رواية ولد الترف والدلال -53
شوق وهي تعض قطعه من الجالكسي:ليش ما نروح ؟؟؟؟
ربى :هيههههههه أنتي بس شوكلاتات بتموتين علينا
شوق :ما عليك ........بعدين ما عندي رقم المستوصف .......
ربى :دقي على الأستعلامات
شوق :كم رقمهم؟؟؟؟؟؟
ربى :من طولة ما حفظته
شوق :نسيت قولي
ربى :905 وعلميني بالنتيجة
شوق : يصير خير
ربى :دقي علي على طول لم تعرفين
شوق :طيـــب خلاص أطلعي
طلعت ربى من الغرفة ومدت يدها شوق للجوال وخذته ودقت على
الاستعلامات وخذت رقم المستوصف .......
ودقت عليهم ورد الرسبشن وحولوها للدكتورة اللي ردت على طول
الدكتور رندا :أهلا
شوق :هلا دكتورة أخبارك ؟؟؟؟؟؟؟؟
الدكتورة :بخير من معاي
شوق المريضة اللي جاتك أمس عشان تحاليل السكر
الدكتور :أهلا شوق تذكرتك داق تسألي ع النتيجة
شوق :أيه
الدكتورة :ما بدك تجي لعندي وأخبرك
شوق :مافيه داعي وقولي النتيجة اللحين
الدكتورة :حبيبتي أنتي متل ما توقعنا فيك السكر وووراثو أظنو عندكون
شوق :ها..........فيني السكر ؟؟؟؟؟؟؟؟؟؟؟
الدكتورة :وكما راح نعمل لك جدول غدائي تستمري عليه
عشان ما يصيبك أي شي مو كويس بسبب الأهمال
دمعت عيون شوق وسكرت في وجهه الدكتورة
ودفنت راسها في المخدة وكملتها بصياح
ما كانت تتوقع بيوم أن هالمرض راح يجيها .........
صحيح منتشر بشكل كبير في عايلتهم لكن
كل واحد يعتقد أنه ماراح يجيه بيوم ..........
............ربى حست أن شوق طولت فراحت ودخلت غرفتها
لقتها تصبح بصوت عالي .......راحت لعندها :::::::::
ربى :شــــــــوق وش قالو لك ؟؟؟؟؟؟؟؟؟؟؟؟
لكن شوق ما جاوبتها
ربى :صحيح فيك السكر ؟؟؟؟؟؟؟؟؟؟؟؟؟
شوق جاوبت من بين الشهقات :اـــيــ,,,هـ
جلست ربى على السرير وقلبها بتقطع من الرحمة على شوق
حطت يدها على ظهرها :خلاص شوق أمر الله أنتي وأبوي وسلطان
كلكم فيكم والله اعلم يمكن يجيني أنا بعدين ............
شوق ترفع راسها وججها محمر :ليش انا وانتي أكبر مني ما جاك
ربى :أعوذ بالله لهدرجة حاقدة علي
أن ما جاني قبلك ؟؟؟؟؟؟؟؟؟؟؟
وش نسوي أمر ربنا .........وبعدين الشوكلاتات اللي أمس
شريتيها عطينيها بأكلها عنك .........
شوق :والله أنك رايقة
ربى تقوم وتتوجة لثلاجة شوق وشوق تلحقها وتحط يدها على الباب
شوق :خليها حقتي
ربى :خلاص شوق ما يصير تاكلين كثير
شوق :ما أقدر ما أقدر
ربى :بأخذها وبأشتري لك خالية من السكر
شوق :لا والله هذي أحلا
ربى :لا والله .........ما يصير ........وتفتح الباب بقوة
وشوق تحاول تمنعها وتحول صياح شوق إلا ضحك
وتحاول بانتزاع الشوكلاتات من يد ربى اللي متمسكة فيها
بكل قوتها ........
وتحول إلا شد الشعور ولان شعر ربى أطول فعورها أكثر
وجلست تصارخ وتحاول ترد لشوق .........
.......نسو الثلاجة واللي فيها
وتحولت إلا مشاكسة بناتية ,,,,,,,وأعتلت الأصوات
دخلت عليهم أم مشاري اللي أول مرة تشوف بناتها يسوون كذا ,,,,,,
أم مشاري :وش صايــــــــــر
فكت شوق شعر ربى وعلى وجهها ا بتسامة وربى بعدت
عن شوق وهي تضحك ولكن في عيونها لمعة الحزن.........
ربى :نلعب يمه
أم مشاري : هذا لعب تسمونه .......؟؟؟؟؟؟؟؟؟
كل وحدة أكبر من الثانية وتتطاقون ؟؟؟؟؟؟؟؟؟؟
أزعجتونا ..............
بى :نمزح من زمان ما لعبنا
أم مشاري :اللعب للبزران ............موب لكم يله أنتي روحي
غرفتك ولا عاد أسمع أصواتكم مرة ثانية ............
طلعت أم مشاري .......
ربى :هههههه كله منك
شوق تتخصر ": لا والله أقول يله سمعتي أمي وش قالت أطلعي
ربى :جد شوق الموضوع لازم تهتمين فيه هذا مرض
ان اهملتيه بيتحول إلا أشياء أنتي ما تتوقعينها
يمكن تصابين بجلطة أو تنجرحين وتصابين بالغرغرينة ويقطعون
يدك لازم الكل يدري عنك ........المرض هذا مو سهل ........
شوق نزلت دمعه وحيدة من عينها اليمنى :توني صغيرة على الأمراض
ربى :وراثة وراثة مافي غير هالشي
والشوكلات اللي بالثلاجة خليه ومتى ما أشتهيتي كلي شوي
وأنا بأروح أشتري لك شوكلا صحية بدل هذي اللي كلها سكر ....
شوق وهي ترجع شعرها لورا أذنها :بتقولين لأمي ؟؟؟؟؟؟
ربى :بأروح اللحين وأنتي نامي شكلك تعبانه ....
شوق :انصدمت صراحة ...........
ربى :ما عليه .........يله تبين شي .......
شوق هزت راسها بالنفي وطلعت ربى من الغرفة وراحت شوق تسكر
الباب ولفت تطالع الشوكلاتات اللي طايحة في الأرض بعد المشاكسة
اللي صارت قبل شوي ...راحت وشالتها من الأرض ودخلتها في الثلاجة
وقلبها يتقطع هي تحب الشوكلاتات والحلويات بأختصار بكل انواعها ...
لفت وطالعت الزبالة الفاضية بس ما يجي الليل إلا تكون مليانة من المشروبات
اللي كلها سكر .........كل شي راح يتحول ,,,,,,,
انسدحت على السرير وهي تتأمل السقف.........
السكر ......
مرض ما تتوقعه بيوم يصيبها ........
نزلت دمعه وتجر وراها دمعه وتشكل سيل من الدموع
في كل مره تمسحهم أو تحاول توقف ما تقدر
وتخار قواها مرة ثاني وتدخل في شبة غيبوبة من البكاء .........
مدت رتاج يدها لجوالها اللي جمبها وهي مكشرة وفيها
النوم طالعت الساعة لقتها 2 الظهر ..........
رمت الجوال بعيد وهي تحس أن عصافير بطنها بتاكلها من الجوع .....
قامت من على السرير لكن رجعت تنسدح وتغطي نفسها بالبطانية
النوم لازال يداعب عيونها .......
رن الجوال بأغنية حسين الجسمي فقدتك ..
اللي من يوم ماتت العنود حطتها وبكل مرة تنسى تغيرها .,,,,,,
مدت يدها وردت وهي تتثاوب ..:الووووااا
هلا وغلا بهالصوت ........لا لا لا يكون صحيت خطيبتي من النوم ........
رتاج :سعد ؟؟؟؟؟؟؟؟
سعد :ليه في غيرة ...ولا ماخزنتي رقمي ....أفا ما توقعتك كذا
من أولها ........
رتاج اللي حامت كبدها تكره وتكره صوته :أبي أنام ...........
سعد حول للجدية :اوكي باي .........
وسكر في وجهها وهذا اللي خلاها تتنرفز لأنها ما تحب أحد يسكر في وجهها
هي تسكر عادي بس غيرها لا وألف لا ...........
رمت البطانية على جمب وطاح نصها في الأرض بشكل عشوائي
وقامت وتوجهت للحمام .........لم طلعت رمت الفوطة على السرير
وطلعت لها بنطلون سكري وبلوزة تتموج بين العنابي والموف ...
لبست شبشب عشان بتمشي على البحر .........
سحب طرحتها ولفتها على رقبتها توجهت للتسريحة رفعت شعرها فرس
ولبست نظارة شمسة من ماركة ديور ......
طلعت من الغرفة ومن الشاليه على البحر وكانت الشمس في كبد السما
طلعت جوالها ودقت على السواق عشان ينزل كرسي البحر من السيارة ...
ودقايق إلا هو جاي لها وجلست بعد ما حطت رجل على رجل ......
نست الجوع مع هالجو الحلو رغم الحرارة الخفيفة بسبب دخول فصل الخريف..
واستغربت لم ما شافت أحد متواجد هنا إلا هي ....
رغم أن الأجازة منتصف السنة بدت ..........
رن جوالها وردت :نعم
سعد :رتاج أنتي وين ؟؟؟؟أبي اطلع معك
ضحكت ضحكة عالية مليانة بسخرية وردت :نعم ....وش قلت ....عيد ...
سوري ما سمعت زين
سعد :كلام الشيوخ ما ينعاد
رتاج :اوكي يا ولد الشيوخ انا مو في الرياض أنا في الشرقية
سعد :نعـــــــم وشلون تسافرين وأنا ما أدري
رتاج :وليه تدري ؟؟؟؟؟؟؟
سعد :ليش أدري ..........أنتي زوجتي
رتاج ::والله زوجتك لا صار في عقد رسمي لكن اللحين ما في شي يثبت أني ملكك
سعد :همممممم وأي شاليهات يا فاهمه
رتاج :وليه تسأل ؟؟؟؟؟؟؟؟؟
سعد حب يقهرها :زوجتي وأبي أعرف وين طاسه فيه
رتاج ما أعجبتها كلمة طاسه فردت :مالك دخل
سعد :رتاج ........أنا لم أسأل أسأل مرة وحدة
وجاوبيني حركات بزران هذي ما أحبها .......
فإلا الأن أعاملك باحترام .........لا تخليني أطلع وجهي الثاني
وأبدا في كلام ماله داعي فخليك من البداية اوكي عشان أكون معك اوكي
وأنتي تدرين وش أقدر أسوي ......
رتاج :وش بتسوي ...........؟؟؟؟؟؟؟؟؟أقول انا مو فاضية لك .......
سعد بطولة بال :في أي شاليهات
رتاج :اوووووف جد لزقة ........شاليهات ال
سعد يأخذ نفس طويل :اوكي تبين شي
رتاج بدون نفس :سلامتك
سعد سكر في وجهها وهنا جد انقهرت وقامت ودفت الكرسي وطاح
على الأرض بحركة مالها معنى ......
توجهت للشاليه ودخلت بدلت ملابسها ولبست عبايتها وطلعت
عشان بتتغدا
.................................................. ..........
الحقي يا جواهر أختك شوق صار فيها السكر
جواهر :بسم الله وش هالاخبار على العصرية
ساره :والله أني أنصدمت يوم عرفت بالخبر
جواهر :ومن قالك ؟؟؟؟؟
ساره :خالتي توها مسكره مني
جواهر :بسم الله وش فيهم كل يوم طالع لنا واحد فيه السكر
ساره :انا أدري والله صرت اخاف يجيني
جواهر :هو وراثة .....
ساره :الله يستر بس
جواهر :ومتى راحت تحلل
ساره :من أمس راحت هي وربى وحللت وطلعت النتيجة اليوم
جواهر :الله يهديها هي تحب السكريات
ساره :ماله دخل الوراثة هي السبب.........
جواهر :مسيكينة ما تستاهل
ساره :كل شي مكتوب ......
جواهر :أيه والله بأدق على أمي أسأل عنها
ساره :اجل يله فمان الله
جواهر :مع السلامة
سكرت جواهر من ساره وراحت تدق على أمها تفهم منها
السالفة أكثر لأن مهما صار ما تأخذ أخبار من مرت أخوها ...
لكن أمها خبرتها بنفس الكلام ......
وخافت جواهر يكون فيها السكر وهي ما تدري
وقررت تروح تحلل متى مالقت وقت ..........
..............................
في صالة القصر الكبير كان الجدال
حول موضوع شوق والمتواجدين أبو مشاري ومشاري وأم مشاري
وربى .......والشخص المعني غير متواجد ..........
أبو مشاري :رح بها وتأكد أخاف تحليل هالمستشفى موب زين
مشاري :وين موديتها انتي ؟؟؟؟؟؟؟
ربى :لـــــ
مشاري:مستشفى وين ما ظنتي يكون خطأ
أبو مشاري :ولو رح وتأكد تحسبون السكر لعبة
مشاري :ما أختلفنا ...بس مستغرب شوق ما بانت فيها أية أعراض
ربى :اغمى عليها قبل أمس ....
مشاري :وليش ما قلتي لنا
ربى :ما أحب أحكي وما صار شي ولم تأكد لنا أن فيها السكر قلنا لكم
أبو مشاري :مرة ثانية لم يصير شي على طول قولي لنا خلينا نتصرف
ربى :مرض وجاها وش بتسون يعني بتخلونها تشفى
طالعها أبو مشاري بنظرة تسكيتية لأن بنبرة صوتها في قلة ادب .....
قامت ربى ورقت فوق وصلت لغرفتها وعلى طول راحت للاب توب شبكت النت
وعلى المسنجر جلست تكلم صديقاتها ثم طلعت وسكرت وناسية ماجد وسالفته
...............................
عند ماجد جالس في الحديقة
القريبة من بنايتهم وقباله بحيرة مائية صغيرة ......
جلس محمد جمبه :أقول أنت بتروح في نفس رحلتي
ماجد :مدري ,,,,ليه أنت متى بتروح
محمد :يوم الخميس الجاي
ماجد :أنا الأربعاء .....
محمد :حسافة كنت أبي أحد معي
ماجد :قدم رحلتك
محمد:إذا قدرت بأقدمها إلا وشفيك ماجد متغير ما عدت مثل أول
دايم تسرح ,,,,,وش تفكر فيه ودي أعرف
ماجد :بكل شي ,,,,,
محمد :حدد
ماجد :مافي شي معين .
محمد :لهدرجة الغربة مسوية فيك كذا
ماجد :وأكثر مما تتصور كل يوم اتحسر ان فكرت أكمل دراستي
محمد :الله تتحسر تراها كلمة قوية
ماجد :أدري وهذا اللي صاير ......
محمد :الله يهديك بس لو انك مثلي سنين وانا هنا ولحالي في الشقة
وش بتسوي
ماجد وهو يركز على الموية اللي قدامه وبحواجب
عقودة:بأنحرف ,,,,,,,,,,
محمد :اعوذ بالله تنحرف مرة وحدة ........أشوى أني معك
ما انحرفت علينا
ابتسم ماجد :الحمد لله .........
طالع محمد الموية وهو مرتاح دائما هو كذا راضي عن نفسة وعن حياته
قنوع بدرجة كبيرة .........عكس ماجد اللي ما يعجبة شي في الدنيا
مهما حاول أنه يستانس وزيادة احساسة بالذمب يطاردة على مها ...
يحس أنه راح يسبب لها مشكلة سواء تزوجت ولد عمتها غصب ولا أنحاشت معه...التفكير هادة هد ومو مخلية يرتاح أبدا لم يرسى على طريقة تريحهم
الأثنين .............والحب عذاب .........
...............................
دخلت حصه المصعد وهي تدف سلطان بيروحون لأحد
الأسواق يتمشون ويشترون اللي يحتاجونه ,,,,,,,
ضغطت حصه على الدور الأول بما أنهم في الدور الثالث ونزل فيهم ولم
جو بيطلعون عيا الباب لا ينفتح
سلطان :أضغطي زين
حصه تضغطت على زر اللي يفتح الباب :ما يفتح .......
سلطان يتنهد ويمد يده ويضغط لكن بدل ما يفتح رقى على فوق وصرخت
حصه .....
سلطان خاف :وشفيك أنهبلتي .........؟؟؟؟؟؟؟؟؟
حصه ووجهها يصفر :سلطان خرب علينا خرب علينا
سلطان بحواجب معقودة :أصبري يمكن فيه شي
حصه تضغط زر الفتح ونزل بهم بقوة.......
سلطان :لا حول ولا قوة إلا بالله أصبري أدق على مشعل يشوف وش السالفة
وطلع جواله ودق على مشعل وقال أنه طالع وبيجي بعد شوي .............
حصه تطالع جدران المصعد :مافي طوارىء
سلطان :والله البلشة
حصه :احد ما يحط طوارىء هذا حنا ابتلشنا
سلطان / أضغطي على الدور الثالث
ضغطت حصه على الرقم 3 ونزل بهم بدل ما يرقى
سلطان :خلاص خليه موهوب صاحي ..........
حصه تمسك بطنها :سلطان خايفة نموت
سلطان طالعها ورجع يطالع الأرض :دقايق ونطلع لا تستهبلين
علي ترى مو ناقصك
حصه :اخاف الأكسجين يقضى
سلطان رفع راسه :لا تخوفيني خلقة أني خايف وما أحب
هالمواقف فأسكتي لين يجي مشعل ويحل المشكلة ....
رفعت حصه راسها للفوق وتنهد من الخوف
وينتظرون مشعل يجي .....
.....................................
سالم :هههههههههههه والله أنك مشكلة
مهند :والله خايف منها
سالم :يعني وش بتسوي لك
مهند:أخاف لم عرفت مكان عملي تجي كل مرة
سالم :وإذا جت وش بيصير في الدنيا
مهند:سالم افهمني أنا ما اعرف أتصرف أرتبك
سالم :طنشها ما تعرف تطنش
مهند :أخاف تزعل
سالم :ياهي حـــاله ...دامك تهتم لزعلها ليش ما تخاويها
بدل التعذيب النفسي اللي أنت فيه ؟؟؟؟؟؟؟؟؟؟
مهند : لا وشو أخاويها مسكينة مالها ذمب
سالم :أنت وش قاعد تخربط علي أقول تراني مشغول ماني فاضي
لك ولا عاد تفتح لي طاري البنت هذي لأنها لاعت كبدي منها....
مهند تضايق بس ما بين :أجل مع السلامه
سالم :مع السلامه
سكر مهند وحط الجوال على مكتبة وراح يجلس على لاب توبه يتدرب على
اللي أخذه اليوم في الدورة ويحاول ينسي عمره من الأرتباك اللي فيه
من شوفة شوق .......
........................................
مشعل وكم من رجال الدفاع المدني واقفين عند باب المصعد ويحاولون
يسون شي سلطان وحصه لم ربع ساعة داخل المصعد والأكسجين بيخلص وبينكتمون مشعل على وجهه علامات القلق خايف على حصه الحامل لأنها
بتضرر أكثر من سلطان رن صوت المصعد بصوت مزعج ثم انفتح الباب وانشقت ابتسامة على شفايف مشعل وتنهد براحة .......لكن
لازم الواحد يرقى عشان يطلع من المصعد لأنه مو متساوي مع الدور الثالث المتواجدين فيه حاليا ............سلطان معاق وحصه حامل صعب على الأثنين يسون هالشيء ............لذلك نزل للمصعد........
حصه ووجها مصفر ومخطوف لونه من الخوف :مشعل وشلون نطلع
انا ما أقدر وسلطان بعد
سلطان حس بالعجز ووده يصيح على حاله اللي وصل له ...........
سلطان :عاوني مشعل عشان أطلع .......
مشعل :حصه أطلعي أنتي اول
حصه مررت وجهها بين سلطان ومشعل :وشلــــون
مشعل وهو منحرج :بأشيلك شوي وأنتي كملي الباقي
حصه فتحت فمها من الصدمة كيف أخو رجلها يشيلها
سلطان :حصه خلصي لا يتسكر علينا
سمعو رجل الدفاع المدني يتكلم لهم بأنهم يوخرون شان بيحط سلم صغير
وفعلا وخرو وحط السلم وأرتاحت حصه انها ما اضطرت يرقيها مشعل
ورقت وسلطان يتابعها بعيونه وارتاح أنها طلعت بالسلامة مو مهم هو المهم هي عنده!
نزلو رجالين مع مشعل وشالو سلطان وطلعوه من المصعد وعقب جابو الكرسي حقة وحطوه فيه ........................وانتهت قصة المصعد
سلطان :هههههههه
حصه رفعت حواجبها مستنكرة من ضحكة سلطان :وشفيك
سلطان :الحمد لله طلعنا
مشعل وهو يطالع رجال الدفاع عند المصعد ويتناقشون عن شي لف يطالع حصه وسلطان وابتسم لم شافهم مبتسمين ما عمره شافهم بهالمنظر وكل واحد في عيونه خوف على الثاني .................راح لهم .....
مشعل :ما ودكم تروحون لمشواركم
حصه تجاوب بسرعه :لا لا وين نطلع بعد الروعة اللي شفناها
سلطان :ليش خلينا نطلع
حصه : لا والله مانطلع
مشعل :حلفتي
حصه :إيه والله صادقة ماني طالعه
مشعل :طيب ادخلو الشقة وقفتنا هنا غلط
دف سلطان عمره لكن ما أسرع إلا موجعته يده لانه شالوه بقوة من يدينه
وحصه حست بسلطان لان شيلتهم كانت غلط والضغط كان كله على يدينه
راحت ودفت الكرسي بداله وهو ابتسم لها بامتنان ودخلوا الشقة وتبعهم مشعل وهو يحك راسه يفكر وين يطلع وعد هاللحين ....................
دخلت حصه ولم شافت وعد جالسه قبال التلفزيون راحت بسرعة لها تقول لها وش صار لهم بالتفاصيل (حريم)
ومشعل مبتسم على تحمس حصه في سرد القصة وتعابير وعد المتأثرة ...
سلطان :ودني الغرفة
مشعل دفه بدون ما يتكلم ووداه الغرفة .............
مشعل :تعورك يدك ؟؟؟؟؟؟؟؟؟
سلطان :شوي أنتم الله يهديكم ضغطتو على يدي
مشعل :ما عليه بيخف ...يعني كيف تبينا نطلعك ؟؟؟؟؟
سلطان طالعه بنظرات حزينة محمولة بعتاب لأخوه كيف يقول هالكلام
وش قصده .......عشانه معاق ...........ما يعرف يساعد نفسة......
على الأقل يجامله .........
مشعل حس أنه غلط وفضل الهروب على اعادة صياغة كلامه بأسلوب أرقى
من اللي قاله ................
على طلعة مشعل دخلت حصه وجلست على السرير واطلقت
تنهيدة تعب من قلبها .................
وتفاجأة بسطان اللي عيونه على الأرض ويفكر في شي .........
حصه :حبيبي سلطان
رفع راسه سلطان :هلا
حصه :وشفيك ؟؟؟؟
سلطان :ما فيني شي بس هلكان أبي أريح
قامت حصه من على السرير وراحت للدولاب وطلعت بجامه
لسلطان وساعدته في اللبس ثم سدحته على السرير.............
حصه :وشفيك كنك متضايق
سلطان بصوت غريب عليه وهادي مره :مافيني شي ......
وغمض عيونه عشان ما تشوف نظرة اليأس من الحياة اللي في تطلع من عيونه
استغربت حصه لكن مو كل شي لازم تعرفة .........إذا سلطان ما قال لها وش اللي مضايقة هي ماراح تضغط عليه وتجبره يتكلم ...........
طلعت من الغرفة وراحت للصالة ما شافت مشعل ووعد موجودين خمنت أنهم طلعو .........جلست قبال التلفزيون وبالها مشغول بسلطان ........
...............................................
شد بيده على رقبتها وهي تبلع ريقها من الخوف وانفاسه متسارعه
من الغضب المكبوت داخله ...........:تحسبيني ما راح أجي
راتج والدموع في عيونها :راشد الله يخليك بأختنق وخر يدك
راشد وهو يشد زيادة على رقبتها لدرجة حمر وجه رتاج من الألم
راشد وهو راص على أسنانه وبعيونه لمعة حقد ولذة باللي قاعد يسوية:أنتي وحدة حقيرة والقتل فيك حلال
تبلغين عني هااا ...............
رتاج ودموعها نزلت من عيونها وتحاول تطلع صوت من حلقها المخنوق:تكفى تكفى خلني تكفى وخر يدك بأموت
وصلت الدموع ليد راشد وخفف من الخنقة شوي شوي لم تركها
ودفها بكل قوته على الأرض وطاحت وأصدرت صوت قوي .......
راشد تكلم بعد ما بصق عليها :لا تفكرين أني راح أتركك في يوم
أنا بأجي وأخذ حقي منك لو على موتي .........يا بنت الكلب ........
رتاج والرجفة تهزها هز :راشد أرجوك أرجوك خلني
في حالي أنا ما سويت لك شي .........
رفسها برجلة على بطنها وخلها تتلوى ...........وطلع من الغرفة .....
رتاج ماسكة بطنها بألم وتتاوه ضربت راشد كانت قوية .......
وارتاحت أنه طلع وما ذبحها على قولته ........
حاولت تقوم نفسها حتى تقفل الباب عشان ترتاح أكثر ما قدرت
واضطرت أنها تزحف على الأرض لم توصل ,,,,
وابتدت بالزحف وبعد جهد كبير وصلت الباب لكن .......
انفتح بقوة وجتها ضربة قوية على راسها من قوة الفتح
لكن راشد ما عبر لشبة الجثة اللي قدامه رفع اللي بيده
وصوبه على رتاج اللي من يوم شافت المسدس
غابت عن الوعي ............))))))))
.................................................. .
المحطة السابعة والعشرون:
الورطة*****
شد بيده على رقبتها وهي تبلع ريقها من الخوف وأنفاسه متسارعه
من الغضب المكبوت داخله ...........:تحسبيني ما راح أجي
راتج والدموع في عيونها :راشد الله يخليك بأختنق وخر يدك
راشد وهو يشد زيادة على رقبتها لدرجة حمر وجه رتاج من الألم
و راص على أسنانه وبعيونه لمعة حقد ولذة باللي قاعد يسوية:أنتي وحدة حقيرة والقتل فيك حلال
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك