رواية ولد الترف والدلال -26
مشعل طلع من صلاة الجمعه مع أخوه مشاري :مشاري بغيتك بموضوع ......
مشاري :سم بو سلمان وش بغيت ,,,,,
مشعل : تعال معي في السيارة وبأقولك وش الموضوع ...
توجه مشاري مع أخو لسيارته وركبو ................
في بيت مشاري ,,,,
ماجد جالس في الصالة وفي حضنه صقر ...
وبدر ورند جالسين قبال التلفزيون ..........
ماجد يبوس صقر على خدة : فديييت هالخشة .........
والله أنك خطير على اسمك اسمع بأعلمك 3 أمور في الحياة........
أول شي لا يهمونك الناس ثاني شي لا تصير داج مثل عمك وتضيع عمرك
ثالث شي لا تتزوج إلا لاصار عمرك 30 سنة ,,,,,,,
تعيش حياتك مثل ما تبي ....فهمت الدرس يا شاطر .........
ويبوس خده :الله لا يحرمني منك والله أني بأشتاق لكم .........
في سيارة مشعل :::::::
مشاري :من جــــــــدك ...عندك 3 عيال وش تبي بعــــــــد
مشعل : والله يا مشاري هذا من حقي وصيتة ما تفهم وضحت لها لكنها رافضة
مشاري : بس ما تزوج عليها
مشعل : يعني تبيني أعيش طول عمري على هاالثلاث بزارين
مشاري :والله أنك عجيب يا مشعل
مشعل :صدقني لا كبرت وشيبت بتحتاج العيال
مشاري: وصيته تعرف عن هالموضوع
مشعل : لو تعرف ما شفتها في البيت لين اللحين
مشاري :وبتقول لها؟؟؟؟؟؟؟؟؟؟
مشعل : لا بعد الزواج بأقول لها
مشاري : بس ما يجوز
مشعل :وش أسوي عاد أنا كلمت الرجال ووصلتني الموافقة وبأروح لهم اليوم
نحدد موعد المملكة بتجي معي حياك ولا بأروح لحالي ..........
مشاري تنهد : بأروح أمري لله لكن أبي أعرف وين بتسكنها .....
مشعل : انا عندي شقة في العليا بس ناقصني أني أثثها وبأسكن فيها وعد بشكل مؤقت حد ما تنفرج علي وأشتري فله .........
مشاري : أقولك ياخوك شي وما تزعل
مشعل :قول ولا يهمك
مشاري : شكل صيته أول ما تدري بتطلب الطلاق .........
مشعل :عارف كل هالأمور لكن ما راح أطلقها ألا أذا تنازلت عن العيال
أني أربيهم ولا مافي طلاق تخيس عند أمها لين ترضى ...............
مشاري :أشوفك حاقد على مرتك ......
مشعل :إلا مكرهتني عيشتي ,,,,,,,
مشاري : الله يصلحك
مشعل : الجميع .................
........................ ساره :أقول ماجد وش أخبار رتاج ؟؟؟
ماجد : والله مدري عنها في غرفتها دايم
ساره : سمعت أنها ما راح تكمل دراسة
ماجد بدون اهتمام : هي الخسرانة ........
ساره : ومتى سفرتك أن شاء الله .؟؟؟؟؟؟؟؟
ماجد :يوم الخميس الجاي
ساره : تروح وترجع بالسلامة
ماجد يقوم ويمد صقر لساره : الله يسلمك ............
ساره : وين اقعد تغدا معنا
ماجد : لا والله أخر أسبوع لي هنا وبأروح أتغدا مع الأهل
ساره : يله نشوفك على خير ..........
طلع ماجد من بيت مشاري وشاف سيارة مشعل داخلة وفيها مشاري وأستغرب تجمعهم مع بعض لكن ما يجتمعون كذا إلا وراهم سالفة ........
مد يده يسلم من بعيد ودخل بيتهم ,.................
.................................................. ................
طلع الدكتور من غرفة العمليات وعلى وجهه ابتسامه .........
طلعت بعده النيرس .........
الدكتور قال لها الدكتور تقدر تدخل عليه ودخلت لقته على السرير ....
حصه : سلطططططططان راح ؟؟؟
سلطان يبتسم لها : جد
حصه : والله راح كل شي
سلطان :زين
حصه :يله قوم نرجع البيت
سلطان :أصبري الدكتور قال لا اتحرك إلا بعد ربع ساعة
حصه :اها هههه والله وناسه راح
سلطان : ليه كنتي متضايقة
حصه : لا قلبي فرحانه لك لأنك أنت اللي متضايق من نفسك
سلطان : شوفي الدكتور بيعطيك وصفة لمرهم استخدمة
حصه : بعد مراهممم
سلطان :أكيد لازم يله روحي
طلعت حصه وكلمت الدكتور وعطاها الوصفة ورجعت تجلس مع سلطان لم قام وتحرك ولبس ملابسه .....................
وقال الدكتور أنه يقدر يروح .......
في شقتهم ....
سلطان واقف قدام المراية يطالع نفسه : تصدقين باقي أثار بس خفيفة مره
حصه : اللي ما يدري وش صار لك ماراح يلاحظ .......
سلطان : ماجد اللي بيلاحظ لأنك قلتي له
حصه :والله ما عرفت انك ما ترضى ..........
سلطان : اوكي خلينا اللحين وروحي صلحي شي ناكله ,,,,,
حصه : من عيوني التنتين ,,,,,,,
فهد جالس في صالة شقة هيثم ,,,,
فهد : انا خلاص يا هيثم مالي علاقة بكم أبدا
هيثم : قصدك بسجى
فهد :انت وسجى
هيثم :وليش يا كافي ؟؟؟؟؟؟؟؟؟
فهد :أنا بأرجع الرياض وبأتزوج ؟؟
هيثم : بس هذا ما يمنع أنك تنسى ربعك ......
فهد : لا كلمتك بتوصل أخباري لعند سجى وانا مابيها تعرف
هيثم :لا تطمن ماراح أقولها شي راح نتواصل عن طريق الأيميل على الاقل نعرف اخبار بعض وأنت أكيد ما راح تصبر عن أخبار سجى .....
فهد : يصير خير .........إلا وينها ؟؟؟؟؟؟
هيثم : اليوم المدرسة مسوين لهم رحلة وطالعه معهم ؟؟؟؟؟
فهد : وش سوت بدوني
هيثم : ما لاحظت عليها شي بس تسأل عنك متى بترجع
فهد : وش قلت لها؟؟؟؟؟؟
هثيم : قلت لها بيرجع قريب ...........
فهد : ياليت تقول لهاما راح يرجع أبد
هيثم : لا خلها على قريب أفضل...............
.................................................
مر السبت والأحد وطلال ما صار يدق على جوال رتاج
وربى وشوق ما عاد يشوفون الشخص المجهول قبال بيتهم ......
ولا قالوا لجواهر عنه
ومنيرة فتحت حساب لها في البنك بـ3 ملايين ........
.................................................. ....................
يوم الأثنين منيرة وشوق غابو عن المدرسة للأنتقال للبيت الجديد..................
دخل أحمد شناط وأغراض منيرة ولطيفة في البيت مع ام أحمد
ثم طلع هو وامه من البيت ......................
منيرة تطالع البيت :اللحين كل وحدة لها غرفة ؟؟؟؟؟؟
لطيفة : أكيد خلاص لازم نتفرق
منيرة :الغرفة الثالث بنخليها لحصة لم تولد ......
لطيفة تروح للغرفة اللي أختارتها وانشغلت في الترتيب .....
ومنيرة معها ...............
في غرفة منيرة ,,,,,,
بعد ساعة تذكرت شي ....................
وراحت للطيفة : أقول لطيفه لازم اطلع جوال؟؟؟
لطيفة : أكيد لازم تطلعين لك وأنا بعد أطلع لي
ولازم بعد نجيب شغالة وسواق وووومنيرررررررة باص المدرسة ما يعرف بيتنا
منيرة اللي تستوعب : بس بيتنا بعيد عن المدرسة مررررره
لطيفة : دقي على أم أحمد وقولي لها وش نسوي ننقل ولا وش ؟؟؟؟؟؟؟
منيرة تروح للصالة وتمسك التلفون وتدق بيت ام أحمد اللي حافظته ......
لطيفة تجرب تشغل التلفزيون :منيرة شكل أبوي مجهز كل شي لنا ...
منيرة اللي تنتظر احد يرد : اكيد مجهز بيخلينا وحنا ما نعرف نتصرف ...
لطيفة اندمجت مع التلفزيون ومنيرة محد رد عليها ........
منيرة :أقول لطيفة لازم نعتمد على نفسنا
لطيفة : وش قصدك .؟؟؟؟
منيرة : اسمعي اللحين نطلع من البيت ونروح بالتكسي لصراف وأسحب فلوس زي ما علمتني أم أحمد ثم نروح لسوبر ماركت نشتري أغراض للبيت وشلون بناكل؟؟؟؟؟؟؟؟؟؟؟؟؟؟؟؟؟؟؟؟
ليطفة : صح جد خلاص حنا ما عندنا احد .......
ولازم ننقل من مدارسنا
منيرة تقوم من مكانها : أنا بأكلم أم أحمد وأقول لها عن سالفة المدرسة
لطيفة : بس منيرة ما بقى شي على الفصل يخلص ليش ما نصبر
منيرة تفكر : في الباصات الخاصة نقدر أسجل انا وأنتي فيها وتوصلنا
صديقتي مسجله فيها ....................
لطيفة : طيب أنتي تعرفين رقم صديقتك دقي عليها وأساليها ......
منيرة : خلاص بأدور رقمها وأدق عليها أسألها ..
لطيفة : طيب متى بنروح نشتري الأغراض ......
منيرة : مدري
لطيفة : تعالي نشوف المطبخ ....
قامت منيرة ولطيفة ودخلو الطبخ وكان فاضي لكن فيه كل المواعين بس الثلاجة اللي فاضية ...............................
منيرة : الساعة اللحين 1 الظهر يله نروح .....
وراحو يلبسون عباياتهم ومنيرة حطت في شنطتها بطاقة الصراف ......
ووطلعو للشارع ولطيفة امتلكها الخوف لأنها أول مره يسوونها
ومنيرة تتحسب في داخلها على أبوها اللي حطتهم في هالمواقف وراح......
وقف لهم تكسي ........................
الهندي : وين روح؟؟؟؟؟؟؟
لطيفة :منيرة جد ما فكرنا وين نروح ؟؟؟؟؟؟
منيرة : نروح صحارى ذاك اللي ودتنا له حصه يوم كانت عندنا
لطيفة : مدري .......فيه سوبر ماركت أذكر
منيرة : ايه في سوبر ماركت اسمه التميمي ......
لطيفة :أيــــــــــه تذكرت
الهندي عصب:وين رووح؟؟؟؟؟؟
منيرة انتبهت له : روح صحارى ؟؟؟؟؟؟؟؟؟
الهندي : صحارى في بعيد لازم فلوس كثير ..........
لطيفة : معك فلوس أنتي ؟؟؟؟؟؟؟؟؟
منيرة : معي 30 ريال بس .........
لطيفة : وأنا معي 10 ريال
منيرة : كم تاخذ ؟؟؟؟؟؟؟؟
الهندي : 40 ريال
لطيفة : مافي 40 في 30
هز الهندي راسه ومشى ........................
في الطريق :أقول منيرة لم نرجع تعرفين توصفين البيت ؟؟؟؟؟
منيرة :أيه أعرف سهل وصفة وراسمته في ورقة......وتطلع من الشنطة ورقة فيها وصف البيت بالتفصيل ........
لطيفة :اسمعي ترى رايحين على عمانا ما نعرف شي
منيرة : لا رحنا هناك بنعرف وش بنشتري
لطيفة : طيب كم بتسحبين ......................
منيرة : بأسحب ألف أن شاء الله تكفينا
لطيفة تدز كتف منيرة : حركات صار عندنا حساب
منير تبتسم ابتسامه صفرا : والله هذا من أفضال الوالد
تعكر مزاج لطيفة من ذكرة ورجعت تطالع الشباك ..........
منيرة طلعت ورقة صغيرة وقلم وجلست تكتب الأغراض الرئيسة اللي يبونها لأنها كانت تطبخ في البيت من بعد ما راحت امها وتعرف وش تحتاج .......
وجلست تكتب ولطيفة تطالعها وتطالع الشباك .,,,,,,,
لم وصلو صحارى حاسبو الهندي ودخلو ...........
منير ه: دوري صراف ....
لطيفة : هذا هوووو
منيرة راحت للصراف ومرتبكة لأنها اول مرة تستخدمة
ووراها حرمة تتأفف لأن منيرة تأخرت ......
سحبت منيرة وخلصت وكأنها داخلة معركة .......
من بعدها توجهوا للسوبر ماركت وخذوا عربية ........
لطيفة تحط من الشوكلاتات ...
منيرة عصبت : لطيفة لا تحطين شي ما نحتاجة ترى ما معاي ألا ألف تبينا نتفشل عند المحاسب لا صارت الأغراض أكثر ........
لطيفة :افففف خلاص ما راح أشتري شي ......
منيرة تطالع الورقة وتدور ...........................
لطيفة :أقول منيرة ليش ما نشتري لنا عبايات جديدة مثل الناس حنا عباية المدرسة والطلعات وحدة وحالتها حاله .......وتأشر على طرف كم عبايتها المشقوق : شوفي حتى متشققه .....
منيرة : والله ودي يا لطيفة نشتري أشياء لنا بس حصه لم تعرف أن حنا تصرفنا بالفلوس من دون شورها بتزعل ..............................
لطيفة : لا ما راح تزعل يعني هي متزوجة واحد كشخة ورايحة للندن وحنا هنا في الرياض حالتنا حالة أقول بس أنا خلاص بأشتري اللي أبغى الفلوس فلوس أبوي .........
منيرة تتنهد من راس لطيفة :اوكي بنشتري كل شي لكن لم ترجع حصه من السفر ...............
لطيفة بعناد :أنا ماراح اطلع من هنا إلا شاريه عباية جديدة
منيرة : الدعوى عناد أشوفها وأنا اختك الكبيرة واسمعي كلامي أحنا جايين هنا عشان نشتري شي ضروري والأغراض الباقية لم ترجع حصه من السفر .........لطيفة : متى بترجع يوم الجمعه ..............
منيرة : واليوم أثنين مافيك صبر ليوم الجمعه اففففف منك
وخلاص سكري الموضوع .......
لطيفة انقهرت وغصب عنها سمعت كلام منيرة ..........
بعد ساعة ونص حاسبو بــ700 ريال وطلعو وقفو لهم تكسي وركبو الأغراض ورجعو للبيت بسلام وخطوة جريئة من منيرة انها تطلع لكن وش تسوي يموتون من الجوع يعني ؟؟؟؟؟؟؟؟؟؟؟.........
...............................................
بعد العشا :::::::
مشاري لابس ثوب وغترة ومكشخ ومتعطر ....
ساره تحط صقر في سريره : وين معزوم الليلة ؟؟؟؟؟؟
مشاري : تقريبا بس على شرب قهوة
ساره : ومن هالرجال ؟؟؟؟؟؟؟
مشاري : واحد ما تعرفينه .....تبين شي ؟؟؟؟؟؟
ساره : سلامتك ...
مشاري : الله يسلمك .......
طلع مشاري من البيت ركب سيارته ودق على مشعل اللي بعد خمس دقايق
جاه مشعل وركب معه وتوجهو ألى بيت الخطيبه .............
أول ما وصلو استقبلهم صالح ورحب فيهم ودخلهم المجلس وشوي جى أبو لافي
وسلم على مشعل ومشاري وجلسو يسألون عن الأحوال ...........
مشاري : أقول يا بو لافي متى ناوين الملكه .........
ابو لافي : والله متى ما بغيتو لكن أفضل أنها بعد شهر ..
مشاري : صار يا بو لافي ....
وجلسو يسولفون في امور الزواج وأنه يتم عائلي جدا ووعد تفضل ذاك ...
واتفقوا على المهر ............
بعد ساعتين طلع مشعل ومشاري من عندهم بعد ما تخلصو
من أصرار أبو لافي أنهم يتعشون .................
......................
ربى: مجوود لا رحت هناك كلمني اوكي ؟؟؟؟؟
ماجد:عاد أنتي 24 ساعة شابكه ...
ربى : لاب توبك قديم غيره أشتر واحد فيه كامرا
عشان أكلمك ............
ماجد : لاب توبي قديم في عينك من سنة شاريه
ربى : خلاص قديم غيرة ........
ماجد : أفكر ولا بأخذ لاب توبك
ربى:نعـــم ما سمعت عيد
ضحك ماجد : لا تخافين بأشتري واحد جديد فيه كل الخدمات
ربى : ما راح تلحق تودع سلطان بيجي يوم الجمعه وأنت يوم الخميس رحلتك
ماجد : عادي ما يهمني ............
ربى طالعته وسكتت
.................................................. ..
المحطة الخامسة عشر:
يوم الخميس .......
بعد المغرب .......................
في أحد المجالس في بيت أبو مشاري ........
كان الكل مجتمع عشان وداع ماجد ......
بيروح سنتين هناك ...................
((أبو مشاري وأم مشاري وجواهر ونايف ومشاري ومرته وعياله
ومشعل ومرته وعياله وربى وشوق ورتاج .....رائد ماجى لأنه يستحي من الحريم ......))........
صيته : هااا لا تروح هناك وترجع لنا بإيدز !!!!!!!!!!!
ماجد رمى عليها كلمة : ((تنقي ألفاظك )) ورجع يكمل حواره مع مشعل
اللي عطى نظرة نارية لصيته خلاها تسكت ........
مشاري :رحلتك الساعة 10 ومتى بتطلع من هنا
ماجد : بعد صلاة العشا مباشرة ...........
جواهر : كلمنا مو تسحب علينا
ماجد : أخر كل أسبوع بأكلمكم كلكم .....
ربى : وأنا كل يوم .....
ماجد ابتسم لها : وأنتي كل يوم ........
شوق :ماجد لا تنساني ....
ماجد : مستحيل أنساك
شوق تطلع سنونها :أقصد بالهدايا أبي ملابس ترى مقاسي s
ماجد : مممم في هذي يمكن أنسى
شوق : لا تسويها يا مممماجد ترى بأزعل
ماجد حب يقهرها : أزعلي .........
تركها ماجد ورجع لحواره مع مشعل ...
وبصوت واطي : اسمع يا أخوك أن رحت وسمعت بالمشاكل اللي بتصير لا تقلق
أخوك ما راح يسوي إلا الشي الصح
ماجد عقد حواجبه :وش هالتفائل أن شاء الله ماراح يصير مشاكل ........
مشعل : لا أبشرك من اللحين عشان ما تنصدم وتقول ما قالو لي
أنت لم تسافر وتضبط أمورك هناك دق علي وبأقولك لكن هاللحين ما ينفع ...
الكل كان يتكلم ألا الحالة المنفردة رتاج ساكته ونوعا ما مرتاحة
لأن ماجد بيروح لأنه يمنعها من الطلعات أحيانا أو يترصد أخطائها ........
.........................
وعد جالسه تطالع شكلها في المراية وفاكه شعرها اللي نوعا ما ناعم لكن مو خشن أو كيرلي لكن يتشبك في بعض بسرعه .....
وكان يوصل لنص ظهرها :مممم أنا أحلى من مشعل بشويه ........
وقالت كلمتها شوية بتصغير وابتسمت ..........
مسكت الكحل وجلست ترسم عيونها ثم استخدمت كل أنواع المكياج اللي عندها
تبي تدرب يدها على وضع المكياج لأنها ما كانت تحط كثير
في العمل ما تحط أي شي أصلا ....
والتجمعات الأسرية تكتفي بالكحل رغم أن عمرها 25 سنة ......
لم خلصت طالعت وش اخطائها عشان ما تعيدها مر ثانية ......
مسحت المكياج ...........
وربطت شعرها مثل العادة في البيت ثم راحت تنزل مع أخوها وعياله وحرمته
........................................
ماجد يقوم من مكانه : يله استأذنكم ,,,,,
قام الكل من مكانه ودار عليهم كلهم وحتى الصغار سلم عليهم ....
ولم وصل عند جواهر ضمته ولم وخرت غطت وجهها بيدها وأبتدا الموال
من الصياح وانحرج ماجد مره ما عرف وش يسوي أول مره يصير له كذا ما تعود....ولم شافت شوق جواهر تصيح دمعت عيونها ولم سلم عليها ماجد ولف يسلم على ربى بدت شهقات الصياح ........
أما ربى سلمت عليه عادي لانه واعدها يكلمها كل يوم أما رتاج
اكتفت أنها تمد يدها فقط ............
خلص ماجد من اللفة وحس انه تعب .........
ابو مشاري :ترفق هناك لا تصير خبل ...................
ماجد ابتسم له وهو يحس بالغصة في حلقة :أن شاء الله ,,,
طلع ماجد مع مشعل ومشاري اللي بيودعونه في المطار ,,,,,,,,
في سيارة مشاري الأودي .........
مشاري : بتشحن سيارتك على ما أظن ......
ماجد : أكيد وأن شاء الله خلال أسبوعين راح تجيني هناك
مشعل : بتسكن عند عائلة ........
ماجد يطق على صدره بيده:أنا ماجد ولد (......) أسكن عند عائلة لا والله أبو شروان يحتريني هناك
عنده شقة وبشاركة فيها وبأدفع مع الأيجار ............
مشاري :من هو أبو شروان .؟؟؟؟؟؟؟؟؟؟؟
ماجد : واحد ما تعرفه واحد من أخواي رايح هناك يدرس هندسة
وباقي له 4 سنوات حتى يرجع ومستأجر شقة هناك وكلمته وأتفقت معه أني أدفع نص الأيجار وأسكن معه ..........
مشعل : كويس كذا وحلو أنك تلقى واحد تعرفه هناك ويدبر لك أمورك
ماجد يرفع يدينه: ايه نعمه من عند ربنا نحمدو ونشكورووووووووه
مشاري ابتسم:الله الله بالصلاة لا أوصيك
ماجد : أن شاء الله .......إلا مشعل قولي السالفة
مشعل : أي سالفة ؟؟؟؟؟؟؟؟؟؟؟
مشاري طالع مشعل .....
ماجد : سالفة المشاكل اللي بتجي وكلامك في المجلس أدري أنك خايف
أن صيته تسمعك وتسوي لك سالفة ...........
مشاري اللي فهم :وأذا قلت لك انا ما راح تنشر الخبر
ماجد : ارقد وأمن قل وش عندك يابو بدر
مشاري :أخوك ناوي يتزوج على صيته سيرا على خطى سلطان .........
طالعه مشعل بعتاب ........
أما ماجد سكت من الصدمة ......................
مشاري : وشفيك ما تكلمت
ماجد :وليش تتزوج عليها عيال وعندك وما أعتقد أن صيته شينة بعينك.....
مشعل : وأنا أخوك الشرع حلل أربع وبيني وبين صيته أمور ما يعلمها إلا ربي وما أحب أفصح عنه للخصوصية وأنا رجل أحب كثرة العيال وصيته معارضة
أضطريت أني أتزوج ...........
ماجد : تزوجتها للحين ووش اسمها ومن تكون ومن أي قبيلة .......
مشعل : لا للحين كلام ما صار شي لكن بعد شهر ملكتي
وهي من عائلة معروفة ما يحتاج أقولها ..........
ماجد :صراحة شي جديد ما توقعت أنك تتجراء وتسوي هالخطة لكن
من اللحين أقولك صيته ما راح تقعد معك وأنت ماخذ عليها وحدة ثانية .....
مشعل : نفس كلام مشاري ولكن لكل حادثن حديث ..........
............بعد مدة قصيرة وصلو للمطار وانتظرو مع ماجد لحد ما أعلنت رحلته
وودعوه وراح في حال سبيله .................
...........................من بعد ما راح ماجد الكل انتشر
سارة وعيالها رجعو لبيتهم وكذلك صيته ....
ورتاج راحت لعشها (غرفتها ) ومثلها ربى .....
أبو مشاري طلع من البيت وأم مشاري جلست في الصالة تكلم صديقتها ......
وشوق جلست معها ....................
بس تطالع التلفزيون ...........
بعد دقايق جت الشغالة : مدام في حرمة عند باب بيت ........
وفاهم يقول دخل سيارة ولا لا ؟؟؟؟؟؟؟؟؟؟؟؟؟
أم مشاري تستأذن من صديقتها وتسكر السماعه : من هالحرمة ؟؟؟؟؟؟؟؟
ستي : يقول في صديق مدام رتاج ........
أم مشاري : واكي خلاص خلي فاهم يدخل السيارة وروحي أفتحي مجلس الحريم و دخليها ..............
راحت الشغالة تنفذ الأوامر ................
شوق : من هذي صديقة رتاج ؟؟؟؟؟؟؟
أم مشاري : والله مدري بأدق على رتاج أخليها تنزل لها ......
ودقت على غرفة بنتها قالت بتلبس وبتنزل ........
وقامت أم مشاري للمجلس الحريم تشوف صديقة رتاج ...........
دخلت أم مشاري للمجلس ولقت بنت نوعا ما مليانه قاصة شعرها بوي
وحواجبها الشيطان وراسمه الكحل الأسود السايل بعيونها
ولابسه عبايتها ..........قامت لم شافت أم مشاري واصلة ....
أم مشاري تسلم عليها بيدها مستغربه انه ما قد شافتها بين صديقات رتاج اللي تعرفهم دائما .............................
العنود وهي حاطه رجل على رجل :أنتي أم رتاج ؟؟؟؟؟؟؟؟؟؟؟
أم مشاري ما عجبها صوتها الخشن : ايه نعم أنا أم مشاري ؟؟؟؟
العنود : وين رتاج؟؟؟؟؟؟؟؟؟؟
أم مشاري : بتجي اللحين بس تلبس.......
العنود :اها.........
أم مشاري تقوم من مكانها : حياك البيت بيتك .......
وطلعت من المجلس وهي متقرفة منها وقابلت بالسيب رتاج اللي جايه ومستعجلة .....
أم مشاري بقرف : مين هذي ؟؟؟؟؟؟
رتاج : ماادري أنا محذره صديقاتي لا يجون على البيت وشكلها وحدة من الملاقيف .............
أم مشاري : ما دخلت مزاجي أبدا تصرفي معها..........
وراحت أم مشاري وكملت رتاج طريقها للمجلس ولم دخلت
فتحت فمها من الصدمة ....بعد ثواني....تقدمت بعصبيه لها :أنتي وش جابك هنا مو كافي اللي سواه فيني اخوك ..........
العنود تقوم وتواجه رتاج وجه لوجه : الله واكبر اللحين انا وش جابني ولا كأنك من قبل رامية نفسك علي رمي .........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك