رواية ماساتي في سطور الماضي -17
فيصل : اناديك ساره سديم تكلم خالها بالجوال
ريما : ايه اتصلت عليها لقيته مشغول بغيتك تقول لاهلك ان عشاكم علينا بكره
فيصل : لاماله داعي
ريما : امي تقوله قالت قولي لهم لاتشاورينهم
فيصل : هههه طيب انشالله بقولهم تبين شيء ثاني
ريما : سلامتك
فيصل : الله يسلمك
صمت
ريما تحسب ان فيصل قفل التلفون
ريما : ياربي بيهبل بي هالولد
فيصل : أي ولد
ريما : هلا انت ماقفلت
فيصل : لا استناك تقفلين
ريما : يالله يالله مع السلامه
فيصل : ههههه مع السلامه
في الغرفه الثانيه
احمد : الف الف مبروك وعقبال ماتتخرجين من الجامعه
سديم : الله يبارك فيك
احمد : طيب وش ناويه تدخلين
سديم : توني مابعد قررت ، طيب انت متى بترجع
احمد : وليه تسالين
سديم: مشتاقه لك
احمد : علشانك مشتاقه بجي بعد شهر
سديم : الحين اقول لك مشتاقه بعد شهر اجل اذا قلت مو مشتاقه متى بتجي
احمد : يمكن ما ارجع
سديم : يالله عليك احسن بتفوتك الحفلات والاكلات
احمد : لا دام فيه حفلات واكلات اروح احجز الحين
سديم : طيب انا اوريك علشان الاكل بتجي في اقرب وقت والى عشاني منت جاي الا بعد شهر
احمد : وانتي تصدقين هالكلام انا ما عندي اغلا منك بس حبيت ااخّف بك شوي
سديم : طيب متى بتجي
احمد : كم الساعه الحين
سديم : 11.30
احمد : خلاص اذا صصارت الساعه 12 اتصلي علي علشان اقولك متى برجع
سديم : طيب
سكروااا
طلعت سديم لاهلها يكملون السوالف والضحك
فيصل : سدوم وش اخبار احمد
سديم : بخير
فيصل : ماقالك متى بيرجع
سديم : لا يقول اتصلي علي 12 واقولك
ساره : وش معنى 12
سديم : مدري
فيصل : يمكن بيروح يشوف وش ايام الحجوزات
سديم : يمكن
فيصل : يمه زيدي الغدا
حصه : ليه ياولدي
فيصل : فيه رجا جيل عازمهم على الغداء
حصه : انشالله
يرن جوال فيصل
فيصل : هلا
سعود : هلا
فيصل : هاه وصلتوا
سعود : ايه بنصلي الظهر وبعدها نجيكم
فيصل : الله يحيكم لا تنسى عمي
سعود : هو الاول
فيصل : طيب مع السلامه
سعود : مع السلامه
حصه : هّّّوّياولدي عمك وين رايح له
فيصل : ليه وين راحله
سارة : توك تقول وصلتوا
فيصل : ايه وصلوا لبيتنا والا لا
حصه: الحين هم اللي بيتغدون عندنا
فيصل : ايه وترانا العصر بنروح لمزرعه عمي عازمنا فيها بمناسبه نجاح البنات
ساره : سديم الساعه الحين12
سديم : الحين بتصل
فيصل : خلوها بعد الصلاة احسن
سديم : بتصل وان مارد اتصلت بعد الصلاة
تتصل سديم وخالها مايرد
ساره : مايرد
سديم : ايه
فيصل : قايل لك خليها بعد الصلاة
راح فيصل للمسجد يصلي هو ومازن وبعد مارجعوا من الصلاة
فيصل : يمه جهزتوا الشاهي والقهوه
حصه : ايه كل شيء جاهز
يرن جرس الباب
فيصل : هذوليهم جوّ بروح افتح الباب
راح فيصل فتح الباب ودخل الرجال للمجلس
وبعد القهوه والشاهي
فيصل : بروح انادي سديم تسلم عليكم سعود ممكن تتقلع برا
سعود : وش هالاخلاق اصلا بطلع بدون ماتقولي
طلع سعود في الحوش كانت سديم في غرفتها على النت ترسل للشامخ انها نجحت وبعد ماخلصت
فيصل يطق الباب
سديم : ادخل
فيصل : سدوم ممكن تلبسين وتنزلين تسلمين على عمي
سديم ك طيب 10دقايق وانا نازله
فيصل : بسرعه لان سعود طرته في الحوش
سديم : طيب
طلع فيصل وسديم انتهزت الفرصه وراحت للدريشه " النافذه " علشان تقّز سعود
كان سعود لابس ثوب سكري وغتره بيضاء وباين عليه انه توه مضبط سكسوكته
طلعت سديم من دولابها تنوره فوشي قصيره شوي وبلوزه بيضاء عليها نقش بالفوشي على شكل فراشه وجزمتها الله يكرمكم بيضا ربط الى نص الساق وكان فيها لمعه ورديه على فوشي وبعد مالبست فكت شعرها الناعم وجعدته بس وش تجعد فيه وهو ناعم المهم طلع شعرها موّج وحطت ربطه فوشيه في شعرها وحطت كحل اسود ومسكرا ولمعه شفايف ورديه وتعطرت طلع شكلها جنان
بعدها البنت قامت تستعرض قدام المرايه وقبل ماتنزل بتلقي نظره اخير على حبيب القلب سعودي وهي تطل كانت سعود مبحلق في الدريشه كان عارف ان هذي غرفتها
وفي لحظه تبادل العاشقان النظرات سديم وخرت عن الدريشه " يالله وش سويت عرف اني اطل عليبه يالله خلني انزل اسلم ويصير خير "
وفي الجهه المقابله سعود " يالله ويني عنها من زمان بس ولله اني مااستاهلها " وجلس سعود سرحان مع احلامه الورديه
سديم بعد مانزلت من حجرتها وراحت لمجلس تسلم على عمها
يوسف : هلا هلا ولله بسديم
سديم : هلا فيك ياعمي تو البيت مانور
يوسف : منور باللي فيه يابنتي
سديم : تسلم ياعمي
فيصل : سدوم اتصلتي على احمد
سديم : يووه نسيت
احمد وهو يطلع من ورى الباب :ايه يالدبا انا تنسيني
سديم تفاجاءت بخالها
سديم راحت لجهت خالها وخمته بقوه
سديم : يالسخيف ليه ماقلت انك جاي اليوم
احمد : علشان اسويها لك مفاجاءه
سديم : اهم شيء الحمد لله على سلامتك
احمد : الله يسلمك
فيصل : يالله الحين سلمتي وخلصتي وشفتي خالك وارتحتي اطلعي بنادي سعود يدخل
سديم : خلني شوي مع عمي وخالي سعود مو طاير
فيصل : مو طاير بس متحرقه الشمس
يوسف : خله شوي براء والشمس خافه الحين
فيصل : افاااا ياعمي هذا وهو ولدك بتخليه في هالشمس
يوسف : الشمس مفيده
سديم : خلاص خلاص بطلع
طلعت سديم من عندهم وبعد فتره طلع فيصل وراح لامه
فيصل : يمه ابغاك شوي في غرفتي الله لايهينك
حصه : شالله ياولدي
وفي الغرفه
فيصل : يمه ابي اقولك شيء بس ابيك تفكرين فيه زين
حصه : وش هو ياولدي
فيصل: يمه انتي توك صغيره والعمر قدامك
حصه : وش فيك تكلم
فيصل : يمه اذا خطبك احد وش تقولين
حصه : مو موافقه ماعندي استعداد اتركم
فيصل : من قالك انتك بتتركينا
حصه : ومن بيوافق ياخذ وحده عندها 5 عيال
فيصل : واذا قلت لك اللي خاطبك موافق
حصه : فيصل انت وش تقول انا مستحيل اتزوج بعد ابوك الله يرحمه
فيصل : بس يمه لازم احد يرعاك وترعينه
حصه : وانتم مكفيني ماابي احد غيركم
فيصل : يمه انتي فكري زين وبعدين ردي
حصه : ماراح اوافق
فيصل : طيب ماتبين تعرفين اللي خطبك
حصه : لا
فيصل : الا بقولك عمي يوسف
حصه سكتت ماتعرف وش ترد
فيصل : يمه فكري زين وان كانك رافضه علشاني واخواني انتي عارفه ان ساره وسديم بيتزوجون انشالله حتى مي وعارفه بعد ان مازن متعلق بعمي وانا وفهد ماعلينا خوف انشالله بلقى اللي تعوضه عن امه ماراح يبقى الا انتي هاه يمه وش قلتي وافقي علشان مازن يتربى بين ام واب
حصه : طيب انا ما اطلع من بيتي
فيصل : يعني موافقه
حصه : ايه
طلعت حصه بسرعه من غرفه فيصل وفيصل راح لمجلس الرجال يبشر عمه بالموافقه
يوسف : طيب وسديم
فيصل : ولله ماادري وش اقولك بس هي شايله فكرت الززواج من بالها
يوسف : ليه طيب
فيصل : مدري ياعمي تبي تكلمها انت
يوسف : خلاص اكلمها في المزرعه اليوم
وفي الجهه المقابله
كان احمد وسعود يسولفون
سعود : وانت مو مبطل السفريات
احمد : ولله ودي بس تعرف الدراسه والبحث
سعود : وانت ماطلع الشيب في راسك الا الدراسه اتركها وريح
احمد : ماقدر هذي حياتي
سعود : اجل تزوجت السفر
احمد : مو لها الدرجه
فيصل يناديهم
فيصل : الحزب اللي هناك وش عنده أي قضيه تحلون العراق والا فلسطين
احمد : ياخفّ دمك ياشيخ
فيصل : ههههه اناعارف انه خفيف بس لنت شلون عرفت لايكون وزنته
سعود : لافيوزك ظاربه لايكون انت اللي ناجح اليوم
فيصل : هههه المحتر يقول اكثر كل هذا علشان ماعنك احد ناجح
يوسف : وش يبي باحد ناجح وهو اكبر واحد ناجح في العالم
سعود : تسلم يابو سعود
فيصل : من مدح العروسه
سعود : وضح الحين من المحتر
فيصل : اقول اقلطوا على العشاء
فيصل : يالله ياعمي تفضل
يوسف : زاد فضلك
قلطوا الرجال على الغدا
وفي مجلس الرجال راحت سديم وساره يشيلون الشاهي والقهوه بعد الرجال ماخلصوا منها
ساره : اول مره اشوف ناس يحتفلون بنجاحهم يشيلون القهاوي والشواهي
سديم : اقول احمدي ربك ترى الحين هم مسوين هالغداء علشان الناجحين اللي هم انا وانتي
ساره : اقول انا بطلع الزمزميات وانتي الحقيني بالباقي
سديم : ايه العبي علي شيلي الخفيف وانا اتوهق بالثقيل واشيل الصحون ومي وراى ماتجي معنى عمه الشيوخ
ساره : انتي قلتيها عمه الشيوخ اخلصي اطلعي لا احد يدخل
سديم : طيب
راحت ساره بالزمزميات وسديم جلست تضّف
في الغرفه الثانيه اللي كانوا يتغدون فيها
فيصل : وشفيكم ماتكلون لا تستحون مدوا يديكم تو مانور بيتنا
يوسف : الله يسلمك ياولدي وانت وراك ماتاكل
فيصل : اهم شيء انتم ماعليكم مني اكل بعدين
سعود : اكرمك الله
فيصل : افااا وش فيك ما اكلت شيء
سعود : الحمد لله الله يغنيك شبعت
فيصل : وش شبعت وانت ما اكلت شيء
سعود : وش ماكلت الا ما خلص الرز الا انا
احمد : وانا اشهد
سعود : وجع وانت تراقبني
احمد : وجع يوجع هذا وانا ابي اخلصك منه
فيصل : ههههه اقول بس خلوا عنكم هالكلام واذا خلصت ياسعود شف الحلو فوق الطاوله بتقطع والا اقطع لك
سعود : لا بقطع بس انت تغد وماعليك مني
صوت نغمه جوال
فيصل : من هذا جواله
احمد : الصوت جاي من المجلس
سعود : يووه هذا جوالي اكيد هذا تركي نسيته
فيصل : وين نسيته فيه
سعود : قايل لي اتصل علي ونسيت
وراح سعود للمجلس
سديم كانت توها بتطلع من المجلس بعد ماسمعت الجوال وهي شايله الصينيه ومجمعه الاغراض وطالعه قابلت "ميييييييييييييييييييييييييييين تتوقعون >>مايبي لها ذكاء اكيد سعود "
هي جمدت مكانها وهو جمد مكانه بس فتح فمه مع الدهشه كانت سديم بكامل زينتها ما بعد غيرت شيء وهو بكامل زينته بس زادت فتحت الفم >>خخخخخ
سعود " يالله وش هالملاك اللي قدامي مفروض تسمي نفسها ملاك الجمال ومملكه الدلع "
سديم " ياربي وش هالفشيله وين ماروح يطلع كنه جني بس جني مملوح" >>البنت خقت
سعود : احم احم >> بدري
سديم تخبت ورى الباب
سعود : اسف ما توقعت ان فيه احد
سديم : لا عادي ماصار شيء
سعود : مبروك النجاح ولو انها متاخره
سديم : الله يبارك فيك
صمت يقطعه رنت الجوال
سعود : الله لايهينك ممكن الجوال فوق الكنب "بالكويتي قنفه"
سديم راحت تجيب الجوال وطبعا اللقافه مو مخليتها لازم تشوف من المتصل
سديم " ياحليله من هاللي اسمه وين الاقي مثلك "
سديم : تفضل
ومدت يدها
سعود كالعاده بدال مايمسك الجوال يمسك يدها بس هالمره ماارتجفت سديم ولا حركت ساكن
سعود: مشكوره
سديم : العفو
طلع سعود في الحوش يكلم تركي وسديم طلعت الصينيه وراحت تركض لغرفتها كانت تبي تعرف من المتصل باي طريقه
كانت تطل مع الدريشه على سعود تبي تسمع اسم المتصل بس للاسف صوت سعود كان واطي وماعطاها فرصه تسمع ولا حتى تراقبه كان كل فتره يرفع راسه لجهه دريشتها
انتهى الغداء وبعد ماراحوا الرجال
فيصل راح لاخوانه في الصاله
فيصل : انا بقول لكم شيء ابيكم تسمعوني زين ولا تستعجلون في الحكم
ساره : وش فيك يافيصل ليش هاالمقدمه
فيصل : لاني عرفكم من يوم ابداء السالفه بتقاطعوني
مي : خلاص ماراح نقطع عليك بس تكلم
فيصل : انتم عارفين ان امي خلصت العده وبعد كم سنه كلكم راح تتزوجون انشاء الله وماراح يبقى الا امي ومازن وانا وفهد
سديم : فيصل وش تبي تقول بالضبط
فيصل : اللي ابي اقوله لو احد خطب امي وش راح يكون موقفكم
ساره : شلون يعني يكون مكان ابوي
فيصل : محد قال انه بياخذ مكان ابوي
مي : فيصل فيه احد خطب امي
فيصل : الصراحه ايه
سديم : وامي وش رايها
فيصل : امي موافقه
ساره وبعصبيه : ايه ماصدقت تخلص من العده بتتزوج
فيصل يرفع يده بيصفق ساره بس نزلها في اخر لحظه
ساره : يالله مد يدك اضربني ايه بعد مامات ابوي كل شيء تبون تسوونه فيني
سديم : ساره انتي وش قاعدة تقولين
ساره : اقول الصدق مافيه احد في هالبيت حب ابوي
حصه تدخل على العيال
حصه : غلطانه ياساره انا عمري ماحبيت احد كثر ماحبيت ابوك الله يرحمه وانا ماوافقت على عمك يوسف الا اني متاكده انه بيحافظ عليكم اكثر من أي احد وخلاص دام هالموضوع مزعجك قل يافيصل لعمك اني غييرت رايي
فيصل : يمه بس
حصه : بدون بس انا مابي احد من عيالي يكرهني علشان شيء مايستاهل
مي : بس يمه محد يقدر يكرهك
حصه وهي تحط عينها على عين ساره : للاسف يامي اكتشفت اليوم ان فيه احد شايل في قلبه علي
مي راحت لامها وحضنتها وهي تصيح : يمه انتي سوي اللي تحسينه صح وانا ماراح ازعل منك حتى لو تذبحيني
مازن : حتى انا يمه لو تذبحيني ماراح ازعل وانا احب عمي يوسف هو طيب مره ويحبني وانا بعد احبه واحبك
سديم : ماراح تكون انت ومي اكثر مني انا احبها اكثر منكم
وراحت تكمل الفلم الهندي وتحضنها
فيصل : اقول ابعدوا عن امي انا ولدها وابو حفيدها صح بابا >>يكلم فهد
راح بعد كمل المجموعه
ساره كانت تناظرهم وحست بسخف كلامها اللي قالته وعيونها بدت تدمع
حصه لمحت ساره وحست وانها ماكانت تقصد
حصه : وانتتي ياساره ما ودك تجين والا كبرتي على هالحركات
ساره : يمـ.............ـاه
وراحت لحضنها
ساره : يمه ماكنت اقصد سامحيني ولله مو قصدي بس مابي احد ياخذك منّا
حصه : انا عارفه حبيبتي خلاص
فيصل : الحين صارت هي حبيبتك وانّا لا
حصه : ايه عندك مانع
فيصل : خلاص انا زعلان
فهد : ددآآن ددآآن
سديم : يوووووه سمعتو تكلم فهد
حصه : يالبى قلبه جعل الاولاد مايعدمون زعلان
فيصل : مالت عليك الحين اول كلمه تنطقها زعلان قل بابا
مي : احمد ربك مآزرك يوم زعلت زعل
فيصل : تتوقعين هالشيء ياخت مي
مي : مالت عليك تطنزعلي
فيصل : اقول بس روحي البسي ازين لك
مي : ليش وين بنروح
فيصل : خطيب امك عازمنا والا نسيتي
مي : اهاااا قل كذا بس مو بدري
فيصل : لا هو قايل لي بعد صلاة العصر ابيكم في المزرعه
حصه : فيصل خلاص انا مابي اتزوج
ساره : ليش يمه
حصه : بس
ساره : اذا كنتي غيرتي راييك علشاني تراني ما كنت اعرف انه عمي اللي خاطبك
حصه : وش الفرق اهم شيء احد غير ابوك
ساره : بس عمي غير عمي اخو ابوي وبيحافظعلينا مثل ماقلتي
سديم : خلاص يمه وافقي
مازن : ترى ان ماوافقتي ابصير زعلان انا وفهودي صح فهودي
فهد : تح تح تفودي
فيصل : هههه شفتي يمه حتى فهد الصفير بيزعل
حصه : اهااا منكم بس
ساره : وش قلتي الحين ايه والا لا
حصه : خلاص يافيصل لا تقول شيء لعمك يالله الحين روحوا البسوا
سديم : فيصل ممكن تعذر لي من عمي ودي اروح مع خالي
فيصل : ايه بس احمد عزمه عمي اليوم وقال انه جاي
سديم : خلاص اجل بروح البس
فيصل : وش تلبسين اللي عليك زين
سديم : لا ياحبيبي تبي خالي وعمي يشوف البس على مرتين
فيصل : الله يرحم حالك ويعين اللي بياخذك
مي : الله يعينها هي اصلا وين بيحصل مثل سدوم
فيصل : بسم الله علي
حصه : اقول خذ اخوك وروحوا صلوا العصر
فيصل : ايه ولله نروح نصلي ابرك من مقابل وجهه هالفاضين
سديم : من زينك الحين ايه ولله رح رح صل
وراحوا البنات يلبسون
فتحت ساره دولابها وطلعت بلوزه طويله لتحت الركبه اورنج واكمامها قصيره وعليها كرستالات بني واورنج والبلوزه كانها بلوزه صينين وكان تحت البلوزه بنطلون ماسك شوي لونه بني محروق وشبشب الله يكرمكم بني مطرز باورنج
ورفعت شعرها وحطت فيه اعواد الصينين ورسمت عينها بالكحل خفيف وماسكرا ولمعه ورديه
اما مي كانت تطلع مليون لبس علشلن تنقي احلا شيء وهالمره نقت فستان اصفر قصير تحته بنطلون برمودا جنز واطرافه عليه دقه صفراء كان الفستان ماسك على جسمها وكان جسمها روووعه ولبست معها شبشب ربط اصفر وجعدت شعرها القصير اللي كان لونه مايل للكستنائي وحطت فيه ورده على جنب طلع شكلها مررره نعوم مع المسكرا الشفافه وظل عيونها الخفيف بدون كحل
وواخر شيء كان لمعه شفايف اللي كمل نعومتها
اما سديم كانت منحاسه ماتدري وش تلبس بالاخير طلعت لها بلوزه حرير سوداء منقوشه بالاحمر وكرستالات حمراء على بنطلون جنز على الجيوب دقه بالاحمر واستشورت شعرها ورفعت جهه منه بورده حمرا اما المكياج نبدا بعيونها كانت حاطه ظل اسود وتحته داخل عليه اون الاحمر الغامق مع الكحل والمسكرا والروج كان احمر ومتناسق مع بياضها وحجم فمها
اما حصه وفهد ماله داعي افصل اكيد حصه دراعه واذا تطورت فستان وفهد اكيد بدله او ثوب >>خخخخ
راحواااا الجماعه للمزرعه
وفي المزرعه كانت الفله ووساعه الصدر كان يوسف محضر لهم المفاجات بدايه من المهرج والنطيطه والى أله صنع الفشار والايسكريم
في مجلس الرجال
يوسف : ياحي الله من جانا
فيصل واحمد : الله يحيك ويسلمك
يوسف : سعود قم قهو الرجاجيل
سعود : سم يبه تامر
يوسف : الا تركي وينه
سعود : على وصول
يوسف : قلت له يجيب اهله
سعود : ايه
يوسف : فيصل وين ولدك
فيصل : ولله مدري من يوم وصلنا مسكه مازن وراح
يوسف : عسى مايوديه الخيل
فيصل : ماشاء الله عندكم خيل
يوسف : ايه
احمد : يوووه سديم بتشقق لو تدري
يوشف : وليه
فيصل : سديم تموت بشيء اسمه خيل
يوسف : اجل قولوا لها تروح لقفصه قبل الليل وتنقي اللي يعجبهابمناسبه نجاحها
اتصل فيصل على سديم
سديم : هلا
فيصل : اهلين عندي لك مفاجاءه بمليون
سعود كان يراقب فيصل وهو يكلم سديم
سديم : وش هي
فيصل : عمي عند خيول
سديم : احلف
فيصل : ويقول تختار اللي تبي علشانها نجحت
سديم : فيصل تتكلم صدق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك