رواية لا جيت بعقل يضحك الطيش بدري -8
معاذ:هييييه وجع لاتاخذ راحتك انت توكم حتى ماتملكتوا
يوسف:مالك دخل مابقى الا البزارين
ابو يوسف معصب:وهو صادق اهجد ياولد
يوسف:تامر ياابو يوسف
باسم بصوت واطي:فشلوني ككككك
يوسف:اوريك انا بعدين
باسم:هههههههههههههههه
طارق بصوت عالي ويكلم الحريم:اروح اقومها لكم
غاده بصوت عالي:ههههههههه علشآن تتذابحون لالا اقعد مكانك بس
طارق:كيييفكم
شيخه:الله يازين ريحة الفطور
غاده:تتهبل بيفوت مويض
امي:هي مفطره ولالا
شيخه:لا ماكلنا شي بعد العشاء غير فشافيش وشوكلاتات
منيره:خآالتي اروح اكب عليها موييه
خالتي:لا اقعدي يابنت خلاص بكيفها
امي بصوت عالي و تنادي:آمل ريماس تعالوآ افطروا لاحقين على اللعب
امل وريماس جو يتراكضون بترابهم وجلسوآ يفطرون بسرعه كأن احد لاحقهم
منيره:هييه شوي شوي لاتغصون
مرام:خايفين يفوتهم اللعب اتركيهم
خالتي:امل ريماس كلوا شوي شوي مب زين كذا
امل:يمه نبي نلعب
امي:لاحقيين على اللعب لاحقيين
ريماس :يلا امل قومي انا خلصت
غاده:هيه خلي البنت تاكل يمكن ماشبعت ولا خلاص شبعتي انتي وهي شبعت
امل:لا آانا خلصت وراحو يلعبون ويرقون هالجبال
منيره:بناات خلصتوا
غاده:انا عن نفسي لا
مرام:وانا بعد
شيخه:انا خلصت وش تبين؟
منيره:آبي اتمشى بس
شيخه:آوكي يله مشينا
منيره:اووك وعدلوا عبآياتهم ورحوا يتمشون
يوسف:بآسم ابي اروح لسيارتك ممكن
باسم مستغرب:وش تبي بها
يوسف:بعد وش ابي ابي اروح اقوم مضاوي ياخي ماعيش بدونها ماقدر
باسم:ههههههههههه الحمد الله الله لايبلانا
يوسف:ضف وجهك بروح بس مابي احد يشوفني وشلون
باسم:رح محد شايفك كلن لاهي بعمره بس لاتاخذ راحتك واجد
يوسف:وش بسوي يعني كلها بقومها وخلصنا
باسم:ايه بس لاتسوي حركات نص كم
يوسف:يالليل لاتخاف
باسم:طيب يلا انقلع
راح يوسف لسياره ومشى بحذر علشان محد ينتبه له وفتح الباب وقال بصوت
هادي قليلا:ميمو ميمو مضاوي ياقلب يوسف يله صحصحي
آنا فتحت عيوني وانصدمت من اللي شفته قدام عيوني عدلت نفسي بسرعه وجلست على حيلي وقلت:خييير
يوسف:الخير بوجهس شخبارس عقب امس
انا للحين مو مستوعبه:الحمد الله انت وش تبي الحين؟
يوسف:هههههههه مابي شي بس حبيت اقومس الجو من دونس بااايخ بااااااااايخ
آنا:خلاص طيب رح انت الحين انا قمت خلاص
يوسف:اكيييد وغمز لي
انا ابتسمت وقلت:ايه خلاص رح يله
يوسف طيب ونزل من عندي
آنا مسكت قلبي :يمممه جعله المغص وش جابه هذا هنا وجع وين البنات لايكون متفقين معه يسوونها فيني جعلهم الصمرقع
نزلت ورحت عند الحريم
امي:هلا تبين فطور
انا وبطني يعورني من اللي صار:لايمه ماشتهيت
امي:وش فيس كلي ماكلتي شي من الصبح
انا:ماشتهيت يمه والله
امي:بكيفس اجل
غاده:زين قمتي يالخايسه
انا:طسي بس اجل وين منيراتوه وشيخوه
مرام:شوفيهم فوق ذاك الجبل حولاء ماتشوفين
انا لفيت لهم وجلست اناظر وسرحت
خالتي:مضاووي وين رحتي
امي :هههههههه خليها تلقينها عند الحبايب
انا ضحكت بحياء وقلت:غاده مرام بتروحون معي عندهم
مرام وغاده:ايه يله قدآآآآآآآآآم
باسم:ارجعوا ارجعوا يلا بنروح خلاص فطرتوا و ش تحترون
آنا:ياليتني ماقمت
يوسف :معليش ازعجناس بس ترى تعطين المكان جوو حتى لو بثواني
انا استحيت وسكتت
خالتي:يوووسف وجع وش اني قايله انا
يوسف:ياربيه متى بملك وافتك
باسم:احلم بالملكه وانا اخوك
يوسف:هه هه ماتضحك ابدا
باسم:ليش انا قايل نكته
يوسف:ايه بس للاسف سخيفه
مرام:ههههههههه ياربيه حتى انتو وصلكم المناقر
انا:صايره موضه هالايام ورحت اركب السياره
يوسف بصوت عالي:ويييين ياقلبييييييييييييي
انا بصوت واطي:جعله التبن الحين وش بيفكني من لسان البنات ياربيه بروح اذبحه
غاده ومرام جو عندي يتراكضون :هههههههههههههههه
انا:خيير وش اللي يضحك
غاده:هههههههههههههههه ولا شي
انا:الحمد الله اجل وش عليه تضحكين البقره الضاحكه على غفله
شيخه:سخيفه ماتضحك ابدا
مرام:مايضحك الا هي ويوسف وانحاشت عند منيره وشيخه
انا بصوت عالي:هييييييييييييين شغلس مب الحين
يوسف سمعني وقال:كفووووووووووووووووووووووووووووو
غاده:هههههههههههههههههههههههههههههههههههههههه
انا:ياربيه بروح اذبحه ذا ترى
غاده:ماتوقعته يحبس لهدرجه
آنا استهبل:ملكة جمال السعوديه اكييد بيحبني وبينجن بعد
طارق:ياحليلهم المصدقين
انا:يمممممممممممه وش فيكم اليوم انتو كل شوي طالع لي واحد من جهه
معاذ بمياعه يستهبل:لايكون شايفه جن يمممه يآآآي
آنا:واكثر من الجن بعد
طارق كان معه مويه فتحها كبها علي كلها
انا:جعلك البحر اللي يزمك
غاده:هههههههههههههههه امي 2
طارق:هذا جزاء اللي يغلطون على طارق ولد ابو يوسف
انا نزلت من السياره اركض وخذيت لي مويه واتجهت لطارق وهو اول ماشافني
انحاش انا نسيت يوسف ونسيت الدنيا وقمت اركض بعبايتي وراء طارق
طارق:ههههههههههه كنس عجوز تركض
انا وقفت وبتعب:جعلك المغص هب على هالرجلين شلون تركض انت وجع
يوسف :امسكه لس ثواني وهو عندس روشيه(سبحيه) بالمويه وراح يركض وراه
انا غمضت عيوني من الحياء مدري وش دخل عيوني
غاده قربت لعندي والبنات معها وقالت:ههههههههههههه وش فيس هيه فتحي عيونس
انا فتحت عيوني وقلت:يمه قلبي
منيره:ههههههههههه ياربيه بس على الحياء اللي مدري وشلون قايل سؤال؟ وش دخل عيونس
انا:علشان استوعب اللي يصير انتو قولوا لاخوكم يهجد ولا ترى وجهه بيتفقع
يوسف جاء وهو ماسك طارق وقال:تفضلي رشي عليه المويه لين تملين
انا ماصدقت خبر وفتحت الغرشه(العلبه)وكبيتها كلها على طارق وانحشت لسياره
طارق بصوت عالي:والله لاردها لس بس صبرس علي
يوسف:هيه ترى عطيتك وجه اعقل عن زوجتي لـ أمردغك بالتراب الحين
طارق:اقول ماودك تنوم
يوسف:لا والله توني قايم و وراي طريق
منيره:ههههههههههههه الحمد الله وش فيكم ياخواني انهبلتوا
شيخه:يلا الكل ركب مابقى الا إنا
يوسف:يلا امشوا بسرعه
ومشوا وكل واحد آتجه لسيارته وركبوا وحركنا السيارات
..تم الباآرت الثامن .}
توقعاتكم للبارت الجاي
يوسف و مضاوي بيتمون على حالهم كل
واحد اهبل من الثاني ولا بيتغيرون ؟ خخخخخخخ
مرام وراكان وش نهآيتهم ؟؟
منيره وشيخه و غاده هل بتضل حياتهم
هاديه او بتتغير ؟
باسم طارق معاذ ريماس امل ؟!
خالهم الجديد محمد كيف تتوقعونه؟
توقعاتكم وارائكم ؟
~.آلــبآرت الـتآآآسع ]~
ومشوا وكل واحد آتجه لسيارته وركبوا وحركنا السيارات
في سيارتنا
امي:دقوا على ابوكم شوفوا وينه
انا:طيب يمه بدق عليه
دقيت على جواله ورد علي وهو معصب
انا:هلا يبه
ابوي بصوت عالي:هلا وش تبين
انا بخوف:امي تقول شوفوا وينه
ابوي بدى يهدى:انا في الدووام
انا:يعني منتب جاي
ابوي:لا بكره بجيكم اليوم ماقدر ابدا
آنا:لييه
ابوي:ماعطوني اجازه الا بكره يلا مع السلامه عندي
شغل
انا:مع السلامه
امي:هاه وش قالس
انا:ابوي معصب يمه يقول ماعطوه اجازه
باسم:يعني مب جاي
انا:الا بس بكره مب اليوم
امي:اشوى اهم شي بيجي
انا:ايه الله يحفظه يارب
طارق:كم باقي ونوصل
باسم:مابقى كثير يمكن نص ساعه
غاده:يمه كم بنقعد عند جدي
امي بنرفزه:اسبوع كم مره اقولكم انا
معاذ:يمه بناتس بقر
آنا:هيييه حدك انت عطيناك وجه يالمراهق
باسم:اسكتوا بس ترى مااحب احد يشغلني وانا اسوق
امي بخوف:خلاص اسكتوا
..
محمد:متى بيجون اجل؟
ام محمد:الحين مابقى كثير على جيتهم
محمد:ههههههههههه ياحبي
لمضآوي وحشتني والله
ابو محمد ضحك وقال وهو مبتسم: الله يحفظها ويخليلها لاهلها
ام محمد:امييييين يارب ويحفظكم ويخليكم كلكم
ابومحمد:اللهم اميين الا محمد متى ناوي تعرس على بنت عمك
محمد:يبه تونا على العرس
ام محمد:لين متى وانت تونا
ابو محمد:عمك امس مكلمني عنكم ياوليدي كانك ماتبيها فـ غيرك كثير لاتعلق البنيه معك
محمد:لا وين يالغآلي الا ابيها بس ابي اول اجمع لي كم قرش علشان لين اتزوجت
ماتورط قريب بتزوج هآنت
ام محمد:الساعه المباركه والله يقربها يارب
ابو محمد:يعني كم يبي لك سنه سنتين
محمد:لا ياابو محمد وش سنه سنتين لا قريب قريب مرهـ
ابو محمد:اجل اقول لـآخوي يجهزون البنت خلاص
محمد:لا يابوي مب الحين بعدين اذا قررت بقولك لاتستعجل
ام محمد:الله يصلحك من ولد
ابومحمد:اميين
محمد:كنهم جو اسمع صوت سيارات برآ
ابو محمد:رح شفهم كانهم هم نادني اجي استقبلهم
محمد:ان شاء الله تامر يالغالي
وراح محمد ولقى سيارات باسم ويوسف توها موقفه
محمد بصوت عالي:يبه هذولي هم جو
ابو وام محمد قربوا للباب وبدوا يستقبلونا والسلام والترحيب الحار وهالحركات
جدتي وامي وخالتي دخلوا دآخل
وجدي وآبو يوسف وباسم ومعاذ وطارق راحو لمجلس الرجاجيل
وبقى انا والبنات وخالي واقفين عند الباب
آنا بمونه قويه:محميد انت فيذا اجل مارحت اليوم البر زي العادهـ اكيد تحتريني اروح معك صح صح
خالي طقني على راسي بخفيف وقال:مابعد عقلتي انتي
انا:لا والله للحين احتريك تعقل واعقل معك
خالي:هههههههههه ياأني عندي لس هبال خيشه من الهبآل بس خليني افضى
منيره:وش عندك ياخآلنا العزيز
خالي:والله عندي انتو
انا:ماتضحك ابدا ههههههه
خالي:محد طلب منس تضحكين والله
اقول ورانا واقفين عند الباب ادخلوا داخل
غاده:عاجبنا الوضع
خالي:ادخلوا لاحقين على الباب بتملون منه هههههههههه
شيخه:ايه من هالناحيه الله يعين الباب من كثر مانصور معه ههههههههههههههههه
خالي:ههههههههههههههههه مهبل هالبنات الله لايبلانا
جاء يوسف لعندنا وقال:مافيه احسن من هبالهم ياآحلى خال
خالي:الله وش عندك انت ؟
يوسف:الحب ياخالي الحب الحب
خالي:ومن هي اللي امها داعيه عليها وحابها انت وهالخشه
انا من سمعت هالطاري وشفت يوسف دخلت داخل اركض وجلست جنب امي
خالي:وش فيها انحاشت
يوسف:هذي حبيبتي الله لايخلينا استحت لازم تنحاش ههههههههههآآآآآي
خالي:وش فيها استحت وبدى يستوعب وقال:اها اجل هي اللي تحبها ههههههههههههههه
مايليق ابدا سبحان من جمعكم وعساها تحبك بس ولا من طرف واحد
مرام:اقول خالي مادريت انهم الحين مخطووبين
خالي طارت عيونه:وشو مخطوبين لا قوويه هذي
يوسف:ولييه قوويه طايحين من عينك إنا
خالي:هههههههههه لا اشكالكم مآتأهل لعرس
شيخه:اقول اسكت لاتجيك الحين مضاوي وتآدبك خخخخخخخخ
خالي:عسسسل على قلبي ياحبي لها بس ماصدقت تجي
منيره:عسى ماتموت مضاوي وش هالحب اللي جايكم عليها
يوسف بخوف :جعل العدو للموت اسم الله علييها بعييد شر عنها
البنات وخالي:ههههههههههههههههههههه
غاده:ياعيني على الحب بروح اعلم مضاوي وجت عندنا والبنات وراها
.
يوسف:هههههههه بنات مهبل جدي مولع نار
معصب علييك ياويلك منه
خالي:وراه وش فيه ؟
يوسف:علشانك ماجبت القهوه
خالي:يووووء نسيت يله رح انت وانا بجيبها الحين
يوسف:اوك وراح
خالي تنحنح ودخل علينا
انا:ادخل محد عندك وشوله التنحنح
خالي:مدري يمكن عندكم من حريم الديره ملاقيف قلت يمكن جايين يبون يتعرفون عليكم وكذا
انا:هههههههههههههههه خالي اهجد لاتقوم عليك جدتي بالعصا
خالي:هههههههههه لا يمه امزح امزح ترى
جدتي:الحين بتجي هالعصى توسم في ظهرك من ابوك رح عطهم القهوه الله يهديك وش تحتري
خالي:طيب طيب وشال القهوه وراح
غاده:موويض فاتس تو خالي ويوسف
مرام بصوت واطي:هيه انتي مب هنا بعدين
انا:وشو حمستوني
منيره:لا مو هنا بعدين
شيخه:الحين بنروح السطح ونقولس لاتتستعجلين
انا:طيب بس بسرعه خلصوا قهوتكم
جدتي:الا وين امل وريماس ماشفتهم الا يوم اسلم عليهم
انا:هههههه الحين تلقينهم مجمعين بنات الديره وجالسين معهم
امي:روحوا شوفوا وينهم ذا المهبل
شيخه:طيب وقمنا بااسرع مايمكن كلنا ماصدقنا بس احد يقول قوموا
..
طلعنا برا عند باب الشارع ولقينا أمل وريماس وطآرق ومعاذ
متجمعين برا
.
آمل:ريماس وش رايس نسوق سياره
ريماس:ايه يله شوفي شوفي سيارهـ باسم مفتوحه
امل:بس أنا ماعرف اسوق انتي تعرفين
ريماس:ايه اعرف امشي نركب
امل:طيب
ركبوا السيارهـ وريمآس ركبت في مرتبة السواق وامل جنبها
آنا بصوت عالي:هيييه انتو خييير
طارق:تكفين خلييهم يسوووقون بشوف وش بيسوون بس
منره:هيييه انت مب صاحي تخيل بس دحدرت السيآره فيهم
ومشت
انا:خلاص خلووهم تخيلت شكلهم وباسم
يسطرهم اذا درى ههههههههه
غاده:هههههه حرام عليس والله انس نذله
معاذ:اقول طارق ماودك نسوي مثلهم
انا بخبث:الا روحو لسيارة يوسف
طارق:لاوالله للحين مانهبلنا علشآن نسمع كلامس
انا ببراءه:ليه يعني وش بسوي بعد احمدو ربكم اني ابيكم تسوقون وتتعلمون وتوسعون صدوركم
معاذ:كثري منها بس
نرجع للبزارين اللي في السياره:
ريماس مسكت القير وسحبته لوراء وبدت السياره ترجع وراء تدحدر
مسكت ريماس الدركسون وبدت تدوور به والسياره بدت تلفف
آمل:الله وناسه ريماس خليها تسرع ليه بطيئه السياره
ريماس:ماعرف شلون ؟
امل:انا دايم اشوف يوسف يضغط على هذا اللي يسمونه فرامل اظغطي عليه شوفيه هذا تحت وتاشر على الفرامل
ترى هو يخلي السياره تسرع وتفحط
<<بصراحه مبدعات اجل الفرامل هي اللي تسرع ههههههههههه
ريماس:طيب ونزلت رجلها ونزلت هي كلها تحت وظغطت على الفرامل وطلع
صوت زي التفحيط عووووووووووووووووووء
<<فحطه يعني هههههههه
إنا من سمعنا صوت الفحطه رحنا نركض لهم
انا وقفت جنب السياره:هيييييه انتو وجع بعد تعرفون تفحطون وقفووا السياره
جعلكم الصمرقع بسرعه وش سويتوا انتو وشلون مشيتوها وقفوا
وقفووووووووووا
ريماس بخوف:ماعرف اوقفها
امل بدت تصيح:ريماس تكفين وقفي السياره اهيء اهيء
ريماس بدت تصيح:ماعرف ماعرف اهيء اهيء
دحدرت السياره لين طلعت الشارع اللي يكون بنص الحارات
طبعا كان فيه دحديره والسياره اسرعت بسرعه متوسطه
عاد شوفوا اشكال ريماس وامل كيف كل وحده كشتها موقفه
من الخووف ودموعها اربع اربع
منيره بخووف:هيييييييييييييئ الله ياخذهم طلعوا للشارع وش بنسوي الحين والله لويدري باسم بيذبحنا
شيخه:ياويلي كله منس يامويض الحين شلون بنرجعهم
معاذ:طارق تعال معي
طارق: وين
معاذ سحبه وراحو عند سيارة باسم وصاروا يلحقون السياره وكل واحد يقول ميدهم كلمه
وريماس وامل حاظنين بعض ويصيحون ومخلين السياره تمشي
بلحالها يعني تخيلو الشكل ههههههههههه
غاده:ياربيه وش بنسوي تعالوا نروح نمسكها من وراء يمكن توقف
انا:هههههههههه هيه وش شايفتها آنتي
مرام: عسآس بس في عقلس هههههههههه
جو باسم ويوسف عندنا وإنا خلاص شوي وبنموت من الخوف
باسم بصدمه:سيارتي وينها
يوسف:يمكن موقفها منا ولامنا وناسي
باسم:انا موقفها هنا آنا متاكد
باسم:انتو هيه ماشفتوا سيآرتي
انا بربكه:هاه لالا ماشفنا شي
يوسف:وش فيكم لييه اشكالكم مرتبكه كذا
منيره بتوتر:هاه لالا ولا شي سلامتك
باسم:انتو ماتذكرون انا وين موقف سيارتي صح هنا ولا انا غلطان
شيخه:لا لا مآنذكر
بآسم :انا متاكد انها هنا لايكون انسرقت
يوسف:ليه انت مخليها مفتوحه
باسم:ايه كنت ابي انزل الاغراض علشان كذا فاتحها
معاذ وطارق جو يركضون وهم خايفين اخر درجه
يوسف بخوف:وش فييكم
معاذ:بببباااا سسس بااسم سسسسيييااارتتككك
باسم بخوف:وينها سيارتي
طارق:امل وريماس دحدروها ومشت لين الشارع ورحنا لهم تو وماعرفنا نوقفها
باسم ركض للشارع وشاف سيارته تمشي بنص الشارع وجاء عندنا يركض وقال وهو معصب و مستعجل:يوسف بسرعه بسرعه عطني مفتاح سيارتك
يوسف طلع المفتاح وعطاه وراح معه وباسم ركب وشغل السياره ورجع السياره لوراء وقرب عند سيارته و لف على سيارته وقف قبالها وصدمت سيارته بسيارة يوسف بس صدمه خفيفه
ونزل وهو معصب لاخر درجه وفتح الباب وبدى يصارخ عليهم و يهزأ فيهم
يوسف:بس باسم مب كذا تراهم بزارين
امل وريماس بدت دموعهم تهل على عيونهم والخوف باين على ملامحهم
باسم بصراخ :ياحماره انتي وهي وش مخليكم تسوقون السياره هاه
ريماس وامل يصيحون ويشاهقون من الخوف
نرجع لنا
منيره:مضاوي روحي لهم خلهم يجون بسرعه مب يتفاهمون كذا في الشارع
انا: خاف يذبحني باسم ماعلي الا طرحه ومغطيه وجهي بس
غاده:خلاص انا بروح
وراحت تركض لهم
باسم بصراخ وعصبيه:خذي هالحمير معس بسرعه لاذبحهم الحين
غاده:طيب طيب وادخلوا تفاهموا داخل مو في الشارع
باسم بصراخ:انقعلي الحين عن وجهي لااذبحس معهم
غاده مسكت ريماس وآمل وركضوا عندنا
ودخلنا كلنا للبيت وعلطول كل وحده من هالبزرآت راحت لامها وهي تصيح
امي بخووف:وش فيكم وش صاير وراهم يصيحون
غاده:يمه بناتكم ساييقن سيارة باسم
امي وخالتي طآرت عيونهم
امي :هاو منتب صاحيات
خالتي:شلون ساقوها
ريماس وهي تصيح:يمه كنا نبي نسوي مثل البنات ليه هم ساقوا سياره وإنا لا ليه ماعصب عليهم باسم ليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك