رواية ماساتي في سطور الماضي -12
سعود : ابيها ابي اتزوجها
تركي مو مستوعب اللي يقوله سعود : نعم وش قلت
سعود : اظنك سمعت ماله داعي اكرر
تركي : وسديم
سعود : لاتجيب لي طاريها ابي الحين اعرف من هي الانثى الجريحه
تركي : انا مدري من هي بسأل بكره اختي
سعود : طيب ليه ماتسألها الحين
تركي : ليه تحسب كل الناس غارقين في الحب وماناموا مثلك
سعود : طيب لا تنسى
تركي: يصير خير
الجمعه الكل صحى من النوم
فيصل راح لسديم
فيصل : صباح الورد لاحلى ورده
سديم : صباح الخير وش عندك من الصبح
فيصل : بس بغيتك شوي
سديم : انا اقول هالحب مو لله
فيصل : حرام عليك لا يخسف ربي فيك كل يوم انا اصبح عليك ولا وابوسك بعد
سديم : بس اليوم ما بستني
فيصل : ولا تزعلين هذي احلى بوسه لاحلى اخت
سديم : اقول قل اللي عندك قبل لا اذوب
فيصل : ما ينفع الحين بعد صلاه الجمعه اقول لك
سديم : خلاص مو مشكله
سديم راحت لغرفتها وفتحت النت تبي تشوف اذا رد عليها الشامخ والا لا وطبعا كان فيه رد
" ملوكه قلبي انت مالك أي ذنب في اللي صار لك كل اللي صار من عمك اللي ما يخاف الله وبعدين ليه احتقرك وانت ما سويتي شيء ويعلم الله ان مكانتك في قلبي زادت ما اقول هالكلام مجامله بس لو وحده غيرك كان تلقينها منتحره او والعياذ بالله خربانه
ابيك تكونين قويه ولا يهمك هاللي رفضك وين بيلقى وحده مثلك ولا تخافين الكلام اللي قلتيه ماراح يطلع لو على قص رقبتي وابيك تشدين حيلك ولا تدخلين النت الى ان تخلصين الامتحانات كلها شهر وهي مخلصه اتفقنا اسمحيلي ماراح اقول اخوك لشيء في خاطري "
الشامخ
سديم ما شالتها الفرحه حست انها لقت احد يفهمها
بعد صلاه الجمعه
تركي : هلا ولله ياسعود زين انك لحقت على الصلاه في المسجد
سهود : طمني عرفت من هي
تركي : وراك مطيور لا ما امداني اكلم اختي
سعود : يالله منك ياتركي
تركي : مشاء الله وش هالحب اللي نزل عليك مره وحده
سعود : اقول لا تتريق علي
تركي :انشاء الله أي اوامر ثانيه ايها العاشق الولهان
سعود : الكلام معك ضايع
تركي : ماجبت شيء جديد
سعود : اقول وخر عني خلني اروح لابوي اكلمه في الموضوع
تركي : الحين من جدك تتكلم
سعود : ايه
تركي : واذا ما عرفت البنت او رفضت اختي انها تقول عنها شيء
سعود : اعرف بطريقتي الخاصه
تركي : انا من رايي انك تصبر شوي
سعود : دق الحديد وهو حامي
تركي :بكيفك
سعود راح البيت بس قرر انه يكلم ابوه في الموضوع العصر
تركي رجع للبيت من هنا مسك التلفون يكلم ريما
تركي : هلا ريمو كيفك
ريما : بخير كفيك انت
تركي : بخير الا ما دريتي عن اخر الاخبار
ريما : أي اخبار
تركي :سعود بيخطب الانثى الجريحه
ريما : من جدك تتكلم
تركي : ايه وربي
ريما : وسديم موافقه
تركي : وش دخل سديم بالموضوع
ريما : توك تقول يبي يخطبها
تركي : انا قلت الانثى الجريحه مو سديم وبعدين توه ما بعد عرف
أن سديم والانثى هم واحد
ريما : طيب شلون بيخطبها
تركي : مدري بس قال قل لختك تقول لك من هي بنته
ريما : يالله وش هالورطه
تركي : أي ورطه
ريما : وش راح تقول لسعود هذي الورطه
تركي : سهله بقول اختي رفضت تعطيني معلومات خذها من صاحبتها
ريما : طيب وش السبب وراء خطبته
تركي :هذا اللي ما عرفته فجاء جاء وقال لي هالكلام
ريما : غريبه متى قال لك انا امس عند سديم ماقالت ان فيه شيء صاير بينهم
تركي : امس الساعه 2 الليل
ريما: الله الله
تركي : لا وهالمنهبل يوم اتصل يقول رح كلم اختك الحين
ريما : وجع يوجع العدو وش مسويه البنت فيه
تركي : مدري عنها دقي شوفي السالفه ووافيني بموجز الاخبار
ريما : طيب باي
ريما ماصدقت اللي سمعته وقررت انها تكلم سديم العصر تعرف سالفتها
وبعد الغداء
سديم : يمه تامرين على شيء بروح انام لي ساعه
حصه : سلامتك
فيصل :وين يالحبيبه اللبيبه
سديم : خير وش فيك
فيصل : انتي وش اللي فيك ماقلت لك شيء الصبح
سديم :يوووووه نسيت
فيصل : هذا انا ذكرتك
سديم : خلاص وش تبي الحين
فيصل : تعالي غرفتي
راح فيصل لغرفته ولحقته سديم
جلس فيصل على سريره ووجعل راسه بين يديه وهو يلمس في شعره "متخيلين معي الوضع "
سديم : فصول وش فيك متوتر
فيصل رفع راسه :مافيني شيء
سديم : طيب وش بغيتني فيه
فيصل : ابي اعترف لك بشيء
سديم : فيصل وش فيك منت صاحي وش تعترف لي به اصلا مافيه شيء مخبيه عني انت بالنسبه لي كتاب مفتوح
فيصل : بس يمكن الكتاب يكون ممزوع منه كم صفحه وانا مثله
سديم : وش قصدك يافيصل لا تروعني
فيصل : ابيك توعديني اول انك تساعديني مهما كانت صدمتك فيني
سديم : وش فيك وراك ما تتكلم
فيصل : اوعديني قبل
سديم :اوعدك هاه وش فيك
فيصل : رائد
سديم : ولدك
فيصل : وش دراك
سديم : مشكلتك يافيصل انك مفضوح قدام 3 اشخاص انا وامي والشخص الثالث انت بتعرفه مع مرور الزمان كان باين عليك وانت تعامل رائد بكل حب وابوه اصلا اللي بيشوفكم بيقول هذا ولدك الملامح تساعد وانا اختك
فترة صمت
سديم : ايه ماكملت
فيصل : وش اكمل
سديم : وين ام رائد
فيصل : قصدك ام فهد
سديم : لا هذي ماكنت اعرفها
فيصل : وش اللي ماكنتي تعرفينه
سديم : ان عندك ولد ثاني
فيصل :لا ماعندي ولد ثاني بس رائد مو اسمه رائد هو فهد مسميه على ابوي الله يرحمه
سديم : طيب وين امه
فيصل : توفت بعد ماجابت رائد بسنه
سديم : ممكن تقص لي القصه من الطقطق الى السلام عليكم
فيصل : انا بعد ماسافرت بشهر000000وق\س
وطبعا وهويقول قصته "ابداوا التخيل معي الله يصلحكم "كان منزل راسه وصوته فيه نبره حزن ومع نهايه القصه هلت دموعه
فيصل : هذي القصه كلها ياسديم
سديم وهي تمسح دموعها ماكان ودها ان فيصل يشوفها: كنت تحب كاتي يافيصل
فيصل : انا ماحبيتها انا شفقت عليها
سديم : طيب وش المطلوب مني وش تبيني اساعدك فيه
فيصل : ابيك تفهمين ريما وتقولين لها كل شيء
سديم : صعبه يافيصل صعبه اروح اهدم ثقتها فيك
فيصل بدا حركات العيال ورجع لحركته السابقه "ارقوا 37 سطر تعرفون حالته السابقه " وزاد عليها الصياح سديم ماعجبها الحاله الي اخوها كان فيها راحت له وضمته
سديم : خلاص يافيصل لاتسوي بنفسك كذا انا ماتوقعت انك ضعيف لها الدرجه
فيصل : انا مو ضعيف بس ما ابي اطلع خاين قدامكم ولله اللي سويته غصب عني
سديم : انا بريحك يافيصل انا عارفه كل اللي صار لك بس كنت استناك الى ان تجيني وتقول لي
فيصل بعد مامسح دموعه : شلون كنتي تعرفين
سديم : من كاتي اللي ماتعرفه يافيصل ان كاتي كانت تكلمني انا وامي من قبل ماتتوفى وبعد ماتوفت انقطعت اخبارها وكانت تدري انك ما تحبها وانك تشفق عليها وكل اللي سوته هي باتصالها لنا بس تبي تثبت انك كنت مضطر للي سويته
فيصل : اااه ياكاتي حتى بعد مارحلتي اكتشف فيك صفات احلى من اللاول
سديم : خلاص الحين يوم طلع كل واحد مكشوف عند الثاني ورى ماتروح لامي وتقول القصه لها بنفسك صدقني راح تفرح
وريما خلها علي
فيصل : طيب امي وينها الحين
باب الغرفه انفتح
حصه : انا هنا يابعد امك
طبعا للاسف بعد مرور 4 سنين من التجسس الاول هذي حصيصه تكررها مره ثانيه اظن فاهمين والا مافهم اقصد انها كانت تتسمع وماتابت بعد ماكانت تتسمع على فيصل وابوه في المستشفى رجعت تتسمع على فيصل وسديم
يارب يارب يارب تكونون فهمتوا
فيصل نقز من السرير وراح جهت امه وضمها "حضنها"الى صدره الحنون >>بدأنا في التعبير
المهم العصر جانا والاحداث معه بتكون كثير يعني الله يخليكم لاهاليكم ركزوا ما ابي كل كلمه اقولها اترجمها اظن صار عندكم مترجم وافي بكل الكلمات الغامضه
في بيت فهد
ريما تتصل على جوال سديم
ريما :"يالله وش بلاها مقفله جوالها بدق على الثابت احسن "
يرن تلفون الثابت
ريما : السلام عليكم
مي : هلا ولله وعليكم السلام
ريما : مين معي مي والاسارونه
مي : الحين تدلعين ساره وانا اللي راده عليك
ريما : ولا تزعلين ياميونا اهم شيء رضاك
مي : ايه كذا تعدلي والا ماناديت لك سديم
ريما : لا انا متعدله من زمان بس وين سديم
مي :لحظه
مي حطت السماعه وراحت تنادي سديم
مي : سدوم ريما تبيك على التلفون
سديم : طيب الحين جايه
راحت سديم وكلمت ريما
سديم : اهلين ريومه
ريما : هلا ولله وبعدين ليه مقفله جوالك
سديم : ما قفلته بس يمكن البطاريه فضت
ريما : ثاني مره تاكدي من البطاريه مو اتصل القاه مقفل
سديم : انتي الحين ليه متصله
ريما : ولله ماتستحين
سديم : لا لاني كنت ناويه اتصل عليك بس سبقتيني
ريما : ليه وش عندك
سديم : لا انتي اول ليه متصله
ريما : لا بس اشتقت لك
سديم : امداك ياالنصابه امس شايفتك
ريما : ايه بس ما اقدر يمر علي 24 ساعه ما اشوفك او اسمع صوتك
سديم : الله الله وش هالرمنسيه اللي نازله عليك
ريما : الشرهه مو عليك على اللي متصل يتغزل بوحده مثلك
سديم : وجع كنت امزح
ريما: ايه ااضبطي كلامك
سديم : خلاص اخلي مدرسه العربي تضبطه بالشكل خخخ
ريما : اقول الله من خف الدم من متى وهالحاله جايتك
سديم : من يوم عرفتك
ريما : لا بس زادت هاليومين
سديم :بلا والله ماتدرين وش صار
ريما : ليه وش صار
سديم : اسمعي ربع ساعه وادخلي الماسنجر
ريما : ok
وقفلوا
فيصل : طلع الكل عارف وانا مثل الاطرش في الزّفه
طلال : ياولد الحلال احمد ربك
فيصل : بس تخيل تعيش مع ناس تحس انك خادعهم ويطلعون هم اللي خادعينك
طلال : اقول كبر راسك وبلاش حركات مبزره واحمد ربك ان اختك بعد ماشيشت امك عليك وتفهمت الموقف ولا بتساعدك علشان توصل للي تبي
فيصل : مدري ياطلال بعد ما دريت عن اللي سوته كاتي حسيت مابلقى مثلها
طلال : اقول الحمد لله الحين كل الي سويته وتوك تكتشف انك تحب كاتي اقول اقضب عقلك واعقل ازين لك
فيصل : ههههه طيب
طلال : الا يافيصل الولده كم بقي وتتطلع من العده
فيصل : مدري يمكن حوالي شهر بس ليه السؤال
طلال : لابس حبيت اعرف موانت تقول ان عمك بيتقدم لامك
فيصل : ولله مدري وش اسوي
طلال : وش تسوي في وش
فيصل : صعبه امي تتزوج عمي وتروح معه للبيت واخواني وين بيروحون
طلال : انت بتتزوج واخواتك بعد مابقى الامازن
فيصل : والى مايتزوجون وين بيسكنون فيه انت عارف ان سعود ساكن مع ابوه
طلال : يتزوج ويطلع من البيت
فيصل : يتزوج ويطلع من البيت بالبساطه هذي
طلال : انت معقد الامور وهي ماتستاهل وبعيد خلها لوقتها
فيصل : ايه ولله انت صادق خلنا في شغلنا اوفق
طلال : انا بقول لك شيء بس اعرف انه مو وقته
فيصل : لا عادي وش تبي
طلال : انت عارف اني بعد 6شهور بسافر اكمل الدكتوراه وابي اتزوج واخذ زوجتي معي
فيصل : الله الله بتتزوج وتخليني
طلال : ايه بس خل اللي بتاخذني توافق
فيصل : ودني لها واقنعها انت مافيه مثلك
طلال : ابي اختك سديم
فيصل ماعرف وش يرد عليه: انت ياطلال ماتنرد بس سديم من يومها صغيره محيره لولد عمي بس انا بسالها بعد ماتخلص الثانوي وبعد ماتخلص امي العده
طلال : ماتقصر
فيصل يبي يصرف الموضوع :طيب ممكن نرجع للشغل
طلال :طيب
في بيت ام تركي
تركي كان منسدح على السرير واللاب توب مفتوح كان ودّه يسولف مع احد كان مشتاق انه يكلم شخص ويستناه انه يدخل
وفجاء علامات الفرح ظهرت على وجهه مع ظهور اسم الشخص المراد انه متصل وبدون مقدمات
الفارس الاشقر : هلا ولله
الانثى الجريحه : اهلين هلا والله بتركي
الفارس الاشقر : كيفك
الانثى الجريحه : الحمد لله بخير كيفك انت
الفارس الاشقر : بخير
مهبله العالم : وانا مالي ترحيب والا
الفارس الاشقر : هلا ولله باختي
مهبله العالم : ايه تعدل
الفارس الشقر : طيب تعدلت تامرون شيء قبل ما اطلع
مهبله العالم :ايه
الفارس الشقر : كنت امزح
مهبله العالم : افااا تبي تطلع بخيل قدام النثى الجريحه
الفارس الاشقر بدون شعور : الا الانثى الجريحه هي لو تطلب العالم اجيبه لها
مهبله العالم :ييؤيؤيؤ خربتها ياشيخ وبعدين وش معنى هي
الفارس الاشقر يصرف: لانها من كاتب المجله اللي من يوم كتبت والمجله تزيد مبيعاتها
مهبله العالم: الله اله وش قالوا لك نيكول كيدمان والاا انجوليا جولي اللي تكتب
النثى الجريحه : الحين انتي ليش غايره من نجاحاتي
مهبله العالم : لالاغايره اجل اقول خلّي الفارس ينفعك وقولي له القصه اللي مسحبتني علشانها
الفارس الاشقر : اقول انا معطلكم ولا قلتوا لي يالله باي
وطلع وجلس يفكر في كلامه اللي قاله
تركي "معقوله اكون اعجبت فيها ،لالا وش اعجاب وخرابيط هذي بتصير زوجه اعز صديق ،بس هو مايبيها ،يالله كله مني انا اللي علقتهم في بعض ، ايه ماراح اقول انها سديم بقول رفضت اختي ومستحيل سديم بتقوله شيء وهو بيرفض انه ياخذها واخذها انا ، لالالا ماقدر اخون صديقي ،بس هو مايحبها ،لا حبها ،طيب يمكن هي ترفضه ،لالالالايالله وش فيني صرت اخربط لازم ابتعد عن هالبنت واذا رفض سعود انه ياخذها اباخذها انا ،طيب واذا رفضتني اوووووووووووووف "
وجلس على هالحاله يفكر ويفكر بعكس سعود اللي راح لابوه يكلمه في الموضوع وسديم اللي قالت كل اللي صارمعها ومع الشامخ لريما
ريما :اووه يالخاينه كل هذا يصير ولا تقولين لي
سديم : وجع كل هذا صار امس ولا لحقت اقول لك
ريما : شكل الرجال غرقان
سديم : غرقان في ايش
ريما : غرقان في الحب
سديم : لا انتي فاهمه غلط انا والشامخ اللي بينا اخوه
ريما : لا ياحلوه مافيه اخوه بالنت
سديم : من قال لك ان مافيه اخوه بالنت
ريما : انا اللي اقوله واغلب الناس بعد
سديم: انت قلتيها اغلب الناس يعني مو كلهم
ريما : اقول بس خلينا في الاهم
سديم : وش الاهم
ريما : وش راح تسويين مع الشامخ
سديم : وش اسوي ماراح اسوي شيء
ريما : لا وش راح تكون طبيعه العلاقه بينكم
سديم : الحمد لله اقولك اخوه
ريما : وغيره
سديم : اقول الشرهه على اللي داخل الماسنجر يسولف لك
ريما : اقول تقلعي انتي اللي غصبتيني ادخل
سديم : طيب تبين شيء
ريما : وين بتروحين
سديم : بدخل اشوف حبيبي دخل المنتدى والى لا
ريما : أيــــــــــــــــــــه مزعجتني تقول اخوي اخوي يالله باني على حقيقتك
سديم : أي حقيقه
ريما : اقول بس خلينا من هالكلام بسألك سؤال قبل ماتطلعين
سديم : وش تبين
ريما: اذا خطبك الشامخ والا سعود من توافقين عليه
سديم 000000@@00000
ريما : سديم لا تزعلين ابي جوابك بصراحه
سديم : ماراح اوافق على احد منهم
ريما : ليه
سديم : بس ممكن تغيرين الموضوع
ريما : شكلك زعلتي يالله يالله باي لا يكبر الموضوع
سديم : الحمد لله على العقل مدري فصول وش لاقي فيك
ريما000@@000
سديم : وينك وين رحتي يوم جاء دوري في الاسئله انحشتي
ريما : اقول باي باي امي تناديني
سديم : انا شعاري دائما عـــــــــــــــاش مصرّف يالله باي بحجر لك في المدرسه بكره
ريما :خخخخخ طيب ان جيت باي
الثنائي المرح طلع من الماسنجر
في بيت يوسف
سعود دخل على ابوه في مكتبه
سعود : السلام عليكم
يوسف : هلا ولله وعليكم السلام الله جابك ابي اقول لك شيء
سعود: خير يبه وش عندك
يوسف : لا ياولدي خير انشاء الله
سعود : سم يبه
يوسف : عمك فهد الله يرحمه مات وقبل مايموت وصاني على عياله 000
سعود : كمل يبه ليش سكت
يوسف : وانت عارف ان عنده عيال صغار ويبي لهم احد يربيهم وانا قررت
سعود: ايه وش قررت
يوسف : اني اتزوج حصه
سعود وعلامه الدهشه ملت عيونه : طيب يبه وفيصل وش مهنته
يوسف : انت عارف ان فيصل بيتزوج اليوم والابكره وبيلهى مع عياله عن اخوانه وحصه توها صغيره وخاف تتزوج وتشرد عيال اخوي وانا مابيهم يتشردون
سعود : هذا قرارك يبه وانت حر فيه
يوسف : طيب انت وش بغيت
سعود :لا خلاص ماابي شيء
يوسف: افهم من طرقتك هذي انك مو موافق
سعود وابستم ابتسامه صفراء "مدري وشلون بس دايم اللي يكون زعلان كذا يبتسم ": لايبه موافق
يوسف :طيب الحين دامك وافقت اكيد بتقول اللي عندك
سعود : ابي لقولك بس خاف تردني
يوسف : ماعاش من يردك انشاء الله كل اللي تبيه بيصير ان كان قدرت عليه
سعود : انت بتقدر عليه بس قل ّ تم
يوسف : انت بتوهقني يالله وش تبي
سعود : ابي اتزوج
يوسف : بس هذا اللي بغيته كلها كم شهر وحرمتك بتخلص الثانويه وتزوجها
سعود ويحاول يستغبي :أي حرمه
يوسف : سديم بنت عمك بعد أي حرمه
سعود : بس انا ماابيها
يوسف :اقول وش ماتبيها بس اعقل
سعود :يبه انا ماراح اتزوج سديم
يوسف :بتتزوجها
سعود : اسمح لي انت حياتك وحر فيها تتزوج اللي تبي بس انا لا تدخل في حياتي
يوسف : لا بتدخل اذا شفتك بتهدم كل شيء بنيته
سعود: وش اهدم يبه تكفى خلني اخذ اللي أبيها لاحترمني من الشيء الوحيد أبيه
يوسف : اسمع تتزوج سديم تتزوجها
سعود : طيب بتزوجها بس لاتلوني اذا جات من بكره مطلقه وانا متزوج اللي ابيها
يوسف قام من مكتبه بعصبيه ورفع يده على سعود
طرررررررررررررررررخ
سعود رفع عينه بعين ابوه وهي مليانه دموع : هذا اول سبب يخليني اكرهها زياده
يوسف : اقول اسكت لاتزيد علي انت مو ولدي اللي ربيته
سعود عطى ابوه ظهره وهو بيطلع
يوسف : انا ماخلصت كلامي لالاتـ ـ تـ ـركني
وطااااااااااااخ طاح على الارض " الله لايلوم اللي يلومه كل هذا وتبونه ماينجلط صعبه كان لازم ينجلط "
سعود لفّ على ابوه بقوه لدرجه ان رقبته بغت تنفك من قوه اللفّه ليش سجاده >> خخخخ انا قايله اني ماستحي الرجاجيل يموتون وانا اتهيبل خخخ
سعود : يبه يبه وش فيك رد علي
ويوسف لا حيات لمن تنادي
سعود انطلق به للمستشفى واتصل على تركي اللي لحقه لمستشفى المملكه
سعود وهو يدور بالممراللي بالمستشفى
تركي : يابن الحلال هدي وش فيك
سعود وهو يصيح : ابوي بيموت وانا السبب
تركي : تعوذ من بليس هذا قضاء وقدر
سعود وبعصبيه وصياح : انت ماتعرف اللي صار
قطع كلامهم الدكتور اللي طلع من غرفه العمليات
سعود راح له وهو يركض
سعود : هاه طمني يادكتور
الدكتور : ولله مابعرف شو بألّك انّا عملنا اللي علينا والباقي على ربنا الجلطه اللي صابتوه مو هينه نحمد ألله انها ماكانت بالدماغ والا كان علّوم"اخبارواشياء" >> الدكتور لبناني بدوي
تركي : طيب يادكتور وش حالته الحين
الدكتور : نحمد ألله الوضع مستقر بس لازم يضل عنّا بالعنايه المركزه لمدة 24 ساعه على الاقل
تركي : شكرا يادكتور
الدكتور :ولو ماعملنا الاواجبنا
تركي: شفت هذا هو ماصار له شيء
سعود جالس على الارض ومنزل راسه ويصيح
تركي :افاااولله ياسعود وش فيك الحين ماسمعت الدكتور يقول انه طيب
سعود ورفع رأسه اللي كانت الدموع مغطيته: ان صار له شيء ماراح أسامح نفسي ولا سديم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك