رواية ماساتي في سطور الماضي -20
هنا توقف الزمن على اعتاب هذه الغرفه حتى عقارب ساعتي توقفت عند زمن الوداع
هنا شبح يعيش في هذا المكان جسد بلا روح
هذا هو سجني الصغير فيه حكاية الم لا ينتهي ...
لا شي يتغير سوى اكوام الاوراق المتناثرة حولي
هنا حكاية صمت الوداع
بدأت بكلمة الوداع الي حيث لا نهاية ................ صمت الوداع
الانثى : ولله خطييييييييييييييييرماشاء الله عليك
الفارس : من جدك تراني اصدق
الانثى : ايه ولله روعه الحين جاء دوري في الاسئله تسمح لي
الفارس : تفضلي
الانثى : ليش الحزن وانت دايم تقول الحزن مرفوض
الفارس : اصلا مدري وشلون كتبتها
الانثى : طيب اكيد لها بطل وقصه ممكن تحكيها لي
الفارس : القصه واحد حب وحد وماتت
الانثى : والبطل
الفارس : واحد من ربعي
الانثى : الله يكون في عونه
الفارس : ويكون في عون الجميع الحين ودي اعرف وش دخلك بالنت واليوم الزواج يالله اطلعي
انثى :طيب
طلعت سديم وبقى تركي لحاله يتامل الشاشه يرقي وينزل يقرى الحوار
تركي " يالله ياسديم وشلون اسرتيني بحبك اووووووه وش اخربط اليوم بتبدا حياه جديده وش هالامتحان الصعب اللي احبها تاخذ اعز اصدقائي ليتني ماعرفتها ليتني ماعرفتها "
وجلس تركي على هالحاله
اما بيت فهد فكان قايم قومه الكوفيره جتهم وتزين العروس <<ولله ياحصه كبرتي وصرتي عروس خخخخخخ
سديم فتحت دولابها طلعت منه فستان تركواز حرير ومخصر على جسمها وكان روووعه في تصميمه كان له ياقه كبيره اورنج وكان مطرز على اطرافه بالاورنج واكمامه ماسكه على يدها وطويله ومن تحت من الذيل كان طويل ويسحب وراها ونقش بالكرستال على الظهر يعني طالعه فاتنه بمعنى الكلمه ومع هالفستان رفعت شعرها وحصت تحت اذنها ورده كبيره اورنج والمكياج كان ناعم مرررره علشان اوانها كانت مره صارخه
اما ساره لبست فستان وردي عادي مطرز بالليموني وكان ماسك على جسمها وكان فيه تكسيرات ومع مكياج خفيف بعد وفك شعرها
اما مي مافيه شيء مالبسته كل شوي مطلعه واحد الى ان هداها رب العالمين ولبست فتان اخضر ايه اخضر طق في راسها هاللون بس كان خطيييير كان اخضر ناقع ةوحرير وكان فيه اصفر واورنج من جهه وكرستالات من جهه وطبعا كم فيه وكم مافيه وتسريحه اه ياناس ومكياج اه ياناس يعني مافيه شيء الا سوته تقولون هي المتزوجه مو امها
وفي بيت ابو سعود
يوسف : سعودوه يالله اخرتنا
سعود : وش اخرتك تونا مبكرين
يوسف : وش مبكرينه الشيخ بيجي 8
سعود : قلتها 8 مو 5.20
يوسف : ايه يالله يمدينا نوصلهم
سعود : ليه وش قالوا لك ساكنين في المريخ قل انك مشتاق للحرمه
يوسف : الحين انا شفتها علشان اشتاق
سعود : قل كذا تبي تشوفها قبل الملكه
يوسف : ايه الواحد لازم يضمن مستقبله
سعود : لا انا اوريك بتصل على فيصل وبقول له وش تقول على امه
يوسف : سوها وهذا وجههي ان زوجتك اللي في بالك
سعود : افاااا واهون عليك يابو سعود انا ولدك الوحيد
يوسف : مثل ماهنت انا عليك تهون وبعدين اسطوانه ولدك الوحيد لاتكررها انا مقبل على الزواج وانشاءالله بيرزقني ربي
سعود : لا يالخاين اصلا اول شيء بشرطه في العقد انها لاتنجب وتكون شايله رحمها
يوسف : وباي صفه تشرط انت ووجهك
سعود : بصفتي الولي عليك
يوسف : لا في هذي معك حق اقول بس انقلع واخلص علي والا رحت وخليتك
المهم اليكم ماحدث بعد العقد
بعد ماراح الشيخ وقلطوا الرجاجيل على العشاء يوسف كان يستنى حصه في مجلس منعزل
حصه : السلام عليكم
يوسف : هلا ولله وعليكم السلام
حصه ومسويه نفسها حرمه وفاهمه : وشاخباركم يابوسعود
يوسف : بخير وشاخبارك انتي والبنات ومازن
حصه : الحمد لله كلنا بخير
فيصل دخل على العرسان
فيصل : هاه يمه عجبك عمي والا لا
يوسف : اسالني انا وش تسالها هي الرجال مايعيبه الا جيبه
فيصل : لا اكيد بتعجبك امي وماتعجبك
يوسف : طيب وين سعود وراه ما يدخل يسلم على مرت ابوه
فيصل : مسوي مستحي رفض يدخل
يوسف : رح قلّه ((قلّه اللي وصلني منك يكفني عمر <<جمله خشت بالغلط اسفه على قطع القصه جحخجحخهههه))اكمل لكم
قّله ابوك يبيك
فيصل : انشالله
وطلع فيصل وبعد لحظات دخل معه سعود منزل راسه من الحياء
يوسف : فيصل وش هالولد اللي دخلته علينا
فيصل : هذا ولدك
يوسف : لالالامو معقول تتكلم من جد هذا سعود
فيصل : شفت عاد شاء القدر انك ماتعرفه
يوسف : لا تمزح معي
سعود رفع راسه : الحين وش فيك متسلط علي ترى بفضحك
يوسف : أيــــــــــــه الحين ثبت انه ولدي
حصه : هههههه حرام عليك احرجت الولد
سعود : شفت حتى هي حست بمعاناتي مع انها توها متزوجتك الله يعينك عليه
يوسف : سعودوه وجع
سعود : انا قايل لك لا تخليني اسوي شيء ما ابيه
فيصل : ايه ايه طلعو فضايحكم المشكله الشيخ راح والا كان علوم
يوسف : هههه راحت عليك الحين هي حرمتي واحمدوا ربكم اني لالحين وانا مخليها عندكم
فيصل : طيب يمه وريه النجوم بعز الظهر
سعود : ايه ياخالتي ما اوصيك
حصه وبتقهرهم : وانا اقدر ما اقدر الرسول يقول " من ماتت وزوجها راضي عنها دخلت الجنه "
يوسف : ولله انك حرمه سنعه شفتوا يالله بس خلوني انا وحرمتي
سعود : هين انا اوريك الوعد اذا رجعنا البيت
يوسف : ومن قال اني برجع انا الطياره تحتريني
سعود : يالله ياخي وراك اليوم طالع خاين بزياده وين بتروح
يوسف : وانت حرمتي هذا خصوصيات لاتدخل
فيصل : اقول ياسعود خلنا نطلع بكرامتنالايطردونا
سعود : وانت الصادق يالله مشينا
فيصل : اقول ترى اخواتي بيجون يسلمون عليكم
يوسف : بسرعه
سعود : وين بسرعه يالاخ وراك مستعجل
يوسف : الطياره بتطير اخلصوا علي
طلعوا وبعد خمس دقايق دخلوا البنات سلموا على عمهم وامهم
يوسف : سديم لاتطلعين ابيك
سديم : انشالله ياعمي
ساره : طيب انا استاذن بروح عند المعازيم
مي : خذيني معك
وبعد ماطلعوا
يوسف : هاه ياسديم على اتفاقنا
سديم : ايه ياعمي بس اذا ربي ماكتب لنا نصيب مابيك تزعل
يوسف : انشالله مايصير الا الخير
سديم : طيب
يوسف :خلاص انا بتصل على سعود اخليه يجي
سديم : بس ياعمي لو سمحت ابي اكلمه لحالنا
يوسف : وليه
سديم : علشان ما نختلف هو له الحق بالنظره الشرعيه وبعد النظره ابي اكلمه<<<< "اللي يسمعها ما حفظظها من كثر مايشوفها "
يوسف : على راحتك ابتصل عليه الحين يجي
واتصل يوسف على سعود وحط السبيكر
سعود : هلا بالمعرس
يوسف : هلا ولله بولدي
سعود : نعم
يوسف : هلا ولله بولدي
سعود : من متى
يوسف : وجع انشاء الله تبريت مني
سعود : لا ولله انت اللي متبيري مني والا اذكرك بالكلام العصر
يوسف : لا مايحتاج انا ذاكره
سعود : طيب وش تبي
يوسف : وش هالطرده
سعود : مو طرده بس اول مره اشوف معرس جالس مع عروسته يكلم ولده
يوسف : أه اه قل كذا اسمع ابيك تجي الحين
سعود : ليه وش عندك
يوسف : تعال واذا جيت يصير خير
سعود : الله يعيني بس انا وش قاردني ازوجك لوني مخليك عانس ازين
وسديم وحصه ماقدروا يسكتون قاموا يضحكون
سعود : وش هالضحك اللي عندك
يوسف : فضحتنا عند حريمنا جعلك منيب قايل
سعود : وش حريمه كم وحده ماخذ انت
يوسف : اقول اقصر الخساير وتعال
وقفلوااا
وبعد 10منت "مايمديكم على اللغه اقصد دقايق "
كانت سديم جالسه لحالها في المجلس وطالعه كنها اميره جالسه على العرش مع فستانها وتسريحه شعرها والمكياج الخفيف
الباب كان مغلق <<<انحش مايمديكم على اللغه حخحخحخ
طق سعود الباب
سعود : العرسان هنا
ومحد رد عليه
فتح الباب بقوه
سعود : الحين مبلشني تعال وتعـــــــــ......ال وووو
وبعدها أكل......<<<اكملوا الفراغ سبحان الله ليش تفكيركم وسخ اقصد اكل جبن
سديم لفت عليه وماقدرت تمسك نفسها من حركته وابتسمت : ووووايش
سعود : هاه ولا شيء بس ابوي قال لي تعال مدري
سعود " يالله بدون ابتسامه وذايب مع ابتسامه وش راح يصير "
سديم : ماودك تجلس
سعود في قلبه وين اجلس وهالملاك قدامي
سعود ونزل راسه يقال لكم استحى على وجهه: لالا انا بطلع وبشوف ابوي وينه
سديم كانت بتسوي نفسها قويه علشان ماتضعف قدامه
سديم : وش فيك انا ما تعرف انك بتشوفني اليوم
سعود " يالله اوريك يايوسفوه ولله لاردها لك الحين ليش ماقلت لي اني بشوفها "
سعود : هلا
سديم : سعود وش فيك
سعود :مافيني شيء
سديم : طيب انت شفتني الحين صح
سعود في هاللحظه رفع راسه وحط عينه بعينها ولحظه تامل من كل الطرفين في هاللحظه سديم راحت كل قوتها ونزلت راسها وهو حس بوقاحته ونزل راسه
سعود وبرود علشان مايحسسها باهتمامه اللي صار : طيب وش اللي مطلوب مني
سديم انصدمت من رده
سديم : وش اللي مطلوب منك يعني ايش
سعود : يعني وش اسوي
سديم وما استحملت : يااخي فيك برود
سعود : تبيني اطلع اقول لابوي اني خلاص موافق اخذها اصلا بدون النظره كنت موافق
سديم ما اعجبها طريقه كلام سعود
سديم :انا مو قصدي كذا وانا ماطلبت من عمي انك تشوفني الا لسبب
سعود وهوبادء يمل من اسلوب سديم الجاف معه : طيب ايش السبب
سديم : اول شيء ممكن اعرف ليش خطبتني
سعود : وش هالسؤال
سديم : ابي اعرف عمي هو طلب منك هالشيء وابيه بصراحه
سعود : سواء ابوي اللي طلب اوانه انا انت وش رايك
سديم : انا رايي هو رايك
سعود وهو متشقق من الفرحه داخلياً : يعني موافقه
سديم : ليه انت موافق
سعود : اكيد ما خطبتك الا موافق
سديم : بس انا ما بعد قلت لك السبب اللي يخليك ترفض
سعود : سديم قولي انك ماتبيني وخلصيني
سديم في نفسها "انا ماابيك انت ياسعود الحلم البعيد "
سديم : موهذا القصد بس انا سمعتك في المستشفى انك تقول ماتبيني بس ابوك اللي غاصبك لذلك انا بريحك اذا كنت ماتبيني انا بقول اني ما ابيك علشان ماتخرب العلاقه اللي بينكم
سعود وحب انه يمازحها : يعني وش قصدك من هالكلام توضحين لي انك طيبه وتخليني اوافق <<مزحه مثل خشته
سديم حست ان كل شيء رممته بدا يطيح مره ثانيه وخنقتها العبره
سعود حس انه ثقل دمه معها "ياربيه انا وش قلت بكحلها عميتها "
سديم ونبره الصيحه في صوتها : موهذا قصدي انت ليش تفسر الامور على كيفك
سعود : ماكان قصدي
سديم : وش اللي ماكان قصدك
سعود : ولا شيء
سديم : عموما انت شكلك ماتبيني ماله داعي اقول ليش انا مناديتك
سعود وبحماس : لا انا ابيك
سديم رفعت راسها وحطت عينها بعينه
سديم : عموما انا بقولك القصه صدقت ما صدقت بكيفك
سديم بدات تقول القصه والدموع تتجمع في عينها :" انا يوم كان عمري 15 تعدى علي شخص وحاولت امنعه بس ماقدرت "
سعود "اه ياليتني دمعه من هالدموع اللي في عينك تصكين علي داخل عيونك ، ياليتني في مكانك ولاتنزل دمعه من عينك "
سديم :وهذي القصه
سعود مسوي على باله مو مصدق: طيب من هو الشخص
سديم : مو لازم تعرفه
سعود : سديم قولي انك ما تبيني ولا تالفين على كيفك
سديم ودموعها على شفى حفره من الطيحه: فيه احد يشوه شرفه
سعود "الله يقلعني الحين وشوله اتفلسف ما انطم احسن لي "
سعود : مو هذا قصدي وش يعرفني انك ما كنتي مع احد وتبين ترقعينها قلتي تعدى علي
سديم "للاسف ياسعود في هاللحظه كل شيء راح راح "
سعود " انا ما قات انطم احسن والله البنت بتحقد علي "
سديم والدمعه ماتحتريها طاحت وخلصت : ماكنت اتخيلك بهالصوره ياسعود ابد
سعود بيرقع : سديم افهميني انا قصدي مو كذا انتي ما تبيني قولي وخلاص
سديم : سعود انا لو تزوجتك تزوجتك علشان عمي
سعودانقهر من سديم :وش هالاسلوب ياسديم وانا لوخذتك بس علشان ارضي ابوي وبس وعناد فيك انا بتزوجك وعلشان ماتاخذين اللي تحبين انتي ماشوهتي سمعتك الا علشانك تحترين احد بتزوجك على الورق وابعطيك كل حقوقك علي وبس
سديم والدموع مطر : الله يسامحك ياسعود
وطلعت وخلته
سعود "يالله لساني يبي له مقص اووووووووف وش اسوي الحين "
بعد فتره سعود يتصل على ابوه
يوسف : هلا
سعود : اهلين
يوسف : هاه بشر
سعود : انا موافق بس مدري عنها يمكن يوم شافتني غيرت رايها
يوسف : اصلا لو كانت مو موافقه وشافتك بتوافق
سعود :ههههه من كلامك افهم اني مرغوب
يوسف : لا بس اجبر بخاطرك
سعود : طيب يالشين وينك فيه
يوسف : وش تبي ملاحقني لايكون انا ولدك وانا مدري
سعود : ايه ولدي عندك مانع وينك فيه بسرعه
يوسف : في المطار
سعود : اقول قل الصدق لا تمزح
يوسف : وانا من متى اعرفك علشان امزح معك <<<كخكخكخ ضحكه مستورده
سعود : وش تسوي في المطار
يوسف : يعني الواحد وش يسوي في المطار
سعود : يسوي اشياء كثير ياكل يتمشى يشتري كل شيء
يوسف : انّا لله اا وحصه بنروح شهر عسل
سعود : طيب وانا
يوسف : منت بزر دبرعمرك
سعود:بس
طررررررررررررخ سكر في وجهه
سعود "طيب انت طالع تسحب هين ولله لاوريك "
بعد اللي صار سديم راحت لغرفتها وجلست تصيح محدفي البيت درى بالموضوع كانوا يحسبونها زعلانه علشان حصه راحت
سديم مالقت احد تشكي له اتصلت على ريما
ريما : طيب حبيبتي خلاص لاتضيقين صدرك ارفضيه علشان يعرف ان الله حق
سديم : بس ليش ارفضه كلهم بيقفون ضدي
ريما : وليش يقفون ضدك
سديم :بيقولون ولد عمك ومافيه احسن منه وليش رفضتيه
ريما : طيب انتي استخيري الحين وشوفي اللي يريحك انا ما اقدر اقولك وش تسوين انا ما ابي اخرب حياتك انتي قرري
سديم : طيب
ريما : ولا يضيق صدرك عليه اذا ما هميتيه لايهمك
سديم : انشاء الله
ريما : وخليك قويه لا تضعفين وانا بكلمك بعدين ارتاحي الحين
وقفلت منها
سديم استخارت وحست براحه نفسيه كبيره
سديم " ياربي انت اعلم بحالي يارب ارحمني ويسر لي الخير يارب ، يارب لين قلب سعود علي "
ريما ماكذبت خبر واتصلت على تركي اللي حاله تغير وانقلب من فوق لتحت طبعا ماقالت له السالفه كلها طبعا شفرت الاغتصاب
ريما : شفت شفت صديقك وش سوى
تركي : انت متاكده من اللي تقولينه
ريما : اقولك سديم توها مكلمتني وتصيح
تركي وبعصبيه : طيب انا اوريك في هالنذل
ريما وباستغراب من طريقه كلام تركي : تركي وش فيك هدي شوي لا تذبح الولد
تركي : هذا ما يفيد فيه الا الذبح والا وحده مثل سديم وين يحصل مثلها
ريما حست بشيء غريب : طيب ياتركي انا كلمك بعدين
ريما " ياويلك ياخوي ان كان اللي في بالي صدق انت ماتستاهل اللي يصير لك "
تركي " يالله اسف اسف ياسديم كل هذا بسبتي قبل كنتي عايشه بدون هالنكد بس انا اوريك ياسعود "
سعود ماكان فاقد تركي بالملكه من كثر الزوار
تركي يتصل على سعود اللي كان معسكر على النت يحتري سديم
سعود : هلا وينك انا زعلان عليك ليه ماجيت لملكه ابوي
تركي وبنفخه : انت مالك حق تزعل ولا ترضى
سعود: تروك وش فيك
تركي وبداء صوته ينخفض يصير فيه لمست حنيه وحزن : انت اخر واحد يسالني وش فيني ياخي دامك ماتبي البنت لا تعذبها
سعود : وش تقصد
تركي وبدا يعلى صوته : انت عارف وش اقصد سديم سديم ياسعود
سعود : وشلون وصلك الخبر
تركي : مو مهم شلون بس اذا كنت ماتبي البنت حرام عليك اللي تسويه
سعود : تركي وينك فيه
تركي : الحين خلك مني
سعود وبحزم : تركي وينك فيه
تركي :في بيتنا
سعود: طيب
وقفل في وجهه
اما سديم بعد ما خلصت صلاة كتبت
قالت احبــــك ..!
قلت كذابة انتي..!
قالت وربـــي..
قلت آمنت بالله..
قالت وقعـــت..
قلت كان انتبهتـــي..
قالت قليبــي..
قلت اتحمل خطاه ؟
قالت جروحــي..
قلت ليه انجرحــتي..؟
قالت صــدودك..!
قلت قلبي وما جاه..
قالت عذابــك..!
قلت يوم كذبتي..!
قالت ظـــروفي..
قلت كل وليلاه..
قالت تـــوادع..؟
قلت كانك سمحتي..
قالت رخصـــتلك..
قلت غالي وما اغزلاه..
قالت اهجـــرك ..؟
قلت كانك اقتنعتي..
قالت وحبـــي..؟
قلت يوم كنت سلواه..
قالت معانـــد..؟
قلت توك عرفتي..
قالت بتخـــسر..؟
قلت وش اللي كسبناه ..!؟
قالت مخـــادع..!
قلت لا ما صدقتي..
قالت انانـــــي..
قلت مبدئ رفضناه..!
قالت كتــــــبت..
قلت وش كتبتي؟
قالت فراقــــك..
قلت وقعت ادناه..!
قالت ظــليمه..
قلت قاضي وحكمتي..؟
قالت ظلـــمتك..
قلت الحمد الله.......مسرووووووووووقه
وماكانت تدري وش تسوي بس كان ودها كل الناس يعرفون باللي صار لها ارسلتها بالايميل للشامخ وكتبت مات مات بقلبي
وارسلتها بالايميل لتركي ايها الفارس هذا اخر رماد يخرج مني اعدك وبس
وصل سعود لتركي وقال له على كل السالفه مع التشفير
تركي : بس حرام عليك اللي سوويته البنت ميته صياح
سعود وبنبره حزن : وتحسبني افرح لزعلها ولله كل دمعه تنزل من عيونها مثل السكينه بقلبي بس انت ياتركي وش فيك
تركي : مافيني شيء
سعود : لا تخبي علي ياتركي وجهك مو طيب وانت ناحف بشكل مو طبيعي
تركي : من الهم بس
سعود: انا صديقك ياتركي لاتخبي عني شيء
تركي "الا في هذي ياسعود ما اقدر مابي اجرحك وازيد طعونك "
سعود : تركي تركي وين وصلت
تركي : معك
وجلسوا يسولفون سعود له مده ماشاف تركي كان مشغول باللي صار
وبعد مارجع سعود للبيت فتح النت لقى الرساله اللي ارسلتها سديم
سعود " ولله ماكان قصدي ياسديم ليش تقولين هالكلام ،يعني اعرف ان هذا ردك على موضوع الزواج "
تركي نفس الحاله رجع وقرى اللي مرسلته اتصل على سعود وقال له
سعود: ادري ادري
تركي : وش دراك
سعود : لانها مرسلتها لي
تركي : ووعدتني انها اخر الاحزان
سعود : تتوقع وش تقصد
تركي : مدري
سعود: طيب تبي شيء الحين
تركي: لا
سعود: اكلمك بكره
مرت اسبوع وسديم ماتدخل النت والرسايل تجيها بالدرازن من الشامخ بس ليس من مجيب وتوقع الشامخ انه رافضهخ ولد عمها وزعلانه منه كل هالمده
واخييييييييييييييييييييييييييرا
رجعوا العرسان من مكه ربي "مكه المكرمه "
يوسف سال سديم عن رايها بالموضوع وقالت اذا انت وامي موافقين ما عندي مانع
وتشوفون رده فعل سعود الجزء الثامن عشر
الجزاء 18
أسوأ الأزمنة
زمن تختلط فيه اقدار الناس ... يصبح الصغير كبيراً
ويصبح الكبير صغيراً ويغدو فيه الجاهل عالماً .. ويصبح العالم
جاهلاً .. ويموت فيه أصحاب المواهب ويقفز على قمته الجهلاء
...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك