رواية ماساتي في سطور الماضي -27
سعود : لا مو عارف حتى لو كنت عارف ابي اسمعها منك
سديم : اصلا انا زعلانه ليش يالدب تجي ولا تقول لي
سعود : اول شيء جاوبي على سؤالي وبعدين اجاوبك
سديم : ياربي اشتقت لقلبي ونور عيني اشتقت لسعوّدي
سعود: افااااا اجل مو لسعود
سديم : ياربي منك يالله بس لا تتهرب جاوب على سؤالي
سعود : أي سؤال
سديم : ليه تجي وما تقول لي
سعود : تبين الصدق
سديم : ايه
سعود : انتي امس قهرتيني يوم كلمتيني باسلوب شين ولا زياده على كذا ما اعتبرتيني من العايله وحبيت اردها لك
سكتت سديم وما علقت على كلام سعود
سعود : قلبي وين رحتي
سديم : معاك
سعود : طيب ليه سكتي انا غلطان في اللي سويته حتى ما كلفتي نفسك تتصلين تراضيني حتى رساله وحده ما ارسلتي امس
سعود يكمل كلامه : انا يمكن قسيت عليك شوي بس عمر قسوتي هذي ما تساوي جرحك اللي جرحتيني امس ممكن تقولين انك ماسويتي شيء يستاهل هذا كله بس
سديم والدموع نهر جاري على خدها : بس ايش
سعود : سديم انتي تبكين صح
سديم : بس ايش
سعود يعيد بنبره احد :سديم انتي تبكين
سديم سكتت
سعود : سديم انا ما اقول هالكلام عشان اضايقك او اجبرك انك تحطيني ضمن ايطار عائلتكم انا اخليك الحين واذا هديتي علميني
سعود قفل الخط من هنا عسكر عالماسنجر من هنا بس سديم خيبت ظنه ما دخلت
سعود " ياربيه لايكون صار فيها شيء بعد انا لازم اكثر كلام ايش اسوي اتصل والا لا حتي مادخلت تقولي وش صار معها ومعي
اووووووف بستناها نص ساعه واتصل "
سديم كانت تفكر في كلام سعود
سديم "انا ليه كلمته بالطريقه هذي شلون جرحته "
سديم مسكت جوالها وبدات تكتب
"حبيبي اتعلم ان الحزن في عيني أن أدمن حبك ,,,, وأدمن صوتك ,,,, وأدمن عطرك ,,,, وأدمن وجودي معك ,,,, ثم أفتح عيني على غيابك و تاتي وتذهب دون ان اراك لكن
حبيبي من الحزن ايضا أن اغمض عيني فأراك ,,,, وأن أخلو بنفسي فأراك ,,,, وأن اقف أمام المرأه فأراك ,,,, وأن ألمح هداياك فأراك ,,,, وان أقرأ رسائلك فأراك ,,, وعندما أعود لواقعي ,,, لا أراك ,,,
عشقي وقلبي اتعلم ان اصعب مواقفي أن اكون محبتاَ غير محبووووبه
واجمل لحظاتي هي التي تكون لحظة أتمنى أن أعيشها معك ألف مرة ولا أشبع منها ابداً
فيا نور عيني وحبي الابدي الم تسمع مقوله وليم شكسبير
"الزمن،
بطيء جداً لمن ينتظر... سريع جداً لمن يخشى...
طويل جداً لمن يتألم... قصير جداً لمن يحتفل...
لكنه الأبدية لمن يحب...“
وكما هو الحال في مقولته فالزمن عندي طويل وايضا بطيء
احبـــــــــــــــــــــــــــــــــــــــــــــــ ــــك"
طبعامسروقه بس ربي يشهد انا عدلت وبدلت فيها عشان تناسب الحدث انا ما ابي اقول عن نفسي اني مبدعه ماشاء الله علي لان هذا الشيء مفروغ منه بس حبيت ابرز وحده من مواهبي الله يحفظني ويسلمني لاهلي ونفسي <<<<هخهخهخهخهخهخ حلوه الثقه
المهم ارسلت لسعود
عاد ما اقول لكم وش صار في سعود انا شخصيا ماعد شفته
فص ملح وذاب من التقطع والحياء عاد الرجال ما استحمل يخلي الزمن عليها طويل وبطيء
اتصل عليها
سديم : هلا
سعود كان فاتح المسجل
قلبي لازم تعذرونه
عاشق ومعلن جنونه
لو زعل عالكون كله
الــــــــــــــــــخ
سديم يقالكم حساسه من كثر الحساسيه جاها زكام خخخخ امزح جلست تبكي
سعود : افاااااااااا يالحب لو اني عارف انها بتنزل دموعك ما فتحتها
سديم وصوتها التقطع من كثر البكاء : احبك ياسعود احبك لا تعذبني
سعود : ياربي لا تعذبيني انتي انا مو احبك انا اموووووووووت فيك الله لايحرمني منك
سديم : ولا منك
صمت
سعود : يالله تكلمي مشتاق اسمع صوتك
سديم : لا انت تكلم
سعود : وش اقول
سديم : أي شيء احس ودي انام على صوتك
سعود : افااااااا يعني فيك النوم
سديم : لا اصلا ما اعرف انام وانا جوعانه بنزل اكل لي شيء بعدين انام
سعود : لا تاكلين شيء بعدين تسمنين وتطيحين في كبدي هههههه
سديم : ياخف دمك تدري انك اللي مجوعني ولا بعد ذقت شيء بسبتك وتقول هالكلام عني
سعود : لامالي حق انا اللي مجوعك اجل اصبري نص ساعه واحلى عشاء بيكون عندك
سديم : مافيه محلات فاتحه هالوقت
سعود : من قال لك تبين امرك و تشوفين هي فاتحه والا لا
سديم : اممممم ولله ودي بس خلها بعد الزواج احسن
سعود : على راحتك
سديم : طيب اخليك الحين
سعود : وين بتروحين
سديم : مامليت
سعود :لا امل من روحي ولا امل منك
سديم : تسلم
سعود : سدووم قلبي
سديم : هلا
سعود : كم باقي على زوجنا
سديم : مدري اليوم كم التاريخ
سعود : افااااااااا ماتدرين كم باقي وانا حسبتك تعدين الدقايق والثواني
سديم : مادام حبيبي عندي وش لي بالعد وجع الراس
سعود : اااااااخ من كلامك
سديم : طيب ماقلت لي كم باقي
سعود : باقي ياطويله العمر خمسه ايام واربع ساعات ومدري كم دقيقه
سديم : يووووووووووووووووه مرت الايام بسرعه
سعود : طيب وش فيك مرتاعه
سديم : مافيني شيء بس الوقت سريع <<شوفوا البكاشه توها تقول الزمن طويل وبطيء هيءهيءهيء
سعود : يعني ماتبينه يمر بسرعه
سديم : لا
سعود : افاااااا ليه
سديم : اخاف تتغير بعد الزواج
سعود : انا اتغير على كل الكون بس انتي لا
سديم :ااااااه طمنتني
وجلسوا الثنائي المرح يسولفون
نروح الحين لركن الاحزان ركن ريما
ريما جلست تواسي في نفسها ما لقت احد يواسيها سديم مو فاضيه لها مشغوله مع سعود ورهف مو فاضيه كمان لان بكره زواجها وتركي نايم علشان الكرف اللي بيجيه بكره في الزواج
المهم البنت جالسه تفكر في حياتها الذي مضت وجلست تلوم في نفسها يوم تتعلق بفيصل المهم البنت حطت راسها على المخده "الوساده "ونامت وبطبيعه الحال الوساده اللي هي المخده نفسها امتلت دموع
ريما تتصل على سديم الساعه 1.45 الظهر <<البنت رايقه
سديم وصوتها واضح انها نايمه:هــــــــــــــــلا
ريما : يووووووووووووه وجعت جدي والهوا شرقي انتي الى الحين نايمه يالبطه
سديم : يووووه وش فيك
ريما : وش وش فيني الحين ما اتفقنا انتي ووجهك امرك اليوم عشان نروح لرهف والا نستي اليوم زواجها
سديم : يووووه من جد نسيت خلاص بتروش واشوف ساره اذا صاحيه واذا خلصنا اتصلنا عليك
ريما : طيب لا تطولون البنت ذبحتني بالدقدقه كل شوي تقول وينكم تاخرتوا
سديم : طيب طيب يالله باي
ريما : باي
وتسكر ريما من هنا تدخل ساره على سديم من هنا
ساره : بركه صحيتي من النوم "ما خاس جنبك"<<هالجمله كل مانمنا قالتها لنا امي قلت لازم الجمله تنور قصتي ويكون لها دور بالقصه خخخخ
سديم : الله يبارك فيك
ساره : اقول قومي بس انا جاهزه اخلصي لا نتاخر على الجماعه
سديم : طيب ليش ما صحيتيني يوم انك خايفه نتاخر
ساره : ومن قال لك ماصحيتك انبح صوتي وانا اصحي فيك بس ابي اعرف متى نايمه
سديم : مدري يمكن ثمان ونص
ساره : وجعت جدي
سديم : والهوا شرقي تراك انتي وريما رفعتوا ضغطي وش بلاكم علي
ساره : انتي اللي وش بلاك عارفه ان وراك زواج ليه مانمتي وش جالسه تسوين
سديم : اااه اكلم سعود <<وجع من ذاك الوقت الله يعينهم على الفواتير
عشان كذا لااحد ينظرب على قلبه ويحب حبه برص خخخخخ
ساره وهي تتريق : اااه اكلم سعود اقول قومي جعلك القامه
سديم : طيبب لا تتريقين جهزي الفساتين واتصلي على ريما خليها تجي انا بدخل اتروش واذا وصلت بكون خلصت
ساره : وانا شايفتني فارقه فرقه ومزيته شعري واهز راسي واقول نعم ماما
سديم : هههههه حلوه بس من جد مانبي نتاخر
ساره : طيب طال عمرك أي اوامر ثانيه
سديم : تسلمين ياقلبي خلاص هذا اللي ابيه
ساره : اقول ضفي وجهك وتروشي لا ارتكب فيك جريمه يالله
سديم : يمه منك
خلصوا البنات وراحوا لبيت ام رهف ورقوا"صعدوا " الى غرفه رهف
رهف بمصالتها المعهوده كانت منحاسه حوس وماتدري وش تسوي <<احسن احد قال لها تنهبل وتتزوج خخخ
ريما : يالمصرقعه وش فيك رايحه جايه
ساره : لاتلومينها مسيكينه ماتتخيل انا بتروح لنواف وبتجلس هي وياه لحالهم بدون اهلها
سديم : عاد لاتتكبرين علينا وتنسينا وتسوين نفسك حرمه
رهف : ولله رايقين الحين ابيكم تهونون علي وانتم جالسين تزيدون همي
ريما : اقول روقينا أي هم وانت رايحه ايطاليا بعد 24ساعه ولا مع حبيب القلب اقول بس اعقلي وخلي الكوفيره تعرف تصبغ وجه سديم
سديم : اقول ريوم ماعندك كلمه احسن من تصبغ وجهي يرحم امك كرهت المكياج
ساره : الحمد لله على العقل اقول ترى رهف بتجيب الفاس وتشلخكم
ريما :خخخخخخخخخ ولله ما استبعد
رهف : انا وش قاردني ومخليني اقول لكم تعالو عندي لو اني لحالي ازين لي مالت عليكم هذا وانا اقول ماراح اشتاق الا لجلساتنا ولله ما تستاهلون
ساره راحت لرهف وضمتها : يابعد عمري يارهف ولله بنشتاق لك
وطبعا بداء الفلم الهندي
ريما : يرحم امكم احد يسكت برتي واشورياراي ما اقدر اشوف هالافلام الهنديه
سديم :ههههههه الله يقطع بليسك ياريما شايفه الوقت مناسب لنكتك البايخه
ريما : لانكم اذا ما سكتوهم كارين كابور بتنضم لهم
سديم : هههههههه من هي كارين كابور لايكون انتي
وتلف سديم تشوف الثلاثه مسوين فيلم بيشارك في افلام هوليوود هالسنه خخخخخ
الكوفيره : لا تطلعي هونيك هالوقت بتعيطي معهن وبينزع الميك اب ويروح كل شغلي
سديم دمعت عينها
الكوفيره : انا شو ألتلك انا عارفه هاليوم من اولته ماراح يخلص على خير
ريما تساسر رهف وساره :الحين هالكوفيره ليش معصبه ذابحين لها احد
ساره : مدري عنها
يرن جوال سديم نغمه سعود
سديم : يووه احد منكم يعطيني الجوال هذا سعود
ساره : شلون بتكلمينه والحرمه جالسه تزينك
سديم : بقول له مشغوله يالله بسرعه عاد
ريما : عطيها الجوال لاينقطع قلبها
وتعطيها الجوال
سديم :هلا
سعود : هلا ومرحبا بزين نجد كيفك ياقلبي
سديم : بخير كيفك انت
سعود : من يوم ما اسمع صوتك وانا كل شيء فيني لو تعبان يطيب
الكوفيره تقطع حوارهم
الكوفيره : مطوله اختي انا ورااي زباين
سديم : طيب بسكر الحين
سديم ترجع لسعود : حبيبي انا مشغوله الحين اذا خلصت اتصلت عليك
سعود : انا انتظرك
وقفلوا
الكوفيره : مين هيدا خيك <<مايمديني على اللقافه الزاحفه يرحم امها وش تبي احد ياخذ دورها لا تحقرون الدور وتقولون كومبارس خخخخخ
سديم : لا جوزي
الكوفيره : ماشاءالله متجوزه وهالقد صغيره كم صارلك
سديم : بعد خمسه ايام زواجي اشتغلي الله يخليك وخلي الهذره
الكوفيره: شو
سديم : ولا شيء
الكوفيره : ايه الله يهنيك
وجلست الكوفيره تزين سديم
وبعد ما خلصت استلمت ساره وخلصت منها وجاء دور ريما
جلست ريما عشان تزينها يرن جوال ساره وكان احمد جلست تسولف معه وطبعا وجهها لازم يطلع لمبات حمراء من الحياء
الكوفيره : شبها هيّ
ريما : لا تلومينا تكلم زوجها
الكوفيره : ولي على امتي هي متجوزه كمان
ريما : ايه قولي ماشاء الله
الكوفير : ماشاء الله وانتي كمان متجوزه
ريما : لا
الكوفيره : الحمد لله
ريما : على ايش الحمد لله
الكوفيره ترقع : اقصدي الحمد لله ماتجوزتي باينتك صغيره
ريما : لا مو صغيره انا مخطوبه
الكوفيره فتحت عيونها :الله يرزقكم ويرزقني كمان
ريما ورهف وسديم ماتوا ضحك عليها عرفوا ليش الحرمه حاقده من الصبح وتهزئ اثاري الحرمه منفقعه مرارتها تبي تتزوج خخخخخ
سديم بعدها راحت تتصل على سعود عشان تشوفه وش يبي صدق اللي قال الرجاجيل نشبه الله يعين المتزوجين
سديم : هلا عمري بغيت شيء
سعود : بغيت اسالك من بيوديكم الزواج
سديم : مدري ولله انا الحين في بيت رهف يمكن يمروني اهلي او اروح انا وريما وساره مع السواق
سعود : لا سواق مافيه روحه معه وانتم بنات لحالكم اذا ماحصلتوا احد يوديكم انا موجود
سديم :خلاص ولا يكون خاطرك الا طيب بتصل اشوف فيصل بيودينا والا عمي
المهم قفلوا الحلوين بداءت مراسم الزفاف
المهم البنات راحوا مع فيصل الا ريما راحت مع رهف وتركي كرامتها ماتسمح انها تركب مع فيصل خخخخ
يوووووووووووه نسيت اقول لكم ترى مي ماراح تتزوج طلال لظروف عائليه ما اقدر اقولها لكم خخخ
اخواتها
المهم مر اليوم بخير وانا وربي يشهد علي جاني النوم ودي اروح انوم بس واعده اختي اني افطرها بكمل الجزء وبروح اصلح لها الفطور وبعدين اخمد <<شوفوا التضحيه خخخخ
المهم رجعوا من الزواج التاريخي ورهف طسّت "ذهبت" مع زوجها الى عشتهم الزوجيه
سديم رجعت لعادتها القديمه الدردشه عالماسنجر ومع مين مع مداوي
مداوي : خييييير وش هالسحبه
الانثى : اول شيء الناس يسلمون وبعدين يهزؤن الاعلى طاري السحبه أي سحبه تقصد
مداوي : وش أي سحبه امس مادخلتي الماسنجر واناقايل لك بستناك عشان تقولين لي تراضيتو والا لا
الانثى : يووووووووه وربي نسيت وبعدين ماقفلت منه الا 8 الصباح وانت اكيد طلعت
مداوي : اهاااا طيب افهم من كلامك انكم تراضيتوا
الانثى : ايه يالبى عيونه هالسعود ليت كل الرجاجيل مثله يقبر البي شو مهضوم
مداوي : اقول وش بلاك قلبتي لبنانيه
الانثى : بلاك ماتدري وش صار اليوم
مداوي : شو صار تقبريني
الانثى :خخخخ حلوه تقبريني وين سامعها المهم اليوم زواج وحده من اقاربنا.....ق/س
مداوي : مسيكينه عساها صغيره بس يمديها تتزوج
الانثى : كبر امي
مداوي : يووووووه مسيكينه حلوه
الانثى : يعني لبنانيه وش بتصير كلها عمليات تجميل
مداوي : يالله كل هذي غيره من البنانيات اجل لو تعرفين وش كنت ابغى اقول
الانثى : وش كنت تبي تقول
مداوي : اخاف تحذفيني او تحضريني
الانثى : لا قلّ ولا تخاف
مداوي : اقول ليش ماتقولين لسعود ياخذها ويستر عليها تاخذين فيها اجر
الانثى : هيييييييييييييييييه انت وش تقول تبيني مو احذفك من الماسنجر احذفك من الدنيا هذا سعود سعود مو أي احد ليه انت ماتستر عليها وتاخذها
مداوي : ماعندي مانع بس لو حبيبتي توافق عادي بس قلبي مايطاوعني يمكن اخذها تخّدم سدوّم عمري
الانثى : يمه من سدوم
مداوي : انتي ياعمتي يعني مين قلبي وروحي زوجتي انتي ماتعرفين انها سديم
الانثى : ياحليلها
مداوي : ليه
الانثى : سبحان الله انت كل يوم تفاجاني
مداوي : اجل على المفاجات اصبري بعد 4ايام
الانثى : وليش بعد 4ايام
مداوي : اذا شفتي زوجتي انا ماقلت لك ان زواجنافي 4/7 واني عازمك
الانثى :تمزح
مداوي : وليش امزح من متى المعرفه امزح معك خخخخ
الانثى : لان من جد هالصدف اللي تصير عجيبه انا زواجي في نفس اليوم
مداوي : ماعلي منك انا عازمك قبل زواجك اجليه شوفي لك حل
الانثى : تنكت انت وجهك بس ولله الدنياصغيره
مداوي : اقول يالانثى استودعك الله
الانثى : افا ليه بدري
مداوي : بتصل عالحب اشوف وش اخبارها محتاجه شيء
الانثى : تصدق ودي اتعرف عليها
مداوي : ليه
الانثى: ما ادري احس انها تشبهني
مداوي : خخخخ حلوه الثقه عموما انا بقول اوصافها اذاتشبهك قولي لي عشان اتعرف على سعود يمكن يشبهني خخخ المهم هي حلوووووه ومافيه احد بجمالها رقيقه ولا احد ينافس رقتها حنونه ولا احد بحنيتها وووووولله مدري وش اقول بعد
الانثى : خلاص وش بتقول بعد كل الاوصاف قلتها وبعدين بقول لك معلومه سعود مافيه مثله يعني لاتحلم تجي ثلثه خخخ
مداوي : اقول اروح لحبيبتي ابرك لي عالاقل ماتحطمني باي يالدبه
الانثى : باي يالنحيف
طبعا قفلت من هون اتصل سعود من هون <<وش عندي متلبننه "يعني صايره لبنانيه" خخخخ
سعود : وش اخبار الزواج اليوم
سديم : حلو
سعود : اممممم طيب
سديم : وش امممم طيب
سعود : يعني امممم طيب <<توهقت ماعندي حوار قلت خلني استخف دمي منذمبطي ماتكفخت
سديم : طيب
سعود : ماتبين تقولين شيء
سديم : مثل ايش يعني
سعود : مدري أي شيء مثل اشتقتي لي
سديم : اهاااا كذا الكلام لا ما اشتقت لك
سعود :افاا وانتي دايم تحطيم
سديم : انت ماتخليني اشتاق كل دقيقه متصل
سعود : افاااااااااا ولله خلاص اجل ماراح اتصل
سديم : هههههههههه امزح لاتزعل اصلا اذا مااتصلت انا اللي بتصل ما اصبر عنك
سعود :أيـــــــــه طيب ماتصبرين عني
سديم : اووووووه سعود لايكون زعلت وربي امزح
سعود : المصيبه ما اعرف وشلون ازعل عليك
سديم : ياربي وانا وش متعب قلبي الا طيبك
سعود : طيب سدومه ممكن طلب
سديم : امر تدلل ياعيون سديم
سعود : ابي اشوفك بكره مشتاق حيييل
سديم : مابقى الا4 ايام اصبر
سعود : مافيني صبر بكره بمرك ونطلع نتعشى مع بعض
سديم : لالالافشيله انت تعال للبيت وتعشى عندنا
سعود : وش فشيلته زوجتي
سديم : لالالالالالالالالالا تعال للبيت وتعشى عندنا
سعود : لاهذي الفشيله
سديم : وش فشيلته جاي تسلم على ابوك وزوجته وزوجتك
سعود : لالالالا مابي خلاص
سديم : اقول اعقل وش ماتبي بتجي وانت ماتشوف الطريق والا بزعل
سعود : سدوم بلا هبال وش تزعلين ياربيه منك بحاول اجي بس ما ادري عن الظروف
سديم : ايه خلك كذا مطيع
سعود : طيب اخليك ياقلبي بايوووو
سديم : باي
المهم قفلت منه
مي جالسه لحالها عند التلفزيون كعادتها الكريمه
طلعت عليها ساره
ساره : ميونا وش عندك لحالك
مي : ياقلب نفسي انا دايم لحالي
ساره : وجع وين دايم لحالك وفيصل وانا وسدوم ويننا
مي : فيصل الله حق يجلس معي يعطيني وجه اما انتي وسديم 48ساعه باليوم تكلمون حبيبين القلب
ساره : ههههه يالنصابه خبري اليوم فيه24 ساعه
مي : ولله معكم كل شيء يقلب
ساره : امممم طيب وش تشوفين
مي : مافيه شيء محدد اقلب بين هالقنوات
ساره : طيب وش رايك نروح عند سديم ونجلس مع بعض
مي بضيقه : سديم تلقينها مشغوله تكلم سعود
ساره : نروح ونشوف طيب وش بيضرنا
مي : ما احب ارمي نفسي على احد
ساره : وجع مي حنا اخواتك خلاص ولا يهمك بروح انادي سديم
راحت ساره لسديم ولقتها تقلب في مجله معها
ساره : سدوم عندك شيء
سديم : لا
ساره : طيب تعالي برى معنا انا ومي نسولف
سديم : ولله راسي يعورني بنام بس كنت بشوف شيء بالمجله وانام
ساره وبحزن: طيب خلاص
سديم : لاتزعلين بجي الحين
ساره : انا مو زعلانه عليك انا زعلانه على حالت مي
وتقول ساره السالفه لسديم
سديم : ايه ولله مسكينه دايم ساحبين عليها حتى قبل كانت ريما تجي ونجلس مع بعض بس كل شيء تغير
ساره : هذي الدنيا مو حال واحد
سديم : يالله خلينا نروح عندها
وطبعا راحوا عندها ورجعوا ايام زمان
وسهروا حتي الصباح صلحوا فطورهم وبعدين ناموا
المهم جاء سعود وتعشى هو واحمد والكل كان مجتمع وفرحان ماعدى مي اللي حست انها بتفقد
الجزء الثاني والعشرين
اليــــــــــــــــــــــــــكم
اليوم اليوم الموعود البيت قايم قومه اليوم زواج مملوحات نجد ساره وسديم
المهم ريما من الصبح عندهم والكوفيره بعد بس ايش زحمه ما اقدر اوصف لكم لا من جد زحمه
المهم في غمره الززززززززحمه كان احمد فاضي ماعنده شيء ماسك جواله وجالس يعبر المهم فكر الولد في نفسه ليش مايرسل لساره رساله بس حس الوقت مال لامه داعي لذلك اكل تـ.... وسكت
المهم كان في البيت صياح ونياح كنهم في عزى مو زواج البنات مجتمعين في غرفه سديم المهم فيصل يطق الباب عليهم
سديم : ريوم تغطي هذا اكيد فيصل جاب اللي وصيناه عليه
المهم انا راسي صاكني وش الحل وكتفي شوي ويطيح
المهم انا بختصر لكم الاحداث
فيصل : السلام عليكم
البنات : وعليكم السلام
فيصل : هذا اللي وصيتيني عليه
سديم : مشكور
فيصل : ليش عيونك حمر
مي : تعرف بتفارقني لازم تبكي
فيصل : اهااااا عشان كذا
ريما تدخل عرض بالسالفه
ريما : كيفك يافيصل ان شالله بخير
فيصل : هلا ريما الحمد لله بخير وشخبارك انتي والاهل
ريما : كلنا بخير الحمد لله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك