رواية ماساتي في سطور الماضي -14
سعود كان جالس مع ابوه يسولفون
يوسف : انا اسف ياولدي اني مديت يدي عليك
سعود : تمون يبه حتى لو تذبحني عادي
يوسف : انت الحين صادق بالي تقوله
سعود : ايه لوتذبحني فدوه لك
يوسف : مو هذا اللي اقصده صدق انك موافق على بنت عمك
سعود نزل راسه : ايه بس
يوسف : بس ايش
سعود : انت تعبان الحين اذا شفيت قلت لك
يوسف : قل الحين
سعود : فيصل قال لي ان سديم انخطبت
يوسف وتغير لون وجهه : انت متاكد
سعود :ايه
يوسف : اتصل عليه وعطنياه ابغى اكلمه
سعود : انشاء الله
اتصل سعود على فيصل وبعد ماسلم عليه
سعود : فيصل ابوي يبي يكلمك
فيصل : خير انشالله عطنياه
سعود : يبه خذهذا فيصل
يوسف : هلا ولله بولدي
فيصل : هلا فيك يالعم
يوسف : طلبتك ياولدي
فيصل : تامر يلعمي وش طلبك
يوسف : ابيك بكره تجي انت وسديم
فيصل : غالي والطلب رخيص اصلا انا واخواني كلهم جايين بكره
يوسف : الله لا يهينك ابي سديم بس
فيصل : تامر
يوسف : اجل فمان الله
فيصل : فمان الكريم
فيصل قفل من عمه وهو مستغرب قال لسديم ان يوسف يبيها
تركي اتصل على ريما يتاكد من خطبت سديم
ريما : انت تتكلم صدق وسعود وش عرفه
تركي : السالفه طويله
ريما : انا فاضيه ماعندي شيء يالله قل
تركي : فيصل ...........ق\س من الاول الى الاخير وطبعا قال لها سالفه العمليه والزواج
ريما مسويه ماتعرف السالفه : يالله كل هذا صاير له
تركي : لا بعد قلبه فيه بلاء اظن انه ماقال لاهله علشان مايخافون عليه
ريما وبخوف : ليه وش في قلبه
تركي : مدري بس الظاهر لازم يركب له صمامات في الشرايين غير العيب اللي فيه بس مالقواللعيب علاج الا انه يبعد عن الزعل والعصبيه بس تحسين انه ماشال هم مرضه شايل هم اهله اذا صار له شيء
ريما الدموع تهل من عيونها ماكانت تدري عن مرض قلبه كانت تحسب انه سوى العمليه وشفى
تركي : هيه وين رحتي
ريما : يالله باي بتصل على سديم
تركي : طيب شوفي الموضوع وردي علي
ريما : انشاء الله
ريما قفلت من تركي واتصلت على سديم
سديم : هلا ريما
ريما : ليش ماقلتي لي
سديم : اقول ايش
ريما : ليه ماقلتي ان فيصل فيه عيب بقلبه
سديم : أي عيب
ريما : انت عارفه وانا عارفه
سديم : شلون دريتي مااحد يعرف بالموضوع الا انا وفيصل حتى امي ماتعرف
ريما : مو لازم تعرفين شلون عرفت ابي اعرف ليش ماقلتي لي
سديم : هو طلب مني مايبي انك تسامحينه شفقه
سكتوا للحظات
سديم : ان كانك بتسامحينه شفقه انا اقول ريحي عمرك
ريما : وانت مصدقه اني اقدر ازعل عليه لو اموت فدوه له بس كان لازم تقولين لي
سديم : الله الله وش هالحب
ريما : اقول خلينا من هالكلام انتي انخطبتي
سديم : لا وين انخطب معه
ريما : اجل انا مضيعه
سديم : لابس تبين تصرفين علشان ماانشب فيك وتكملين كلام الحب والغزل
ريما : اقول تقلعي
سديم : تصدقين فاقدته
ريما : من هو
سديم : الشامخ
ريما : الله الله وتقولين اخوه ترى ماصارله راسل لك 24 ساعه
سديم : لوسمحتي صار على رسالته 22 ساعه
ريما : لالالا البنت انهبلت مع السلامه لاتطلع الفصايح الباقيه
سديم : بااااي
وقفلوا
ساره دخلت على سديم غرفتها
ساره : سدوم وش اخبار خالك
سديم : يعني مسويه ماتعرفين اخباره
ساره : لا ولله من يوم الخميس ما اتصل شكله زعل
سديم : وليه يزعل
ساره : لاني قلت له اللي نسويه غلط ......ق\س
سديم : لا ما اتوقع زعل بس يمكن اقتنع في كلامك
ساره: ياليته ما اقتنع
سديم : استحي على وجهك
فيصل دخل عليهم
فيصل : وش فيكم
البنات : مافينا شيء
فيصل : طيب ساره ممكن تتركيني مع سديم
سديم بصوتواطي : وانا صايره مستشار الحب لكم في البيت
فيصل وساره : وش قلتي
سديم : سلامتكم
طلعت ساره
فيصل : ترى ريما اتصلت امس
سديم : ايه وش بعد
فيصل : بس
سديم : انا عارفه وش تبي
فيصل : لا مابي شيء
سديم :خلاص اجل
فيصل : وش خلاص
سديم : انت ماتبي شيء
فيصل : اووه انتي عارفه وش ابي
سديم : انا قايلته لو يعينوني مستشارة الحب كان ازين
فيصل : طيب الحين وش قالت
سديم : ماقالت شيء بس
فيصل : بس وش
سديم : انت عارف ماله داعي اقولك
فيصل رمى المخدة على سديم :مالت على وجهك هذا وانا جايب لك معرس
سديم وقلبت جد وبعصبيه :اصلا انا مابي اتزوج
فيصل : طيب بش ويش وش فيك قلبتي بعدين ماسالتي من يكون
سديم : فيصل لو سمحت
فيصل : براحتك
طلع فيصل من الغرفه وسديم حضنت المخده وجلست تصيح
اليوم الاحد وتحديدا العصر وبالاخص في المستشفى وبالتحديد في غرفه يوسف
سعود : يبه فيصل اتصل علي يقول انه في الطريق
يوسف : الله يحييه بس ما ابيك تقول شيء في الموضوع انا بتكلم
سعود : بكيفك
دخل عليهم تركي
تركي : السلام عليكم
سعود وابوه :وعليكم السلام
يوسف : هلا ولله فيك ياولدي
سعود : هاه شلون المجله
يوسف : افااا الحين تسال تركي يعني ماطبيت المجله من يوم طحت لقيتها من الله
سعود : حرام عليك الجلسه في المجله ولا في المستشفى
تركي : هههه.. بروح اجيب من السياره الاوراق اللي لازم تتوقع
يوسف : خلها بعدين
تركي : لا لازم العدد بينزل الثلاثاء لازم نخلص كل شيء
يوسف : بغيت اريحك
تركي: راحتي في شغلي
وطلع تركي
في موقف السيارات
فيصل : سديم انتي ادخلي وانا بركن السياره وبمر محل الورد اجيب باقه
سديم : طيب في أي غرفه
فيصل ...234الجناح...
وراحت سديم وفي الطريق للغرفه لمحت تركي
سديم : هلا تركي
تركي استغرب من البنت اللي تكلمه : اهلين
سديم : انا سديم ماتعرف وين غرفه عمي
تركي : ياهلا ولله عمك في اخر الممر الغرفه اللي على يسارك
سديم : مشكور
تركي : العفو
مر اللقاء عادي سديم راحت لغرفه عمها يوم جت بتدخل
يوسف : انا ماابيك تفشلني مع بنت عمك اذا جت الحين سمعتني
سعود : خلاص يبه انا بتزوجها علشانك يعني ماراح افشلك ولا تزعل وانا ما كان ودي ان كل هذا يصير وانك تطيح
في المستشفى
يوسف : انا اليوم بفتح الموضوع
سعود وبدون نفس : اللي تشوفه يبه
يوسف : وش فيك اللي يسمعك يقول مغصوب
سعود : انت عارف وش فيني ماله داعي تفتح الجروح مايكفي ان الموضوع مدخلك المستشفى
يوسف : الله يهديك ياولدي ترى سديم بنت عمك ومافيها عيب
سعود : خلاص قلت لك موافق ماله داعي كل هالكلام
سديم سمعت كلام عمها لسعود وطبعا فهمت انها السبب في اللي صار في عمها وتاكدت ان سعود مايبيها
سديم ماتحملت كلام سعود كانت تحسبه على الاقل يكنّ لها ولو معزه على انها بنت عمه
البنت ماستحملت وراحت تركض وطلع منها صوت عند الباب لف سعود ويوسف
يوسف :وش هذا
سعود : مدري يمكن عمال النظافه
وهي تصيح كان تركي راجع والأوراق معه طبعا انتبه ان اللي تركض سديم
تركي استغرب وجلس يناديها وهي ما ترد وتشاهق عرف تركي انها تصيح
تركي :سديم سديم وش فيك تصيحين
سديم ما عطته وجهه وراحت لخوها اللي كان في الاستقبال كان توه جاي من محل لبيع الورد
فيصل : سديم وش فيك ماعرفتي تروحين لغرفه عمي
سديم وصوتها في نبره الصياح ّ: لا كنت استناك
فيصل : طيب وش فيه صوتك
سديم : مافيني شيء
فيصل بعصبيه : سديم الحين بتقولين وش فيك والا لا
سديم : ياربيه وش فيك قلت لك مافيني شيء بس شفت تو حاله تقطع القلب
فيصل : طيب خلاص تعالي نروح لعمي
وراحوا لغرفته
في الممر اللي قبال غرفه يوسف كان تركي واقف وهو منصدم
تركي "يالله وش فيها تصيح وش صار لها "
وهو داخل بالاوراق سمع يوسف يوصي سعود على سديم
توقع تركي ان سديم كانت تصيح لحاله عمها او ان احد ضايقها من اللي يشتغلون بالمستشفى
دخل تركي على يوسف وخلاه يوقع على الاوراق
بعدها دخل فيصل وسديم
فيصل وسديم : السلام عليكم
الكل : وعليكم السلام
سعود قام من الكرسي يوم شاف سديم وتركي فتح عيونه على سعود وعلى حركته اللي سواها
تركي : يالله هالانسان غريب احيانا احس انه وده يذبحها واحيانا احس انه يموت فيها "
يوسف : ياهلا باللي جانا
فيصل : ياهلا فيك
تركي : انا بطلع تامرون على شيء
سعود : خذني معك
سديم "يالله حتى مو طايق يجلس بنفس الغرفه اللي انا فيها ليه ليه ياسعود كل هذا ليه تبي تقطع اخر امل لي "
يوسف : وين
سعود : خلكم تاخذون راحتكم
طلع سعود وراح مع تركي
تركي كان سرحان في سديم
سعود : تركي وين وصلت
تركي : معك
سعود : ايه مره
تركي : تبي الصدق انا مستغرب منك
سعود : ليش وش فيني
تركي : ياخي احس انك غريب
سعود : وليه
تركي : انت تميل لسديم
سعود : مدري
تركي : وشلون ماتدري
سعود : صدقني مدري اسمع بروح اشوف اذا راحوا والالا
تركي : عاش مصرف
تركي ماكان عاجبه ان سديم تصيح اتصل على ريما وقال لها اللي صار
عند غرفه يوسف
سعود وهو بيدخل
يوسف : صدق الكلام اللي وصلني يافيصل
فيصل : أي كلام
يوسف : ان سديم جاها عريس
فيصل :ايه ياعمي خطبها واحد من اصدقائي اعرفه من 5سنين ماعليه كلام
يوسف : بس انت عارف ان سديم لسعود وهذي وصيه خالد وفهد
فيصل : بس ياعمي لوكان ابوي وعمي حيين ماراح يقولون الا اللي بتقوله سديم
يوسف : وانت وش رايك ياسديم
سديم ماكنت معهم كانت تذكر كلام سعود لابوه وكيف جرحها وحسسها انها مو مرغوب فيها
فيصل : سديم عمي يكلمك
سديم : هلا وش قلت
يوسف : اقول وش رايك بالرجال اللي جايبه اخوك
سعود وقف عند الباب وكان يدعي انها ماتوافق ومايدري ليش مع انه مايبيها
سديم : انا ماعندي مانع اتزوج اللي يقول عنه فيصل
فيصل انصدم من كلام سديم اليوم كان مفاتحها بالموضوع وكانت رافضه
يوسف : طيب ولد عمك
سديم ماتدري وش تقول
في هاللحظه دخل سعود
سعود : يبه الدكتور يقول انك تقدر تطلع بكره
سديم تفاجات من طريقه دخول سعود وكنه قاصد هالشيء علشان ماترفضه
يوسف :الله يبشرك بالخير
سعود وقف مايدري وش يقول :طيب انا بطلع تبي شيء
فيصل : لا خلاص انّا بنطلع تعال انت وتركي
يوسف : انا انتظر ردك ياسديم وانا معك في أي قرار تتخذينه انا في مكان ابوك لا تستحين مني
سديم : الله لا يحرمني منك
وطلعوا
سعود جلس يسولف مع ابوه ثم استاذن علشان يروح للمجله
وفي سياره فيصل كان الصمت هو سيد الموقف الا ان
فيصل : سديم
سديم : انا عارفه وش بتقول ليش انا وافقت مع اني كنت رافضه قبل بس
فيصل : مافيه شيء اسمه بس لازم اعرف السبب
سديم : خلاص مو موافقه
فيصل : وش فيك غيرتي رايك
سديم : يالله وش تبيني اقول
فيصل : ابيك تقولين لي الحقيقه
سديم : فيصل انت ترضى تعيش مع احد رافضك
فيصل : لا
سديم : خلاص سعود بعد رافضني بس عمي هو اللي مجبره
فيصل سكت
سديم : فيصل ابي منك طلب
فيصل : امري
سديم : ابيك تقول لطلال عن اللي صار لي
فيصل سكت للمره الثانيه
سديم : انا عارفه انها صعبه بس علشان ماتغش صاحبك ولاتقول ان اللي سوا كل هذا ....
فيصل : ابوي
سديم : قل كانت رايحه للجيران وواحد تهجم عليها
فيصل : انتي ماتخافين انه يرفضك
سديم : اصلا انا ماابي اتزوج يعني لو رفض جت من الله
فيصل : خلاص انا بقوله انك مو موافقه وخلاص ومو لازم تاخذين سعود اهم شيء راحتك
سديم : تسلم ياخوي
ووصلوا للبيت
طبعا سديم راحت لغرفتها وفتحت دفترها
" لماذا انا غير مرغوب بي دائما ..لماذا حس اني عبء ثقيل على الاخرين ..لماذا لماذا مالخطاء الذي ارتكبته..لمذا الكل يعيش ويحب وانا محرم علي ّذلك ..فاليوم مصيبتي ليست كأي يوم اليوم اصابني جرح مميت جرح لن يندمل ..جرحني من ارى انه الفارس المنتظر .. جرحني انا اعرف انه لم يحبني قط ولن يحبني ..اليوم ساطوي صفحت الماضي بمأسيه..ساطوي حتى معنى الحزن بحياتي "
قفلت الدفتر بعدها رن جوالها والمتصل ريما
طبعا زي ماقلت لكم ان اخونا في الله تركي ماكذب خبر اتصل على ريما وقال لها ان سديم كانت بالمستشفى وتصيح والبنت طالعه على اخوها ماكذبت خبر واتصلت على سديم علشان تعرف السالفه
ريما : هلا سدوم
سديم وباين انها كانت تصيح : اهلين ولله
ريما مسويه ماتعرف الموضوع : سدوم وش فيك سدوم
سديم : اااه ياريما
ريما : وش فيك
سديم : ما اقدر اقول لك على التلفون لازم اشوفك
ريما : خلاص انا جايه الحين
سديم : لا الوقت متاخر
ريما : وش متاخر توها 6.30 بعدين من بعد السافه اللي بين بيتنا وبيتكم خلاص انا جايه
وقفلت طلعت سديم تقول لاهلها ان ريما بتجي
المهم يرن الجرس وطبعا فصول ماكذب خبر عارف انها بتجي انطلق يفتح الباب لها
ريما دخلت ويوم شافت فيصل انصدمت ماتوقعت انه هو اللي يفتح الباب
فيصل : مراحب
ريما : هلا
فيصل : كيفك ريما
ريما : بخير كيفك انت وفهد
فيصل : الحمد لله بخير سديم داخل تنتظرك
دخلت ريما وهي متشققه
فيصل ماكان يقدر يحدد شعوره تجاة ريما من بعد ماعرف باللي سوته كاتي كان حب كاتي كل يوم يكبرفي قلبه ومايدري كيف يوقفه وخاصه بعد مارجعت الامور لمجاريها مع ريما
المهم دخلت سديم وريما الغرفه وبعد ماسكرت اغلباب سديم خذتها صيحه وريما تهديها
سديم : خلاص خلاص ياريما
ريما : وش خلاص
سديم : سعود يكرهني
وطبعا سديم قالت السالفه كلها لريما
ريما :انتي الحين ليه زعلانه
سديم : مدري كنت احسبه .....
ريما : خلاص خلاص ياسديم كل شيء انتهى
سديم : انت قلتيها كل شيء اليوم انتهى
ريما رجعت لبيتهم واتصلت على تركي وقالت له كل السالفه
تركي انصدم من كلام سعود اللي قاله وما تحمل ان سديم تكون تصيح من كلامه
تركي راح للمجله علشان يكلم سعود
دخل تركي بقوه عليه في المكتب
سعود : مراحب
تركي : انت من تحسب نفسك البنات ميتين علشان ياخذونك
سعود :تركي وش فيك وش سويت انا علشان كل هذا
تركي : يعني مسوي انك برئ انا كم مره حذرتك انك ماتزعل سديم
سعود : ياخي وش فيك قلبت مره وحده ومتى زعلتها اصلا ماشفتها بعد ماطلعت من المستشفى
تركي : اليوم الكلام اللي قلته لابوك عن انك مغصوب سمعته
سعود انصدم من كلامه : مومعقوله تكون سمعتني بس خلنا واذا سمعتني بعدين ليش هالدفاع تركي انت تحب سديم
تركي ومايدري وش يقول : لا مو انا اللي انت ياسعود تدري من سديم سديم هي ملاك الحزن ومملكه الحنيه وهي الانثى الجريحه اللي كنت من قبل يومين ميت علشان تعرفها
سعود ماكان مصدق اللي يقوله تركي :انت وش قاعد تقول
تركي : اللي سمعته
سعود : سديم هي نفسها ملاك الحزن مو معقول
تركي : ليه مو معقول
سعود مازال مو مصدق
تركي : اذا كنت مو مصدقني اسالها
سعود : بس شلون
تركي : شلون هذي طويله واظن اني اليوم قلت لك مفتاح اللغز قلت لك ان بنت عمك تكره الرجال وبفعلتك اليوم بتكرهم زياده
سعود سكت للحظات وجلس يفكر تذكر ذكرياته مع سديم يوم المطار وتذكر كيف تعرف على الانثى الجريحه واستغرابه ان الاسم طالع في البلوتوث واخيارا وقف في المحطه الاخير رسالتها له رسالتها الاخيره تذكر انها تقول تحب واحد وهو مايبيها وكيف انه نصحها انها تتركه
سعود :يالله والله اني غبي وانا اقول لها اتركيه
تركي : وش تقول مافهمت
سعود مارد على تركي رجع لسرحانه مره ثانيه يالله عمي عمي فهد مغتصـ00لالا يالله
تركي : سعود وين وصلت
سعود : تركي انا رايح لابوي شوي وراجع للمجله انتظرني
تركي جلس يفكر في الكلام اللي قاله "يالله ولله اني غبي بغيت افصح عمري بس هو وش بيسوي الحين أيـــــــــــــــــــــــــــــــه ياخبر بفلوس بكره يصيرببلاش "
سعود راح لابوه
سعود :يبه وش سويت مع سديم
يوسف : ارتاح
سعود : وش ارتاح منه
يوسف : سديم بتتزوج
سعود : وانت شلون وافقت
يوسف : وليش ما اوافق تبيني اقطع بنصيب البنت هذي جت من الله بتتزوج اللي تبي
سعود: بس انا ابي سديم
يوسف : انت تستهبل
سعود : ليه استهبل
يوسف : هماك ماتبيها
سعود : بس الحين ابيها
يوسف : يعني الدعوه عناد
سعود والدمعه في عينه : بس انا احبها
يوسف : واللي سويته كله وش يصير
سعود: توني اعرف انها هي
يوسف : وش اللي تعرف انها هي
سعود : خلاص خلاص الله يوفقها مع اللي اختارته
وطلع من الغرفه
يرن جوال سعود
تركي : هلا سعود انا برجع للبيت اهلي يبوني
سعود وبحزن : طيب على راحتك
تركي : وش فيك
سعود : مافيني شيء بس انا ضيعتها
تركي : وش ضيعت
سعود : بعدين اقولك
وقفلواا
يوسف مايدري وش اللي صار لسعود قررانه يتصل على تركي لانه اكيد يعرف وش فيه
يوسف : هلا تركي
تركي : هلا ولله
يوسف : تركي ابي اسالك
تركي : تفضل
يوسف : سعود وش فيه
تركي : مافيه شيء
يوسف : الا كان قبل مايبي بنت عمه واظنك عارف والحين يوم انها بتتزوج بغاها
تركي فهم وش كان سعود وش يقصد بانها ضاعت
تركي : لا ياعمي سعود يحب سديم وكان يبي يقولك تخطبها بس ماكان وده انك انت تجبره يبي يبين لك انه من نفسه اختارها
يوسف : ولله مو مقتنع في اللي تقوله بس البنت الحين راحت يالله اجل ما اطول عليك مع السلامه
تركي : مع السلامه
رجع سعود للبيت وهو مو مصدق اللي صار له وسديم الليله كلها مانامتها من الصياح
الجزء الثالث عشر
فيصل صحى من النوم الساعه 1 من الليل راح للمطبخ يجيب له كاس ماء وهو مار سمع صوت صياح من غرفه سديم
طق الباب قبل مايدخل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك