رواية لا جيت بعقل يضحك الطيش بدري -6
نفترج على خلق الله
مرام ماسكه بطنها ومتسنده على الكرسي:الحمدالله شبعت
منيره:ههههههههه خبله
غاده:يلا كلنا وشبعنا وش نسوي الحين
شيخه:نروح نتمشى ونشوف وش الجديد عند المحلات
آنا:لا خلونا نغير من هالروتين الممل
مرام:طيب عطينا من آفكارس النيره يلا
آنا:امممممممممم ....
ما امداني اكمل الا يدق جوال مرام
مرام:هلا والله
يوسف:وينكم يلا بنمشي وش تحترون
مرام :بدري تونا؟
يوسف:وش بدري الساعه 10و نص
مرام مب مصدقه:10و نص اوووما عاد
وتوخر الجوال وتشوف الساعه وترجع الجوال عند اذنها وتقول:بسم الله الوقت مشى مليون ماحسينا فيه
يوسف: تعالوا عند بوابه رقم 2 بسرعه
مرام:طيب دقايق وإنا عندكم وقفلت
آنا:لاتقوووولين بنروح
مرام:للاسف ايه يوسف يقول تعالوا عند بوابه رقم2
شيخه:ياربي مابي ارجع البيت
منيره:آمشوآ بس لايذبحنا الحين
غاده:يلا
ومشينا للبوابه ولقيناهم كلهم مجتمعين
معاذ يتهزاء:بدري
منيره:والله كنا بعيدين عن البوابه وش نسوي لكم
يوسف:طيب امشو يلا
ومشينا وركبنا السياره وآنا ميته حياء مدري وش صار لي من شفت يوسف وانا منقلب حالي وجلست هاديهـ لأول مرهـ
شيخه:يوسف مانبي نرجع البيت
يوسف بسخريه:لاآآآهـ صدق اجل وين تبين ان شاء الله
منيره:صآدقه مانبي نرجع البيت تونا
طارق:ودنا نتعشى في كودو
يوسف بنرفزه:يآآلييييييل ترى عطيتكم وجه
آمل:الله يخليك يوسف وافق
يوسف:بمر اخذ لكم من المطعم وكل ناس يتعشون في بيتهم
ريمآس:مضاوي تكلمي قولي شي
آنا قبصت ريمآس وقلت لها بصوت واطي:اسكتي وجع
ريمآس:آآآآآآآي يالمعفنه
طارق:آقنعي زوجس تكفيين
آنا ساكته ولا تكلمت كلمه
منيره:ههههههه وش فيس مضاوي تكلمي مو من العاده
آنا بصوت واطي:مآلي نفس اتكلم نظلتوني
غاده:ههههههه عاش مصرف
آنا:آوووف منكم
شيخه:هاه يوسف وش قلت
آنا:وافق وفكني
يوسف:طيب يآأزعاج توووبه اطلعكم معي
مرام:آحمد ربك إنا نطلع معك ونوسع صدرك
معاذ:هههههه تعجبني الثقه
مرام:انت مالك دخل
طارق:فشلووووووووووووني
معاذ:تلآآآآآيط
غاده:هههههه الله يشفيكم
وصلنا المطعم ونزلنا وبلعنا وانا مسيطر علي الحياء والهدوء
خلصنآ على الساعه 12 ورجعنا لبيوتنا وخواتي كلهم ناموا
وجلست آنا حاولت انام بس التفكير بــ يوسف وحياتي معه مسيطر علي
آنا وتذكرت موقف السياره :الحين فهمت ليه تغير وجهه يوم مسكته مع رقبته هههههه
يؤء يؤء والله الفشله كنت لاصقه فييه مره شلون ماانتبهت صدق اني دبشه يااااويلي والله لو يدري بسيم ليموتني وش اسوي بتهوري اللي بيذبحني اوف
خذت جوالي ولقيت الساعه 4 الفجر وجاء بالي اقوم اصلي الليل منها اخذ اجر وارتاح من التفكير اللي بيذبحني صليييت وبعد كم دقيقه اذن الفجر صليت وانا خلاص ميته نوم قومت خواتي يصلون وعلطول حطيت راسي وغطيت في النوم ماامداني استغرق واستمتع بالنوم الا اسمع جوالي يدق
آنا بنرفزه:يآآآآربييه من هذا اللي ماعنده ذوق ولا حياء يرسل في هالووقت اووف والله الفضاوه خذيت جوالي
وفتحت الرسآله وبديت اقراء
((ماعرفت ردك ياقلبي موافقه و لا لا زوجس يوسف ))
انا :ياربييه والله انه فاضي ورديت له بدون نفس فيني لنوم ومب رايقه:
((آيه موافقه بس خلني اخمد مع السلامه ))
وحطيت جوالي على جنب ورجعت انوم الا شوي اسمع صوت جوالي وافتح الرساله:
( يعني اجي اخطبس من اهلس بكره))
انا بنرفزه :ياربيييييه الحين ماصدقت يجيني النوم شكله بيطيره ورديت له
(( اللي تبي بس بلييز ابي اخمد ))
ماامداني ارسلت الا تجي رساله:
((ههههه اوك ياقلبي خمدت العوافي))
انا قفلت جوالي وخمدت
<مابغيتي هههههه
..
مرام ماسكه الكرت وتناظر فيه وسرحانه:ادق عليه لا خير وينا فيه لا ليه ماجرب عادي مب خسرانه شي
لالا حرام اقول ادق واللي يصير وخذت جوآلها ودقت ولا رد عليها
قفلت الجوال وحطته جنبها ونامت
،,, تم البآرت السابع },,
*(آلــبآرت الـثآآآمن)*
غاده:مضاووي قومي وش عندس نايمه للحين
آنا فتحت عيوني وخذت جوآالي وشفت الساعه وطارت
عيوني ونطيت من ع السرير و ركضت للحمام
غاده:هههههه هذي وش فييها انهبلت
آنا توضيت وصليت واول ماخلصت:هيييه ليه ماقومتوني
غاده:نسينآ آ آس للآسف
آنا بسخريه:لا والله
غاده:اصلا كلنا تونا قايميين
آنا:وجع ماشبعتوا من الساعه 1 وانتو خامدات
غاده:لا ماشبعنا ودي ارجع اكمل نوم
آنا:مالت علييس المهم مافيه اليوم طلعه شي منا منا
شيخه فتحت الباب :هآآآآآي بنات قوموا اجهزوا خالتي بتجي
آنا علطول قلبي دق وقلت :قووولي والله
شيخه:والله وش فييس
آنا:هييييييييييء اكيييد علشان وانتبهت ان خواتي عندي سكت
غاده:علشآآن ايش
آنا:هآه لا ولاشي
شيخه:طيب يلا اجهزوا لانهم بيجون الحين
غاده:مو من العاده يجون العصر
شيخه:مدري شكل عندهم شي لان امي مب طبيعيه
آنا بخوف:يمه قلبي
غاده + شيخه:خيييير وش فيييس
آنا:وجع مافيني شي يلا بس روحو البسوا
. .
يوسف:يمه مب لازم كل العايله الكريمه تروح
آم يوسف:وش اسوي في خواتك غصب يبون يروحون معي
منيره:نبي نشوووف شكل مضاوي هههههههه
يوسف:ظفوا وجيهكم يلا يمه نروح
آم يوسف:اصبر خل ابوك يجي وشذا العجله
مرام:يمه لاتلومييينه
امل بقهر:عاد من زين اللي بتخطبها وع
يوسف بمياعه يستهبل: فديتها بس محد مطلع الشيب براسس غيرها هههههههههه شرايكم فيني
ام يوسف:وش ذا الكلام اعقل
يوسف:طيب هجدنا وابوي وينه بعد
منيره:دق علييه
يوسف:لا مب داق اخاف ادق يعاند ويتأخر ابوي واعرفه
ابو يوسف دخل وقال:يله اركبوا ادوختنا الله يهديك
يوسف:يبه وينك مب قايلك لاتتآخر
ابويوسف: وش ذا العجله الله يصلحك من ولد
يوسف ابتسم وقال:خايف تروح مني
مرام:يلا يبه خلنا نروح لاينجن علينا ولدك
يوسف خبط مرام على ظهرها وقال:تقلعي
مرام:مافيه نآشبه لك علك علك
امل:يلا ابي اروح لريمآس بسرعه
خالتي تنرفزت:خيييير وش صاير لكم ياعيالي اليوم
منيره:رجنا يوسف
ابويوسف:بتمشون ولا شلون
يوسف:الا يلاآ يلاآ
مرام:وطار ق مب جاي علشان تكمل العايله
يوسف:احسسن ولو تقعدون انتو بعد كان زين
منيره:مافيه رجلنا على رجلكم
يوسف:امري لله يلا تحركوا قدامي اشوف
منيره:طيب بس لاتدف
مرام:ههههه امشي لايدفنا الحين هنا
يوسف:ياكثر كلآمكم بعد وتقدم عنهم
ولحقوه وركبوا السياره واتجهوا لبيت ابو باسم
. .
شيخه: وش ذا الكشخه كلها يامويض
انا:هذي كشختي كل يوم وبعدين تبيني اطلع لهم بكشتي وشكلي محيوس يعني
شيخه:يمه كلتيني لا يعنيي اول مره تكبين المكياج في خشتس كذا وتلبسين فستان قصيير وكشخه بالعاده بنآآطيل وحركات عربجه و كذا يعني
غاده:فيه شي صاير آنا متاكده
شيخه:وانتي الصادقه من يوم شفت وجه امي وانا باصمه بالعشره ان فيه شي بيصير اليوم
انا اصرف:امشوا ننزل بس قبل مايجون الناس وانطموا يله
غاده+شيخه:يلاآآ
نزلنا تحت بهدوووؤء ولي أول مره علشان اخوي بسيم فيه ولا كان سوينا صجتنا المعروفه
<<الخوف يأدب غصب ههههههههه
آنا واتجه للصاله:الله اشم ريحة قهوه يمم يمممم
غاده:ياسلام يازين ريحه قهوة امي
شيخه:تعدل الراس
آنا:بروح اصب لي فنجال تبون
غاده:ههههه كان تصلخس (تذبحك) امي
شيخه:اصبري لين تجي خالتي وبعدين آبلعي ليين تقولين بس
وصلنا للصاله ولقينا امي وبسيم اخوي جالسين
امي:هلا بناتي (وتناظرني) هلا بالعرايس هلا وغلا
غاده:عرايس مره وحده يمه وش صاير
امي:ماصار شي بس محلوات اليوم بعيوني وشايفتكم كآنكم عرايس
باسم:هههههه يمه كثري منها
امي:اسكت عن بناتي احلى عرايس بعد
آنا:ككككككك فشلووووووووني
باسم:هالمره بنسامحس علشان وغمز لي
انا هنا تلون وجهي حسيت ان الكل دآري عن سالفة يوسف
شيخه:ياآآربيييه بنجن اليوم البيت مب طبيعي
ماكملت كلامها الا رن الجرس
انا :بدى يدق قلبي وحسيت كان فيه عرس وطبول وطار وزيران <مبالغه هههههههههههه
باسم قام علشان يفتح الباب قرب عندي وقال بصوت واطي:مبروك وراح
انا تلون وجهي و رحت جلست جنب امي لاشعوريا
امي:هههههه وش فيس يابنيتي وش قالتس اخوس
غاده:عليس شكل يامويض ههههههههههه
آنا:انقلعي
دقايق وبدو يدخلون علينا وبدى السلام وخالتي وبناتها يناظرون لي ويتبسمون
آنا استحيت واتجهت للدرج استعداد للنحشه
امي:تعالي وين بتروحين
انا:شوي وبرجع ونحشت من الحياء هع هع هع
منيره وقفت:بنات قوموا بسرعه بسرعه
شيخه:على وين
مرام فهمت على اختها وقالت:هههههههه قوموا وبس يلا
قاموا البنات واتجهوا لغرفتي
آنا:يمممه وش تبون انتو؟؟
منيره ببرأه:ولا شي سلامتس
شيخه:وش صاير اليوم تكلموا وجع
مرام:يوء يوء معقوله ماتدرين و تغمز لي
آنا:خير وش تدري عنه
منيره:مويض ماقلتي لهم عن خطبتس
انا:لا ماقلت لـ آحد
غاده:هييييييييييييييييييء يالخايسه ليه ماقلتي لنا هاه
شيخه:لييه ماقلتي يالتبنه
آنا:مب لازم كل شي تعرفونه وبعدين هذا انتو عرفتوا وبعدين وش صار
غاده:انقلعي يالخايسه هيين بنردهآ لس في الافراح
آنا:هههههههههههههههه طيب يصير خير
منيره:بتتطلعين له الحين يشوفس ولا بعدين
آنا:مدري خلي ابوي يدري بالموضوع بعدين يصير خير
مرام:ليه خالتي مآقالت لـ آبوس
انا:مدري بس هو توه جايه ماتوقع عرف
غاده:يووه والله كبرتي ياموويض وتعرسين بنفقد هبالس
مرام:اشك انها بتعقل اتوقع بتنهبل زياده هي ويوسف نفس الشي
آنا:وليه نعقل من زين العقل الحين تعيشون بملل وطفش وزهق احسن شي الهبال وه بص
شيخه:بس عاد لازم تعقلين خلاص صرتي حرمه بكره بيجيس بزارين
آنا:يوووووء ماتخيلني بـبزاريني وراي ههههههههه
انفتح الباب علينا وكلنا لفينا على اللي داخل
ريماس:مضاوي ابوي يقولس انزلي يبيس تحت
آنا:ماقالس وش يبي
امل:اكيد علشان يسالس عن يوسف مايبي لها ذكاء
مرام:والله البزارين كبروا وصار يعرفون كل شي
شيخه:من هالمسلسلات مابقى شي ماعلمته لـ هالبزران
منيره:وانتي الصادزه حتى الافلام كرتون صار فيها هالحركات يازين افلام كرتونا هايدي وطقتها ههههههه
ريماس:انتي هيه ابوي يبيس ترى من ساعه وهو يحتريس تحت
آنآ:طيب اووف من هالبزران يلا انقلعوا خلاص عطيناكم وجه
ريماس وامل ناظروني من فوق لتحت وطلعوا
آنآ:عشتتووا هالبزارين مب سهليين
غاده:خلس من هالبزران وروحي لـ آبوي مخليته واقف له ساعه يحتريس استحي عيب
آنا بنرفزه:طيب وطلعت من عندهم ونزلت لابوي تحت
ابوي:هلا بالعروس
انا بآاستهبآل:هلا بالمعرس خخخخخخخ
ابوي:هههههههه متى بتعقلين وانا ابوس
آنا:هههههههه مدري
ابوي:اسمعي يابنيتي يوسف خطبس مني الييوم وش رايس موافقه ولا لا
انا رجع لي الحياء:اللي تشووفه
ابوي:يعني موافقه
انا بحياء :ايه موافقه
ابوي:اجل تعالي ادخلي علييه
انا منصدمه:ابوي مو كأنها بدري
ابوي:ولد خالتس رجنا مستعجل الله يصلحه يبي كل شي بسرعه وش اسوي به
انا:طيب وينه فيه هو
ابوي:بالمجلس مع معاذ روحي لهم هناك
امي جت عندنا وقالت:هااه وش رايس موافقه
ابوي:آآيه وافقت بدون تفكير وابتسم
انا استحيت ونزلت عيوني بالارض
امي:ههههههههههه اعقل عنها شوف شلون تلون وجه بنيتي
ابوي:يلا انا رايح لرجاجيل خلي بنتس تروح ليوسف في المجلس
امي:طيب
آنا:يمه تعالي معي
امي:روحي له بلحالس اخوس معاذ هناك اسمعي يمه تعالي وراي للمطبخ ومشت
آنا وامشي وراها:ليه؟
امي:بتدخلين لهم و يديس فاضيه
آنا:ايه اجل ؟
امي بملل :الله يخلف علي وفتحت الثلاجه وطلعت عصير وصبته في 3 اكواس وحطتهم بطافريه وعطتني اياهم
انا اناظر امي ومفهيه:.......
امي:يلا روحي وش تحترين
انا:طيب واتجهت للمجلس واول ماوصلت بدى قلبي يدق وجلست اقراء الاذكار والمعوذات مدري وش دخلهم بس قلت يمكن تهديني شوي وسميت ودخلت عليهم بهدوء و حطيت العصير على الطاوله وجلست
يوسف:السلام عليكم
انا ابتسمت و عيوني للأرض
معاذ:انا اخبر اللي يدخلون هم اللي يسلمون مب العكس
هههههههههه
انا:وعليكم السلام (وبقهر ناظرت لمعاذ وقلت بصوت مسوع تقريبا):معاذوه انطم
يوسف:ترى انا هنا والله ناظريني
انا و نسيت الحياء:ههههههههههههه ادري انك هنا حولاء ماأشوف
يوسف ناظرني و حسيت ان وجهه تقلب لـ ألوان وانا انتبهت لعمري وتلون وجهي و رجعت اناظر للارض با آحراج
معاذ:خلاص تقلعي خلص الوقت
انا وقفت وقربت لمعاذ وقلت بصوت واطي وصاكه على اسناني من العصبيه:شغلك بعدين يالبزر هين
معاذ ابتسم لي بخبث ومد رجله وانا من الحياء والغباء الزايد اللي فيني مشيت وكأني انعميت عن رجله وتكرفست على خشتي
تخيلوا شكلي ولا قدام زوج المستقبل ههههههههههههه
انا من الاحراج وحسيت اني فاقده الو عي بس صاحيه هع قمت لاشعوريا وخذيت كاسين من العصير وكبيتهم على معاذ من القهر
معاذ:هههههههههههه يازفت وش سويتي
يوسف و هو ميت علينا من الضحك:هههههههههههههه الله يقطع بليسكم (وقرب لعندي وقال):عسى ماتعورتي
انا ورجلي تعورني بس صرفت من الاحراج وقلت:لا ماصار شي ورحت اركض وانا ميته حياء من الموقف وجهي صاير كنه علبة الوان
يوسف:ليه طيحت زوجتي يالهيس الاربد
معآذ:تستاآآهل قاهرتني
يوسف:شغلك بعدين يآلبزر وراح عند الرجاجيل
..
خالتي:هلا بمرة ولدي
انا ابتسمت بحياء:هلا خالتي
امي:هاه وش الاخبار
آنا بفهاوه:عادي وش اخباره
خالتي:ههههههههه اخبار ولدي
انا:ايه زين الحمد الله
امي:خلاص نتوكل على الله ونزوجكم
انا بحياء:ايه
خالتي:وين البنات اجل
انا:فوق في غرفتي
امي:روحي ناديهم يتقهون من قمتي قاموا وراس
خالتي:هههههههههه الله يصلحكم من بنات
امي:اميييييين
خالتي:الا ياوخيتي مادق عليس ابوي
امي:لا والله ليه
خالتي:داق علي اليوم الظهر ويقول انه يبينا نجتمع عنده بالديرهـ لين تجي الدراسه
آنا بصراخ:وااااااااااااااااااااااااااااااو وناسه بنروح لجدي
امي:اسكتي وجع صميتي اذني
انا بونآسه:متى بنروح متى؟؟
خالتي:بكره ان شاء الله وش رايس ياام باسم
امي:على راحتس بس خلني اشوف ابو باسم وارد لس
انا:خذيها مني ياخالتي مووافق
خالتي:ياحبي لس
مضاوي روحي نادي البنات يلا بنروح البيت
انا:ويييييييييييين خالتي تونا
امي:هاااو اقعدوا تعشووا
خالتي:لا وش يجلسنا بكره ورانا روحتن لديره ولازم نروح نجهز شنطنا وحوستنا
امي:على راحتس على راحتس اجل ان شاء الله نتقابل هناك
جاء معاذ عندنا واول ماشافته امي شقهت:هييييييييييييييييء وش مسوي فيك كذا
انا بقهر:يستاهل هالحيوان الناطق يمه طيحني عند يوسف وعورتني رجلي بسبته هالخايس
امي وخالتي:هههههههههههههه
امي:الله يصلحكم من عيال وليه يطيحس
انا:يبي يفشلني قدام يوسف
خالتي:الله يهديكم من عيال روحي يلا يامرت ولدي نادي البنات
امي:وانت رح غيير ملابسك ولا تطيح اختك مرتتن اخرى الله يهديكم
معاذ:ان شاء الله مامي وراح
انا نطيييت ورحت اركض فوق وفتحت الباب باقوى ماعندي
والبنات كلهم وقفوا لاشعوريا من الخوف
انا:ههههههههههههههههههههآآآآآآآآآآآآآآي
منيره:جعلس المرض خيير تفتحين الباب كذا
انا:كيفي بابنا وانا حره
غاده:وجع يووجعس هاه وش صار
انا:رحت لابوي وقلت له اني موافقه ودخلت على يوسف وشافني وشفتته وبس
شيخه:هيييييييييييييء شفتيه بـ هالسرعهـ
انا:ايه اسمعوووا بس بكره بنروح لجدوووووووووووووووو
البنات:قوووووووووولي والله
انا:وقسم بالله بنروح لديره
مرام:هييييييييييييييييييييييييييييييييييييييييييه ونااااااااااااااااسه مش مصدقه
شخه:ياربيه واخييرا بنروح لجدي وحشني اوي
انا:وش فيكم انقلبتوا مصاريا اسمعوا يابنات خالتي العزيزات
امكم اللي هي خالتي وام رجلي ههههههههههه تبيكم تنزلون لها تحت ليه؟ علشان تروحون لبيتكم
لانكم خانقيني بوجودكم
مرام:انقلعي بس انتي اصلا حصلي مثلنا وبعدين تعالي كلمينا
انا:ايه طيب ههههههههههه
منيره ومرام مسكوني وبدو يطقون فيني
انا:ههههههههههههه وجع ان شاء الله وخرو عني
منيره:تادبي مع اسيادس
انا:هههههههههههههههههه وععععععععععع تخيلي تخيلي بس
مرام:اسيادس وغصب عنس بعد
غاده:هيييييييييييه خذتوها حلى خلو اختي لافقع خششكم الحين
منيره:شكلس تبين مثلها
غاده:لالا خلاص أذبحوها
شخيه:هههههههههه يالخوافه
انا:من زمان هههههه
غاده:يآتبن توني ادافع عنس قليلة خاتمه
انا:اسفه ياختي العزيزه يلا انتو هييه انقلعوا خالتي تحتريكم تحت
مرام:توووونا وراهم مستعجلييين
انا:علشان نجهز حوستنا لبكره
منيره:آهآ اجل نتقابل هناك
انا:ان شاء الله واتجهنا تحت
راحوا لبيتهم وجاء ابوي عندنا واستلمته
انا بحماس:ابوي ابوي ابوي
ابوي:هلا وش فيس
انا:بكره بنروح لبيت جدي
ابوي:روحوا الله يسهل دربكم
امي:وانت مب جاي معنا
ابوي:ودوامي وش اسوي به
امي:خذ اجازه بنقعد هناك لين تجي المدرسه
ابوي:بشووف بشووف
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك