رواية ماساتي في سطور الماضي -26
ساره : طيب ليه تكلمينه كذا
سديم : ليش انا ايش قايله له
ساره : معقوله ماتعرفين ايش قايله
سديم :اووووووه خلينا منه الحين وتعالي معي المجلس
في هالوقت احمد كان جايب معاه عشاء وجالس يصفه على الطاوله اللي بالمجلس
وبعد لحظات دخلت ساره بالبيجاما والشعر المحيوس والعيون المنفخه
ساره انصدمت يوم شافت احمد قدامها
احمد : انا ما استحمل نور عيني تنام بدون عشاء
ساره منصدمه ولا كلمه وسديم طلعت وخلتهم
احمد راح جهتها ومسك يديها الثنتين وشدّ عليهم وحط عينه بعينها
احمد : الله لا يبارك في الشيء اللي يخلي دموعك تنزل وجعل الهم اللي اسقيتك استقي منه اذا سببت نزول دمعه ثانيه من عيونك
ساره وبدون شعور: الله لايكتبه ان شالله لا تدعي على نفسك
احمد : راح ادعي عليها اذا مارضيتي علي
ساره : انا مازعلت بس انا مضايقه انك بتروح وتخليني
احمد : خلاص انا هالسفره لغيتها بروح اصفي شغلي وارجع ولو ماتبيني اروح خلاص ولا يهمك اهم شيء انتي
ساره نزلت الدموع من عيونها
احمد : يالله الحين انا وش قايل تبيني ادعي على نفسي
ساره وبحياء: لا
احمد رفع يدها وباسها
احمد: الله لايحرمني منك يانور عيني
ساره : ولا منك
خذها احمد وجلّسها
احمد : الحين تعشي وانا بروح
ساره : ماراح اكل لما تاكل معي
احمد : الوقت متاخر وصعبه بكره اذا حابه امرك ونطلع نتعشى برى
ساره : لا خلاص
احمد : يالله ياقلبي مع السلامه
ساره : مع السلامه حافظك ربي
احمد وهو طالع قابل سديم راح وباسها على راسها
احمد : يالله روحي تعشي مع حلا قلبي ولا تزعلين انا لغيت السفره
سديم ابتسمت وباست احمد على خده
سديم : اسفه ياخالي
احمد : ماله داعي الاسف انتي صحتي في داخلي اشياء كثيره
وطلع احمد وسديم نست اسلوبها مع سعود وطريقه كلامها له وراحت تتعشي مع ساره
وبعد ماخلصوا عشي بربع ساعه وصل فيصل ومي ومعاهم عشي للبنات
فيصل : كيف الحلوين
ساره وسديم :بخير
مي : طبعا وكما عودتكم من كرمي السخي قلت لفيصل يجيب لكم عشى
ساره وسديم : لا حبيبتي خلي كرمك لك انا الله يخلي لنا احمد جاب لنا من افخم محل بالرياض
فيصل : افاااا كان قلتوا لنا الحين من بياكله
سديم : ولا تزعل خله وبعد ساعه بناكله
مي : لا وش بعد ساعه بيبرد خليني اكله احسن
سديم : يمه منك صدق المثل "جاب عيده وارتكى له "<<الله يخليكم اللي فاهمه يشرحه للي مافهمه
وجلسوا يضحكون وبعدها كل واحد راح لغرفته
سعود كان حيل متضايق من اسلوب سديم وتصرفها معه ومالقى طريقه يعرف وش سبب هالاسلوب الا من مداوي فقرر يرد على رسالتها اللي ارسلتها له ويسوي نفسه مهموم
سديم كالعاده فتحت النت وعالماسنجر حصلت رساله لها طبعا من مداوي وفتحتها
"شكرا يالنحيفه بس انا شوي متنرفز وصايره لي مشكله اذا حبيتي تعرفينها انا داخل عالساعه 2"
سديم : يالله وش فيه اكيد المشكله كبيره ايه بعد نص ساعه بعرفها انشالله
الانثى.... :يامرحبا مليون
مداوي....: اهلين
الانثى....: وش فيه طبيبي متعب الهم حاله
مداوي ....: الله يقطع بليسك ضحكتيني وانا مهموم الا وش بغيتيني فيه
الانثى ...: يووووووه بدري بس خلاص انحل الموضوع انت وش فيك روعتني
مداوي ...: مافيني شيء بس انا مصدوم
الانثى ...: من منه عسى مو مني
مداوي ...: البلا انه منك خخخ امزح من حنين قلبي ودفى روحي
الانثى ...: زوجتك
مداوي..: ايه
الانثى ...: ليه وش صاير
مداوي ....: كانت حبيبتي متضايقه ولا ادري وش فيها اتصلت اسالها وش سبب ضيقتها قالت ظروف
الانثى ...: طيب
مداوي ...: بحكم اني حبيبها وزوجها لازم تقول لي سبب ضيقتها بس للاسف طلعت مو معتبرتني شيء في حياتها
الانثى ...: شلون يعني وش اللي صار
مداوي ...: ااه يالانثى قالت لي ظروف عائليه ماتخصك
الانثى ....: يمكن قالتها بدون ماتقصد لا تكون حساس
مداوي ..:بس اسلوبها كان معاي مو حلوه ولهجتها في الكلام متغيره
الانثى ...: خلاص انت لاتضيق صدرك هي بتحس بغلطتها وتتصل عليك
مداوي ...: واذا ما حست وش اسوي
الانثى ...: لا بتحس
مداوي ...: طيب لو كان هالشيء صاير بينك وبين سعود
الانثى ...: فديت قلبه لاتقول عننا كذا
مداوي....: انا اقول لو
الانثى .....: سعود قلبه كبير ما اظنه بيزعل واصلا ماتحمل ازعله براضيه علاطول
مداوي ..: طيب اللي تقولينه لي تقولينه له
الانثى ....:فيه اشياء اقولها له مااقولها لك واشياء اقولها لك ما اقولها له
مداوي ...:مثل ايش تقولين لي ماتقولين له
الانثى ...: يعني اذا بغيت استشيرك في مشاكل صايره عندنا واي شيء مثل كذا
مداوي...: وليه
الانثى ...:بساطه لانك ماتعرف من اكون اما سعود ما ابيه يعرف عن المشاكل اللي صايره عندنا تكفيه مشاكله هو بيزعل وبيشيل همنا اما انت لا
مداوي ...: اهاااا بس عموما انتي غلطانه اكثر من يشيل همك انا يالله بس باي
الانثى ...: باي
قفلت سديم الجهاز وجلست تقلب في الجوال
سديم : معقوله الساعه 3.45 وسعود لا ارسل ولا اتصل يمكن نايم بس مو من عوايده خلني اتصل اشوف
تتصل سديم على سعود
سعود مسوي ثقل شاف رقمها مارد
المهم
سديم : غريبه وش فيه مارد يمكن تعبان ونايم خلاص اذا صحى وشاف5 رقمي اكيد بيتصل
المهم سديم مافكرت ان سعود زعلان ولا جاء في بالها
وجاء بكره
حصه كانت مرتبكه شوي رايحه جايه المهم
سديم : يمه وش فيك
حصه :ريما
سديم : وش فيها
حصه : امها تقول ان ولد عمها سالم خاطبها قبل فيصل
سديم : يعني خلاص مافيه امل
حصه : ولله مدري بس ابوها يقول اول شيء بشوف رايها في ولد عمها واذا اختارته يكون مافيه نصيب واذا رفضت بيعرض عليها موضوع فيصل
سديم : ياربيه اخاف توافق على ولد عمهاسالم هي دايم تمدح فيه تقول مافيه مثله او يغصبونها اهلها
فيصل كان راجع بالصدفه للبيت يبي ياخذ اوراق وسمع هالحوار
فيصل "لازم ما اكون اناني انا ارمل ومعي ولد وهي توها لازم تشوف نصيبها "
وطلع من البيت
طبعا الحبيب كان مخزن رقمها
وقرر فيصل انه يرسل لها
"اختي ريما انا ما انكر في يوم اني اعجبت فيك وبشخصيتك وبكل شيء فيك بس انا ما ابي اكون معك اناني انتي توك صغيره وفيه مليون من يتمناك اتمنى انك ماترفضين ولد عمك سالم لان فرحتك من فرحتي وهو يستاهلك اخـــــــــوك فيصل"
يوم جاء يرسلها ماحصل رقم ريما عنده ذكر انه حاذفه
ريما كانت امها تكلمها في ولد عمها سالم وتمدح فيه
ريما : بس يمه انا مااحب امه
ام ريما : الحين بتعيشين معه والا مع امه
ريما : بس يمه
ام ريما : وش بس
ريما :توني صغيره
ام ريما : اقول اعقلي بس هذولي بنات فهد بيتزوجون
ريما :طيب قلبي مو مرتاح
ام ريما : طيب قبل ماتردين استخيري
ريما : ان شالله
طعلت ام ريما وتركت ريما سرحانه في كلامها
ريما "بدر طيب وحبوب بس ما احبه وفيصل الى الحين ماتقدم لي ويمكن بعد مايتقدم لي يالله وش اسوي مالي الا سديم "
وتتصل على سديم اللي كانت واصله حدها سعود ما اتصل ولا عبرها
ريما : مرحبا
سديم : مرحبتين
ريما : كيفك
سديم : بخير كيفك انتي
ريما : الحمد لله سدوم انتي فاضيه
سديم : ايه خير ان شالله
ريما : انا تقدم لي بدر ولد عمي سالم
سديم : مبروك
ريما : على ايش الله يخليك
سديم : ليه ماتبينه
ريما :سديم تكفين مو رايقه لمزحك الماسخ انتي عارفه من اللي بالي
سديم : ااااااااه
ريما : وش فيك
سديم : خلينا الحين من مشكلتي ونرجع لمشكلتك
ريما : لا بلا سخافه زايده قولي وش عندك
سديم :سعوود......
ريما : إنا لله وش فيه سعودوه بعد
سديم : ماأدري وشفيه ماكلمني امس وبعد كلمته مايرد اخااف انه تعبااان
ريما : بـــــــــــــس اقول الحمد لله والشكر لحظه لحظه برووح اسجد سجوود شكر لربي على النعمه اللي عطاني اياها وحرمك منها وبجي
سديم : بلا سخاافه اكلمك بجد وانت مالت عليك ياأفكر بواحد ثاني اجل قولي في اخوك ورحي عمرك
ريما : يمكن تصير مشكلتي مشكله اما انت مافيه امل تصيبر مشكله
سديم : لا تكفين اصلا وشي مشكلتك
ريما:انت تستهبلين اقول مالي الا فيصل هو الي بيفهمني
سديم :أيــــــه من الاول وانت تبين هاشئ بـــس مو حاصلك
ريما:إيـــه والله مو حاصلي
سديم : طيب ارفضيه اذا ماتبينه
ريما : وش اقول لاهلي
سديم : انتي فكري زين
ريما : اقول بس باي باي ابيك عون صرتي فرعون
سديم : باي
قفلت سديم من هنا ودخل عليها فيصل من هنا
فيصل : هذي ريما اللي تكلمينها
سديم : ايه بس وشلون عرفت
فيصل :يعني من بتكلمين غيرها
سديم : اهااا كذا الموضوع
فيصل : طيب وش اخبار خطبتها من ولد عمها
سديم وفتحت عيونها : وانت وشلون تجيب هالاخبارمخاوي
فيصل : ههههه
سديم : ماادري هي محتاره
فيصل : وليش تحتار
سديم : انت ادرى
فيصل : اهااا طيب انا طالع تبين شيء
سديم: سلامتك
وهو طالع تون نغمه رساله
سديم :الله الله من المرسل لك
فيصل : طيب خليني افتحها قبل وبعدين وش دخلك لقافه بنات مدري وش تبي
سديم : طيب طيب انا اوريك
فيصل : روحي بس يالله انا طالع تبين شي
سديم : ايه من منه الرساله
فيصل : ياربي وش دخلك
سديم : خلاص رح مابي شي
فيصل : ههههه ما اقوى على اللي زعل يالله باي
طلع فيصل ونسى يفتح الرساله
المهم راح لشركته ونسى الرساله
وبعد ساعه رن جواله رنه وحده طبعا مالحق يشوف المتصل
فتح المكالمه التي لم يرد عليها الرقم غريب مو مسجل عنده بس حس انه قد شافه او مر عليه بعدها شاف الرساله وفتحها
" ممكن تقول وش هالبنت اللي ما تستحي او اللي ماعندها كرامه بس انا اليوم انخطبت وعمري ماتخيلت اني اكون لأحد غيرك بس انا حبيت ابلغك بالموضوع اذا كان يهمك "
فيصل ماصدق الموضوع
فيصل "مومعقول اللي تسوينه ياريما ولا تتصلين بس قلبي مايطاوعني اكون اناني معك يارب وش اسوي فكر انه يرد لها بالرساله
"اختي ريما انا ما انكر في يوم اني اعجبت فيك وبشخصيتك وبكل شيء فيك بس انا ما ابي اكون معك اناني انتي توك صغيره وفيه مليون من يتمناك اتمنى انك ماترفضين ولد عمك سالم لان فرحتك من فرحتي وهو يستاهلك اخـــــــــوك فيصل"
ريما ماحصلت الرد اللي تبيه من فيصل وردت له
" يمكن اكون اختك بنظرك ويمكن اتزوج ولد عمي بس بقول لك شيء ذنبي وذنبه في رقبتك بكون معه جسد بلا روح وعارف روحي من معه "
وضغطت ارسال
فيصل نزلت دموعه وماعرف بايش يرد لها
وريما حالتها حاله بس كانت متماسكه قامت وصلّت صلاه استخاره تستخير ربي وتدعيه يسر لها اللي فيه خير لها
وبعدها طلعت وقالت لامها الخبر اللي وصلت له بعد تفكير عميق
ايه صح عليكم قالت الخبر اللي زلزل وجدانها قالت خبر عمرها ما انحطت بموقف مثله
وقالت لامها قرارها
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟
الجزاء 21
خلصنا من ريما وقرارها اللي اتخذته <<طيب وش قرارها ءهاءهاءهاء بتعرفونه اذا قريتوا الجزء بتمعن هاهاهاي
ننتقل لسديم ومشكلتها مع سعود
الحين الساعه 1 بالليل ولا اتصال ولا رساله سديم كانت بتموت من الخوف عليه طلعت بالصاله حصلت"وجدت ،لقت " مي وفيصل جالسين عند التلفزيون
سديم : السلام عليكم
مي وفيصل : وعليكم السلام
سديم وبدون نفس : وش جالسين تشوفون
مي : مسرحيه لطارق العلي روووووعه بس وش عندك
سديم : ماعندي شي
مي : لا بس غريبه انتي الوقت هذا عادةً تجلسين على النت او تسولفين مع حبيب القلب
سديم : طيب بدخل الغرفه
فيصل : سديم وش فيك
سديم : مافيني شيء
فيصل : لايكون زعلانه من كلامنا اليوم
سديم وبابتسامه صفراء :لا وش دعوه وانا اقدر ازعل عليك
فيصل : طيب وش فيك
سديم نزلت من عينها دمعه مسحتها بسرعه عشان ما يتنبهون
فيصل : سديم وش فيك
طلعت ساره من غرفتها ومرت الصاله وشافت الشباب مجتمعين
ساره : مراحب
الشباب : اهلين
سديم : اجل يالله تصبحون على خير
ساره : اذا حضرت ساره تذهب سديم
سديم : لا وش دعوه بس بروح انام<<العوات كاثره خخخخ
فيصل : لا تقولين بنام قولي بنحاش بس بكره بطلع اللي فيك
راحت سديم لغرفتها
ساره : وش فيها سديم
مي : مدري بس شكلها متضايقه
ساره راحت لسديم
ساره تطق الباب
سديم :يالله منكم بنام
ساره دخلت
ساره : على غيري هالحركات قومي قولي لي وش فيك
سديم : مافيني شيء
ساره : هالكلام قوليه لاي احد بس انا لا
سديم : ولله مافيني شيء
ساره : طيب سعود وش فيه
سديم : مافيه شيء
ساره : طيب ليه ما سلمتي عليه اليوم يوم جاء المغرب
سديم : ليه هو جاي اليوم
ساره : يعني مسويه نفسك ماتدرين عنه
سديم : أيه ما ادري اصلا توني اعرف منك انه جاي
ساره : ماقال لك امس يوم كلمك
سديم : هو اصلا ماكلمني امس
ساره : وجع وش ماكلمك واللي راده عليه يوم احمد يجي من هو
سديم : يووووه نسيت
ساره : ما كلمك بعدها
سديم : ايه حتي اتصلت عليه مارد مدري وش فيه
ساره سرحت شوي
سديم : وين وصلتي
ساره : معك بس اخاف سعود زعلان
سديم : وش يزعل منه
ساره : من جدك ماتعرفين اصلا لو اني بمكانه زعلت
سديم : طيب ليه
ساره : اسلوبك معه في الكلام ونفخك عليه وبعدين كملتيها يوم قلتي له انها ظروف عائليه
سديم سكتت شوي وبدت تنزل دموعها
سديم : ولله ماكان قصدي بعدين كنت معصبه
ساره : طيب قولي له هالكلام
سديم وش اقوله وهو
ساره : وهو ايش
سديم : سعود قال لي مشكوره المشكله مو عائليه المشكله في نظري انك مابعد اعتبرتيني من العايله
ساره : والمشكله ماحاولتي تعتذرين منه
سديم : لاتزيدين همي الله يخليك ممكن تخليني لحالي
ساره : طيب حبيبتي
ساره طلعت من هنا وسديم راحت تفكر وتهوجس من هنا
سديم " ياربي ليش قلت له كذا الحين وش بيرضيه "
طبعا تذكرت كلام مداوي لها بالنت وقارنت بين الموقفين لقت بينهم تشابه بس الغ...بيظل طول عمره غ...مااكتشفت انه مداوي هو نفسه سعود
المهم مالقت لها حل الى انها تتصل على سعود وتعتذر منه
سديم تتصل وسعود كان بالمطبخ وماسمع الجوال
سعود كان مقرر انه اذا اتصلت سديم راح يكلمها عادي كن مافيه شي صار
سديم فهمت ان سعود مايبي يرد عليها
المهم رجع سعود وفتح النت وعلا طول الماسنجر
سديم مالقت احد بيساعدها الا مداوي طبعا دخلت وبعد السلام والكلام
الانثى : كيفك مع خطيبتك
مداوي : تقبر ألبي من خطيبه ياجعلها تسلم
الانثى : هاه تراضيتوا
مداوي : ايييييييييييه اتصلت علي بعد ما طلعت من النت
الانثى : اهاااااا
مداوي : وانتي كيفك مع سعودي
الانثى : شكلك سدحتنا بعين
مداوي : افااا ليه
سديم قالت له السالفه كلها الا ما وصلت للكلام اللي قالته ساره
وسعود كان منقهر يعني لو ساره ماقالت لها شيء كان ماعرفت غلطتها
الانثى : هاه وش رايك
مداوي : معليش بس انتي غلطانه
الانثى : انا عارفه وندمانه موووت ياجعلي الهم والغم
مداوي : وجع لا تدعين على نفسك
الانثى : طيب قل لي وش الحل
مداوي : حاولي تتصلين
الانثى : اتصلت من شوي بس مارد
سعود يستغرب ويرفع جواله ويحصل مكالمه لم يرد عليها
سعود في قلبه : اااااااااه بس منك طيب اتصلي ثانيه وش راح تخسرين
مداوي : طيب جربي ثانيه
الانثى : ما اتحمل اتصل عليه ومايرد قلبي مايستحمل ومابيه يسمع صوتي
مداوي : ليه
الانثى : ماابيه يحس اني جالسه ابكي
مداوي : انتي تبكين الحين
الانثى : اقووول غير الموضوع
مداوي : طيب علا راحتك بس عندي احساس انه بيشوف رقمك ويتصل
الانثى : لو اتصل مابرد عليه
مداوي : افااااااااا ليه
الانثى : انا زعلانه
مداوي : الحين من الزعلان
الانثى : ليه يجي اليوم ولا يقول لي حتى لو كان زعلان يقول لي على كيفه مايقول لي
مداوي : ههههه ايه على كيفه اجل على كيف مين
الانثى : لا مو على كيفه يحرمنى من ابسط حقوقي ومايخليني اشوفه
مداوي : طيب يا ابسط حقوقي
يرن جوال سديم
الانثى : اقو مداوي حبيب قلبي حضر اقصد اتصل اكلمك بعدين
مداوي: توك تقولين ماراح ارد
الانثى : وانا اقدر اشوف اسمه وما ارد وبعدين فيه مثل يقول لاتصدق كل مايقال لك
مداوي : اقول ردي لا يقطع وبستناك ماراح اطلع
الانثى : طيب
سديم : هلا
سعود:اهلين
صمت
سعود : كيفك
سديم : بخير كيفك انت
سعود : بخير
صمت
سديم : مشغول
سعود : لا ليه
سديم : بس اسال
سعود: طيب بغيتي شيء
سديم : مثل ايش يعني
سعود : مدري عنك اجل ليه متصله
سديم وصوتها المبحوح : ازعجتك اسفه
سعود : لا مو قصه ازعجتيني بس مستغرب
صمت يقطعه صوت بكاء
سعود : سديم وش فيك
سديم : انا عارفه اني غلطت بس
والبنت مسكت خط البلده في الصياح
سعود : سديم خلاص لا تبكين انا مو زعلان
سديم مواصله الصياح والنياح
سعود : خلاص ولله مايسوي اللي صار انك تبكين خلاص
سديم بدت تهدى
وبعد فترة صمت
سعود : حبيبت قلبي وش اخبارها الحين
سديم : سعود تكفى لا تزعل
سعود : انا مو زعلان خلاص انتي كان معك حق انا مو من حقى اتليقف واسالك عن مشاكلكم
سديم : وربي ماكان قصدي بس ما كنت ابيك تشيل همنا
سعود :طيب خلاص اللي صار صار
سديم : يعني مو زعلان
سعود : مدري افكر
سديم : سعووووووووووووودوووووه
سعود : ياقلب سعودوه
سديم : ياربيه منك،، سعـــــــــــــود
سعود: ياعيون سعود بس سعودوه احلى
سديم :خلاص عاد اعقل
سعود : لا انا مجنون اجل
سديم : ياربيه زلت لسان
سعود : اهااااا
سديم : اسكت يالدب
سعود : خير
سديم : ولله اشتقت
سعود : لمن
سديم : لا تستغبي انت عارف لمن
سعود : لا مو عارف حتى لو كنت عارف ابي اسمعها منك
سديم : اصلا انا زعلانه ليش يالدب تجي ولا تقول لي
سعود : اول شيء جاوبي على سؤالي وبعدين اجاوبك
سديم : ياربي اشتقت لقلبي ونور عيني اشتقت لسعوّدي
سعود: افااااا اجل مو لسعود
سديم : ياربي منك يالله بس لا تتهرب جاوب على سؤالي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك