رواية ماساتي في سطور الماضي -23
الانثى : مو معناه خلاص ما احبه يعني ما ابيه
مداوي : وليش ما خذته مصلحه
الانثى : شلون مصلحه مافهمت عليك
مداوي : يعني تبينه يستر عليك
الانثى : في عمري ماتخيلت ان هالكلام يطلع منك على العموم مشكور
مداوي : لا يكون زعلتي مو قصدي ولله انا
الانثى : انت ايش
مداوي : انا احبك ولو انك ماوافقتي على سعود تزوجتك انا احبك وبظل احبك
الانثى : مداوي وش هالكلام لو سمحت انت اخ عزيز وغالي انا الحين في ذمه رجل اخر
مداوي : مو قصدي
الانثى : قصدك والا مو قصدك خلاص
مداوي : خلاص ايش جد مو قصدي
الانثى: طيب
مداوي: طيب اثبتي لي انك خلاص من جد
الانثى : وشلون
مداوي : ماقلتي وش سويتي بالملكه
الانثى جلست تقول له كل اللي صار وكيف هي مستغربه من تصرافاته بعد ماقالت له وش صار معها يوم انها تعترف له
مداوي : يالله ليش ماعزمتيني يالخاينه
الانثى : اول مره اشوف وحده تعزم اخوها انت ليش ماجيت
مداوي : لا طيب ليش ماعزمتيني على العشاء اللي جابه سعود
الانثى : يووووووووه ذكرتني
مداوي : ايش
الانثى : كنت ناويه ارسل له رساله اشكره على العشاء بس خلاص
مداوي : ليه خلاص
الانثى : الوقت تاخر واخاف اصحيه
مداوي : وخير يالطير اذا صحيتيه
الانثى : اخاف ازعجه
مداوي : عادي ما فيها شيء ازعاج الحبيب مثل اكل الزبيب
الانثى : ااااااه ياليت اكون الحبيب
مداوي : يالله بس ارسلي له بشوف وش يرد عليك
الانثى : وانت ايش دخلك
مداوي : مو اخوك
الانثى : صح نسيت
مداوي : طيب اطلعي وروحي نامي مو قلتي انك مانمتي زين خلاص روحي نامي
الانثى :طيب يااخوي
طلعت سديم وجلست تفكر ترسل لسعود والا لا
وبالاخير ارسلت له
مشكور على العشاء ماقصرت
سعود على هالكلمتين خق وارسل لها
عادي ما طلبتي شيءلو تامرين على عمري مايغلى عليك يالغلا
سديم قرت الرساله وانهبلت
سديم " حشى مو سعود وش فيه متغير يالله خاف ارجع مثل اول يقلب هو ثم صدق اتحطم "
اليوم الموعد المقترب سعود بيمر على سديم يتعشون برى سديم منحاسه ماتدري ايش تلبس والا وش راح يكون موقفها مع سعود
اما ريما بدات بحل مشكله تركي بعد ماتاكدت انه يحب سديم وهي تحاول تطلعه من هالمشكله
مي : سديـــــــــــــــــــــــــــــــــــموه وجع وينك ليه ماتردين
سديم في الغرفه تكلم نفسها : ياربيه وش تبي هالنشبه انا فاضيه لها
يرن جوالها
سديم : من هالنشبه اللي يتصل ولله رايقين
سديم : وجعت جدي وش تبين مارديت عليك يعني مشغوله وش الازعاج الواحد ماياخذ حريته في بيته
طبعا عرفتوا المتصل مي
مي : اقول اخلصي ولله لو اليوم زواجك ماسويتي اللي تسوينه الرجال ينتظرك
سديم : ياربيه ليه جاء بدري
مي : انتي شايفه الساعه كم يالحلوه الساعه 9.15
سديم : طيب هالنشبه وينه فيه
مي : وش نشبته ترى بروح افتن
سديم : اخلصي وينه فيه
مي : في الشارع يعني وينه فيه في المجلس
سديم : طيب تقلعي خمس دقايق وبنزل
وقفلت في وجهها
مي تكلم نفسها بصوت مسموع : ولله لاوريك انا مي تقفلين في وجهي
فيصل : الحمد لله على العقل هيه انتي وش فيك تكلمين نفسك
مي: هلا بلا ولله ماتدري من اليوم وانا اتهزئ من اللي يسوى واللي مايسوى
فيصل : افاااااااا ولله من يقدر يرفع صوته عليك وانا موجود
مي : كلهم الله يرفع ضغطهم مغير الاحقهم ملاحق كن الخير لي مو لهم بس انا بردها لهم
فيصل : هههه طيب رديها على راحتك بس سديم وينها فيه
مي : اقول الله يخليك لا ترفع ضغطي هو مرتفع بدون شيء
فيصل : ههههههههه يعني سديم اللي رافعته اوريك فيها اذا نزلت الحين
سديم تنزل من الدرج كنّها سندريلا شاشه سبيس تون <<<<<<<هههههههههههههه حلوه بس لا اكررها
لابسه بلوزة ورديه نعوووومه فيها فراشات بالوردي وشرايطه حرير على الكم اليمين وتنوره ميدي بيضاء انعم من البلوزه <<<ليش لامستها خححخحخ
ورسمت عيونها بكحل اسود ومسكرا ولمعه شفايف ورديه وطبعا تاركه شعرها على كتوفها طالعه كيوت <سبق واني ترجمتها ماله داعي الاحراج
مي : هذي فله وصلت انا بروح المطبخ تبي شيء
فيصل : هههههه لا سلامتك
راحت مي مسويه نفسها زعلانه
سديم : وش فيكم وليش تضحك ومي شوي وتنفجر
فيصل : مدري عنها بس انتي وش قايله لها
سديم : ماقلت لها شيء
فيصل : بس معصبه عليك مي
سديم : يالله ليش بروح اشوف وش فيها
فيصل : اقول سعود منطق من الصبح يستناك روحي وانتي راجعه مرّي البقاله "السوبر ماركت بس صغير " وجيبي لها جالكسي سنزا
سديم : اقول انت فاضي بروح لا يعصب عليّ مملوح اهله
فيصل : حلـــــــــــــــــــــــــــوه بس لاتعيدينها ترى افتن
سديم : وش فيكم شغالين على الفتنه اليوم حشى اللي يسمعكم مايقول انّا اخوان
وراحت سديم لسعود اللي طلع ينتظرها في السياره
سديم : السلام عليكم
سعود: هلا ولله وعليكم السلام ورحمه الله وبركاته
وركبت سدوم السياره
سعود : كيفك
سديم : الحمد لله بخير كيفك انت
سعود : توني صرت بخير يوم شفتك
سديم تشققت عفوا تقطعت لالا وش اقوى من هالكلمتين صار لها
بعدها شغل سعود
لو يموت الشووووق بقلوب البشر
مايموت بخافقي شوقي عليك
خذ مسافه يوووم اسبوع وشهر
الخ
وسعود مهنته في السياره يناظر سديم
وسديم صدقت عمرها ياي تراني حلووووه مره يعني خذت مقلب
سعود : وين تبين تتعشين
سديم : مدري انت اختار
سعود : انتي وش تحبين
سديم : اممم تراك توهقت
سعود : ليش
سديم : اللي احبه كثير
سعود وبخبث: طيب انا من ضمنهم
سديم انحرجت
سديم " ياربي وش فيه ذا متغير مو سعود ابصم على العشره "
سعود : سدوم وين وصلتي
سديم : هلا معك
سعود : طيب ماجاوبتي
سديم " ياربي وش هالنشبه "
سديم : على ايش
سعود : وش تحبين اكثر الصيني والا الايطالي
سديم "اااااااااااه الحمدلله ماعاد كلامه"
سديم : كلها حلوه وش الاقرب نروح له
سعود: خليها على الصيني احسن
صمت في السياره يقطعه سعود
سعود : تبين نمر بيتنا تشوفينه
سديم : انا
سعود : فيه احد غيرك
سديم : لا بس ماراح نسكن مع عمي وامي
سعود : تكفين ابوي مبلط عندكم اربعه وعشرين ساعه شلون نسكن معهم
سديم : ههههههه
سعود : فديت هالضحكه
سديم : تسلم يالغالي
سعود: ماجاوبتي نمر والا لا
سديم : صعبه في الليل خلها في النهار احسن
سعود : ليش صعبه انتي زوجتي على سنه الله ورسوله المهم على راحتك امرك بكره
سديم : خلها اللي بعده احسن علشان ابلغ اهلي وبكره انا مشغوله شوي
سعود : على راحتك
وبعد ماوصلوا للمطعم
سعود : وش تبين نطلب لاتقولين بكيفك
سديم : خلاص اللي تبي
سعود : الحين بقوم اصقعك <<بدت الجفاسه
سديم : الله الله ياكبرها عندربي هذا وانّا تونا متملكين اجل بعد الزواج وش بتسوي بتصبحني بطراق وتمسيني بعقال
سعود : تنكسر يدي اذا مديتها عليك بصبحك جوري وامسيك باللي احلى من الجوري
سديم قلب وجهها طماطه
سديم : طيب وش اللي احلى من الجوري
سعود : وش رايك بابتسامتي
سديم :يعني ابتسامتك هي اللي احلى من الجوري
سعود : افاااااا ليش مو احلى منها
سديم : اممم مدري انا ما بعد شفتها
سعود ابتسم بعدها ابتسامه تفلق الصخر <<نصابه مافلقته شايفته >>ايه <<اقول لا تفقشين شقت الصخر مافلقته >>اقول بس ياخف دمك بس تفلق تشق كيفي روايتي والا روايتك <<يمه لا تاكليني اسفه >>تعدلي ؛؛ولله اني رهيييييبه ماشاء الله علي دمي خفيف ياحبي لي
سعود : هاه وش رايك الحين
سديم : لا مو احلى من الجوري
سعود : افااااا
سديم : خلنا نكون واقعيين هي احلى من جوري الكون كله
سعود : تسلمين
صمت
سعود : يالله وش تطلبين
سديم : اذا طلبت انت طلبت
سعود : طيب
طلب سعود وطلبت سديم مثله
وبعد ماتعشوا شقاق يشق بطونهم
سعود : اخواتك وش يحبون
سديم : وش تقصد
سعود : وش يحبون ياكلون
سديم : مدري
سعود :اطلب لهم على ذوقي
سديم : ايه
وبعد ماطلب لهم وركبوا في سياره
سعود : انشالله يكون العشاء عجبك
سديم : مشكور مررره حلو مثل ابتسامتك هههه
سعود : طيب شكلك تتريقين علي من الصبح انا زعلان
وبعد 5 دقايق
سعود : انتي عارفه اني زعلان
سديم بترفع ضغطه : ايه انت من شوي قلت لي وش اسوي لك
سعود: طيب يالدبا
سديم : ههههه بشويش يالنحيف
سعود : يالله عليك بتذبحيني
سديم : بسم الله عليك وش شايفني دراكولا
سعود : صدق زعلت خلاص لا تكلميني
سديم : طيب
انقهر سعود وجلس يقلب في الاشرطه اللي عنده
شغل
قلّــــــــــه اللي وصلني منك يكفيني عمر
الخ
سديم ماعلقت على الاغنيه
سديم : سعود
سعود بدون نفس مسوي زعلان : نــــعم
سديم : خلاص مابي شيء
سعود: وش تبين
سديم :قلت خلاص
بعدها جلست تقلب في جوالها وقفلت اغنيه عبدالمجيد وفتحت من جوالهارساله صوتيه مره ارسلتها لها ريما تذكرون يومها تحسبها زعلانه منها تذكرون يوم اقولكم كملوها ماحفظتها ذكرتوا شوفوها يمكن تذكرون
ياليت اليوم تفهمني
وتفهم خاطري وارحل
تكلم وش جرى مني
سيف الهم تراه استل
سيف الهم تراه استل
جفا الاصحاب يقتلني يقتلني ترى اسال
تكلم وش جرى مني
سيف الهم تراه استل
سيف الهم تراه استل
ياليت اليوم تفهمني
وتفهم خاطري وارحل
تكلم وش جرى مني
سيف الهم تره استل
سيف الهم تراه استل
جفا الاصحاب يقتلني يقتلني ترى اسال
تكلم وش جرى مني
سيف الهم تره استل
سيف الهم تراه استل
كلولولولوش ماذكرتوها صح بلا ولله من الحماس اللي مقطعكم اللي ذكرها يقول في أي جزء واسوي له خصم في الروايه <<هههه قالبينها المملكه على غفله
سديم : سعود
سعود عجبه الدور انه مسوي نفسه زعلان
سديم : سعود
وسعود يلف مع الجهه الثانيه وميت ضحك
سديم : سعود لا تسفهني ترى بزعل
سعود حس انه مصخها
سعود : لبيه ياعيون سعود
سديم : ليه ماترد علي
سعود : امممم ابي اشوف رده فعلك اذا سويت نفسي زعلان
سديم : يعني تلعب علي
سعود : لعبه بسيطه
سديم : طيب انا اوريك انا صدق زعلت
سعود : لا كل شيء ولا زعلك
سديم مسويه نفسها ماسمعته
سعود طول الطريق وهو يراضيها
سعود : سدوم خلاص اهون عليك تعذبيني
سديم : مثل ماهنت عليك
سعود : حرام عليك من قالك انك هاينه علي
سديم مر عليها شريط ذكرياتها مع سعود وتذكرت اللي صار لها معه يوم تقول له عن الاعتداء ""<<ذليتكم بالاعتداء ماتسوى عليكم صح <<لا تصدقون امزح هذي روايتي يعني لا زم اذل شوي ""
وكيف شككها في شرفها وقلبها بداء يرجعلها كل المواقف الشينه معه علشان تبتعد عنه وما تطيح في حبه مره ثانيه
سديم : تصرفاتك
سعود : حرام عليك
سديم حبت تصارح سعود في هالموقف علشان كل واحد يقول اللي عنده بصدق
سديم : سعود ابغى اتكلم معك في موضوع مهم
سعود : ايش
سديم : بيتكم قريب من هنا صح
سعود : ايه
سديم : ومافيه احد صح
سعود : ايه سديم لا تروعيني وش بتقولين
سديم : ممكن تودينا هناك
وبعد ما وصلوا البيت سعود وسديم راحوا لمكتب يوسف
سعود : سديم وش فيك
سديم : مافيني شيء بس سؤال بساله لك
سعود : وش هو
سديم : انت ليش تغيرت
سعود : انا ماتغيرت
سديم : انت ماتغيرت في هذي ماصدقت
سعود : ليش
سديم : انت ليش تعاملني كذا ليش
سعود : سديم وش فيك
سديم : ابي اعرف ليش قلبت 180 درجه ليه
سعود : يعني مو عاجبك تغيري معك
سديم : عاجبني مو عاجبني مو مهم بس ابي اعرف ليش
سعود :لاني عرفت من تكون سديم
سديم والدمعه خانقتها : وتوك تعرف من سديم بعد ايش بعد ايش
سعود : سديم وش فيك وش اللي صار ليش كل هذا
سديم : سعود حرام عليك تلعب في مشاعري انا مو لعبه مره تعرفي على حقيقتي ومره تشككني في نفسي
سعود : سديم متى شككتك في نفسك
سديم : يوم اقولك عن الاعتداء وكيف اتهمتي بشرفي
سعود : سديم انتي الى الحين تتذكرين انا ماكان قصدي وربي ماكان قصدي
سديم : بس خلاص ياسعود في ذيك اللحظه انكسر في قلبي شيء صعب يتصلح
سعود تذكر كلامها في الماسنجر له يوم قالت له انها بتقوله شيء وبتشوف رده فعله وعلى هالاساس راح تبني حياتها
سعود : طيب ليه وافقت علي دام كل هالكره في قلبك
سديم : انا ما اكرهك وعمري ماكرهتك وانا ما وافقت الا عشان ابوك وامي ماحبيت اخرب الفرحه اللي بعيونهم
سعود : والحين انتي جايه تخربين الفرحه بعيني
سديم : سعود خلنا نكون واقعيين انت في حياتك ماحبيتني ولا راح تحبني
سعود : هذي مشكله كبيره ياسديم انك مابعد شفتي حبك في عيوني انا اسف واذا بغيتي انهي كل شيء ويكون من جهتي علشان ما تشيلين هم عتاب ابوي وخالتي
سديم انا مقدر شعورك وعموما يمكن ما تبيني كزوج بس انشالله تقبليني كاخ
سديم كانت مندهشه بعد ما سمعت كلام سعود سعود اعترف لها بحبه بس بعد ايش بعد اللي بينهم خرب <<الله يجزاكم خير سدحتوهم بعين محترمه ثاني مره قولوا ماشاء لله انا مابعد استغنيت عن ابطال قصتي
سديم : يعني انت ياسعود تحبني لا انت عمرك ماحبيتني انت بس تبي تحسسني بتعذيب الضمير
سعود لف عليها وعيونه تتكلم وشفايفه ترجم
سعود : لو تدخلين بقلبي ماراح تلقين مكان ,قلبي كله مزروع بحبك بس مثل ماقلتي خلاص هالكلام ماراح يقدم ولا ياخر اذا كنتي تكرهيني
سديم مااستوعبت
سديم وبهستريا ودموع ماتبي تحس انها الغلطانه وان سعود يحبها : لالاانت مو معقول تحبني انت لو تقدر تموتني كان من مان سويتها
سعودقرب منها ومسكها بقوه مع كتوفها : سديم افهمي انا احبك احبك
وطاحت دمعه وحدة بس من عينه وبعدها ضّم سديم بقوه لصدره
سعود : سديم انا اسف ان كاني ماقدرت اوصل لك اني احبك بس كان مفروض تفهمين من عيوني من رعشه صوتي ومن كل تصرفاتي سديم انا ما اقدر استغني عنك
سديم كانت مذهوله من سعود وكيف هو يبكي وهي كنها جماد على صدره هو ضامها بقوه وهي دموعها تنزل بدون صوت
بعدها سعود رفع سديم من على صدره ومسك كتوفها
سعود : سديم حرام عليك انا بعمري ماعرفت الحب الصادق الا معك ليش تسوين بي كذا حرام عليك
سديم في هاللحظه فاقت من برودها وحطت عينها بعيون سعود
سديم : سعود سعود ليه عذبتني ليه حرام عليك وبعدها ضمته هي بقوه
وكان هالعناق الحار كفيل انه ينسيهم الآم سنين
وبعد مافاقوا لانفسهم وحسوا انهم طولوا شوي
مسح كل واحد دموع الثاني وختمها سعود بانه باسها مع يدها
سعود : انا اسف ياسديم اني عذبتك
سديم حطت يدها على فمه
سديم : ششششش لا تكمل اللي فات مات اهم شيء اننا مع بعض وابتسمت ابتسامه تشق الصخر <<هاه ارتحتي تشق مو تفلق >>ايه ارتحت هههه
بعدها العشاق جلسوا يسولفون مع بعض كنهم ماشافوا بعض سنين وبنين
سديم تشوف الساعه
سديم : يووووه تاخرنا
سعود : تونا
سديم : يالله شف الساعه شوي وتصير 12
سعود مسك على يدها وضغط بقوه:انشالله مليون اهم شيء انتي معي
سديم : سعود الله يخليك خلنا نرجع تلقى اهلي يستنوني
سعود : يالله طيب
وراحوا يركبون السياره
سديم : سعود ممكن طلب
سعود لف عليها : انتي مو تطلبين انت تامرين بس
سديم : طيب ممكن توقف عند البقاله ابي شغله منها
سعود : بس لو تبين اشتري لك بقاله وش بغيتي منها ياقلب سعود
سديم : بشويش علي ترى قلبي بيوقف
سعود : كل شيء ولا قلبك
سديم : ابيى جالكسي سنزاواحد بس
سعود : ليش واحد
سديم : لمي زعلت علي وماراح ترضى الا اذا جبت لها
سعود : احد يقدر يزعل عليك هي الخسرانه مفروض هي اللي تراضيك مو انتي
وبعدها نزل سعود وجاب اللي طلبته وطبعا زاد عليها شكولاتات ثانيه
سديم : مشكووووووووووور
سعود : بس
سديم : ليه وش باقي
سعود : مابقى شيء خلاص
سديم : ياملح اللي يزعلون مشكووور ياقلب سديم
سعود سوى ثقل مالف عليها بس تقطع
سديم : اموووووت على اللي مسوي ثقل <<البنت مو كنها بدت تذب خيط وخيط الشرهه على اللي راضاهم خخخخ
سعود : ياربيبه سديم خلاص تبيني اسوي حادث
سديم : هههههه لا تكفى مابعد بعتك
سعود : لا انتي حالفه اسوي حادث
سديم : خلاص خلاص بسكت
والحمد لله ابشركم وصلووووو للبيت مي وساره كانوا جالسين بالصاله
ساره : امس مزعجتني ليه متاخره وهي اردى مني
سديم : اول شيء سلموا وجع
ساره : طيب وثاني شيء وشو
سديم : امممم انا جايبه لكم عشى صيني
ساره : وثالث شيء
سديم راحت جهت مي وباستها
سديم :وثالث شيء ميونا لاتزعل علي وعطتها كيست الشوكلت
مي : انا ازعل على الدنيا ولا ازعل عليك
وجلسوا البنات يضحكون
بعدها احمد اتصل على ساره
مي : ياربي سديم قولي لخالك يخف شوي مو حاله ما نعرف نكلم البنت كلمتين الا متصل
ساره : وانتي وش حارك
سديم : ههههه خلاص بس لا تطاقون
ساره راحت لغرفتها تكلم احمد ومي وسديم يسولفون وبعد ساعه يرن جوال سديم
مي : تكفين لاترفعين ضغطي وتقولين سعود
سديم ابتسمت : الا هو
مي :اقول مالي الا ريما مع انها بتفقع مرارتي
سديم : خلاص ولا يهمك ماراح ارد
مي : لا ردي لايقولون مفرقه الجماعات
سديم : طيب ماراح اطول
راحت سديم لغرفتها
سديم : هلا
سعود : هلا وغلا بكل الحلا <<مايمديكم هاهـــــــــــــــــــــــــاي
سديم : هلا ولله
سعود : كيفك يالغلا
سديم : بخيركيفك انت
سعود : انا ما اصير بخير الا اذا سمعت صوتك
سديم : قلبي ممكن تقفل الحين مي جالسه لحالها ودي اجلس معها
سعود : ياربيه هالمي طالعه ضرتي
سديم :ههههه حلوه ضرتك خلاص اكلمك بعد شوي
سعود : يعني متى
سديم : الا ان تنوم البلشه اللي عندي <<تري مي مو بلشه اقصد اللي على رجلي تبي تنوم مسببه ازمه من الصبح وانا اهد فيها ماطاعت تنوم وكل شوي مصقعه الكيبورد مغير امشي وامسح واعدل في الحروف
سعود : طيب ماراح انام لما اسمع صوتك
سديم : طيب باي
سعود:باي
وقفلوا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك