رواية ماساتي في سطور الماضي -19
ريما : ايه تركي محذرني قال لااحد يدري عن الضيوف بيسونها مفاجاءه واكيد بتتصلين علي علشان كذا قفلته
سديم : اسمعي وش صار بس وخلي عنك هالبربره
ريما : لو سمحتي لاتقولين عن الدرر اللي اطلعها من الصدف بربره
سديم : اقول بس هوّينا واسمعي السالفه ....ق\س
ريما : جد ولله
سديم : ايه
ريما : ياحليلك ياسعيدان
سديم : خليك من سعيدان قولي لي وش اسوي
ريما : خلاص انتي ماوافقتي
سديم : لا ماعطيتهم الموافقه النهائيه
ريما : لا حلووووووه موافقه نهائيه ليش بتدخلون حرب ياسعاده السفيره
سديم : ريما اتكلم جد وانتي تتمسخرين الشرهه علي اللي احكي لك
ريما : تبين رايي وافقي
سديم : شلون اوافق
ريما : يعني وشلون الواحد يوافق قولي قبلت سعود زوجا
سديم : لامن جد احس انه مغصوب علي وانا لازم اقوله عن اللي صاير لي
ريما : اصلا هو مو بزر علشان يغصبه عمك على شيء وبعدين وشوله تقولين له
سديم : تبين ابداء حياتي على كذب
ريما : تدرين سديم احس انك ماتبين سعود وحاطه في بالك احد غيره
سديم : انتي عارفه ان سعود اول حب بحياتي وهو اللي حط لحبه نهليه
ريما : طيب انتي وش تبين
سديم : خاف انصدم
ريما : تنصدمين في ايش
سديم : خاف يكون سعود مغصوب علي
ريما : طيب اساليه
سديم : انا بساله وان كانه مغصوب علي انا بدفن حبه للابد
ريما : طيب وش راح تقولين لعمك
سديم : اول شيء بقول لسعود عن اللي صاير لي علشان هو اللي يرفضني ولا اكون انا اللي رافضته واطلع لعمي واقول ان ولدك ما اناسبه
ريما : بس كذا بتخربين بين الولد وابوه
سديم : ماراح اخرب بين احد
ريما: طيب بكيفك
وسديم فكرت في كلام ريما وحست انها بتخرب بين سعود وعمها مثل ماقالت ريما مالقت قدامها احد تشكي له
ريما بدورها كلم تركي تقوله ان خطتهم جابت نتيجه وسعودخطب سديم وسديم ماعارضت
تركي : انتي متاكده
ريما : وجع تو سديم قايله لي
تركي : بس سعود ماجاب لي طاري
ريما : ايه مابعد صارشيء يستنا البنت توافق
تركي وبنبره خوف : طيب سديم موافقه
ريما : مدري عنها هالبنت ماتثبت على رايي
تركي وبنفس نبره الخوف : طيب تحبه والا لافيه امل توافق والا لا
ريما حست بنبره الخوف وشكت بشيء
ريما : تركي وش فيك انت تهمك سديم
تركي وهو مرتبك : لا بس اخاف كل اللي سويناه يروح ادراج الرياح
ريما : لا لاتخاف مافيه شيء يرح ادراج الرياح
تركي : طيب باي
ريما : باي
وبعد ماقفلواااا
ريما " ولله منت خالي ياتركي والا وش سر هالاهتمام انا عارفه محد ماكلها الا انت ولله انك تنرحم "
وبعدمارجعوا للبيت على 2.23 ليلا
فتحت سديم الماسنجر كانت عيونها تدور في المتصلين على مداوي جروح الانثى واخير لقته
مداوي :اول شيء ياهلا ولله بنور الماسنجر وثاني شيء الف الف مبروووك وعقبال الجامعه
الانثى :اول شيء انت نور الماسنجر وثاني شيء الله يبارك فيك
مداوي : لا اجل على هالنسبه تستاهلين هديه
الانثى : ايه اشوى حسبتك نسيت انك واعدني باللي ابي
مداوي : امري تدللي لوتبين عيوني ولا تغلا عليك
الانثى : تراني بغتر عليك الحين
مداوي : يحق لك تغترين
الانثى : طيب لاتضيع السالفه وش بتجيب لي هديه
مداوي : يالله انتي اختاري
الانثى : ابيك تلقى لي حل
مداوي : حل في ايش
الانثي : اليوم عمي كان مسوي حفله نجاح
مداوي : وبعدين
الانثى : الله يسلمك خطبني لولده سعود
سعود قراء الجمله 100 مره ماكان مصدق بس تذكر كلام احمد وابوه
مداوي : طيب انت وش قلتي وش تبيني اساعدك فيه
الانثى : محد فاهمني حتى انت يامداوي صرت مثل صديقتي
مداوي : ليش انا وش سويت
الانثى : ماسويت شيء هذا اللي سويته ماعطيتني حل وش ارد على عمي
مداوي : هذا الامر راجع لك سوي اللي تشوفين فيه مصلحتك
الانثى : بس انا ما اقدر ارد عمي
مداوي : وليش تردينه مو هذا الحب القديم
الانثى : انت قلتها الحب القديم
مداوي : يعني خلاص ما تحبينه
كان سعود مبحلق في الشاشه خايف من رد سديم
الانثى .........@@....
مداوي : وين رحتي
الانثى : معك
مداوي :ماجاوبتيني خلاص ماتحبينه
الانثى : هالشيء بيقرره سعود
مداوي : كيف
الانثى : انا قلت لصديقتي ان كانه صدمني في يوم ملكت عمي خلاص
مداوي : كيف
الانثى : سالفه طوليه
مداوي : وانا ابي اعرفها ان كان ماعندك مانع
مداوي : طيب خاف مايرفضك اذا عرف بسرك ويكون مغصوب عليك مايبي ابوه تجيه الحاله وش راح تسوين
الانثى : ولله ماادري يامداوي انا الحين شايله الهم
مداوي : لا تشيلين هم ولا شيء هونيها وتهون
الانثى : على قولتك بهونها ماودك تغير الموضوع مشتاقه لهبالك
مداوي : بس لهبالي
الانثى :ايه
مداوي : هين اوريك الشرهه علي اللي احل مشاكلك
الانثى : ياربيه لاتكون زعلت
مداوي : ايه
الانثى : صك براسك الجدار
مداوي : طيب انا بصكه في الجدار انتي وهالوجه اللي حاطته كله ضروس جعلها تتكسر
الانثى :
مداوي : تكفين لا تموتين من الضحك انت وهالوجيه صدق المثل عنز وطاحت المريس
الانثى :يسالوني وش لاقيه فيه قلت يفكي طيبه قلبه وسمو ذاته ورقه مشاعره
مداوي : ومن ذا بعد اللي يسالونك عنه
الانثى : انت
مداوي : هذي رشوه علشان ارضى
الانثى : ايه
مداوي : اصلا انا ازعلت شوي ثم رضيت
الانثى : يالبى قلب اللي يزعلون ويراضون نفسهم
سعود بداء ينسى نفسه ويخق
مداوي : انا
الانثى : لا انا
وجلسوا مماليح نجد يسولفون ولا كان يخرب عليهم وساعه صدرهم شيء بعكس تركي
تركي من يوم رجع من المزرعه وهوصاك الغرفه عليه ومنسدح على بطنه وماسك دفتر وقلم والدمعه خانقته
كتب:
للعيوون لغات
و للقلب همسات..
لا يفهمها الا العشاق
اهل الحب و الاشواق..
و انا كنت من بينهم
سرت معهم في دروبهم..
رأيت يوما زهرة عبقة
في حديثها عذوبة ورقة..
يال روعة تلك الفتاة
قلبها ينبض حبا للحياة..
هزت كياااني
حركت مشاعري..
جعلت قلبي ينتفض
بأرق المشاعر ينبض..
قلت بلهفة حينهاا
هي ذي فتاة احلامي..
من سأقضي معها حلو ايامي
وجدت اخيراا من احبهاا..
لكن شاء القدر
وليس منه مفر..
احببتها بلا حدوود
لكنه لم يهبها الخلود..
شاء ان يعطيها لاعز الخلق على الوجود ..
فضاع مني اعز الناس
و فقدت معه اجمل احساس..
هذا مصير العشاق
اوله فرح وآخره فرااق..
وكسبت الرهان بتجميع قلوب العشاق وسقوط قلبي جريح بعدها
" بقلم ملح الخوالد اختي اموووووووووووووله الله يسلمها قولوا ماشاء الله لاتصكونها بعين تفقد موهبتها الشعريه والنثريه "
مسك الورقه بيدينه وحاول يشقها بس كان شيء يمنعه قررانه ينشرها في المجله وماكان احد بينتبه عليه لان محد يدري عن حبه الخفي لسديم بس كان يبي كل الناس تعرف قدر التضحيه اللي سواها مع ان مافيه احد يقر الكتابات الجمليه مثل كتابات اختي <<بذلكم بهالاخت
وفي هالليليه بدات موهبه تركي تطلع اليكم ثاني ماكتب
الحزن
أن أراك صدفه,,,, وأن يجمعني بك الطريق ذات يوم ,,,, فأراك بصحبه غيري ,,,, يدك بيده تنظر إلي فلا تعرفني ,,,, وعمري خلفك يناديك فلا تسمعه ,,,,
الحزن
أن أكتب فلا يصلك صوتي ,,,, وأن أصرخ فلا يصلك صوتي ,,,, وأن ألفظ أنفاسي فلا أراك ,,,, وأن أموت فسيصلك النبأ كالغرباء ,,,,
" مدري من كاتبها عجبتني واضفتها "
لم يتوقف ابداع تركي كان يكتب يبي يفضي كل شيء على الورق
حبيبتي ..
موعدي معك على حف القدر ...
يوما ما سأحكي للعصافير رحلة العشق ..
سنرسم أمانينا على أوراق الورد ...
سأرمي بقلادة الخوف التي كانت تطوقني
في بحر النسيان ..
سأجعل المكان يتراقص فرحاً على أنغام عزف الرجوع
يوما ما ..
أنا وانت أيها الزمن ؟
اعلم وتعلمين انه انا وانتى في عالم الجنون
واعلم ما يدور بداخلك ،،
سأجعل قلبي صامت بجروحه،،
وسأرحل الى عالم النسيان،،
وسأصطدم بحاجز الصمت ،
أو اسكن بجواره ،،
وسأبقى وحيداً ..
وهذي ايضا مسروقه
كان تركي يحس بالم في حياته ما حس به كان في هاللحظه يصارع خروج حبه من قلبه
بعكس ساره واحمد اللي كان هالليوم اجمل ايام حياتهم
ساره واحمد ماونّوا من الرسايل "يعني ما ملّوا "
ساره ترسل الحمد لله على السلاه واحمد يرد الله يسلمك ساره ترسل ولله كرهت الخيل اللي طيحك واحمد يرد وانا حبيته لانه سبب رجعتك لي <<<<<<<<<يعني انوووووووووووواع التفاهه بس يدورون الخساير دواره
من بكره الصباح
سعود : صباح الخير لاحلى معرس في الرياض
يوسف : هلا وصباح النور وش عندك تدلييع من الصبح اخلص وش تبي
سعود : ازين مافيك يابوسعود انك فاهمني
يوسف: طيب ماقلت وش تبي
سعود : وش صار على موضوع زواجي
يوسف : ايه قل كذا انا اقول هالسلام والتبسم مو لله
سعود : حرام عليك مشكلتك انك فاهمني غلط
يوسف : عموما انا سالت البنت ويوم ملكتي بتشوفها وتكلمها وكل واحاد مخير مو مسير
سعود : طيب ورى ماتغير الموعد ماراح افضى
يوسف : ليه انشالله بتحضر القمه العربيه
سعود : لا نسيت ان اليوم اللي محددته يوم ملكتك نت بيوقف عند المعازيم ويرحب بهم
يوسف : لاتخاف بيمديك تشوفها واذا كتبها ربي لك بتمل منها بس انا مستغرب من شيء
سعود : وشو
يوسف : وش هالاصرار العجيب على بنت عمك
سعود : خلاص مابيها
يوسف : وجع وراك غيرت رايك
سعود : ولله ماعرفت لك الحين وش تبيني اسوي
يوسف : رح للمجله
سعود : انشالله كم يوسف عندي واحد وبعد كم يوم بفتك منه وبيتزوج
يوسف : وجع انشالله
سعود : ههههههههههههه
راح سعود للمجله واستغرب من تركي اول مره يجي الدوام مايلقاه اتصل عليه
سعود : هلا
تركي وصوته مبحوح :اهلين
سعود : وينك اليوم
تركي : عسى ماشر فيه شيء
سعود: مافيني شيء انت وش فيك
تركي : تعبان شوي
سعود وبخوف : وش فيك سلامات
تركي : الله يسلمك مافيني شيء بس تعب خفيف انشالله بداوم العصر
سعود : لاتداوم اليوم دامك تعبان وانا بمرك نروح للمستشفى
تركي : مله داعي انا عارف وش فيني
سعود : ليه وش فيك
تركي : لا تشغل بالك انا جاي انشالله العصر ومعي مواضيع جديده
سعود : على راحتك يالله ماتشوف شر مع السلامه
تركي : الشر مايجيك مع السلامه
وقفلواااا
تركي "وش تبيني اقولك ياسعود اقولك ان روحي تعبانه واخرب عليك فرحتك مايسوي"
راح العصر تركي للمجله ونزل موضوعاته باسم جريح الروح
المهم مضى الاسبوعين على خير واليوم يومك ياحصه كانت هذي الكلمه اللي على لسان الكل
الجزء17
انا عارفه انكم مشتاقين تعرفون الباقي <<حلوووووه الثقه
المهم اليكم الجزء السابع عشر
لولولولولولولولو يش الف الصلاة والسلام عليك ياحبيب الله محمد كلولولولولوش
حصه : سوير اعقلي
ساره : وش اعقل اليوم زواج امي وتبيني اعقل " انتم بتعقلون في زواج امهاتكم <<سوال صريح ابي اجابه "
مي : اسمعي يمه مو يلعب عليك اشرطي في العقد قصر باسمك ويلف بك الدنيا
ساره : ايه لازم تأمنين لعيال المستقبل لاياخذ سعود فلوسهم ويخليهم على الحديده
فيصل : وجع هذا وهو عمكم
مي : وهي امنا
حصه قعدت تصيح والعيال يستهبلون
سديم : خلاص ضيقتو صدر امي اسكتوا
فيصل راح يبوس راسها "تكفون لاتعذبوني تخيلوا معي الموقف "
فيصل : يمه وش هالدموع اعتبرها فرح والا اروح لعمي واقول العروس ماعد تبي
حصه : ههههه الله يقطع بليسك
فيصل : ايه كذا اضحكي خلي الدنيا تضحك لنا "وباسها مره ثانيه "
ساره : اشوفك احتليت امي ابعد عنها
فيصل : واذا ما بعدت عنها وش بتسوين
ساره : طيب دور وحده تخطب لك
فيصل : هههاي بايع عمري اخليك تخطبين لي الله يخلي لي امي وسدوم "لف على سديم لقاها ماعبرته "
ساره : هههه اللي بتخطبلك ماعبرتك
فيصل : هيه سديمه وين وصلتي
سديم : هله لا لا انا معكم
مي : ايه واضح معنا
سديم : اقول بس اطلعوا عن امي خلوها ترتاح علشان الملكه
مي : يوووووه لاتذكرينا ولله ماتخيل امي بتروح وتتركنا
حصه : ومن قال اني بتركم
فيصل : افاااا من اولها ترى مافيه نوم برى بيت زوجك
حصه : بس انا شارطه
فيصل : ايه انتي شارطه تسكنين في بيتك بس ماشرطتي تطلعين منه في شهر العسل
ساره : لا تخرب المفاجاه
حصه : أي مفاجاه
فيصل : عمي يقولك بعد الملك الحين يالله يابنات اطلعواوروحوا البسوا
طلعوا البنات وكل وحده راحت لغرفتها
سديم راحت لغرفتها وفتحت الماسنجر طلع تركي موجود
الانثى : مرحبا
الفارس: اهلين
صمت
الفارس : عالبركه زواج امك
الانثى : الله يبارك فيك وعقبالك
الفارس : لا انا مطول
صمت
الفارس : كاتبتنا وش اخر كتاباتها
الانثى : يووووه ماعندي شيء كنت منشغله في الامتحانات قبل ثم بعدها زواج امي
الفارس : طيب وش اقول للقراء اللي يستنون الانثى
الانثى : خلاص انا عندي وحده قديمه شوي
الفارس : وشلون قديمه يعني قد نشرتيها
الانثى : لا مانشرتها بس كتبتها في المتوسط
الفارس : اجل بتطلع من عهد الفراعنه
الانثى : مو لها الدرجه عاد ابكتبها وشفها وقل رايك بصراحه
الفارس :طيب
الانثى " كم حاولت
ألا ارسم في الخيال....................... احلام يقضاتي
كم حاولت
ان اكتم في القلب..........................لحن نبضاتي
كم حاولت
احبس في الصدر
انين
او ما يثور من .........................موج زفراتي
تتحرك مني المشاعر
حينما أدنو................................ من قديم ورقاتي
وكأنما شيء اليها
يدفعني
دون ان ..................................ابدي امتناعاتي
او كانما
رياح ناعمة تسوقني .................لجميل رغباتي
امواج التردد
تعصف بي
بين همس رقيق
ودفء الحنان
أو
نغم قديم يلذ لي سماعة كلما
هاجت في الجوانح..................قديم ذكرياتي
تالله مابالي وقد
اسلمت نفسي للحقيقة
التي لاتقبل........................ قليل العثراتي
أ .....هو.....التصابي
أو
قيد جميل تطيب لي أصفاده
بعد أن
ذقت حلاوة العشق التي
مست مني في القديم ................أحلى أمنياتي
أو هوى عابر
سرعان ما يصيب القلب
بعد الفواق
بأشد .......بل.......................باقوى جراحاتي
أو الم الفراق الذي
أنا اخترته
بالرغم مني
بعد أن ..............................حيل بيني وبيت أختياراتي
لابد من الم الفراق
لكل من نحب
ذلك
قدر مكتوب
ولكن
ليتنا................................ نزيل ما بيننا كثير خلافاتي
وداعا
لمن لايستطيع القلب أن يكتم ذكره
في الصباح
أو المساء
أوكلما هبت في الخيال رياح ذكره أو
سارت في بحر شوقه...........................أحلى ذكرياتي
وداعا ......وداعا........وداعا......"مسروقه "<<ولله اني حراميه طيبه
الفارس :روووعه ماشاء الله وبدون زعل هذي احلى من الحزن اللي كتبتيها قبل
الانثى : مشكور
الفارس : ممكن سؤال
الانثى : تفضل
الفارس : هذي نهايه حب وماتوقع انك حبيتي قبل ممكن اعرف من البطل خيالي والا واقعي
الانثى : وليه ما احب قبل
الفارس : كنتي توك صغيره
الانثى : البطل هو انا
الفارس : اسف على الاحراج
الانثى : لا عادي
الفارس : طيب عندي كلام ودي تقرينه ابي انزله العدد الجاي مع اللي كتبتيه
الانثى : الحين تكتب ومتعبي يالله ورني
الفارس " خيم الصمت على حياتي .....
وأنكفأت على نفسي ولم واجد في هذا العالم الرحب لي مكان سوى هرة المساحة الضيق بين هذة الحيطان الأربعة
انه سجني الخاص الذي اخترته لصمتي ....
هنا يعم الصمت في كل ارجاء الغرفه ويغسل حيطانها ويبعثر الصمت الكلام
لا شي حولي سوى صمتي واهات واوراق متناثره وحروف تنطق بمعاناتي
هنا ازهار ذابله وكأنها تشاركني احزاني ووحدتي ...
هنا شموع خفت ضؤها وكأنها تشاركني البكاء........
هنا وهناك اشلاء متناثره مزقها الالم ......
هنا جروح تنزف دماً .....
هنا الم يسكن كل زاويه ........
هنا ترافقني دمعه تحجرت في عيني وابت النزول ....
هنا نافذه معلقه على جدار غرفتي اغلقها الصمت .....
هنا ليل قتل النهار وساد الظلام ..... وتمر الايام دون ان اعرفها ....
من هنا سرق النور من أهديته النور وترك خلفه الظلام ...
سرق الفرح وترك لي الأحزان ....
سرق الضحكة وترك لي دمعه.....
سرق الأمل وترك لي اليأس .....
سرق الكلام وترك لي صمت الوداع ....
هنا حكاية من الف ليله وليله......
حكاية غربة روح داخل الجسد....
هنا توقف الزمن على اعتاب هذه الغرفه حتى عقارب ساعتي توقفت عند زمن الوداع
هنا شبح يعيش في هذا المكان جسد بلا روح
هذا هو سجني الصغير فيه حكاية الم لا ينتهي ...
لا شي يتغير سوى اكوام الاوراق المتناثرة حولي
هنا حكاية صمت الوداع
بدأت بكلمة الوداع الي حيث لا نهاية ................ صمت الوداع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك