رواية ماساتي في سطور الماضي -21
يوسف سال سديم عن رايها بالموضوع وقالت اذا انت وامي موافقين ما عندي مانع
وتشوفون رده فعل سعود الجزء الثامن عشر
الجزاء 18
أسوأ الأزمنة
زمن تختلط فيه اقدار الناس ... يصبح الصغير كبيراً
ويصبح الكبير صغيراً ويغدو فيه الجاهل عالماً .. ويصبح العالم
جاهلاً .. ويموت فيه أصحاب المواهب ويقفز على قمته الجهلاء
...
مسروووووووقه كعادتي الكريمه عجبتي واكيد بتعجبكم حطيتها <<حلوه الثقه
مراحب
اليوم مو مثل ايوم اليوم ملكه احمد وساره وسعود وسديم
طبعا حصه كانت مدّهره <<مجتهده
يعني رايحه من هنا جايه من هنا والكوفيره من هنا داخله والفلبينه اللي تسوي البديكير والمنكير طالعه يعني شيء مو طبيعي
في بيت فهد
المهم اليكم مايحدث
مي : ولله ياسوير منتي سهله ولله وتحقق مناك
ساره : وجع انشالله قولي ماشاء الله لا تصكيني بعين
مي : ليه وش شايفتني
ساره : مي
فيصل : اقول كل شيء ولا ميونا انتي وتزوجتي وهي توها لازم تراعينها
ساره :يمه وانا وش قايله
مي : ايه لا تدوسين لي على طرف
ساره : اقول بس الله يخلي لي زوجي
فيصل : يمه منك توك مابعد صار زوجك
ساره : خلاص ياحبيبي بعد 4 ساعات باذن ربي بيكون واوريكم ان تحرشتوا فيني <<البنت مختزيه "يعني ماتستحي"
فيصل : اقول بس اخلصي انا بروح لسديم حرام كلنا هنا وامي مع رجلها وهي لحالها
مي : أي ولله امي منهبله من يوم تزوجت ماعد نشوفها
فيصل : اقول بس احمدي ربك تراها مازالت ساكنه هنا بعد كم شهر بتشوفين انتي تشوفينها والا لا
ساره ومي : ياليتنا ما زوجناها
حصه دخلت عليهم : وش اللي ياليتكم ما زوجتوها من هي ذي
مي : انتي يمه اشوفك تزوجتي وخليتينا
حصه : انتم اللي اجبرتوني
فيصل : خلاص اجل افسخ العقد
حصه : وانت ترضاها على امك مطلقه <<ولله تعرف تصرف
فيصل : هههههههه الى هذي الدرجه عمي ماثر فيك اقول اروح لسدوم احسن
راح فيصل الى سديم يطق عليها باب الغرفه
سديم وبحزن : ادخل
فيصل دخل واستغرب من الغرفه كانت ظلام وكئيبه وكلها حزن يعني كن احد ميت مو بيتزوج
فيصل : سدومه وش اللي صاير
سديم : ما صار شيء
فيصل : طيب ليش هالحزن كله اللي شايفه
سديم : أي حزن
فيصل : سديم بدون لف ودوران وش فيك
سديم خلاص الدمعه دحدرت من عينها
فيصل : حبيبتي سدوم وش فيك من اللي مزعلك
سديم : مافيني شيء
فيصل حس بشي داخله يضايقه وحس ان سديم يمكن تكون خايفه من مواجهه سعود
فيصل : سديم انتي خايفه انك تواجهين سعود
سديم : لا انا قلت له كل شيء
فيصل : طيب وش فيك
سديم خلاص دقتها صيحه <<اصبحت تبكي باللغه العربيه الفصحى
فيصل قام وقفل الباب علشان ما حد يدخل عليهم وراح لجهت سديم وحضنها
فيصل يكلم سديم وراسها على صدره
فيصل : اسمعي ياسديم انا ماعمري اجبرتك على شيء ولا راح اجبرك اذا ما تبغين سعود وتبين غيره وخايفه من رده فعل اهلك انا بكلم سعود وافهمه واذا خايفه من اللي صار لك انا بسوي لك عمليه ترجعين مثل ماكنتي ولا اني اشوف هالدموع
سديم زاد عندها البكي <<الصياح ومسكت فيصل بقوه <<معليش ممكن تتخيلون معي شلون مسكته بقوه وهي حاطه راسها على صدره مسكته من ظهره اذا تخيلتوا بتفهمون
فيصل حس بحاجه سديم لاحد تتكلم معه
فيصل : سديم انت موافقه على سعود والا لا
سديم وهي تصيح : مدري اللي تشوفونه
فيصل : ماعليك من اللي نشوفه انتي رايك وش هو
سديم : مدري وش اقولك يافيصل بس صعبه تتزوج واحد مغصوب عليه
فيصل : ومن اللي غصبك ياسديم
سديم : مو انا المغصوبه سعود المغصوب
فيصل : ومن قال لك هالكلام
سديم : واضح انه مغصوب
فيصل : ماعلي من واضح ومو واضح هو قال لك
سديم : لا
فيصل : خلاص اجل وشوفي ياسديم اذا انتي ترضين على نفسك تنغصبين على احد انا ما ارضاها لك يعني لو عندي شك واحد بالمئه ان سعود مايبك وشاريك وبعد .....وفي هاللحظه سكت
سديم : وبعد ايش
فيصل : انت اعرفي بعد وشو انا ماراح اكمل بس لو اشك انه مايبك ما وافقت عليه حتي لو كان ولد عمي
سديم رفعت راسها من حضنه وحطت عينها بعيونه << اتمنى انكم ما زلتوا متخيلين معي
طبعا سديم عيونها كبار وكلها دموع وهي تشوفه
فيصل : خلاص عاد ما عد ابي اشوف دموع واشوف حضني عجبك ما طعتي تقومين
سديم ابتسمت ابتسامه صفراء : واحد يحصل له حضنك ويعّافه "يتركه او مايبيه مثل كذا "
وبعدها قام فيصل وباسها : يالله عاد الحين بيجي دورك والكوفيره بدخل عليك قولي لا تكثر مكياج انتي حلوه بدون شيء وخاف تحطه تخرب حلاتك
سديم : مشكور على المجامله
فيصل : الحمد لله عرفتي انها مجامله علشان ما تنفخين ريشك علينا بكره
سديم رمت المخده على فيصل وطلع وهو يضحك والحزن غالب على ضحكته
فيصل " اااه ليت اللي الحزن دق بابي ولا دق بابك "
وسديم بالمقابل جالسه تقول " اااه يافيصل ليتك تلقى وحده بحجم حنيتك وقلبك الكبير احبـــــــــــــــــــــــــــــــــــــــك "
ساره طلعوا اهلها عنها علشان تلبس وجوالها يدق
ساره من زود الخلفه "يعني الرجه وعدم التوازن والطفاقه " طمرت علشان ترد لان المتصل احمد عرفته من نغمته
احمد : هلا وغلا
ساره وبرقه لم يعهدها احمد : اهلين
احمد : عفوا مو جوال ساره
ساره وشوي وبتقطع : احمـــــــــــــــــد وش فيك انا ساره
ساره : احمد وش فيك
احمد : المهم بس اشتقت لك
ساره توها تذكر ان هالكلام عيب قبل الملكه والا قبل عادي
ساره : احمد وش قاعد تقول اعقل
احمد : خير اقول اللي اقوله انتي بعد كم ساعه بتكونين زوجتي انشاء الله
ساره : اذا صرت زوجتك ذيك الساعه سوي اللي تبي
احمد : طيب انا اوريك متصل ابي اشوف مشتاقه والا لا وانتي تحطميني
ساره : احمد انا مشغوله
احمد : وش تسوين
ساره : البس
احمد: وش تلبسين
ساره : احمد وش فيك اذا جيت اليوم بتشوف يالله باي
احمد : باي
المهم بعد ربع ساعه نغمه رساله
فتحتها ساره طلعت من احمد
تراني زعلان ماراح ارضى عليك
ساره ردت عليه
اذا جيت اليوم اراضيك
احمد يرد
ماراح ارضى
ساره ترد
طيب اذكرك انت تعال واوريك وشلون ترضى والا لا يالله حبيبي سي يو انا مشغوله
ووقف بريد الرسايل
ساره لبست فستان سكري رووووعه ماسك على جسمها ومره مرتفع ومره نازل الموديل حلو بس ما اعرف وشلون اوصفه وكانت تسريحتها عباره عن1_ رفعت شهر بسيطه وهو2_ ملفلف ومكياج بني محروق واهم شيء فراشه كبيره بنيه حطتها على يسار الساده المشاهدين <<وحده متاثره بالدراسه والتعداد ومباريات الهلال
اما سديم كانت حالتها حاله كانت ساعه ترجم كلام فيصل ان سعود يحبها ومره ترجمه ان فيصل يبي يجاملها علشان ماتزعل
المهم لبست فستان وردي عادي جدا بس نعوم ومكياجها بعد كان نعوم وتسريحتها نعومه <<الدعوه نعام في نعام كخ كخ كخ كخ
المهم سديم خلصت بدري وكانت محتاجه احد تسولف معه بس كل اللي بالبيت مشغول وحتى ريما مشغوله
سديم "يالله من اتكلم معه من اشكي له وينك يمه انا محتاجه لك الحين "
سديم مسكت نفسها علشان ماتبكي ويخرب المكياج
فتحت سديم النت ولقت درازن من الرسايل من الشامخ
الشامخ "الانثى وش قصدك بالكلام اللي ارسلتيه "
الشامخ2"الانثى ليش ماتردين على الاقل ادخلي الماسنجر ابي اعرف وش فيك "
الشامخ 3" طيب ليش ماتردين علي انا مسوي شيء وش صار لك لا تخليني اخاف عليك "
الشامخ 4" ممكن اعرف ليش ماتردين علي ادخلي الماسنجر اول ماتشوفين هالرساله ابغاك في موضوع مهم "
الشامخ 5" وش اعتبر عدم ردك علي خلاص كل اللي بينا انتهاء تكفين ردي علي "
وعلى هالمنوال الى الرساله
الشامخ186" انا اسف اني ازعجتك بس حبيت اقول اني اشتقت لك حتى لو اني ماهميتك لدرجه انك تسفهيني "
سديم "ااااااااااااااااااااااااه انا اللي اسفه يالشامخ وينك يامداوي جروحي ماحد راح يفهمني الا انت بس خلاص من هاللحظه كل اللي بينا لازم ينتهي"
ارسلت سديم له" اسفه اخوي بس توني اقرى كل رسايلك ومشكور على اهتمامك فيني ويشهد ربي اني ما تعمدت اني مارد عليك بس توني اقرارسايلك وابغى اقولك شيء ابيك تدخل الماسنجر اليوم لاهنت " وارسلتها لايميله
المهم ساعه الصفر قربت والكل مجتمع وكاشخ ريما من جهه وحصه من جهه ورهف عاد رهف رهف الله لايوريكم ماخذه مقلب ياي تراني حلوة ونعومه ياليت من يخبطها بكف يعدلها الله يعين رجالها ولله حسافه عليها هالماصله المهم نزلوا العرايس ودخل يوسف عليهم علشان يوقعون ويكتبون شروطهم طبعا ساره ما شالتها الارض من الفرحه وسديم كانت تتصنع الفرح
ريما : سدوم قلبي وش فيك
سديم : مافيني شيء
ريما : والحزن المرسوم بعيونك وعاكسته شفايفك وش يكون
سديم : أي حزن الله يهديك ما كفاك هالابتسامه
ريما : سديم تقدرين تخدعين كل الموجودين الا انا انا افهمها وهي طايره <<معليش قوالوا ماشاء الله لا تصقعونها بعين واتوهق اناهههه
سديم والدمعه تتدودل "تتارجح": اااه ياريما انتي وفيصل دايم كاشفيني
ريما : طيب بس اهم شيء المكياج لا يخرب ولا تبكين
سديم : ما اقدر ياريما
ريما : طيب قومي ندخل الغرفه
سديم : شلون ندخل ونخلي الحريم
ريما : ماعليك انتي ساره تكفيهم
ريما تنادي حصه : حصوصتي برح انا وسديم الملحق"غرفه جنب الصاله " شوي
حصه : ليه
ريما وهي تضحك : عيب بعدين اقول
حصه : طيب
المهم راحوا للملحق
ريما : هاه قولي فضفضي
سديم : مدري وش فيني ساعه احس اني فرحانه وساعه لا
ريما : طيب ليش
سديم : مدري يمكن علشان سعود مغصوب علي
ريما : سديم معليش خلينا نتكلم بعقل اكثر سعود رجال مو معقوله يسوي شيء مايبيه
سديم : طيب والكلام اللي سمعته في المستشفى
ريما : انسيه واو تناسيه اني الحين صرتي زوجته حتى لو كان مايبيك مثل ماتقولين
سديم : وش قصدك بمثل مااقول
ريما : ماعلينا من قصدي انا عندي سؤال
سديم : اسألي
ريما : انتي الى الحين تحبين سعود
سديم : لو انك سألتني قبل اسبوعين يمكن اقولك ايه بس الحين
ريما : الحين ايش
سديم : مدري
ريما : سديم لا تعصبيني مدرين وش يعني
سديم والعبره خانقتها : ولله مدري احيانا ودي لو انه موموجود في هالحياة بعد اللي سواه واحيانا احس هو الوحيد بهالعالم
ريما وهي مبتسمه : سدوم خلاص انتي خليك على الاحساس الثاني وحاولي انك تكسبين سعود وانا مثل ماسمعت انه يبيك ويميل لك بس هو متسرع شوي ولا يعرف يعبر
سديم : انتي وفيصل تتكلمون نفس الكلام كنكم متاكدين من شيء بس مدري وش هو
ريما وهي تضحك : طيب فهودي وينه ولله مشتاقه له
سديم : مع فيصل
ريما : يووه خليه يجيبه
سديم : انتي صاحيه تبينه يخرب الملكه كلها ولله مايخلي لك شوكلت مايفكه وبيلعب به
ريما : فديته
سديم : انتي شايفه كم ثوب مرمي جنبك
ريما :4
سديم : تراها جديده امس فيصل جاب له6 واليوم غير له اربعه كل شوي لاعب في الشوكلت وموسخ نفسه
وبعد ثانيتين من هالكلام انفتح الباب
سديم لفت تشوف من هو
سديم : اذكر الأط يجيك ينط هذا فهد
ريما قامت من مكانها علشان تشوفه
ريما : يالبي قلبه بس وش فيك وش هالشوكلت عليه
سديم : شفتي هذا الثوب الخامس
وبعد لحظات من هالحوار ريما رفعت راسها فاذا بفيصل جاي داعس علشان يغير لولده
وطبعا ابطال قصتي مايعيشون الا بفقرة تامل
وبعد الاخ فصول ماشبع نزل راسه وجلس يتذكر شكلها
فيصل " يالله الفوشي لا عب لعب على جسمها وشعرها هالبني ياربي وين اروح انا خاطبها خاطبها "
ريما" ياربي ياليت اني كاشخه وش بيقول عني بس ولله يهبل الشماغ لاعب دوره صح مع هالكوبرا اللي حاطها"
فيصل : يوووووه اسف ماتوقعت ان فيه احد
سديم : لا عادي ماصار شيء خلاص اترك فهد وانا اغير له
فيصل: طيب الا ياريما تركي وينه
ريما : مدري هو ماجاء
فيصل : لا توه وسعود معند يبيه هو الشاهد ونتصل عليه مايرد
ريما انقبض قلبها : خلاص بتصل عليه اشوف وينه
فيصل رجع للرجال
ريما تتصل عليه
تركي وبحزن : هلا رموّ
ريما : تركي وينك ووش فيه صوتك
تركي : انا توني داخل البيت وصوتي متغير مع الزكام
ريما حست انه يكذب عليها : طيب بسرعه تعال سعود رفض يشهد على زواجه احدغيرك
تركي : ما اقدر اجي
ريما : اقولك سعود رافض احد يشهد على زواجه والا تبي الملكه تتفركش
تركي : خلاص ربع ساعه وانا عندهم
وقفلت
ريما جلست سرحانه " ااااه ياخوي اللي خايفه منه صار وش اقدر اسوي علشان اطلعك من اللي انت فيه
سديم : ريما تركي وش قال لك
ريما : ربع ساعه ويجي وليش تسالين هاه اعترفي قولي انك خايفه تتفركش الملكه اه منكم يالحريم مسوين نفسكم ماتبون العرس وانتم بتموتون عليه
سديم وهي مبتسمه : وجع وبعدين لا تسويين نفسك على بالي برئيه وانتي قبلنا ميته تبين تتزوجين بس مااحد عبرك
ريما : لا ياحبيبتي انا الف من يبيني بس انا الغبيه مابي الى واحد
سديم : طيب امسكي هالثوب لبسيه ولد الواحد اللي تبينه
ريما : الشرهه علي اللي من الصبح اواسيك الله يعينك ياسعود عليها
سديم وهي تضحك : الله يعيني انا عليه
فاصل ونواصل
ابي من كل من يقرا القصه ووصل عند هالجزء يوقف ويدعس عند امه وينشب في حلقها علشان تقوله شلون انخطبت لابوه وشلون فرحتهم كانت يوم حملت به ابي كل شيء ووشلون حماتها شافتها هذا كله مو لي لكم انتم علشان تفطسون من الضحك اليوم نشبت في حلق امي وقالت لي السالفه بغيت اموت من الضحك وعلشان تكمل تفرجوا في البوم صورهم ولله تحفه وابي اتاكد انكم سالتوهم ابي مواقفهم في ردودكم خلاص حبايبي يالله نكمل مابدانا به
في مجلس الرجال كان الوضع متأزم بسبة سعود ورفضه ان مااحد يشهد على زواجه غير تركي
وبعد لحظات يدخل تركي
تركي : السلام عليكم
الكل : وعليكم السلام
يوسف : وينك يولدي ليش تاخرت رفيقك نشب فينا ورفض احد يشهد على زواجه غيرك
تركي : معليش رحت للمستشفى وكان زحمه
يوسف : الحمد لله على سلامتك يالله تعال اشهد
تركي مبتسم ابتسامه صفراء : طيب
راح تركي لجهت سعود يسلم عليه ويبارك له
تركي : الف مبروك منك المال ومنها العيال
سعود مارد عليه
تركي : افااااااا وش فيك علان
سعود : ومسوي نفسك ماتدري ليش مو قلت لي اول من بيحضر انت ليش تكذب علي وليش ماترد على اتصالاتي
تركي : انا اسف وحقك علي خلاص ارضى
سعود : شف بسامحك بس علشانك كنت في المستشفى وباين على وجهك انك تعبان صدق ورايح بس ان كررتها مره ثانيه بزعل صدق انت عارف انك اهم شخص في حياتي
تركي وحب يمازحه : خلاص معد صرت اهم شخص جاء الي ياخذ مكاني
سعود : انت مكانتك ماتغيرها حرمه
وفي هاللحظه الاصدقاء حضنوا بعض كانت لقطه مسيله للدموع حقا اهئ اهئ اهئ
المهم جت اللحظه الحاسمه وكل واحد بيدخل عند زوجته يلبسها الشبكه
وكل واحد يتخيل وش يصير ويعلمني ههههههههههه خلاص لا تعصبون بقول لكم وش صار بس انتم تخيلوا معي خلاص
نبداء بمين تبون ردوا علي <<وحده ناويه على خارب بيتها
خلاص نبدا باحمدوساره
دخل احمد على سوير <<وحده حاقده
المهم
احمد ذاب بعد ماشاف حلاوة وجمال سوير كانت مررررررررره كيوت "لا تحرجوني مااعرف معنها بس دايم القصص البنت اذا كان شكلها حلوه قالوا كذا"
احمد : 1000مبروك
"اتحدي احد يعرف وش اقصد ب1000هذي لها قصه مدرستنا حبت تتفلسف كتبت في الامتحان 1000يزياء طبعا روائيتكم وكاتبتكم الله يسلمها ويخليها لاهلها فتحت خشتها وخلت الدرعه ترعى "يعني تركت الامتحان " وجلست تفكر شلون 1000يزياء ماتجي بس تعرفوني ماشالله ذكيه قبل مايخلص الامتحان عرفت وش تقصد الفيزياء وانا اتحداكم تجيبون كلمه زيها اذا جبتوا بنزل جزئين مع بعض <<مايمديكم على الاغراء
ساره وبنعومه : الله يبارك فيك
احمد : انشالله اقدر اسعدك
ساره صمت
فيصل : شف يااحمد مافيه اغلى من ساره حافظ عليها وحطها بعيونك
احمد بصوت واطي : مايحتاج احطها بعيوني وانا مسكر عليها قلبي
ساره ابتسمت وتشققت
فيصل : سم وش تقول
احمد : سلامتك
فيصل : طيب انا بروح انادي امي وادخل سعود على سديم
طلع فيصل
احمد ماشال عيونه من ساره
احمد : تراني استنى
ساره : وش تستنى
احمد : انك تراضيني
ساره : ليش انت زعلان
احمد : لا تنكتين انا زعلان وماراح ارضى الا.......
حصه دخلت عليهم
حصه :افاااا من اولها زعل
احمد : الله لا يجيب الزعل انشاء الله وشلونك ياخالتي
حصه :الحمد لله بخير انت وشلونك والف مبروك منك المال ومنها العيال
احمد : الله يبارك فيك
حصه : طيب الحين وش اللي مزعلك
احمد : اسالي بنتك من الصبح ماعطتني وجهه<<الولد ضاربه فيوزه
حصه : ساره اسمعي كلام زوجك ولا تعصين له امر هذا جنتك ونارك
ساره : انشالله يمه
احمد : ايه ياخالتي ادبيها
ساره : بسم الله عليك انا مادبه
احمد : طيب لا تاكليني
حصه : ههههههههه الله يهنيكم
طلعت حصه من عندهم بتروح تسلم على جوز العصافير الثاني
احمد وساره جلسوا فتره ساكتين
احمد : يالله متى بتراضيني
ساره : امممم مدري افكر
احمد : طيب فكري والشبكه البسيها انتي
ساره :طيب
احمد : يالله حتى مو هامك اني مالبسها لك
لف احمد للجهه الثانيه مسوي نفسه زعلان
وبعد ثواني
معليش ابي تركيز علشان تتخيلون معي
يد تمتدعلى كتف احمد وتلف به واحمد كان مثل المخدر ومسكت بيدها الثانيه دقنه
ساره : انا ما استحمل تكون جنبي وما اشوف مبسمك ولا رسمه الفرحه في عينك
بعدها باسته على خده
ساره : انشالله اكون وفيت بوعدي وراضيتك
احمد كان ساكت وغرقان في الحب
احمد حاط عينه بعين ساره ومبحلق فيها مسك يدها اليمين بخفه وهومازال مبحلق في عيونها ولبسها الخاتم وبعدها رفع يدها وباسها
احمد : ازعل على روحي ولا ازعل عليك انتي فرحتي ودنياي انتي كل شيء في حياتي
بعدها نزلت ساره راسها من الحياء <<بدري وش هالحياء
مسك احمد ساره مع دقنها ورفع راسها
احمد : كل شيء سويه الا انك تضيعين مني احلى لحظات حياتي وانا اطالعك
وبعدها مسك العقد بيده ودخل يديه من بين رقبتها " معليش يبيلها تركيز <<وحده متحمسه شوي
يعني لف يدينه برقبتها ولبسها العقد وبعدها جلس يلعب في خصلات شعرها
وكان هناك من واقف لهم بالمرصاد كانت مي وريما متفقين انهم يصورون بالفيديو يعني كل شيء تصور مع الدريشه بس الصوت ماكان واضح بعدين ابيكم تقارنون بين الشريطين احمد وساره وسديم وسعود
في الغرفه اللي كانوا فيها سدومي وسعودي كان الجو مكهرب شوي
سعود كان يبي يلطف الجو بس ماعرف شلون
سعود : مبروك ياسديم
سديم وبدون نفس : الله يبارك فيك
سعود " ياربيه وش فيها تنافخ خلني اجرب مره ثانيه "
سعود : ممكن نطلع مع بعض الليله نتعشى
سديم : مدري اسال اهلي
سعود " ماراح تجيبها البر هذي "
سعود : طيب وش فيك
سديم وبعد ماتنزلت ولفت عليه وحطت عينها بعيونه : مافيني شيء
سعود ما استحمل يشوف عيونها جلس يتامل فيها ويتبسم وسديم تشوفه ومستغربه
سديم : سعود وشفيك تناظرني وتتبسم
سعود : هاه مافيني شيء
وزادت ابتسامته
سديم وبدلع اطفال : يالله وشفيك فيه شيء بوجهي يضحك
سعود : لا ما فيه شيء
سديم : طيب ليش تضحك
سعود : اضحك عليك
سديم : شفت وتقول مافيه شيء ياسخفك
ولفت بوجها للجهه الثانيه
سعود قام من مكانه وراح جلس جنبها وفي المكان اللي لفت عليه يعني صار فيس تو فيس <<<<<<انحش ياولد ما يمديكم على اللغه هذي لها مو قصه روايه ماراح اقولها لكم وتتعلق بمدرستنا ال1000يزياء
سديم استغربت من حركه سعود وجيته عندها
سعود : وشفيك زعلتي
سديم : لا استناك تقول ازعلي
سعود : لا من جد مو قصدي
سديم : طيب
سعود : طيب انتي ليش مو فرحانه
سديم : وش افرح به
سعود : اليوم ملكتك والا ماتدرين
سديم : تصدق شكرا على انك ذكرتني كنت ناسيه
سعود : طيب الحين ليش معصبه كنت مغصوبه على الملكه
نزلت سديم راسها ولا ردت
سعود "افاااااا لا يكون مغصوبه صدق "
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك