رواية ماساتي في سطور الماضي -16
فيدي لم تبرح القلم حتى سطرت لك ارق العبارات ..احبــــــــــــــــــــك .. وقلبي ابى الاان يزيد هيمان وعشق بك فحفرفي جوانبه ...عشقـــــــــك في زيادة .. وعقلي لم تمضي ثانيه الا وداعبتي خياله فكيف بالله يأبه بي ويمنع نفسه من التفكير بك وهو من وضع على جداره ..المكان مشغول حاليا وابدا لـــــــــــــــــــــــــك حبيبتي "
ساره ماعرفت شلون ترد عليه وصار احسن رد لها انها تبكي
دخلت حصه على ساره تناديها علشان تتعشى لقتهى تصيح
حصه : ساره وش فيك حبيبتي
ساره : مافيني شيء
حصه : كل هالدموع ومافيك شيء
ساره : بكره علينا احياء والمدرسه عصبت علينا اليوم وخلت معنا فصلين طويله ومالحت اخلصها
حصه : خلاص حبيبتي ماصار الا الخير اذا ماحليتي تعوضين في امتحان ثاني
ساره : ايه انشالله يمه
طلعت حصه وهي ماصدقت كلام ساره راحت لسديم وقالت لها السالفه اللي بدورها انطلقت الى غرفه ساره
سديم : سارونه وش فيك
ساره : مافيني شيء بس ماذاكرت زين
سديم : على امي تمشي بس علي لا
ساره مدت الجوال لها وقرت سديم الرساله
سديم : ياحليله خالي رومنسي لاتقولين انك تصيحين على الرساله
ساره ساكته
سديم : ايه هذا الشوق ومايسوي
طلعت سديم من غرفه واتصلت على خالها بس مارد
المهم رجع فيصل للبيت وجلس مع اهله ثم راح لغرفته لحقته سديم
تدق سديم الباب
فيصل : سديم ادخلي
سديم : وش عرفك انه انا
فيصل : احساسي
سديم اهاء
فيصل : يالله سمعينا وش عندك
سديم : ماعندي شيء بس ابي اسولف معك
فيصل : يالله سولفي انا اسمع
سديم : بس لاتضحك علي
فيصل :هههه يالله قولي ماراح اضحك
سديم: لابديت بالضحك ماراح اقول لك شيء
فيصل : يالله ماراح اضحك
سديم رفعت في وجهه مجلات كثيره
فيصل : وش اسوي فيها
سديم : اقراها
فيصل : مااحب اقراء المجلات
سديم : بس هذي مو أي مجله هي مجله عمي
فيصل : الله اكبر واذا صارت مجلته
سديم : اوووف منك انا اكتب فيها
فيصل فرح ان اخته بتفتح قلبها له
فيصل : لااجل دامك كاتبه فيها عطينياها اقراها
فيصل قراء كل الخواطر المنشوره في المجله
فيصل : ياحركات وش هذا بس ابي اعرف شلون نشرتيها
سديم : تركي اخو ريما نشرها لي ومحد يدري الى هم وانت
فيصل : طيب ماصار لك معجبين
سديم : لاتوني مابعد اشتهرت الحمد لله بس وش معجبينه
فيصل : ماتدرين يمكن فيه واحد من هنا والى هنا
سديم : فيـ..صـ..ل
فيصل : وش فيك وش تبين تقولين
سديم : لا خلاص
فيصل : لاقولي لي عادي
سديم : لا خلاص ماعندي شيء
فيصل : على راحتك غرفتي وتدلينها اذا بغيتي شيء لايردك الى لسانك
سديم : الله لايحرمني منك
فيصل : ولا منك ..الا سديم تراني قلت لطلال لنك ماتبين تتزوجين
سديم وبلا مبالاة : خلاص انتهى الوضوع
فيصل : ايه اليوم كلمته وقلت له
سديم : طيب تبي مني شيء
فيصل : سلامتك
طلعت سديم من الغرفه وراحت لغرفتها تبي احد يفهمها علشان تقدر تقول اللي بخاطرها فتحت النت ودخلت الماسنجر اللي عسكر فيه سعود وتوقع انها تدخل اليوم
مداوي جرح الانثى : مراحبا بنور النت والماسنجر
الانثى الجريحه:اهلين
مداوي ...: وش عندك مقاطعتني وبعدين تراني زعلان
الانثى الجريحه :ماقاطعتك وبعدين ليه زعلان
الانثى ..: يالله وش مزعلك ترى اللي فيني مكفيني
مداوي ...: وش فيك ماتتحملين عتاب وبعدين وش فيك
الانثى ...: صارت لي ظروف ماقلت لي وش مزعلك
مداوي ...: مازعلني شيء
الانثى..: توك تقول اني مزعلتك لاتخلني احس بتعذيب الضمير
مداوي ...:كل شيء ولا تتعذبين زياده انا مااقدر اعذبك ولو اقدر اشيل عنك عذابك ولله اشيله
الانثى...: تسلم بس وش مزعلك الحين
مداوي ...: انا مو زعلان بس عتبان عليك شؤي وراح العتب بعد ماسلمتي علي
الانثى ..:يالله عليك الحين بتقول والا اطلع
مداوي ...: يالله بقول وامري لله انت يوم تنزلين اخر خاطره لك في المنتدى كنت في الماسنجر وفي المنتدى ولا عبرتي ولا سلمتي علي بس خلاص مو زعلان عرفت ليش ماعطيتيني وجهه كنت تمرين في حاله صعبه
االانثى ...: ااااه ياسعود
سعود انصدم يوم كتبت سديم اسمه توقع انها عرفته
مداوي ...: وش فيك
الانثى ...: غريبه
مداوي ...: ليه غريبه
الانثى .. : ماسالتني من سعود
مداوي ...: ايه صح من سعود
الولد فلّها "استانس" بعد ماتكلمت سديم عنه
الانثى ...: سعود هذا هو سبب مشكلتي الثانيه وانا بسمع نصيحتك
مداوي ..:أي نصيحه
الانثى ..: اني اتركه واخليه ماضي
سعود في خاطره " ولله علي نصايح مثل وجهي
مداوي ...: لا وش تتركينه دامك تحبينه
الانثى ..: انا يمكن كنت احبه بس للاسف هو ماعمره حبني
مداوي ...: وش معني انك يمكن كنتي تحبينه
الانثى ..: يعني حبه بخليه ماضي بخليه سجل محترق
مداوي ..: بس راح يبقى له اثرالرماد
الانثى ..:مو صاير اثره مثل اثر جرحه لي
مداوي ..: بس الجرح مصيره يتعالج ويندمل اذا اهُتم فيه
الانثى ..: هذا اذا اهتم فيه وبعدين من راح يهتم فيه انا ابيه يكون علامه لي علشان كل مافكرت فيه اطرده من افكاري وانشالله اقدر
مداوي...: ليش تكابرين يالانثى
الانثى ...: وش كابرت فيه
مداوي ...: انت عارفه انك ماتقدرين تكرهينه ولا تتخلصين من حبه خلاص ليه العناد خليه يداوي جرحك
الانثى ...: انت صادق بكلامك بس للاسف انك ماتعرف ولد عمي هومايقدر على مداواه جرحه علشان يداوي جرحي
مداوي ...: وش عرفك ان عنده جروح
الانثى ..: اول جرحه انه مغصوب علي من ابوه
مداوي ..: وش عرفك انه مغصوب عليك يمكن انه يحبك
الانثى ..: يمكن اصدق انه يحبني لو ماسمعت وش قال لابوه
مداوي ..: طيب انت وش ناويه تسوين اذا تزوجتيه
الانثى ...:وين قال اني بتزوجه
مداوي...: انتي مو تقولين انه مغصوب عليك
الانثى ...: ايه بس قلت لعمي اني مخطوبه لغيره وماعارض
مداوي ....: وانتي صدق مخطوبه
الانثي...:ايه بس رفضت اللي تقدم لي ماعندي أي استعداد انجرح خلاص لاني لو انجرحت بموت
مداوي ...: بسم الله عليك وش قاعده تقولين وبعدين لازم تكون ارادتك قويه
الانثى ..:صعب صعب يامداوي كنت معلقه امال على سعود لو كنت بس تعرف وش كثر حبه في قلبي ماتلومني على أي شي اسويه
الولد فلّها "استانس" بعد ماتكلمت سديم عنه
مداوي ..: طيب انت ليه ماتحاولين تغيرنه وتخلينه يحبك
الانثى ...: هههه ضحكتني شلون اخليه يحبني وهو مايواطني وماسعته الفرحه يوم عرف اني انخطبت
مداوي ...: طيب لو عرف عمك انك مو مخطوبه
الانثى ...:بقول ماصار نصيب
مداوي ...: لو خطبك لولده
الانثى ...: ماراح يخطبني
مداوي ....:وش عرفك
الانثى ...: سعود عنيد وكرامته فوق كل شيء بيقول اني فضلت الغريب عليه وشلون بياخذني
مداوي ...:طيب انا اقول لو خطبك
الانثى ..: الغالب اني برفض
مداوي ...: طيب ليه ماتحاولين تغيرينه من ناحيتك وتخلينه يحبك لا تصيرين ضعيفه خليه يحبك
الانثى ...: اقول غير الموضوع
مداوي ...: يالله عليك تعرفين تتهربين
الانثى ...:هذا شيء تعلمته من مداوي جروحي
مداوي ...:من هو مداوي جروحك
الانثى .....: وش فيك يعني من هو انت
مداوي ...:حرام عليك انا اصلا ماعرف وش معنى تتهربين علشان اعلمك
الانثى ...: ايه مره كثر منها
الحبايب جلسوا يسولفون
وفي غمره السوالف
الانثى ...: اسمح لي خالي يتصل اشوفك بعدين
مداوي ...: منتي راجعه اذا خلصتي المكالمه
الانثى ...: لا عموما مشكور
مداوي ...: على ايش
الانثى ...: على تحملك وسماعك همومي وشكواي ولله انه اخو غالي
مداوي ...: لاعادي انتي قبل كنتي تسمعيني يالله اطلعي كلمي خالك لاتخلينه يستناك
الانثى ...: باي
وطلعت من النت وردت على خالها
احمد : هلا سدوم
سديم : اهلين
احمد : وش اخبارك
سديم : بخير انت كيفك
احمد : بخير وش عندك متصله
سديم : اشتقت لك
احمد : اقول قولي غيرها
سديم : الحين يالخاين انا بنت اختك والا ساره
احمد : ليه وش مسوي
سديم : مدري عنك ترسل لها وانا ماتعبرني
احمد : حرام عليك من متى ماكلمتها ولا ارسلت لها
سديم : يانصاب
احمد : اقول اعقلي انا خالك
سديم : الخال مايكذب على بنت اخته
احمد : الا يكذب اذا نشبت في حلقه
سديم : بس خلنا من هذا كله وخلنا في الموضوع الاهم
احمد : وش هو
سديم : الرومنسيه اللي عندك انت وساره ترى ساره من يوم قرت رسالتك جلست تبكي
احمد : انا اقول ليه ماردت علي
سديم تقلد خالها :حرام عليك من متي ماكلمتها
احمد : يالله كنت امزح
سديم : ايه مره كنت تمزح طيب وش بتسوي بتكلمها
احمد : انتي وش راييك
سديم : انا رايي انك تجي وتخطبها علشان يكون كل اللي تسونه صح وماتكون ساره بين نارين نارحبها ونار احساسها بخيانتها لثقه اهلها
احمد : انتي خربتي المفاجاءه
سديم : أي مفاجاءه
احمد : انا ناوي بعد ماتخلص امها العده اني اخطبها
سديم : اهاااااء
احمد : وش اهاء يالله بس ضفي وجهك بكلمها اراضيها
سديم : ايه قل كذا
احمد : يالله باي
سديم : باي
انتهى هالجزء بس اوعدكم ان الجزء الرابع عشر راح يكون فيه نقله في حياة 3اشخاص من هم ترقبوا الجزء القادم
بعد هاللي صار بساعات وتحديدا بعد 10 الليل سديم دخلت الماسنجر وكانت مشتاقه له اشتياق مو طبيعي وطبعا لقت مداوي
مداوي : يامليون مرحبا وهلا وكل شيء بصراح فقدتك
الانثى :الله يسلمك انشاء الله ما تفقد عزيز
مداوي : هالاسبوعين حقت الامتحانات كنها سنتين بس هالبركه الخلاص
الانثى : الله يبارك فيك
مداوي : يالله ماعندك علوم اخبار خواطر جديده
الانثى : عندي لك خبر ماراح تصدق
مداوي : ايش
الانثى : سعود
مداوي : وش فيه
الانثى : مرسل لي رساله يبارك لي على الخلاص من الامتحانات
مداوي : وتقولين شكله يعطف علي الا ميت عليك
الانثى : بس غريب هالولد عجزت افهمه
مداوي : خلينا منه وسولفي مشتاق لك حيل
الانثى : انت قلتها مايجي منه الى وجع القلب
سعود وسديم جلسوا يسولفون على الماسنجر لحد 3 الليل
مداوي : يووووووووه راح الوقت بسرعه
الانثى : ايه ولله كن الساعات دقايق
مداوي : طيب انتي روحي نامي تلقينك من الصبح قايمه
الانثى : لا بجلس شوي مشتاقه لسواليفك
مداوي : بس انا ابيك تطلعين ترتاحين
الانثى : طيب انت ليه ماتطلع والا ناوي تكلم لك احد
مداوي : ايه ممنوع
الانثى : شف قله الحياء طيب انا اوريك بسوي لك حظر
مداوي : طيب سوي
الانثى : طيب يالله باي
مداوي : وشفيك زعلتي
الانثى : لا مازعلت توك تقول اطلعي انت وش تبي الحين اموت علشان ترتاح
مداوي : بسم الله عليك وشفيك قلبتي جد امزح معك
الانثى .............@@..........
مداوي : وينك ليش ماتردين لاتكونين زعلتي
الانثى : وليش مازعل
مداوي : جعل ربي ياخذني
الانثى : لا تدعي على نفسك
مداوي : وليش ما ادعي وانا الحين اللي اداويك ازيد طعونك
الانثى : خلاص ماصار الا الخير
مداوي : طيب اطلعي ارتاحي وانا بعد بطلع
الانثى : طيب
وطلعوا
راحت سديم للمطبخ تجيب كاس مويه لها وهي راجعه لغرفتها لمحت جوالها على الكنبه اللي في الصاله راحت بتاخذه سمعت صوت صياح لكن ياترى من كان مصدره
راحت سديم لمصدرالصوت
سديم : هاء ميونا وشفيك
مي : مافيني شيء
سديم : طيب ليش هالدموع
مي : بس اشتقت لابوي
سديم : طيب وش بعد
مي : مافيه شيء
سديم : انتي زعلانه انك وافقتي
مي ساكته
سديم : علشان هالموضوع طيب ليش وافقتي من اول
مي : انا اعرف ان ساره تحب احمد ومابيها تخسر هالحب بسبب تافهه
سديم لسانها انعقد من الصدمه
مي : انا عارفه بتساليني شلون عرفت دايم اسمع ساره تكلمه بالتلفون
سديم : طيب انتي ليش وافقتي كان رفضتي
مي : ماقدرت انا عرفت انه خطبك وخطب ساره وكلكم رفضتوا ومابغيت تصير مشاكل بين فيصل وطلال
سديم : طيب ليش تبكين انا بروح لفيصل واقول له انك غيرتي رايك
مي : لا لاتروحين انتي ماتشوفين فرحته
فيصل : بس عمر فرحتي ماانبنت على تعاسه غيري
سديم ومي : فيصل
فيصل : ايه فيصل ليه يامي علشان ترضيني تضيعين مستقبلك
مي : انا ماضيعته بس حسيت بخوف يوم حسيت ان الموضوع جد
ساره : فيصل انا موافقه على طلال
سديم : يمه انتم وين تطلعون معه
مي : على كيفك هو خطيبي الحين
ساره : مشكوره يامي بس هذا افضل قرار
فيصل : بس ياساره انتي رفضتيه وانا فاتحته بمي وافق وقلت له انك محجوزه لغيره
ساره : مين غيره
فيصل : فيه واحد خطبك مني قبل يومين وهو جاي رسمي بعد ماتخلص عده امي بشهر وراح يكون زواجك انتي ومي مابينه الا اسبوعين علشان نرتاح منكم
سديم : من هو يافيصل
فيصل : اذا جاء راح تعرفونه الحين كل وحده تروح لغرفتها وانتي يامي فكري بالموضوع هذي حياتك
وكل واحد راح لغرفته
اليوم النتايج
سديم : يالله ياشين لحظات الانتظار
ساره : ايه ولله
سديم : ومن زود الحظ الموقع زحمه يعني املنا ضعيف نشوف النسبه اليوم
فيصل دخل عليهم
فيصل : مبرووووووووووووووووك يالمصاريه
سديم وساره : على ايش
فيصل : سعود توه متصل يقول نتايجكم
سديم : ايه كم جبنا
فيصل : خليها مفاجاه
ساره : يابرد اعصابك ياشيخ
فيصل : اقول ترى خطيبك يسلم عليك والعد التنازلي بداء امي صار لها اسبوع مخلصه العده
ساره سكتت
فيصل : هذا حياء والا عدم موافقه على الرجال
سديم : الحين قل لي كم جبنا ويصير خيـ....ر
قطع كلامها رنه الجوال رساله
"مبرووووك على النسبه انتي وساره تستاهلون كل خير وعقبال التخرج من الجامعه"
سديم : يالله يابردكم
فيصل : ليه من المرسل
سديم : سعود يبارك على النسبه يالله بلا سخافه كم جبنا
ساره : عندي فكره اتصلي على سعود وراح يعلمنا
سديم : هاه بتقول والا اتصل
فيصل : يالله ولله ماتستحون يالله بقول لكم بس وش لي
سديم : اللي تبي
فيصل : اللي ابي
ساره وسديم : اللي تبي بس اخلص
فيصل : تراكم وعدتوني
ساره وسديم : يالله خلاص
فيصل : ساره جبتي 97.22وسدوم 96.65
ساره وسديم ماصدقوا من الفرحه قاموا يصيحون
فيصل : انا نافل لكم خبر نجاحكم اجل لو اني قايك انكم راسبين وش بتسوون الحمد لله
طلع فيصل وتركهم يحتفلون بطريقتهم
سديم : يالله ياساره مو مصدقه
ساره : لا تكفين عاد انا اللي مصدقه
سديم : اهم شيء نجحنا
ساره : وريما ورهف وش اخبار نسبهم
سديم : مدري بتصل اشوف
سديم تتصل على ريما
سديم : هلا رمو هاه بشري وش اخبار نسبتك
ريما وصوتها فيه نبره نوم : أي نسبه
سديم : الحمد لله وش أي نسبه ولا البنت ماشالت هم ونايمه قومي يالله طلعيها من النت
ريما : سديم لحظه فيه ازعاج تحت بنزل اشوف وش عندهم واكلمك وانتي طلعي نسبتي فاضيه لها اطلعها
سديم : الحمد لله يالله اكلمك بعد شوي
سكروااا
ريما نزلت تشوف وش اللي صاير عندهم
ام ريما : ريموه وينك تركي من الصبح يناديك
ريما : وش عند ك خربت علي نومي
تركي : ولله منتي كفو احد يتعب لك ويدور نسبتك ويعلمك
ام ريما : حرام عليك حطمتي الولد جاي يفرحك وانت ماتستاهلين
ريما راحت تبوس خد تركي : وهذي احلى بوسه لاحلى اخو هاه بشرني كم جبت
تركي : 88.25
ريما : ياحليلي متاكد انه انا
تركي : ايه ليش شاكه اني امزح
ريما : لاماتوقعتها بس ولله اني دافوره
تركي : الحين على 88 دافوره اجل وش تقولين عن سديم وساره
ريما : مشاء الله وانت وش عرفك بنسبهم
تركي : انا وسعود فتحنا النت وطلعناها
ريما : ايه قلت سعود طيب كم جابو
تركي : ساره 97 وسديم 96
ام ريما : ماشاؤ الله ولله ربي عوض حصه
ريما : حتى انتي عوضك والا وش رايك
تركي : لا في هذي انا اشهد معطيها ربي بنت ولا كل البنات برود وثقل طينه اجل فيه احد ينوم يوم النتايج والا يجيه النوم
ريما : يالله عليك قل ماشاء الله وش اسوي اذا ربي معطيني عقل زود عن الناس ولا اخاف من هالاشياء التافهه
ام ريما : اقول بس يالعاقله اتصلي على سديم والا ساره وقولي ان عشاهم علينا
ريما : وش المناسبه
ام ريما : نجاحكم
تركي : لا تعبون عمركم عمهم عازمهم اليوم
ام ريما : خلاص بكره
ريما : الحين اثبتي على راي
ام ريما : خلاص بكره
ريما : طيب
في بيت فهد
حصه : الف الف مبروك انشاء الله عقبال الدكتوراه
ساره وسديم : الله يبارك فيك
فيصل : ايه الحين رزوا خشومكم علينا
مي : الحمد لله هم من الاول رازينها جت النسبه وكملت
ساره : ليش غايره حبيبتي
مي : انا اغار وبعدين من ايش درجات هذي اخر اهتماماتي
سديم :عن اذنكم بروح ابشر خالي
فيصل : سلميني عليه اذا كلمتيه
سديم : انشالله
فيصل : هاه ياساره وش ناويه تدخلين
ساره : الطب
فيصل : اخس يعني بكون اخو الدكتوره ساره بنت فهد ....انشالله
ساره: انشالله بس خلهم يقبلوني
تلفون البيت يرن
فيصل: بروح ارد خلوكم في سواليفكم بس تحشون فيني
مي : منت اكبر همنا
فيصل : ايه انشاء الله مو اكبر همكم انا
راح فيصل للتلفون ورد
فيصل : هلا
المتصل : اهلين
فيصل : هلا ريما كيفك
ريما : بخير كيفك انت
فيصل : الحمد لله بخيرمبروك النجاح
ريما : الله يبارك فيك
فيصل : هاه بشري كم النسبه
ريما :88
فيصل : اوه اوه وش بتسوين بها هذي
ريما : اقول توني خالصه من تركي
فيصل : طيب بشويش علي بغيتي تاكليني
صمت
فيصل : وين رحتي
ريما : معك
فيصل : اناديك ساره سديم تكلم خالها بالجوال
ريما : ايه اتصلت عليها لقيته مشغول بغيتك تقول لاهلك ان عشاكم علينا بكره
فيصل : لاماله داعي
ريما : امي تقوله قالت قولي لهم لاتشاورينهم
فيصل : هههه طيب انشالله بقولهم تبين شيء ثاني
ريما : سلامتك
فيصل : الله يسلمك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك