رواية ماساتي في سطور الماضي -15
تركي : مع السلامه
رجع سعود للبيت وهو مو مصدق اللي صار له وسديم الليله كلها مانامتها من الصياح
الجزء الثالث عشر
فيصل صحى من النوم الساعه 1 من الليل راح للمطبخ يجيب له كاس ماء وهو مار سمع صوت صياح من غرفه سديم
طق الباب قبل مايدخل
سديم : من
فيصل : انا ممكن ادخل او تطلعين للصاله ابيك
سديم : فيصل اسفه ما اقدر اكلم احد
فيصل دخل عليها الغرفه وماشاورها
فيصل : سدوم وش فيك ليش تبكين
سديم ساكته مانطقت ولا بحرف
فيصل : سديم السكوت مو حل
سديم ماعبرته للمره الثانيه على التوالي
فيصل : سديم اذا كنت اكلمك ردي لا تسفهيني
سديم : وش تبي اقولك
فيصل : ليش الدموع
سديم : بس انا مضغوطه علشان كذا ابكي
فيصل : سديم العبي على غيري انتي تصيحين علشان الموضوع اللي صار لك وشلون بتواجهين زوجك اذا تزوجتي
سديم : انت قالتا اذا تزوجت بعدين مو هذا اللي يبكيني يافيصل مو هذا اللي يبكيني اكبر من كذا يبكيني الشعور بالالم يبكيني نظره الناس لي النظرة اللي كلها شفقه يبكيني ان مافيه احد يفهمني وتبكيني اشياء كثيرة
فيصل : افاااا ولله وانا اخوك كل هذا فيك ولا صارحتيني بشيء ليه ياسديم
سديم : متى كنت تبيني اصارحك وانت بالغربه
فيصل : انا عارف اني غلطت بس كان لازم اهرب وانتي تعرفين ليه
سديم : بس يافيصل المفروض انا اللي اهرب مو انت
لحظه صمت
فيصل : سديم اختي انتي تدلين غرفتي ومتى ماحتجتي لي بكون جنبك
سديم ماقدرت تحط عينها في عين اخوها وصارت تصيح
فيصل قام من مكانه وراح حضنها
فيصل : سديم انا عارف سبب دموعك
سديم سكتت
فيصل : لا يكون صدقتي اني مصدق انك بكيتي على حاله في المستشفى انا عارف انه موعلشان هالشيء بس ماحبيت اضغط عليك في شيء ماتبين تقولينه
سديم : بس انا يا فيصل
فيصل : بدون بس الحين نامي وبكره لنا كلام ثاني اذا رضيتي انك تفتحين قلبك لي وتامنيني على سرك
سديم : مشكور يافيصل
فيصل : على ايش
سديم : على كل شيء
فيصل : العفو مع اني ماسويت شيء
قام فيصل وطلع من الغرفه حست سديم براحه مع انها ماقالت له شيء بس على الاقل حس فيها
الحين انقلكم الى بيت يوسف وبالتحديد الطابق العلوي وبالاخص غرفه سعود
وبالضبط علشان تتخيلون معي كان منسدح على السرير
سعود "يالله وش كثر انا غبي ضيعت مني سديم بحركات طفوليه ..يالله شلون اقدر ارجعها ..لازم اكلمها واقول لها اني انا الشامخ واكيد بتغير رايها .. لالا يمكن ترفض علشان عرفت كل شيء والا يمكن تحب الشامخ ماتحبني ..ايه اهم شيء توافق علي ..ياغبيني شلون توافق علي وهي وافقت على اللي جايبه اخوها ..مالي الا اكلم فيصل هو اللي يقدر يساعدني ..بس وش راح اقول له ..اووووووف "
قام من على سريره وفتح النت يبي يعرف اذا سديم دخلت والا لا
وهو فاتح الماسنجر طلعت سديم داخله بس ما قدر يكلمها يحس انه بعد اللي صار انبنى بينهم حاجز
سديم ماكانت منتبهه لشامخ يوم دخل كانت هي بتدخل المنتدى وتنزل اخر خاطره لها وتطلع
طبعا اخونا في الله دخل المنتدى واستناها تعبره بس لا حياة لمن تنادي المهم البنت طلعت بعد مانزلت الخاطره
سعود طبعا كان اول القارئين لها بس انصدم كان يحس انه هو المقصود
سعود "يالله ياسديم ليه تكتبين هالكلام " وكان يقصد
" لماذا انا غير مرغوب بي دائما ..لماذا حس اني عبء ثقيل على الاخرين ..لماذا لماذا مالخطاء الذي ارتكبته..لمذا الكل يعيش ويحب وانا محرم علي ّذلك ..فاليوم مصيبتي ليست كأي يوم اليوم اصابني جرح مميت جرح لن يندمل ..جرحني من ارى انه الفارس المنتظر .. جرحني انا اعرف انه لم يحبني قط ولن يحبني ..اليوم ساطوي صفحت الماضي بمأسيه..ساطوي حتى معنى الحزن بحياتي "
سعود " مو معقول كنتي تحبيني قبل لالا لازم ارجع هالحب ولو كنت ......
سعود "ولو كنت ايش يالله وش اسوي مالي الا تركي
اتصل سعود على تركي وطبعا الساعه 3.12
تركي وهو يطالع الساعه اللي بيده "يالله من هالمزعج اللي متصل هالوقت "
طالع جواله
تركي "يالله هذا سعود وش عنده خلني ارد واشوف "
تركي : هلا
سعود : اهلين تركي عسى ما ازعجتك
تركي : لا خذ راحتك مو اول مره
سعود : تركي طلبتك لا تردني
تركي : وش عندك
سعود : ابيك تساعدني
تركي : في ايش
سعود : انا احب سديم
تركي : توك تعرف انك تحبها مو قلت لي انك ضيعتها
سعود : انا صدق ضيعتها بس ابيك تساعدني علشان ارجعها
تركي : سعود لو تطلب عمري ولله مايغلى عليك بس في هالموضوع بالذات ما اقدر
سعود : ليه ليه ياتركي تتخلى عني
تركي : انا ما تخليت عنك بس كل شيء ولا هالموضوع
سعود : وليه هالموضوع بالذات
تركي : انت لازم اللي ترجعها لازم تثبت لها وكل الناس انك جدير بها
سعود : مشكور وماقصرت
تركي : سعود الله يخليك لاتزعل مني كل شيء ولا زعلك
سعود :لاعادي مازعلت بس انت صح وانا بثبت لكم اني استاهلها
وقفلواا
تركي " يالله ليش سويت كذا كان ساعدته .. لا ليش اساعده يمكن هو مايستاهل سديم ..لا يعني انا استاهلها ..لازم اتصل عليه لا يزعل "
يتصل تركي على سعود
تركي : سعود انا بساعدك
سعود : لا خلاص تركي انا قررت مثل ماضيعتها بلقاها انت لا تعب نفسك
تركي : بس
سعود: بدون بس انا عارف انك تظنني زعلان وانا احلف لك ولله مازعلت منك ولاعمري بزعل انشاء الله
تركي : انا اسف
سعود : على ايش
تركي : على كل شيء
سعود: هههه انا اللي اسف انت ماعمرك غلطت علي انا اللي دايم مزعجك يالله الحين كمل نومك ورانا بكره شايب بنطلعه من المستشفى
تركي : يالله فمان الله
سعود : مع السلامه
سعود ماقدر ينوم الى ان جت الساعه 8 الصباح وبعد ساعه بيطلع ابوه
حط سعود راسه على الطاوله وبعدها راح في سابع نومه
في المدرسه مشى اليوم عادي بس كانت سديم مكتمه وزعلانه وساره ماحلت في الامتحان الدوري كان بالها مشغول في احمد وليه قطع عنها الاتصال وريما سرحانه في حالت سديم ورهف محد قدها سرحانه في اللبس اللي بتلبسه اذا مرها اليوم نواف ولا مي شيء ثاني هالبنت مضيعه منحاشه من الحصه ومسكوها المراقبات وخذتها تهزئ على الكحل والمسكره واللمعه اللي على الشفايف والتسريحه اللي مسويتها والاهم النحشه من الفصل
المهم رجعوا لبيوتهم
في بيت فهد
وبعد الغدا
فيصل ينادي اخواته
وبعد ماجتمعوا
فيصل : اليوم عمي طلع من المستشفى حضروا حالكم ترى بتزورونه اليوم
ساره : فيصل الله يخليك خلها الاربعا والا الخميس ورانا امتحانات
مي : انا عادي لو اروح اليوم
سديم : انا مع ساره
فيصل : خلاص اروح انا ومي ومازن وانتم الاربعا
انتهى الاجتماع وكل واحد راح لغرفته
الساعه 2
يرن جوال سعود فتح سعود عيونه ورد على المتصل
سعود وصوته واضح انه توه صاحي من النوم : هلا
يوسف :صح النوم وين اللي بيطلعني من المستشفى
سعود : ايييييييييييييييوه كم الساعه الحين
يوسف :2
سعود : انا جايك الحين
يوسف : لا ماله داعي
سعود : وش اللي ماله داعي
ويفتح باب غرفه سعود
ينقز سعود من الفرحه يسلم على ابوه ويبوس فيه
يوسف : خلاص ابعد عني كنك من سنه ماشفتني
سعود : افااااا يبه ماتبيني
يوسف : اللي ينساني ماابيه
سعود : ولله مانسيتك بس النوم ماجاني وفجاء يوم جت الساعه 8 نمت مدري وشلون الا من طلعك
يوسف : فيصل وتركي ودخلت عليك 10 لقيتك نايم وشكلك تعبان ماحبيت اقومك
المهم بعد ماتلاقوااا
المهم اتصل فيصل على عمه وقال انه جاي له العصر مع اهله
طبعا سعود استنتج ان سديم بتجي معهم الولد ماقصر كشخ وتعطر كنه معرس
العصر
يرن الجرس بيت يوسف
سعود اول مارن الجرس انطلق يفتح الباب مع انعدهم خدم كثر الجراد
سعود : هلا ولله بمن جانا
فيصل : ياهلا فيك
سعود : تفضلوا
دخلهم سعود للمجلس طبعا الولد انتبه ان مافيه الا حرمه وحده وشكلها مو سديم المهم راح الولد لابوه
سعود وبحزن: يبه فيصل تحت
يوسف : وش فيك تقولها وكن احد ميت عندك
سعود : مافيني شيء تامر شيء قبل ماروح
يوسف : وين تروح وولد عمك عندنا
سعود : بروح للمجله
يوسف : طيب وينهم فيه
سعود : في مجلس الرجال
يوسف : وراك ماخليت سوستي تدخل بنات عمك مجلس الحريم الحين بيجي تركي
سعود : ماجا احد من البنات بس وحده وشكلها الصغيره وتركي ماراح يدخل بنروح انا وياه المجله
يوسف : هههههه ايه عرفت ليه محزن الحين
سعود : وش فيك تضحك
يوسف :انا اقول لو تكلم ولد عمك احسن
سعود : اكلمه في أي شيء
يوسف : ولله انت اعلم
طلع يوسف وراح عند عيال اخوه
جلسوا الى المغرب بعدها استاذنوا يرحون بس يوسف حلف عليهم انهم يتعشون
فيصل : خلها وقت ثاني
يوسف : انا اعرفكم ماراح تطبون البيت مره ثانيه
مي : لاعمو وش دعوه كل يوم بطب عليك الى ان تمل مني
يوسف : انا امّل منك افااا ولله
مازن : واناتمل مني يبه اسف عمي
مازن ماكان يقصد انه يقول يبه بس الشبه بين فهد ويوسف كبير وعصطف يوسف ذكر مازن بابوه
نزل يوسف لمستوى مازن والدموع في عينه
يوسف : حلوه يبه طلعه منك كررها كل يوم ولا امل منك وكل يوم انا برجعك من المدرسه مع السواق وش رايك
مازن : صدق عمي
يوسف : انا وش قلت ماابي عمي مره ثانيه
فيصل : ماله داعي ياعمي تعب عمرك انا امره كل يوم وبعدين انا مقدم على سائق وزوجته
يوسف : خلاص بصير اوديه واجيبه الى ان يجي السائق
مازن حضن يوسف وعيونه كلها دموع
مازن : مشكور يبه
فيصل في خاطره "اااه يايبه ياليتك هنا تشوف اخوك اللي دايم تحذرنا منه "
يوسف : فيصل وين وصلت
فيصل : لا معكم
يوسف : طيب وش قلت في العشاء
فيصل : خلها الاربعاءعلشان سديم وساره هم ناوين يجون يسلمون عليك
يوسف : خلاص الاربعاء
فيصل : يالله مع السلامه
يوسف : مع لسلامه
فيصل وهو طالع مع الباب كان سعود توه بيدخل
سعود : اذا حضرت الشياطين ...
فيصل : لا حرام عليك انت شيطان
سعود : وراكم عجلين على الروحه
فيصل : يالله توني مخلص من ابوك
سعود : اصلا انا مستغرب انه مانشب فيكم وخلاكم تقعدون بالغصب
فيصل : هو ماقصر بس انا وعدته يوم الاربعا كلنا بنجي نتعشى
سعود ماشالته الارض من الفرحه : الله يحيكم
فيصل : الله يسلمك
سعود :فيصل اذا فضيت ابغاك
فيصل : انا فاضي برجع مازن ومي للبيت وارجع لك
سعود : لا انت حطهم وانا العشاء بمرك
فيصل : خلاص وهو كذلك
اتصل سعود على تركي
تركي : هلا
سعود :اهلين وش اخبارك د
تركي : ماصار لك ساعه تاركني يعني وش اخباري
سعود : اسمع بس لقيتها
تركي : وش لقيت
سعود : الفكره
تركي : ليش كنت مضيعها في بيتكم خخخخخ
سعود : ياثقل دمك ياشيخ لقيت الفكره اللي بترجع سديم
تركي: سمعنا يالبو الافكار
سعود : انا قلت لفيصل لني ابغاه اليوم
تركي : وبعدين
سعود : ولا قبلين بقول له اني ابي سديم
تركي : الحمد لله رب العالمين الحين ماقلت له انك تحب وحده في النت
سعود : ايه بقول له كل القصه وبقول له من تكون اللي احبها
تركي : وظنك بيوافق
سعود : بحاول انا وش خسران
تركي : خلاص شف وش يصير معك وانا بكلم ريما تقول لي اخبار سديم
سعود: ايه تكفى هذا اهم شيء
تركي : كم تدفع على الخبر الواحد
سعود : طحت من عيني ماتوقعت انك مصلحجي
تركي : لازم اظمن مستقبلي والا وش رايك ههههه
سعود : اقول انقلع بس
تركي : انا بنقلع بس ها وجههي ان قلت لك شيء عن سديم
سعود : لا من الحمار اللي قال انقلع
تركي : انت هههه
سعود : اقول الله يسلط عليك من يذلك مثل ماتذلني
تركي : حرام عليك انا اذلك انا بس استفزك ماديا
سعود : الحين يقال لك تفرك اقول بس مع السلامه خسرتني
تركي : افااااااااااماتوقعتك بخيك كل شيء متوقعه الى هذى لازم اقول لريما تنبه سديم لهذي النقطه لاتنخدع فيك بعدين
سعود : آآآآآآآآآآآآآه بس لاتذكر اسمها قدامي
تركي : وليه انشاء الله
سعود : قلبي يوجعني كل ماذكرت اني مزعلها
تركي : اجل دامه يوجعك سديم سديم سديم سديم
سعود : ولله ان فيك عرق نذاله ياذا الولد
تركي : من عاشر القوم اربعين يوم
سعود : اقول بس مع السلامه بروح لنسيبي
تركي : الحين بيذن العشاء صل ثم رح
سعود : بصلي عندهم انا مواعده بعد العشاء
تركي : اجل دام الدعوه مواعده وخيانه مع السلامه
سعود : وش خيانته
تركي : مدري همال تقول انك مواعده بعد العشاء اكيد بعد الموعد بتتعشون ولا عزمتني ولاشيء
سعود :ههه همك على بطنك يالدب
تركي ك لاتكفي عاد يالرشيق اصلا بروح لحالي اتعشى بلا مذله
سعود : ههههههههههههههه ضحكتني يالله بس تقلع
تركي :طيب بتقلع باي
سعود :باي
وقفلواا >>اكيد قفلوا ماقالواا باي الا بيقفلون والا زياده كلام خخخ
وجاء الموعد المرتقب
فيصل وسعود راحوا الى احد مطاعم الرياض الفخمه "مسيكين تركي كان قلبه حاسه ان فيه خيانه بتصير "
سعود : وش تشرب قبل العشاء
فيصل : لا ولا شيء بس انت وش عندك
سعود : لالازم تشرب شيء مايصير ادخل بالموضوع وبطنك فاضي
فيصل : خلاص عصير اناناس
سعود نادى القرصون "مدري وش اسمه عندنا "وطلب منه عصيرين برتقال واناناس
المهم الطلب وصل
فيصل : هذا العصير ووصل وش عندك
سعود : فيصل وبدون مقدمات ابيك ترفض المتقدم لسديم
فيصل فتح عيونه من الدهشه
سعود : لاتندهش وتقول انا مالي دخل بالموضوع لاني عارف ان سديم مو موافقه عليه وماراح تكون سعيده معه
فيصل : ومن قال لك هالكلام وباي صفه تقول ارفض اللي متقدم لها
سعود : بصفتي ولد عمها والاحق فيها "ولله يمون الرجال اقول ياشين عيال العم وبس قبلهم غثاء "
فيصل : وش احق فيها ووش هالتخلف
سعود : انا قلتلك يافيصل سديم انا ابغاها
فيصل : بس هي ماتبغاك
سعود : اناعارف من اللي تبيه
فيصل وملامح الدهشه رجعت له مره ثانيه
سعود : ايه لاتستغرب من اللي قلته
فيصل : انا مااستغربت بس انا اشوف وقاحتك الى تعدت حدودها
سعود : ليه انا وش قلت
فيصل : سلامتك ماقلت شيء بس تعرضت لشرفها وقلت انها تعرف واحد
سعود : فيصل متى قلت هالكلام لاتقولني شيء ماقلته
فيصل : اجل وش معنى كلامك
سعود : هذي قصه طويله ماراح تفهمها بس اتمنى انك ترفض اللي متقدم لها
فيصل : اولا انت مالك شغل فيها ويكون في علمك انا ماعطيت الرجال كلمه وهو متوقع رفضها ولو ماتزوجته ماراح تتزوجك لانها ماتبغاك وانا بعد ماراح اوافق
سعود : وليه ماتوافق
فيصل : انت نسيت انك قلت لي انك تحب وحده ومستحيل تتخلى عنها
سعود : يالله ماهذي المشكله ني احبها ومااقدر اتخلى عنها
فيصل : سعود انت وش تبي توصل له بالضبط
سعود : ابيك تسمعني من الاول الى الاخير ولا تقاطعني وتوعدني مهما يكون ردت فعلك نبقى اخوان
فيصل : يالله اخلص لاتحرق دمي
سعود : البنت اللي قلت لك اني احبها هي سديم وتعرفت عليها بالصدفه في النت ويوم عرفت انها هي سديم تعلقت بها زياده واللي اكتشفته اني ماحبيتها في النت الى بعد ماعرفت انها هي سديم
فيصل كان منصدم من الكلام اللي سمعه من سعود
سعود : انا عارف انك مو متخيل القصه بس هذي الحقيقه واظن قلت لك قصتي في المستشفى وهذي تكملتها
فيصل وهو منصدم : ليه ليه ياسديم تخونين ثقتنا
سعود : لا يافيصل سديم ماخانت ثقتكم ولا شيء ولله يشهد اني ناقد شفتها في المنتديات تكلم واحد وتتميع مع الثاني
فيصل : واللي صار معك وش تسميه وايميلها شلون جاء معك
سعود : يالله عليك انا بعيد لك القصه من البدايه
.........................................وقال سعود كل السالفه وفيصل كان ماسك الكاس العصير ويحرك المظله اللي عليها وهو سرحان في كلام سعود
سعود : وهذي كل السالفه
فيصل ماردعلى سعود
سعود : فيصل وين رحت
فيصل : لامعك
سعود : طيب وش رايك في اللي قلته
فيصل : ماادري وش اقولك بس اللي قلته مايتصدق
سعود : انا عارف يافيصل انه مايتصدق بس هذا اللي صاروابيك تساعدني
فيصل : وش اساعدك فيه
سعود : ابيك تساعدني اني اخذ سديم
فيصل : انا مدري وش اقول لك ياسعود بس سديم اظنها تغيرت مشاعرها تجاهك
سعود : انا برجعها مثل اول واحسن بس انت خلك معي
فيصل : الشكوى لله انا معك مع اني ضد اللي صار كله
سعود :خلاص يوم الاربعاء اخلي ابوي يكلم سديم ويخطبها منك وانت حاول تقنعها وبقول لتركي يخلي ريما تقنعها انا عارف انهاماترفض لكم طلب يالاثنين
فيصل : بس ابي منك وعد
سعود : وشو امر
فيصل : ماابيك تزعل سديم ولا تجرح مشاعرها اللي عانته في الدنيا كثير
سعود : لاتوصي حريص انا احرص منك عليها
فيصل : اجل يالله
سعود : وش يالله
فيصل : هيه لاتكون بتسحب علي وماتعشيني
سعود : يالله مو ساحب عليك بس ربي باليني بثنين دببه ما يشبعون
فيصل : ههههههههه انا الاول والثاني من
سعود : يعني مين غير تركي
في هذه اللحظه يد تخبط سعود من ظهره
سعود وهولاف : خير انشــــــ......
تركي : ايه كمل تحش فيني وتبيني اسكت
فيصل :ههههه صادك بالجرم المشهود
سعود : وين طلعت منه
تركي : هاهاهاء تبيني اعرف انك وفيصل طالعين تتعشون مع بعض ولا اجي معصي انا اسبقكم
سعود: وش عرفك انّا هنا
تركي : سر المهنه ياحلو
فيصل : لاجد شلون عرفت انّا هنا
تركي : ابد الله يسلمك قعدت افتر في شوارع الرياض المحترمه وشفت سياراتكم قدامي وشميت ريحه خيانه يوم دخلتم المطعط وقلت بس ياولد وراهم اكيد الدعوه فيها عشاء ونزلت يوم سمعتكم تطرون طاري العشاء جيتكم وعلى فكره ياسعود يوم كنتم تسولفون وتحلون الازمه الديمقراطيه طلبت لي عصير وشيز كيك على حسابك
فيصل : ههههه اللله يحللني عنده ياسعود
سعود وهو فاتح خشته من الصدمه: لا ولله كلكم نفس الطينه اللي يعيني على الحساب
المهم الشله جلسوا يضحكون ودقوهاسهره وبعدين اندق سعود في الفاتوره
في بيت فهد
ساره كانت تذاكروسديم جالسه مع مازن ومي وحصه اللي من يوم جو من بيت عمهم وهو يمدحون فيه وماخلوا شيء في بيتهم مامدحوه الى ان وصل الموضوع لسعود مي جلست تمدح فيه
مي : ولله يهبل ياحظ اللي بتاخذه جسم وعضلات وشعر ناعم وشفايف صغيره وخشمه سنت سيف والعيون وساع وعسليه ولا حواجب مرسومه وفوق هذا كله كشخه البنطلون بيج عليه قميص مقلم بالطول الوان فاتحه وفوقها كنزه صوف بيج وفيها احمر ومطلع القلابي من تحت الكنزه الصوفيه صراحه طالع شكله جنان
سديم كانت سرحانه مع كلام مي ومدحها لسعود
حصه : بس يابنت استحي
مازن : وش فيها اخوها وتمدحه
حصه : وين اخوها معه يالحبيب
مازن: عمي يوسف قال خلاص نادوني بيبه وخلاص اذا صار هو ابونا سعود يصير اخونا
حصه كانت مندهشه من كلام مازن ومي عن عمهم وتعلقهم السريع فيه
المهم وساره في غرفتها تذاكر صوت نغمه رساله جتها
ساره فتحت الرساله وماصدقت انها من احمد
" لقد منعت يدي ان تكتب لك ومنعت قلبي ان يزيد في حبك ومنعت عقلي ان يفكر بك ولكن كلها تأبي الأنصياع لاوامري
وابت الا ان تذكرك بي
فيدي لم تبرح القلم حتى سطرت لك ارق العبارات ..احبــــــــــــــــــــك .. وقلبي ابى الاان يزيد هيمان وعشق بك فحفرفي جوانبه ...عشقـــــــــك في زيادة .. وعقلي لم تمضي ثانيه الا وداعبتي خياله فكيف بالله يأبه بي ويمنع نفسه من التفكير بك وهو من وضع على جداره ..المكان مشغول حاليا وابدا لـــــــــــــــــــــــــك حبيبتي "
ساره ماعرفت شلون ترد عليه وصار احسن رد لها انها تبكي
دخلت حصه على ساره تناديها علشان تتعشى لقتهى تصيح
حصه : ساره وش فيك حبيبتي
ساره : مافيني شيء
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك