رواية لا جيت بعقل يضحك الطيش بدري -9
غاده مسكت ريماس وآمل وركضوا عندنا
ودخلنا كلنا للبيت وعلطول كل وحده من هالبزرآت راحت لامها وهي تصيح
امي بخووف:وش فيكم وش صاير وراهم يصيحون
غاده:يمه بناتكم ساييقن سيارة باسم
امي وخالتي طآرت عيونهم
امي :هاو منتب صاحيات
خالتي:شلون ساقوها
ريماس وهي تصيح:يمه كنا نبي نسوي مثل البنات ليه هم ساقوا سياره وإنا لا ليه ماعصب عليهم باسم ليه
انا بجننهم:هههههههههههههههههه يقطع ام الغيره بس
امل عصبت:هيه مب غيرانين إنا خير
غاده:هههههه ايه واضح بس احسن موتوا حره
مرام:هيه انتو إنا كبار مب مثلكم بزارين ماتعرفون شي
ريماس بفهاوه:اصلا إنا نعرف نسوق شوفونا ماصدمنا باسم هو اللي صدم فينا
انا:هييييه مصدقين انتو انه صادمكم علشان مايعرف يسوق يالدبش هههههههههههههههه
منيره:هههههههههههههه اقول انقلعوا آنقعلوا
شيخه:ولا عاد تدحدرون سيارآت العالم هههههههههههه
خالتي:الله يعين بيجونا مضاويتين( (جمع مضاوي ههههههه )) الله يصبرنا عليكم بس
انا:هههههههههههه علشان تحسين بمعاناة امي
امي بفشله:ههههههه اعقلي يابنت
آنا: هههههه ترى امزح خالتو
خالتي باابتسامه:الله يهديس
منيره:كأني اسمع اذان وش يأذن
جدتي:الظهر وش اذانه بعد؟
انا:ليه اللحين إنا الظهر مب كنه تونا
جدتي:الساعه 12 وش تحترون بعد
غاد:اجل مشينا نصلي
انا:اووكيشن
ورحنا نتوضاء لين يخلص اذآن وبعدين رحنا
نصلي وبعد ماخلصنا
قلت انا:هيه يلا قموا نروح لمخبأنا السري
شيخه:السطح قصدس ولا وشو؟
انا:ايه اجل
منيره:يلا
ورقينا للسطح وجلسنا وإنا مسوين دائره
انا بلقافه:يلا جينا السطح قولوا وش قالوا بسرعه
غاده بحماس:تخيلي كل واحد من هم جالس يتعزل فيس
انا ببرود بقهر البنات: بس ماعندكم سالفه يعني شي طبيعي هذا الكلام متعوده عليه انامعذبه قلوب الشباب للاسف ههههههههههههه
مرام :ههههه انقعلي بس يارببه مصدقه نفسس
انا بغرور استهبل طبعا:يحق لي هههههههه
منيره:بنات طفشانه
انا:حتى انا والله وفيني النوم بعد مانمت الا نص ساعه تقريبا
مرام:كلنا ماخمدنا بعد الغداء انا بخمد صراحه مقدر اتحمل اكثر
غاده:الا وين امل وريماس
كلنا:ههههههههههههه
شيخه: توني ادري انهم مهبل ههههههه
آنا:بنات شرايكم نسوي مثلهم ههههههههههههه
غاده:تبين باسم يذبحس روحي
منيره:اصلا تلقينهم قفلوا سيارتهم خايفين عليها من هالمهبل
انا:وانتي الصادقه بنااات تدرون مشتهيه اروح المقناص
شيخه:مقناص والله فكره حلووووهـ بس الصيد مايصلح الا بالصبح
غاده:عادي نروح بكره واليوم تقول لجدي ونقنع في اهلنا الشطورين
مرام:خلاص اليوم نقولهم اجل
انا :تتوقعون يوافقون عاد
منيره:لا ماتوقع صراحه
شيخه:بنقنعهم غصب
آنا :بنات مالاحظتوا شي
انا:إنا طلعنا من السالفه من مثل الشعره من العجينه
مرام:ههههه الا مساكين ريماس وامل كلوا السالفه كلها
شيخه:احسن علشان يتأدبون
منيره:وهي صادقه حتى طويرق طلع منها
انا:الا ذوولي وين انحاشوا
غاده:تلقينهم متوزين خايفين
انا:بروح اورطهم في السالفه كلها مشتهيه اشوف اشكالهم وهم يتهزؤون
منيره:ياربييه على النذاله
شيخه:ترى اذا رحتي بيقلبون السالفه عليس
انا:اجل خلاص اقعد في ارضي احسن ههههههه
الا كم الساعه الحيين ؟
منيره:الساعه الحين 1ونص
انا:آمآ عاد بسم الله الوقت مشى بسررعه
غاده:مآتحسون ان الوقت صاير يمشي بسرعه الايام والشهور صارت برق من سرعتها
انا :الا والله سبحان الله اخر الزمان
مرام:الله يرحم الحال
غاده:بنات كأن احد ينادينا
مرام :الا خآلتي امكم اكيد يبونا نصف السماط((السفره)) علشان نحط الغداء
انا:اوك يلا امشوا ننزل لهم
نزلنا تحت وعلطول استقبلونا بالسماطات((السفره))
خالتي:يلا بسرعه روحو افرشوا واحد بالمقلط (المجلس)) وآحد بالصاله
انقسمنا قسمين بنات راحو يفرشون السفرات وبنات للمطبخ
..
طارق:الحمد الله طلعت من السالفه بسلام يووه مااصدق
بصراحه رحمتهم يوم شفتهم يتهزؤؤون
معاذ:مشكلتهم محد قالهم يركبون السياره
طارق: اقول ماتحس انه ملل هنا بالديره
معاذ:وش تبينا نسوي يعني لازم نجي مع الاهل غصب
طارق:اووف طيب الحين وش نسوي ملييت وشلون بنقضي اسبوع كامل هنا
معاذ:مدري بس تدري مالنا الا البنات
طارق:جبتها والله انهم كفوووو بعد الغداء بنروح لهم اوك
معاذ:اووك
..
بعد ماخلصنا ترتيب السفره وقفنا كلنا عند سفرتنا بشكل دائري وقلت لامي
انا:يمه خلاص نقلط الرجاجيل
امي:ايه خلاص وش نحتري بعد روحي نادي معاذ يقلطهم ((يناديهم))
انا استهبل:يمه مايصلح اروح آنا
امي:اقول روحي نادي اخوس واعقلي الله يهديس بس
انا:يمه اذا بنادي معاذ بمر من عند الرجاجيل اناديهم مره وحده ونخلص
امي:هههههههه راسي مب علي وشلون ماجا بالي
خلاص اقعدوا عند السفره لين اروح انادي ريماس وامل ينادونهم الا وينهم هم
غاده:مدري من بعد ماصاحوا ماندري عنهم
امي تنادي :امـــــــــــــــل ريماااااس وينكم
منيره:يمكنهم برا
انا:لا لا تلقينهم ناموا اعرفهم اذا صاحو خمدوا مدري شلون ذولي ههههههههه
مرام:وهي صادقه اصبروآ بروح اشوفهم في الغرف
راحت مرام ودقيقتين ورجعت
خالتي:هاه لقيتيهم
مرام:ايه نايمات
جدتي:ياحبي لبنياتي روحوا قوموهم يتغدون
انا بحماس:طيب تامرين
امي:مويضي اقعدي روحي غاه قوميهم انتي لاآآ هبلتي ببنيتي
انا:ههههههههههه
مرام:وش مسويه مويضي
انا بقهرها:سلامتس
مرام بقهر:تقلعي
جدتي قامت وراحت تقلط الرجاجيل
امي:الله يهديها امي وراها قامت تناديهم
خالتي:تعرفين امي خليها بكيفها كذا ترتاح هي
انا:يمه ترآني ميته جوع بجلس اكل
امي:بالعافيه
انا جلست وقلت: اجلسوا معي انتو هيه
منيره:طيب وجلست جنبي والبنات جلسوا وخالتي وامي جلسوا
وانا بديت اكل
مرام:هييه انتي احتري جدتي
انا:معليش والله جوعانه
شيخه:طيب شوي شوي مب طاير الاكل
منيره:ههههه حرام عليكم تراها مآفطرت
انا:ياعمري يامنيره فديتس والله انتي اللي حاسه فيني
خالتي:ام باسم متى بنفر ح في يوسف ومضاوي اجل ماشوفكم تكلمتوا عن الملكه والعرس ولا تونا عليها
انا غصيت بالاكل من الحياء ههههههه
امي:عطوها مويه وش فيس بسم الله عليس
انا اصرف:لالا ولاشي
خالتي:هههههههه خلاص ماعادنا حاتسين(متكلمين) في العرس كلي بس
انا جلست اناطر الاكل وساكته
مرام:هيه مويض وش فيس
انا:مافيني شي
منيره:ايه صح مافيس شي هههههه
امي:خلاص الله يهديكم خلوها تاكل
جت غاده وامل وريماس وراها وجلست والبزارين راحو يغسلون وجيهم وجو وجلسوا جنب بعض لازم ههههههه
جت جدتي وجلست وقالت: يله سموا سموا وش فيكم
امي:بسم الله الرحمن الرحيم
بدوا ياكلون وانا سرحانه
جدتي ناظرتني وقالت:مضاوي وش فيس ماتاكلين
انا ابتسمت بفهاوه:هاه الا اكل
جدتي:ماشوفس تاكلين ولا ماعجبس اجل
انا:افا عليس ياجدتي الا والله هذاني اكل
امي بزلة لسان:مستحيه يمه علشان جبنا طاري العرس
جدتي:وش عرسه ؟
خالتي توهقت لان جدي وجدتي طبعا مايدرون بخطبتي واذا درو الحين بيسون مناحه
وفضلت خالتي تقولها بعد الغداء احسن وقالت:بعدين بقولس يمه
جدتي:زين كلوا عاد يله
..
محمد:الا يوسف متى عرسك اجل
جدي :وش عرسه يوسف بتعرس
يوسف يصرف:ههههه هاه لالا محمد يمزح عليك
محمد استغرب وقال بصوت واطي:هيه وش فيك
باسم:خالي جدي وجدتي مايدرون خلنا ناكل اول بعدين نفهمهم لانهم اكيد بيعصبون لإنا ماقلنا لهم
محمد بااحرج:آها ايه معليش طيب كلوا
طارق:ابوي متى بنرجع
ابو يوسف:تونا واصلين مامدانا
جدي: اجل مليت منآ
طارق:ههههه لا ياجدي بس اسال
يوسف يبي يقهره:اكيييد
طارق توهق وناظر ليوسف بحقد وقال:ايه اكييد
خلصنا اكل على الساعه 3 و رحنا لمراقدنا
انا:ياربيه خلاص شبعت وجاءني النوم
منيره:ايه والله خلاص بس احتري اذان العصر
مرام:مابقى شي
امي جتنا وقالت:مشاء الله عليكم قوموا غسلوا المواعين يله
انا:يمه والله فينا النوم
امي:قوموا يلا بلى قلة ادب
انا:يوه يمه صرنا قليلات ادب علشان ماغسلنا مواعين
امي عصبت:تقومون ولا شلون ؟
شيخه:خلاص يمه جينا
رحنا للمطبخ وكل وحده منا منتهيه خلاص فيها النوم
انا:اقول بنات ابي اتنشط ماقدر اغسل المواعين كذا
منيره مسكت السطل اللي فيه مويه وصابون وكبته علي
انا:هييييييييييييء ياتبببن هيييه مب كذا وجع
منيره:ههههههه علشآن تتنشطين
انا: طيب اوريس وعبيت السطل وحطيت نصه
صابون ومويه قليله وخليته لين يمتلي من الرغوه وخذيته واول ماشافتني منيره راحت تركض في المطبخ
تبي تتوزاء بس من حسن الحظ مالقت لها مخبأ وقربت لعندها وكبيته عليها روشتها فيه
منيره تصارخ:يازفت وجع دخلتيه في عيوني وجع
انا:احسسن تستاهلين يالخايسه شوفي وش سويتي فيني مليتيني صابون
غاده:هييه انتو وجع شوفوا وش سويتوا بالمطبخ بسرعه امسحوه لاتجي جدتي الحين وتعلقنا في المسامير اللي معلقه عليها الفوط
شيخه:هههههههه والله تخيلت اشكالكم
مرام:وش رايكم اجرب ؟
انا رحت لمرام ومسكتها مع خصرها:هاه ارفعس لعندها ههههههه
مرآم:هيييييه انتي عآد مآتصدقيين
انا:ههههههههه لا تقولين اجل بجرب
مرام: ماتصدقين انتي هههههه طيب يله من بيغسل ومن بيمسح
شيخه:غاده ومرام بيغسلون وانا ومنيره ومضاوي بنمسح واللي بيمسح الارضيه منيراتوه ومويض
انا:خيير ليه لنا شغلين وانتو بس واحد
مرام:لا والله من اللي كبب المويه والصابون مب انتي ومنيراتوه
منيره:طيب يلا خلصوا عاد ترآ بنوم هنا الحين
وبدينا نسوي شغلنا وخلصنا على اذان العصر وامدانا نطلع من المطبخ الا نسمع صوت جدي وجدتي يعلى
شيخه:يمه وش فيهم
منيره:تعالوا نشوف
ورحنا نركض للصاله
غاده: وش فيكم
جدي بزعل وضيق وعصبيه ((كلها مجتمعه مره وحده)) :افا يامضاوي تنخطبين وانا اخر من يدري والله ماهقيتها منس ماهقيتها منكم كلكم افا بس افا
انا توهقت وقلت:جدي والله كل شي صار بسرعه ماامدى ويوسف كان مستعجل يعني ماامدانا نسوي شي اعذرنا يالغالي
جدي سكت وباين على ملامحه الضيق والحزن هو وجدتي
جدتي بضيق :ماعاد لنا قيمه واهيمه ياابو محمد خلاص ماعاد صار لنا مكان بينهم
جدي بزعل:قلتيها ياآم محمد ايييييه ماعاد في هالدنيا خير
انا اناظر لامي وخالتي وامي وخالتي يناظروني واشكالهم متوهقه بالمره
انا:جد ي اذا انت مب راضي على هالزواج والله مايتم
جدي بضيق:لا وانا جدس مب قصدي بس اقل شي كان قلتو لنا بالتلفون مب ضار
امي:والله يابوي صار كل شي بسرعه اعذرنا الله يخليك انت وامي
خالتي:غلطانين والله ندري بس والله مو بيدينا
انا:جدي تبينا نعيد الخطبه نعيدها ولا يهمكم
جدي وجدتي ضحكوا من بين ضيقهم وانا ماصدقت ورحت حبيت روسهم وامي وخالتي نفس الشي
جدتي:بتعودين تستحين مرتن اخرى هههههههه
انا:ايه ولا تزعلون بس
جدي:الله يخليس لاهلس يابنيتي
انا:اميين ويخليكم لنا
جدي:الملكه بتسونها بكره وهنا ولا مانيب راضي
انا طلعت عيوني:جدي وش تقووول بكره عاد
جدتي:ايه بكره وش فيها ملكه
جاء ابو يوسف ويوسف وخالي وباسم تنحنوا ودخلوا علينا
انا والبنات بسرعه خذينا طرحنا وتغطينا
خالي:هاه يابوي رضيت
ابو يوسف:والله ان كل شي تم بسرعه اعذرنا ياابومحمد
جدي:رضيت بس بكره تسون الملكه وعندي هنا
يوسف استانس وقال:ايه ايه جدي اللي تامر فيه بكره بكره
انا:لاياجدي مب ممديني خلها الخميس
جدتي:خلاص ياابو محمد الخميس علشان يمدي البنت تجهز
يوسف:جدي جدي قل ان العرس الاسبوع الجاي الله يخليك
كلنا:ههههههههههههههههههههه
جدي:اركد اركد عاد العرس مب الحين تونا عليه
انا:صادق جدي انا ناويه اكمل دراستي معليش يوسف بعد سنه العرس
يوسف طارت عيونه فيني:لااااآآآآآآآآآ معليش اعذريني وش سنه والله طوويله المده انا مب مانعس من انس تكملين
دراستس بس بتكملينها وانتي في بيتي
انا:عاد والله بكيفك ورحت والبنات وراي
ابو يوسف:خلاص بعد سنه وش مستعجل عليه
يوسف بقهر:طيب اللي تامر به
جدي:يلا مشينا المسجد مابقى شي ع الصلاة
ابويوسف:يله مشينا
..
انا:ياربيه واخيرا اذن
منيره:هييه خير مايصلح
انا:استغفر الله يارب تتوب علي يلا امشوا نتوضاء ونصلي خلاص ماعاد اشوف
شيخه:اوكيشن
وصلينا وخمدنا علطوول من الارهاق والتعب
..
طارق:هاه نروح للبنات الحين
معاذ:ناموا امي تو تقوله خلنا ننوم احسن من هالطفش شف كلهم نايمين
طارق:يله اجل وش نسوي بعد
معاذ:طيب نبي لحف مفارش اي شي
طارق:بسيم ويوسفوه سبقونا
معآذ:امش نروح ناخذ من مخزن اللحف
طارق:يله
خذوا لهم لحف ومخاد وناموا من الطفش وموصله معهم للاخر من الزهق
الساعه 7 المغرب
أمي بصراخ:يلااااااااه وش تحترووون مضاوي غاده مرام منيره شيخه امل ريماس قوموا يلا الله يهديكم قوموا صلو المغرب يله الله يصلحكم
آنا فتحت عيوني وناظرت للشباك ولقيت الظلام مغطيها
امي:يله قووومي وقوميهم يلا بنروح لبيت ابو سعد اخلصوا يله
آنآ: بنرفزه:يمه وش ابو سعد ياربيه
امي بصوت عالي:قومي صلي وخلي بيت ابوسعد بعدين يله الله يهديكم
آنا :طيب طيب وقمت توضيت ورجعت ولقيت البنات نايمات
انا بصراخ:بنآآآآآآآآآآآآآآآآآآآآآآآآآآآآآآآآآآآآت قوووموا قووموا مصيبه مصيبه
البنات نطوو من الصرخه وقالوا:وش فيييييييييييييييييييييييييييس
انا:هههههههههه مافيني شي قوموا صلوا يله
البنات ناظروني بحقد وقاموا وكل وحده دخلت حمام
صلينا كلنا ورحنآ للحريم ولقيناهم يشربون شاهي وتونا بنجلس معهم
الا قالت خالتي:لاتجلسون روحو البسوا واجهزوا ابو سعد عازمنا للعشاء
منيره:يمه والله مالنا نفس لعزايم
آنا:مب لازم نروح روحوا انتو
جدتي:استحوا على وجيهكم بس الحين عازمكم ولا تروحون
شيخه:خلاص خلاص بنروح نجهز
امي:لبسوا ريماس وامل وكدوا ((مشطوا)) كششهم ((شعورهم ))
انا:طيب
ورحنا وكل وحده موصله معها فينا النوم وتونا جايين وحالتنا حاله
انا:ياربيه وش البس الحين متى بيمديني استشور شعري كله منس يامنيييير
منيره:حتى انا مثلس اقول مالنآ الا نجعد
غاده:اجل تبون تستشورن بعد مب ماديكم يلا بس بسرعه البسوا ترى مابقى شي
مرام:مشاء الله امي وخالتي وجدتي جاهزين
منيره:ياربيه والله مالي نفس
انا:خلاص ارضوا عاد هذا المكتوب
وبدينا نلبس ونجهز انا ومنيره جعدنا كششنا ولبسنا البزارين نفس اللبس وخلصنا كلنا تقريبا ع الساعه 8 ونص
غاده:صليتوا العشاء ولا لا ؟
انا:لا متى نصلي وإنا كنا نجهز
شيخيه:طيب بسرعه ترى الحريم لبسوا عبايتهم
منيره متنرفزه:ياربيه وش مستعجلين عليه ذولي
مرام:بسرعه بسرعه قبل ماياكلونا الحين اخلصوا
صلينا ولبسنا عبايتنا وتجمعنا كلنا في الصاله نحتري الرجآجيل يخلصون
معاذ: يله اطلعوا وش تحترون
آنا:طيب خلصتوا انتو
معاذ:ايه خلاص ركبنا السيارات كلنا
شيخه:من بعد البيت علشان نروح بالسياره
انا:كلهآ حارتين الا إنا واصلين
مرام:يختي احسن مافيني امشي والله
جدتي:خلوا بربرتكم بعدين يله تاخرنا على الناس
عدلنا العبايات وطلعنا وركبنا السيارات وكلها 10 دقايق ووصلنا بيت ابو سعد
وقف بعرفكم على بيت ابو سعد
ابو سعد وام سعد :ناس طيبه وش حليلهم
سعد الولد الكبير عمره:30
ناصر عمره 26
ساره عمرها : 24
~نكمل~
ودخلنا وإنا مستحين شوي يعني مانعرفهم كثير
وبدا السلآم والترحيب وبعدها جلسنا بمجلس الحريم
منيره :ياربيه فيني النوم
آنا:هيه صحصحي وش بيقولون عنس الناس الحين
مرام:خلاص اسكتوا جت ام سعد وساره
وعاد ي سواليف وقهوه وشاهي مافيه شي يذكر هاجدين لاإننا فينا النوم ويقالنا مستحين
وعلى الساعه 11 قلطونا للعشاء
وتعشينا ويوم جت السااعه 12 ونص اتجهنا لبيت جدي
واول مارجعنا بدلنا ملابسنا ولبسنا قمصان ونمنا
وعلى الساعه 2 الليل قمت انا خلاص شبعت نوم وناظرت البنات كلهم نايمين الا مرام
آنا بنفسي:غريبه وينها احسن بعد خلها تجلس معي وخذيت طرحتي وطلعت برا
ودورت عليها ومالقيتها ولقيت باب السطح مفتوح وقلت بنفسي اكيد هي فوق وجاء بالي
اخوفها ومشيت بهدووء ويوم وصلت لاخر درجه انصدمت من اخر كلمه سمعتها وصنمت في مكاني وبديت
ارجع لوراء علشان ماتحس فيني واستوعب اللي سمعته
مرام:ههههههه لا انا الحين بلحالي طالعه السطح بسم الله الجو يخوف بس كل شي لعيونك يهون
راكان:تسلميين ياقلبي انتي
مرام بخوف:الله يسلمك يمه والله خايفه خلاص بنزل تحت بعدين اكلمك الصبح انت موجود ؟
راكان:مدري مااتوقع بس انتي دقي اذا رديت عليك يعني مانمت واذا مارديت يعني نمت
مرام:اوك خلاص يلا مع السلامه
راكان:اووك ياعسسل لاتحرميني من هالصوت
مرام:ان شاء الله
راكان:بااي حبي
مرام:باي ركوني
انا اول ماسمعت كلماتهم الاخيره نزلت تحت اركض وانا مصدومه ورحت لفراشي وانسدحت بسرعه بسرعه
علشان ماتحس فيني تلحفت وسويت نفسي نايمه
دخلت مرام وانا خلاص ودي اروح واسطرها منقهره من هــاللي جالسه تسويه بس هديت نفسي وسويت نفسي توني افتح عيوني
وناظرتها وابتسمت وخليت كل شي طبيعي
مرام:هلا مويض قمتي زين يلا امشي نطلع مليت وانا بلحالي
آنا بدون نفس:مالي نفس اطلع شكلي برجع انوم اصلا
مرام:طيب براحتس وطلعت
آنآ بتوتر:ياربيه وش اسوي الحين اخليها ولا انصحها ولا امسح رقمه ولا وش اسوي يارب دلني ايه بس مافيه
الا هو بس خاف يعصب لالا خلاص هونت لالا خلاص بقوله
ودخلت مرام مره ثانيه وقطعت حبل تفكيري خخخخخ
مرام:مويض قومي معي تكفين خايفه برا ابي اكل بس ماقدرت اروح المطبخ خايفه
انا:هيه وش خايفه منه المطبخ قدام غرفة جدي وجدتي روحي وبلى دلع
مرام:تكفين قومي بلى نذاله
انا :طيب طيب يله امشي
مرام ابتسمت وقالت :يله
تم البارت التآآآسع .~
وبس توقعاتكم وارائكم ^_^
وش راح يصير في يوم الملكه؟؟
ويوم المقناص ؟؟
وش راح تسوي مضاوي بسالفة
مرام ؟؟
~.آلــبآرت الـعآآآشر ]~
هالبارت كله اكشن ورومنسيه وممكن شوية كوميديا مدري *_^
نـــــــــــــــــــــــبدأ
~في المطبخ~
أنا:وش تبن تاكلين حظرتس
مرام:تدرين مشتهيه بطاطس
انا بنرفزه:يوووه والله انس فاضيه خذي لس خبزه وجبنه وبس
مرام:تكفين قطعي معي والله ماشتهيت جبن
انا:طيب امري لله يلا بسرعه جهزي القطاعه والبطاطس وطلعي الزيت
مرام:وانتي لاتصيرين نذله ساعديني عاد
مضاوي بدون نفس:احمدي ربس بس اني بقطع معس
مرام باأستهزاء:طيب يالسنعه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك