رواية ماساتي في سطور الماضي -13
تركي : شكرا يادكتور
الدكتور :ولو ماعملنا الاواجبنا
تركي: شفت هذا هو ماصار له شيء
سعود جالس على الارض ومنزل راسه ويصيح
تركي :افاااولله ياسعود وش فيك الحين ماسمعت الدكتور يقول انه طيب
سعود ورفع رأسه اللي كانت الدموع مغطيته: ان صار له شيء ماراح أسامح نفسي ولا سديم
تركي نغزه قلبه يوم سمع اسمها: سعود وش قاعد تقول
سعود: اللي سمعته
تركي : وهي وش دخلها بالموضوع
سعود : هي سبب كل ها لمشاكل
تركي وبدون مايحس : انا ما اسمح لك تاذي سديم تسمع ياسعود
سعود : تركي انا وش سويت وبعدين ليه تصّرخ علي
تركي : لانك بتظلم انسانه مالها أي دخل بالموضوع
سعود : انت ماتعرف اللي صار انا اليوم ....................وق\س
تركي مومصدق الكلام اللي سمعه حس انه السبب باللي صار كله لانه هو اللي شجعه انه يعرف سديم وماصارحه انها هي نفسها البنت اللي يكلمها
تركي : اسمحلي ياسعود وقاحتك مع ابوك هي سبب كل اللي صار
سعود علا صوته بالصياح
تركي : خلاص ياسعود ارجع البيت واذا جاء بكره تعال مانتقدر ندخل عليه وهو في العنايه المركزه
سعود : انا ماراح اتحرك من هنا الا ان اشوف ابوي
تركي : طيب بروح احجز لك جناح علشان تنوم فيه
طبعا كل هاللي صار العصر واستمر الى 10 الليل تركي رجع لبتهم اتصل على ريما
ريما : هلا ولله
تركي وبحزن : اهلين
ريما : عسى ماشر وش فيه صوتك
تركي : يوسف الـ000في العنايه المركزه
ريما : ابو سعود
تركي : ايه
ريما : عسى ماشر وش فيه
تركي : جلطه بالقلب
ريما : اوووووه ليه وش صارله
تركي : تطاق هو سعود واظن السبب الكبر مني
ريما : ليه انت وش دخلك بالموضوع
تركي : سعود قال لابوه و..............ق\س
ريما : بس انت مالك دخل
تركي : لا لواني قايل له انها هي نفسها سديم كان مارفض بس انا الاناني
ريما : بعد كل اللي سويته تكون اناني
تركي نبره الصياح واضحه في صوته : بلاك ماتدرين وش كنت ناوي اسوي
ريما : حتى اللي كنت ناوي تسويه ماراح يكون انانيه انا اعرفك
تركي : طيب وش اسوي
ريما :لاتسوي شيء
تركي : طيب هو ما يعرف ان سديم هي نفسها ملاك الحزن اكيد اذا عرف بغير رايه
ريما : طيب بكيفك
تركي : اقول لاهل فيصل عن اللي صار
ريما : لاانا بتصل واقول لهم
تركي : طيب لاتقولين لهم عن السبب بس قولي انه بالمستشفى
ريما : خلاص لاتشيل هم
ريما اتصلت على بيت فهد
ريما : الوااا السلام عليكم
فيصل : هلا وعليكم السلام
ريما : فيصل
فيصل : ايه بس من معي
ريما : ريما
فيصل : هلا ولله كيفك
ريما : بخير
بعد فترة صمت
فيصل : ريما سديم ماقالت لك شيء
ريما : أي شيء تقصد
فيصل : لالالا خلاص ..بروح انادي لك سديم
ريما : لالا ابغاك انت
فيصل وماصدق على الله : وش بغيتي لو تطابين عيوني مو خساره فيك
ريما وبخجل : تسلم بس الموضوع جدي
فيصل : خير وش فيه لاتخوفيني قلبي بيوقف
ريما وبكل عفويه : لابسم بالله عليك
صمت مره اخرى
فيصل: وش بغيتي
ريما : تركي توه جاي من المستشفى من عند عمك يوسف
فيصل : افااا وش فيه وباي مستشفى
ريما : بالمملكه وجته جلطه بالقلب
فيصل : لاحول ولاقوة الا بالله مشكوره يالريمي ماتقصرين انا رايح له الحين
ريما قفلت من فيصل ماتدري وش صاير لها مومصدقه
ريما "ياحليله الى الحين يقول لي الريمي "
طبعا انسدحت على سريرها وتحلم بالحلام الورديه
فيصل راح للمستشفى ولا قال لاهله عن اللي صار لعمه
وطبعا راح للجناح اللي كان فيه سعود دخل عليه لقاه معطيه ظهره ويصيح حط فيصل يده على كتف سعود
سعود : ليه مارحت
فيصل : انا مو تركي
سعود لف على فيصل : هلا
فيصل : انا ماخذ على خاطري منك الحين عمي يكون في المستشفى ولا تقول لنا مايقول لنا الى الغرب
سعود : ترى الا الحين ابوي ماخذ امك علشان تتمصلح
فيصل والدهشه بانت على وجهه من كلام سعود : افاا ولله انت وش قاعد تقول
سعود :انا عارف وش تبون من ابوي تبون فلوسه توزجونه امكم وانا اخذ سديم علشان أفككم منها
فيصل وماقدر يستحمل كلام سعود : احترم نفسك ياسعود وانت تعرف اني رجعت من روما معي كثر اللي مع عمي واكثر ويكون في علمك انا ما وافقت ان ابوك ياخذ امي وامي ماتبي احد بعد ابوي وبعدين سديم ماتفكر بالزواج واخر واحد تفكر انه تاخذه هو انت اليوم يكون في علمك خطبها مني واحد معه الماجستير وبيكمل الدكتوراه في فرانسا وبياخذها معه وازيدك من الشعر بيت معه كثر اللي معك من الفلوس واكثر
سعود وماكان يعرف وش يرد به على كل اللي فاجاء به فيصل "معقوله سديم تتزوج وتخليني ، اصلا انا مااحبها ليش افكر فيها ،ايه افكر فيها علشان ماازعل ابوي مره ثانيه ،يوووه انا قاعد العب على نفسي يالله "
فيصل : ماسمعت ردك
عطاه فيصل ظهره وطلع سعود جلس يصيح بصوت عالي "انا وش سويت ليش كل هذا يصير معي "
بعدها اتخذ القرار الشجاع ولحق فيصل
سعود : فيصل فيصل وقف
فيصل لف عليه : نعم وش باقي ماقلته لي ودك تقوله بعد ودك تقول انّاحقيرين وانا السبب في اللي صار بعمي وانّا مانشرفك
سعود : فيصل انا اسف ماكان قصدي اقول اللي قلته
فيصل : لا عادي قلت رايك فينا
سعود : حرام عليك يافيصل لاتزيدعلي
فيصل : وش ازيد هذا كلامك
سعود : انت ماتعرف وش صار لي
فيصل : مولازم اعرف انا عرفت شعورك تجاهنا وهذا يكفي
سعود :تكفى تكفى يافيصل سامحني
فيصل لف بوجهه عن وجهه سعود علشان مايضعف ويسامحه
سعود : تكفى تهز رجال تهز رجال يافيصل انت اسمع اللي صار واحكم
فيصل اقتنع بكلام سعود وراح معه للجناح حقه
سعود :اسمع يافيصل بقول لك قصتي من الاول الى اخر شيء
فيصل :تفضل
سعود :انا قبل 3سنوات تعرفت على عبير ...ق\س كلها من عبير الى ان تعرف على الانثى الجريحه وحبها بس ما قال له عن قصتها مع عمها لانه وعدها
فيصل : طيب امي وسديم وش دخلهم بالموضوع
سعود : امك مالها دخل بس انا كنت منفعل ويشهد ربي علي اني اعزها واقدرها وماكنت رافض ان ابوي ياخذها واتمنى انك ماترفض بعد اللي صار
فيصل : انا قلتها لعمي واقولها لك انا مالي أي دخل في الموضوع امي هي صاحبه القرار
فيصل : علشان اللي تعرف عليها بالنت
سعود : ايه
فيصل : طيب ليه ماقلت لعمي انك ماتبيها
سعود : انا قلت له وهذا اللي صار
فيصل : كل هذا صار بسبب هالموضوع
سعود : شفت
فيصل : طيب عمي الحين وشلونه
سعود : الدكتور يقول 24 ساعه ونشوف
فيصل : ان كان لازم له عمليه قل لي
سعود : ليه اقول لك وبعدين ليش يسوون عمليه
فيصل : لان في الغاب اللي تجيه جلطه لازم يسوون عمليه في شرايينه وفيه في روما مستشفى يسوي مثل هالعمليات
سعود : تتكلم وكنك مجرب
فيصل : ايه مجرب
سعود مافهم وش يقصد : يعني شلون مجرب
فيصل كان لابس بنطلون وقميص فتح ازرار القميص ووضح على صدره اثار العمليه
سعود : فيصل وش القصه
فيصل : بقول لك يوم كنت في روما ....................ق\س
سعود : يعني رائد هو فهد هو ولدك
فيصل : ايه
سعود : يالخاين ولا تعزمنا
فيصل :هههههه ولله انك فاضي
بعد فترة صمت
سعود : الحين صدق سديم انخطبت
فيصل : ايه افرح ماراح تكون عقبه في طريقك
سعود : فيصل وش عقبته وبعدين لو ادور ماراح القى مثل سديم
فيصل : ولله مافهمت لك الحين تقول انك تحب وحد والحين ولله مادري وش اقول
صمت
سعود : طيب انت الى الحين زعلان
فيصل : ليه ازعل
سعود : علشان اللي صار
فيصل : وش اللي صار ما اذكر شيء
سعود : افااا ماتذكر اني حجزت امك لابوي الى ان تطلع من العدة
فيصل : لاهذا اذكره
وجلسوا يضحكون وفجاءة قام سعود وحضن فيصل
سعود : الله لا يحرمني منك الله مارزقني اخ بس رزقني صديق وولد عم
فيصل : تسلم تسلم ياسعود
رجع فيصل للبيت متاخر طبعا حصه مانامت كانت خايفه على فيصل اول مره يتاخر الى 1 بالليل طبعا رجع وقال لها عن اللي صاير لعمه وقال لها انها ماتقول للبنات علشان ماتضيق صدورهم
المهم شكلكم تعبتوا وانتم تقرون ريحوا عيونكم واكمل لكم الاسبوع المقبل باذن الله
تقرؤون في الجزء الثاني عشر
فيصل :ايه ياعمي خطبها واحد من اصدقائي اعرفه من 5سنين ماعليه كلام
يوسف : وانت وش رايك ياسديم
سعود : خلاص يبه انا بتزوجها علشانك بس ولا تزعل وانا ما كان ودي ان كل هذا يصير
تركي :سديم سديم وش فيك تصيحين
سعود انصدم من كلامه : تركي انت تحب سديم
سعود : سديم هي نفسها ملاك الحزن مو معقول
يالله وش هالاحداث اللي صايره وش راح يصير لسديم وهل حصه بتوافق على يوسف وش اللي انهته ريما وسديم ليه تصيح
كل هذا في الجزء الثاني عشر
الجزء الثاني عشر
هذا الصباح مو مثل كل صباح
ساره احمد ماكلمها ولاارسل لها من يومين >>هالمده طوليه بالنسبه لساره لانه كان يرسلها كل يوم
سديم متشققه من الفرحه من اللي صار لها امس وفيصل كان صباحه هموم ونكد مثل صباح تركي
المهم المبزره "العيال "راحوا لمدارسهم
وكالعاده اخر ايام دراسه عند البنات تكون مراجعه واغلبها فراغ يعني البنات رايحين بفطورهم معهم شواهي وقهاوي وحلوياتها
واللي جايبه اونو والا خبصه "ورقه "والا السلم والثعبان يعني انواع الفلّه
المهم في فصل 3د4 ريما استغرب ان سديم واخواتها جايين للمدرسه وعمهم بين الحياة والموت
سديم لاحظت سرحان ريما وهي تطالعها
سديم :هيّه رمّو وين وصلتي
ريما : لامعكم
نوره : ايه واضح معنا وش كنتي سرحانه فيه
ريما : يالنشبه انت وياها ماسرحت
سديم : ايه العبي غيرها
ريما : الاوش اخبارعمك
سديم : بخير ليه تسالين
ريما فهمت ان سديم ماتعرف عن اللي صار لخالها
ريما : لابس حب استطلاع
نوره : الحين هذا اللي كنتي سرحانه فيه
ريما : ايه عندك مانع
نوره : لا خذي راحتك
ريما : ايه ولله ماتمشون الا بالعين الحمراء
سديم : اقول نوير كملي لعب لا تجي تصفقك
ريما :لهذي الدرجه شايفيني متوحشه
نوره : ولله لا تلومينا تقولين عيون ماعيون ولا حمر شياطين مو اوادم
ريما : اقول اخلصوا من اللعبه ابي سديم
نوره : وش تبين فيها
سديم : الله من اللقافه البنت تبيني انا ماقالت نوير
نوره : ولله مالك صاحب توّ معي قلبتي ضدي
سديم : لا الحق يقال كل شيء الا ريوم
ريما : تسلمين لي ياقلبي
نوره : طيب خلاص انا زعلت
سديم وريما : الجدار قريب ههههههههه
نوره :الشرهه علي اللي تاركه البنات يتقهون وجالسه اعلمكم الاونو >>لعبه من الالعاب
قامت نوره من عندهم وراحت للبنات سديم لفت على ريما
سديم : رموّ وش بغيتي
ريما : هاه وش وش بغيت
سديم : مو انتي قلتي تبيني في موضوع
ريما : ايه صح
سديم : ايه وش هالموضوع
ريما : امس اتصلت على البيت ماقالك احد
سديم : لا وش فيك تتكلمين بالقطّاره
ريما : رد علي فيصل
سديم : طيب وش صار بعدين
ريما : بس
سديم : وش بس
ريما : سالني اذا قلتي لي شيء والا لا
سديم : هذا اللي كنت ابي اقولك اياه امس بس ما قدرت قلت لازم اقولك اياه وجها لوجه
ريما : طيب ايش هو
سديم : اول شيء اوعديني انك تفهمين الموضوع زين
ريما : لا تخوفيني وش صاير
سديم: انا بقولك السالفه من الاول فيصل يوم راح لروما....................ق\س
بعد ما انتهت القصه
سديم : هاه ياريما وش رايك
ريما : رايي في أي شيء بالخيانه اللي سواها اخوك والا بغشه لي كل هالسنين والا بصمته عن المرض اللي فيه
انتي وش رايك في اللي سواه اخوك
سديم : انا عارفه انه غلط ياريما
ريما : قلتيها غلط خلاص اجل ينساني
سديم : مو لهذي الدرجه ياريما
ريما : اجل وش تبيني اسوي انتي لوانك في مكاني وش راح تسوين بصراحه
سديم : ماراح اسوي له شيء بس بشوف وش هي مبرراته
ريما : طيب اذا ماكان عنده مبررات واو ان مبرراته ضعيفه
سديم : انا يمكن ما اسامحه بس انتي غير ياريما انتي قلبك كبير
ريما : هذاك اول قلبي كبير
سديم : ريما انتي فكري في الموضوع زين ولا تردين الحين ردي لي بعد الامتحانات
ريما : سواء الحين او بعد المتحان الي في خاطري ماراح يتغير
سديم : ماتدرين يمكن يتغير ...الا انتي وش كنتي تبين متصله امس
ريما : اذا رجعتي يقولك فيصل
سديم : طيب
تركي كان معسكر في المستشفى من الصبح عند سعود وكان يبي يفاتحه بموضوع سديم وانها تكون هي نفسها ملاك الحزن بس اليكم اللي صار
تركي: سعود ودي اقول لك شيء
سعود : وش تبي
تركي : تذكر من كم شهر يوم وديت اهلي وسديم للمطار علشان يستقبلون احمد
سعود : ايه
تركي : تذكر اني قلت انك غريب وبنت عمك غريبه
سعود :لا مااذكر
تركي : الا يوم قلت بعد انك عارف ليش غريب بس سديم ماتدري ليه
سعود : ليه وبعدين وش قلت
تركي : ما قلت شيء جاء احمد وقطع علينا
سعود :طيب وش اسوي الحين
تركي : ماتبي تعرف ليش هي غريبه
سعود :اخلص قل وش عندك
تركي : الحين وش فيك معصب ما تبيني اقول خلاص
سعود : لا خلاص قل بس هي الحين ماتهمني لانها انخطبت
تركي : انت وش تقول
سعود : انت ما تدري امس وش صار
تركي : وش صار
سعود : امس جاني فيصل ..............ق\س
تركي : طيب ماعرفت من هو اللي خاطبها
سعود : الحين من كل القصه مالفت انتباهك الا انها انخطبت لاماعرفت من اللي خطبها
تركي : طيب انت وش رايك
سعود : رايي باي شيء
تركي : بموضوع الخطبه يمكن انه يلعب عليك
سعود : لا مايلعب علي يوم تراضينا سالته
تركي : ايش قال
سعود : اااه قال ان الموضوع صدق
تركي : طيب ليه الاه دامك ماتبيها
سعود : علشان ابوي
تركي حس ان سعود مازال يحب سديم وانه اذا قال له انها هي نفسها ملاك الحزن بيوافق
تركي : طيب علشان ابوك افلقني
سعود :الحمد لله بس
تركي : ايه ولله الحمد لله بس تصدق فيصل طلع رجال
سعود : ايه ولله كبر في عيني وكبر اكثر بعد ماسامحني مع اني مااستاهل بس الله باليني بثنين حبيبين يسامحون
تركي : الحمد لله انك تدري انّا حبيبين
سعود : ومن قال انه انت وفيصل اقصد ابوي وفيصل
تركي : الشرهه مو عليك علي اللي جايك من الصبح واواسيك
سعود : ياخي امزح معك اصلا لو الف العالم ما بلقى مثلك
تركي : أيـــــــــــــه عدل كلامك
سعود :الا ماجاوبت
تركي : على ايش
سعود : ليه سديم غريبه
تركي : تقول ان الموضوع مايهمك ليش اقوله
سعود : حب استطلاع
تركي : سديم تكره شيء اسمه رجال
سعود : افاااا ليه وش سوينا لها
تركي : هذي بعدين تفهمها
سعود : وش تقصد
تركي : مو وقته الحين
سعود الاوقتـ....
الباب يطق ودخل عليهم الدكتور
سعود : هاه بشر يادكتور
الدكتور: الحمد لله مرحلت الخطوره مشيت وهلاء بنطلعوه من العنّايه
سعود : الله يبشرك بالخير يادكتور
الدكتور : بس بدك دير بالك ماتزعلوه لان أي عصبيه وزعل بترجع حالتوه متل اول
سعود : ابشر يادكتور بس متى نقدر نشوفه
الدكتور :بعد ساعه فيك تشوفه لما ننقله للغرفه تبعتوه
طلع الدكتور من الغرفه وسعود الارض مو شايلته من الفرحه
دخل عليهم فيصل في هاللحظه
فيصل : السلام عليكم
تركي وسعود :وعليكم السلام
سعود :هلا ولله بولد العم
فيصل : هلا فيك وش عنده الدكتور
سعود : يقول ان ابوي عدى مرحه الخطر
فيصل: الحمد لله طيب طلعوه من العنايه
سعود : بعد ساعه بيطلعونه
فيصل : زين يالله استاذن واجيكم العصر
سعود : تو الناس ممداك توصل
فيصل : بروح اجيب اخواتي من مدارسهم
تركي: توهم باقي ساعه
فيصل : ايه المسافه من المستشفى الى المدرسه ساعه الا ربع اليوم السبت بيطلعون بدري شوي
تركي : يوووه اجل انا بروح بعد
سعود : وين
تركي : بجيب ريما ورهف
فيصل : خلاص انا رايح رايح بجيبهم معي مو من بعد بيتكم عن بيتنا
تركي : لا يابن الحلال خاف اثقل عليك
فيصل : لا تثقل ولاشيء تامرون شيء قبل مااروح
سعود : لا الله يسلمك
فيصل : اجل فمان الله
طلع فيصل من الغرفه
تركي : ولله انه حبيب
سعود : انا قايلك ..المهم انا بروح اشف نقلوا ابوي والا لا
فيصل راح لمدارس اخوانه خذ مازن ورجعه للبيت علشان مايزاحم على البنات وراح للثانويه
طلعوا ساره ومي وسديم وركبوا السياره
البنات :السلام عليكم
فيصل : وعليكم السلام ..كيف المدرسه معكم اليوم
البنات: كالعاده تجيب الضغط
فيصل : طيب وحده منكم تروح تنادي بنات الـ....
سديم : ريما ورهف
فيصل : ايه توني مقابل تركي وقال جبهم معك
نزلت مي تناديهم وبعد اقناع ركبوا السياره
ساره : فيصل افتح المسجل
فيصل : وش تبين
ساره : أي شيء
فيصل :ماعندي في السياره الحين الى حامد زيد
سديم : ليه وين الاشرطه الباقيه
فيصل : في السياره الثانيه
ساره : خلاص شغله
طبعا ريما ورهف ماطلع لهم صوت ريما كانت تفكر باللي سواه فيصل وقطع عليها>>صوت شريط حامد زيد
تخونين وتبين ارضى واحد يرضى تخونينه
اذا جيت اخونك مع حبيبه ثانيه ترضين
ريما : اآآآآآآآآآآآآآه ياحامد صراحه هالبيت معبر
سديم : الحين من القصيده كلها هذا المقطع اللي عجبك
ريما : القصيده كلها حلوه بس هذا غير
طبعا فيصل ماكان فاهم وش هي السالفه لانه مايدري ان سديم قالت لريما بس سديم كانت فاهمه قصد ريما
وصلهم فيصل وشكروه ونزلوا
ووصلوا للبيت وبعد الغدا فيصل قال للبنات ان يوسف في المستشفى طبعا البنات تاثروا شوي المهم العصر جاء
سعود دخل على ابوه
فتح يوسف عيونه لقى قدامه سعود وهو يصيح ويترجاه علشان يسامحه >>متخيلين معي شلون الموقف
سعود : انا اسف يبه وحقك على راسى واللي تبيه بيصير لوتبي املك على سديم الحين
يوسف ابتسم في وجهه ولده علامه الرضى
دخل فيصل على عمه هو تركي وسلموا عليه
راح تركي للشركه وفيصل رجع للبيت اللي حاصروه اخواته بالاسئله ووعدهم انه يوديهم له بكره
سعود كان جالس مع ابوه يسولفون
يوسف : انا اسف ياولدي اني مديت يدي عليك
سعود : تمون يبه حتى لو تذبحني عادي
يوسف : انت الحين صادق بالي تقوله
سعود : ايه لوتذبحني فدوه لك
يوسف : مو هذا اللي اقصده صدق انك موافق على بنت عمك
سعود نزل راسه : ايه بس
يوسف : بس ايش
سعود : انت تعبان الحين اذا شفيت قلت لك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك