رواية ولد الترف والدلال -39
تبي تشم هوا ربي ........
وخلته يدور بين القصور المتواجدة في حيهم الراقي ...
بس تبي تنفس عن عمرها من جو البيت الخانق
شوق :أطلع على الشارع العام ,,,,,,
وطلع خان من الحواري على الشارع العام وبعد مدة لفت نظرها
شخص واقف بونيته يبيع ((جح))((بطيخ))
في هالجو الحار ...
شوق :وقف عند هذا ونيت
خان أستغرب أن شوق تطلب هالطلب أنه يوقف عند
هالونيت ............
ووقف ......
شوق تطلع 500 ريال : روح عطه الولد .......
خان ياخذ الفلوس : همسمية ؟؟؟؟؟؟؟؟؟؟؟؟؟؟؟؟
شوق :ههههه أيه روح عطه الولد
نزل خان من السيارة وراح جهت الولد ومدة له
ورجعه له ومدة مره ثانية ورجعه له ......وشوق تطالع
ومستغربة ليش هالولد ما خذ الخمسمية
وهو يمكن له يومين ما جاب هالمبلغ ......
رجع خان للسيارة :مافيه ياخذ
شوق :ليش ؟؟؟؟؟؟؟
خان : يقول لازم يشتري أول ما ياخذ فلوس
شوق :ناده لي أتفاهم معه .....
راح خان ينادي الولد وجاها ....
الولد وهو منزل راسه : نعم أختي ....
شوق استحت :ليش ما خذت الخمس مية هذي مساعدة مني لك
الولد : لو سمحتي أنا ما أخذ فلوس كذا ....
شوق :طيب أنت ولد مين ؟؟؟؟؟؟؟؟؟
الولد : ولد .........
شوق :اها طيب أنت ليش تشتغل هالشغلة ما تخاف من البلدية
تجيك ......
الولد : لا ما اخاف وأنا أشتغلت هالشغلة لأني ما قبلت بالجامعه
وجلست في البيت ....
شوق اللي أعجبها الحوار عمرها ما سوت كذا بس ما تدري ليش
جتها روح الفضول تعرف عن هالولد كل شي .......
شوق :أها.......ولك كم سنة تشتغل هالشغلة
الولد : لي سنتين ........ولف يطالع السيارة اللي وقفت
عند وانيته .......لو سمحتي أختي وراي زبون ....
وتركها ........
شوق : سبحان الله أحس فيه روح حماسية .........
جايتك يا ولد الـ..........
خان: في أمشي ...
شوق : لا أصبر .........
عطته 50 ريال روح جب كم جحه منه ........
نزل خان وهو ما يدري وش سالفة شوق
وراح للولد وشرى منه وجو يركبون الجح في السيارة
وأضطر أنه يرفع نظرة ويشوف شوق .....
لكن نزل عيونه بسرعه ولم خلص مهمته راح لمكانه
وشوق خلت خان يمشي ثم وقفت عند باسكن روبنز
وشرت أيس كريم لها وللسواق ما تحب تاكل عند أحد لحالها..
ورجعت للبيت ,,,,,,,,
نزلو الشغالات الجح من السيارة وقالت لهم شوق يعطونة فاهم
لأنه يحبه وهي راحت لغرفتها وعلى وجهها
أبتسامة غير مفهومة ...............!!!!!!!!!
......................................
قمر : يمه سلطان بيطلقني ؟؟؟؟؟؟؟؟؟؟
أم قمر :وليش ما تروحين المستشفى له وتطلبين منه هالطلب
قمر : لا يمه فشيلة أروح له وأقول يطلقني
أم قمر : أجل أصبري لم يطلع من المستشفى وتجيك ورقة
الطلاق للبيت .........
قمر :اففففف جد حظي نحس وانا وش خلاني
أوافق على واحد متزوج .........
هذي أخرتها طايح في المستشفى وحالته حالة
صدق أنه قضاء وقدر بس أنا ليش أبلش عمري برجال
كذا وانا مو ناقصني شي .........
أم قمر : ما كنتي كذا يا قمر تغيرتي
قمر :أهم شي أني راضية باللي بأسوية .....
أم قمر : هذي حياتك وأنتي اللي تبينه سويه ....
...................................
ربى تكلم ماجد على المسن على أنها مها:
||| يالغـــــلا أرجــــــــوك لاتقسى ||| : مها
في }•زحمة الناس صعبه حالتي :ماجد
في }•زحمة الناس صعبه حالتي
الدنيا زفت وقرف
||| يالغـــــلا أرجــــــــوك لاتقسى |||
وواف اف كل هذا في الدنيا
في }•زحمة الناس صعبه حالتي
: وأكثر
||| يالغـــــلا أرجــــــــوك لاتقسى |||
وليش مو أنت ولد عز على قولتك وكل شي عندك
في }•زحمة الناس صعبه حالتي
صحيح كل شي عندي بس ناقصني كثير ....
||| يالغـــــلا أرجــــــــوك لاتقسى |||
وش اللي ناقصك ؟؟؟؟؟؟؟؟
في }•زحمة الناس صعبه حالتي
اهل يسألون عنك يخافون عليك
أم حنونه وأب عطوف ......
ربى ابتسمت بعطف على أخوها بس بتطلع عيونه
||| يالغـــــلا أرجــــــــوك لاتقسى |||
ههههههه بس أنت رجال ما تحتاج هالأشياء
في }•زحمة الناس صعبه حالتي
الرجال هو أكثر واحد يحتاج لأشياء هذي..
||| يالغـــــلا أرجــــــــوك لاتقسى |||
ههههه والبنات وش لهم
في }•زحمة الناس صعبه حالتي
لهم كل شي بس هم لم يتعاملون مع الرجال
بشكل حلو بيلقون اللي يبونه .......
ربى كحت على هالنصبة وردت ...
||| يالغـــــلا أرجــــــــوك لاتقسى |||
أقول عن النصب أنتم سبب كل هالبلاوي في هالدنيا
أنتم الأساس الخراب في هالحياة لو أنكم تضبطون أنفسكم وتعاملون
الحريم على أنهم بشر حساس ومو ألة راح تلقون العطف والحنان
لكن أنتم ما يملى عينكم إلا التراب ............
هجوم قوي لقاه ماجد من مها دفاعا عن الحريم......
في }•زحمة الناس صعبه حالتي
كلتيني بقشوري وأنا ما قلت لك شي ....
||| يالغـــــلا أرجــــــــوك لاتقسى |||
إلا قلت شي وراعي في كلامك
في }•زحمة الناس صعبه حالتي
انا اعامل خواتي بكل حنية ولا عمرهم قالو كلمة حلوة على بعضها..
||| يالغـــــلا أرجــــــــوك لاتقسى |||
يمكن أنت مطنشهم ولا سألت وش في خاطركم
أمرو تدللو أي مكان نفسكم فيه تطلعون .........
ما تسأل وش اخباركم زعلانين ولا فرحانين .
في }•زحمة الناس صعبه حالتي
أقول مها انا مشغول باطلع .
||| يالغـــــلا أرجــــــــوك لاتقسى |||
أيه أيه تهرب من هالكلام تدري أنك غلطان على خواتك
في }•زحمة الناس صعبه حالتي
وأنتي ليش تدافعين عنهم هم عايشين احلا عيشة
محد لقاها ما قد شكو أنهم طفشانين من وضعهم .....
||| يالغـــــلا أرجــــــــوك لاتقسى |||
كيفك أنت وخواتك ما أدري كيف تعاملهم
في }•زحمة الناس صعبه حالتي
يله مها أتركك ..
وسجل ماجد خروجة وطلعت ربى وهي تضحك على ماجد وتحلف في نفسها
أنها بتخليه يحبها ويهلوس في أسمها عشان يتوب عن ملاحق
البنات ......................لم يعرف أن أخته لعبت عليه .......
.............................................
ضاري :ما يستحـــــــــــــــــــــي على وجهه
يمد يده عليك؟؟؟؟؟؟؟؟؟؟؟؟؟؟؟؟
صيته : أيه أخوي رح خذ حق أختك منه
ضاري :والله طالت وشمخت عيال ......يمدون يدينهم على حريمنا....
صيته : أهان كرامتي عند عيالي هاللي ما يخاف ربه
بعد ما عززته وكرمته طول هالسنين يمد يده علي
ونزلت منها دموع.....
ضاري : خلاص صيته أنا بأروح له بكرة وأخليه
يجي يعتذر لك ويحب رجولك ......
صيته : ما أبيه يعتذر أبي الطلاق انا ما أبيه \
ضاري :ما عندنا بنات يتطلقون
صيته :هذا العشم فيك يا خوي أقولك ضربني
وتقول ما عندنا بنات يتطلقون ....خلك خلك ما أبي منك
تروح له إلا لا كنت تبي تطلقني منه .......
ضاري يجلس على الكنبه : من جدك تبين الطلاق .؟؟؟؟؟؟
صيته :أيه أبي الطلاق انا ما أبي مشعل فكني منه
تبي أختك تنهان كرامتها مرة ثانية وهي بنت ـــــــ
ضاري :بس أنتي عندك عيال ما فكرتي فيهم
صيته : يعني هو فكر فيهم لم ضربني قدامهم .........
ضاري :فكري قبل و أوزني ألأمور
صيته :وشفيك قبل شوي تصارخ واللحين يوم بغيت الطلاق
سويت لي فيها مصلح أجتماعي
ضاري : بس عندك عيال والطلاق موب زين وهو أن ما جى يعتذر
لك اللي تبينه بنسوية لك ..........
بس فكري قبل ......
صيته :أنا مفكرة من زمان وأبي أنفصل عن مشعل وهذا قرار
ما راح أتراجع عنه ......
ضاري :اللي تشوفينه ...
قام ضاري أخو صيته الكبير وطلع من البيت وقامت صيته
بكل كبرياء : يحسب مشعل أني ما أدري عن هاللي
بيتزوجها هههه مسكين يا مشعل ,........
.................................
عصر يوم الجمعه .:::::::
في غرفة سلطان كانت جميع الأضاءة مطفاة
ومافي إلا نور الشمس يدخل من الشباك المغلق ........
وسلطان نايم بهدوء بعد ما تعب بسبب
التسبيحة حس أنه بذل مجهود كبير.....
وحصه بنيتها ما ساعدتها في شيل وحط سلطان إلا أنها
تحملت لعيونه ما تبي أحد غيرها يساعده ..........
حتى لو كانت الممرضة ........
حصه منسدحة على الكنبة تبي تريح عمرها وراها
طلعه بعد المغرب .......
بتروح السوق بس ما راح تروح مع أم مشاري
لبيت وعد لان أم مشاري رفضت جيتها معها من دون سبب يذكر ...
طالعت حصه في سلطان النايم ,,,وابتسمت عليه
لانه لم حركته من السرير وحطته على الكرسي شافت
انه مبلل نفسه من دون ما يقول لها وعاتبته بأنها زوجته
وعادي يقولها أن كان يبي حمام أو لا وأنحرج منها
وحس بضعفه ......
طالعت حصه ساعتها وكانت تشير إلى 5 ونصف ........
مسكت جوالها ودقت على السواق ساجد
وقال أنه بيجي بعد شوي وهي قامت تلبس شي مريح
عشان الدوارة في السوق .........
وريحتها ساره بأنها تكفلت بأغراض الطفل القادم .....
لم خلصت لقت مكالمة من السواق يعني هو متواجد تحت .......
توجهت لسلطان وباسة جبينه مثل كل مرة قبل ما تطلع
وطلعت من المستشفى ............
مرت بيت أم أحمد وصلت المغرب عندهم ثم خذت نجلاء ومنيرة ولطيفة وطيران على حياة مول ...
منيرة : حصه وش بنسوي بفلوس أبوي ........
بنجلس كذا نصرفها .....
حصه : أنتم اللحين أشترو اللي في خاطركم
يكفيكم في فترة غيابي ولا تهتمون وأنا بأتصرف بالمبلغ ....
لطيفة : يعني وش بتسوين ؟؟؟؟؟
حصه : بأستثمره بعدين نتكلم في هالموضوع
أنتي يا لطيفة بتجين معي وأنتي يا منيرة ونجلاء روحو مع بعض
عشان نخلص بسرعة قدامنا لم الساعة 10 ما يمدينا يله
وراحت منيرة مع نجلاء ولطيفة مع حصه .........
في مكان أخر .....بغرفة شوق ........
شوق منسدح على سريرها وتفكر في الولد اللي شافته أمس ....
وشاغل تفكيرها ......
وأسئلة مالها داعي تدور في بالها ........
وش أسمه ؟؟؟؟؟؟؟
كم عمره ؟؟
متخرج أدبي ولا علمي ؟؟؟؟؟؟؟
كم نسبته ؟؟؟؟؟؟
وينه ساكن ؟؟؟؟؟؟
عنده خواته ولا لا ؟؟؟؟
أبوه حي ولا ميت ؟؟؟؟؟؟؟؟؟؟؟؟؟؟؟؟؟؟
حزين أو سعيد بحياته ؟؟؟؟؟؟؟؟؟
كم يستلم في اليوم من بيع الجح ؟؟؟؟؟؟؟
هل يحب هالشغلة ولا مغصوب ؟؟؟؟؟؟
فقير ولا مستور حاله ؟؟؟؟؟؟؟؟؟
شوق :اااااففففففف وش هالحاله ياربي وأنا وش دخلني
في الولد لا هو أول ولا أخر واحد شفته ....
ليش هو بالذات لزق في بالي .....أهىء ياربي أرحمني ,,,
رمت المخدة على الأرض وقامت وطرى على بالها
شي ......................
طلعت من الغرفة وتوجهت لغرفة أختها ربى لقتها
مثل العادة منسدحه على بطنها وقدامها الاب توب ......
شوق :ربى بتروحين معاهم لخطيبة مشعل ........
ربى :أيه بروح بس بعد العشا بيروحون
شوق :ليش تروحين أنتي وأنا لا ؟؟؟؟؟
ربى : لأنك في أولى ثانوي ......
شوق : بس أنا ماني صغيرة وأبي أشوف وعد
ربى : أنا ما ودي أروح بس أمي تقول غصب تروحين
شوق :طيب من بيروح معكم ؟؟؟؟؟؟
ربى :ساره وجواهر وأمي وأنا بس
شوق :وحصه ما راح تروح ؟؟؟؟
ربى : لا تقول أمي مالها دخل
عفست شوق ملامحها :مسكينة حصه مدري ليش أمي حاقدة عليها
ربى : لأن سلطان ما شاورها في زواجه واطلعي من الغرفة لو سمحتي
ماني فاضية لثرثرتك
شوق ناظرتها بحقد وطلعت من الغرفة .
(( كلهم بيروحون لوعد يعني البيت فاضي ووواو بأروح أشوفة ......
صح رتاج من أمس ما شفتها يا ترى وش صاير بينها وبين ذيك الحرمة .........ما لحقت أشوف وجهها ولا كان أعرفها اففففف قهر .......)
توجهت لغرفتها .......
......................................
في غرفة رتاج .:::::::::
(( أساعدها ولا لا ؟؟؟؟؟يا ترى وش اخبارها اللحين؟؟؟؟؟؟
دخلوها المستشفى ولا لا ؟؟
اففف أنا ليش أحن عليها مو هي سبب كل المشاكل اللي مريت فيها .....
بس هذي العنود لا لازم أكلمها وأشوف وش أخبارها ......))
مسكت رتاج جوالها ودقت على جوال العنود
لكن لقته مغلق دقت مرة ثانية ونفس الجواب مغلق ......
وخافت يكون صاير لها شي .....
مسحت وجهها بيدينها تحاول تهدي نفسها لكن لا امل .......
قامت من مكانها وتوجهت لدولابها طلعت الشنطة فيها
الفلوس من ذاك اليوم اللي صار لسلطان الحادث ......
حطت الشنطة على السرير وطلعت بنطلون أسود وبلوزة حمرا لبستها
ولبست عبايتها ولفت الطرحة وخذت شنطتها وجوالها وطلعت من الغرفة ......خطوة مجنونه اللي تسويها لكن وش تسوي لم تحس أنها
مجبورة تساعد العنود
.....................................
مشعل توه بيدخل من بوابة القصر إلا صوت بوري يوقفة ولف
وعرف من داخل السيارة وأشر له يدخل وراه
ودخلو للداخل.........
ونزلو من السيارات ........
وعند نافورة البيت كان هالحديث ........
ضاري بصوت عالي:ما تقول لي ليه ماد يدك على أختي ؟؟؟؟؟؟؟؟؟
مشعل بهدوء واحترام:السلام عليكم
ضاري ما رد عليه وبقلة أدب: ما تجاوب ؟؟؟؟؟؟؟
مشعل :وش أخبارك وش أخبار الأهل عساكم بخير؟؟؟؟؟
ضاري :أنا ماني جاي أسلم أنا عندي سؤال وجاوبه
مشعل ياخذ نفس عميق :سألت صيته وش هي مسوية فيني مدة 10 سنوات ؟؟
ضاري يرفع صوته:هي اللي صانتك وحفظتك
وخدمتك تجازيها اللحين أنك تضربها
وقدام عيالها حتى أعتذار ما أعتذرت
مشعل :انا رحت لها البيت و كلمت الوالد ونزلت لي وتناقشنا في هالموضوع
وأعتذرت لها لكن هي طلبت الطلاق ..يعني ما تعرف كل هذا يا ضاري
جاي لا أحم ولا دستور تبي تتهاوش على أقل أحترمني وأحترم اللي بيننا ترانا معارف ومايصير تكلمني بهالطريقة الهمجية .......
ضاري حمر وجهه من الفشيلة وراح وركب سيارة وشخط بها وطلع ,.....
تحمد مشعل ربه وراح يشوف أهله هم جهزو ولا لا عشان يروحون لأهل وعد...
................................
المحطة العشـــــرون :
فتح طلال الباب وانصدم من اللي متواجد قدامه ......
رغم أنه رجال إلا أن قلبه طبول من الخوف ......
طلال :رتــــــــــــــــــاج ؟؟؟؟؟؟؟؟؟؟؟؟؟
رتاج ما اهتمت له لأنها تقدر تتهمه في حادث أخوها
لكن بتكون المتضررة الأولى والأخيرة .......
بتنكشف كل الأوراق السودا وبيعرفون وش كانت تسوي .:وين العنود
طلال :العنود؟؟؟؟؟؟؟؟؟؟
رتاج :وشفيك وين العنود خلصنـــــــي
طلال :مدري وينها ؟؟؟؟؟؟؟
لحظة.......... .
ودخل جوا راح لغرفتها مالقاها تذكر أنها أمس قالت له
أنها مريضة وفي المستشفى ,,,,,,
راح لرتاج الواقفة عند الباب تنتظر جواب
طلال : في المستشفى
رتاج : أي مستشفى ؟؟؟؟؟؟؟؟؟؟
طلال : مدري في المستشفى وبس
رتاج عصبت : أحد ما يدري عن أخته في أي مستشفى
أنت أخو أنت ما تستحي على وجهك يا كلب ...........
رمت عليه هالكلام وتوجهت للسيارة ..........
وركبت وقالت للسواق يتحرك ........
بكرة بتدور على كل المستشفيات وتسأل عنها
أخوانها ما منهم فايدة واحد مرمي في السجن بتهمة ترويج مخدارت
والثاني مععش في البيت ما يدري عن الدنيا والثانين ضايعين الله
يعلم وش يسوون .......وصلت للبيت وما لقت ولا سيارة عند البوابة وأستغربت
لكن تذكرت أنهم بيروحون لخطيبة مشعل ......
نزلت من السيارة وراحت لغرفتها أو عرينها .....
طفت اللمبات وانسدحت على السرير تحس بتعب وعلى طول نامت
بملابسها ........
........................................
شوق لم شافت أن السواق وصل راحت لبست عبايتها وركبت معه
وعلى طول قالت له يروح نفس المكان اللي أمس ...........
عند الولد راعي الجح ......
وفعلا لقته موجود لكن واقف معه كم واحد ويسولفون ويضحكون ...
خلت شوق السواق يوقف بعيد ويطفي السيارة .........
وجلس تطالع الولد بس تبي تشوف وش يسوي ......
جلست ربع ساعة وهي تطالعه وخان مل بس ما يقدر يقول شي ...
لكن صرخت عليه لم شافته يركب سيارته ويمشي....
شوق :أمــــــــش ورااااااااه
وشغل خان السيارة ومشى وراه
ومن أشاره لأشاره ومن حي إلا حي وهم وراه ............
لم وصل الولد إلا بيته وكانت عبارة عن فلة .......
دخل وانيته من لكراج البيت ............
نزل مهند من سيارته ودخل البيت سلم على امه
ورقى فوق لغرفته راح يتسبح من عنا هاليوم من الظهر وهو في الشمس
لكن باع كل اللي معه .......
لم خلص انسدح على سريرة وهو يبتسم .......
يحس أنه شي لم بنت تلاحقة ..........
قام من سريرة وتوجهه للشباك وفتحة ولقى اليوكن الأبيض أبو تضليلة سودا
لا زال موجود عند بيتهم ..........
راح لدولابه وطلع له بنطلون جنز وتشيرت رمادي ولبسهم مع جزمة سبورت بيضا .....رجع شعره بالجل على ورا
وخذ مفتاح سيارته وجواله وطلع من البيت...
شوق اللي جالسة تنتظره يطلع وطلع لكن ما كان راعي الجح
كان راكب رنج لونه أورنج ومفتح شبابيك سيارته ومعلي على صوت الاغاني ..
شوق فتحت فمها :هذا هو ؟؟؟؟؟؟؟؟؟؟؟؟
خان أمش وراه .........
ومشى خان وراه وهو يدعي انه ينتهي مسلسل الملاحق ......
مهند حس بالخجل لم شاف اليوكن إلا الأن يلحقة وش تبي هالبنت فيه ......
يسمع عن هالمواقف تصير كثير لكن معه أول مره ......
وصل لشارع التحلية ووقف عند احد المقاهي ونزل يجلس مع ربعه
وعيونه على السيارات لكن ما شاف اليوكن الأبيض موجود ,,,,
سالم : مهند معنا ؟؟؟؟؟؟
مهند :هلا أيه معكم ........
سالم : وشفيك منت بمعنا ؟؟؟؟؟
مهند ابتسم وفكرة شارد للبنت اللي تلاحقه : لا معكم .........
شوق كان ودها تستمر معه لحد ما يرجع للبيت
بس حست أنها ((زودتها ))))والوقت تأخر لها ساعة ونص من طلعت من البيت ولازم ترجع قبل ما يرجعون اهلها من عند وعد .......
ورجعت للبيت قبل ما يرجعون أهلها بعشر دقايق وحمدت ربها ........
في صالة البيت :
أم مشاري :حلوه احلى من صيته ........
مشعل ابتسم على ثناء أمه : عيونك الحلوة ها اتفقتو على شي .....
جواهر : ايه اتفقنا تملك عليها قبل سفرتكم بيومين ثلاثة عشان
تقدرون ترتبون أموركم مع بعض ......
وزواج ماله داعي خذها وسافر بها .......
انا عن نفسي بأنشر عند معارفي أنك تزوجت وأنت برضو أنشر عند معارفك
وكلنا بننشر انك تزوجت وخلاص ماله داعي حفلة وسلطان للحين في المستشفى
لم ترجعون نسوي لكم حفلة كبيرة نستانس فيها كلنا ,,.,,,,,
مشعل ابتسم : خططتي على كيفك ؟؟؟؟؟؟ ((بيسوي غير اللي قالته طبعا ))
أم مشاري : هذا التخطيط السليم ......افف أنا تعبانه راسي مصدع بأروح
أنام ..ومشت أم مشاري للمصعد ورقت منه ....
مشعل :وش لابسه ؟؟؟
ربى : اللي يشوفك يقول أول مرة تتزوج .........
جواهر : خليه يسأل عن خطيبته لابسه تنورة سوادا فيها كسرات
ومخططة بازرق وبلوزة زرقا وكعب أزرق غامق .........
مممم وفاكه شعرها وبس .....
مشعل ابتسم : زين وش سولفتو فيه
ربى : أمي ما قصرت سألت عن كل شي
عن أخوانها وش يشتغلون وكل وكل وكل أهلهم ما خلت أحد ,,
مشعل تضايق يعرف أمه فضولية وتحب تسأل عن كل شي :
أها طيب أنا ماشي تبون شي ....
جواهر :وين وين وصلني بيتي
مشعل :روحي مع السواق ,,,,,
جواهر : لا والله الوقت متأخر يله رجعني
مشعل :يله أمشي
مشت جواهر ومشعل وطلعو من والبيت وراحت ربى
فوق لغرفة شوق دخلت عليها لقتها جالسه على مكتبها
وعلى فخوذها دبدوب أبيض وماسكة بيدها قلم أرزق جاف ..........
وشاردة بالفكر .......
ربى بصوت هادي:شوق
شوق رمت القلم : بسم الله روعتيني متى دخلتي ما حسيت فيك ......
ربى :أقول مادق ماجد ؟؟؟؟؟؟؟
شوق : لا مادق .....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك