رواية ماساتي في سطور الماضي -29
مداوي ....: الله يقطع بليسك ضحكتيني وانا مهموم الا وش بغيتيني فيه
الانثى ...: يووووووه بدري بس خلاص انحل الموضوع انت وش فيك روعتني
مداوي ...: مافيني شيء بس انا مصدوم
الانثى ...: من منه عسى مو مني
مداوي ...: البلا انه منك خخخ امزح من حنين قلبي ودفى روحي
الانثى ...: زوجتك
مداوي..: ايه
الانثى ...: ليه وش صاير
مداوي ....: كانت حبيبتي متضايقه ولا ادري وش فيها اتصلت اسالها وش سبب ضيقتها قالت ظروف
الانثى ...: طيب
مداوي ...: بحكم اني حبيبها وزوجها لازم تقول لي سبب ضيقتها بس للاسف طلعت مو معتبرتني شيء في حياتها
الانثى ...: شلون يعني وش اللي صار
مداوي ...: ااه يالانثى قالت لي ظروف عائليه ماتخصك
الانثى ....: يمكن قالتها بدون ماتقصد لا تكون حساس
مداوي ..:بس اسلوبها كان معاي مو حلوه ولهجتها في الكلام متغيره
الانثى ...: خلاص انت لاتضيق صدرك هي بتحس بغلطتها وتتصل عليك
مداوي ...: واذا ما حست وش اسوي
الانثى ...: لا بتحس
مداوي ...: طيب لو كان هالشيء صاير بينك وبين سعود
الانثى ...: فديت قلبه لاتقول عننا كذا
مداوي....: انا اقول لو
الانثى .....: سعود قلبه كبير ما اظنه بيزعل واصلا ماتحمل ازعله براضيه علاطول
مداوي ..: طيب اللي تقولينه لي تقولينه له
الانثى ....:فيه اشياء اقولها له مااقولها لك واشياء اقولها لك ما اقولها له
مداوي ...:مثل ايش تقولين لي ماتقولين له
الانثى ...: يعني اذا بغيت استشيرك في مشاكل صايره عندنا واي شيء مثل كذا
مداوي...: وليه
الانثى ...:بساطه لانك ماتعرف من اكون اما سعود ما ابيه يعرف عن المشاكل اللي صايره عندنا تكفيه مشاكله هو بيزعل وبيشيل همنا اما انت لا
مداوي ...: اهاااا بس عموما انتي غلطانه اكثر من يشيل همك انا يالله بس باي
الانثى ...: باي
سديم ماستوعبت
سعود شاف الصدمه ع وجهها
سعود : قلبي وش فيك
سديم : شلون جبتها
سعود حس ان سديم مابعد عرفت انه هو نفسه الشامخ ومداويها
سعود مسكها مع خصرها وقربها لعنده اكثر : انا هو طبيبك
سديم مو مصدقه وش يقول
سديم يدور في بالها اشياء كثير ه"يعني جالس يلعب فيني ويخدعني "
سعود حس بصدمه سديم : سدوم وش فيك لها الدرجه المفاجاءه شينه
سديم شالت يده عن خصرها وطلعت من الغرفه ولا كلمه سعود انصدم بحركتها
سعود " يالله لايكوت زعلت لالا بس هي وعدتني ماتزعل الا انا الغبي لازم انكد ع عمري كان مشيت الليله وبعدين يصير خير
طلع سعود يلحق سديم اللي لقاها متكوره على نفسها في الغرفه الثانيه ومغطيه وجهها
سعود : سديم ولله ماتوقعتك تزعلين
سديم ساكته ولاكلمه
سعود : سديم ردي علي
سديم كانت تفكر بكلامها مع مداوي
سديم "انا الغبيه ليش ما عرفت واستنتجت انه نفس الشخص "
سديم ماتدري ليه عصبت ع سعود
سعود جلس ع السرير اللي هي فيه
سعود : سدوم انتي وعدتيني ماتزعلين
سديم ماعبرته ولا بحرف
سعود شال الغطاء من وجهها لقاها مغمضه عيونها مثل الطفل ودموعه اربع اربع
سعود يمسح دموعها : ولله لو اني عارف انها بتنزل دموعك كان ما فتحتها سديم خلاص الله يخليك
سديم : سعود الله يخليك خلني لحالي
سعود : طيب ع راحتك بس احب اقول لك انك ملكتي سعود قبل الشامخ
باسها سعود ع راسها وطلع
سعود راح للغرفه حس الدنيا مقفله كالابواب بوجهه فكر يتصل ع تركي بحس حسها شينه الحركه جلس يحوس بالغرفه
اما سديم اللي بالغرفه الثانيه كانت تبكي وماتدري ليه
دار في راسها كل الكلام اللي كانت تقوله للشامخ وكيف كانت تتشكى له من سعود وكيف ارسلت له قصتها
سديم "ياربي انا ليش سويت كذا ليه وثقت فيه ياربي ارحمني ليش ياسعود حطمت فرحتي فيك أأأأأأأأأأه منك انا مابي حبك اذا كان شفقه انا عرفت ليه تغيرت مو لي بس شفقه
سعود كان مهموم ع الاخير وخايف ع سديم لايصير لها شيء المهم راح لعندها بالغرفه
سديم حست انه دخل عليها سوت نفسها نايمه
سعود وقف ع راسها وشاف دموعها
سعود :اااااااااه ياسديم ما تعرفين ان هالدموع غاليه عندي
مسح ع راسها
سعود :سامحيني يا اغلى الخلان ما كنت حاب اخرب عليك فرحتك حسبتك بتفرحين بهالشيء
سعود جلس يتامل سديم وماعرف انها صاحيه كان يتكلم ويسولف عليها على باله نايمه
سديم كانت مبسوطه ان سعود بجنبها وجالس يسولف عليها بعدها نامت ع سواليفه
سعود مسك يد سديم وحس بالبروده فيها باسها بعدين حط عليها الغطاء
سعود طلع من الغرفه وراح يجهزشنطه السفر له ولسديم
احمد وساره كانوا بالطياره رايحين يقضون شهر العسل
اما سعود وسديم كانوا بالبيت
صحت سديم من النوم وتذكرت كل شيء صار طلعت من الغرفه وراحت تدور ع سعود لقته متكور ع شنطه السفر
سديم " أأأأأأأأأأأه ياسعود ما تدري انك تعذبني اكثر بهالحركات "
راحت لعنده ومسكت يده كانت بارده مرره
سديم: مسكين شلون نايم بهالبرد
وجت تسحب يدها عشان تروح تجيب له غطاء
شد سعود بيده عليها
سعود : خلي يدك هي اللي تدفيني سديم ماكان قصدي وربي لا تزعلين انتي وعدتيني امس ماتزعلين
سديم كانت تناظر سعود وهو يترجاها
سديم بجفا: مشكور ع ترتيب الشنطه
وسحبت يدها وطلعت
سعود :يالله شلون اخليها ترضى
سعود بعدها طلع من البيت وراح يجيب لهم غداء قبل مايروحون للمطار
في بيت فهد
حصه تطق الباب ع البنات
يفتح الباب لها فهد
حصه : ربي يسلملي هالوجه ان شاءلله صحيتك حبيبي
فهد كان يفرك بعيونه
طلعت ريما
ريما : صباح الخير حصوص
حصه : ههههههه يسلملي الرايق انا يالله صحي ميونا وصلوا وبعدين تعالوا تغدوا
ريما : ان شاء الله خالتي بصحيها الحين وتراني مو مشتهيه غدى
حصه : لا ياحبيبتي تبين اهلك يقولون مجوعين البنت لا مافيه
ريما : بس خاف اضايقكم
حصه : من تضايقين ياحسره مافيه الا انا
ريما : والرجال
حصه : بسم الله علي من الصبح رايحين شركاتهم
ريما : اممممم طيب
رجع سعود بالغداء
سعود راح للغرفه اللي فيها سديم
سعود : حبيبتي الغدا برى تعالي تغدي
سديم : مو مشتهيه
سعود : بس انتي ما اكلتي شيء وبعدين ورانا سفر
سديم : قلت لك مو مشتهيه
طلع سعود خايب الرجا
سديم حست انها مصختها شوي وبطنها بداء يطلع اصوات بس كرامتها ما تسمح
المهم دخل سعود عليها بالغداء
سعود : ممكن اكل عندك
سديم : بكيفك
قرب سعود عند سديم وحط الغداء ع الكومدينه اللي جنب السرير
سعود : يمكن اذا شفتيني اكل تشتهين
سديم ماعبرته بولا كلمه
سعود جلس ياكل قدام سديم وهي شوي وبتموت من الجوع سعود قام من مكانه وجلس جنب سديم ومد لها ملعقه لفمها
سعود : افتحي فمك انتي زعلانه علي مو ع الاكل حرام ماتاكلين وانا اللي مزعلك اكل يالله كليها عشان خاطري
سديم ماعبرته
سعود : مو عشاني عشان امممم ريما
سديم فتحت فمها وكلت
سعود حز بخاطره كيف يوم قال خاطره مارضت ويوم قال خاطر ريما اكلت
سعود قام عنها وخلاها تاكل براحتها
قبل مايطلع سعود
سعود : انا بروح احط الشنط بالسياره اذا خلصتي انزلي
سديم خلصت من الاكل وشالته للمطبخ ولا كلمه وبعدها نزلت تحت لسعود وركبت السياره
سعود : خلاص ماتبين شيء من فوق احرك السياره
سديم : لا ما بي شيء
انطلق سعود وطل الطريق للمطار ولاكلمه
ركبوا الطياره ولا كلمه <<<<شكلهم مطولين خخخخ
وطااااااااااارت الطياره
سعود من التعب والضيقه اللي فيه اكل بندول نايت ونلم بالطياره سديم كانت تتامل وجهه وهو نايم
سديم " ياربي ليه سويت كذا ما كان الموضوع يستاهل ،،أي مايستاهل وهو 5 شهور يخدعني وانا الغبيه مصدقته هو ما حبني هو شفق علي وانا الغبيه اللي كنت اقول له كل شيء ،، لالا هو يحبني هو قال انه حبني قبل الشامخ ،، اصلا كل تصرفاته يدل انه يحبني ،،ياربي شلون قاعده افكر ""
بالجو صار فيه مطبات هوائيه سعود طبعا غرقان بالنوم سديم كانت موووووووووت خايفه جلست تسمع التعليمات في هالحاله بعدها لفت ع سعود تبي تصحيه عشان ينتبه للي صاير بس ماقدرت رحمته يوم شافته نايم وكان شكله مندمج بالنوم والدليل الابتسامه اللي شاقه وجهه
ربطته بالكرسي عشان مايصير له شيء
المهم وهي في غمره الخوف مسكت يد سعود وشدت عليها حتى اظافرها علمو ع جلده
سعود صحى من الالم وشاف شكل شديم وهو متمسكه فيه ومغمضه عيونها وشكلها خايفه وشاف شكله وهو مربط بالكرسي
سعود " ياربي وش اللي صاير
بعدها تكلم الطيار : اعزائي المسافرين لقد مرت ......وق\س
سعود عرف الحين وش اللي صاير وليش سديم متمسكه فيه رجع ظهره للكرسي وسوي نفسه نايم
سديم فتحت عيونا وشافت شلون ظاغطه ع يد سعود وكانت يده مره حمراء حتى اظافرها تركت علامه ع يدة وطلع شوي دم
سعود ماحس باللم كثر ماهو فرحان بسديم ومسكت يده
سديم : يالله وش سويت
وتشوف وجهه سعود اللي البسمه مافارقته
بدت تشيل يدينها من يد سعود
سعود ماحاول يحرجها مازال مسوي نفسه نايم
سديم فكت الحزام اللي مربطه سعود فيه ورجعت تتامل يده
سديم : ولله اني متوحشه شوف يده شلون قلبت زرقاء بس ولله مايحس ماصحى من النوم
سعود سوى نفسه منزعج من النوم وصحي
سعود : النوم بالطياره مو مريح
سديم تضحك
سعود : وش فيك تضحكين
سديم تتكلم بصوت واطي : مو مريح ونايم كل هالوقت ولا حسيت بشيءاجل مريح شلون
سعود : هلا حياتي وش قلتي
سديم : ولا شيء سلامتك
سعود : كم باقي ونوصل
سديم : مدري
سعود رفع يده بمسح ع شعره ويسوي نفسه منصدم
سعود : الله وش صار بيدي
سديم : وش فيها
سعود يمد يده لها : شوفي لونها وشوفي الززراق لا وطالع دم بعد
سديم ماقدرت تكتم ضحكتها : هههههههههههه
سعود يسوي نفسه زعلان : الحين انا اتوجع وانتي تضحكين
سديم جلست تتامل سعود وهو مسوي نفسه زعلان ولاف للجهه الثانيه
رجعت ذكرياتها كلها معه
سديم " مستحيل يكون هذا شفقه طيب ليه يسوي كذا ،، ماعلي من هذا كله شوفي يده يالخبله تالمه وانتي تضحكين وانتي اللي متسببه في هذا كله
سعود من جد كانت يده تالمه نادى المضيفه وقالها يبي ثلج
جابت المضيفه الثلج وهو حطه ع مكان الالم
سديم كانت تناظره وهو كل ما حط الثلج نقز من الالم
سديم : سعود
سعود كان مندمج مع الجرح ومانتبه
سديم والعبره خاقتها : سعود
لف سعود عليها وخصل شعره طايحه ع عيونه وشكله مبهذل من النظره اللي شافته فيها سديم
سعود : هلا
سديم : انا اسفه
سعود : بدري صار لي 10دقايق زعلان
سديم :ههههه مو عشانك زعلان
سعود : اجل عشان ايش
سديم تاشر ع يده :عشان هذا
سعود : وانت ايش دخلك بهذا
سديم : انا السبب
سعود يتغيبى : شلون انتي السبب
سديم قالت له اللي صار
سعود : اهااااااا طيب عطيني يدك
سديم : ليه
سعود:السن بالسن والعين بالعين والبادي اظلم
سديم وهي تترجاه : ولله ما كان قصدي
سعود : مو مشكلتي يدك وينها
سديم تمد يدها لسعود
سعود مسك يد سديم وضغط عليها شوي
سديم كانت مغمضه عيونها بقوه خايفه من اللي بيسويه سعود
سعود حط يد سديم ع يده وضغط بيده الثانيه عليها <<<<<<فهمتوا ولله تعبت وانا اشرح راحت القصه شرح خخخخخخخخخخخ
سديم فتحت عيونها استغربت من حركه سعود
سعود : خلي يدك ع الجرح مو انتي جرحتيني خلي يدك هي تداويني
سديم انحرجت من كلام سعود ونزلت راسها
سعود رجع يغمض عيونه بس هالمره كانت يد سديم تدفيه
وهو يردد
الله لمى تكلم كنك تغني ترنم
والورد منك تعلم
والشعر يضيع شعره
القلب سلم لك امره
في حالتى انت ادرى
ياللي حنانك وطيبك
تنحط ع الجرح يبرى
شفاف يانور عيني
زهره شبابي وسنيني
تفداك الفين مره
حنون ربي يصونك
في طيبتك في عيونك
سديم كانت متقطعه ومتشققه
مر وقت عليها ويدها ع يده رفعت يدها
سعود : أأأأأأأأأأأي رجعي يدي بسرعه قبل لايلتهب الجرح
سديم كانت متفشله من حركات سعود وخاصه انهم بالطياره
رجعت حطيت يدها ع يده
سعود : ااااااااااه كذا احسن
سديم : ماتبي مضاد حيوي قوي يخلصك من الالم
سعود ما فهم وش تقصد : وش تقصدين ما فهمت
سديم رفعت يده وباسته ع الجرح
سديم : بشر ان شاء الله احسن
سعود كان منسجم مع الوضع :أأأأأأأأأأأه كثير احسن
سديم :طمنتني
وفترة تامل سعود حط عينه بعينها
سعود " ااااااه ياسديم ان شاء الله تكونين رضيتي "
سديم " ياترى ياسعود وش باقي مخبي علي "
سعود مسك يدها : وربي احبك ليه تعذبيني
سديم لفت بوجهها للجهه الثانيه ماتبي تضعف كالعاده
سعود : سديم ليش لفيتي ولله احبك احبك مو لانك الانثى الجريحه ولا ملاك الحززن لانك سديم بنت عمي وحبيبتي ويكون في علمك انا ما حبيت الانثى الا لانها انتي بالاول كنت اشفق عليها ما توقعت انها انتي بس يوم دريت انها انتي طرت من الفرحهاني ما بضيع حبي لك ولا اخون ثقه الانثى
سديم استغربت
سديم : يعني ماكنت تعرفني بالاول
سعود : لا
سديم : شلون عرفتي طيب
سعود : من تركي
سديم: اهاااااااااا
سعود : وش اهااااااا يعني اكذب
سديم : لا مو قصدي
سعود حس ان سديم ماراح تصدقه رجع راسه وسنده ع الكرسي وغمض عيونه سديم كان تتامل سعود وحست انها جرحته
سديم حطت يدها ع راسه وفتحه عيونه
سعود : سديم ولله ماكذبت باللي قلته
سديم وبابتسامه : انا مصدقتك حبيبي بس
سعود : بس ايش
سديم وهي تضحك : ممكن تحكي لي القصه من الاول ومن هي عبير يالشامخ وش مواصفاتها
سعود: ان شاء الله يالانثى
وجلس سعود يحكي لسديم كل شيء من طقطق للسلام عليكم
وسديم كانت منسجمه ع الاخر معه
الجزء الثالث و20
سديم سامحت سعود بس في المقابل ساره واحمد وش راح يصير لهم
احمد : ولله سارونه مافيني شيء
ساره : وش ما فيك شيء ترى انا وانت ننام بنفس المكان واحس فيك
احمد بدلع وتعب : سوسو
ساره : بتقول لي والا لا احمد وش فيك انت تعبان
احمد "ياربي وش اقول لها ": مافيني شيء انتي ارتاحي
ساره : احمد ترى بزززعل
احمد قام وجلس بجنبها : ولله مارضى ع زعلك بس وربي مافي شيء انتي مكبره الموضوع
ساره : طيب ليش انت امس تأن من الالم وليه طول الوقت ماسك يدك اليسراء
احمد : عادي انا تعودت خلاص
ساره : كيف تعودت يعني من قبل وفيك هالالام
احمد : ايوه
ساره : طيب ما كشفت عليها
احمد : لا
ساره : وليه
احمد : مو مهم الحين وين تبين نروح
ساره : حبيبي لا تضيع الموضوع ليه ما رحت تكشف عليها
احمد "ياربي وش اقول لها اني اخاف من المستشفى بتضحك علي ": ماكان عندي وقت
ساره : خلاص نروح اناوانت اليوم
احمد : قلبي بيضيع الوقت علينا مستشفيات
ساره وهي تمسح ع راسه وحاطه عيونها ع عيونه: بكيفه يضيع اهم شيء عندى سلامتك
احمد : اااااااااه بس ويني عنك من زمان
المهم راحوا للمستشفى وبعد الكشف
الطبيب : من متى وعندك هالاعراض
احمد : من فتره من شهرين يمكن
الطبيب : طيب يدك اليسرى تنمل كثير"يعني تكون كنها مخدره "
احمد : احيانا
الطبيب : وياحبيبي كل هالاعراض عندك ومن شهرين وتوك تفكر تجي
ساره بخوف : ليه وش فيه
الطبيب : لازم نسوي له تخطيط قلب وبسرعه
احمد : وليه كل هذا
الطبيب : لازم عشان نتاكد ان قلبك سليم
احمد : طيب
تراهم الى الحين وهم بشهر العسل لايغركم كلام الدكتور وتقولون سعودي انا حفاظا ع مشاعر الاخرين الي مايعرفون للانجليزي مثل حالتي ترجمته علا طول ما ابيهم يدعون علي <<<عاش مصرف قولي ماتعرفين وخلاص خخخخخخخخ
ساره كانت خايفه ع احمد مووووت تخاف يروح مثل الباقين
احمد حس بالخوف اللي بعيونها
احمد : لاتخافين شوفيني قدامك مثل الجبل
ساره وتغالب خوفها بابتسامه حزينه : لالا موخايفه
احمد : يالله حياتي انا داخل اسوي التخطيط
ساره :بدخل معك
احمد يمسكها بكتوفها : لالالا ماعندنا حريم يدخلون مع ازواجهم للفحص
ساره تضربه بخفه ع صدره : وانا مو مثل أي حرمه
احمد يتظاهر بالالم : اااااااااه
ساره نقز قلبها : اسفه حبيبي عورتك
احمد بدلع مو راكب خخخ:ايه
ساره : سلامتك
احمد : الله يسلمك يابعد هلي يالله انتظريني بالاستراحه
ساره بدلع : يعني مابتخليني اجلس معك
احمد كان خايف يكون فيه شيء وساره تعرف وبعدين تبكي
احمد : وانا اقدر يالله قدامي وياويلك ان طلعت من عينك دمعه لو اموت
ساره وبخوف : بسم الله عليك ان شاء الله انا قبلك لا تقول كذا
ونززلت دمعه من عينها
مسح احمد دمعتها : قلبي انتي ليه تبكين انا ما فيني شيء انتي مكبره الموضوع وهو مايستاهل
دخلوا للغرفه
ودخلواااااااااااااااااااا
ياترى وش فيه احمد
في مكان ثاني بنصف الكره الارضيه
سعود : ماودك ننام
سديم : لا تو الناس ما بعد شبعت من الشقه بتفرج عليها
سعود : حبيبتي بكره تفرجي ماراح تطير يالله انا تعبان
سديم والحياء ذابحها ماتبي تنام معه : خلاص انت نام وانا اذا نعست نمت
سعود مسكها مع خصرها : العبي غيرها ياقلبي ننام يعني ننام ما يكفي خربتي اول ليليه لنا يعني بتكملي بثاني ليله
سديم وجهها طلع اشاره مرور من الحياء راحت مع سعود للغرفه
سديم ماكانت مستوعبه شلون هي بكر وعمها اغتصبها
مرت ع بالها احداث اليوم المشؤؤم وتذكرت كل اللي صار عمها فهد في
الحقيقه ما اغتصبها هو بس تحرش بها وفيصل انقذها بالوقت المناسب
سديم "يالله ظلمت عمي فهد ياربي وفضحته "
سديم كانت تدور في بالها هالافكار ونامت وهي تتذكروتفكر
في بيت فهد
فيصل ماسك فهد ويلعبه
دخلت عليه مي
مي : السلام عليكم
فيصل : هلا وعليكم السلام
مي : ياربي يافيصل ولله طفش
فيصل : وين طفش معه ماصار لريما 24 ساعه من تركتك
مي : ادري بس طفش قم طلعني
فيصل : ولله رايقه وين اوديك هالحزه
مي : مدري اهم شيء اطلع محد في البيت معطيني وجه
فيصل : افااا من اللي مو معطيك وجهه
مي : كلكم كل واحد لاهي امي مع عمي وعفشها اللي تضفه انت عارف انها بتاخذنا ونسكن بيت عمي وانت وولدك وريما ماراح اشوفها مره ثانيه انت عارف بننقل وسديموه وسويره مو راجعين قبل شهر
فيصل حس بضيق اخته : خلاص ولا يهمك بكره اخذ اجازه من الشغل ونروح للحكير لاند انا وانتي وفهودي
مي : من جد
فيصل : وكم عندي من ميونا
مي راحت لفيصل وباسته ع راسه : الله لايحرمني منك يااحلى اخ
فيصل بابتسامه كلها حزن : ولا منك
مي حست به : فصول وش فيك
فيصل : مافيني شيء
مي : العب غيرها وجهك مايبشر بالخير وش فيك
فيصل وهو يضحك : اقول بس ضفي وجهك ونامي وخذي فهودي معك
مي : لا ياحبيبي خذه معك مو ناقصني بزران احمد ربك اخذته امس
فيصل : افاااااا ولله طيب دوري لك احد يوديك بكره
مي : امزح امزح ياربي صاير تصدق كل شيء وبسرعه
في بيت ام ريما
بدر : ولله العظيم احبك
ريما : اسمع يابدر ياولد عمي اذا كنت تحبني ابعد عني
بدر : طيب ليه رافضتني
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك