رواية ولد الترف والدلال -42

! Fares AL MoHra !

رواية ولد الترف والدلال -42

أم مشاري : عاد ما لقيتي إلا فاهم

شوق : يمــــــه يله عاد فاهم ولا غيرة أهم شي اروح

أم مشاري : طيب مري رويدا شوفي كان ناقص شي من الأغراض جبيها معك دام أنك رايحة تجبين لك أغراض ...........

شوق :ممم أوكي موافقة بس عطيني

أم مشاري :شوفي شنطتي فيها البطاقة خذيها

شوق : أي شنطه

أم مشاري :روحي غرفة الملابس والدولاب الأبيض الصغير أفتحية تلقين شنطة سودا فيها البطاقة ........

شوق :اوكــي وراحت ركض لغرفة الملابس وخذت بطاقة الصراف حقت أمها

وقالت لها الرقم حقها ومن ثم طلعت من الغرفة وطيران على المطبخ مكان رويدا حاليا وسألتها أن كان في اغراض ناقصة وعطتها لسته مليانه ......

ودار راس شوق بس أهم شي عندها تسوي الفكرة اللي في راسه .........

ثم طيران على غرفتها تسبحت ثم

لبست لها بنطلون رمادي مع تشيرت أسود .....

وحطت روج وردي وكحل أسود ولبست عبايتها .......

خذت شنطتها وطلعت مع أن الوقت لسه مبكر على الساعة 8 ..........

وطلعت بس ما لقت خان موجود بس ساجد ........

جت عنده وأمرته يشغل السيارة ........

وجى على باله شي جهنمي وعلى طول راحت لبيت أخوها مشاري لقته توه بيركب سيارته وأسرعت له :مشـــاري

مشاري : بسم الله ما رحتي المدرسة ؟؟؟؟؟؟

شوق : لا ما رحت أبيك في موضوع

مشاري :وشو ؟؟؟؟؟؟؟؟؟؟؟

شوق :أنت عندك وظيفة شاغرة لأحد

مشاري أستغرب : ليش ؟؟؟؟؟؟؟؟

شوق : أخو صديقتي يدور على وظيفة ما لقى تقدر تشغلة عندك

مشاري :وصديقتك هي عزيزة عليك

شوق : أيه ولا ما كان جيتك توظف أخوها

مشاري : طيب وش مؤهلاته

شوق :معه ثانوية

مشاري : وتبين تشغلينه في بنك ؟؟؟؟؟؟؟؟؟؟؟؟

شوق أبتلشت : يعني يعني شغلة بشي سهل

مشاري :موضوعك يبي له قعدة وأنا اللحين مستعجل

شوق :اوكي بعدين نتكلم ......

مشاري يركب سيارته وشوق تبتعد عنه وترجع رايحة لغرفة فاهم

وضحكت لم شافته لا بس ثوب السعودي وطالعه كرشته ::::::

شوق :وش هالحركــــات مقدر أنا

فاهم ابتسم : رايك أيـــــه ؟؟؟؟؟؟؟؟؟؟؟؟

شوق :والله بطل يله لا نتأخر .........

مشت شوق ومشى فاهم وراها وركب فاهم جمب ساجد وهي ركبت ورا ......

وطلعو من البيت وشوق تدلهم على مكان الولد .......ووصلو .......

وقالت له يوقف على جمب .....

شوق :اسمع فاهم أبيك تنزل اللحين وتسولف مع الولد هذا

يعني وش كان يشتغل قبل ووش دراسته ومن هالمواضيع وأسأل عن أسمه

وقول أن فلان بن فلان ((اسم أبوها الكامل ))) كم مرة شافك في هالشارع تبيع

ويبي يساعدك بوظيفة عنده .....فهمت وش قصدي

فاهم : وليه كل ده ؟؟؟؟؟؟

شوق : ما عليك يله روح لا تعطلنا ورانا أشغال .......

فاهم :هانزل مع أني مش عارف ليه كل دا .....

شوق : انزل ما عليك ........

نزل فاهم من السيارة وتوجهه إلا مهند .......وشوق تراقبهم

وتشوف كيف مهند مبتسم ويتكلم مع فاهم بكل راحة ......

ومهند ما عرف البنت لأن السيارة بي أم زيتي ومظلل بأسود مو اليوكن الأبيض

شوق ملت من الأنتظار لكن فرحت لم شافت فاهم يطلع جوالة ويسجل شي ورجع دخله في جيبه .........وما هي إلا دقايق ورجع ركب .........

شوق :تحرك ساجد

ومشى ساجد .........

شوق :وش قال لك الولد

فاهم :والله شكله راجل طيب ....أسمه أيه أيوه اسمه مهند

تخرج من الثانوي بقسم علمي بس ما دخلش القامعه

شوق تحمست: ايوه وش قال بعد

فاهم :أيوه وقلت لوه عن اللي أولتيه عن الوظيفة

وهو فرح كتير أوي وأخذت رقمة .........

شوق تطلع جوالها : كم رقمة عطني هو

فاهم يطلع جواله وينقل الرقم لشوق

شوق : وما قال ليش تسأل وزي كذا

فاهم :لا ما سألش عن حاقة بس تفأجاة

أن أبوك هو اللي وصلني له عشان الوظيفة بس هذا أللي صار ...........

شوق : أها ........طيب أسمع فاهم هالموضوع لا يطلع أبدا مهما صار

ولا والله لا أوريك شغلك .........ساجد رح لبندة ...................

وتوجه ساجد إلا بنده التخصصي .....

وهناك شرت كل ما يخطر على بالها من شوكلاتات وشرت أغراض البيت

والأغراض اللي يبيها فاهم مع الجح اللي يحبه ............

ولم خلصو بنتيجة عربتين ......حاسبت ببطاقة أمها وطلعو ...........

ورجعت البيت وهي متحمسة على شي حرررررررررررام

حطت أغراضها في ثلاجتها الصغيرة بس خذت لها باونتي وجست تاكله

مسكت جوالها وحفظت رقم مهند بأسمه عادي عندها لأن محد من أهلها يمسك جوالها وعلى طول دقت عليه ......................

.................................................. ........

مهند حس بجواله يرن في جيبه طلعه ولقى رقم مميز كله

ستات ..(6) رد :الو

شوق خافت من صوته ومن غير راي :مهند؟؟؟؟؟؟؟؟؟

مهند استغرب من الصووت بس يمكن من أحد قرايبه :الو من معي؟؟؟؟؟؟

شوق اختصبصت :انا شوق ...................!!!!!!!!!!!!

مهند عقد حواجبة لأن محد من قرايبهم بهالأسم :هلا بس ما عرفتك أختي

شوق حست أنها تسرعت وتورطت اللحين وش تقول له :

أنا اللي هاوشتها أمس .............

مهند جمد في مكانه لم عرف أنها راعية اليوكن بس كيف جابت رقمه تذكر المصري إللي جاه اليوم وقال له عن الوظيفة وفرح .......كتم غيظة ورد :

نعم أخت شوق أظن ما بيننا شي عشان تدقين علي

شوق :مهند أصبر أفهمني أول

مهند عصب : لهدرجة وصلت فيك الوقاحة ! ترسلين أحد يكذب علي بسالفة الوظيفة عشان بس تاخذين رقمي.............قـــــــــلت أدب .....

وسكر في وجهها وده لو يكسر الجوال ..............ما توقع أنها تكون لعبه من ألاعيبها عشان تاخذ رقمه ............

مسح على شعره بتوتر وما حس بعمره إلا راكب وانيته وراجع للبيت ......

أول ما وصل لقى أمه توها قايمة من النوم وتفاجأة برجوع مهند هالوقت

أم صلاح :مهند وش جايبك يمه هاللحين ؟؟؟؟؟؟؟؟؟؟

مهند :راسي مصدع وما أقدر اوقف في الشمس جيت بأرتاح وبعد الظهر بأطلع

أم صلاح :أجيب لك بندول ولا أسبرين

مهند :لا يمه أنا بأرقد شوي ولا أذن الظهر قوميني

أم صلاح :أيه يمه خلاص روح نم وأنا بأقومك الظهر ......

مهند مشى ورقى لفوق ودخل غرفته وتوه يسكر الباب إلا جوالها يرن برسالة

وتوقع أنها هي راسله له .............................

وفتحها ...........

(( أنا أسفة على الأزعاج اللي سببته لك بس أنا كنت طالعه من البيت متضايقة وشفتك تبيع في الشارع ولفت نظري ومن يومها صرت في بالي ما أدري وش أبي منك ولم أرسلت اليوم لك الرجال المصري كنت جادة في كلامي على الوظيفة

وأنا قبل كلمت أخوي عن الموضوع الصباح اليوم وربي جادة وربي جادة

وأن شاء الله تتوظف وأتمنى أنك ما تعارض هذا الشيء ..............)))))

مهند رمى الجوال على السرير وراح يغير ثوبة بثوب البيت وانسدح على السرير

(( أنا اللحين ليش هزئتها وبعدين يمكن جد عندها وظيفة لي .

ليش ما أتوظف عن طريقها بدل البيع تحت الشمس ..........

ما شاء الله صوتها يجنن ..........وشفيني أنا أنهبلت بس جد صوتها روعه

اللحين وش أسوي لو يدري سالم عني بيكفخني .........

بس ليش كانت متضايقة ..........ووش معنى أنا ...........

أدري أني مملوح شوي وجسمي مطلوب بس وش معنى بنت العز هذي ألفت نظرها وأنا في الشارع أبيع جح .................

بس أخاف لم أشتغل عن طريقها تقعد تمن علي ولا تهددني أن ما سويت لها الشي الفلاني تطردني من العمل ........لا لا خلها بعيدة أحسن

هذولي ما يجي من وراهم إلا البلاوي .........ابعد ياعمري عن الشر وغنيلوه........))))))

انتهى مهند من افكاره ورقد ...................

..........................................

شوق من التوتر صارت تقضم أظافرها .........

وتنظر يرسل لها شي بس خاب ظنها لم جت الساعة 11 الصباح وما أرسل شي

وحست أنه جاد في كلامه ..........

قامت من على سريرها وتوجهت إلا لاب توبها وفتحته وشبكت على النت

تذكرت ماجد ولعبة ربى معه ...........

هي كانت بتلعب عليه بس حست أنها بتمل وبتقوله بسرعة

فخلت ربى هي اللي تتولى أمر هالموضوع ..............

جلست تقرا عن مواضيع مختلفة عن الطبخ وخاصة الحلويات

خزنت كم طبق حلى عشان تطبعها وتخلي رويدا تسويه لها........

لأنها تموت في شي اسمه حلويات ..........لم طفشت سكرت

وراحت تنوم .............

.................................................. .

طلال واقف جمب سرير أخته لا مو أخته شبيهة أخته

هذي مو العنود وحدة ثانية ..........

شعرها كله طاح وما بقى إلا القليل ووجها أسمر من المرض

وعظامة وجهها بارزة من النقص الشديد في الوزن ........

حتى شعر حواجبها طاح أصلا ما كان فيه إلا شوي بسبب أنها كانت تشيلهم بأستمرار ....................

طلال : العنود ليش أنتي مسلمة نفسك للمرض ...........

العنود وهي تطالع السقف :أبي أموت

طلال : وش تموتين وتلحقين أمي وأبوي اسمعي أنا كلمت شيخ اليوم وبيجي

يقرى عليك يمكن يفيد

العنود وكأن أحد قرصها صرخت على طلال :شـــــيخ ؟؟؟؟؟؟

ما أبي شيخ لا تجيبون لي شيخ ...............ما أبي شيخ

أطلع برى أطلع برى ما أبي أشوفك مرة ثانية هنا ...........

أطــــــــــــلع

طلال بعد عن سريرها :وشفيك أنهبلتي أنــــــــتي

العنود وتحس بالألام من مختلف أنحاء جسمها : أطلع

أطلع

لا عاد تجي ...............

وانفتحت الستارة وكانت ممرضة سعودية متنقبة سمعت الصراخ وجت

الممرضة :لو سمحتو في مرضى كثير في الغرفة تكلمو بهدوء

العنود : طلعي هذا ما أبي أشوفه هنا مرة ثانية

الممرضة تلف على طلال :لو سمحت أخوي تفضل معي أبيك ...........

طلال طالع العنود بحسرة على حالها وطلع يمشي ورى الممرضة ..........

الممرضة :أنت قريب المريضة ؟؟؟؟؟؟؟؟؟؟

طلال :ايه أخوها

الممرضة :أها طيب ممكن تتفضل معي للدكتوره المسوؤلة عن أختك

طلال :مافي مشكلة

خذت الممرضة طلال إلا مكتب الدكتورة ودخلته وطلعت .....

الدكتورة سماهر :أهلا أخوي تفضل أجلس .

جلس طلال على الكرسي ...........

الدكتور سماهر :على ما أعتقد أنت قريب المريضة العنود

طلال :أيه أخوها

الدكتورة سماهر :اوكي .......أحنا راح نجري عملية للعنود

ونحتاج لولي أمر يوقع على موافقة العملية ........

فما أدري توقع أنت ولا الوالد أي أحد كان .........

طلال :عملية أيش ..........؟؟؟؟؟؟؟؟؟

الدكتورة سماهر :أستأصال للرحم ..........

طلال أنصدم ونزل راسه بسرعة : وليش ؟؟؟؟؟؟؟؟؟

الدكتورة : وشو ليش أختك محتاجة هالعملية بأسرع وقت ولا راح ينتشر

المرض في أنحاء جسمها وما نقدر ساعتها نصيطر عليه

طلال :بس بس ..........مافي حل ثاني ؟؟؟؟؟؟؟؟؟؟

الدكتورة : للأسف مافي حل ثاني

طلال :طيب العنود تدري .........

الدكتورة :ايه وموافقة ..........

طلال :وهذي مجنونة وشلون توافق على شي مثل هذا

الدكتورة : أدري أنه شي خطير جدا .........بس لازم نسوي هالعملية

ضروري ...............والعنود موافقة .........

طلال بتردد : كيف بتتزوج؟؟؟؟؟؟؟؟

الدكتور :أنت همك الزواج ولا حياة أختك

طلال :لا أنا مو موافق على هالعملية .........

الدكتورة :اسمع أخوي هذي أختك ولازم تسوي العملية

وان كنت ما تخاف عليها حنا نخاف ونقدر نسوي العملية من دون ما ناخذ توقيعك .......لأن المريضة موافقة ..ونقدر ناخذ بموافقتها ونسويها.........

طلال :ومتى بتسوون العملية

الدكتورة :الأربعاء االقادم بأذن الله

وطلعت ورقة من عندها مكتوب عليها أشياء كثيرة وأبتدت تعبي بيانات طلال بأنه المسؤول عنها ووقع على ان العملية تجرى يوم الأربعاء القادم الساعة 10 صباحا...........ولم خلص طلع من عندها وكل الهم فوق راسه .........

أخته بتموت ميته بسبب أستسلامها للمرض وكلام الدكاترة ........

تذكر أخوه راشد محاكمته يوم السبت القادم ............

يا السجن مدة طويلة او الأعدام ................

لأنه كان يتعاطى المخدرات ويروج لها............

حس أنه ضايع في هالدنيا الدنية ............

لعن نفسه على حاله وركب سيارته راجع للبيت

....................................

صيته جالسه في غرفتها في بيت أهلها وتكلم :

صيته :ايوه وش قالت بعد ..........

وردة :أبد راح تترك الشغل وتسافر مع مشعل ......

صيته :هههههههههه والله مسكينة هالوعد أيوه وش صار اليوم بعد

وردة : اليوم ما صار شي بس أول ما يصير شي بأقولك ..........

صيته :اوكي حبيبتي أجل لا أطول عليك .........

وردة :يله باي

صيته تسكر في وجهها وهي مقهورة من مشعل .......

كيف يتزوج عليها ممرضة وهي بنت العز وجاه .......هزلت ........

لكن راح تتطلق منه وتفتك من هالحقير في نظرها .........

................................

وعد تجلس جمب صديقتها وردة :افف والله حالة هالمستشفيات

وردة :أقول وعد متى راح تحديدن ملكتك ........

وعد : مو هذا الخميس اللي بعده لأن السبت راح نسافر

وردة :اها.......وبتسوينها في بيتكم.......

وعد :أيه

وردة :وبتعزمين أحد

وعد :لا تخافين أنتي أول وحدة

وردة :أصلا من دون ما تقولين بأجي بس جد من بتعزمين

وعد : خالاتي وعماتي وحريم خوالي وحريم عماني بس ........

وردة :وخوات مشعل بيجون

وعد :أكيد كلهم بيجون ملكة أخوهم وما يجون ......

وردة :وفستانك فستان ملكة ولا زواج

وعد : لا فستان زواج بس مو يعني وش أقولك يعني مو حق زواج كبير وفي قاعة وزي كذا فستان زواج بسيط ..........

وردة :ليه هو زواج ولا ملكة

وعد :زواج وملكة بس عائلي مررررررة وشفيك تسألين كثير .....؟؟؟

وردة : صديقتي وأبي أعرف عنها كل شي ......

وعد طالعتها وسكتت ...

ما بقى إلا بكرة وخلاص راح تطلع من عالم المرضى والأدوية

وتترك عملها اللي كدت سنين حتى تتخصص التمريض واللحين تتركه عشان الزواج .....صدق الظروف تجبر

............................................

الساعة 5 العصر وصلت حصه البيت وعلى طول راحت لغرفتها

تسبحت ولبست ثم طلعت ماشية لغرفة رتاج طقت الباب كم مرة وما جاه الجواب.........رجعت طقت وفتحت رتاج .........

رتاج :نــــــــعم ؟؟؟؟؟؟؟

حصه :رتاج ممكن خدمة بسيطة

رتاج :وش عندك ؟؟؟؟؟؟؟؟؟؟؟

حصه :أبي أشرطة قرآن سلطان طالب مني ومدري من وين أجيب له قلت

أسألك يمكن عندك .......

رتاج بسخرية :أنا عندي أشرطة قرآن هههه أقول روحي

بس قطعتي جوي .............وطرررررررراخ سكرت الباب ........

حصه بصوت خافت : مجنونة...........

بس ما فهمت وش قصدها بقطعتي جوي ....\

ورتاج أصلا كانت تدخن ومستمتعة ولم طقت حصه الباب خربت عليها......

راحت حصه لغرفة شوق ولقتها مفتوحة دخلت :وش أخبار الحلوة؟؟

شوق تبتسم لها وتقرب وتسلم عليها :الحمد لله أنتي وش أخبارك؟؟؟؟؟

حصه :تمام ........أقولك عندك أشرطة قرآن

شوق استغربت :أظاهر ليه ؟؟؟؟؟؟؟؟

حصه :بأشغل في غرفة سلطان قرآن لأنه يتريح لا سمعه

شوق :أها بس عندي السديس تبينه

حصه :أيه جيبيه

شوق تتجهة لدولابها وتطلع صندوق وتفتحة كان مليان اشرطة أغاني

ومن ضمنها كم شريط للسديس طلعته وعطته لحصه ......

شوق : بتروحين للسلطان اللحين ؟؟؟؟؟؟؟؟؟

حصه : لا بأروح السوق بأشتري جيكتات أخاف هناك برد

شوق :وواو بأروح معك

حصه :حياك بس بتشيلين الأكياس

شوق :عادي المهم اطلع يله برى بألبس......

حصه :ههه طيب لا تتأخرين ألقاك تحت .........

وطلعت حصه من غرفة شوق ودخلت غرفة ربى كانت بتسلم عليها بس لقتها نايمه فطلعت وراحت تلبس عبايتها وتنزل تحت لقت أم مشاري في الصالة راحت لها ......

حصه :هلا خالتي ..........

أم مشاري من دون نفس :هلا

حصه تجلس :وش أخبارك من زمان ما شفناك

أم مشاري :وش قصدك

حصه : ما قصدي شي بس ما عاد جيتي المستشفى

أم مشاري :دام عنده الخدامات ليش اجي له ..........

حصه :وش قصدك ؟؟؟؟؟؟؟؟؟؟؟

ام مشاري : اللبيب بالأشارة يفهمو

حصه قامت من مكانها وودها لو تصفق هاللي ما تستحي .........

طالعتها بنظرة غريبه وطلعت تجلس في السيارة أحسن لها

تنتظر شوق وماهي إلا دقايق وجايه ............

شوق :ههههههههه طلعت من باب المطبخ عشان ما تشوفني أمي

حصه :ليش؟

شوق: راح تعي علي أن جيت معك

حصه : أها ........خان رووح فيصلية ....

تحرك خان رايح الفيصلية وهناك شرت حصه جيكتات للشتا

وشرت برضو كم بلوزة شتوية ............وما طولو على المغرب رجعو

وخذت حصه أشرطة السديس ومسجل وطلعت رايحة للمستشفى .......

وتفكر في رتاج .....وشلون عايشة من دون صلاة ..........

.....................................

رتاج تطفي زقارتها الرابعه وأكتفت ......

عطرت الغرفة وولعت المكيف مع الشباك المفتوح عشان يطلع كل الريحة.......

جلست على سريرها وتذكرت طلب حصه .......

أشرطة قرآن ...........

((اللحين سلطان يسمع قرآن ....والعنود ما تصلي ....

العنود ...........العنود راح أجي لك يالعنود

راح أخليك تصلين وتتوبين لأنك راح تموتين

وما يصير تموتين وأنتي ما تصلين ...........

وليش الموت ما يجي إلا المريضين .........يمكن حتى أنا أموت

اللحين لا لا وش هاللي أفكر فيه ............

العنود بكره راح أجيك ..........)))

.................................................

ماجد يكلم مها

«´¨`•..¤* كِلٍ لَعَنْ حَظّه إِليّا خّابْ مَرّه •• وِشْ حِيّلّةْ إِللّي عْاش عُمْرّه بَلاّ حَظْ *¤.. •´¨`»:مها

مهــــــــــــــــــا هلا وغلا