رواية ماساتي في سطور الماضي -25
سعود كان داخل الماسنجر بس مسوي نفسه بالخارج قرى رسالتها ومات من الضحك
سعود " هههههه انا دب خلاص نشوف بكره
بكره جاء
سعود بيمر الحين ياخذ سديم بعد ما اتفق مع فيصل بدون ماتدري
العصر
حصه : سديــــــــــــــــــــــــــــــــم
سديم توها صاحيه من النوم ونازله بالبيجاما
سديم : نعم يمه
ساره : الله ينعم عليك ياقلبي من الصبح نُناديك
سديم : يالله منكم وش تبون بروح انام يالقلق
مي : هيه انتي لو سمحتي احنا مو قلق انتي وسعود القلق والا احد يمر على زوجته 3.30العصر ماامداهم يصلون الا وهو موقف عند باب بيتنا
سديم مااستوعبت وش قاعد ه تقول مي
سديم : الله يرحم والديك مو ناقصه وش تبون
حصه : مانبي شيء بس سعود ينتظرك عند الباب بتروحون تشوفون بيتكم
سديم بدت تركز
سديم : سعود هنا
حصه : ايه يعني ماتدرين يقول انكم متفقين ترحون اليوم
سديم : ايه بس ماتوقعت انه صادق ياربي مايمدي اتروش والبس
حصه : يالله منك ياسديم خلاص روحي تروشي وانا بلهيه الى ان تجين
سديم : طيب
وتنقز سديم نقزه غزال تروح تتروش "تستحم "
مي راحت لغرفه سديم تطلع لها ملابس هي وساره
مي : ساره شوفي هالبلوزه حلوه
ساره : لالا خليها على الحمراء احلى
مي : بس الاسود فيه فخامته
ساره: ايه فخم بس حرام تلبسه يعني ماراح يشوف لبسها
مي : امممم طيب وش رايك يالتنوره الميدي
ساره : أي وحده
مي : الخضراء مع وردي
ساره : حلوه بس لو تلبس شيء سبور احلى
مي : يالله ماعندها شيء
ساره : لا شوفي تلبس تي شيرت الوردي اللي فيه فراشات مع امممم
مي : التنوره الخضراء
ساره : طيب
مي : لالالا لقيتها
ساره: ايش
مي : اللبس الصيني الاسود مع الاحمر
ساره : ايه حلو خلاص الحين روحي استعجليها
سديم دخلت عليهم
سديم : خلاص انا خلصت انتم وش تسوون في غرفتي
ساره : نطلع لك لبس نعرفك ذويقه ولازم بالساعه علشان تختارين
سديم : طيب وش طلعتوا
مي : الحين نشفي شعرك ويصير خير
وفي المجلس
فيصل : انا قايل لك قل لها من الصبح الحين الساعه 5.5 ولا بعد جهزت
سعود : الحين لو انها تخترع الذره كان خلصت استعجلوها
حصه : انت الغلطان
سعود : الحين انا الغلطان
يوسف : ايه انت ليش ماذكرتها
سعود : ايه طلعت غلطان عشان زوجتك
يوسف : ايه عندك مانع
سعود: افااا يبه حرمه تقواك
حصه : ليه الحريم مو مالين عينك
سعود : لا مالينها بس مو درجه انهم يمشون رايهم
فيصل : نشوف بكره سديم بتمشيك على رايها والا لا
سعود : ايه الايام تثبت لكم
سديم دخلت عليهم
سديم : وش اللي تثبته الايام
سعود لف جهت الصوت شاف قمر 15 سديم كانت لابسه فستان صيني قصير ورافعه شعرها بالعواد الصينيه ومنزل خصل وكحل اسود خفيف رسمته برى عيونها وطبعا روج احمر طالعه جنان
سعود شاف الجمال والحلا وزاد عليها رقه الكلام وماقدر يرد
فيصل : تبين تعرفين وش اللي بتثبته الايام
سعود : يالله مو وقتك يافيصل متاخرين
الكل جلس يضحك الا سعود وسديم
سديم : وش فيكم تضحكون
سعود: الحمد لله مهبل خلينا نلحق نروح للبيت قبل ماتليل الدنيا
في السياره سعود مسوي ثقل ما يتكلم
سديم " يالله وش فيه هذا لايكون زعل بعد اخر مكالمه لالا مفروض انا اللي ازعل مو هو طيب ياسعود انا اوريك ان كنت جالس تلعب باعصابي "
سعود كان ساكت حتى المسجل ماشغله يعني مو مثل عوايده
سعود : وين وصلتي
سديم: هلا
سعود : اللي ماخذ عقلك
سديم : ما احد خذه
سعود : طيب
وعم الصمت مره ثانيه
سديم "يالله مو هذي عوايده وش فيه "
سديم : متى بنوصل
سعود : شوي ليش مليتي
سديم : لا بس ابعدنا مره عن بيتنا
سعود : ليه تبين نسكن قريب منهم
سديم : ايه
سعود : خلاص انتي كبيره ماتحتاجين لهم
سديم بدت تطرطع
سديم : انا عارفه اني كبيره بس ماتعودت اني افارقهم
سعود : اها كذا
سديم " ياربيه وش فيه هالرجال قلب مره وحده "
وبعد فتره
سعود : الحين وصلنا
سديم : وين وصلنا الدنيا كلها هنا بر
سعود : ايه بنسكن في خيمه
سديم بدلع حزين : سعود لا تتريق علي
سعود: انا اقدر كل شيء ولا اتريق عليك
سديم : طيب ليه جايبنا هنا
سعود : نشرب الشاهي والقهوه
سديم : سعووووود
سعود ينزل الشاهي والقهوه من السياره
سعود : ياعيون سعود وش بغيتي
سديم : ابي نرجع البيت
سعود : افااااا ليش
سديم : انت ماقلت لي انك بتروح البر
سعود : كنت بسويها مفاجاءه مو حلوه
سديم : لا مو حلوه
سعود : طيب شكرا
جلس سعود يسوي حركه تمويه انه يرجع الشاهي في السياره
سديم : سعود كنت امزح بس انت قهرتني خلاص خل الاغراض
سعود : ما ابي اجلس في ماكان ماتبينه
سديم : انا ابيه بس اترك الاغراض
سعود ميت من الضحك عليها في قلبه
سعود : طيب
جلسوا سعود وسديم في البر لحالهم لا حنيس ولا ونيس بس ترامس "زمازم "الشاهي والقهوه
سعود كان يتامل سديم وهي جالسه تتامل البر وكل شوي ناقزه من الخووووف من الحشرات وسعود يموت ضحك عليها
سديم : سعود خلاص مامليت
سعود : لا
سديم : بس المكان كله حشرات
سعود : هههههه تعودي بيتنا كله حشرات
سديم : ياسخفك يا سعود
سعود : طيب قومي اركبي السياره بنروح البيت
ركبت سديم السياره من هنا ونامت على انغام كاظم الساهر
سعود نزل من السياره وراح جهت سديم
سعود مسك يدها بيدينه الثنتين <<اجل عشر اكيد ثنتين >>يالله انتي وش عليك ثنتين ثلاث مليون كيفي
وجلس يقومها من النوم
سعود : سديم سدوم يالله حبيبي قومي
سديم كانت غرقانه في النوم كنها ما نامت من شهر
سعود : سديم يالله وصلنا
سديم قامت من النوم بس بعد ايش
سديم : يوووووه نمت
سعود : اييييييييه نمتي وخليتني في السياره اكلم عمري
سديم : وليش ماصحيتني
سعود : رحمتك شفتك غرقانه في النوم ما حبيت ازعجك
سديم : اممممم ماتبي تزعجني والا تبي تفتك مني
سعود وقف وشد يد سديم بيدينه
سعود : قومي ندخل البيت ويصير خير
سعود فتح باب البيت دخل ولحقته سديم بعد ماسكر سعود الباب اخذ من سديم عبايتها وعلقها
سديم : مشكووور
سعود : العفو
سديم كانت تتلفت تشوف البيت اللي كانت اوانه متناسقه والديكور رووووعه
سعود : هاه وش رايك
سديم : بصراحه ذووووووق
سعود : احم احم اكيد ذوق والا ما اخترتك
سديم : اها
سعود : طيب تعالي اوريك المطبخ
سديم : يوووه فيه مطبخ
سعود : ليه فيه بيت مافيه مطبخ والا مفكره تموتيني جوع
سديم : لا مو قصدي بس ما اعرف اطبخ
سعود قرب لها ومسك يديها الثنتين
سعود : افاااا عليك انا امزح وبعدين هالكفوف اللي من حرير ينفع تدخل المطبخ والا تلمس شيء من اغراضه
ورفع يديها وباسها
سعود وداها للمطبخ بعدين غمض عيونها ودخلها غرفت النوم
سديم : خلاص افتح
سعود : خلاص افتحي
بعد ما فتحت سديم عيونها اندهشت بشكل الغرفه
كانت الغرفه جنان الغرفه كانت كنها مرسم وصور سديم وهي صغيره وهي متخرجه صور كثيره وسرير روووعه وشموووع مولعه حمراء وورود حمراء منثووره على الارض وكرتون احمر جذب سديم
سعود : هاه وش رايك
سديم : فيه شيء ناقصها
سعود : افاااا وش هو
سديم : صورتك واسمك مانورها
سعود : يكفي نووورك
سديم : طيب ممكن اتليقف انت عارف ان لقافتي هي مصدر ثقافتي
سعود :هههههه خذي راحتك
سديم : امممم هالعلبه اللي هناك وش فيها
سعود : فيها مجموعه سي ديات
سديم : وش تبي فيها
سعود : ااااااااا هذي مفاجاءه
سديم : مفاجاءه لمين
سعود : لك
سديم : طيب وش فيها
سعود : في ليله الزواج نفتحها انا وانتي وش رايك
سديم : طيب خلاص
سعود : طيب ممكن تجلسين في الصاله
سديم : ليه
سعود : مو معقوله تجين ولا اضيفك شيء
سديم : لا لا انت اللي اجلس بالصاله والا نسيت ان هذا بيتي
وجلسوا يضحكوا
سديم " الله لا يحرمني هالضحكه "
سعود " يالله كنت بيديني بضيع هاللحظات الحلوه "
سعود : طيب سدوم رضيتي
سديم : ليش من قال لك اني زعلانه
سعود : انتي يوم اخر مره كلمتك فيها
سديم : انا صدق كنت زعلانه يوم تركتني وماخليتني اسمع صوتك عذبتني يوم كامل
سعود : اااااه انتي ماتعرفين كيف مر هاليوم علي من جد لا نسوي هالحركه مره ثانيه
سديم : علم نفسك
بعدها طلعوا من البيت ورجعت لاهلها وكان في هالوقت حصه تكلم ام ريما
حصه : هاه وش قلتي
ام ريما : ولله ماتنردون بس انتي عارفه ريما توها صغيره وفيصل ماشالله عنده ولد
حصه: طيب انتي فكري واسالي ابوها
ام ريما : يصير خير ارد لك بعد يومين والاثلاثه
رجعت سديم للبيت وقالت لها حصه عن اللي صارواتفقوا انهم مايقولون شيء لفيصل الى ان يردون اهلها عليهم
في هالاثناء ساره تكلم احمد
ساره : لا لا يا احمد
احمد : يالله منك اخلص من سديم تطلعين لي انتي
ساره : خلاص اجل سّواللي تبي
احمد : طيب ليه تقولينها بدون نفس
ساره : شلون تبيني اقولها
احمد : طيب ياساره شكرا
ساره : العفو تبي مني شيء والا خلاص
احمد : ساره ماصار شيء لكل هذا
ساره : لا ماصارشيء سلامتك بس الله يخليك تبي تسافر 4 شهور وتخليني
احمد : ياساره كل هذا لك
ساره : وين لي معه تبي تفهمني انك بتروح تدور سكن مناسب ووظيفه مناسبه اصلا خلاص ليش تبي تسافر انا اكمل دراستي هنا وانت اشتغل هنا
احمد : ليش ياساره تغيرتي قبل كنتي مرحبه بالفكره
ساره : قبل ما كان فيه سفرات لحالك ولا 4شهور
احمد:طيب وش اسوي
ساره : خلاص خلاص بكيفك
احمد : شلون يعني
ساره : بكيفك الحين تبي مني شيء ابي انام
احمد : الله بنتامين الحين الساعه توها ماجت 11
ساره : ايه بس انا فيني النوم
احمد :براحتك باي
وقفلوا
بعدها بخمس دقايق
يطق الباب
ساره : مين
سديم : انا
ساره كان بعيونها دموع قامت تغسل وجهها وفتحت الباب
ساره : هاه بشري قصر والا فله
سديم : وش قصره تكفين كلها مطبخ وغرفتين نوم ودورتين مياه "الله يكرم القاريين "وصاله ومجلس و
ساره :خلاص خلاص فضختي راسي
سديم : هههههه
ساره : طيب ليش رجعتوا بدري
سديم : ولله ماعرفت لك اذا جيت بدري وش جابك واذا تاخرت ليه تاخرتي
ساره :اهااااا كذا السالفه
سديم : ايه وين مي
ساره :فيصل خذها يمشيها
سديم : اخس ياحركات من متى هالتطور السريع في العلاقه بينهم
ساره :ههههه الله يقطع بليس عدوك
سديم : لامااسمح لك بليسي ايه بس عدوي اخاف يبي بليسه
ساره : هههههه وش عندك مرووووقه اليوم
سديم :ماعندي شيء بس ماقلتي لي وين راحوا فصول ومي
ساره : يتمشون يقول فيصل مسكينه هي بالبيت منطقه"قاعده" وانتم تهجهجون "تروحون وتجون "
سديم : كذا السالفه اجل بتصل عليهم يجيبون لنا عشاء معهم
ساره : انا مابي شيء
سديم :افاااا ليه
ساره : ما اشتهيت
سديم :لالا انتي مو ساره ما اشتهيتي لا اكيد فيك شي
يرن جوال سديم
ساره : اقول ردي على جوالك احسن لك
سديم : لو تدرين من المتصل
ساره : من
سديم : بتعرفين الحين
سديم : هلا وغلا باحلا خال في الكون
وجهه ساره تقلب الوان
احمد : هلا ولله فيك يااحلى بنت اخت
سديم : اخس وش عندك تمدح
احمد : ولا تزعلين هلا بالشينه
سديم: افاااا وش فيك قلبت
احمد : ولله ماينعرف لكم يالحريم
سديم : اقول ترى حبيبتك حرمه بعد
احمد : ادري اجل ليه متصل عليك
سديم : افاااا يعني مو عشاني
احمد : انتي رايقه الحين
سديم : افااا وش في اخلاقك خربت
احمد : انتي شفتي ساره في هالوقت
سديم : انا معها الحين بالغرفه
احمد : اجل قالت لك
سديم : عن ايش
احمد : ماقالت لك شيء عني
سديم تشوف ساره مستغربه وساره منزله راسها بالارض
سديم : لا ليش
احمد : ولا شيء بس شكلها زعلت
سديم : افااا ياخالي ليه سودت وجهي علشان كذاساره مو مشتهيه تاكل انا اقول مو من عوايدها الكريمه الحين وش اقول لامي اذا اغمي عليها من الجوع وضيقه الصدر
احمد : من جدك تتكلمين ما تشتهي تتعشى افاا ولله ماهقيتها من نفسي
سديم : جالس تنكت
احمد : لا ولله متاثر باللي قلتيه
سديم : يالله اتصل وراضها
ساره تكلم سديم
ساره : لا يتصل مابي اسمع شيء
سديم : لحظه خالي شوي
سديم : وش ماتبين تسمعين شيء
ساره : ماابيه يتصل
سديم : وش فيكم وش اللي صار لكل هذا
ساره : اساليه
سديم : ابي اعرف منك
احمد طبعا يسمع كل الحوار
ساره : حضرته يبي يسافر بعد زواجنا بشهرين ويجلس هناك لحاله 4شهور
سديم : طيب ليه ماتروحين معه
ساره : هو مايبيني اروح معه وبعدين ليه يروح ماشبع غربه
سديم : يعني هذا اللي مضيق صدرك
سارة انفجرت ولا قدرت تتحمل نزلت دموعها
ساره : انتي اقرب وحده لي ياسديم وعارفه بكل شيء صار لي والصدمات اللي تعرضت لها وماعندي استعداد تجيني صدمه جديده
سديم: طيب هدي شوي
سديم رجعت لخالها على الجوال
سديم : خالي اكلمك بعدين
احمد : سديم ساره تبكي
سديم : هاه لا لا
احمد : لاتكذبين علي عموما انا جايكم الحين ولا تقولين لها اني جاي
سديم : طيب
جلست سديم تهدي في ساره ولا بينت انها منزعجه من سفرت خالها علشان ماتزيد الطين بله
المهم احمد وصل واتصل على سديم
احمد: هلا سديم وش اخبار ساره
سديم : انا جالسه اهدي فيها
احمد : طيب انا عند الباب
سديم : طيب بجي افتح لك
طبعا فتحت لخالها ودخلته للمجلس
سديم وبدون نفس: بروح انادي ساره
احمد : وشفيك انت بعد
سديم : مافيني شيء
احمد : ليه تكلميني بهالطريقه
سديم : شلون تبيني اكلم واحد يخلف بالوعود
احمد : يالله ياسديم حتى انتي بعد وش تبوني اسوي لازم اسافر ليش ماتقدرون
سديم : وش تبيني اقدّر قل لي
احمد : خلاص مابيك تقدرين شيء وين ساره
سديم : ساره منهاره انت ماتعرف انت وش تعني لها انت كنت لها طوق النجاه بعد وفاه ابوي والظروف اللي مرينا بها
احمد : خلاص لا تزيدين همي
سديم : وش همه اللي ازيد ياخي روقنا تصرفاتك اللي تسويها تصرفات ناس انانين من اول وانا عارفه انك اناني مايهمك الا نفسك ووساعه صدرك بس دايم اكذب نفسي واقول لا خالي مو ممكن يكون اناني مستحيل بس هذي ظروفه اللي تجبره
ونزلت دموووووووووووووع سديم
احمد كانت البوهه طاقته "يعني مندهش " من كلام سديم
احمد مااستحمل يشوف سديم بالمنظر هذا راح لها وحضنها
احمد : ليش ياسديم انا اناني حرام عليك انا صدق ظروفي تجبرني ومسؤلياتي
وبعد فتره صمت
احمد يبعد عن سديم ويرفع راسه بيده ومسح دموعها
احمد : الله يشهد علي ان بالدنيا ماأفكرباحد كثر ماأفكر بك وبساره بس محد منكم راضي يفهمني تعب سنيني كله اللي تعبته بيروح وانا رافض ساره تروح معي لان الحياه كلها تعب وشقى وانا مابيها تتعب بروح اوفر لها المكان اللي تعيش فيه وخلاص اذا كان هالموضوع مضايقكم بروح في هالاسبوع اصفي حساباتي كلها وارجع
سديم مانطقت ولا بكلمه وبكل هدوء
سديم :بروح انادي ساره
احمد جلس لحاله بالغرفه
احمد :ياربي منكم يالبنات بتذبحوني قبل يومي
سديم راحت لساره
سديم : ساره قلبي ممكن تروحين للمجلس
ساره وصوتها مبحوح: ليه
سديم : اممم روحي وشوفي
في هالاثناء يدق جوال سديم المتصل طبعا سعود
سديم وكان صوتها تعبان شوي : هلا
سعود : هلا وغلا بكل الحلا كيفك قلبي
سديم : الحمدلله كيفك انت
سعود : توني بخير بعد ماسمعت صوتك بس
سديم : بس ايش
سعود : مدري احس فيك شيء
سديم وبملل تبي تقفل وراها قضيه الشرق الاوسط بتحلها "اقصد قضيه ساره واحمد ": لا مافيني شيء
سعود: طيب ليش تردين علي كذا
سديم : كيف تبيني ارد
سعود : انتي زعلانه
سديم : لا
سعود : طيب وش فيك
سديم : مافيني شيء
سعود : طيب ليه معصبه
سديم : مو معصبه بس صايره مشكله
سعود : ممكن اعرفها
سديم : اسفه عائليه
سعود : مشكوووووووووووووووووووووووره ياقلبي المشكله مو عائليه المشكله في نظري انك مابعد اعتبرتيني من العايله باي
سديم : باي
وقفلت ولا كن شيء صاير
ساره : من سعود
سديم : ايه
ساره : طيب ليه تكلمينه كذا
سديم : ليش انا ايش قايله له
ساره : معقوله ماتعرفين ايش قايله
سديم :اووووووه خلينا منه الحين وتعالي معي المجلس
في هالوقت احمد كان جايب معاه عشاء وجالس يصفه على الطاوله اللي بالمجلس
وبعد لحظات دخلت ساره بالبيجاما والشعر المحيوس والعيون المنفخه
ساره انصدمت يوم شافت احمد قدامها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك