رواية ولد الترف والدلال -41
جلست رتاج على الكنب وحطت شنطتها جمبها ............
طلعت حصه من الحمام ومعها سلطان وعليه الروب
حصه تفاجأة بوجود رتاج : هلا رتاج ......
رتاج قامت وتوترت لم شافت سلطان : هلا فيك ....أسفة بأطلع شوي وأرجع
طلعت رتاج من الغرفة وجلست حصه تلبس سلطان ورجعته للسرير .....
خذت جهاز التحكم بالسرير وضبطت جلسة مريحة لسلطان ثم جابت عطر وعطرته ومشطت شعره اللي طال لأخر رقبته ......وسلطان ساكت وما يقول شي مثل الطفل ....................لم خلصت حصه لبست عبايتها وطلعت من الغرفة وشافت رتاج واقفه عند الباب ...............
حصه :تعالي رتاج خلصت .........
فتحت حصه الباب ودخلت رتاج وتوجهت للسلطان ..........
رتاج : سلطان ......حمد الله على سلامتك .......
سلطان :بدري كان ما جيتي ........
رتاج ترد عليه بوثوق : أنا أنا ما أحب المستشفيات عشان كذا ماجيت أزورك
سلطان منقهر منها: كلهم زاروني إلا أنتي وش معنى ؟؟؟؟؟؟؟؟
رتاج خافت ..ولا زال سلطان بشخصيته ما تغيرت :قلت لك ما أحب المستشفيات
سلطان : ولا عشاني صرت معوق واعمى تتفشلين مني أعرفك يا رتاج هذا طبعك
رتاج بأسلوب دفاع : ومن قال لك هالكلام أنا جاية أزورك وتقولي كذا
سلطان :وش هالزيارة المتأخرة ............
رتاج عصبت : قلت لك ما أحب المستشفــــــــــيات........
سلطان :وليش جيتي هالمرة .........؟؟؟؟؟؟؟؟؟
رتاج :أتطمن عليك ....ما تفهم ؟؟؟؟؟!!!!!!!!!...
سلطان :شكرا ما أبيك تتطمنين علي ........
رتاج فتحت عيونها :الشره مو عليك الشره علي اللي جايتك ومتعنية لك ..
مالت عليك حتى وأنت موب صاحي تحب الهواش ...........
خذت شنطتها وطلعت من الغرفة وحصه اللي كانت واقفه بعيد وتطالع
رتاج وسلطان .....وأستغربت من درجة الوقاحة اللي وصلت لها رتاج ........
توجهت حصه لسلطان ومسكت يده : لا تهتم لكلامها ما تقصد شي
سلطان : تلعبين علي أنتي أصمخ أنا ما أسمع وش قالت ......
حصه : ما عليه لا تهتم تعرفها تفكيرها محدود ويمكن ما جتك لأنها
جد ما تحب المستشفيات ..........
سلطان : هذي كذابه ..........
حصه :طيب كذابه بس لا تكدر عمرك
ويترفع السكر عندك على شي ما يستاهل
سلطان : اللي قالته يمكن تشوفينه شي عادي لكن يأثر علي .............
حصه سكتت ما عرفت وش تقول ووش تصرف
باللي قالته رتاج جد ما تستحي على وجهها ..
سمعو طق على الباب وتغطت حصه وابتعد عن سرير سلطان ...........
وعلت صوتها :تفضـــــــــــل
دخل الشيخ محمد وعلى وجهه ابتسامه : السلام عليكم
سلطان لم عرف الشيخ من صوت راحت كل العصبيه اللي قبل شوي وحلت مكانها ابتسامه حلوه على وجهه :وعليكم السلام .......................
حصه طلعت من الغرفة .........
الشيخ محمد : وش أخبارك سلطان ؟؟؟؟؟؟؟؟
سلطان : بخير حياك أجلس
جلس الشيخ :لا ما شاء لله أشوف صحتك متحسنة
سلطان :أنا مافيني شي بس الدكاترة بيخلوني أسبوع زيادة هنا وأنا
مليت من المستشفى ..........
الشيخ : هم أخبر بشغلهم وأنت تصبر وما بعد الصبر إلا الفرج .......
إلا ما أبتدو معك بالعلاج الطبيعي
سلطان : لا والله .................
الشيخ : كم لك في المستشفى اللحين
سلطان : أسبوعين ونص
وجلس الشيخ يسولف مع سلطان علمه كم دعاء يقال عند الضيق والكدر
وقرى عليه شوي بس ما طول ولم خلص دخل كم رجال زوار لسلطان
والشيخ استأذن وطلع مع أن سلطان ما كان وده يطلع..........
وكان الزوار من أحد أصحاب أخوه مشاري وجايين يتطمنون عليه ويتحمدون له بالسلامة .............................................
حصه جالسة برى تنتظر الرجال يطلعون واليوم ما راحت السوق .....
بس بتروح البيت قبل المغرب تجهز الشناط وترتبهم ....
ومشاري قال أنه بيجي عند سلطان في فترة غياب حصه وأحتمال يجيب معه شوق وربى ........................
رن جوالها برقم دولي وردت :الو
ماجد : هلا حصه ؟؟؟؟؟؟؟؟
حصه :ايه من معي
أنا ماجد
حصه : هـــــلا ماجد وش أخبارك
وش علومك ما عاد نسمع عنك شي
ماجد : أنا بخير أنتي وش أخبارك وش أخبار سلطان
حصه : أنا بخير وسلطان كل يوم في تحسن باقي أسبوع ويطلع من المستشفى
ماجد : أها زين هو قريب عندك أبي أكلمه
حصه : والله اللحين عنده زوار وأنا برى الغرفة دق بعد شوي واخليك تكلمه
ماجد : طيب .بس ما عرفتو للحين من اللي سوا الحادث بسلطان ؟؟؟؟؟؟
حصه : لا والله وما ظني أحد بيعرف .....خلها على ربك
ماجد : ونعم بالله يله أجل بأدق بعد شوي
حصه : مع السلامة
ماجد :مع السلامة ............
وسكرت حصه وهي تنتظر الرجاجيل يطلعون من عند سلطان حتى تدخل ....
وبعد نص ساعة طلعو من عنده وعلى طول هي توجهت للغرفة بتدخل
وتوها بتفتح الباب إلا جوالها يدق من ماجد .....دخلت بسرعة وراحت لسلطان
حصه ترد وتمده لسلطان : سلطان ماجد داق يبي يكلمك
سلطان يمد يده بس ما يدري وين الجوال فيه وقربت حصه الجوال وحطته
على أذنه مباشرة وهو بالتالي مسكه بدالها :الو
ماجد فرح لم سمع صوت أخوه : هلا سلطان حمد لله على سلامتك
سلطان ابتسم رغم عنه : الله يسلمك
ماجد : وش أخبارك اللحين ؟؟؟؟؟؟؟؟؟
سلطان :الحمد لله على كل حال .......أنت وش أخبارك ؟؟؟؟؟
ماجد : أنا بخير بس تعرف مشتاق للسعودية والدراسة ماخذة وقتي
سلطان :ومتى بترجع
ماجد : أظاهر بعد خمس شهور .......
سلطان : يعني ما يمديني أشوفك
ماجد : ليه وين بتروح؟؟؟؟؟؟؟
سلطان : بأروح للندن بتعالج وبقعد هناك 6 شهور
ماجد : ولا يهمك أجيك وين ما تكون .......
سلطان ابتسم :الله يسلمك
ماجد : سلطان اسمح لي ما أقدر أطول بادق لك بعدين طيب
سلطان :اوكي مع السلامة
ماجد : مع السلامة .......
لم سكر ماجد مد الجوال سلطان لحصه وهي خذته منه ........
سلطان : كم الساعة اللحين ؟؟؟؟؟؟؟؟؟؟؟؟؟؟؟؟
حصه تطالع ساعتها : الساعة 5 وربع .........
سلطان : ما جى مشاري .......
حصه : بيجي اللحين......تبي شي أجيبه لك من البيت ......
سلطان : ليه بتروحين
حصه : أيه باروح أرتب شناط السفر
لي كم يوم ما دخلت الأشياء اللي شريتها ..
وبأرتب أشياء ثانية بعد .....
سلطان : كم بتاخذين من شنطة ......
حصه : والله أحتمال 8 شناط ......أغراض لي ولك و وللبيبي القادم .......
سلطان :والشناط كبار ؟؟؟؟؟؟؟؟
حصه : أيه كبار ليه ؟؟؟؟؟؟؟؟
سلطان : بس أسأل .......
أحم أحم فيه أحــــــد
حصه :أدخل مشاري ما فيــــه احـــــد
دخل مشاري وسلم وجلس : ترى السواق برى كان بتروحين
حصه : أها وصل زين يله أجل أستأذن
مشاري :أذنك معك .........
طلعت حصه ومشاري تكلم : سلطان ترى قمر داقة علي اليوم تقول عجل سلطان بالطلاق وما عرفت وش أقول لها..........
تضايق سلطان : هي تعرف أني في المستشفى للحين ليش تطلب هالطلب
مشاري :نقص عقل ........
سلطان : لا طلعت من المستشفى وقبل لا أسافر بأطلقها .......
مشاري :الله يهديها ...........
سلطان :الله لا يهديها
مشاري :استغفر ربك وش هالكلام ............
سلطان أستغفر ربه في نفسه ..........
.................................................. ........
شوق معصبة وتكلم ساره : ليش يروح وما ياخذنا لسلطان
ساره :والله مدري عنه لبس وطلع ما قال أنكم بتروحون معه
شوق : اافففففف ياربي اللحين كيف أروح لسلطان
ساره : بكرة روحي له لازم اليوم .......
شوق :كنت ناوي أروح اليوم وبكرة ويوم الجمعه عشان أيام الدراسة
ما يمديني أروح له واطول عنده ........
ساره : طيب روحي مع السواق ..........
شوق :ولا سواق موجود ......ساجد
رايح يجيب حصه من المستشفى
وخان مع رتاج مدري وين طالعه وسواق مشاري ومشعل تعرفين وينه فيه عند ست الحسن والجمال للحين ما رجعته وكنه لها .....
ساره : طيب لا تعصبين وروحي بكرة ........
شوق : طاقة في راسي أبي اطلع من البيت
ساره : اللحين حصه بتجي وخذي السواق وروحي أمشي
في ممشى طريق الملك عبدالله وريحي وشمي هوا وارجعي البيت
شوق :ممم اقتراح جيد لم توصل حصه باروح يله باي بأروح أتجهز
ساره :ههه يله باي ........
سكرت شوق التلفون وتوجهت لمجلس الحريم مكان تواجد أمها حاليا
شوق :يمه أنا باطلع
أم مشاري :وين ؟؟؟؟
شوق : يمه أنا باطلع
أم مشاري :على وين ؟؟؟؟؟؟؟؟
شوق : أحس بخمول وبأروح ممشى الملك عبدالله
أم مشاري :اها خذي معك أحد الشغالات
شوق :بأخلي الشغالة تمشي معي يعني
أم مشاري : بتقعد في السيارة .......
شوق :السواق بيحطني وبيروح تعرفين
هالأيام ياكثر مشاويرنا والسواويق مشغولين .....
أم مشاري :أيه من صارت هالحصه تستعمل السواق وحنا ما عاد نطلع ؟؟؟؟؟؟؟؟
شوق طنشت كلام أمها : بأروح خلاص
أم مشاري :روحي
راحت شوق بعد ما أخذت الأذن من امها إلى غرفتها لبست برمودا أخض وتشيرت أبيض ......لبست عبايتها ولفت الطرحة وتوجهت للمراية وحطت كحل تركوازي وقلوس شفاف ......
خذت شنطتها السودا الصغيرة اللي ما فيها إلا جوالها وبوك ومراية
وعطر ومناديل ..ونزلت وجلست في الصالة تنتظر وصول حصه من المستشفى هالوقت ......ودقايق إلا هي داخلة ويسبقها بطنها المنتفخ بما أنها توها داخلة في الشهر السادس ..سلمت عليها ثم طلعت وركبت مع السواق .......
خان تضايق لم ركبت يعرف اللحين وين بتروح:وين روح؟؟؟؟؟؟؟؟؟؟
شوق :عنده ؟؟؟؟؟؟؟؟؟؟؟؟
خان : وين روح ؟؟؟؟؟؟؟؟
شوق : عند الولد ....
خان :أنا مافي يذكر وين مكان هو
شوق :أقول عن الأستهبال وأمش انا أدلك ........
ومشى خان وطلع من سور القصر ......
وتوجهوا لمكان الولد وكان هناك جيب البلدية متواجد ......
شوق :يا قلبي علــــــيــه !!!!!!!!!
وتمت تناظر الرجال وهو يكلم راعي البلدية ويتناقش معهم .......
لم راحو بعد ما صكوه بمخالفة .........
رفع مهند نظرة وهو حزين ما يحب يكون في مثل هالمواقف
بس وش يسوي هو اللي اختار هالشغلة ولازم يتحمل نتايجها .........
فظل السيارة على الجلوس في الشمس ساعات طوال ...........
طالع مهند سيارة البلدية الصفرا وهي تروح ولمح شي ما تمناه ........
اليوكن الأبيض موقف قريب والبنت المجهولة فاتحة الشباك وتطالعه بعيونها
الصغيرة ...........................
بعد ما طاحت عيونه عليها نزلها بسرعة ومشى
رايح لونيته وركبة ومشى من دون ما يعطي أي بال للبنت.......
وشوق أمرت السواق بأنه يلحقة .........
لكن ما أستمر مسلسل الملاحقة لأن مهند
وقف على جمب وطلع من السيارة وهو معصب
لأنه ما يحب هالسوالف وخاصة أنها بنت عز ................
واليوكن وقف وراه وتوجه
مهند للسيارة وشوق فتحت الشباك وهي خايفة إلا ميته من الخوف ........
مهند قرب لها وصرخ عليها: وش تبــــــــين مني ؟؟؟؟؟؟؟؟؟؟؟؟؟؟؟؟؟؟
شوق ما قدرت تنطق لم شافته بهالعصبيه ووجهه
معتفس ..............
مهند : ما تستحين أنتي ما وراك
أهل تلاحقين واحد مثلي وش تبين به؟؟؟؟؟؟؟؟؟؟؟؟؟؟؟
ها انطـــــــقي ...........................
شوق وهي شوي بتصيح : ان...أنااا أسفة
مهند طالعها بعصبية ووده لو يخمها بكف محترم يخليها تتأدب
وتريح باله .......... ثم راح وركب سيارته ومشى .........
وهي سكرت الشباك بسرعة وخلت السواق يمشي للطريق الملك عبدالله .....
ومهند راح لبيته .........
حط السواق شوق عند الممشى وراح وهي حاولت تنسى شكل الولد وهو يهاوشها
حست انها حقيرة وما تسوى شي ...........
وصارت تمشي بهدوء وتفكر ............
(( أنا وش أبي من الولد ..................)))))))))))
....................................
مهند وصل للبيت وما سلم على طول دخل غرفته وسكر الباب عليه .......
فسخ ثوبة وخذ فوطته ودخل الحمام يتسبح ........
ولم خلص لبس ثوب البيت وجلس على سريرة ............
وحس بتأنيب الضمير أنه هاوش البنت ............
(( اللحين ليش هاوشتها ............صدق أني ما أستحي ......
مسكينة خافت .....
لو أني ساكت عنها كان أحسن ......اللحين بتروح ولا عاد
بأعرف وش كانت تبغى مني ...صدق أني غبي !
بس والله عيونها الصغار حلوة ولا حاطة كحل مدري وش لونه غريب ...
وشكلها بزر يعني عمرها 15 16 سنة ......
وهالكة ما فيها شي .....أظاهر أنها عظم على جلد ..........
أستغفر الله كل هذا شفته ........
أحسها بترجع البيت وبتصيح .......مسكينة بس تستاهل ...))
.........................
حصه أنشغلت بأغراضها ترتبهم خلاص ما بقى على السفر إلا
أسبوعين .......جى على بالها تتصل على وعد وتسأل عن أخبارها ......
وراحت وخذت جوالها ودقت .......وشوي إلا هي رادة ..........
وعد : أهـــــلين
حصه : هلا وعد وش أخبارك .........؟؟؟؟؟؟؟
وعد : الحمد لله أنتي وش أخبارك ؟؟؟؟؟؟؟؟؟
حصه :تمام ها كيف الأستعداد للزواج .........
وعد :والله هلكت من الدوارة في الأسواق كل يوم من بعد المغرب لحد ما يقفل السوق وارجع البيت ..............
حصه : للحين تداومين في المستشفى
وعد : ايه للحين بس مقدمة على أستقالتي وخلال كم يوم راح أترك الشغل
حصه تفاجأة :حتى أنتي بعد
وعد : وش أسوي والله بأنقطع 6 شهور وبأتزوج وحالتي حالة خليها على الله
حصه :طيب أنتي مدخلة أشياء عند الخياط
وعد :رحت عند خياطة وعطيتها كم موديل فساتين تفصلة لي
وبيطلع على الأسبوع الجاي ................
حصه : أها زين بس أنتي أشتري ملابس تكفي لفترة السفر ولا رجعتي كملي الأغراض اللي ناقصتك لانه ما يمدي ما بقى إلا أسبوعين بس .........
وعد :لم أفتك من هالمستشفى بأتفرغ للأسواق بأطلع الصبح وماني راجعةإلا 12 الليل ........
حصه :هههه الله يعينك يله عاد لا أطول عليك
وعد : يله أجل مع السلامة وسلمي على الأهل
حصه : يبلغ حبيبتي مع السلامة ...........
وسكرت حصه وراحت تكمل أغراضها وهي مشتاقة تشوف سلطان جالس في الصالة قدام التلفزيون وما يتكلم ......
.................................................. .......
لم أقام صلاة المغرب دقت شوق على السواق يجي ياخذها
وبعد عشر دقايق جاها وركبت معه وهي وده تصفق أي أحد
اللي صار لها اليوم شي فضيع .......
لم وصلت للبيت ما كلمت أحد راحت غرفتها وسكرت على نفسها وما
حست بعمرها إلا هي تصيح .......................
..................................................
الساعة 10 الليل .........
مهند جالس مع سالم في سيارته ......
مهند : سالم أبيك في موضوع
سالم :هههههههه لا يكون بنت تلاحقك مدري لاحقها زي ذيك المرة
مهند :أنا كنت جاد لم كلمتك بس انت ما عطيتني وجه
سالم كتم ضحكته وهو يشوف الجدية في وجهه مهند : وش سالفتك أنت .....
مهند : توعدني ما تتريق علي .........
سالم :ههه أوعدك تكلم ماعليك
مهند طالع سالم وأبتدا في سرد الحكاية وسالم شوي بينفقع من الضحك
ما توقع أن مهند يسوي هالحركات .........
مهند :وش أسوي معها ؟؟؟؟؟؟؟؟؟؟؟؟؟؟؟
سالم تحول إلا الجدية :والله ما أدري عنك لو أنك ما بعد هاوشتها كان قلت لك رقمها وكلمها لكن اللحين مالك أمل .........
مهند :وش أرقمها وأكلمها وش هالحكي ........
سالم :هههههههههههه أجل كيف تعرف وش تبغى ........
مهند :ما أدري بس موب بهالطريقة ..............
سالم :يا حبيبي يا مهند والله أنك ما وراك سالفة
مهند :تعرف أني مو راعي هالخرابيط .......
سالم :ودامك مو راعي هالخرابيط لا تبلش عمرك بها ....
وطنش ومع الوقت راح تنساها .......................
مهند :وإذا جت لي مرة ثانية .........
سالم :كيفك اللي تشوفة أنه صحيح
سوه ولا أني أنصحك لا تبلش عمرك
بهالامور ...............
حرك مهند سيارته وما أعجبة كلام سالم لأنه ما عطاه وش يسوي مع
البنت هالعصلا ......خلاص راح يسميها العصلا ..
وش يسوي ما يعرف أسمها ؟؟؟؟؟؟؟؟؟خخخ...................
.......................................
سلطان : الشيخ هذا عجيب يجيب سعة الصدر حتى لو كنت متضايق .....
حصه جالسة جمبه على السرير : أهم شي ترتاح معه
سلطان :ههه شوي أرتاح ألا ههه أول مرة رقدت من كثر ما أنا خاشع بتلاوته
حصه ابتسمت :تبي أجيب لك مسجل وشريط قرآن تستمع له ..........
سلطان : بس من وين بتجيبن
حصه : بأجيب من خواتك أكيد عندهم
سلطان بأسلوب ساخر:ههههه من مين خواتي هههه من متى هم يصلون عشان تلقين عندهم أشرطة قرآن ...........................
حصه انصدمت : خواتك ما يصلون .......
سلطان : لا أستغفر الله ما أبي أظلم أحد شوق تصلي وربى تصلي بس لا كانت نايمه ما تقوم تجمع بعدين ورتاج ما تصلي أبدا والجوهرة كانت ما تصلي بس من يوم تزوجت صارت تصلي ......................
حصه :جد سلطان ولا تستهبل
سلطان : والله العظيم جد وشفيك أول مرة تدرين
حصه :وعلى كيفهم الدين يصلون متى ما بغو
سلطان بأستهزاء:من التربيه الجيدة
حصه : بس أشوف امك وأبوك يصلون .......
سلطان :أيه يصلون بس ما عمرهم قالو لخواتي شي عن الصلاة حتى أحنا ترى نروح المسجد من نفسنا من دون ما أحد يقول لنا ..............
وماجد ماجد حتى ماجد ما أشوفه يصلي .....بس قد قد قد قال انه يصلي ومدري عنه كانه يصلي ولا لا .................................
حصه متفاجأة : وكيف عايشين كيف يمر رمضان وأنتم كذا لا صلاة
ومحد يدري عن الثاني
سلطان : حنا كذا وتعودنا نكون كذا يمكن أنتي تستغربين بس لو تسألين رتاج
أنتي تصلين بتقول لك لا
ما أصلي عادي عندها مو كأنه ثاني أركان الأسلام .....
أمور الدين منعدمة تماما في البيت.......((وتهجد صوته )))))).......
أبوي ما جى لي هنا إلا مرة ولا عاد جى رتاج جت اليوم ورمت كلام جارح وطلعت عادي عندها مافي احترام وتقدير لأخوها ..........
أمي مرتين ثلاث اللي جت ولا عاد جت ما تسألني وش كليت
أنت مرتاح ولا لا ؟؟؟؟؟؟؟؟؟؟
مافي إلا أنتي اللي قايمتن بي وهذا اللي حارق قلبي .......
حصه ما سكة نفسها عن تصيح :وليش حارقة قلبك .......
سلطان :لأني ما عاملتك زين من تزوجتك وأنا حارمك من أهلك يمر أسابيع وأنتي ما تدرين عنهم وفاتورة جوالك أشيك عليها عشان أعرف داقة على أهلك ولا لا؟؟السواق ما أخليك تركبين معه .......ودراستك ما كملتيها عشاني
أمي ومرت أخوي ورتاج دايم يعايرونك بفقرك
يعايرونك قدامي وأنا ساكت وراضي ...
أسافر بالأيام ولا أدق عليك وأشوف أخبارك ........
والحين أنتي اللي تنظفين وصايخي وتسبحيني .........
الله يا الدنيا ........
نزل راسه ولا إراديا نزلت دموع منه .............................
حصه ضبطت أعصابها لا تنفجر من الفرح ................
هذا دليل على أنه خلاص راح يعاملها بكل لطف وحنان
بيدافع عنها ...................
بساعدها على حياتها !
حصه تحط يدها على كتفه : سلطان خلاص .....
ما أستاهل دموعك يا الغالي ...................
سلطان توقف عن سكب الدمـوع بعد دقايق قال: أبي مويـة .......
حصه توجهت للجيك الموية وصبت في كاس وقربته لسلطان :أشرب
وشرب على شوي وأكتفى ....ومسحت حصه وجهه بالمنديل من الدموع ....
سلطان وصوته مخنوق :نزلي السرير أبي أنوم .......
حصه :تبي حمام قبل ولا بترقد على طول
سلطان : لا بأنوم .......
راحت حصه ونزلت السرير وضبطت الوضع وطفت اللمبات .........
وهدت الغرفة .....جلست حصه على سريرها
وتفكر في كيف تقنع رتاج أنها تصلي .................
.................................................. ...............
اليوم التالي ...........::::::::الصباح
شوق واقفة عند غرفة فاهم ما تبي تدخلها لأنها تكشفها على الشارع بسبب
شباكه الكبير ..................
طقت الباب وطلع لها فاهم وهو يتثاوب فيه النوم : أهلا مدام شوق
أخبارك إيـــــه؟؟؟؟؟
شوق : الحمد لله تمام .......اليوم أبيك في خدمة
فاهم : خدمة إيــه على هالصبح .........
شوق : انت تحب البطيخ صـح ؟؟؟؟؟؟؟؟؟؟؟
فاهم :كتير أوي
شوق :مممم طيب اليوم أنا ما راح أروح المدرسة وأبيك تجي معاي
نشتري لك كل اللي تحبه .........وعلى حسابي ......
فاهم : والله خيرك كتير يا مدام شوق بس تعرفي ما أقدرش أطلع من البيت
شوق :ما عليك أنا بأقول لأمي وبتوافق بس تجهز الساعة 8 بأخذك اوكي
فاهم وهو يتثاوب: حاضر حاضر
راحت شوق ركض ودخلت البيت ولقت ربى تنزل من الدرج لابسه عبايتها
ومعها شنطة المدرسة .........\
ربى :ما راح تروحين
شوق : لا ما راح اروح
ربى :غريبه ؟؟؟؟؟؟؟؟؟؟
شوق ترقى الدرج : ما الغريب إلا الشيطان
وركضت لفوق وعلى طول على غرفة أمها وطقت الباب ودخلت
شوق :يمه وين أبوي ؟؟؟؟؟؟؟؟؟؟؟؟؟؟؟
أم مشاري : راح أمس للخبر ليه وش تبين به .........؟؟؟؟؟؟؟؟
شوق : لا ما أبيه بس أنا ما راح أروح المدرسة
أم مشاري تجلس على كرسي التسريحة .......: أشوفك ما لبستي ...
ليه وش عندك ؟؟؟؟؟؟؟؟؟؟؟
شوق : يمه أنا بأروح مع فاهم للسوبر ما ركت ثلاجتي في غرفتي فاضية .....
وأبي أعبيها شوكلاتات وخرابيط مثل هذي .,,,,,,,,,
أم مشاري :هالوقت عاد ؟؟؟؟؟؟؟
شوق : أيه يمه عادي
أم مشاري : طيب ليش تاخذين فاهم .......
شوق : أبي أحد يدف العربيه بدالي ........
أم مشاري : عاد ما لقيتي إلا فاهم
شوق : يمــــــه يله عاد فاهم ولا غيرة أهم شي اروح
أم مشاري : طيب مري رويدا شوفي كان ناقص شي من الأغراض جبيها معك دام أنك رايحة تجبين لك أغراض ...........
شوق :ممم أوكي موافقة بس عطيني
أم مشاري :شوفي شنطتي فيها البطاقة خذيها
شوق : أي شنطه
أم مشاري :روحي غرفة الملابس والدولاب الأبيض الصغير أفتحية تلقين شنطة سودا فيها البطاقة ........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك