رواية ولد الترف والدلال -47
أم مشاري :أقول يصير أخلصي هو اللحين بحسبت زوجك أخلصي
بس ............وشني قلت قووووووومي
رتاج تقوم :اففففففففف وش هالقرف متى اموت وأفتك
وطلعت من المجلس وطوالي على غرفتها فوق .......
فسخت فستانها وكل شي ودخلت تتسبح ووخرت المكياج
ولم طلعت لبست فستان أسود عاري الأكتاف ...
مع صندل أحمر .......حطت على شعرها جل وما صار كيرلي بس على خفيف
لأن شعرها ما يصلح له ,......
وأنشغلت برسم عيونها بالكحل الأسود والظل الأسود ممزوج بالأحمر
حطت بلاشر أحمر وروج أحمر ولبست ساعة من Gucci
وشنطة من ماركة FENDI لونها أسود ......
ولم حست أنها مقبولة لبست عبايتها وخذت جوالها وطلعت لكن تذكرت شي
وراحت ودخلته في الشنطة وطلعت ولقته ينتظرها في سيارته الروز رايز
اللي باللون العودي .....
فتحت الباب ورمت شنطتها بشكل عنيــــــــف وركبت .......
سعد : السلام لله ........
طالعته بنظرات تحرق :أسكت أحسن لك
سعد :اووووف شكل الأعصاب تلفانه ........
رتاج طالعته :أمش وخلنا نخلص من هالليلة القرف .......
سعد مشى سيارته وطلعو من سور القصر ....
سعد : وين تبين تتعشين
رتاج :ما أشتهي شي وهو أحد يشتهي شي معك ......
سعد : اوووف قنابل ذرية ترمين
رتاج تسكت وتطنشة .........
سعد يطالع طريقة ويطالعها :وش هالحلا .......
لا لا ما اقدر أنا ........أذوب أنا .......
رتاج تطالعه وهي شوي وترجع :أسكـــــــــت
سعد :وشفيك تسكتيني أصغر عيالك أنا ..........
رتاج طالعته وتنفس بقوة واطلقت كلمة :أوووووووووف
وقفو عند أشارة سعد وبنبرة تهديد:لا تتحديني ........ترى أنتي الخسرانه
خليك اوكي عشان ما تشوفين وجهي الثاني ,,,,,,,,,
ترى بتندمين ,,,,,,,,,,
وفتحت الأشارة على أخر كلمة ومشو ,,,,,,,
وراحو لأحد المطاعم في التحلية رغم الزحمة ......
سعد بأمر :تغطي .....
رتاج :نعــــــــم ؟؟؟؟؟
سعد :تغطي كل اللي هنا شباب
رتاج :وإذا في شباب ؟؟؟؟؟؟؟؟
سعد :ما تفهمين أنتي أقولك تغطي وخلاص لا تناقشيني
رتاج بعناد :ما راح أتغطى وش بتسوي يعني
سعد يرص على أسنانه :ترى أنا أنسان عنيف لا تخلني أرتكب فيك جريمة
اللحين تندمين فيها طول عمرك ...........تغطــــــــــــي
تغطت رتاج وهي خايفة ......سعد أنسان متوحش ......
كلمة وحدة وما يحب أحد يناقشها تماما مثل ما كان سلطان سابقا
بس سلطان عصبي وسعد عنيـف .......
دخلو المطعم وجلسو وورتاج للحين ما فتشت
سعد :وشفيك خلاص محد هنا أفتشي .....
فتشت رتاج :اوووووف
سعد بأسلوب استظراف :أوف ولا أون
رتاج :لا تحاول تنكت أنا ما أضحك على أي شي ........
سعد :أنتي كل شي عندك جاد أضحكي ترى اليوم صرتي خطيبتي \
رتاج :بس مو زوجتك
سعد :وزوجتي وغصبن عنك
رتاج :ممكن تطلب العشا وتخلصنا
سعد :مو أنتي ما تشتهين
رتاج :عشان تسد حلقك بالأكل وتسكت
سعد :عادي أنا أتكلم وأنا أكل
رتاج :عشان تغص وابتلش فيك
سعد :ليه تخافين علي ؟؟؟؟؟؟؟؟
رتاج طالعته :أقول ترى بتجيب لي سكته قلبيه أطلب لك وخلصنا ......
و طلب سعد وماهي إلا عشر دقايق وجايهم الطلب وهم ساكتين ما تكلمو ,....
سعد :كلي
رتاج تفتح شنطتها :ما أبي
سعد :كيفك ........أنتي الخسرانه .......
رتاج تطلع علبة الزقاير وتطع لها وحدة وتدخلها في فمها :معك ولاعه
سعد يطالعها بتعجب /:في السيارة كان تبين .....
رتاج تطلع الزقارة من فمها :رح جبها لي
سعد :ما طلبتي وقام ..........
ودقيقة إلا هو راجع وأصر أنه هو يولعها لها وولعها .......
سعد جلس وياكل : هذي الريحة اللي تفتح النفس موب ريحتك :.......
رتاج :وشفيها ريحتي .........؟؟؟؟؟؟
سعد :خياس
رتاج :أنت الخياس بكبرة وبعدين أنا مستحيل ما أخذ لي دوشين على الاقل في اليوم وتقول لي هالكلام ........
سعد :أقول ليش ما أقول .......
حست رتاج انها لو ترادده ما راح تخلص وفضلت السكوت والأستمتاع
بالتدخين .................................
بعد ما شبع سعد قام :مشينا ..........
طفت رتاج الزقارة في صحن الحمص من دون أية أحترام للنعمه
وطلعت ......
سعد راح لدورات المياة عشان يغسل من ثم طلعو وركبو السيارة ومشو ...
سعد :وش رايك بالطلعه ....ما راح تنسينها من حلاوتها
رتاج تطالعه وبأسلوب ساخر وبصوت مايع:مره تجنن شكرا
سعد الله لا يحرمني منك .....مره ثانية راح نطلع من الصباح
لليل عشان أنا جمبك ما أحس بالملل أحس أن الساعة عندك ثانية ....
يا حياتي يا أنت ..........
لم خلصت رتاج ضحك سعد بضحكة عالية ولم خلص لف عليها:
سعد : مريضة ........
طالعته رتاج وودها لو تصفقة أو أن يصير لهم حادث وكل واحد يفتك من
الثاني ..........
وصلو البيت وكان كل سيارات الضيوف أختفت ,,,,
سعد :المملكة بعد شهر تجهزي .....
رتاج : لو تبيها بكرة أنا موافقة ما راح أتعب عمري عشان خشتك
ونزلت من السيارة وخرعها سعد لم ضرب البوري بقوة ........
ولفت عليه وهي معصبة وهو يضحك ودخلت البيت .......
وهو حرك رايح لأستراحته اللي كل يوم يجلس فيها للصبح اليوم التالي ......
..................دخلت رتاج غرفتها وسكرت الباب بقوة وقفلته كم مرة
ثم أنهارت كل قواها اللي قبل شوي مع سعد .......\وابتدى
مسلسل الصياح والنحيب مع فواصل من الشهقات المتكررة
وما خلصت إلا بنومة عميقة بملابسها وبعبايتها ......
المحطة الرابعة والعشرون :
يوم الأحد.........
تثاوب محمد بقـــــوة وأصدر صوت غير مرغوب فيه
وتقرف ماجد اللي طلع من الغرفة وشافه في الصالة :ياهوووه
حاسب لا ينشق حلقك .
محمد :هههه أقول أخلص نروح نفطر الثلاجة مافيها شي .
ماجد :ياحوووول يله أجل أنت قم لبس بعد
وبعد مالبسو وطلعو وجلسو في أحد المطاعم وطلبو لهم فطور
ماجد :أمس شبكة أختي
محمد :على البركة على ولد مين ؟
ماجد :على ولد ــــ وحنا بعد نسايبهم أخوي ماخذ أخته
محمد :أأها ........
ماجد طالع البنات اللي يمرون جمبه وما همه لأنه خلاص
خذ عهد على نفسه ما يكلم غير مها حتى يقرر مصيره معها .....
محمد طالع ماجد الشارد الذهن :ماجد
ماجد:ها
محمد :كل خلصنا ورانا محاضرات
ماجد :أيه طيب
ومد يدنه للنسكافية وشرب منه ....
..........................................
رتاج مصدومة:وشــــــــــــــــــــــــو ؟؟؟؟؟؟؟؟؟
طلال :قلت لك 10 سنوات ويطلع
رتاج :وليش ما عدموه هذا مروج مخدرات
طلال :لهدرجة خايفة منه يطلع من السجن ويسوي لك شي ؟؟؟؟؟
رتاج : لا أنا مو خايفة بس منقهره لي ما عدموه
طلال :طيب أنا مو فاضي لك
وسكر في وجهها باب بيتهم .........
رتاج مسحت على راسها بيدها وتهمس :10 سنوات ....
ليش ما عدموه وريحوني ........
اتجهت لسيارة السواق وركبت .......
وقالت له يروح للمستشفى ـــــــــــــــــ
..................................
حصه ترتب ملابس سلطان في الشنطة :وش بتسوي أول ما تطلع بكرة الصباح
سلطان ما رد عليها ........
حصه :وش رايك سلطان نسكن مع خواتي في الطابق العلوي
سلطان : ممكن تسكتين
حصه أنقهرت:بأسكت .,,,,,,,,أنت هاليومين مدري وش فيك
لكن بأسكت ومتى ما بغيتني أتكلم بأتكلم بأسكت وأشوف أخرتها معاك ......
...............................
لطيفة تدخل للبيت وبيدها ظرف ثاني غير اللي قبل .....
لقت منيرة في الصالة جالسة على الأرض وفارشة أوراق كثيرة وجالسة ترتبهم
((تبع الدراسة ))......
لطيفة :منور ظرف ثاني
منيرة ترف راسها :تلقينه فاضي أرميه ...
ليفة تجلس على الكنبه :لا ما راح أرميه
وتشقه وتفتحه :في ورقة
منيرة تقوم :أشــوف
وتاخذه من لطيفة وتفتحة ////
لا تنتظروني أرجع لكم .......
أنا قريب بأستقر في أحد الدول العربيه وأتزوج
والدكم .......((حاط اسمه الكامل))
منيرة ترمي الورقة :جعلك ما ترجع .....
وراحت تجلس تضف أوراقها بشكل عشوائي
وهي معصبه ولم ضفتهم قامت ودخلت غرفتها .
أما لطيفة ما اهتمت حطتها على الطاولة اللي تتوسط الصالة
عشان لا جتهم حصه تقراها وراحت تطالع التلفزيون ...
........................
ربى :يله عاد والله أخوي أن صار شي أنا اللي راح أوقف اللعبه ......
ملاذ (صديقة ربى الروح بالروح) :بس يختي أحسها صعبه
ربى : لا صعبه ولا شي وأوثقي فيني وأنا أعرف أخوي
مستحيل ياذي أحد
ملاذ :وأنا وش يخليني واثقة بأخوك
ربى :أن صار شي لصورتك حاسبيني أنا لأني أنا اللي طلبتك
ملاذ :ممم بأفكر وأرد لك
ربى :طيب أرسلي مقاطع صوتك وأنتي تغنين على الأقل ....
ملاذ :أيه هذي سهلة اللحين بأرسلها على إميلك أما الصور أنتظري يومين
كذا عشان أفكر وأقرر ,,,,
ربى :والله أنك سخيفة
ملاذ :عشانها مو صورتك ...وعلى فكرة مبروك خطبة أختك
ربى :الله يبارك فيك عقبالك
ملاذ :آميــــــــــــــن
ربى :يله عاد بأسكر وروحي أرسليها لي اللحين مو تطنشين
ملاذ :لا اللحين بأرسلها يله بيباي
ربى :باي
وسكرت ربى جوالها ورجعت للابتوبها تنتظر ملاذ ترسل لها
مقاطع صوتها وهي تغني لانها جد فنانه ...
وربى بترسلها لماجد وتقول أنه صوتها عشان يخق عليها ويحبها ....
ربع ساعة وكانت كل المقاطع الصوت عندها وهي 10 مقاطع ....
أختارت أحلا شي وأرسلتها لماجد على أنه صوتها ......
بس هالوقت ماجد مو فاضي ومشغول لأنه بالجامعه ....
وربى أنتظرت ماجد يدخل بس خاب ظنها وأخر شي راحت
تكلم صديقاتها ومن ضمنهم ملاذ اللي قبل شوي مسكره منها .....
.....................................
في الفيصلية :::::
شوق :جواهر أنا بأروح أتمشى شوي وأرجع طيب
جواهر :خلاص روحي بس لا تطولين
نايف:بأروح معها
جواهر :أنت أجلس هنا
نايف :بأرووووح
جواهر :ما في بتروح الحمام وتجي
شوق :أيه بأروح لحمام
نايف :أنا فيني حمام
شوق :والله أنك نصاب هههه أقول باي لا ينشب فيني هالعلة
وراحت تمشي ونايف انقهر وشوي بيصيح ......
شوق تطلع جوالها وتدق على مهند ..........لكن ما رد
ورجعت دقت لكن ما رد ......ورجعت دقت ولقته مقفل ........
وأنقهــــــــــــــــرت بقوة ........
بس مهند كان في مركز التدريب ما طلع والوقت لسه 9 ونص الليل
والأستاذ اللي يدرسهم أنزعج من صوت جوال مهند اللي اضطر يقفله من
دون ما يشوف الرقم لأن ماسحه وما طلع اسم ..
شوق رجعت لأختها وبعد ساعة تعشو مع بعض وطلعو .......
......................................العصر في أمريكا......
ماجد جالس يسمع صوت مها وهي تغني وهو رايح في عالم ثاني
فيه أنوثة ودلع وعذوبة ما قد سمعها......
ماجد :محمد تعال اسمع بأشوف رايك
محمد منسدح على الكنبة ويطالع التلفزيون :فك السماعات بأسمع من هنا
ماجد : لا عشان تخش جو أكثر .......
محمد :أجل تعال لي
قام ماجد وهو شايل لاب توبه ثم عطا السماعات لمحمد اللي لبسها
وشغل له صوت مها وهي تغني الأماكن لمحمد عبده ......
ولم خلص القطع اللي مدته دقيقتين ونص .......
محمد :والله روعه
ماجد :جد والله عجبك
محمد :أقولك روعه وأنا ما أقول كذا دايم
ماجد ابتسم وكن المدحة موجة له
محمد :لا تكون وحدة من ربعك
ماجد :وحدة يا لبى قلبها !!!!!!!
محمد :قووم قوم لو أني أدري كان قلت صوتها مخيس
ماجد يقوم :أحترم نفسك إلا مها عاد
محمد يرفع حاجبه الأيسر :اسمها مها ؟؟؟؟؟؟؟
ماجد تفشل لم تسرعه ونطق اسمها لكن ما رد على محمد
وراح يجلس مكانه .......
محمد :متى بتترك هالحركات
ماجد :قبل ما أتزوج بأسبوع
محمد :هه ومحدد من اللحين
ماجد يلبس السماعات وما يرد عليه ومحمد
عطاه نظرة سخرية ....
وجلس ماجد يعيد المقاطع وهو سرحان ومحمد
لاحظ شرود ماجد ودعى في نفسه أن ما تكون هالمها سبب
في ضياعه وضياعها ...........
.................................................. .
صلت حصه الفجر ثم جلست تقرى قرآن لحد ما أشرقت الشمس ...
ثم قامت تطلع لبس لسلطان يلبسه قبل ما يطلع من المستشفى ...
وضفت كل شي له في الغرفة ومن أزعاجها قام من النوم ........
سلطان :حصه
حصه جت لعنده :نعم
سلطان : كم الساعه
حصه : بتجي 7
سلطان :طيب أبي حمام ......
حصه :دقيقة
وراحت تجيب الكرسي وتنزل سلطان وتودية الحمام وسبحته
ولم لبس وخلص ما رجعته للسرير خلته على الكرسي ...
سلطان :رجعيني
حصه :الساعة 8 بنطلع من هنا ماله داعي أرجعك
وطق طق طق دخل مشعل :السلام عليكم
حصه :وعليكم السلام
مشعل :ضفيتي كل شي ترى خلاص نقدر نطلع اللحين
حصه :جد ....
مشعل :ايه بتفرق ربع ساعه
حصه :أجل خذ الشناط وودها سيارتك
مشعل:بس هذي
حصه :أيه
وراح مشعل وشالها وطلع من الغرفة وحصه ضبطت عمرها وتغطت
وطلعت من الغرفة وهي تدف سلطان جاها مشعل :عنك عنك
حصه :خلني أدف
مشعل :أنتي حامل خليني أدفه أنا لا تتعبين
ووخرت حصه ودف مشعل سلطان ونزلو من المصعد وعند السيارة
ركب مشعل سلطان قدام والكرسي حطه في شنطة السيارة بعد ما سفطه .......
وركبت حصه ورى وهي تودع المستشفى وتدعي من ربها أنها ما تدخلة مره
ثانية وتجلس فيه هالمدة ...................
مشعل يطالع سلطان يبيه يتكلم يقول شي لكنه ساكــــــــت ....
حصه :مشعل وش أخبار تجهيزات السفر ؟؟؟؟؟؟؟
مشعل : كل شي جاهز وما ناقصنا غير نركب الطيارة ونسافر ....
حصه ابتسمت أن كل شي يمشي بالتمام ....
وصلو البيت .......ونزلو سلطان من السيارة ودخلوه البيت
وكان فاضي رتاج في غرفتها نايمه على الوقت وكذالك أم مشاري
وربى وشوق رايحين المدارس ..وماجد مسافر ...
سلطان :حصه وديني الغرفة
مشعل :أجل يا حصه أنا ماشي وأن كان تحتاجون شي دقي علي على طول
وانتبهي لسلطان زين ..
حصه :أن شاء الله ويعطيك العافية تعبناك معنا
مشعل :أخوي وما تبين أتعب معه .....أجل أتعب على مين
حصه ابتسمت وسلم مشعل وطلع .....
ركبو المصعد ورقو ومن ثم توجهو لقسمهم وحصه الابتسامة
منورة وجهها التعبان لأنها بترجع للحياتها اللي انقطعت مدة 3 أسابيع .....
دخلو الغرفة وكان الجو منكتم لأنها ما تفتحت شبابيكها من زمان
وراحت حصه تفتح الشبابيك وتولع المكيف
ولفت على سلطان الساكت على كرسيه ...
راحت وجلست على السرير وهو قبالها على الكرسي
حصه :أشتقت للغرفه مالها طعم بدونك
سلطان :أبي أنوم
حصه ابتسمت :من عيوني وراحت تضبط وضعه على السرير
ثم خلته ينسدح بشكل مريح وسكرت الشبابيك واللمبات وطلعت ..
راحت لغرفة الملابس لبست قميص نوم ثم رجعت للغرفة ونامت هي الثانية .
....................
الساعة 1 ونص الظهر
مهند جالس في شغلة وهو طفشان وفيه النوم ...
ما ينام طول اليوم إلا 6 ساعات بس وتعب لكن راح يتعود ....
طلع جواله من جيبه وتذكر الرقم اللي دق عليه أمس بس ما فضى
يشوف مين ....طلع الرقم وجلس يطالعه ثم ابتسم لأنه عرفة على طول
رقم العصلا شوق .
بس ما يدري وش تبي منه .....فشاور نفسه وأخر شي دق عليها ...
وردت شوق اللي كانت توها منسدحة تبي تنوم :ألووو
مهند :السلام عليكم
شوق وتحس أن جسمها متكسر بداية الأنفلونزا :وعليكم السلام
هلا مهند.....أخبارك ؟؟؟؟؟؟؟
حرف الراء خلى مهند يبتسم غصبن عنه :الحمد لله بخير.
داقه علي أمس تبين شي ؟؟؟؟؟؟؟؟
شوق :أمس أمس متى ؟؟؟
مهند : الساعة 9 ونص تقريبا
شوق :أها....ماكنت أبي شي بس دقيت كذا
مهند أنحرج وش يرد :طيب مع السلامة
وسكرت شوق الخط من دون ما ترد السلام لأنها تحس بتعب
ومو رايقة تتكلم ......
دخلت عليها ربى :قوووومي لا تنومين اليوم بتغدا أبوي موجود
وسلطان بعد
شوق :سلطان وش جابه أيه صح اليوم بيطلع .....
ربى :طلع وقضى وهذا هو جالس تحت مع أمي ويا حياتي
ساكت ما قال شي شكلة متضايق
شوق :أنا تعبانه مقدر أنزل أبي أنوم
ربى :ليه وشفيك ؟؟؟؟
شوق :شكلها انفلونزا يله ربى أطلع وسكري الباب وراك
ربى :طيـــــــب......
وطلعت ربى بعد ماسكرت الباب وراها وغطت شوق في نوم عميق
................
مهند حس أنه أستانس لم سمع صوت شوق
وحرف الراء اللي تنطقة غلط بس حلو عليها يناسبها ......
مر الوقت عليه سريع وهو يوزع أبتسامات على كل من مر
ما يدري ليه أنبسط .........
ومن بعدها انتبه أن الساعة وصلت 2 ونص وهم بالخروج
بعد أنتهاء مدة دوامه
......................................
على الغدا كان الكل متواجد عشان طلعت سلطان من المستشفى
بس بدون صيته اللي راحت لبيت أهلها ولا رجعت .....
أبو مشاري:وين ربى ؟؟؟؟؟؟
أم مشاري : قصدك شوق
أبو مشاري :شوق وينها
ربى :تقول تعبانه ويمكن انفلونزا
مشعل :شاربه شي بارد ؟؟؟؟
ربى :مدري عنها .......
مشعل يقوم :بأروح أشوفها
مشاري :روح شوفها بعد الغدا
مشعل :أخاف تتعب أكثر
أم مشاري :خلها لا تدلعها
مشعل : لا بأروح أوشوفها
وسمع كلام نفسه وراح لغرفة شوق ودخل عليها وولع اللمبات
شوق تضايقت وغطت نفسها بالبطانية...
مشعل يقرب لها :شوق قومي
شوق تخر البطانية وهي مكشرة :وشوو
مشعل يحط يده على جبينها :مافيك حرارة
شوق :أحس جسمي متكسر بأنوم وأن قمت وما راح بأكل بندول
مشعل :أنتي أرتاحي اللحين ولا حسيت
بتعب دقي علي على طول طيب
شوق :أن شاء الله
قام مشعل ولحف شوق زين وراح طفى اللمبات وطلع وسكر الباب
ونزل يكمل غداه .......
لم طلع مشعل وقطع نوم شوق ...
خذت شوق جوالها ودقت على مهند لا إراديا :الو
مهند جالس على سريرة بيريح شوي قبل ما يروح العصر للمركز
مهند :الو
شوق :مهند أنا تعبانه
مهند تورط ابتلش ما عرف وش يقول لها غير :طيب
شوق انقهرت ودمعت عيونها وتحس بالحرارة ترتفع عندها :ما تحس انت
جماد ولا بشر ..........
مهند عصب ما عنده تفاهم أبدا :وش تبين أقولك سلامات ليه اعرفك
أنا عشان أقولك كذا لا عاد تدقين علي فاهمه ....وسكر في وجهها ....
شوق تسلل الجوال من يدها وطاح وأنقلبت هي على بطنها وصارت تصيح
ليه يعاملني كذا .........ليه انا أكلمه .....
سؤالين يدورون في بال شوق وهي مو عارفة جوابهم .......
لكنه حب المراهقة وبيزول مع الأيام
...............................................
مشعل يدف سلطان لمجلس الرجال الصغير مو الرئيسي .....
ودخلو ......
مشعل :هذا حنا هنا مافيه أحد تكلم وش اللي في خاطرك
سلطان :متى بتطلق صيته
مشعل :بأروح لها بكرة وأكلمها أن ما رضت أبدا ومصرة
بأطلقها بتجي معي للمحكمة تطلق قمر ؟؟؟؟؟؟؟؟؟
سلطان :هذا اللي كنت بأقوله ....
مشعل :خلاص نروح مع بعض يوم الاربعاء .
سلطان :وأبي منك تأثث فلتي في حي الورود
مشعل :مو مأثثه ؟؟؟؟؟
سلطان : توقف كل شي لم صار لي الحادث
مشعل :خلاص أنا أوكل أحد يضبطه لك
سلطان :مين ؟؟؟
مشعل :واحد من ربعي هو اللي يجهز شقتي اللحين
سلطان :ورجال ثقة ؟؟؟؟
مشعل :دارس معي الطب أول سنة وبعدين حول للهندسة
وأعرفة من زمان وهو يحب يصمم ويركب وزي كذا
وانا واثق من ذوقة ......
سلطان : بعد حنا بنروح لندن 6 شهور بأثق فيه أحط مفاتيح
البيت عنده
مشعل :أقولك الرجال ثقة وشفيك ؟؟؟
سلطان :تفاهم معه بعدين بأعطيك مفاتيح البيت والفلوس
مشعل :اللي تبيه بيصير
................................................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك