريما "انا السبب لازم اعوضه حتى لوع حساب نفسي "
في إحدى فنادق ايطاليا وخصيصا العاصمة روما
كانو العشااق في جو ثااااني مافي شئ يعكر مزاجهم
كانت حياه سعوود وسديم اروووع ماتخيلووه ماكنو متوقعين يكوونومع بعض كان كل واحد يحاول يرضي الثاني باي شكل المهم كان القدر واقف ضدهم المهم كانو يتمشوون في شوارعها
سعود: سدو>> يقالي يدلعها
سديم :هلا
سعود:وشرايك بالمحل هذا
سديم وكاان مالهاخلق لاحد بدوون نفس :ايه حلووو
سعود: وراك تقولينها كذا
سديم : يعني كيف اقوولها
سعود: سديم فيك شئ ضايق خلقك
سديم : لا مافيني شئ بس انت مكبر الموضووع
سعوود : الله يهداك وش مكبره وانتي شوفي نفسك متنرفزه
سديم : طيب خلااص لاتكبر الموضوع
سعود : طيب تبين نرجع للفندق
سديم : بكيفك
سعوود : يعني وشلون بكيفك
سديم : يعني بكيفك إللي تبي
سعود:طيب شوفي انت ارجعي للفندق وانا بارووح اجيب الغداء
سديم : طيب
سعود وهو رايح للمطعم : انا وش سويت لها عشان تعصب كلما قلت شئ صايحت اقوول ياشين الواحد اذا عصب وحط حرته في الثاني "ياكثر ماتصير عندنا في البيت وانا اول وحده اكلها مع هلي جالسه جنبي واخرتها من شوي تهزئت اهاااااااااهاهاهاي خخخخخ"
وسديم الي كانت تمشي وهي سرحانه" ياربيه انا وراني معصبه الحين إلاهو بعد يتلزق خلاص انا مالي خلق لايجي يستخف دمه افففف"
وهي تكمل حلطمه السياره كانت في طريقها وهي الله يعافيها بتقطع الشاارع وهي ماتشووف السيارات المهم لفت لجهه السياراه وشافت السياره مسرعه لها وكأنها ناويتها وطخ تصدم بالسياره وهي حست ان روحها طلعت منها وهي ودها تصرخ تنادي سعوود
المهم يتجمع عليها الناس وكنهم ماقد شافو حادث
المهم سعود يرجع من المطعم ويشوف الناس متجمعين
سعود :وش صاير حتى هنا فيه حوادث بعد
المهم دخل مع الزحمه يشووف مومخلي لقافته بس بعض الايام القافه تفيد<<صدقوني وانا مجربه انا حكمتي في الحياه هي لقافتي سبب ثقافتي<<من زود الثقافه كتبت روايه
المهم يشووف سديم وهي طايحه وتطقه البووهه ويرمي الاكل من هنا وراح يركض من هنا يعني من جهه ثانيه المهم
سعود : سديم سديم ردي علي
ياربيه وش قاعد يصيرلي
وجت الاسعاف متاخره بسبب الزحمه كأنهم سعودين
ووصلو للمستشفى وعلى طوول الطوارئ وسعود بين اسياب << يعني يعني مدري يعني اطرقه المستشفى اللي بين الغرف
يارب مايصير فيها شئ يارب تنقذها ياربيه كله مني ليش خليتها تروح لحالها يارب
المهم طلع الدكتور
طبعا باختصر السالفه وبكتب الترجمه على طوول
مابي اجرح مشاعر اللي مايعرف انقلش
سعود : وش صار لها
الدكتور : ماصار شئ بس كسر في ايدها ويمكن يكون فيها نزف بس لازم نتاكدوهي الحين نايمه معطينها منوم لانها مرهقه شوي وتقدر تشوفها
سعود :وشلون نزيف وليه
الدكتور : هي معها دم اصلا و مو اكيد النزيف
سعود: يعني وشلون دم
الدكتور : مواكيد يالطيب <هنا عصب الدكتور الارفع ضغطه بغبائه
سعود: طيب متى تقدر تطلع
الدكتور : اذا تاكدنا انها مافيها شئ
سعود :طيب شلون نتاكد
الدكتور : اذا صحت المدام
سعود : وش دخل المدام
الدكتور ارتفع الضغط عنده وجر سعود وكلمه في اذنه
الدكتور : فهمت الحين
سعود : اهااااا عرفت ليه معصبه والاخلاق مقفله
الدكتور : ايش
سعود : لالا ولاشيء
الدكتور : تبي شيء الحين
سعود : لا مشكور
الدكتور : العفو ماسوينا الاالواجب
سعود دخل للغرفه وشافها نايمه في سابع نومه وجلس بجنبها وناام على الكرسي
نرجع للعاصمه الحبيبه الرياض
في البيت الصبح
مي: يمه شفتي جيراننا
ام فيصل : لا وش فيهم
مي واللقافه بتذبحها : صار لولد عمهم بدرخطيب ريما عرفتيه
ام فيصل : ايه عرفته خلصيني قولي وش صار
مي : صار له حادث
ام فيصل: بسم الله عسى ماصار له شئ
مي : عاد وش دراني انا شايفتني ملقوفه
ام فيصل : الله اكبر كل هذا ولا دريتي انك ملقوفه
مي : انا وش سويت قلت اللي اعرفه
ودخل فيصل
فيصل : السلام عليكم وشلونك يمه
ام فيصل : وعليكم السلام الحمد لله بخير
مي : هاه وش صار لبدر
ام فيصل : لا وتقولين انا مو ملقوفه
مي : اوووه يمه لاتدققين ايه بس وش صارله
فيصل : والله مدري وش صار
مي : اجل ليش راز الفيس الله يعافيك
فيصل : انت خلي القافه على جنب يالملقوفه
مي: طيب ياربيه مايخلوني امارس هوايتي
ام فيصل : اقوول قومي ظفي وجهك بس ازين لك ولنا
مي : شكرا ياامي اللي مربيتني شكرا حطمتيني
فيصل : اقوول انت وس فيك
مي: وس فيني لامافيني ههههههههههه وس فيني ههههه إلا انت وس فيك<<مضيعه خخخخخخخخخ
فيصل: لامافيني شئ جتني تغيرات في فمي بس
مي : بس يعني وشلون تغيرات
فيصل : اقول انطمي ازين لك
مي : مابي ابي امثل
فيصل : لالا صدق صدق وش فيك
مي: احب التمثيل وش فرق زينب العسكري عني والا الهام الفضاله
فيصل: لالا فيك شئ لالا اكيد فيك شئ
مي : طيب خلاص مذيعه بصير مثل حليمه بتدّلع وإلا مثل أمل عوضي ممثله ومذيعه
فيصل : يمه تكفين وإلي يرحم والديك ظفيها عن وجهي لزنطها الحين ولا تسال وش الفرق يهبلون وانتي شيفه
مي : الحين هم يهبلون والله انك ماتعرف تشوف كل وجههم مكياج ورسم والا على الحلا ولله مافيهم شوفني طبيعيه واهبل اتحداك وحده منهم تطلع بدون مكياج
فيصل : انا عارف بس مااحب اجرح مشاعرهم
مي : لاتكفى إلاهم بس يستنون وجهه نظرك
فيصل: اقول اني ورى ماتنقلعين
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك