رواية ولد الترف والدلال -64
أم مشاري :لا قلت لهم بس هذولي أقاربي وأبي أشوف من بيجي ..
قامت حصه وخذت الورقة من أم مشاري ومسكت التلفون وصارت تدق
وتسأل وتأكد ....وأم مشاري راحت مع الشغلات .........
ما خلصت من المكالمات إلا والساعة 2 وربع ........
وأغلبهم كانوا بيجون .......
بعد الغدا راحو (أم مشاري ورتاج وربى وشوق وحصه ووعد )
للمشغل مع بعض أما ساره أعتذرت أنها ما راح تحظر العزيمة
لأنها تعبانه !!!وإلا الصدق مشاري مانعها عناد فيها .....
لأن الجو مابينهم لا زال متكهرب ............
في المشغل قصت حصه شعرها مدرج وصبغته خصل
بنية وكان حلو عليها ..........
طلبت يصلحون لها مكياج لبناني خفيف لكن أم مشاري أختارت لها مكياج
خليجي ثقيل مع تسريحة مرفوعه...........
وكان شكلها وحدة ثانية موحصه الاولية .............
قبل أذان المغرب بربع ساعة طلعو من المشغل وتوجهو للبيت وتجهزو بسرعه ...وفي غرفة حصه ........
سلطان يعدل شماغه .........:حصه زين شكلي
حصه :تهبل تجنن وش زينك ههه كم مرة سألتني
سلطان :أحس هالكرسي قاط
حزنت حصه عليه وطلعت تشوف له طريق وكان كل الحريم
اللي وصلو في المجلس .........وراحت ونزلت سلطان ووهو دبر عمره
لمجلس الرجال ...........
دخلت حصه بوثوق للمجلس وراحت تسلم وما يمديها تخلص من حرمتين
إلا حكو أنها مرت سلطان اللي جاه الحادث ..........
كأنهم ما يعرفون سلطان إلا لم صار له الحادث ...........
شافت أم مشاري تأشر لها تجلس جمب وعد عشان أسهل لها
لم أحد يسألها ترد :حريم عيالي ............
وعد كانت في قمة أنوثتها بفستانها الوردي الضيق اللي مبين
نحفها وحصه كانت جذابه بنظراتها الأميرية ........
رتاج كانت تمشي وتطلع وترجع تجلس وكأنها تثبت للناس
أنها موجودة وكانت متواجدة بفستانها التفاحي
الجذاب للأنظار
لانه غريب في تصميمه الفرنسي ...........
ربى وشوق ما يحبون هالتجمعات النسائية وخاصة أن
خالاتهم متواجدين كلهم مع بناتهم .......
وهم ما يحتكون معهم مرة لأنهم ما يشوفونهم كثير بسبب
أنهم ساكنين في الرياض وهم في حايل ...........
أم مشاري :وعد
وعد :هلا خالتي
أم مشاري :قومي شوفي مشعل كان ناقص لهم عند الرجاجيل شي ولا لا ؟؟؟
وعد قامت :أن شاء الله .......
مشت وعد وطلعت من المجلس وتنهدت بأرتياح لأنها
تحس الكل يناظرها لم تمشي ........دقت على
مشعل وسألته كان ناقصهم شي جاوب أن كل شي تمام ......
سكرت منه وراحت تشوف الشغالات وش يسوون في المطبخ
ثم رجعت وفي رجعتها دق جوالها وكانت مرت أخوها وصلت للبيت
بس ما تعرف وين المدخل .....ودلتها وعد ودخلو مع بعض للمجلس وصارت
تعرفها على الموجودين .............وما أعجبها مرت أخوها لبس الحاضرات
لأنه بالنسبه لها فاضح بزيادة خاصة البنت اللي فسانها تفاحي وله فتحه
لم الفخذ والظهر كله مكشوف
ولم عرفت أنها أخت مشعل أستغفرت ربها على هالفسوق !!
حصه واقفه جمب رتاج ....يسلمون على الي بيطلعون
هذا اللي علمتهم أم مشاري قبل العشا يسونه .......
حصه تسلم بمرح وسعة صدر أما رتاج ما يمديها تلامس يدها
يد الحرمة إلا هي موخرها كأنها نار وحرقتها ..........
سلمو عليهم بنتين وراحو ............
رتاج :اففف قرف
حصه :من البنتين اللي قبل شوي
رتاج :أيه أستغفر الله !!!
حصه: ليه مو عاجبينك ؟؟؟؟؟؟
رتاج :ولا بيعجبوني هذولي بنات خالاتي ما أطيقهم
كانو معي في الجامعه ولزقة وأنا ما أحبهم وكلهم تزوجو فكه
وما صارو يدروسون ..........
حصه :كم أعمارهم
رتاج :وحدة 23 والثانية كبري ....
احمم احممم يا ولد يا ولد فيه أحد
رتاج :مو كنه صوت مشاري
حصه :إلا الظاهر .....ياليت ساره فيه تطلع له
أستحي أطلع له بهالبس .....
رتاج :بأروح له أزين من هالوقفة .......
ومشت رتاج وراحت لها ......
رتاج :ما تعرف تدق جوال .؟؟؟؟؟؟؟
مشاري :أدق على أمي ما ترد ..المهم شوفي في المطبخ
زمزميات قهوة وخلي يرسلونها الشغالات للقهوجية برا
رتاج :في شي ثاني
مشاري :ونادي خالاتي بأسلم عليهم
رتاج :مستحيـــــــــل أنا أنا أناديهم في أحلامك حبيبي ........
مشاري :أقول روحي أنتي وسيقانك ذي وناديهم ........
رتاج :تبيهم أدخل ما راح أناديهم لك
مشاري :أدخل والمجلس كله حريم صاحية أنتي ......
رتاج :اففففففف خلاص بأقول لأمي تقول لهم .........
مشت رتاج للمجلس وقالت لأمها وهي راحت وقالت لخواتها يطلعون
يسلمون ........وأجتعمو في الصالة .......
سلطان ومشاري ومشعل حتى يسلمون وعقب طلعو .......
ولم جت الساعة 11 ونص الأغلبيه راحو ........
والرجاجيل ما بقى إلا ألأقراب مرة ........
وطلبو أخوان أم مشاري أنهم يشوفون بناتها ويسلمون عليهم
وبالطقاق دخلت رتاج ومعها ربى سلمو وطلعو بسرعه
وبالغصب دخلت شوق وطالعت في الرجايل الواقفين وحست
أنها شوي بتصيح ما صارت تذكر خوالها مرة......
سلمت بسرعه وطلعت من مجالس الرجال بسرعه
وهي اللي تتصاقع مع شي طويل وطراااااااااااخ صوت جوالها
تكسر على أرضية الرخام ...........
ويالله ضبطت عمرها وتمسك في الجدار قبل ما تتكسر مع الجوال
واللي قبالها مثل الصنم واقف ومنصدم ..........
طالعته بشكل سريعه واطلقت سيقانها للريح ..........
لو يشوفها سلطان ولا مشاري مع هالرجال واقفة مليون شك
بيجي في راسهم .......هي ما تعرف هالرجال من يكون ...
لكنه طويل وأبيض مثلها ومرعبه نظراته .........
راحت للمطبخ بسرعه وقالت لوحدة من الشغالات تجيب جوالها
في مجلس الرجال وراحت وطولت لكن جابته في الأخر ........
الشغالة كيستا ! :بابا رائد في قول شوف مرة تاني
شوق بلمت :وشوووو .....ومن رائد اللي خليته بابا
كيستا : ما في معلوم مدام .......
شوق :خلاص روحي ........
راحت الشغالة وطلعت شوق جوالها اللي تكسر وانقهرت عليه
ما تهنت فيه ما شرته إلا من شهر وبمبلغ غالي .........
رقت لغرفتها ساحبة على اللي تحت ...........
انتهت العزيمة .........وأم مشاري
مفتخرة بحصه ووعد .........
ورتاج متقرفة من خوالها .......
وربى صامته
وشوق مرعوبه
ووعد سعيدة ........
.................................................. ...
المحطة الثانية والثلاثون:::::::
,,,,(( مؤلم أن تمر عليك لحظة تتمنى التخلص فيها من ذاكرتك.......))
*
*
......ووصلنا إلى أخر محطة لنا .........واحزموا أمتعتكم سوف نستعد
بالنزول الأبدي ................ولكل بداية نهاية .....................
*
مر أسبوعين كاملة من يوم العزيمة .........حصه وسلطان حالتهم مستقرة..
وعد الحمد لله تعاملت مع رند المشاكسة بكل سهولة وتعودت عليها .....
رتاج عمل متواصل .......ربى أدمان على الأنترنت زاد عن حدة .........
شوق والتفكير في بابا رائد اللي صار ولد خالها الكبير وعمره 23 سنة
وشرت جوال جديد ..........مشاري ولازال مع ساره هو ينوم في الغرفة
وهي تدبر لها مكان ..............ماجد تحسنت صحته لأن محمد ذابحة بالأكل وأبدت لون بشرته ترجع مثل قبل .......
ــــــــــــــــــــــــــــــــــــــــــــــــــ ــــــــــــــــــــــــــ
حط يدنه على بطنة وشده بقوة وتألم ......
حصه :بسم الله وش فيك ؟؟؟؟؟؟؟؟
سلطان وهو متوجع :مدري وش ماكل بطني
مدري وشفيه ...ألم موب طبيعي
حصه :أصلح لك بابونج
سلطان :صلحي أي شي بس بسرعه
قامت حصه مسرعه للمطبخ التحضيري وغلت الموية وسوت
كاس بابونج وراحت مسرعه وشربته.......
لكن رجع كل اللي شربه بشكل مفاجأ ووسخ عمره ووسخ
حصه معه .....راحت على طول ودقت على مشعل يجي
يشوف وش سالفته ..........
وهي بدلت بسرعه وبدلت سلطان وغسلت وجهه بموية بارد
حتى يتنشط وشربته شوية موية وسدحته على السرير ......
دخل مشعل وراح لأخوه وكشف عليه كشف مبدئ ..وشاف
الضغط والسكر عنده لقاهم كويسين ........
مشعل :وش ماكل أمس؟؟؟؟؟؟
سلطان :والله مدري وأنا أخوك وش ماكل
مشعل :أنت ماكل شي من مطعم
سلطان :أمس ما طلعت من البيت .......
حصه :ايه سلطان ما طلع أبد
مشعل :أجل لبسية نودية للمستشفى نسوي
له أشعة ............
سلطان عاقد حواجبه متألم من الوجع
المفاجأ اللي جاه ..............
طلع مشعل ولبست حصه سلطان وجلسته على الكرسي
وهي لبست عبايتها وطلعو ...............
أم مشاري:على وين
حصه :سلطان بطنة يوجعه بنروح المستشفى
أم مشاري :أها
مشت حصه ونزلو من المصعد ومسرعه وطلعو لقو مشعل مجهز السيارة وأول ما شافهم نزل وركب أخوه وطيران للمستشفى وفي الطريق رجع سلطان في كيسة
وحصه متقطع قلبها عليه لأنه يتنفس بصعوبه ويطلق آآاهاته .........
وصل مشعل للمستشفى وعلى الطوارئ ......واجتمعو الدكاترة
عليه ودخلوه الغرفه وكشفو عليه وطلع واحد لهم ......
مشعل :وش فيه ؟؟؟؟؟؟؟؟
الدكتور :نزلة معوية حادة
مشعل:وحالته اللحين
الدكتور :حطينا له مغذي وراح يتنوم ليله هنا
وبكرة بيطلع إن شاء الله
مشعل :مشكور ما تقصر
الدكتور :ياهلا
ومشى ........
حصه :وشي هذي النزلة المعوية ؟؟؟؟؟؟؟؟؟
مشعل :من سوء الأكل
حصه:بس ما ياكل غير اللي ناكله
مشعل :يمكن تغير الأكل اللي كان متعود عليه في لندن
حصه :بس من زمان واصلين هنا
مشعل :توه يتأثر .......
حصه :ياربـــي مسيكين وهو ناقص بعد
مشعل :أستغفر ربك كله أمره الله وتعالي ندخل عنده .......
ومشى مشعل ومشت وراه حرمة أخوه ودخلو على سلطان .....
حصه :مشعل رح أنت شف مشاغلك وأنا بأجلس عنده
مشعل :سلطان تبي مني شي قبل ما أمشي ؟؟؟؟؟؟؟
هز سلطان راسه وهو مغمض عيونه وطلع مشعل لأنه
صدق وراه مشاغل ومعاملات في البيت ما كملها ......
.......................في غرفة رتاج .........
واقفة قبال المراية تطالع شكلها بجلال الصلاة ..
تأملت نفسها .........ومن متى ما لبسته ؟؟؟؟
حست أنها شوي وبتصيح
فسخت الجلال ورمته بقوة على الأرض .......
(ما يصلح لي )..........قالت هالكلام في عقلها ...........
حطت يدها على قلبها شافته ينبض بسرعه ..ونغزات
تروح وتجي ...........ظنت أنه الموت جاها .........
من الخوف عرق جبينها .....مشت بسرعه وطلعت
من الغرفة وركض لغرفة أمها ...........
ظنا منها أنها راح تعيش لم تكون عندها ........
دخلت على أمها لقتها تطالع فواتير في يدها .........
أم مشاري:بسم الله وش صاير ؟؟؟؟؟؟؟
رتاج راحت لها ومسكت يدها وحطته على جبينها :يمه
أنا حاره ......صح حارة؟؟؟؟؟؟؟؟
وحط يدها على قلبها :صح قلبي ينبض بسرعه ؟؟؟؟؟؟
يمه أنا بأموت صح ؟؟؟؟؟؟
أم مشاري طالعتها بتعجب وسحبت يدها :صاحية أنتي
روحي شوفي شغلك وعن التهيؤ مافيك شي أبد
رتاج بعدم تصديق :يمــــــــــــه ما تحسين
ورجعت تحط يد أمها على قلبها :شوفي كيف ....شفتي شفتي
أم مشاري:رتاج ...أنتي نايمه ؟؟؟؟؟؟؟؟
رتاج عصبت :أقولك بأموت تقولين هالكلام ...........
وطلعت من الغرفة وراحت لغرفتها بسرعه وصقعت في الباب
لأنه مقفل ......فتحته ودخلت وسكرت على عمرها ...........
توجهت لثلاجتها الصغيرة وطلعت موية باردة وجلست تشرب
ولم حست أنها هدت وأن اللي صار لها أوهام .........
خذت لاب توبها وطلعت من الغرفة وجلست في الصالة
الغرفة تجيب لها الكأبه ................
.......................في فلة مشاري .....الساعة 1 ونص الليل .......
دخل مشاري وعلى كتفه شماغة جاي من الأستراحة .....
شاف ساره جالسه في الصالة تحتريه طنشها ورقى الدرج
وتبعته ....
ساره عصبت :وقف
مشاري مشى ولا كأن سمعها وصل لغرفته ولم جى بيسكر الباب
هي دفته ودخلت غصب .................
ساره :ممكن نتفاهم شوي
مشاري جلس على السرير وطمن عمره وفسخ جزمته وشرابه
عقب رد عليها :نعم
ساره ماسكه أعصابها لا تنفجر :اللحين رتاج وعندكم
أنا وش ذمبي تعاملني كذا ....كل يوم نايمه عند العيال
لا متى ؟؟؟؟؟؟؟؟؟؟
طالعها مشاري بنظرات أستحقار :لم تقدرين أنك غلطانه
وما تناظريني بهالنظرات كني أنا اللي غلطان مو أنتي
ساره :أنا أدري اني غلطانه وأعترفت لك بالصدق أو ما سألتني
وش تبي أكثر بعد؟؟؟؟؟؟؟؟؟؟؟
مشاري :وش عقبه ؟؟؟لو ما رتاج عرفت من نفسها كان اللحين
هي في ذمته لكن أنتي أنانيه وتفكرين في نفسك بس ........
ولو سمحتي اطلعي برى راسي صاكني وماني رايق لأي نقاش ...
ساره :لا اللحين تقول لي وش الحل ؟؟؟؟؟؟؟؟
مشاري ضحك :ساره برى برى ماني رايق لك والله العظيم
ساره :أنت ليش تغيرت كذا فجأة وكأني وحدة غريبه
ماتعرفها ولا كأني أم عيالك وعشرة عمر
مشاري :هي المشكلة أنك أم عيالي لو أنك ما جبتي لي عيالي
كان اللحين أنتي في بيت أهلك من زمان وواصلتك ورقتك
من تصرفك الطايش واللي يقهر وتذكري أنك كنتي مصرة
على الاستعجال في خطبة رتاج .........
برى يلــه .........
ساره :ما توقعتك تقول لي هالكلام .....
لي أنا بالذات ...........
مشاري :ولا أنا توقعت منك تسوين هالتصرف .......
وقام ودفها بشويش وطلعها برى الغرفة وهو رجع
وسكر الباب وقفلة وغير ملابسه ورقد ...........
.............................
في صباح اليوم التالي .....حامله شنطتها الثقيلة بالمواد
وماشية بتطلع من البيت لكن رن التلفون اللي بالصالة
ومحد عنده يرد .........
ومشت هي ورفعت السماعه :الو ..........
ماجد :السلام عليكم .......هلا شوق أنا ماجد
ربى انصدمت وشدت يدها على السماعه ..........
ما سمعت صوته من زمـــــــــان ..............
ويظن أنها شوق لأن أصواتهم تتشابه ومحد يميزها في التلفون ......
طال سكوتها وماجد أستغرب يظن أن الخط أنقطع ....
ماجد :الــــــو شوق معي ؟؟؟؟؟؟؟؟؟؟
أنا ربى مو شوق .........
سكت ماجد ......ومن بعدها سكر على طول .........
نزلت ربى السماعه وأنتفضت على صوت شوق وراها
شوق :مـــن اللي دااااق؟؟؟؟؟؟
ربى :ها
شوق :من اللي داااق وسكر بسرعه ؟؟؟؟؟؟؟
ربى بأرتباك :ماجد
شوق :وليش تقولين له أنك ربى مو شوق
ربى :يعني وش أقوله يحسبني انتي
شوق عصبت:تعرفين أنه ما كلمنا من شهر والسبة أنتي
واللحين يوم دق تردين وتقولين أنا ربى مو شوق
كان كلتي تراب وسكتي وناديتي امي من دون ما تقولين له
شي ........جد ما تستحين على وجهك .................
ربى عصبت :أنا اللحين اللي ما أستحي على وجهي؟؟؟؟؟؟
شوق تلف طرحتها وتمشي عنها وترفع صوتها :
ليــه أنتـــي وش شايفـــــــه غير كــــــذا ؟؟؟؟؟؟؟
ربى :احتــرمي نفسك ولا تغلطــــين .......
ما جاوبتها شوق لأنها طلعت .......وما بغت ربى تركب معها
بسيارة وحدة عشان يكملونها ........أنتظرت شوي لم سمعت
صوت السيارة تشتغل وتمشي عقب هي طلعت وركبت مع ساجد
يوصلها لحالها أحسن لها ........................
.................طلع مشاري من غرفته الساعة 7 ونص
لابس ثوبه وكل شي رايح للعمل.......طالع اللي
في الصالة شاف عياله بدر ودانه يلعبون سوني......
مية علامة استفاهم انرسمت فوق راسه .....
مشاري :دانــه ليــش ما رحتو للمدرسة ؟؟؟
دانه :محد قومنا من النوم وأمي ما أدري وين راحت ........
مشاري :وش اللي وين راحت كل أغراضها في الغرفة وين تطلع
معه ...........وسكت ..........تذكر أنه ما قفل الباب
عقب ما رجع من المسجد لصلاة الفجر ............
فأكيد دخلت وخذت عبايتها ............
تنهد ومسك جواله ودق عليها لكن لقاها مقفل ......
رجع دق لقاه مقفل ........صرخ على الشغالة وجت له
بسرعه سأل عن صقر قالت أنه المدام خذته معها وراحت .....
فعصب هي تطلع بكيفها بس تاخذ ولده لا يمكن .......
نزل من الدرج بسرعه وطلع من البيت ركب سيارته
وبدل ما يروح للدوام مشى لبيت أهل ساره ....
أول ما وقف عند البيت ونزل جت سيارة حمرا من بعيد
ووقفت ونزل منها سعد وتلاقت عيونهم ....
مشاري معصب وسعد يمشي ببرود قاتل .......
ولم وصل له ......
مشاري :طلع أختك ........
سعد يولع زقارته:أي أخت ؟؟؟؟؟
مشاري طنشة عرف انه بيطول معه ويلعب بأعصابه
رن الجرس وعلق عليه ......
سعد :ساره نايمه ما راح تقوم لك ........
مشاري :أقول أفتح الباب لا أكسره اللحين
سعد :ههه أما تكسره ....لا تضحكني على الصبح
ههه أقول لك (ويرمي زقارته ويدعسها برجله ))
أنت تعرف متى ساره طالعه من البيت ........؟؟؟؟؟
مشاري ساكت ينتظرة يكمل .....
سعد :من الساعة 3 الفجر تعرف ليه ؟؟؟؟؟؟؟
مسك أعصابه لا يقوم ويعطيه كف على اسلوبه البارد
سعد كمل :لأن ولدك صقر ارتفعت حرارته ودقت علي
أجي أخذها للمستشفى وتعرف انها طلعت بعباية الشغالة
لأن طال عمرك مسكر الغرفة ولا همك إلا نومتك ........
بلع ريقة من الصدمة ولدة تعبان وما يدري عنه
سأل بصوت هادي :وين صقر ؟؟؟؟؟؟؟
سعد : لا تخاف مع المدام داخل عطوه خافض حرارة
وصار أحسن وهي اللحين معصبة ولا تحاكي أحد
......وراح سعد عنه وركب سيارته وفتح باب الكراج
ودخل جوا ......أما مشاري ركب سيارته ومشى رايح للبنك
وباله كله مع ساره ووشلون تعاملت مع الموقف ........
...............في المستشفى ......الساعة 1 الظهر
حصه تسكر أزرار ثوب سلطان :إذا تحس بشي ترى أخليهم
يجلسونك يوم زيادة ترى عادي ........
سلطان :لا وين يالله نمت أمس وبعدين أكره المستشفيات ......
حصه تدفه :إن شاء الله أخر مرة .......
سلطان :عطوك أدوية ؟؟؟؟؟؟؟؟
حصه :أيه عطوني بس الصيدلية خلص منها بنوقف عند صيدليه
ونشتري منها ......
سلطان :يالله مشوار خلينا نرجع البيت عقب أحد يجيب الدوا
حصه تفتح الباب وتطلع سلطان ويمشون في السيب :
في أحلامك عاد أنا أحرص وحدة على الأدوية ولازم تاخذهم في الوقت
المحدد .............مدت يدها وفتحت المصعد وكان فيه ولد صغير
يلعب فيه دخلوا معه ..........
حصه :ههه شكلهم ما دخلوه وجلس يلعب ...
سلطان :وش اسمك يا بطل
الولد طالعه وعيونه كلها شر :مالك دخل ......
ضحك سلطان ورد :ليه مالي دخل وش اسمك يا بابا؟؟؟؟
الولد :أسمي سعود
ابتسم سلطان لأنه يحب هالأسم وطالع حصه :يالبى قلبه
متى بيجي ؟؟؟؟؟؟؟؟
حصه :منهو ؟؟؟؟؟؟
سلطان :في غيره اللي نافخ كرشتك
ضحكت حصه وطلعو من المصعد :بيجي شهرين وأسبوع وهو مشرف
سلطان :انتظر هالليوم .......
ابتسمت حصه وطلعو للشارع ولم شافهم السواق قرب لهم ونزل وركب
سلطان في المرتبه الثانية وحصه ركبت جمب سلطان ومشو ......
سلطان :عاد ذا الباكستاني موب عارف يجيب الدوا خليه بعدين
حصه :موب على كيفك أنا بأنزل اجيبه
سلطان:والله أنك مصره كنك أنتي اللي تعبانه .....
حصه :أنت أنا
طالعها سلطان ثم طالع الشارع وأمر لسواق يوقف
عند أحد الصيدليات المعروفة بكبر حجمها ........
توها حصه بتنزل إلا سلطان يمسك يدها
سلطان :حصه انتبهي على نفسك .........
أستغرب حصه ونزلت ودخلت الصيدليه ......
مرت دقايق وما رجعت وسلطان خاف عليها ..ولم
شاف واحد من الشباب داخل للصيدلية على طول فارت
غيرته مع أن حصه متزوجة وحامل محد بيناظرها ......
أمر السواق ينزل من السيارة رغم الألم اللي في بطنة
ونزل السواق وجاب الكرسي وركب سلطان وخلى يدفه
بس ماكان هناك مدخل للمعاقين والدرج شوي طويل وصعب
يرقاه ...........خلى السواق يدخل يشوفها ليش طولت
ولم ما رجع السواق مسك جواله ....ودق عليها ......
ولقاه أنتظار وتوه بيدخل الجوال إلا
بشي يغطي عيونه بسرعه ويسحب الجوال من يده ويدف
كرسيه بقوة وينحاش ــــــــــــ
والشارع مايل ودفة الرجال اللي سرق الجوال قوية وما أمدا
سلطان ياخذ نفس ..........إلا بــــــــ
...............................................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك