رواية ولد الترف والدلال -46
شوق :هههاااي ضحكتيني أما تجلس معنا كثري منها .....
جواهر : يعني تتغدا معكم تشرب شاهي العصر
ربى :هذاك أول لم أبوي يكون موجود لكن من صار لسلطان الحادث وحنا
ما نجتمع ........................
جواهر : بيطلع الأثنين وترجعون زي قبل المهم يوم الأحد
أبي وحدة منكم تجي معي بأروح أشتري فستان لملكة مشعل
ربى :أنا ما أبي أروح من اللحين
جواهر تطالع شوق :أجل مافي إلا أنتي .....
شوق :يوم الأحد عاد خليها بكرة
جواهر :أنا يا حبيبتي كل أسبوع أحط جدول وش بأسوي .
وأخترت يوم الأحد لأن رائد طول الوقت مو متواجد مشغول .....
ربى : يا عيني على الحب ما تبين تتركينه ......؟؟؟؟؟؟؟
جواهر :أيه ما أبي أتركه عندك شي ؟؟؟؟؟
ربى تطلع لسانها :لا ما عندي شي
جواهر :إلا صح متى أختبارتكم النهائية ؟؟؟؟؟؟؟
شوق :بعد أسبوع ونص .......مو السبت هذا اللي بعده .
جواهر /آآآها .......
..........................................
مهند لم وصل البيت راح سلم على أمه وخواته سألوه ليش ماجى يتغدا
معهم وقال لهم انه تغدى عند واحد من ربعه ولم شاف أبوه متجه لغرفته
يناام للقيلولة العصرية راح وراه ولم وصل لغرفته :
أبو صلاح لف على مهند وابتسم :ها وش عندك.........
مهند لازم يتوتر كل ما جى بيقول لأبوه شي طبع فيه من يومه صغير
وأستمر معاه لحد الكبر : بغيتك في موضوع
أبو صلاح يجلس على السرير وقباله مهند :وش عندك .......
مهند : أنا توظفت محاسب في أحد فروح بنده ...........
ويوم السبت بأداوم هناك من الساعة 8 إلا الساعة 2 ونص .......
وأنت قلت اللي تشوفه صحيح سوه .........
أبو صلاح : هذي حياتك يا ولدي وماني معيبك على شي أخترته أنت
رح يا ولدي الله يسهل لك دربك وأشتغل دام أن الأمر حلال ومافيه شي
لا تعتقد أني بوقف في طريقك...........
مهند ابتسم وحب راس أبوه وهو مستانس وتكلم معاه شوي وطلع
وراح لغرفته دخل وانسدح على سريرة ولف جهة اليمين
ولقى جواله في وجهه ........مسكه وجلس يلعب به بيده ويفكر
بيوم السبت ................
فتح على الأرقام ووسوس له الشيطان يدق عليها
بعدين تراجع ورجع الجوال مكانه ......
ثم رجع يطالع ساعة الجوال لقاه 3 وربع ......
ثم رجع ودق على رقمها :::::::::::
................................
شوق وجواهر وربى جالسين يطالعون فلم وقطع عليهم صوت جوال
شوق يرن بأغنية نانسي عجرم الدنيا حلوة ..........
ارتبكت ............توترت .............انتفضت
وخافت ...............................مع ألم مفاجئ في البطن .......
ولكن ما انتبه لها احد لأنهم منشدين مع الفلم ..........
ربى وهي متحمسة :سكري جوالك ازعجنا ......
شوق بأصابع ترجف حولت جوالها إلى سايلنت
وقلبها يرجف من الخوف ...........
(( أول مره يدق علي ؟؟؟؟؟؟؟؟؟؟؟؟؟
وش يبي مني ؟؟؟؟؟؟؟؟؟؟؟
ويوم دق ما قدرت أرد عليه .
.......حظي جد طايح .......
خلني ارسل له رسالة أشوف وش عنده ................)))))))
وراحت تكتب له ولم تطمنت أن الرسالة وصلت لفت تطالع
التلفزيون وقلبها مو معها
.................................................. ..............
مهند بعد الجوال عنه بسرعه
وكأنه ارتكب شي (فيه شرك) ,,,,,,,,
ما كان يدري ليش دق عليها ......
لكن الشيطان دفعه للأمر هذا ..........
وحمد ربه أنها ما ردت .........لكن ماهي إلى ثواني
ووصلت له رسالة ::::::::::
((وش تبي ؟؟؟؟؟؟؟ ))))))))
وانقهر من الأسلوب الجاف ورد : ((دقيت بالغلط لا يكبر رسك )
بس شوق حقرته وما ردت عليه .........
وهو انتظر ترد ثم قام يتسبح ويلبس بيروح للدورته ........
وقبل ما يدخل الحمام مسح رقم شوق وكل شي وارتاح
عشان ما يرجع ويدق عليها ............
.......................
حصه قامت وسلمت على خوات سلطان وخذت منهم
الورد وهي تشكرهم سلمو على سلطان ورد عليهم بأسلوب جاف جدا
وأستغربوا ............
ولم جلسوا ......
حصه تكلم جواهر اللي جمبها :شريتي فستان لزواج مشعل؟؟؟؟؟
جواهر :يوم الأحد بأروح
حصه :طيب بتاخذين لها هدية
جواهر : أكيد بس مدري وش أعطيها ذهب بتمل منه وأخر شي بتبيعه
حصه :أنا شريت لها ساعة بـ3000 ريال
جواهر :أفكر أشتري لها ساعة ومع عطورات
حصه :حلو بعدين يختي وش نشتري نخاف نشتري شي وما يعجبها
بعدين وما تستعملة ........
جواهر :لو انها ميب مرت أخوي كان عطيتها فلوس وهي تتصرف فيهم
بس مرت اخوي صعبه وأخوي ما عليه قاصر ........
بعدين تعال وشفيه سلطان كذا ..بطنة يوجعه ؟؟؟؟؟؟؟
حصه : من الصبح هو كذا متضايق مدري ليه ؟؟؟؟
جواهر : يمكن لم قرب طلوعه من المستشفى مزاجة تعكر
حصه وهي تتنهد : يمكن ........
قطع عليهم صوت سلطان :حصـــــــــه .......
قامت حصه وراحت له : لبيه
سلطان : نادي الدكتور بسرعه ......
حصه انتفضت وطلعت من الغرفة وراحت تنادي على الدكتور
وثواني إلا هو جاي بسرعه وراح لسلطان : فيك شي؟؟؟؟؟
سلطان : أحس بحرقان في معدتي ودي ارجع اللحين .........
الدكتور خالد لف على حصه :معطينه شي انتم ........؟؟؟؟؟؟
موكلينه شي غير أكل المستشفى ؟؟؟؟؟؟
حصه : لا والله ما عطيناه شي .....
الدكتور خالد قرب لسلطان وسأله كم سؤال ثم
قال للنيرس تعطيه دوا يوخر الحرقان اللي يحس به .........
ثم خلى سلطان في وضع الجلوس عشان أحتمال يرجع ......
ثم طلع من عنده ......
شوق خايفة :وشفيه؟؟؟؟
ربى ببرود : مدري.......
جواهر تكلم سلطان : لا حسيت أنك بترجع علمنا ....
وكان الجواب مفاجىء لها ...
سلطان :أنتي كلي تراب وضفي اللي أنتي جايبتهم واطلعي
انصدمت جواهر ولفت على حصه المنحرجة .....
جواهر:وراه تقول لي كذا ؟؟؟؟؟؟؟؟؟؟؟
سلطان وهو ضاغط على أسنانه : جواهر ضفي وجهك أحسن لك لا
يجي لك شي ترضينه ........
جواهر طالعت شوق وربى وهي معصبه اول مره سلطان يقول
لها كذا : مشيـــــــنا
وخذت شنطتها وطلعت ولحقوها ربى وشوق وكل وحدة ماسكه يد الثانية
وخايفين من سلطان .........
لم طلعو لفت حصه عليه :وشفيك سلطان مو طبيعي اليوم ......
سلطان مارد عليها لأنه استفرغ .....
وحصه ارتبعت وقربت لها كيس وجلس
يرجع اللي في بطنة كله وحصه تتعذب من منظرة لم يحاول أنه
يأخذ نفس وما يقدر ......
ولم خلص سلطان رجع راسه على ورا وهو يتنفس بصعوبه ...
ضربت حصه الجرس وثواني إلا النيرس داخلة ولم شافت سلطان
تعاونت مع حصه ونزلوه من السرير ووده الحمام وغسلته
حصه ثم بدلت بلوزته بثانية لانها توسخت .......
ولم رجعوه للسرير طلب موية وشربته حصه .......
وشوي إلا الدكتور خالد يدخل :
الدكتور خالد : سلطان أنت ماكل شي غريب .....
هز سلطان راسه بالنفي ثم جلس الدكتور خالد يكلم النيرس تجيب له
برضو دوا عشان ما يساعده أنه ما يرجع .....
وشوي إلا هي مشربته الأثنين اللي قبل واللحين .........
ومن بعدها طلع خالد وبيرجع لهم أن صار له شي......
وجلست حصه بقلق تطالع سلطان العابس تنتظر
يطلب منها شي عشان تروح تجيبه له .................
رائد يهدي جواهر اللي جت من المستشفى معصبة انه
طردها أخوها علنيا .......
رائد : يا بنت الحلال وشفيك أهدي يمكن تعبان ولا شي
جواهر :حتى ولو على الأقل يقول لي بأسلوب حضاري موب
بظفي وجهك ,........
رائد :طيب أنتي هدي ولم يجي الليل دقي على حصه
وأسأليها عن السبب يمكن فيه شي خلاه يطردك هاالطرده
بعدين مو انتي لحالك حتى خواتك كانوا معك يعني حالهم حالك
جواهر :ما نيب داقتن على أحد وخله مانيب زايرته أبد
لين يطلع من المستشفى ويتعذر لي .....شايفني بزر يقول لي هالكلام
أنا أخته يحترمني ....
رائد : خلاص لا تروحين له إلا لم يطلع من المستشفى
جواهر طالعته وقامت وراحت لغرفتها تبدل ملابسها بشي مناسب للبيت
..............................
دخلت لاني البيت وبيدها ظرف ومدته للطيفة اللي تطالع التلفزيون
اللي شروه اليوم لأن هذاك أنسرق ..........
لطيفة :وش هذا ؟؟؟؟؟؟؟
لاني :ما أدري هذا محمد يقول في رجال يعطيه هو ثم رووح
لطيفة تاخذ الظرف وهي خايفة لأنها تعقدت من الظروف بسبب
أبوها ........
لطيفة :وما قال وش اسم الرجال ؟؟؟؟؟؟
لاني :مافي قول .....
لطيفة :أها خلاص روحي .....
وراحت لاني للمحلق اللي صار غرفة للزوجين لاني ومحمد ......
قلبت لطيفة الظرف بيدها وما كتب عليه شي قامت وراحت لغرفة
منيرة اللي جالسة تذاكر بكل همه بسبب قرب الأختبارات
طقت الباب ودخلت .......
لطيفة :منيرة في ظرف واصل لنا من رجال
منيرة عقدت حوجابها : وش ظرفة ذاااااا
لطيفة : لاني عطتني أياه تقول أن محمد عطاه رجال هالظرف وراح
منيرة :الله يستر جبيه
وخذت الظرف من لطيفة وشقته وفتحته ولقته فاضي
منيرة :مافيه شي .........
لطيفة وعلامة أستفاهم كبيرة فوق راسها :يستهبلون
منيرة :وش هذا ؟؟؟؟؟حركات بايخة .....
لطيفه :تهقين من مسوي هالحركة ........
منيرة :وانا ادري .........
لطيفة :اخاف بعد حرامية يبون يشوفون في البيت رجاجيل ولا لا
منيرة ترمي الظرف بعيد عنها : يمكن .......
لطيفة :يممممممماه بانوم معك اليوم
منيرة :أقول لطوووف مو كل ما صار شي جيتي ترقدين معي
قوي قلبك وأرقدي في غرفتك .......
لطيفه :والله أخاف
منيرة :اطلعي برى وعن الدلع ماهوب صاير شي
خليني أذاكر
لطيفة طالعتها ثم طلعت من الغرفة وتخفي داخلها شك محد يعرفه ......
.....................................
يوم الجمعه في الصباح .........
ربى جالسه تكلم ماجد على المسن على أنها مها :
™â£±çxëتآهَـت ّخطاوينآ§ ومنهو بدنيآ§اليوم يآخـذّ بأياديانآ!!!ëxç±£™ :مها
أبي تعذرين.*•~-.¸¸,.-~ { إحساسي إذا قصرت : ماجد
™â£±çxëتآهَـت ّخطاوينآ : ماجد ممكن تجاوبني على سؤال؟
أبي تعذرين:¸,.-~ { تفضلي.
™â£±çxëتآهَـت ّخطاوينآ : وش مواصفات شريكة حياتك مستقبلا
أبي تعذرين:¸,.-~ { سؤال غريب وما قد أحد سألني عنها
™â£±çxëتآهَـت ّخطاوينآ : يعني ما راح تجاوبني ؟
أبي تعذرين:¸,.-~ { إلا بجاوبك ليش ما اجاوبك
™â£±çxëتآهَـت ّخطاوينآ : ههه اوكي شكلها
أبي تعذرين:¸,.-~ { خلي الشكل أخر شي دوري شي غيره
™â£±çxëتآهَـت ّخطاوينآ : باردة ولا عصبيه
أبي تعذرين:¸,.-~ { الحل الوسط لا باردة ولا عصبيه تاخذ من كل واحد شوي
™â£±çxëتآهَـت ّخطاوينآ : مممم طيب طيبه ولا خداعه
أبي تعذرين:¸,.-~ { قصدك طيبه بزيادة ومتسامحة
ولا طيبه بس تحقد جوات قلبها
™â£±çxëتآهَـت ّخطاوينآ : ما تعتبر طيبه الخيار الأخر
أبي تعذرين:¸,.-~ { كثير منا كذا ليش تنكرين
™â£±çxëتآهَـت ّخطاوينآ : ما أنكرت .بس جاوب
أبي تعذرين:¸,.-~ { اكيد طيبه ومتسامحه الواحد يدور على الزين
™â£±çxëتآهَـت ّخطاوينآ : بس الزين ما يكمل
أبي تعذرين:¸,.-~ { صحيح وش تبين تعرفين أكثر
™â£±çxëتآهَـت ّخطاوينآ : أجتماعية ولا لا .
أبي تعذرين:¸,.-~ { اكيد هذا شي أساسي
™â£±çxëتآهَـت ّخطاوينآ : طيب مرجوجة ولا هادية
أبي تعذرين:¸,.-~ { لا أفضل الهادية
™â£±çxëتآهَـت ّخطاوينآ : طيب عمرها
أبي تعذرين:¸,.-~ { بما أني ما راح أتزوج إلا إذا صار عمري 30 وفوق
فأفضل زوجة عمرها 23 24 وتحت
™â£±çxëتآهَـت ّخطاوينآ : ما تلاحظ أنها صغيرة عليك
أبي تعذرين:¸,.-~ { الصغير يكبر
™â£±çxëتآهَـت ّخطاوينآ : طيب تبيها جامعيه ولا ما عندها شهادة
أبي تعذرين:¸,.-~ { في الدراسة عادي أي شي راح أقبل فيه
™â£±çxëتآهَـت ّخطاوينآ : يعني عادي تاخذ وحدة ما معها إلا إبتدائي !
أبي تعذرين:¸,.-~ { ايه عادي دامها ما تنعاب ليش أوقف على هالشي
™â£±çxëتآهَـت ّخطاوينآ : بس ما راح تكون مثقفة
أبي تعذرين:¸,.-~ { لأني مو مثقف فعادي عندي
™â£±çxëتآهَـت ّخطاوينآ : أمر غريب
أبي تعذرين:¸,.-~ { ما الغريب إلا الشيطان
™â£±çxëتآهَـت ّخطاوينآ : طيب نجي عند شكلها وش تبي لون عيونها
أبي تعذرين:¸,.-~ { وش معنى هذا أول شي أخترتيه
™â£±çxëتآهَـت ّخطاوينآ : اول شي طرى على بالي
أبي تعذرين:¸,.-~ { بني أو أسود بشرط تكون عيونها لا واسعه ولا صغيرة وسط يعني
™â£±çxëتآهَـت ّخطاوينآ : مع الرجاجيل يفضلون الواسعه أعتقادا انها من علامات الجمال
أبي تعذرين:¸,.-~ { بس كل واحد له رايه واحب أكون مختلف
™â£±çxëتآهَـت ّخطاوينآ : نحيفة ولا سمينة
أبي تعذرين:¸,.-~ { مليانه شوي
™â£±çxëتآهَـت ّخطاوينآ : بيضاء ولا قمحية ولا سمرا
أبي تعذرين:¸,.-~ { قمحية
™â£±çxëتآهَـت ّخطاوينآ : وش معنى
أبي تعذرين:¸,.-~ { لأني أبيض فأبي وحدة قمحية وأحس يعطيه هيبه للبنت
™â£±çxëتآهَـت ّخطاوينآ : طيب شعرها طويل قصير ناعم خشن
أبي تعذرين:¸,.-~ { مو قصير ولا طويل مره أما درجة النعومة عادي أي شي ما يهمني
™â£±çxëتآهَـت ّخطاوينآ : وش تبي لونه ؟؟؟؟
أبي تعذرين:¸,.-~ { أسود
™â£±çxëتآهَـت ّخطاوينآ : طيب خشمها طويل ولا صغير ولا وش ؟؟
أبي تعذرين:¸,.-~ { أي شي من ملامح الوجة بس ما تكون شينة ولا جميلة تنفخ روحها علي يعني متوسطة الجمال ......
™â£±çxëتآهَـت ّخطاوينآ : والله أنك غريب المهم أنا بأطلع لأنه وقت الغدا
أبي تعذرين:¸,.-~ { اوكي متى بتدخلين مره ثانية
™â£±çxëتآهَـت ّخطاوينآ : أحتمال ما ادخل وراي مذاكرة
أبي تعذرين:¸,.-~ { اوكي
وطلعت مها أو ربى بالأصح وهي كانت تبي تفتك من ماجد لأنها
مو فاضية له بس أهم شي عندها عرفت مواصفات زوجته قبل ما يقولهم
..............................
الساعة 4 ونص العصر :
رتاج حاطة رجل على رجل ومتقرفة من المكان
وانكتمت لأنها اول مره تتلثم بس ماتبي أحد يعرفها .......
دخل العسكري راشد وطلع :
راشد طالع الجالسه بحقاره ولجس بالمقابل لها :تو مانور المكان ....
رتاج ترفع حاجبها : جاي أبارك لك على صدور الحكم بكرة
راشد : الله يبارك فيك ......للحين على حالك اللي قبل ولا عالجتي
رتاج :أجل أنتظرك ؟؟؟؟؟؟
راشد : بس بدري للحين نفسيتك مشتهية الرجوع للسابق
رتاج : تتمنى يصير لي هالشي لكن ما راح يحصل ...
راشد : طيب وش تبين جايه ؟؟؟؟
رتاج : حابه أتشمت ......ومرة ثانية لا تحط راسك براسي
تضيع يا راشد تضيع ..........
راشد وهو يكتم قهره: لو أنهم ما مسكوني لأخليك تحبين رجولي
رتاج :تخسي أحب رجولك من تكون ؟؟؟؟؟
راشد: أنا راشد وتعرفين وش معنى راشد
رتاج تقوم من مكانها :راشد ....... لكن مو راشد ....
راشد : لا عاد أشوفك هنا .....
رتاج :مو أنت اللي تحدد انا اللي أحدد ومبروك على الأعدام من اللحين ...
راشد : عقبالك بس من أخوانك
رتاج طالعته نظرة أستحقار وطلعت من عنده .......
.................................................. ...........
حصه :اليوم حذرتهم كلهم ما يجونك لكن بكرة عيال عمك كلهم بيجون
يسلمون عليك ........
سلطان : يصير خير
حصه :أنت أمس ليش طردت جواهر تراها زعلت
سلطان :تطق راسها في أقرب جدار
حصه :وشفيك سلطان كذا ........
سطان ساكت لا يرد
حصه :تبي الشيخ يجيك ؟؟؟؟؟؟؟؟؟
سلطان :ما أبي أحد يجيني
حصه : أوكي على راحتك بس لم تحس بشي قولي عشان انادي
لك الطبيب ..........
سلطان سكت وما رد عليها .........
تقلب مزاج عنده ......
.................................................. ......
الساعة 8 العشا ......
رتاج جالسة في الصالة:ومتى بيجون ؟؟؟؟؟؟
أم مشاري : بكرة تجهزي ألبسي زين مو مثل ما يوم شافك
رتاج :طيب ذكريني بكرة لاني بأنسى ......وقامت
ام مشاري :احد ينسى يوم شبكته
رتاج : اففففف أنا فيها شي
ام مشاري :بكرة بيجون خواته وأمه
خالاتك بيجون
رتاج : اوكي اوكي عرفت فيه شي ثاني بأروح لغرفتي
أم مشاري :روحي ..........
مشت رتاج للمصعد ورقت ........
دخل مشاري البيت : السلام عليكم
أم مشاري :وعليكم السلام أجلس
جلس مشاري :خلاص اتفقت مع البوفية بكرة .
أم مشاري :والحلويات
مشاري :والحلويات وكل شي
أم مشاري : بكرة خل سعد يجلس مع رتاج
مشاري :يمه خلاص شافها ما يحتاج
أم مشاري :الشي اللي أقوله لا تناقشني فيه .....
مشاري :بس هذا شي غير صحيح هم ما بعد ملكو
أم مشاري :خلها تتعود عليه
مشاري : طيب ما تعرفين متى أبوي بيجي
أم مشاري :يوم الأثنين مع طلعة أخوك
مشاري : طيب أنا أستاذن تبين شي
أم مشاري : سلامتك
مشاري :الله يسلمك
وطلع مشاري وهو أبدا مو داخلة مزاجة أن سعد يجلس مع رتاج مره ثانية
................................
يوم السبت .......في أحد فروع بنده شمال الرياض .....
مهند مكشخ بثوب وشماغ وامس رايح الحلاق عشان يزبط سكسوكته
كل هذا عشان الوظيفة الجديدة ..........
وكان فيه أكثر من سعودي برضو يشتغلون ......
وهو حاليا جالس مع واحد يعلمه على الشغل .......
وكان سهل جدا وما يحتاج أي تفكير ...
ولم خلص الدوام رجع للبيت وعلى وجهه ابتسامة رضى .......
ولم دخل جلس في الصالة .....
نزلت اخته خولة من الدرج :أهلا أخي المحاسب
مهند :كنك تتهزين
خولة تجلس وتمسك الرموت :لا ما اتهزا ليش أتهزا .....
تحس أني أتهزا يوم قلت لك وتظن أني أتهزا لا ما اتهزا
مثل ما تظن أني أتهزا ,,,,,,,,,,,,
مهند :خلصتي
خوله :أيه خلصت ليه أنت تبيني أخلص
ما راح أخلص إذا أنت تبيني أخلص
مهند :خووووووووووووووووولــــــــه لا ترفعين ضغطي
خوله :وشفيك أمزح معك شف شف هالكليب أهداء لك
مهند يطالع التلفزون :خليه لك
خوله :وشفيك الكليب حلو
مهند :خوله قسم بالله لا أوريك شغلك
خولة تردد ورى رابح صقر بصوت عالي ومزعج: في منتهى الرقة في منتهى الـــــــــــــذوق
حبيبتي في كل حاجة عجيبـــــــــــــــه
مهند : أقول أروح أرقد أحسن من رفعة الضغط
وقام ماشي لكن أمه نادت على خولة تقولهم أن الغدا جهز
وهذا نظام جديد لهم أن الغدا الساعة 3 لأن مهند ما يرجع إلا الساعة 2 ونص
فيما يتسبح ويريح شوي يكون الغدا جاهز ,,,,,,,,
تجمعو العائلة بدون صلاح لانه يطلع من الشركه الساعة 4 ........
وتغدو ومن بعدها كلن راح اللي نام واللي جالس في غرفته ......
.........................
طلال جالس في صالة بيتهم بعد ما رجعو من المحكمة
ومعه أخوانه الثلاثة من دون ذكر أسمائهم
الهم كان عنوانهم .....
10 سنوات سجن
عقوبة قوية جدا بحق أخوهم.....
لكن ناسين أن عندهم أخت شارفت على الهلاك
بعد ما أستأصلو الورم السرطاني ......مناعتها ضعيفة جدا
وألتقت أمراض كثيرة .....وزادت من معاناتها ............
حاولت الدكتورة سماهر تخلي شيخ يجي كل أسبوع يقرى على
المرضى أنه يقرى عليها لكن ترفض رفضا قاطعها من دون ذكر أي سبب .........
وفي مكان ثاني في مجلس كبير أقتض بالضيوف من الأقارب لحضور
شبكة رتاج اللي جالسه بهدوء بفستانها الأحمر ومكياجها الخليجي
الثقيل أخفى كل معالم وجهها التعبان وعقد الألماس يلمع على صدرها بعد ما لبستها ام سعد أم العريس أم ساره .................
أم مشاري :قومي قولي لهم يدخلون العشى جاهز
جواهر :يمه مو كنه مبكر الساعة 10
أم مشاري : ما عليك قومي يله .......
قامت جواهر وقالت بصوت عالي :تفضلو العشى جاهز .......
وأبتدو بالخروج ......
لم خلصو وما بقى غير ربى وشوق ورتاج وأم مشاري وجواهر
أم مشاري : يله رتاج قومي بدلي وأطلعي مع سعد
رتاج وسعت عيونها :نعـــــــم
أم مشاري :قصري حسك لا أقص لسانك ..
سعد يحتريك بتتعشين أنتي وياه ......
رتاج : بس أحنا مو متزوجين
جواهر : توك تعرفين هالكلام
رتاج حست بنغزة أختها لها لكن عاندت :مام مو معقول تبيني أطلع معه؟؟؟
أم مشاري : بلا مام بلا حركات دلع قومي خلصي الرجال ينتظرك برى
رتاج : ما يصير ,,,,,,
أم مشاري :أقول يصير أخلصي هو اللحين بحسبت زوجك أخلصي
بس ............وشني قلت قووووووومي
رتاج تقوم :اففففففففف وش هالقرف متى اموت وأفتك
وطلعت من المجلس وطوالي على غرفتها فوق .......
فسخت فستانها وكل شي ودخلت تتسبح ووخرت المكياج
ولم طلعت لبست فستان أسود عاري الأكتاف ...
مع صندل أحمر .......حطت على شعرها جل وما صار كيرلي بس على خفيف
لأن شعرها ما يصلح له ,......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك