رواية لا جيت بعقل يضحك الطيش بدري -7
ابوي:روحوا الله يسهل دربكم
امي:وانت مب جاي معنا
ابوي:ودوامي وش اسوي به
امي:خذ اجازه بنقعد هناك لين تجي المدرسه
ابوي:بشووف بشووف
انا:لازم تاخذ اجازه علشان مانرجع علشانك يعني
امي:اسكتي جعلس الصلاح عييب
غاده:ابوي ماعليك منها لو تبينا مانروح عادي بنجلس علشانك
ابوي:ههههههههه لا بنروح كلنا باخذ اجازه ان شاء الله
انا:اييييييييييييه خلك كذا رجالن سنع
ابوي بدى يعصب بس يحاول يهدي عمرهـ:اهجدي وانا ابوس
انا قربت وحبيت راسه وقلت:اسفه ياالغالي ترى ماقصد بس حبيت امزح معك شوي
ابوي اول مره تزعل تتدلع عليينا
امي:ههههههههههه الله يهديس من بنت
انا:امييين ابوي نصيحه اذا تبي تتدلع تتدلع على ام باسم مب علي هههههههههه
امي خذت كرتون المنديل وذبته علي باقوى ماعندها وصقع في جبهتي
انا:هههههههههههه آآي يمه بعد هذا حقي ابيكم ترجعون ايام الشباب والعسل هههههههههه
شيخه:هههههههههههه ياربييه انتي اهجدي وجع
غاده:اقوول خواتي العزيزات خلونا نروح نجهز شنطنا يلااا
امي:اييه يلا اخلصوا وخذو الاشياء اللي تحتاجونها مب تملون لي الشنطه
انا:حاااظر يمه مب مالينها مثل كل يوم لاتحاتين
امي:الله يستر ماتصيرين بنت تسمع الكلام اللي اذا فيه عكس الكلام اللي نقوله
انا:هههههههههه لا يمه لاتخافيين باخذ بس الاشياء اللي احتاجها
امي:زين الا وين ريماااآآس
ابوي:راحت مع خالتها
امي بصدمه:وشوووووووو وهالبنت تروح ولا تاخذ شور احد
ابوي:قالت لي جالستن تصيح عند الباب خليتها تروح وش اسوي بها
امي:الله يعين بتجيني مضاوي ثانيه
انا:ههههههههه علشان اذا رحت ماتتطفشون
غاده:الله يعيين بس
شيخه:وحده مب متحملينها شلون 2 الله يصبرنا بس
انا: الله يعيينكم بس على فراقي
شيخه:ياربيه بس على المصدقين انفسهم
آنا:ياربيه على الغيرانين
امي:لاتقعدون تتطاقون روحوا يلا جهزوا اغراضكم
غاده:طيب يلا خوآتي العزيزات
وقمنا ورحنا نجهز اغرآضنا وحسنا الدنيا حووس
..
ام يوسف:هاه الحين ارتحت
يوسف:اييييه افا علييس
منيره:هاه وش رايك في مويض
يوسف:اولا اسمها مضاوي وثانيأإ:قمر من يومها
مرام:ش هالحركات ياخي الغالي من الحين قمت تتغزل
يوسف وقف على حيله وقال:عذآاآاآاآال وطلع
مرام:ههههههههه ياحبي له بس
ام يوسف:وين ريماس وامل بسم الله اختفوا
منيره:اكيد فوق عند غرفة الالعاب
ام يوسف:زين قوموا جهزوا اغراضكم يلا
منيره + مرام :ان شاء الله واتجهوا لغرفتهم
~في غرفتهم~
مرام:غريبه وينه هذا؟
منيره:من ؟
مرام بربكه:هاه لا ولااحد سلامتس كملي شغلس بس
منيره:طيب
..
ابو محمد:خلاص تراهم بكره بيجون جهزوآ الغداء وغرفهم
ام محمد:الله يحييهم السآعه المباركه
ابو محمد:ناقصكم شي ولاش
ام محمد:لا مانقصنا الا هم كل شي موجود
ابو محمد:وين ولدس اجل
ام محمد:هقوتي انه مع عيال عمه في البر
ابومحمد:زين خله يوسع صدره
ام محمد:اجل منتب نايم
ابومحمد:الا بس بروح لخوي ابو سعد شوي وارجع
ام محمد:مب كأن الوقت متاخر السآعه 11
ابو محمد:الا بس هو يبيني في شغلتن ضروريه
ام محمد:ايه خلاص اجل رح لاتتاخر
ابو محمد:زين مع السلامه
ام محمد:حافظك ربي
مرام بنعومه:هلا والله
....ذاب مع الصوت:ياهلا والله بهالصوت وراعيته
مرام:هلا بك
....:ماتعرفنا على الحلوين
مرام:انا اللي في السوق امس
....:اي وحده؟ماعرفتك
مرام:انا اللي شريت لها الكروسان والكوفي
بصوت عالي:هلااآاآآأآأآ وغلااآاآآأآأآ بالزين كله
مرام بدلع:هلا فيك
....:تدرين ماتوقعتك بتدقين؟
مرام:ليه
....:مدري توقعت والحمدالله ان التوقع صار خطاء
مرام:لهدرجه معجب هههههه
....:تقدرين تقولين
مرام:طيب ماتعرفنا عليك
....:انا اسمي راكان وعمري 25 ومتوظف في شركة أبوي اي معلومات ثانيه؟
مرام بثقالة دم:لا مابقيت شي ماقلته
راكان:هههههه طيب ماتعرفنا على العسوله
مرام تكذب على الولد:انآ اسمي ريما وعمري 20
راكان:هلا تشرفنا اما عمرك 20 قووويه
مرام:لييه ؟؟ وش فيه عمر العشرين؟
راكان:والله ياقلبي مب باين علييك ابدا
مرام:ايه انا شكلي صغير الكل يقوله
راكان:طيب ياحلوه وش اخبارك بعد الاكل ان شاء الله اعجبك
مرام بدفاشه:اكييد اعجبني كنت مره جوعانه بصراحه جاء بوقته
راكان:فيه العافيه
مرام:الا وينك الفجر ادق عليك ماترد علي
راكان:ياحلوك يا ريمو انا كنت نايم
مرام:آها نوم العوافي
راكان:الله يعاافيك الا مابشوفك مره ثانيه
مرام:لا انا صح كلمتك لكن اشوفك وتشوفني هذي قوويه ياشاطر
راكان:معليه مو مهم اهم شي اسمع هالصووت العذب
مرام:من ذوووقك
راكان:الا بسالك عن وحده معك ممكن؟
مرام:ايه من ؟ اي وحده !
راكان:اللي جت معك يوم تاخذين الاغراض هذي كم عمرها
مرام:وليه تسال
راكان:مدري يمكن فضووول
مرام:مالك دخل بعمرها
راكان:على راحتك بس تراها مره مرجوجه يعني قولي لها تتعدل من طريقة كلامها مشيتها وكذا
مرام:لا مستتحيييييييييل
راكآن:ولييه
مرام:لـ إنا ماتعودنآ عليها الا مرجوجه
راكان:الله يخليكم لبعض
مرام:اميييييييييين
راكان:هاه وش عندك من اخبار ياقمر
مرام:ماعندي شي انا الحين بروح انام توصي شي
رآكان:لا سلامتك ياعمري نوم العوافي
مرام:الله يعآفيك باي وصكرت في خشته
راكان:ههههههه بنت همجيه
مرآم بتأنيب الضمير وخوف:يمه يمه انا وش سووويت هيييييييء جعلي المصرقع شلون تجرئت وكلمته
ياويلي من ابوي وامي يوسف ياربيه وش سوويت الله يستر خلاص ماعادني مكلمته هذي اخر مره
خلاص توووبه تووووبه وتلحفت ونامت من الخوف خخخخخ
اليوم التاآآآلي
الساعه 9 صباحآ
امي توها مصحصحه:مشاء الله مبكرآت اليوم
شيخه:اصلا مانمنا
امي:ولييه
انا:مب لازم ننوم في الطريق بنخمد
ساعتين كامله وش نقعد نسوي فيها
امي بملل:ايه انتي وراء السالفه زين وين ابوكم
غاده:توه ماجاء من الدوام توه رايح يقول بياخذ اجازه ويجي
امي:وباسم وينه لايكون مابعد قااام
آنا:الا جالس يحمل الاغراض بالسيارهـ
امي: ومعاذ وريماس وينهم
شيخه:ريماس خامده للحين ومعاذ برآ مع باسم
امي:روحوا قوموها خلاص بنروح الحين وش تحتري
انا بخبث:طيب خلوها علي ورحت لغرفة ريمآس
~.في غرفة ريمآس~.
انا بصراخ:ريمآآآآآآآآس ريمآآآآآآآآآآآآآآآس
ريماس نطت مرتاعه:خير وش فيس وش فيس
انا سويت نفسي فيني الصيحه:انتي اهلي راحو عنا تخيلي راحوا وخلونا
ريماس تناظر فيني ومفهيه
انا:ريماس فاهمه وش اقول
ريماس فيها الصيحه:كذاااابه مارحوا كذابه
انا:شايفتني كبرس العب عليس طيب قولي لي وين شيخه وعبايتها وشنطتها يلا وينها
ريماس تناظر في الغرفه ومالقت شي وبدت تصدقني
آنآ:هاه صدقتي وش نسوي الحين بنجلس هنا اسبوعين كامله بلحالنا
ريمآس صاحت:ابي امي ابيها مابي اهيء اهيء
انا:انا بروح مع يوسف الحين بيجي وانتي وش بتسوين
ريماس وتكمل صياح:لالا خذيني معس تكفين تكفين اهيء اهيء
انا:يوسف رافض تماما ان احد يجي معنا
ريماس حظنتني وجلست تصيح:تكفين بروح معس انا اختس تكفيين اهيء اهيء
انا:معليش ماقدر وخري عني وقمت من عندها وركضت لتحت
وريماس تلحقني وهي تصيح
انا وصلت لاخر درجه وبعدهآ انفجرت ضحك:ههههههههههههههههههههههههههه ياربيه ببببـــــقققــــرررررره
مخففففففففففففففففففففففه يعني بالعقل امي بتروح وتخليس ههههههههههههههههههههه يمه بطني لحقوا علي هههههههههههههههههههههههههههههههههههه
ريماس انقضت علي وبدت تقرط ((تعض)) فيني كانها فار
انا وآكمل ضحك:ايييييييييي ياتبن وخري يالبزر ههههههههههههههههه
غاده جت عندنا هي وشيخه وقالت وهي مستغربه:خير وش فيكم
شيخه:هههههه مويض وش مسويه في ريماس اعترفي
انا:وخروها عني طيب
غاده وشيخه مسكوا ريماس وابعدوها عني وهي راحت تركض لامي تعلمها علي
انا:لعبت عليها وقلت لها .... الخ <<هع
شيخه:ههههههههههه حرام عليس
غاده:انتتي وش هالقلب عندس مابقى احد مالعبتي عليه
انا:الا باقي بسييم ياربيه متى بس ارفع ظغطه مثل ماهو رافع ظغطي
شيخه:مضاوي اختي حبيبتي
انا اناظر شيخه وشوي بتتطلع عيوني من مكانها
شيخه:ههههههههه خير وش فيس تناظرين كذا
غاده:قولي لها وش عندس بسرعه
انا:اها وانا اقول وش عندها هاه اخخلصي وش عندس
شيخه:اذا بتسوين شي في باسم خذيني معس
انا:بس تامرين امر ياربيه مابعد لقيت شي يرفع ظغطه يلا فكري معي
شيخه:افكر بعدين وارد لس ههههههههه
انا:مالت عليس كش
امي جت لعندنا ومسكت اذني وسبحتها لين بغت تنقطع
انا:يممممممممممممممممه ايييييييييييييييييييييي حرام عليس
امي:وش فيس على بنيتي هاه
انا:يمه ماسويت لها شي تلعب عليس
ريماس وهي تمسح دموعها:والله مالعب عليس
امي:مويض انتي الحين بتعرسين اعقلي الله يصلحس من بنت
انا وامسك اذني:يمه طيب بس لاعاد تمطين اذني يمه شوفي شلون صارت
امي:احسسسسسسن علشان تعقلين
باسم:مااظن قلنا بتنخطب وتعقل لكن للاسف زادت
انا:بسم الله هذا وين يتكلم معه يمه
غاده:ههههههه شوفيه وراس
انا:بسم الله جني انت
باسم:ايه بسم الله علي
شخه:ههههههههههه الحمد الله والشكر الله يشفيك من ولد
انا:يالبى قلبس ياختي
باسم:خير وش شايفتني مريض ولا ماعندي عقل علشان تحمدين ربس
انا:ايه شايفه مجنون قدامها وهي صادقه ماكذبت هههههههههه
باسم فسخ عقاله وطقني على ظهري بس مو بقوه متوسطه الطقه خخخخ
انا:وجعع جعل يدك الكسر والله تعور يالخايس
باسم:ههههههه احسن خلس تهجدين عن امي وخواتي
انا:عناد مب هاجده
باسم:هههههههههههه مدري وشلون بيتحملس يوسف
امي:من هالناحيه تطمن الولد عاشقها وانا امك
انا بحياء:يمآآآه
الكل:هههههههههههههههههه
باسم: واخيرا لقينا شي يهجدس
انا:عادي عادي اصلا انا ماستحي بس كنت امثل عليكم
شيخه:ههههههههههههههه ايه صح
غاده:صدقناس ترى
معاذ جاء عندنا وقال:انتوو هيييه ترى كلتني الشمس وانا احتريكم برا وش تحترون
بآسم مد العقال لمعاذ وقال:خذ وش رايك تطقنا واحد واحد مو احسن
معاذ وفيه النوووم ومعصب اخر شي:ترى محد فاضي لك انت بعد
باسم عصب وراح مسك يده وعكفها (رجعها)) ليين وراء ظهره وقال:اهجد احسن لك اووك
معاذ:وجع خلاص وخر يمممممممه خليه يفك يدي بيكسرها
امي:خلاص يابسيم اترك اخوك ويلا امشوا اركبو السياره ماعاد به وقت متى بيمدينا نوصل يلا
اخلصوا
ريماس:وين ابوي؟
انا:ايه صح ابوي ماجاء
باسم:ابوي يقول بيلحقنا بسيارته يقول ماعطوه اجازه ويقول بينشب لهم لين يوافقون ههههههه
شخه:ياحبي له بس
غاده:طيب اجل يله بنات لبسوا عبايتكم ومشينا
باسم ومعاذ وريماس راحو يركبون وانا وخواتي وامي الغاليه لبسنا العبايات
وركبنا السياره واتجهنا لبيت خالتي نشوف مشوا ولالا
<<لقافه ههههههه
شيخه:مويض اذا شفتي يوسف لاتعطينه وجه اثقلي
غاده:ههههههه هذا اذا ماشفتيها طاقتها سوالف معه
باسم:اذا تبي تموت تسويها
انا:بسم الله وانت قاط اذنك معنا
باسم:ايه اعقلوا
ريماس:يمه مارحوا شوفي سيارة يوسف واقفه يمه بروح مع امل تكفين تكفين
امي:هو حلى كل يوم عندهم خلها تجي هي هنا
ريماس:يمه وذا خالتي عيت
امي:لا مب معيه بتجي ان شاء الله
وقفنا السياره جنب سيارة يوسف وكانوا راكبين كلهم خلاص بيمشون بس زين لحقنا عليهم
في اللحظه الاخيره خخخخخ
يوسف شافنا واقفين جنبهم وقال والابتسامه شاقه الحلق وعيونه شوي قدام وشوي وراء:هلالالا
بآسم:اهليييين الا وين امل ريماس صاجتنا تبيها
امل فتحت الدريشه اللي ورأ وطلعت راسها وقالت:انا هنا خلوها تنزل تكفينن خالتي
ريماس:لا تعالي معنا احسسن
امل:يمه بروح معهم تكفين
خالتي:روحي واهجدي هاه
امل وهي تفتح الباب وماشيه بسرعه:طيب طيب وركبت بسيارتنا
طارق :وانا بعد بروح وينزل من السياره ويجي
معاذ:هلا بالنشبه
طارق:هلا يالعلك
معاذ:اقول ارقد بس
طارق:وش فيك منطقر
معاذ:فيني النوووم ياخي ((ويسند راسه على المرتبه ويقول)): ارقد ارقد
طارق:طيب بنرقد يالدجاجه
باسم:يلا يوسف مشينا
يوسف:يله توكلنا على الله
ومشينا يوم انتصفنا الطريق وانا خواتي حطينا روسنا وخمدنا
بالسياره الثانيه ^_^
خالتي:اجل غريبه وين ابوهم
يوسف:امس يقولي باسم انه يمكن مايجي معهم علشان دوامه
ابو يوسف:وليه ماياخذ اجازه بنفقده والله ابو باسم
منيره:لاتخافون دام مضاوي موجوده تاكدوآ انه بيجي
مرام:هههههههههه وانتي الصادقه
يوسف باستهبال:شكلي بهوون انا عن البنت لهدرجه اجل مرعبه هههههههه
خالتي:مابقى الاهي تهون كانك مهبول
يوسف:يمه وش فيس صدقتي الحين انا ماصدقت اخطبها والله لو اني مجنون يمه احبها
مهبلتبي بنت اختس
منيره ومرام:هههههههههههههههههههههههههههههههه
منيره:وينك يامويض تجين تسمعين ههههههههههههه
ابو يوسف وماعجبه الكلام:الله يستر من هالجيل
يوسف:ابوي وش فيك امزح عادي عادي وسع صدرك
خآلتي:اقول وراء ماناخذ لنا فطور ونجلس في احد هالبران اللي توسع الصدر ونفطر
منييره:ايه يبه يوسف تكفوون وافقوا
يوسف:طيب وش ورانا نجلس نفطر والله اني بعد ميت جوع
ابو يوسف:توكلنا على الله والله هالبران شرحه
خالتي:اجل يله خذو لنا فطور من حدى هالمطاعم
مرام:يمه قوولوا بعد لخالتي
يوسف بوناسه:اكييييييييييييييييييييييييييييد
ابويوسف :الله يهديك من ولد اركد
يوسف:هههههههههه تامر يالغالي
خالتي:دقوا عليهم اجل بسرعه قبل مايبعدون
يوسف:ان شاء الله ودق على باسم
..
باسم وماسك جواله:هذا يوسف غريبه وش عنده
امي بخوف:رد شف وش فيهم
باسم:طيب ويرد
يوسف:هلا باسم
باسم:هلا والله
يوسف:الاهل بياخذون فطور وبيجلسون يفطورن على الطريق
باسم:بكيفكم اصبر بشوف امي
يوسف:طيب
باسم:يمه بيوقفون يفطرون
امي:زين والله اني ناويه اقولك قبل شوي بس سبقونا
باسم:اجل توكلنا على الله ويرجع الجوال لاذنه ويقول:خلاص على خير ان شاء الله
يوسف:ان شاء الله سلام
باسم:سلام
يوسف وقف عند مطعم احد المحطات وباسم معه وراحو يجيبون الفطور
10 دقايق وجو شايلين الفطور معهم وحركوا السيارات وبدى البحث عن مكان
مناسب يجلسون فيه
ام يوسف:هاه وش رايكم في ذاك المكان اللي عنده شجره
خالتي:ايه زين وقفوا يله
يوسف:توكلنا على الله وقفوا السيارات ونزلوا
مرام:خالتي وين البنات
مي:نايمات روحوا قوموهم
منيره:طوويب وراحو للسيارهـ
مرام:منيره وش رايس نكب عليهم مويه
منيره:ههههههههه حرام خاف يرتاعون
مرام:طيب يالحنونه الا الحين املوه وش رقدها
منيره:لازم هي وريماس يسون زي بعض
مرام:حتى في النوم هههههههههههه
منيره:بزران ماعليهم شرهه يلا بس خلنا نقوم هالخيش
مرام:طيب وبصوت عالي :مضاوووووووووووووووي غاااااااااااااااده شيييييييييييييييخه
امـــــــــــــــــــــــــل ريمأأأأأأأأأأأأأأأأأأأأأأس
منيره:وجع فقعتي اذني عيب استحي بسيم هنا
مرام:ماعليس منه
منيره:هيه انتو يلا قوموا عاد مووويض قوويمي
انا وافتح عيوني واناظر المكان واناظر منيره ومرام واقوم على حيلي واناظر الجبال والتراب و قلت باستغراب:وينا فيه وش السالفه وش صاير
منيره:ضعنا في هالبر
انا بسخريه:هه هه اقول وش السالفه ورانا واقفين هنا
مرام:يبون يفطرون في البر عاجبهم الجو
انا:آهاا طيب انتو ليه تقومونا هاه يلا اقلبوا وجيهكم بخمد
منيره:اقول قومي لافقع وجهس الحين
انا واحط راسي على المرتبه واقول:مابي فطور يلا مع السلامه
مرام:ياربييه موويض قووومي
غاده فتحت عيونها وقالت:وشو وصلنا
منيره:لا بس واقفين على الطريق بنفطر
غاده قامت وعدلت عبايتها ونقابها وقالت:اهاا والله اني ميته جووع
مرام:طيب يلا قبل ماياكلون الفطور عنا
منيره:مووويض شيخووووه املووه ريمااسوه قموا يلا عاد
امل وريماس قاموا ونزلوا وعلطول جلسوآ يلعبون ماكأنهم توهم قايمين من النوم
<<حقيقه هذي اشوفها في خواتي الصغار ههههههههههههه
شيخه قامت ونزلوا كل البنات ماعادا مضاوي
خالتي:هلا يلا تعآلو افطرو اقربو ا قربوا
امي:اجل وين مضاوي
منيره:معييه تقووم
غاده:بكيفها خلوها
يوسف يتكلم وهو عند الرجاجيل:قوموها مايحلى المكان الا فيها
معاذ:هييييه وجع لاتاخذ راحتك انت توكم حتى ماتملكتوا
يوسف:مالك دخل مابقى الا البزارين
ابو يوسف معصب:وهو صادق اهجد ياولد
يوسف:تامر ياابو يوسف
باسم بصوت واطي:فشلوني ككككك
يوسف:اوريك انا بعدين
باسم:هههههههههههههههه
طارق بصوت عالي ويكلم الحريم:اروح اقومها لكم
غاده بصوت عالي:ههههههههه علشآن تتذابحون لالا اقعد مكانك بس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك