رواية ماساتي في سطور الماضي -18
اتصل فيصل على سديم
سديم : هلا
فيصل : اهلين عندي لك مفاجاءه بمليون
سعود كان يراقب فيصل وهو يكلم سديم
سديم : وش هي
فيصل : عمي عند خيول
سديم : احلف
فيصل : ويقول تختار اللي تبي علشانها نجحت
سديم : فيصل تتكلم صدق
فيصل : ايه ولله
سديم : ساره ساره اسمعي فيصل وش يقول
فيصل : اقول لا تخسريني اذا قفلت قولي لها
سديم : طيب وين الخيول فيه
فيصل : لحظه شوي
فيصل : عمي وين الخيول فيه
يوسف : سعود قم ودّ ولد عمك لها
سعود : انشالله
فيصل : سديم البسي جلالك وتعالي لمجلس الرجال انتي واللي يبي يشوف الخيول
سديم :طيب بنجي انا وساره وامي مي ماتبي
يالله بسرعه
وعند الخيل
سعود فتح الباب لهم
دخلت سديم وساره وحصه يشوفون الخيول
سعود : هذي الخيول اختاروا اللي تبيون
احمد : ينفع اختار انا
سعود : لو تامر على كل الخيول حلالك الا واحد
احمد : واي واحد تقصد
سعود : اللي لونه ترابي على اصفر و شعره بني
فيصل : وليه هذا بالذات تبيه
سعود : يذكرني بنفسي
فيصل : حلوه الثقه
سعود : اقول بس رح شف اهلك وش اختاروا
فيصل :طيب
فيصل ينادي اهله
فيصل : الحين وش اخترتوا
ساره : انا ما ابي شيء
فيصل : وانت ياسديم
ساره : يووه لا تسالها شطبت على كل الخيول
سعود : حلالها لو تاخذا كلها
احمد : ترى بنت اختي تصدق
سديم : لا انا عجبني ابوشامه بيضاء
فيصل : كلهم فيهم شامه بيضاء
سديم : اقصد هذا
وتاشر عليه
فيصل : لا لا ياسديم ماينفع غيره
سديم : وليه
سعود : خلاص يافيصل ولله ان تاخذه
سديم : وشوا وش فيه
سعود : مافيه شيء خلاص اخترتي اللي تبينه ما عجبك شيء ثاني
سديم : لا بس الله يعافيك
احمد كان يناظر سار وهي تمشيء كان وده لو يكلمها بس ما كان يقدر كان يبي يبارك لها على الاقل بنجاحها
يرن جوال سعود
سعود : انا استاذن
ويروح عنهم
فيصل : الحين مالقيتي الا خيل سعود تختارينه
سديم : أي واحد
فيصل : اللي اخترتيه
سديم : ومن قال انه يبيه لوّه يبيه ما عطانياه
احمد : كان يقول لنا كل الخيول اختاروها الا هذا
سديم : وانا وش يعرفني خلاص بغيره
فيصل : وش بعده يوم حلف انك تاخذينه خلاص
احمد : خلاص الموضوع انتها روحي اركبي عليه
سديم : ما اعرف
فيصل : الحين شلون تجي تحبين الخيل ولا تعرفين تركبينه
سديم : جت وخلاص
فيصل : طيب انا برجع تبين شيء
سديم : ومن بيعلمني اركب
فيصل : الله يخلي خالك
احمد : هيييه لا توهقني
سديم : افااا
احمد : خلاص خلاص بعلمك
فيصل : انا برجع يمه ساره بترجعون معي
سديم : لا خلهم يشوفوني وانا اركب الخيل
حصه : انا برجع خلي ساره تجلس معك
رجع فيصل وامه وبقى ساره وسديم واحمد
سديم : انا بدخل في غرفه الخيل بدور العده اللي نلبسها
دخلت سديم للغرفه وبقى احمد وساره
كان الصمت هو سيد الموقف الى ان
احمد :سـ...اره مبروك النجاح
ساره وبرود مصطنع : الله يبارك فيك
احمد : ساره ممكن اعرف ليش متغيره علي
ساره : وشلون متغيره
احمد : خلاص ولا شيء
احمد : سديم سديم
سديم : هلا
احمد : وين رحتي يالله تعالي شوفي شلون تركبين الخيل
راح احمد يركب واحد من الخيول الموجوده
وفي هالاثناء سعود كان يكلم تركي
سعود : كم باقي لك وتوصل
تركي : 10دقايق بالكثير
سعود : جبت اهلك معك
تركي : محد وافق يجي الى العيال
سعود : طيب عجل
تركي : خلاص 10دقايق ونكون عندكم انشالله
رجع سعود عند الخيل متوقع ان العيال كلهم هناك وكان يلمح من بعين وحده جالسه وعليها الغطاء والثانيه واقفه تتفرج على احمد وباين انها شايله الغطاء وطبعا استنتج انها سديم قررانه يوقف في مكانه ولا يحرجها بس صار شيء خلاه غصب عنه يروح لهم.
الجزء16
مازلنا في المزرعه وش اخبارك بعد الجزء اللي راح اتمنى يكون اعجبكم المهم اكمل لكم باقي القصه وش رايكم >>وحده تطولها وهي قصيره
اقول بس اليكم باقي القصه
احمد وهو راكب على الخيل لمح ثعبان يزحف جهت ساره وكان يبي يحذر ساره
احمد : ساره ساره انتبهي ثعبان
ساره لفت جهت الثعبان وصرخت وسعود جاء يركض
سعود وهو يصرخ : لا تخافين مسالمه انّا مربينها
بس لا حيات لمن تنادي احمدج من شده الخوف على ساره طاح من الخيل وهو نازل من عليها
سديم : خالي خالي وش فيك
سعود بعد ماوصل : لا تخافين ياساره هذي ثعبان مسالمه
ساره وهي تبكي : احمد احمد طاح من الخيل
سعود راح عند احمد وكانت سديم جالسه عنده
سعود : احم احم
سديم تغطت بس بعد ما الولد شبع من المناظر
سعود نزل للجهه المقابله لسديم ومسك يد احمدج الثانيه
سعود : احمد احمد تسمعني
احمد : آآآآآه
سعود : عسى ما فيك شيء انكسر
احمد : لا بس خيلكم رفيع قصروا سيقانه
سعود : ياخي ولله رايق البنات ميتين خوف عليك وانت تنكت
احمد : أي بنات
سعود : اقول قم الله يرحم حالك
قام احمد وهو يعرج بعد الطيحه >>هذي اثار الحب لا احد يتوهق ويحب ترى الروح ما بعدها روح
رجع احمد وسعود لمجلس الرجال وسديم وساره يتمشون في المزرعه
سديم : شوي ويوقف قبلي بعد ماطاح خالي من الخيل كرهتها
ساره : وانا وش اقول والثعبان جنبي
سديم : ايه بس الثعبان مسالمه
ساره : وانا وش يعرفني انا مسالمه
صمت
ساره :سديـ...ـم
سديم : هلا وش بغيتي
ساره : احمد وشلونه الحين
سديم : مدري يمكن احسن لان ماجاه شيء
ساره : ايه بس كان يعرج
سديم : ماشالله وانت قاعده تراقبين
ساره : اقول وش رايك نروح لقفص الارانب
سديم : عاش مصّرف
في مجلس الرجال
سعود : بس كان ودي في هاللحظه اني مصورك طالع شكلك رهيب
احمد : ايه اتريق علي بيبلاك ربي
فيصل : لا جد احمد شلون طحت ما قدرت اتخيل
دخل عليهم تركي
تركي : السلام عليكم
الكل : وعليكم السلام
يوسف : هلا ولله بتركي عسى ماشر وش فيك تاخرت
تركي : ابد ماشر بس بس المبزره اللي معي فضخوا راسي بالسوالف لين ضيعت الطريق
سعود : اهم شيء انك وصلت بس ياليتك مبكر ربع ساعه
احمد : يالله بدينا بالتريقه اجتمعوا مماليح نجد
تركي : وش فيه يتحرطم
سعود : بلاك ماتدري وش صاير
تركي : ليه وش صار
سعود : اسمع .....ق\س
وبعد لحظات
سعود : هاه فهمت
تركي : يعني احمد طاح من على الخيل
سعود : ههههه ايه يالغبي
تركي : طيب وبعدين
فيصل : وش بعدين قصه هي خلاص
تركي : الحين هذا اللي صاير
احمد : ايه
تركي : وش اللي يضحك في الموضوع واحد وطاح من الخيل وش صار يعني
احمد : انت كفوك من يحب راسك ،،شفتو العاقل مو مثلكم
سعود : بلاه ماشافك والا كان مات من الضحك
وبعد فتره مو طويله
تركي : ههههههههههههههاي ههههههههاي
سعود : عسى ماشر
تركي : تخيلت شكل احمد وهو طايح شكله تحفه
احمد : افااا هذا وانا امدح فيك ولله ماتستحي
سعود : ايه الحين انت تركي اللي اعرفه
فيصل : ههههه الحين مايصير تركي الا اذا اتريق وعلّق على الناس
سعود : ايه
يوسف :خلاص خفو عن الرجال شوي
احمد : ياجعلي ما اعدمك
يوسف قام من مكانه وراح جهت احمد
يوسف : احمد طالبك لا تردني
احمد : لو تامر على رقبتي ما اعزها عليك
يوسف : سلمت بس ابيك تقول تم
احمد : تم
يوسف : سديم
احمد: وش فيها
يوسف : ابيها لسعود
احمد : ولله في هالشيء عندك اخوها وعندك سديم اذا وافقوا انا ما عندي مانع وانت اصلا عمها ومكان ابوها
يوسف : سلمت سلمت ياولدي انا كلمت فيصل وهو ماعنده مانع بس ابيك تحاول تقنع سديم
احمد وهو يناظر سعود ويعلي صوته : بحاول مع ان سعود ما يستاهل بس علشان هاللحيه الغانمه
سعود : انا لله وش فيه سعود بعد
يوسف : ما فيه شيء بس لسينه طويل ويبي قص
سعود : افاااا ولله يابوسعود ما توقعتها منك
يوسف : وش ما توقعتها من الصبح وانت شايش على الرجال وهو بينفعك
سعود : وين بينفعني معه الا بيخربني مايعرف الا السفريات
احمد : اقول ياعم ابو سعود انا غيرت رايي
يوسف : ماعليك منه سفيه
احمد : لا تبيني اوافق بعد
سعود : الحين طايحين سب فيني ولا ادري وش المنفعه من وراكم
يوسف : بعد شوي تعرف
ورجع كل واحد لوضعه اللي كان عليه يعني تركي وسعود يسولفون وطبعا سعود طايح تمديح في سديم وتركي يسمع وقلبه يتقطع
واحمد مع يوسف وفيصل مع ولده فهد يلعبه
احمد : ابي اطلب منك طلب
يوسف : ولله ماردك
احمد : انت عارف اني راعي سفريات وما اجلس بالديره شهرين كامله
يوسف : وش بغيت لك من الالف الى المليون
احمد : لا الل يسلمك مو قصه فلوس انا ابي اتزوج
يوسف: ولله لوعندي بنت ما اعزها عليك
احمد : ايه عندك
يوسف : من
احمد :ساره بنت فهد اخت سديم من الرضاعه
يوسف : الشور شور اخوها والود ودي هي وسديم في نفس الليله
احمد : انا يهمني رايك واذا كنت موافق كلمت فيصل
يوسف : انت ولدي وانا اللي بخطب لك
يوسف : فيصل فيصل
فيصل : سم ياعمي
يوسف : تعال ابيك
وبعد ماجاء عنده
يوسف : قل تم >>
ياكثر التمتمه في هالجزء ومو ماكلها الى البنات ولله دايم مظلومين
فيصل : تم
يوسف : ساره لاحمد
فيصل : مابعد كلمتك شيء بس الشور شور ساره
يوسف : طيب الحين البنات وينهم فيه
فيصل : يدورون في المزرعه
يوسف : قل لهم اني ابيهم
فيصل : انشاء الله
اتصل فيصل على سديم وقال لها تجي لغرفه الضيوف هي وساره
وبعد ما وصلوا وسلموا على عمهم
يوسف : اسمعوا يابنات انا مثل ابوكم واخاف على مصلحتكم وابهاتكم قبل ما يتوفون وصّوني عليكم ان كانكن تبون هالوصايه ابيكم ماتردون لي طلب وانتم عارفين اني ما ابي الا مصلحتكم وان كنتم شاكين في مقدرتي على اني اختار لكم الصحيح لا توافقون على أي شيء اقوله
سديم : ما بعد كلامك شيء ياعمي >>سؤال وجيه ليش اكرركلامي الجواب علشان يطلع كلام بليغ فيه جناس وطباق خخخخخخ
يوسف : وانتي ياساره
ساره : ما ازيد شيء على سديم
يوسف : اجل اسمعوا فيه اليوم لكم خطّاب وانا شايف انهم مناسبين لكم
سديم : بس
يوسف : وش بس ياسديم
ساره : سديم بتقول تونا
يوسف : طيب متى تبون تتزوجون
سديم : مو الحين
يوسف : متى
سديم : بعد مانتخرج من الجامعه >>بقر احد محصل الزواج ويرفض ماقول بس الا هاك رزق قال ما معي ماعون
يوسف : طيب واذا الرجاجيل ماعندهم مانع
سديم : نشوف عاد نسال عنهم
يوسف : طيب ما سالتوني منهم
ساره : اذا صار نصيب سالناك مولازم نعرف الحين
يوسف : وانتي ياسديم ماتبين تعرفين
سديم : اذا كنت تبغى تقول براحتك
يوسف : انا بقول انتي ياساره احمد خال سديم خطبك وانا واخوك ما عندنا مانع والود ودنا تاخذينه اليوم قبل بكره احمد
مافيه مثله
سديم : ايه ولله خالي مافيه مثله ياساره
يوسف : الحين طلع لسانك يوم عرفتي انه خالك ،،نهاه ياساره وش رايك
ساره وشوي وتقطع من الحياء : اللي تشوفه ياعمي
يوسف : يعني اروح ابشر الرجال
سديم : ايه رح والا وشوله تروح انا اتصل ابارك له
يوسف : انتي جايك الدور
ساره : تبي شيء عمي والا اروح
يوسف : ياحليلكم ولله تستحون
سديم : ايه مره حيويه بس تبيني ما افضحها عند خالي واقول انها تبغاه يعني انت وفيصل اللي غاصبينها
يوسف : طيب ساره عرفنا ردها وانتي
وفي هاللحظه طلعت ساره
سديم تصرف : انا توني صغيره
يوسف : وش صغيره هذي ساره كبرك وبتتزوج
سديم : طيب خاف ما يعجبني اذا شفته
يوسف : اذا ما عجبك ندور غيره
سديم سكتت ماتدري شلون تتهرب من الموضوع
يوسف : طيب ما سالتي من هو العريس
سديم ساكته ماتبي تتزوج شلون تتزوج وهي ........
يوسف : سعود
سديم : وش فيه سعود
يوسف : اللي خاطبك ولدي سعود هاه وش رايك
سديم : ياعمي ما اقدر ارفض لك طلب بس في هالموضوع ما اقدر
يوسف : وليه يابنتي وش شايفه على سعود
سديم : ما شفت عليه شيء بس ما ابيه ينغصب علي
يوسف : ومن قال لك انه مغصوب اصلا انا ما ارضاها لك
سديم : بس يومـ...ك
" وفي هاللحظه الحاسمه تذكرت كلام سعود وسبب دخول ابوه المستشفى كانت هي السبب يعني لو ترفض يمكن ترجع له الحاله "
يوسف : بس يومني ايش وش فيك سكتي
سديم : طيب انا موافقه بس بشرط
يوسف : تبين تعرفين ان كانه مغصوب والا لا احلف لك انه هو اللي قال لي ابي سديم
سديم ماصدقت عمها ماتدري من الفرحه والا من الخوف
سديم : مو هذا الشرط اللي ابيه
يوسف : وش بغيتي
سديم : متى ملكتك على امي
يوسف : بعد اسبوعين
سديم : في يوم ملكتك ابي اشوف سعود واكلمه ان مشت المقابله على خير يملك لنا الشيخ معكم وان ما مشت انا اسفه ياعمي
يوسف : اللي تامرين عليه يابنتي بس كان ودري ملكتكم في يوم لحالكم علشان تفرحون
سديم " وين افرح معه ياعمي الفرح ضيع بابي من سنين الطفوله "
يوسف : وين رحتي
سديم : خلاص ياعمي اللي تشوفه
يوسف : خلاص تشوفينه اليوم والا بكره
سديم : خله بكره احسن
يوسف : خلاص على راحتك
وكل واحد راح في سبيله "حرب حشى مو موضوع خطبه خخخخخخخخخ"
رجع يوسف للمجلس ولا كن شيء صار
سديم راحت لاهلها وبالها مو معهم
سديم " يالله ليش انا استعجلت وش اقوله بكره انا غبيه اقول لعمي ياجل الموضوع احسن "
ساره : سدوم وين وصلتي الشبكه والا المهر
سديم : أي شبكه واي مهر
ساره : علي هالحركات يالله بس من اللي خطبك سعود
سديم : وليه اللقافه
ساره : مو لقافه بس ابي اعرف بنت اخت رجلي من بتاخذ
سديم : يابعدها بنت اخت رجلي قولي اختي اوفق وبعدين وش غير رايك اذكرك ماعد تبين خالي
ساره : انا ماوافقت علشان سواد عيونه بس علشان عمي وانا زعلانه عليه
سديم : خلاص اقول له انا انك ماتبينه
ساره : لا حرام افشل عمي
سديم : ايه كثري منها افشل عمي حلوه هالتصريفه
ساره : الشرهه علي اللي قاده معك كش على وجهك يالشينه
سديم : اقول احترمي نفسك والا خليت خالي يلغي الخطبه
ساره : اقول ماكنك اذيتينا بخالك مايسوى علي وبعدين تراه هو اللي متعلق فيني
سديم : بشويش متعلق فيني وصل خشمك السما من هالغرور
ساره : اقول اروح اتقهوي مع العروس ابرك من مقابل وجهك
وراحت ساره ورجعت سديم لسرحانها وبعد فتره
سديم " اتصل على ريما اسالها وش اسوّي "
بس للاسف ريما ماترد
سديم " يالله هذا وقتك ياريما تقفلين الجوال "
سديم احتارت ماتدري ايش تسوّي
اتصلت على فيصل اللي ماكان يعرف انها وافقت
سديم : هلا فصّول >>فصول والا اعوام اعوام والاسنه سنه والا ..........الخ خخخخخ
فيصل : اهلين
سديم : فيصل عمي جنبك
فيصل :ايه
سديم : الله يخليك قل له تقول سديم خلها في يوم ملكته احسن
فيصل : وش هي
سديم : قل له وهو يعرف بس بدون ملكه
فيصل : وش القصه
سديم : القصه عنوانها ماساتي في سطور الماضي
فيصل : ما امزح صدق وش القصه
سديم : وانا صادقه ماساتي في سطور الماضي قصه رائعه الجمال ويكفي انك تعرف انها حلوه من اللي كاتبها بس لاتفوتك هذي قصه الجولي مو أي احد يالله باي
فيصل : لحـ...ظه يالله قفلت
سعود : وش اللي قفلت
فيصل : سديم ماادري وش تبي اقول بس عمي وين راح توه كان قدامي
سعود : راح يشرف على الحفله
فيصل : أي حفله
سعود : حفله النجاح
فيصل : ليه واللي قبل وش تصير
سعود : لا الله يسلمك الحفله توها ما بعد بدت بعد الصلاه بتشوف الحفله على اصولها
فيصل : طيب انا بروح لعمي ويصير خير
وذهبَ فَيصًلٌ لِعَمِهِ يٌوسُفَ >.>سوف لن يمديكم على اللغه اليس كذلك هيء هيء هيء هوهوهواهاهاها
يوسف : طيب على راحتها
فيصل : ليش ياعمي وش الموضوع
يوسف : ماقالوا لك
فيصل : منهم
يوسف : اخواتك وافقوا على العرسان
فيصل : ياحليلهم
يوسف : ايه ولله ياحليلهم وانت انشاء الله متى يصير ياحليلك وتلحقهم
فيصل : انشاء الله قريب اذا لقيت بنت الحلال
ورجعوا الشباب للمجلس
اما الحريم اللي ماكانوا عارفين وش بيصير بعد الصلاه جالسين ياكلون فصفص " جعل بطونهم تمزع ما رموا علي فصفصه بالغلط"
حصه : ميونا حبيبتي روحي شوفي سديم وين راحت
ساره : لاتعبين نفسك تصلي العشاء
حصه : وانتي وين الصلاه انشاء الله
ساره : صليتها من يوم قضب اذنه "يعني مسك اذنه وبيبداء بالاذان "
فاصــــــــــــل ونواصــــــــــل
دامني ذكرت الصلاه لازم انبهكم لشيء
(قال الرسول عليه الصلاه والسلام" العهد الذي بيننا وبينكم الصلاه فمن تركها فقد كفر " احرصوا جزاكم الله خير على الصلاه في وقتها ترى الصلاه عماد الدين من يوم يذن صلوها والشباب الله الله بالصلاه من يوم يذن تسابقوا الى المسجد ترى من حضر تكبيره الاحرام له من الاجر العظيم واللي يصف الصف الاول عليكم بالصلاه لاتظيعونها وخلوا شعاركم احفظ صلاتك يحفظك الله بها باذنه)
عدنا
وبعد الصلاه بدؤا الناس بالوفود
طلع يوسف عازم الربع كلهم خوال سعود وخالاته واقاربهم كلهم حتي ام رهف وام ريما كانوا من ضمن المدعوين طبعا كانت السهره في هاليوم من سهرات الف ليله وليله الكل وسع صدره
وطبعا سديم مانست تهزئ ريما على تقفيله الجوال
سديم : ممكن اعرف ياانسه ريما ليش مطلعه جوال
ريما : ليش
سديم : وش ليش اتصل ومقفل
ريما : ايه تركي محذرني قال لااحد يدري عن الضيوف بيسونها مفاجاءه واكيد بتتصلين علي علشان كذا قفلته
سديم : اسمعي وش صار بس وخلي عنك هالبربره
ريما : لو سمحتي لاتقولين عن الدرر اللي اطلعها من الصدف بربره
سديم : اقول بس هوّينا واسمعي السالفه ....ق\س
ريما : جد ولله
سديم : ايه
ريما : ياحليلك ياسعيدان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك