رواية ولد الترف والدلال -45
مشاري :وليش ما قلتي لي
ساره : يعني أنت ما تدري أنهم بيجون اليوم ؟؟؟؟؟؟؟؟؟
مشاري :والله تفشلت لم دق علي سعد وقال أنه بيجي هو أخوانه وأبوه
اليوم يخطبون رتاج وأنا ما أدري عن هالموضوع توقعت بنأجله أكثر
لأن سلطان ما بعد طلع من المستشفى ..............
ساره :أمي تقول يجون الرجاجيل اليوم وبعد ما يطلع سلطان
بمدة كذا تجي أمي وخواتي ونلبس رتاج شبكتها
والملكة بعدين متى ما بغت رتاج ولا سعد .
مشاري :انتم يا الحريم تخططون على كيفهم وحنا يا غافلين لكم الله
ساره تبتسم : أنت الأساس وبعدين هالمواضيع بتقولونها بينكم يالرجاجيل
وبعدين تجون تشاورونا فيها فنختصر من البداية ونقرر ..........
مشاري يحط ذقنه :وسعد يبي يشوف رتاج
ساره :أيه ما دريت بعد ؟؟؟؟؟؟؟
مشاري :توني ادري من أمي .قبل كانت رتاج هي اللي تبي
تشوفة اللحين انقلبت الآية .
ساره :إلا العروس وينها ما شفتها من مدة
مشار ي:من جت من دبي وهي حابسة نفسها في الغرفة وما تطلع إلا
قليل ومدري وش فيها لكن اليوم بتطلع غصبن عنها .
...................................
مهند جالس في غرفته وسرحان .
أمس أستخار على الوظيفة مع سالم وحس براحة كبيرة .
بس ما أستخار على وظيفة العصلا .
فمسك جواله وأرسل لها .
(( شكرا اختي على اهتمامك بس أنا ما عندي هالشهادتين
لكن متى ما تكون عندي راح أخبرك بقراري )))
وحس براحة لم أرسل الرسالة لأنها ما راح تدق مرة ثانية وتناقشة
وتنشب فيه وهو ما يعرف كيف يتعامل مع البنات .
وصلت لشوق الرسالة وكانت توها قايمة من النوم
لأن نومة العصرية مهمة عندها .طالعت جوالها لقت رسالة
من مهند وأوجعها بطنها لا إراديا وفتحتها وقرتها .
وابتسمت وباست الجوال وحطته في حضنها ثم بعدته عنها
بسرعة بس ما أستوعبت وش سوت .
ضحكة على نفسها وقامت من سريرها الوردي لونها المفضل.
ويناسب بشرتها البيضا .
حست أنها شوي وتطير لأنه مهند ما عارض فكرة انه يتوظف عن طريقها
ولا قال لها شي يزعل ........
.................................................. ...
حصه تحط الورد الأحمر في الموية اللي جابه خوي سلطان الصباح
كهدية على سلامته :
حصه : اليوم خطبة أختك رتاج .
سلطان تغيرت ملامحة مجرد ذكر الأسم :جعلها ما توفق
حصه بسرعه : أستغفر ربك وش هالكلام أحد يدعي على أخته كذا
سلطان :مدري ليش أكرها مع اني قبل ما أهتم لها لكن حالي أكرها
حصه توقف جمب السرير :حتى ولو أنك تكرها ما تدعي عليها في الأمور الحساسه ........أستغفر ربك
سلطان :ماني مستغفر
حصه بأصرار :سلطــان أستغفر ربك .
سلطان لم حس ان حصه ما راح تتركه :أستغفر الله . ارتحتي
حصه :ايه ارتحت .
سلطان :حصه بطنك كبير ولا صغير ؟؟؟؟؟؟
حصه استحت :ممم ليه السؤال ؟
سلطان : أبي أعرف ؟؟؟؟
حصه : يعني وسط .
سلطان : ومتى بيصير كبير ؟؟؟؟؟
حصه : لا صرت في التاسع بيصير بطني وش كبررره
سلطان : أتمنى تنجح عملية تصحيح نظري عشان أشوف سعود لم يولد
حصه :أن شاء الله تنجح العملية وتشوف سعود وتفرح فيه .
سلطان : بس ما أفرح كثر ما أشوفك اللحين وأنتي حامل .
حصه حست انها شوي بتطير من الفرحة وما عرفت وش تقول غير:الله يسلمك
مشعل يجي عند أمه وهو كاشخ بثوبة وغترته
السكرية وعطره واصل للأخر
الدنيا ووخروا عن طريقة :يمه سعد في المجلس الحريم خليته هناك نادي
رتاج خليها تنزل يتنظرها .
أم مشاري :أها طيب بأروح أناديها وأنت أجلس عنده لين تنزل ولا دخلت لا
تتليقف وتجلس معهم خلهم على راحتهم
مشعل :أخليهم في المجلس لحالهم ؟؟؟؟؟؟؟؟
أم مشاري :أيه خلهم وش فيك عادي ماهو غريب سعد ...فهمت وش قلت
مشعل :مثل ما تبين بس أستعجلي برتاج
أم مشاري :ايه طيب
راح مشعل للمجلس الحريم مكان تواجد سعد .
راحت أم مشاري ورقت لفوق طقت الباب على رتاج وفتحته
رتاج :نعــم
أم مشاري تطالعها : ليش ما تجهزتي وأنتي عارفة أن سعد جاي اليوم
رتاج :وليه ألبس الخطبة رجاجيل بس
أم مشاري : يبي يشوفك يله لبسي بسرعه....
رتاج :بس أنا ما أبي أشوفة
أم مشاري :رتـــــــــاج مو وقـــت عناد لبسي وانزلي الرجال يحتريك
رتاج :ما أبي أنزل غصب هو .....
أم مشاري :أنا بأنزل تحت بس لكن قسم بالله ((وتأشر بأصبعها ))
أن ما نزلتي تحت اللحين لأخلي
ملكتك الأسبوع الجاي رضيتي ولا أنرضيتي دلع بنات ما عندنا ......
وراحت أم مشاري بهيبتها ورتاج صقعت الباب بقوة من القهر .
أمها لا قالت شي تسويه وما عليها من أحد .
توجهت لدولابها تطلع شي مناسب تلبسة .
طلعت لها فستان أبيض قصير للركبة وفيه شك بالذهبي .
لبسته على طول وطلعت لها كعب واطي ذهبي.
توجهت للتسريحة فكت شعرها المتقصف من سوء تغذيتها .
خذت مقدمة شعرها واستشورته على السريع ورجعته على ورا
حطت كحل أسود ومسكرة وظل أسود وروج أحمر .
وتعطرت وطلعت .ما أهتمت يعجبه شكلها ولا ما يعجبة لانها ما كشخت بالشكل الطلوب لأمها . نزلت من الدرج وصوت كعبها يصدر صوته المعتاد .
شافتها أمها الجالسة في الصالة
ام مشاري :روحي المطبخ وخذي صينية
العصير وروحي مجلس الحريم الرئيسي
رتاج طالعة أمها بأحتقار ! وتوجهت للمطبخ وخذت العصير وراحت للمجلس
وكان الباب شوي مفتوح ودزته برجلها ودخلت شافت سعد جالس وقباله على
الجهة الثانية مشعل ...............
توجهت لسعد وعطته العصير من دون كلمة :تفضل .
وحطته صينة العصير في الطاولة الكبيرة اللي بنص المجلس ...
وما أهتمت جلست قبالة ومشعل يطالعها بغرابه ليش ما قدمت لأخوها العصير
مع أن في الصينية 3 كاسات .
لكن أنسحب من المجلس .........................
كان سعد أشبه بكثير لمساري ومخفف شنبه مرررره....
سعد يطالعها : شخبار الحلوة ؟؟؟؟؟؟؟؟؟؟؟؟
رتاج تحط رجل على رجل :زفـت
سعد :اووف وليه ؟؟؟؟؟؟؟؟؟؟
رتاج :لأنك قبالي
سعد وهو يشرب من كاس العصير :ههه شكلي مسوي لك أزمة ...
رتاج تقرفت من ضحكته :أشوى أنك عارف بنفسك .
سعد حس أن رتاج مغصوبة عليه بس شي حلو يحب المغامرات والتحدي
وشكل رتاج مزاجها صعب وطبعها وعنادها أصعب وهذا النوع اللي يعجبة ؟
عشان يكون للزواج طعم مو تقليدي !؟؟؟؟!!!!!!!!!!
سعد :أحسك مغرورة ؟؟؟؟؟؟؟؟
رتاج وهي تحط عينها بعينه مع رفعت حاجبها الأيسر:وياحلوة غروري
سعد :ومتكبرة بعد
رتاج :والله كيفي ...........اسمع بأقولك شي وياليت لم تعرف توخر عن طريقي لأني ما أحب الرجاجيل وجيتي لهنا مو عشان سواد عيونك
أنا مغصوبة وتعرف وش معناة هالكلمة ولا تفكر أنك راح تعيش بهناء معي لم تزوجني فأحسن أبتعد عني
سعد : أأنا موافق ولأنك مغصوبة من اللحين أكيد
راح أتزوجك دام أنا موافق عليك............
رتاج : ما أعتقد ترضى تاخذ زوجة مدخـــنه
سعد طالعها وضحك بقوة :هههههههههههه
وصفق بيدة :وواااو أحلا شي في الحياة والله أنك جيتي على الجرح
وتنهد بقوة :أحلا شي تسوينه أنك تتدخنين ..........
بس اهلك ما قالو لي ؟؟؟؟؟؟؟؟؟؟؟؟؟؟؟؟؟؟؟
رتاج ورجلها تحكها ودها ترجم الكعب على وجهه
من القهر هي حاطة في بالها ان لم تقولة أنها تدخن راح يبتعد عنها
لكن شكلة عاجبة الوضع .................
رتاج وهي ما سكة عمرها :انا أدخن من ورا أهلي
سعد يرجع نفسه لورا :عادي ما يهمني ......متى تبين الملكة؟؟؟؟؟؟؟
بعد شهر حلو ؟؟؟؟؟؟ .............
رتاج توقف :افففففففففففف حياة قرف وناس قرف
وطلعت من المجلس وسعد ميت من الضحك ......
وقام وراح مجلس الرجال وقال لابوه أنه موافق عليها .........
أما مشاري طلع يسأل رتاج إذا موافقة ولا لا ولقى أمه في وجهه
أم مشاري وهي عارفة وش بيسأل :تراها وافقت
مشاري يرجع في طريقة بأستعجال ويدخل المجلس ويبارك لسعد ....
اما مشعل ضايع وشلون توافق رتاج بهالسرعه مافي أسخارة ولا بأفكر ....
الوضع ما يطمن ........................
بعد التبريكات وصلت الساعة 10 الليل وجو بيطلعون الرجاجيل
ومشاري محلفهم يجلسون يتعشون لأكنهم تعذرو بمشاغلهم وطلعو ......
مشعل :رتاج قالت لك أنها موافقة ؟؟؟؟؟؟؟؟؟؟؟؟
مشاري : توني طالع من المجلس إلا أمي في وجهي وقالت تراها موافقة
وجيت وباركت لهم
مشعل : بس مفروض تسألها بنفسك
مشاري :خلاص عطينا الرجاجيل الموافقة ......يله أنا طالع تبي شي
مشعل : لا سلامتك
طلع مشاري من المجلس وراح لفلته ومشعل شوي وراح وراه لفلته ....
رتاج لم طلعت من المجلس راحت على طول لغرفتها من دون ما تقول شي وأم مشاري وافقت بدلا عنها لأنها من البداية مو موافقة تنزل أصلا ,,,,,,,
ومشعل ومشاري ما يدرون عن هالشي اللي أكيد ما يرضيهم
تتزوج أختهم غصبا .................
..................................................
المحطة الثالثة والعشرون :
يوم الخميس
تدري‹.•´إني•.›موت‹.•´احبك‹.•´¯` ::::::: مها
ليتنا مثل الأسامي•.¸¸.•´´¯`•ما يغيرنا الزمان !! :ماجد
ماجد جالس يكتب لمها سالفة صارت له أيام الدراسة
تدري‹.•´إني•.›:ههههه أنت انسان فضيــــع
ليتنا مثل الأسامي•.¸¸.•´´¯`•: الله يسلمك
تدري‹.•´إني•.›: طيب اللحين أنت وش تدرس ؟؟؟؟؟
ليتنا مثل الأسامي•.¸¸.•´´¯`• :دبلوم أدارة أعمال عشان أساعد أخواني في الشغل...
تدري‹.•´إني•.›: انتم عندك بنك معروف بأسمكم صح ؟؟
ليتنا مثل الأسامي•.¸¸.•´´¯`• : أيه كم مرة أقولك ؟
تدري‹.•´إني•.›: لا بس أبي أتأكد
ليتنا مثل الأسامي•.¸¸.•´´¯`• : اممم كيف دراستك مستعدة للأختبارات
تدري‹.•´إني•.›: مستعدة بس جو البيت ما يساعد على المذاكرة
ليتنا مثل الأسامي•.¸¸.•´´¯`• : سكري عليك الغرفة وذاكري ولا تشلين هم أهلك
تدري‹.•´إني•.›: أفكر أسوي كذا
ليتنا مثل الأسامي•.¸¸.•´´¯`• : وش تحبين أي مغني
تدري‹.•´إني•.›: رابح اكيـــــد
ليتنا مثل الأسامي•.¸¸.•´´¯`• : مثل أختي مجنونة رابح
تدري‹.•´إني•.›: عندك خوات ؟؟
ليتنا مثل الأسامي•.¸¸.•´´¯`• : اربعه وحدة متزوجة ووحدة مخطوبة وثنتين صغار
تدري‹.•´إني•.›: والصغار كم اعمارهم
ليتنا مثل الأسامي•.¸¸.•´´¯`• : وحدة 18 والثانية 16
تدري‹.•´إني•.›: أها ومن اللي تحب رابح
ليتنا مثل الأسامي•.¸¸.•´´¯`• : أم 18
تدري‹.•´إني•.›: وش أسمائهم ؟
ليتنا مثل الأسامي•.¸¸.•´´¯`• : : ما أحب أقولها
تدري‹.•´إني•.›: أقول بلا حركات سخيفة وش أسمائهم
ليتنا مثل الأسامي•.¸¸.•´´¯`• : ههه ربى وشوق
تدري‹.•´إني•.›: حلو اسم ربى..
ليتنا مثل الأسامي•.¸¸.•´´¯`• : بس أنا أحب اسم شوق
ربى انقهرت ......
تدري‹.•´إني•.›: عادي أختلاف أذواق
وجلس ماجد يسولف مع مها في سواليف عادية ..
وبعد نص ساعة طلعو كلهم
..................................................
مهند وسالم توهم طالعين من أدارة بنده .
مهند :ماني مصدق أني بتوظف
سالم :لا صدق
مهند :والله أنك منت هين فكرت بهالفكرة
سالم :يا كثر السعودين اللي أشتغلو محاسبين
يعني عادي مو فكرة هي
مهند :أقولك على هالمناسبة السعيدة عازمك على أي مطعم تبيه
سالم :لا وين مطعم تبي أختي تذبحني
مهند :ليه وش صاير؟؟؟؟؟
سالم :أمس معطيها تهزيئة حلوة على أنها ما تعرف تطبخ
وقالت بكرة بأطبخ الغدا عشان تأكد لي أنها تعرف .....
مهند :اسحب عليها أنا فالليل مقدر أعزمك ما أطلع إلا 10 أروح البيت وأرقد
عشان الفجر بأروح للمزرعه أجيب الجح والخضروات لمحل أبو عبدالخالق
سالم :أجل تعال معي للبيت
مهند : لا وين بيتكم واهلك ما أستعدو
سالم :وليه جاينا ملك .......بأدخل الملحق ونتغدا سوى وعقب روح لبيتكم
مهند : لا سالم أحراج
سالم ويمسك جواله
مهند :وش بتسوي
سالم يحط جواله على أذنه ويطنش مهند ..
الو .......وين أمي .........عطيني أياها بسررعه
مهند :وش تبي في أمك يا ابن الحلال ماني جاي عندكم ......
سالم : يمه قولي للشيف اللي تطبخ الغدا أن خويي بيجي خل تزيد
.................لا يمه وش مطعم عقاب لها تزين ......يله بأجي بعد نص ساعة .........مع السلامة ...........
مهند : من جدك .؟؟؟؟؟؟؟؟؟؟؟
سالم يدخل جواله في جيب ثوبه:أجل أستهبل ......يله ودنا البيت
مهند :وأختك بيمديها تطبخ في نص ساعة
سالم :تستهبل أنت الساعة اللحين 12 ونص وينا وين الغدا بنروح
هناك نشوف لنا فلم لين يجهز الغدا .............................
وقف وقف عند البقالة أشتري شي تاكلة حق الضيافة .....
مهند :والله أنك منت صاحي أجل بكرة الغدا عندي
سالم : أبشر ما عندي مانع ............
مهند : هههه ما تصدق على الله
سالم : ليش الرسميات وقف وقف البقالة .......
مهند يصفط عند بقالة وينزل من الرنج هو وسالم .....
سالم :وش تبي أرجع
مهند :وشفيك بأشتري معك
سالم :ما أبيك تشوف وش بأشتري لك
مهند :وش يعني في البقالة شبس وببس
سالم يضحك ويدخل ووراه مهند ............
وكانت البقالة كبيرة شوي ((سوبر ماركت صغير )) ......
مهند راح في جهة وسالم في جهه ......
ودق جوال سالم :الو نعم .........
روان :نعامة ترفسك ليه ما تجيب لخويك من المطعم
شغالتك أنا أطبخ لكم ؟؟؟؟؟؟؟؟؟؟؟؟؟؟؟؟؟؟
سالم :عقاب على هالكلام بأجيب لك خليط كيك تصلحينة
روان :نعـــــــــــــم هزلت والله في هالظهرية أطبخ كيك
سالم :عن الهذرة الزايدة ..تبين شي ناقص أنا في البقالة .......
روان :جد سالم أصلح لكم كيك قبل الغدا
سالم :ايه عادي وين المشكلة ....
روان :المشكلة الكيك ثقيل كيف راح تاكلون الغدا
سالم :ما عليك أهم شي اقدم له حاجة المهم تبين شي اجيبه
روان :جب معك مايونيز كبير مو صغير ماركة قودي
ووخبز توست وتعال بسرعه ........
سالم سكر في وجهها وراح يشتري لقى مهند
مجمع له شوكلاتات ........
وهو راح يشتري خلطة كيك ومايونيز وتوست وعلبة ببسي كبيرة
وعصير توت ...وراح يحاسب وطلع شوي جاه مهند وركبو رايحين لبيت سالم
.........................................
حصه : باقي لك 4 أيام وتطلع من هنا
سلطان : حصه اسكتي
حصه من زمان ما سمعت هالكلمة وش فيه سلطان :ليش أسكت ؟؟؟
سلطان :بس أسكتي
حصه سكتت وجلست تطالعه .........لكن ما صبرت :فيك شي يعورك
سلطان :ما تفهــــــــمين أنتي قلت لك أسكتي .............
حصه سكتت ......وش اللي مضايق سلطان ؟؟؟؟؟؟؟
...............................
روان تشتغل في المطبخ ما تعرف تسوي كبسة رز مثل أمها
فأستعانت بالكتب تسوي الغدا تحديا مع سالم ........
دخلت الكيك في الفرن عشان يستوي وراحت تسوي اللي تبيه ....
وهي مقهووووووووررررة لكن ناوية تأدبه بعد ما يروح خوية الغبي ؟
شغلت القلاية الكهربائي عشان تقلي السمبوسة مسويتها أمس الليل
عشان تقليها الظهر وحافظتها في الثلاجة ......
فيما يحتمي الزيت راحت تجهز طبختها فيها دجاج وخرابيط
وهي جالسة تقلي دخل عليها سالم :الله وش هالسنع
لفت عليه وعيونها تتطاير منها شرارت:أنت أطلـــع برى زين ما ارتكب فيك جريمة اللحين
سالم ببرود:جهز الكيك
روان تطالع ساعة المطبخ :باقي ربع ساعة لا تجي أنا بأرسل على جوالك رسالة يله أطططططططططططططططططلع
وكانت فعلا معصبة ..........
وطلع سالم .......لم خلصت روان من القلي راحت تطلع الكيكة لأنها
أستوت وخلتها تبرد شوي ثم قطعتها وحطتها في صحن وصبت عصير التوت في كاسين وأرسلت لسالم اللي جى وخذهم من دون ما يكلمها .........
لم خلصت من السبوسة والدجاج حست أنها شوي ومافيهم طبق رئيسي
طرى على بالها معكرونة باشميل وأنشغلت في عملها ..........
عند الساعة 2 وربع كان كل شي جاهز .............
وخلت الشغالة تودي الاكل للملحق وهي راحت تتسبح .......
............................................
رتاااااااااج :أنا أبي مع ساجد
ربى :وشفيك أنتي حنا بنروح معه
رتاج :روحو مع خان .......
شوق :خان أمي تبيه تبين تجين معنا نوصلك ولا انتظري لين يرجع لك
ربى :روحي مع الفلبيني
رتاج :قلت أبي ساجد ما تفهمووووووون
شوق :عاد مو على كيفك أحنا اللحين
بنروح لجواهر وما نبي تتأخر عليها
رتاج عصبت :أنتم بقر أنا بأروح اللحين
وفتحت الباب وركبت وشوق وربى ركبو معها
رتاج :أنزلــــــــــو
شوق :محنا نازلين ومو عاجبك أنزلي
رتاج :شوق ترى راسي بينفجر من الصداع فأنزلي لا يجيك شي
شوق :محنا نازلين وش بتسوين يعني ؟؟؟؟؟؟؟؟؟؟؟؟؟؟؟؟
رتاج تصرخ عليهم :أنزلـــــــــــــــــــــــــــــــــوا
ربى تحط يدينها على أذنها من الصراخ :شوق خلينا ننزل ونروح
بعدين ..........
شوق :لا والله ما أنزل حنا جايين قبلها وبعدين أنا واعدة جواهر الغدا عندها
تلقينها تحترينا اللحين ..........
رتاج :شوق انزلي ..................................
وانفتح الباب وكانت أمهم لابسه عبايتها:وشفيكم تتهاوشون
ربى :رتاج تبي السواق وحنا نبيه
أم مشاري : طيب روحو مع بعض
شوق : قلنا لها بس عيت
أم مشاري تطالع رتاج :روحي معهم
رتاج :ما أبي خذيهم أنتي
أم مشاري :لا أنا عندي موعد أسنان ما قدر أتأخر
رتاج : ااااففففففففففف ياهي حاله
ما علي المهم ما يجون معي ............
أم مشاري :وهو على كيفك وصليهم لبيت أختك وروحي مشوارك
رتاج : ما أبي ما أبي ما أبـــــــــــــــــي.......
ربى :لو موصلتنا لبيت جواهر اللحين كان وصلنا بدل هالطقاق
أم مشاري :انزلو أوصلكم خلو هالمجنونه تروح لمشوارها
رتاج طالعت أمها بحقارة ونزلوا شوق وربى وراحو مع أمهم ..
لأنهم لو يجلسون يتطاقون من اللحين ما خلصو إلى بعد سنة ......
.................................................. .....
مهند :والله الأكل لذيذ
سالم ويسوي نفسه مستحي :شكرا قلبي
مهند حامت كبده منه:عن الحركات البايخة
سالم :مدري عنك تقول الأكل لذيذ وش تبيني أقولك
مهند :قل بالعافية ....
سالم : بالعافية يله خلص ورح راسي صاكني أبي أنووم
مهند :أقلع أبو الميانه اللي كذا
سالم : ما عليك خلص بس أنت بعد ما يمديك تروح بيتكم وتريح
وراك الدورة .........
مهند يقوم من السفره :وين المغاسل
سالم يقوم معه ويمشي :تعال
وراحو غسلو وطلع مهند ودخل سالم للبيت :يمه ضفو اللي في الملحق
تنط في وجهه روان :هااااااااااااا جيت ........
بسرعه مية ريال على اللي سويته لكم
سالم :وش سويتي لنا
روان :لا والله وتنكر بعد ....وش اللي عبى كرشتك
سالم :بس أنتي كنتي بتطبخين طابخة ........
روان : حتى ولو عطني مية خلقه جوالي فاضي وأبي أشحنة
سالم : طسي ماني معطيك ولا ريال خذي من أبوي
روان :ابوي مسكين ما تغدى لانه ما ياكل هالأشياء
كبسة وتسدة .........يله عطني مية .............
سالم يطنشها ويرقى فوق وروان انقهرت ......
روان اسم جديد راح أذكرة بعدين ,,,,,,,
...............................................
ساجد : كم جيب علبة ؟؟؟؟؟؟؟؟؟؟
رتاج : جب 6 علب ومدة له فلوس وهو نزل يجيب لها زقاير
اللي عندها خلصت ...........
أدمانها بشكل غير طبيعي .....وأهلها لحد الأن ما لاحظوا .......
بسبب تنظفيها لغرفتها بعد كل مرة تدخن فيها .....
سنونها صارت صفرا بس شفايفها لحد الأن ما تغير لونها ...........
بعد ما شرت لها الزقاير خلت السواق يروح الفيصلية ..........
وصلت هناك على أذان العصر ودخلت من البوابة بعد ما عطاها رجل الأمن اللي عند الباب نظرة استغراب لأن بيدها
اليسار شنطتها وبيدها اليمين زقاره ...........]
وظلت تتمشى وتشتري لها ملابس لأنها من زمان ما تسوقت ......
وطبعا الفلوس من اللي جمعتها وما خذاها طلال بس خذ حياة سلطان
ولم حست أنها طفشت تغدت في أحد المطاعم وطلعت ...........
والسواق ساجد مسكين طول الوقت جالس في المواقف ينتظرها
ولم ركبت دق جوالها وتأففت وردت :خيـــــــــــــــر
طلال : راشد
رتاج وحست أنها شوي وترجع :وشفيه هالحيوان .......
طلال :محاكمته يوم السبت أن كان تبين تعرفين النتيجة
روحي للعنود ..............وسكر في وجهها
رتاج حطت الجوال في شنطتها وتنهدت :جعلك الموت يا راشد
أنت وكل أهلك ..........
................................
جواهر : ورحتو مع أمي ؟؟؟؟؟؟؟
شوق :ايه رحنا المهم من بيودينا لسلطان ؟؟؟؟؟؟
جواهر : السواق
ربى :بأخذ ورد له
شوق :نفس تفكيري
جواهر :اللحين رتاج كيف نظامها تجلس معكم ؟؟؟؟؟
شوق :هههاااي ضحكتيني أما تجلس معنا كثري منها .....
جواهر : يعني تتغدا معكم تشرب شاهي العصر
ربى :هذاك أول لم أبوي يكون موجود لكن من صار لسلطان الحادث وحنا
ما نجتمع ........................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك