رواية ولد الترف والدلال -66
اللي نظرها في السقف ولا حركت عيونها لا يمين ولا شمال
صدمتها قوية ........خاصة أنها ما قدرت تروح وتشوفه قبل
ما يدفنونه وتصلي عليه مع الناس ..........
عايشة وهي تمسح على راس حصه :حبيبتي
لم تطلعين بتروحين لبيت خواتك ولا عندنا ......
لكن لا جواب لأسئلة عايشة .............
شكت عايشة أن لسان حصه انربط من يوم عرفت أنها ما
تقدر تروح تشوف سلطان وهي ما تكلمت ولا نطقت بحرف
والأن اذان المغرب بيوصل ..........
طلعت عايشة من الغرفة وشافت وعد جايه ومعها مشعل ......
وعد :عمتي السواق تحت ارجعي البيت تريحي وأنا بأجلس عندها
عايشة :بس أنتي من أمس ما نمتي زين لا تعبين عمرك وخليني
أنا عندها ........
وعد :لا يا عمتي أنتي كبيرة في السن أنا ممرضة وأخبر بأجلس عندها
عايشة :اللي يريحك ......إلا أبي أشوف سعود
وعد :هذا أنا جايه بأخذ حصه تشوفه
عايشة :زين كود أنها تتكلم
وعد :ليه وش صاير لها
عايشة :من الظهر ما نطقت بكلمة حتى موية ما طلبت
وعد :بأدخل أشوفها أنتم انتظروني بأطلعها تشوف سعود
دخلت وعد الغرفة وراحت لسرير حصه .....
وعد :حصه حبيبتي تبين تشوفين سعود
تحولت تلك العيون المتصلبه على سقف الغرفة إلا عيون وعد
ونطقت :وينه ؟؟؟؟؟؟؟؟؟؟؟؟؟؟؟
وعد ابتسمت :قومي نروح نشوفه في الحضانه
التعب الجسماني قاومته حصه وقامت لبستها وعد عبايتها
ومسكت يدها حتى لا تطيح ومشت معها وطلعو من الغرفة
مشعل أول ما شافها غرقت عيونه بالدموع ..........
وحصه ما انتبهت لوجودة مشت مع وعد
ووصلو للحضانة الاطفال ودلت الممرضة على مكان تواجد
سعود......حصة قربت تطالع الكائن الصغير المحوط بالقزاز
من كل نايحة ......أصابعه صغيرة جدا
عيونه فمه رجوله وجهه الملائكي كل شي صغير .....
ابتسمت حصه ونزلت دموعها حبت القزاز ....
من بعدها جثت على الأرض وصاحت .....
قومتها وعد وعايشة وطلعوها من الغرفة ......
وودوها للسريرها وانهارت حتى نامت من التعب .....
ووعد وعائشة ما يدرون وش يسون فيها ....
رجعت العمه عايشة مع مشعل للعزا .....
.............................صباح اليوم التالي ......
الساعة 9 صباحا ................
ربى منسدحة على الكنبه في الصالة العلوية .......
وجمبها جواهر حاطه يدها على خدها ....
طلعت شوق من غرفتها ببجامتها وحافية الأرجل .....
مشت وشافت خواتها في الصالة ......
جلست معهم ولمة رجولها .....
طالعتها جواهر :كلتي شي ؟؟؟؟؟
هزت شوق راسها بالنفي
جواهر :طيب كلي قطعة شوكلاته على الأقل ترفع من السكر لا
ينخفض وتطيحين علينا .................
هزت شوق راسها بالنفي .......
جواهر قامت :كيفك أنتي الخسرانه ......
راحت جواهر وغابت عن عيونهم لأنها نزلت تحت ......
نزلت ربى بعدها وهي تتمايل في مشيتها من التعب
حست شوق أنها شوي بتنكتم راحت لغرفتها
ولبست عبايتها وجزمة بيت ونزلت تحت ومرت من الصالة ما شافت
فيها أحد إلا ربى ماسكه السماعه وتكلم أحد مشت ربى وكانت بتطلع من
البوابة لولا كلام ربى اللي وقفها .........
((والله العظيم يا ماجد أني اسفة ....ماجد تكفى كلمني ....قولي لي
شي .......طيب ما تدري وش صار ...محد قالك ........))
رجعت شوق وراحت لربى وهي معصبة ....ومسكت السماعة
وقفلت الخط في وجهه ماجد .........
شوق :أنتي صاحية بتقولين له .........
ربى بصوت مبحوح :يعني بنخليه ما يعرف لا متى
شوق :على الأقل مو أنتي اللي توصلين له الخبر
تبينه يموت من الصدمة ........مو كافي اللي أنتي سويته
فيه ......قطعتينا على أخونا .....وكل ما دق رديتي أنتي
أمي أمس تسأل عليه تبي تخبره هي وأنتي جايه بتقولين له
ربى عصبت :وش يفرق أنا اللي قلت له ولا أمي
شوق :أنتــــــــي غبيه علميني غبيه أنتي ؟؟؟؟؟؟
أقولك الولد بينصدم تقولين لي وش يفرق أمي بتقول له ولا أنا
أكيد بيفرق أمي راح تمهد له مو أنتي تذبينها في الوجه
تبينه يتعقد ...تبينه يتعقد علميني؟؟؟؟؟...مو هذا اللي تبين تتوصلين
له من زمان ......
.صدق فيك وقاحة ما قد شفتها في أحد غيرك ........
صفعه دوت في صالة القصر الفسيح ....خلت شوق ترجع لورا
كم خطوة ......
ربى وهي كاتمه غيضها :أحترمي نفسك مرة ثانية
ومشت لكن شوق وقفتها وشلون تروح وما تاخذ حقها
رمت عليها كلمة :أنتي ما تربيتي تبين أحد يربيك .....
وردت الكف بكفين ......
وفي لحظات وبغمضت عين تحولت الكلمات البسيطة !!
إلا كلمات أعظم لا تقال ودوى العراك بينهم ..............
ابتدا بالصفعات وانتهاء بشد الشعر ويتتخلها الصرخات
ناسين أنهم أخوات .......
طلعو العمات من المجلس وتراكضو يشوفون وش اللي صاير
حاولو يفكون شوق من ربى وربى من شوق ..........
لكن متشبثين ببعض بقوة وكل وحدة تحاول تثبت وجودها .....
ربى منقهرة من كلام شوق لها
وشوق منقهرة لأن ضيعت أخوها ماجد من يدينهم ......
تدخلت جواهر تفكهم لكن جاها من الضرب اللي خلاها
تبتعد.............ضربهم لبعض كان وحشي ....والدليل
الدم اللي نزل من فم ربى ......
نادو على مشاري ودخل بهيبته وشاف القتال العنيف
اللي حاصل بين خواته الصغار وبدينه أبعدهم عن بعض
بكل قوة وكل وحدة طاحت في جهه .......
وصرخ عليهم بكل غضب :
((حنا ناقصينــــكم أنتم ....ما تستحون على وجيهكم .....الناس
عزا وأنتم تتطاقون كنكم بزران .......لا أسمعكم مسوين حركات مثل
ههذي مرة ثانية .....وإلا والله ما تشوفون خير وحلفت....))
طلع مشاري وقومت جواهر ربى لأنها المتضررة الأكثر من الحرب
أما شوق راحت للمطبخ وطلعت من الباب حقه وراحت لجهت المسبح
وربى لم هدت شوي راحت لغرفتها وقفلت على نفسها ورجع الصمت
محله ........والكل مستنكر من اللي حصل وما يعرفون وش اللي صار بينهم يخليهم يسوون كذا ........
في مجلس الرجال سأل أبو مشاري مشعل وش سبب الصراخ
اللي صاير عند الحريم وقاله السبب وسمع فهد
الكلام وعلى طول قام وتنحنح ودخل عند الحريم .....
بحجة أنه يبي شي من المطبخ وسأل في طريقة عن شوق
وقالو له أنها عند المسبح ......
طلع من باب الطبخ وشافها حاطه رجولها في الموية
قرب لمها .....
فهد :جاك شي ؟؟؟؟؟
شوق رفعت ببصرها :وش تبي أنت بعد
فهد :شوق أنتي فيك السكر لا يكون أنجرحتي ترى موزين لك
شوق :أنجرح ولا ما انجرح كيفي لا أحد يسأل عني
جعلي أموت اللحين واللحق سلطان ......
فهد :أستغفري ربك ما يجوز تدعين على نفسك
انجرحتي ولا لا ؟؟؟؟
شوق صرخت :مالـــــــك دخـــــل فيني ........
طالعها فهد بأسف ومشى داخل لجوا ما كان جاي يسألها
إلا من باب الخوف عليها لا أقل ولا أكثر ..وهو
من حريص في هالأمور خاصة انه ما يبي شوق تصاب بالغرغرينه
ويبترون شي منها ............راح لمجالس الرجال ......
أما شوق حست بتأنيب الضمير أنها قالت لفهد كذا
قامت ودخلت لجوا ومرت في الصالة وراحت للمصعد وركبته
وهي تسمع صوت جواهر تناديها وهي عارفة أنها راح
تسألها عن اللي صار ومستحيل تقول لها شي .......
وصلت لفوق ومرت من جمب غرفة ربى وكان ودها لو تدخل
وتكمل عليها لكن اتجهت لغرفتها وسكرت على نفسها الباب ...
...............في المستشفى الساعة 1 ظهرا ........
حصه لفت راسها وشافت وعد تكتب رسالة في جوالها
نادتها وقربت لمها :وعد قولي لهم لا يشيلون أغراضة
وعد :إن شاء الله ما راح نشيل شي إلا لم تروحين وتشوفينهم
حصه:أبي أطلع أنا مافيني شي تكفين قولي لهم يطلعوني
وعد :إن شاء الله بكرة الليل راح تطلعين
حصه :وعد انا ما فيني شي تكفين أبي أطلع
قولي لمشعل يكلمهم هو دكتور ويعرف يتفاهم معهم
وعد :مو زين عليك توك والده اصبري لم بكرة وراح تطلعين
حصه :وعد طلبتك لا ترديني روحي تكفــين
وعد :باكلم مشعل وأشوف
حصه :وش تشوفين قولي له حصه تبي تطلع مليت والله مليت\
كلمية الله يعافيك بسرعه ..........
دقت وعد على مشعل وقالت له طلب حصه وأصرارها وراح
يجي هو أو مشاري العصر ويطلعها ..............
ارتاحت حصه أنها راح ترجع لغرفتها هي وسلطان وتشم ريحة
عطر الغالي ........
.........................((إن لله وإن أليه راجعون ))
أخر سطر قراه طلال من خبر التعزية المنشور في جريدة الرياض
ما قدر يستوعب الأسم ......سلطان الـــــ
نفس اسم رتاج الكامل ........
حس بضيقة في صدرة ........كيف يموت وهو اللي كان
مخطط يتقابل معه ويقول له ........
نطل الجريدة بعيد عنه وحك راسه بتفكير عقب
قام مسرع ولبس ثوبة وطلع ...........
.........................................
ركب مشاري سيارته وطالع من المراية حصه ووجمبها
وعد ولم تطمن أن أوضاعهم زينة .....
مشى سيارته رايح للبيت ......
...............................طلال واقف عند
فاهم اللي جالس يقول له حكاية سلطان مع الحادث
اللي سمعه من السواق ساجد
وفي كل كلمة كانت مثل الطعنه في صدره ........
السبب الاول والأخير أنه ما قدر يمسك عجلات كرسية ويتحكم به
وهو اللي خلاه يصير به كذا .............
هو اللي خلاه معاق وما يمشي
هو السبب اللي خلاه يموت ............
بدل ما يكون العذاب اللي كان يعيشة من تأنيب الضمير
اللحين صار عذابين والهم همين .....................
راح طلال بعد ما سمع من الكلام ما يكفي ....
.............................................
دخلت حصه البيت والحريم التمو عليها الكل يعزيها
لكنها ما ترد على أحد ومشت بضعف وقلة حيلة للمصعد وفتحته
ودخلت لحالها دون مساعدة أحد
وبألم مشت لقسمها هي وسلطان وأول ما دخلت شافت في الصالة
ثوبه ..........دخلت المطبخ شافت كاس البابونج اللي صلحته له
أخر مره .....طلعت من المطبخ ودخلت للغرفة ....وعلى السرير كان
بجامته اللي بدلته له قبل ما يروح للمستشفى ........
شمت ريحته في كل ركن بالغرفة ..........
انسدحت على السرير ودموعها على خدها تسيل
سمعت صوت بنت داخله للقسم وتفتح باب الغرفة
طالعت لقتها دانه ووراها بدر وجو عند السرير وليتهم ما جو..!!!.
...........................................
رن جرس الشقة ......فتح محمد الباب وشاف خويهم عزام
سلمو على بعض ودخله لجوا ......
شاف عزام ماجد جالس يطالع فلم في التلفزيون ........
عزام :هلا مـــاجد
قام له ماجد وسلم عليه
عزام :عظم الله أجرك في أخوك والله يغفر له ويرحمه .......
وقفت عيونه واتسعت ورد :أي أخو ؟؟؟؟؟
سحب عزام يده وحس أنه تورط لأنه شاف
ماجد أنه ما يعرف عن اللي صاير في الرياض وعن
أخوه اللي توفى وهو قرى الخبر في جريدة الرياض
عن طريق النت .........
ماجد وصوته يهدى :أي أخو تكلم
عزام بخوف رد :سلطان
ماجد :جاد ولا تستهبل
عزام بلع ريقة :شكل أهلك ما خبروك .....
ضرب ماجد يده براسه وهو يتذكر صوت ربى اللي شوي بيصيح
وتقوله : (( ما تدري وش صار ...محد قالك )))
رمى نفسه على الكنبة وهو شاد على راسه يحاول يستوعب
الخبر اللي وقع كالسيف على راسه
..............................................
دانه تقرب لم حصه :عمتي عمي سلطان وين راح ؟؟؟؟
بدر :أنتي وين وديته هو راح معك بس ما رجع .....
عظ ت حصه على طرف الوسادة تمنع صرختها من الألم
لا تطلع من أسئلة هالصغار المؤلمة .........
دخلت وعد وشافتهم عندها وطردتهم وراحت ركض
لحصه وتحاول تهديها لانها أنهارت من الصياح ......
...................................
مشعل شافت له أخته جواهر طريق ورقى لفوق رايح يعزي
حصه ويسلمها الامانه .......
شاف باب قسم أخوه مفتوح فدخل ونادى على وعد لأنه يدري
أنها موجود ........
طلعت له وعد :هلا مشعل وش بغيت
مشعل :حصه جوا
وعد :أيه داخل تبي منها شي
مشعل :جيبيها هنا أبي أكلمها شوي
وعد :بس هي تعبانه مره ما تقدر تتحرك ......
مشعل :حاولي معها خليها تجي
لأمر ضروري
وعد :إن شاء الله
دخلت وعد الغرفة وقالت لحصه أن مشعل يبيها ضروري
وقامت بصعوبة وساعدتها وعد لم وصلتها للصالة وجلستها ....
طالعته حصه وشافت عيونه اللي مثل سلطان ما يفرق
عنه بشي ....وكتمت صيحتها .......
مشعل :عظم الله أجرك في سلطان وأنا جاي أبي أسلمك
امانه في رقبتي من يومنا في لندن وهي رسالة من سلطان
وكأنه حاس أنه بيموت رحمة الله عليه ........
مد يده لجيبه وطلع ظرف وقام وحطه في حجر حصه وطلع
فتح حصه الظرف وقرأت الرسالة المكتوبة في أخر يوم لهم
في لندن ............
((حبيبتي وزوجتي .........حصه............
صراحة سبب كتابتي له الرسالة إلا وهو توارد
الأحلام في منامي كل يوم وأني راح أودع
الدنيا قريب .........
أتمنى تقرين سطوري وأنتي راضيه عني
لأني أعرف أني سببت لك العنا في بداية زواجنا ......
أحب أوصيك أولا
على نفسك ثم ولدي سعود
اللي لسه ما شفته وأتمنى أنك تربيه تربيه صالحة ويكون
قدوة خيره في مجتمعه .......
وثانيا ..... نصف أموالي تنحط في وقف
خيري في أحد الدول الأفريقية الفقيرة
حتى تنفعني في أخرتي ........
ولا تنسيني يا قطعة من فؤادي ......محبك :سلطان خالد آل))
كلمات بسيطة .......كتبها سلطان قبل وفاته بشهر
ما كان يعلم أن منيته راح تجيه لكن أغلب الناس
يحسون بموتتهم .......ومن ظمنهم سلطان .......
ضمت حصه الرسالة وصاحت .......
تصــدق يـاابــو سلمان عجــزت اوحي الحقيقـه من الخيال .،
عجــزت اركــب جمــله على بعضــها لااجــل اعزي اهــله .،
الحادث اللــي قــتل ][حبيب قلبي][ سمـــــوهــ اغتيــــال .،
تـــرى صغيــر بالنسبــه لحجم الكــون غـــلاهــــ .،
غــلاهـ معتلي فوق السحــاب واعلى من الهــلال .،
عفيف خلووقـ وزودا على طيب الاخلاق يجي حــلاه .،
لحظـه بس عطوني دقيقه بسأل الدنيــا ][ســؤال ][ .،
بأي حق يادنيـا الموت من يدينــي خذاه..؟
انتـــم ماتدرون من هو ولد التــرف والدلال .،
يعني لازم ارجــع من جديد اوصــف غلاهـ .،
فجعوني يوم قالوا انـه من هالدنيا شد الرحــال .،
فكــرت اني انتحـــر وامشــي بمـــسارهـــ.،
][استغفرالله ][ خفت وعرفت انـه ماهو حـــلال .،
قلبي شكـى فراقهـ والع ــين هلت دمعــاتها .،
دمــعـه ورا دمــعه لين اصبحت دمعات العين شــلال .،
وتفضى دموع العين لاتذكرت بسمـة شفــاته.،
دخيل الله ارحلوا واتركوني عند قبره تمثال .،
لااجل البي له كل نداهــا وطلباته .،
ولااجل اسمـع سوالفه والبيه لاقال تعـــال .،
وادلعــه واحكيــله عن حكــايانــــا .،
هو ماماتت هو حيـ عند ذي العزهـ والجلال .،
لكني انــا الميــته من عقب فرقـــــاهـــ.،
صحيح غابت في السمــاء احلى نجمــاته.،
لكنــه والله ماغاب لا عن اوراق شعري ولا عن البــال .،
][الاحــلام والامنيــات][ كانت له وخيالي هو اللي بنـاه.،
بس اللحين انمسـح كل شي رسمــته في الخيـــال .،
الا يــابعد هالكووون كــله وهالبشــر وارواحــها .،
من عقبـة صارت همومي فوق ظـهري جبــال .،
بكــيت بحرقة دمووع العين من خبر فرقــاه
بكــت شوارع مدينته وناحت بعالي الصوت حبات الرمـال .،
يالله يــارب انك ما تنسيني ملامحه وذكـــراه.،!
ويالله يارب انك تثبتــه عند ][الســـؤال][ .،
وتجــعل النور يشــع من قبرهـ وترابـــه .،
وتهــدي روعة كل من قال : وين راح..؟ من الاطــفال .،
هو تحت ][ اللحــد ][ ومــايبي من البشــر الا دعــاها .،
تعال ياابو سلمان تراني اوحيـت الحقيـقـه من الخيال .،
وامنت بقضـاء رب العالمين وعرفت ان الموت بحق خذاه.،
والدنيـا ماهي باقيـه لااحــد يــاعيال الحــلال .،
،،،،،،،،،،،،،،،،،،،،،،،
بعد وفاة سلطان بستة شهور .......انتقلت حصه إلى بيت أخواتها ونقلت
كل أغراض سلطان معها......وعهدت نفسها أن تربي سعود مثل ما طلبها سلطان........وحفظت أغلب أشعار المتنبي وصار شاعرها المفضل ..
ورجعت تسجل في الجامعة في قسم تربية خاصة ......
ومنيرة تم قبولها في كلية الطب .......أما لطيفة عايشة حياتها بمثل ما تبي
......أبوهم أرسل لهم رسالة وخبرهم أنه متواجد في سوريا من دون ما يحدد
شي أو يقول عن أخباره ...............
أبو مشاري حزن فترة وعقب رجع أنشغل في شغلة وأم مشاري صارت أنسانه أخرى طيبه وحبوبه ومتسامحة .........
مشاري رجع حرمته ساره من بيت أهلها بعد أسبوعين من العزا لأنه
ما يقدر يعيش بدونها وتغاظها عنها خطأها .........
مشعل رجع يشتغل في المستشفى ووعد جالسه في البيت وحامل في الشهر الثاني
وصيته تاخذ العيال كل أسبوع .........
وجواهر ورائد زوجين يعشون حالة
من الأستقرار وحملت منه ولدها الثاني ......
رتاج إلا ألأن مترددة في الصلاة وأخر مرة قررت أنها لم تصاب بمرض
او تتزوج بعد عمر طويل راح تقرر بأمر الصلاة ؟؟؟؟؟؟؟؟؟
ماجد عاش حالة نفسية صعيبه جدا بعد ما سمع الخبر من خوية عزام
وعلاقته مع ربى إلأ الأن منقطعه وعقدة في البنات ما انفكت إلأ الأن .......
وناوي أنه ما يتتزوج أبد ..............
ربى سجلت بالواسطة في قسم إدارة الأعمال بجامعة الملك سعود
وصارت مشغولة أكثر وتطنيشها لأهلها زاد عن حدة خاص انها
صارت من مدمنين الشات واسمها معروف بين الكل .........
أما شوق صارت علاقتها مع ربى عقب الهوشة رديئة جدا ما تتعدى
إلا الضروريات وتمر أيام ما يكلمون بعض والسبة ربى ...........
أما عن حياتها العاطفية نست مهند وصارت تفكير في رائد
ولد خالها وانصدمت أنه قرر يخطب بنت عمه متجاهل مشاعرها
اللي ما يعرف عنها شي .............طنشت مهند وطنشت رائد
وصارت تفكر في نفسها وفي دراستها وكسبت شخصيتها شوية غرور
وتكبير مثل رتاج ...............
راشد في السجن
وطلال معناة نفسية شديدة وكم مرة حاول ينتحر من عذاب الضمير
لكن أخوانه يردونه كل مره وحاليا يراجع عن دكتور نفساني لعله
ييزل همه ..............
مهند طلب من أمه ان تحجز له أخت خوية سالم روان
وهو سعيد في حياته ولا فكر بشوق ولا جاب طاريها .......
أما فهد ..........خطط حياته الزوجية أن راح يتزوج
بنت عمه شوق أول ما تخلص الثانوية العامه ........
وصغيرته سجى توصله أخبارها اول بأول والحمد لله بخير و
بصحة وسلامة وعايشه دنياها ...............
تمت ....***
ملاحظة :
الشعر اللي في النهاية منقول وغيرت الأسماء وشلت بعض الأبيات وللأمانة هذا هو كامل ولا أعرف من صاحبة إلا أنه فيصل وبس :
تصــدق يـاابــو رزان عجــزت اوحي الحقيقـه من الخيال .،
عجــزت اركــب جمــله على بعضــها لااجــل اعزي اهــله .،
الحادث اللــي قــتل ][حبيب قلبي][ سمـــــوهــ اغتيــــال .،
تـــرى صغيــر بالنسبــه لحجم الكــون غـــلاهــــ .،
غــلاهـ معتلي فوق السحــاب واعلى من الهــلال .،
عفيف خلووقـ وزودا على طيب الاخلاق يجي حــلاه .،
لحظـه بس عطوني دقيقه بسأل الدنيــا ][ســؤال ][ .،
بأي حق يادنيـا الموت من يدينــي خذاه..؟
انتـــم ماتدرون من هو ولد التــرف والدلال .،
يعني لازم ارجــع من جديد اوصــف غلاهـ .،
فجعوني يوم قالوا انـه من هالدنيا شد الرحــال .،
فكــرت اني انتحـــر وامشــي بمـــسارهـــ.،
][استغفرالله ][ خفت وعرفت انـه ماهو حـــلال .،
قلبي شكـى فراقهـ والع ــين هلت دمعــاتها .،
دمــعـه ورا دمــعه لين اصبحت دمعات العين شــلال .،
وتفضى دموع العين لاتذكترت بسمـة شفــاته.،
عمـر الدمــع ماصار مذلــه للرجــال .،
بـالذات لاصار صديق تستاهل انـك تبكي على فرقـاه .،
دخيل الله ارحلوا واتركوني عند قبره تمثال .،
لااجل البي له كل نداهــا وطلباتها .،
ولااجل اسمـع سوالفه والبيه لاقال تعـــال .،
وادلعــه واحكيــله عن حكــايانــــا .،
هو ماماتت هو حيـ عند ذي العزهـ والجلال .،
لكني انــا الميــت من عقب فرقـــــاهـــ.،
صحيح غابت في السمــاء احلى نجمــاته.،
لكنــه والله ماغاب لا عن اوراق شعري ولا عن البــال .،
][الاحــلام والامنيــات][ كانت له وخيالي هو اللي بنـاه.،
بس اللحين انمسـح كل شي رسمــته في الخيـــال .،
الا يــابعد هالكووون كــله وهالبشــر وارواحــها .،
من عقبـة صارت همومي فوق ظـهري جبــال .،
اشيل هم وارجـع اتذكر من جديد احلى كلمــاته.،
لاقال : يــافيصل همـك انســاهـ وريح البـــال .،
الله يجبر ][مصيبــة ][ كـل من انفجـع بخبر ترحــاله.،
ويجبر مصيبة شــاعر يكتب ][شعــر الرثاء][ بهــبـــال .،
وبكى ليــا مــنه تذكــر ضحكــه وبكــاهــ
صــاح كل هالكــون من اقصـى الجنوب الى اقصى الشمــال.،
بكــى بحرقة دمووع العين من خبر فرقــاه
بكــت شوارع مدينته وناحت بعالي الصوت حبات الرمـال .،
يالله يــارب انك تنسيني ملامحه وذكـــراه.،
ويالله يارب انك تثبتــه عند ][الســـؤال][ .،
وتجــعل النور يشــع من قبرهـ وترابـــها .،
وتهــدي روعة كل من قال : وين راح..؟ من الاطــفال .،
هو تحت ][ اللحــد ][ ومــايبي من البشــر الا دعــاها .،
تعال ياابو رزان تراني اوحيـت الحقيـقـه من الخيال .،
وامنت بقضـاء رب العالمين وعرفت ان الموت بحق خذاه.،
والدنيـا ماهي باقيـه لااحــد يــاعيال الحــلال .،
اخوكم \ فيصل
?تب ربي بعد موتك اعاينها
بس بداخلي انت الصديق الي ما تمنى القلب غ ـيره..
وقفة أخيرة معكم ::::::::::
الشكر لكم أنتم من قرى سطوري البسيطة سواء أعجبته القصة
أم لم تعجبه وعيبها لم يريد قراءتها ...................
وأطلب منكم قبل أنهي كلماتي
الدعاء لي بالنسبة العالية تدخلني الجامعه ......
وأوكد مرة أخرى أن جميع الحقوق محفوظة والوعد يوم الحساب
ولا أحب أن يسلب مني تعبي لمدة 4 أشهر ....الوعد الوعد يوم الحساب
.....وحاليا أكتب رواية ثالثة لكن لم أتفق مع نفسي على تسميتها
أنتظروني في جديد أخر .....
.دمتم في رعاية الله ...
أختكم :بنت الآكابر....
رِمْشْ الْغَ‘ـلآ
اللهم لك الحمد حتى ترضى وإذا رضيت وبعد الرضى ,,, اضف تعليقك