رواية ولد الترف والدلال -40
مشت جواهر ومشعل وطلعو من والبيت وراحت ربى
فوق لغرفة شوق دخلت عليها لقتها جالسه على مكتبها
وعلى فخوذها دبدوب أبيض وماسكة بيدها قلم أرزق جاف ..........
وشاردة بالفكر .......
ربى بصوت هادي:شوق
شوق رمت القلم : بسم الله روعتيني متى دخلتي ما حسيت فيك ......
ربى :أقول مادق ماجد ؟؟؟؟؟؟؟
شوق : لا مادق .....
ربى :غريبه ما سألتيني وش صار عند وعد
شوق : بعدين أنا مشغولة !!!!!!قامت من مكانها وراحت تدف ربى
بتطلعها برى الغرفة :ربى روحي نامي بكرة مدرسة .......
ربى مستغربه لكن طلعت من الغرفة وراحت لغرفتها ......
شوق تسكر الباب ورجعت لمكتبها طالعت الورقة اللي كانت ترسم فيها
رجال واقف له عظلات طويل وبشرته قمحية ....
عيونه صغار جدا وخشمه طويل ومايل وجسمه مليان شوي ......لابس ثوب أصفر وجمبه ((جحه))))))).....!!!!!!!.
شوق :افففف يا راعي الجح والله أنك أشغلت بالي ........
شقت الورقة ورمتها في الزبالة .....
وراحت تنوم لأن بكرة مدرسة .........
.................................................. .
قام مهند من النوم لم سمع صوت طق قوي على باب
غرفته .......
وراح يفتح ولقى أبوه عند الباب ........
أبو صلاح : يله مهند الصلاة الصلاة وأنا أبوك
مهند بصوت كله نوم :أن شاء الله بأتوضى وأروح المسجد .......
راح أبوه يكمل مشواره على غرف أخوانه وخواته يقوموهم لصلاة.....
راح مهند للحمام وغسل وتوضى وطلع لبس ثوبة ونعاله وطلع من البيت
رايح للمسجد .......مثل كل يوم وكل صلاة ........
أبوهم كان شديد معهم على الصلاة في المسجد ......
لم صلى مهند راح للبيت يفطر مع أمه .........
على الفطور :
أم صلاح : يمه متى بتروح المزرعة ؟؟؟؟؟؟؟؟؟؟؟
مهند : لا طلعت الشمس مشيت لها .......
أم صلاح : أسوي لك شي تاكله على الطريق .....
مهند : لا يمه لا تكلفين عمرك طريق المزرعة رايح جاي
ساعتين بس .....
أم صلاح : بس أخاف تجوع يمه ......
مهند : لا لا تعبين عمرك هالفطور يكفيني للغدا ........
دخل عليهم أبو صلاح بعد ما رجع من المسجد : السلام عليكم .....
أم صلاح ومهند : وعليكم السلام .....
أم صلاح : أصب لك شاهي ؟؟؟؟؟؟؟؟؟
هز راسه أبو صلاح بالموافقة ولف على ولده مهند :اليوم لا تروح
للمزرعة أبيك تروح عند واحد من الربع تسلمه اوراق .........
مهند عاقد حواجبة :وش أوراقة ......؟؟؟؟؟؟؟؟
أبو صلاح : أوراق وبس لا تسأل .........
مهند :طيب وين هالرجال فيه؟؟؟؟؟؟؟
أبو صلاح : في الخرج ....
مهند :اها .....واليوم يعني ما أروح المزرعة ؟؟؟؟؟
أبو صلاح : أيه لا تروح ............
أم صلاح : ما ودك يا بو صلاح تفك ولدك من هالمشاوير كل يوم
رايح المزرعة يجيب هالجح ويبيعه في هالشمس مسيكين
أول كان أبيض شف من الشمس وش غدى وجهه ...........
أبو صلاح : والله هو ما شكى وعاجبه هالشغلة .......
مهند : يمه أنا أدور لي شغل وما لقيت بأقعد في البيت
كني حرمة لا شغلة ولا مشغلة خلني أبيع جح هالمزرعة بدل ما يخيس محدن كله ...........وأنا أكسب في اليوم حول 340 ريال ....
ولا راتب موظف حكومه ......بعدين انا مستانس بشغلتي وناوي
أجمع فلوس وأفتح محل خضروات ........
أم صلاح :الله يهديك لو تدور لك غير هالشغلة أحسن لك ....
وانت يا بو صلاح ليش ما تعطيه كم قرش يفتح له المحل وبعدين يسدد لك .....أبو صلاح :أنا خيرتة بين السيارة ولا أساعدة يفتح محل لكن أختار السيارة وأنتي عارفة بهالموضوع ماله داعي تزيدين وتعيدين فيه ...
شوفي العيال قوميهم لا يتأخرون عن المدارس .......
تقوم أم صلاح وتروح تقوم العيال ......
خولة 15 سنة و فرح 12 سنه وحسن 18 سنه .......
أما صلاح موظف عمره 24 سنة ......ومهند 22 سنة ....
نزلو العيال وأفطور وأزعاج وصجة ولم خلصو وداهم أبوهم لمدارسهم
بعد ما عطى مهند الظرف اللي بيوصلة للرجال اللي في الخرج .....
راح مهند وركب سيارته الرنج وطلع من البيت كان ناوي يروح
للخرج سيدة لكن غير رايه ولف ...رايح للمكان اليومي ......
شوق واقفة على راس ربى النايمه :كل يوم تغيبين الأسبوع اللي فات
كله غايبه واليوم بتغبين .............
ربى المنزعجة :خــــــــــــــلاص أطلعــي وعن القلق يا قلق
ماني راحية غصب أروح يعني ...........افففف ليتي مسكرة الباب أحسن
طقتها شوق على راسها من القهر اللحين هي متأخرة عشانها
وأخرتها تلقاها نايمه وبتغيب ....طلعت شوق من الغرفة وراحت تلبس عبايتها وتاخذ شنطتها ..........
لم ركبت مع السواق خان...............
شوق :يله رووح
خان : مدام ربى مافي روح ؟؟؟؟؟؟
شوق :أيه مافي روح أمش بس .......
مشى السواق وطلع من القصر .......
شوق :خــــان شغل راشد الماجد وعل عليه ....
خان تعود على هالطلب من شوق لأنها مدمنة راشد الماجد دخل شريط راشد الماجد وشغلة وكانت على أغنية :ويــــــلاه ......من ألبوم راشد 2009.
ويلاه ضاق الصدر ...وما ذكر يسأل علي ويلاه
نساه طول الهجر .......ولا الصبر من قسوته قساه .......
ما صار مني خطأ غير العطا والتضحية ما صــــــــــــــــــار
جبار يا هالزمن ما تنظمن فيك البشر جبااار ............
حنيت لإحساسنا بوصالنا من كثر ما حنيت
حسيت أن الوصل يمكن حصل لكني ما حسيت
ياالله
ياربهم اهديتهم فأهديه يــــــــــالله
رباه
رب البشر رب القدر كان القدر فرقاااااااه
ويلاااااااااااااه
حطت شوق يدها على خدها وهي مستمتعة بهالاغنية الحلوة من الفنان الأكثر من رائع راشد الماجد ........وعلى طول جى في مخيلاتها راعي الجح
وفزت وصرخت على خان يتوجه لنفس المكان اللي أمس راحو له ......
..................................
مهند واقف ينتظر اليوكن الأبيض يجي .........
مرتين جت لهنا وأحتمال تجي هالمرة .......
ما كان يعرف وش يبغى من البنت لكن فيه
لقافة بيعرف بتجي هالوقت له ولا لا ؟؟؟؟؟؟؟؟؟
أنتظر وانتظر ومل من طول الأنتظار وتوه بيمشي إلا يلمح
اليوكن الأبيض جاي وفز قلبه من دون شعور ......
وابتسم .........
.................................................. ...
شوق قالت للسواق يهدي من سرعته عشان تشوف راعي الجح فيه ولا لا
لكن خاب ضنها وما لقته وقالت له يمشي للمدرستها .............
وما انتبهت أن مهند حرك وراها ..........
.................................................. ........
واحد قام وهو منزعج من صوت جواله ورد بكل عصبيه :الوووووووووووووووو
مهند : هلا سالم
سالم :مهنــــد أحد يدق هالوقت وش تبي ؟؟؟؟؟؟؟؟
مهند وهو يطالع اليوكن عن يضيع منه:قوم أبيك في موضوع ضروري
سالم :ههههه أنت عندك موضوع ضروري أقول بعدين بعدين
وسكر الجوال في وجهه لكن مهند أصر ورجع دق وحس سالم أن مهند جاد وعنده موضوع فعدل نفسه على السرير ورد: الو
مهند : اسمع سالم دقايق بس وأرجع ارقد
سالم : تكلم وش عندك ......
مهند :أنا ألاحق سيارة بنت ومدري كيف ألفت نظرها
سالم سكر الجوال في وجهه وقفله
لأنه تأكد أنه مهند يستهبل ويبي يزعجة على
الفاضي لأن معروف عن مهند أنه مو راعي هالحركات ولا يلفتون نظرة البنات
مهند تضايق من تسفيه سالم له بس الليلة بيتقابل معها وبيشرح له .....
وصل اليوكن عند احد المدارس الأهلية ونزلت شوق وهي تشد على طرحتها
عشان ما تطير من الهوا والتكشيرة على وجهها من الصبح وقبل ما تدخل تغطت
عشان ما تقول لها المراقبه.....(( أحنا سامحين لكم تلبسون عبايات كتف لكن ما تفتشون يله روحي وقعي مخالفة .....................))
دخلت شوق المدرسة وأبتدت كأي يوم مدرسي ........
ومهند سجل اسم المدرسة عشان ما ينساها ....
ووجهه شوق ما شافه لأنه موقف بعيد وما أمداه يشوف إلا شنطتها الفوشية ....مشى سيارته رايح للخرج وهو يضحك على نفسه أنه يسوي
حركات مثل هذي..
..................................................
رتاج شوي وتنفجر من تسفية الموظفين الأستقبال لها ......
واقفه عندهم من ربع ساعة طالبه منهم كشف الأسماء إذا كانت عندهم مريضة بأسم العنود الــــ ولا لا ؟؟؟؟؟؟؟؟؟؟
لكن ما عطوها وجهه ...ويقولون لها
شوي
أصبري
وهم ما تحركو ولبو لها اللي تبيه .................
رتاج تفسخ نظارتها الشمسية وتطالع الموظف بعيون معصبة :لو سمحت انا واقفة لي ربع ساعة هنا وماعطتوني وجهه يا أضف وجهي
ولا تخلصني وتطلع اللي أبيه ..................
الموظف : نعم أنتي وش طلبتي مني
رتاج : أصبري..... شوي ............وأنت ما تدري وش طلبي ؟؟؟؟؟؟؟؟؟؟؟؟
الموظف سليمان: لو سمحتي أختي احنا مشغولين
هالوقت وطلبك يحتاج وقت شوي
رتاج تنرفزت :يعني تعرف وش أبغى ومع ذلك مخليني واقفة أنتظرك هنا
ما تستحي أنــــــت .........
الموظف الثاني اسمه علي لم شاف أن البنت معصبة وبتسوي لهم كارثه نادى عليها وجته : وش طلبك أختي
رتاج تاخذ نفس وترجع تلبس نظارتها الشمسة :أبي أسأل عن مريضة عندكم أسمها العنود الـــــــ ...............موجودة عندك ولا لا ؟؟؟؟؟
علي : كيف موجودة عندنا ؟؟؟؟؟؟؟؟؟؟
رتاج :يا ألهي أرحمني على هالصباح .......اسمع دور عندك في الأسماء عن وحدة أسمها العنود الـــــــــــــ إذا موجودة خبرني إذا لا برضو خبرني وخلني أخلص وأريحكم .......................
علي يتوجه للكمبيوتر : عطيني الأسم الثلاثي
عطته رتاج الأسم الثلاثي وبعد البحث مالقى اسمها موجود داخل المستشفى وطلعت رتاج من هالمستشفى النحيس وراحت للمستشفى ثاني.......
بتدورها لم تلقاها ...................
.................................................. .............
مشعل يدخل غرفة سلطان أخوه ويأشر لحصه تجيه وطلعت له ...
حصه :عسى ما شر ؟؟؟؟؟؟؟؟؟؟؟؟؟
مشعل :اسمعي جايب شيخ يقرا على سلطان كود أن الله يشفية
حصه :بس أنتم قلتوا له يمكن ما يبي
مشعل :ماعليه مو لازم يعرف قبل لأنه بيرفض بنحطة قدام الأمر الواقع
هذا الشيخ مكلمني وصل تحت بأروح أجيبه وأنتي اجلسي في الانتظار
حصه : طيب بيطول الشيخ
مشعل : ما أدري المهم يله أنا نازل ......
راح مشعل وحصه اتجهت للغرفة الانتظار .........
وصل الشيخ لغرفة سلطان وسلم على سلطان :السلام عليكم
سلطان مستغرب من الصوت أول مرة يسمعه :وعليكم السلام.من أنت
مشعل :سلطان هذا الشيخ محمد جاي يقرا عليك
تغيرت ملامح سلطان إلى الضيق والشيخ حس أنه ما قالو له وانها
صارت فجاءه له ......أشر لمشعل يتركهم لحالهم ............
الشيخ محمد : وش أخبارك سلطان ؟؟؟؟؟؟؟؟؟
سلطان :الحمد لله
الشيخ محمد : يا ولدي ترى القراية زينة وكثير شفاهم الله
من هالقراية .....وأن شاء الله أنها تنفعك وأن ما تحسنت حالتك
أهم شي تهدا نفسك من تلاوة الأيات ....................
(وقل لن يصيبنا إلا ما كتبه الله لنا )
وأحمد ربك أن عندك نعم اخرى ما حرمت منك
واللي صابك قضاء وقدر ولازم تؤمن به ......
والحياة مستمرة يا ولدي ما تتوقف وهههههه
ما ودي أطول عليك خلنا نقرا عليك ولم نخلص بأعطيك موية تشربها
بعد مقري فيها ....وشوية زيت تمسح جسمك بها متى ما بغيت ..
ابتسم سلطان له حس أنه محتاج لهاالقراية تهدي نفسه
المقهورة بسبب الحادث الللي صابه من دون سبب .........
أبتدا الشيخ يقرا بصوته الندي ....تقشعر الأبدان لسماعه ......
وسلطان من كثر ما هو خاشع في الأيات ما قدر يتحرك........
والشيخ يتلو ويتلو ......................
.................................................. .........
في أحد أسرة المستشفيات الحكومية في الرياض
اللي تفصل بين الأسرة الباقية بستائر بيضا .......
كانت هناك العنود .........
أعياها المرض ........من يوم عرفت باللي صابها أستلمت
له بكل طواعية ............ما تشجعت ودعت ربها يشفيها
أو نورت قلبها بالأمل ...................
يئست من الشفا مع انها ما أبتدت بالعلاج الكيماوي
والألآم الأليمة !
توها في البدايات ..........واستسلمت لطريق الموت .....
وهذا الخطأ الأعظم أن أحنا نيأس من رحمة الله ...
تحركت الستاير ودخلت منها بنت أنصدمت بمنظر العنود وكانها جثة
عيون بارزة ومحاوطها السواد ووجه أصفر خالي من الحيوية ......
ودموع تنزل منها ........
رتاج قربت منها وهي ترجف :العنود ...
العنود غمضت عيونها لم شافت رتاج ونزلت منها دموع جديدة .....
رتاج :واخيرا لقيتك والله من الصبح وأنا أدور عليك,,,
غمضت العنود عيونها بشكل أقوى لم حست بألم مفاجأ :رتاج أطلعي .....
رتاج تجلس على طرف السرير وتمسك يد العنود: العنود أنا جايه أساعدك
العنود :رتاج أطلعي ..........رتاج أطلعي ..............
ما أبي منك شي ........
رتاج :العنود أبي أعرف منك شي واحد واطلع .....
العنود :وشو يارتاج وشو؟؟؟؟؟؟؟؟؟؟
رتاج :طلال وش كان ناوي علي
يذبحني بفلوس ؟؟؟؟؟؟؟؟؟؟؟صح صح يذبحني فلوسي ؟؟؟؟؟؟؟؟؟
العنود وقلبها معورها على الحال اللي وصلو له : أيه أيه
رتاج نزلت دمعتها :لـيـــش وش سويت لكم تسوون فيني كل هذا ......
عشاني بلغت على راشد ؟؟؟؟؟؟؟؟؟؟؟؟؟؟
وأنقذت الكثير اللي كانو بيطيحون في يدة ولا طاحو من زمان ..........
العنود صرخت عليها :أنــــــا ما كنت أدري عن نوايا راشد فيك .........
أكره وأكره طلال وأكره كل أخواني اللي ضيعو أنفسهم وضيعوني معهم .......
من أمس وأن هنا في المستشفى وهم ما يدرون عني ويني فيه
لا تسألني وش اللي سويناه فيك .......اطلعي وخليني أمـــــــوت ...........
رتاج :وشفيك العنود أنا جايه أساعدك وأنقلك لمستشفى ثاني أحسن من هذا
وأعالجك وأن شاء تشفين وترجعين زي قبل .......
العنود : لا يا رتاج خليني أموت أنا أنسانه ما منها فايدة ........
تدرين متى أخر مرة صليت .....؟؟؟؟؟؟؟؟؟؟؟؟
تدرين متى أخر مرة صمت ؟...............
ما تدرين ما تدرين ...والله بلاني بهالمرض ......يذكرني فيه ........
رتاج بلعت غصتها وكملت العنود : انا من ثاني ثانوي ما صرت أصلي ولا أصوم
حالي حال الكفار ....................ولا أنا كافرة اللحين ..........
يعني لي اللحين حول 4 سنوات ما اصلي حتى حتى حتى القرآن ما أفتحة وأقراه .....وش أبي في الحياة ......خلني رتاج أموت احسن ............
نار الأخرة ولا نار الدنيا ..................(((أستغفر الله )))))))))
رتاج قامت من طولها وكأن أحد قارصها وطلعت بسرعة من الغرفة المليانه
أسرة وطلعت من المستشفى .......................
وركبت مع السايق ودموعها تنزل ..............وحلقها غصة غريبه .........
((من متى انا صليت ؟؟؟؟؟؟؟؟؟؟؟؟؟
هي من 4 سنوات أنا أنا أنا من من 7 سنوات ما اصلي ............
أصوم.......أصوم أيه أصوم أخر رمضان صمته واللي قبله وقبله
بس ما كنت أصلي ............
حتى القضاء ما أقضية وكأنه مو واجب علي ........وش هالدين من وين جايبته....العنود جاها السرطان في الرحم أعز منطقة عند المرأة .......
وأنا وأنا وش أنتظر يجيني عقاب من الله ...
تقول العنود عن نفسها كافرة يعني أنا كافرة مثلها .......
لا لا ياربي ما يصير .............))))))))))))
حطت يدها على فمها تكتم صرخة الغفلة عن نفسها .......
وتحولت دموعها إلى صايح بصوت عالي وشهيق و زفرات ألم ........
السواق ساجد مرتاع من صياح رتاج وحاول يسرع للبيت ........
يمكن رتاج فيها شي وما تقول له .......
وصلت رتاج البيت وما نزلت من السيارة .......
انتظرت لم هدت نفسها ونزلت دخلت البيت وما شافت أحد في طريقها وهالشي ريحها والوقت حالينا الظهر محد متواجد هالوقت ......
وصلت غرفتها وسكرت الباب وأستلمت لنوبة الصياح مرة ثانية ........
..................................
سلطان من كثر ما هو خاشع في تلاوة الشيخ
أستلم للنوم والشيخ أستمر في القراية لم خلص وطلع وهو يدعي
ان يشفية ويشفي جميع المسلمين .......
توجهه الشيخ للرسبشن ...
وسأل كان أحد مريض عندهم ويحتاج للقراية
طوعا فيه دامه داخل المستشفى .....
والموظفين دخلوه على واحد في العناية المركزة يقرا علي ...............
حصه ومشعل دخلو على سلطان لم طلع الشيخ من عنده .........
حصه طالعت سلطان النايم ودمعت عيونها :شكل من القراية نام
مشعل :اكيد هدت نفسه وخشع ونام .......
قرب من قوارير الموية وعلبة الزيت :شوفي الموية
والزيت انا موصية عليهم وجابهم الله يجزاه خير ......
شربيه من الموية وأدهني جسمة عقب ما يتسبح اوكي .....
حصه :اوكي لا تشيل هم
مشعل :طيب أنا طالع اللحين وترى عيال عمي بيجون العصر هنا
ياليت ما تكونين متواجدة
حصه :أنا باروح السوق العصر
مشعل :اها زين وأنا بأجي العصر هنا عشان أستقبلهم .......
تبين شي أنا طالع .........
حصه : سلامتك
مشعل :الله يسلمك .......
طلع مشعل من غرفة أخوه وتوجة حصه لسرير سلطان
تتأمله .....مسحت على راسه : الله يشفيك ويقومك معافى يارب ......
نزلت يدها وجلست على الكنبة بهدوء .............
وتفكر في قمر من بعد ذاك اليوم ما جت ولا سمعت عنها إلا أنها تبي الطلاق ....أبتسمت بسخرية عليها وراحت بأفكارها لعند أبوها ..........
يا ترى وش أخبارة ؟؟؟؟؟؟؟؟؟؟؟؟؟؟؟؟؟؟؟؟
بعد التفكير في أبوها تحولت إلى ماجد ....
ياترى وش مسوي في الغربة ؟؟؟؟؟؟؟؟؟؟؟؟؟؟؟؟
يدرس بجد ولا لاهي بملذات الدنيا الزائلة ............
وانتقلت بأفكارهاا إلا أشخاص كثير وكثير ......
.................................................. .
شوق طلعت من المدرسة وركبت مع خان اللي أكثر واحد تركب معه
في روحاتها وجياتها .............
والعجيب أن خان سأل وين بتروح ..............
يمكن تبي تروح عند راعي الجح ......
لكن جاوبت بتعب أنه يروح للبيت على طول ...................
....................................
مهند مسرع بسيارته بيلحق على البنت المجهولة ......
راح الخرج ووصل الأوراق للرجال ورجع وعلى طول وقف ينتظر عند
مدرسة البنت وشافها طالعه وراكبة اليوكن ولم حرك السواق مشى وراهم
لكن ما يعرف وش يسوي كيف يعلمها أنه يلحقها مثل ماهي تلاحقة
ماعنده خبرة في هالأمور ولم سأل سالم الصبح سكر في وجهه يحسبه يستهبل ...عقد مهند حواجبة لم توجهه اليوكن للحواري المليانة بالقصور ........
واليوكن هدا سرعته ولف ودخل أحد هالقصور الفخمة........
فتح فمه مهند لم عرف ان هذا بيتها .........
بس ليش تلاحقة وهي شايفته يبيع الجح في الطريق ........
وتسلل الشك في قلبه أن عندها نية شينة فيه .......
ولا بنت عز تلاحقه من يوم شافته يبيع الجح .....
أستغفر ربه ومشى راجع لبيته وهو شايل فكرة أنه يعرف وش ورى هالبنت
خلاص ما راح يلاحقها مرة ثانية ........توبة...................
........................................
بعد مرور اسبوع ما صار فيه شي ...غير
ان رتاج صار أدمانها على الزقاير أكثر وأكثر وماراحت للعنود
وشوق هالأسبوع كله اختبارات الدورية النهائية ......
ومشغولة ولا مرت على الولد ولا حصلت لها الفرصة لا في الليل ولا النهار
بسبب أن ربى تداوم للمدرسة ..........
سلطان أرتاح من الشيخ وطلب مشعل
يجيبه له مره ثانية وجى في هالأسبوع مرتين ..........
حصه كل يوم تطلع السوق وتاخذ البنات معها .....
ويساعدنها في الأختيار ومرة وحدة طلعت معها ساره عشان هي بعد تبي أشياء لصقر وراحت مع حصه تسليها في التسوق ........
نجلا دقت على صديقتها تقول لها عن البيت وأعتذرت لانها مستحيل
تدق على زوجها وتقول له لانها تستحي .....
وحصه لم عرفت بلغت مشعل يبحث عن مستأجر لبيتهم
العنود ابتدت في العلاج الكيماوي وحالتها حاله ........
من تعب إلى تعب واخوانها مرة وحدة جوها لم طلبت العنود من دكتورتها تخبرهم ودقت عليهم وقالت لهم ..............................
منيرة ولطيفة لازالو عند ام أحمد جارتهم سابقا وباقي يوم واحد ويروحون لبيتهم لأن السواق والشغالة بيجون .........................
وماجد ما دق عليهم وما زال يكلم مها وما يدري أنها ربى .......
وعد وصلها مهرها وراحت تجهز لزواجها ...............
......................................
المحطة الواحدة والعشرون:
يوم الأربعاء ............
سلطان سلطان .........
سلطان ظهر على وجهه علامات الضيق .........
حصه : سلطان قووم
تحرك سلطان وفتح عيونه بس ما يشوف شي : هممممم
حصه : قوم بيجونك زوار بعد شوي .........
سلطان :كم الساعة ؟؟؟؟؟؟؟؟؟؟؟؟
حصه : الساعة اللحين 4 العصر يله قوم عشان أسبحك .............
سلطان حاول يتحرك وساعدته حصه ونزلت رجولة وقربت الكرسي له
ومثل كل مره جلسته ...............
سلطان : حصه أنا اللحين ليش ما اروح للبيت
مليت من المستشفيات.......
حصه :باقي لك أسبوع وتطلع أن شاء الله تحمل .......
سلطان :اللحين حصه الجروح عقب الحادث مسوية أثار .......
حصه : ظهرك كله آثار من الجروح
سلطان : يعني مشوه .......
حصه : لا الدكتور يقول مع الزمن بتختفي لا تخاف ...
سلطان :ووجهي ......
حصه :كانت فيه جروح بسيطة واللحين مالها أثر بس جرح بسيط فوق حاجبك الأيسر إلا الآن ما راح وشكله بيبقى .......
وصلت حصه لباب الحمام ....وفتحته .......
سلطان : حصه
حصه :لبيه .........
سلطان توتر وطالع فوق وشكله ينرحم ويقطع القلب
وشبك يدينه في بعض:أنا أنا أسف
حصه ابتسمت :على أيش ........
سلطان نزل راسه : على كل شي
حصه مسحت على راسه : أصلا ما قد زعلت منك
ولا تقول هالكلمة مرة ثانية
سلطان ابتسم وحصه دخلته الحمام حتى يتسبح ..........
.................................
دخلت رتاج الغرفة المقصودة وطالعت السريرين اللي قدامها لقتهم
فاضين .......لك سمعت صوت في الحمام وخمنت أن سلطان في الحمام
بس أستغربت هو ما يقدر يتحرك لحالة ..مممم يمكن معه الممرضة ,,,
جلست رتاج على الكنب وحطت شنطتها جمبها ............
طلعت حصه من الحمام ومعها سلطان وعليه الروب
حصه تفاجأة بوجود رتاج : هلا رتاج ......
رتاج قامت وتوترت لم شافت سلطان : هلا فيك ....أسفة بأطلع شوي وأرجع
طلعت رتاج من الغرفة وجلست حصه تلبس سلطان ورجعته للسرير .....
خذت جهاز التحكم بالسرير وضبطت جلسة مريحة لسلطان ثم جابت عطر وعطرته ومشطت شعره اللي طال لأخر رقبته ......وسلطان ساكت وما يقول شي مثل الطفل ....................لم خلصت حصه لبست عبايتها وطلعت من الغرفة وشافت رتاج واقفه عند الباب ...............
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك