رواية ولد الترف والدلال -25
رتاج : ما راح أكمل دراسة
سديم انصدمت : من جدك ؟؟؟؟؟؟؟؟
رتاج :أيه والله فكرت فيها ليش أدرس وأتعب عمري وبالأخر باتزوج وأجلس في البيت يعني هالكرف اللي نكرفة بيروح مع الرايحين
سديم : وليش حبيبتي واثقة أنك راح تتزوجين ؟؟؟؟؟؟؟؟
رتاج : أكيد واثقة ليه شايفة فيني شي ناقص ؟؟؟؟؟؟؟؟؟؟؟؟
سديم : لا مو قصدي على طاري العرس عازمتك على زواج بنت خالتي
رتاج : متى ؟؟؟؟؟؟؟؟
سديم : الخميس هذا أذا كنتي بتجين أرسلت لك بطاقة
رتاج : اوكي أرسلي أنا فاضية وما عندي شي اسوية
سديم : وبتتركين الدراسة بعد
رتاج : خلاص سديم انا قررت وأذا على صداقتنا راح
نشوف بعض كل يوم لو تبغين
سديم :ممم اوكي على راحتك وخلاص بأرسلك البطاقة اليوم
اندمجو في السوالف لمدة نص ساعة حول الجامعه ووش صار في غياب رتاج
وكثير من الحش في المعيدات والطالبات ......
..................................................
فهد جالس في غرفته بالفندق اللي حجز فيه ........
منسدح على السرير ويفكر................................
((أحبها عشانها كانت مريضة وصغيرة لكن اللحين خفت حالتها
أكثر وكبرت ما كنت حاط هالشي في بالي أبدا خلاص أنا بأفارق هالعائلة الصغيرة ألا الأبد عشان ما تكبر سجى وتتعلق فيني وابتلش أكثر وهيثم تشرفت بمعرفته فترة من الزمن))..................غمض عيونة بقوة ثم قام يدق أبرة الأنسولين.........
((معقولة أتزوج ..من يبي واحد مقطوعة رجلة ووفيه السكر ..))
شال الفكرة من باله وضحك بسخرية على نفسه ........
.......................................
حصه دخلت البيت وشايله أكياس من السوق دخلت وراها سحر ومعها أكياس ثانية .................
سحر تحطهم على الأرض :يوووه تعبنا كتير اليوم
حصه :أيه والله تعبنا يالله الله عطيك العافية ما راح أنسى معروفك
سحر :شو ما تنسي أكيد بتنسي بتروحي للسعودية وتلتهي وتنسي ملامحي كمان ههه
حصه ابتسمت وغمزت لها :أحتمال
سحر :هههه الله ياخدك ما بتجاملي
حصه :ههههه ما أحب المجاملات
سحر : أتركك حبيبتي اللحين بأروح للبيت وقبل ما تسافري سلمي
علي مو تنسي
حصه :ما تقصرين حبيبتي
سحر: يله مع السلامه
حصه :فمان الله
طلعت سحر من البيت وراحت لبيتها ,,,,,,,,,,,,,
حصه دورت على سلطان في الشقة ما لقته ...............
ثم جلست ترتب الأغراض اللي شرتها من السوق هدايا لأهل سلطان
وتحطهم في الشنط ,,,,,,,,,,,,,,,,,,,,,,
مابقى ألا أيام وترجع للرياض .........................
.........................................
يوم الخميس ....
الساعة 6 الصباح ........
طلع أبو حصه شناطة وأغراضة من البيت بدون ما يسوي صوت
وحطها في شنطة السيارة ....................
ورجع يطالع البيت ويتأكد أنه ما نسى شي ......
طلع ظرف من جيبه وحطه في الصالة مع مفاتيح ......
وطلع وركب سيارته وووررراح ,,,,,,,,,,,
لطيفة تقوم من النوم على صوت تسكيرة باب البيت :بسم الله الرحمن الرحيم
قامت من مكانها وطلعت من الغرفة وراحت لغرفة أمها وابوها وفتحتها
بتشوف أبوها موجود ولا لا ,,,,,,,؟؟؟؟؟؟؟؟
لكن تفاجاة أن الغرفة خالية .............
السرير ما عليه مفرش والدروج والدولايب مفتوحة وخالية ..........
لطيفة حاولت تستوعب :وش صايـــــــــــــــــــــــــــــر؟؟؟؟؟؟؟؟؟
ركضت للغرفة وقومت منيرة :منيررررررررررة
قــــــــومي قــــــــــــومي شـــــــــــــــــووووووفي أبوي وينة؟؟؟؟؟؟؟
منيرة :اففففففففف لطيف اتركينــــــــــي
ورجعت تكمل نومها
لطيفة بصوت يخوف :منيرة قومي شوفي وش صاير لأبوي؟؟؟؟؟؟
منيرة قامت من النوم وراحت تغسل وجهها في الحمام واول ما طلعت سحبتها لطيفة من يدها وودتها لغرفة أبوها وتفاجأة باللي شافته ...........
منيرة منفجعه:من ســـــــــــــــــوووووووووى فــــــــي الغررررررررررفة كذا؟؟؟؟؟؟؟؟؟؟؟؟؟؟؟؟؟؟
لطيفة خايفة:مدري لقيتها كذا
منيرة :خلينا ندق على أبوي نتأكد
وراحت منيرة وتتبعها لطيفة لتلفون البيت في الصالة
وطت لطيفة على شي في الأرض ولم شافته : منيرة ظرف
منيرة تطنشها وتدق لجوال ابوها من التلفون لكن لقته مسكر
لطيفة تقلب الظرف بيدها ولقت مكتوب وراه: ((والدكم .........))
لطيفة : الظرف من ابوي شوفي وش مكتوووووووووووووب
منيرة ترمي سماعة التلفون وتسحب الظرف من يد لطيفة وتفتحه
ولقت ورقة وشيك وصك............
فتحت الورقة أول شي وما اهتمت للمبلغ المكتوب على الشيك لانه ما قرته .....
(((بسم الله الرحمن الرحيم ))
بنتي حصه ........................
سامحيني على كل اللي سويته فيك وأعرف اني غلطت لم زوجتك
لسلطان وأنا طمعان فيه بعد ما أخذت نص مهرك ,,,
لكن تأكدي أنه هو الوحيد القادر انه يتمسك فيك؟؟؟؟؟؟
بناتي لطيفة ومنيرة .............
أدري اني مقصر معكم وراح أظل مقصر لين أموت .........
وأكيد أنكم متفاجئين بالرسالة والمبلغ اللي مكتوب في الشيك ,,,,
لكن بأقولكم بأختصار :::::::::
أنا شديت من الرياض ومن غير الرياض انا شديت لبلاد ما يعلمها غير ربي أبعيش حياة جديدة بأتزوج من جديد وواجيب ولد يحمل اسمي............
وأنتم أن شاء الله أن هالمبلغ تستثمرونه فيما يفيدكم طول عمركم.........
سامحوني وحللوني .............
وترى هالمبلغ مجمعة من سنين من قبل ما أتزوج أمكم الله يرحمها....
ولكم قصة الفلوس هذي ,,,,,,,,,,
أنا قبل ما أتزوج أمكم كنت عايش مع أهلي في مزرعتنا في القصيم........
ولم توفى أبوي ...كان عمري 20 سنة ,,,,,,,,,
تطاقو أخواني على الورث وتقاسموا الحلال وكلن خذ نصيبة
وانا جاني من الورث 900 ألف .............
رحت للرياض وأخواني وخواتي تفرقو اللي بالشرقية واللي بجدة ومنهم من بقى بالقصيم .......
ولم رحت الرياض شريت هالبيت المتواضع ثم تزوجت أمكم الله يرحمها
وهي ما تدري أن عندي هالفلوس لأني ما أبي أصرفها واضيعها وهو بخل مني وتقصير .........أستثمرت هالفلوس في أني شريت عمارة صغيرة في حي الشفا تحتوي على 5 شقق وأجرهم في السنة ب23 ألف
ومن ارباحي من هالعمارة شريت قطعتين أرض في نفس الحي كل وحدة مساحتها 400 متر وبنيت عليها فلتين واجرت الدور الأرضي بـ35 ألف
والدور العلوي بـ30 ألف ,,,,,,,,
وصرت أربح في السنة من العمارة :115 ألف ومن الفلتين :130 ألف
المجموع يصير : 245 ألف ,,,,,,,,,,
مبلغ كبير وماقد حلمتو أنكم تحصلون بيوم من الأيام ..........
لكن كنت بعد استلم راتب المدرسة لكن الصدق كنت أصرفة عليكم كله...
من بعد ما ماتت أمكم الله يرحمها بعد ما عاشت أيام فقر أليمة من دون ما تدري أن في البنك حسابي وصل :5 ملايين ...........
بعت العمارة وبعت فلة من الفلتين وبقيت فلة وحدة بعد ما طردت اللي فيها خليتها لكم يا منيرة ولطيفة ..........
وكتبتها بأسم حصه أختكم ........
أوصيكم تنسون اللي سويتة لأني نادم على العمر اللي راح من دون ما استمتع بهالفلوس ومن دون ما امتعكم فيها .............
راحت امكم وانا رحت واذكروني بالخير عند عيالكم ,,,,,,,,
أدري اني أناني بتصرفي هذا لكن المسامح كريم ,,,,,,,,,,,,
والدكم : أبو حصة ,,,,,,,,,
عنوان الفلة : .............))
وورقة ثانية فيها صك الملكية للحصة
مع مفاتيح الفلة
منيرة منصدمة من اللي قرته وقرته لطيفة جمبها ولم شافو المبلغ اللي في الشيك أغمى على منيرة اما لطيفة فرحت ,,,,,,,,,
لطيفة الدمعه في عيونها والبسمة على شفاتها وتهز ورقة الشيك: 3 ملاييين
3 ملاييييييييييييييييين مرة وحدة يعني بنقدر نسافر ونروح ونجي بنعيش زي الناس ما راح يقولون لي يا بنت الفراش .........
هزت لطيفة منيرة بيدها:قومي شوفي ودعي أيام الفقر قومي وافرحي وارقصي ...........منيرة قومي قومي
وصارت تهزها حتى بدت تفتح وتستوعب اللي حولها .................
انكمشت منيرة على نفسها وجلست تصيح بصوت عالي على ألم الحقيقة المكتومة ...........ولطيفة تضحك وتدور في الصالة وبيدها الشيك ...
وأحلامها النائمة بتحقق ...........
........بعد ساعة وساعتين وثلاث ساعات مرت .........
هدت فيها منيرة وجلست تفكر في المصير ..........
هم في الرياض لا أم لا اب ..........
ولا أخت كبيرة ترعاهم ..........ولا رجال يوقف معهم ويحل مصايبهم........
لطيفة :منيرة ليش تصيحين وتعورين قلبي وأنا فرحانه
هو صح أن شي قاسي أن أبوي كان عنده كل هالفلوس وساكت
لكن ليش تصيحين عليه هو تخلى عنا وترك لنا هالفلوس نعوض فيه غيابه
منيرة تطالعها بحزن :تحسبين أن عاجبني وضعنا لكن اللي أصيح عليه
ليه سوى كذا ؟؟؟؟؟؟؟؟؟؟؟؟؟؟؟
لطيفة :ما في غير سبب واحد
منيرة تمسح دموعها اللي نزلت من جديد :وشو ؟؟؟؟؟؟؟؟؟؟؟
لطيفة : بخل البخل يسوي كل شي ..................
جمع الفلوس ولم ندم ترك هل3 ملاين وخلانا ........
لأنه ما يقدر يواجهنا بعد اللي صار ........
وهو راح يتزوج وما قال لنا وين راح يعني كأنه يقول اعتبروني ميت
ولأني ما أحبه ما راح أحس إني بفقده..................
منيرة : وتعتقدين أن بهالفلوس بنكون سعيدين
لطيفة:منيرة أنتي الكبيرة مو أنا بعدين يا حبيبتي الحين الفلوس كل شي
منيرة تتذكر هند وكلامها : صحيح الفلوس كل شي ........
لطيفة :أنا بأدق على أم أحمد هي اللي بتخلينا نتصرف بهالفلوس
منيرة : لا تقولين لها بتقول للحارة كلها
لطيفة :ام احمد هي اللي بتخلينا نعرف نتصرف وحتى لو انتشر الخبر مصيرهم راح يعرفون .....................
اتجهت لطيفة للتلفون ودقت على بيت أم احمد وقالت أنها العصر بتجيهم .....
جلسو البنتين قبال بعض ويحاولون يرسمون خطط للمستقبل اللي صار قريب ...
منيرة شعور الحقد والكره أحتل في قلبها الأبيض على أبوها
لأنها رباهم على الفقر والبخل وتركهم وتخلى عنهم على غنى ,,,,,,
ولطيفة مثل منيرة لكن حياتهم الجديدة راح تنسيها أبوها واللي جابوه .....
لأنه لافاد في حياته ولا استفاد ,,,,,,,,,
مر الوقت بطيئ وهم يتكلمون وجى العصر .........
وجت ام أحمد لهم ,,,,,,ولم عرفت بالموضوع ما كانت صدمتها أقل من صدمت البنتين ومن كثر ماهي مصدومة خلت أبو أحمد يجي ويتصرف ودخل البيت وجلس في الصالة معهم ومنيرة ولطيفة متغطين ,,,,,,,,,,
ولحكمة أبو أحمد ما انصدم مرة ........
وتصرف بحكمة وعقلانية ..............
وحذرهم يقولون لاحد حتى يتصروفون ,.,,,,
من بعدها راح أبو أحمد مع ولدة أحمد لموقع الفلة ودخلوها وكانت مؤثثة وجاهزة للسكن ,,,,,,,,,,,,,,,,,,,,
طلع أبو أحمد وأحمد منها ومتعجبين من حال هالزمن ,,,,,,,,,
ورجعو للبيتهم ,,,,,,,,
أم أحمد جلست تناقش منيرة عشان تفتح لها حساب وتدخل هالمبلغ فيها
واتفقت معها يروحون مع بعض للبنك يوم السبت ,,,,,,,,,\
طلعت أم أحمد من عندهم .....................................
ووخبت منيرة الاوراق في مكان أمين ...........
كان يوم عجيب غريب في هالبيت
أنقلاب سريع وأحداث سريعة
فقر ومرارة ألم من رحيل أم
ثم
غنى مع ألم رحيل أب...................
وكل شي مقدر من الله .....................
.................
الساعة 9 مساء ..............
طلعت رتاج من المشغل وتوجت ألى البيت ........
اليوم لم طلعت للمشغل ما شافت طلال أبدا وارتاحت نوعا ما .
لم وصلت للبيت راحت لغرفتها عشان تتجهز للزواج بنت خالة سديم ......
دخلت عليها أم مشاري :افففففففف وش ريحة هالدخان في غرفتك
رتاج اللي ارتبكت وطاح منها الحلق اللي بتحطة في أذونها : لا مام
هذي وحدة في المشغل جمبي واغرقتني بريحة هالدخان ,,,,,,,,
ام مشاري : الله ياخذها روحي تسبحي من ريحة هالقرف
رتاج : مام كيف اتسبح وأنا حاطه مكياج ؟؟؟؟؟
ام مشاري : خلاص بارسل لك الخدامة تدخن
غرفتك وافتحي الشبابيك حتى تروح الريحة افففففففف
وطلعت من الغرفة ........
تنهدت رتاج بخوف أن أمها ما كشفتها لانه نست تفتح الشبابيك وتعطر الغرفة مثل العادة ..................
راحت بسرعة وفتحت الشبابيك ورجعت تكمل شغلها........
جت الخدامة ودخنت الغرفة ,,,,,,,
وراحت ريحة الدخان تقريبا ...............
لم جهزت رتاج كانت الساعة حدود 10 وربع ...........
يبي لها نص ساعة حتى توصل لقاعة المقصورة اللي فيها زواج
قريبة سديم .........
ركبت مع السواق ومشى السواق ...........
رن جوال رتاج من طلال وتلفتت حولها تتأكد أنه مو وراهم لكن ما تشوف شي من التضلليلة السودا وفي الليل ,,,,,,,,
سكرت في وجهه طلال بخوف .....
وجتها رسالة : ((على وين رايحة ؟؟؟؟؟؟؟؟؟؟؟))
رتاج :يمون يسأل اففففففف وش يبي مني هالحيوان......
لهدرجة حاقد أني بلغت عنه ..........
بعدين وش عرفة أني بلغت............بس يمكن مافي غيري مشكوك فيها ,,,,,وممم يمكن على الكمية اللي خذتهم ورميتهم
في الزبالة ,,,,,...............
ضحكت بسخرية على الأيام اللي راحت ,,,,,,,
وقفلت جوالها عشان تحطه عند الأمانات اول ما توصل لأنه ممنوع دخول جولات الكمرا .........................
...............................
منيرة منسدحة على سريرها .......
ولطيفة مثلها .,,,,,,,,,,,
منيرة : ما جاني النوم .........
لطيفة : عاد أنا اللي جاني ......
منيرة : تتوقعين لم حصه تعرف وش بتسوي
لطيفة : بتسوي مثلك لأنها حساسة
منيرة : ليه أنتي ما تحسين
لطيفة :أحس بس بطريقتي
منيرة : يعني فرحانه باللي صار
لطيفة :وش أحسن نستمر على الفقر وأبوي يكنز من هالفلوس
ولا يروح ابوي ونعيش حياتنا
منيرة : لا هذا ولا هذا ...........
لطيفة : اللي قاهرني أن امي راحت وما تهنت بولا ريال من اللي عند أبوي
منيرة : ايه والله مسكينة امي ,,,,,,,,
لطيفة : تتوقعين وش سوى أبوي بالمليونين الباقية
منيرة بسخرية: بيتزوج فيها ويجيب ولد ويعيش حياة سعيدة
لطيفة : بعد عشرين سنة بعد ما طبعا تتزوجين انتي وأتزوج انا ونجيب عيال
يجي لنا واحد غريب يقول انه أخونا وش بنسوي له .............
منيرة :بأذبحة .....................
لطيفة :هههه ما تقدرين
منيرة :وليـش ؟؟؟؟؟؟؟
لطيفة : لأنك حساسه ,,,,,أقولك ارقدي ورانا بكرة روحه من الصبح
للبيت نشوفة ,,,,,,,,,,,
منيرة سكتت ...................................
وبعد ساعة غلبها النوم ولطيفة معها
.................................................. ....
الساعة 3 الفجر ,,,,,,,,,,,,
رتاج : اسمحي لي سدومه خلاص ماراح أتعشى بأروح البيت
سديم : نعم نعم ما سمعت عيدي
رتاج :ههه وشفيك بأروح البيت
سديم : يعني يوم جى وقت العشا قلتي بتروحين
رتاج : ماأحب أكل في المناسبات ............
سديم تمسك يدها : يله بس عن الدلع ,,,,,,,,,,,
ومشو يتعشون مع بعض ...........
الساعة 4 الفجر طلعت رتاج مع السواق راجعة للبيت ......
والشوارع شبه فاضية ........
ارتاعت لم سمعت صوت بوري سيارة قوي وراهم ويكبس بالنور ......
رتاج : وش هذا
ساجد :هذا في واحد قليل أدب
رتاج:وش سيارته؟؟؟؟؟؟؟؟؟
ساجد : ما يعرف أنا نوع سيارة ؟؟؟؟؟؟؟؟؟؟؟؟؟
رجع صوت البوري المتكرر وتكبيس الانوار وجلس ساجد يسب بكلام غير مفهوم .......
رتاج وصل لجوالها رسالة : ((ما بغيتي تطلعين من العرس ؟؟؟
اليوم يومك يا بنت الشيوخ؟؟؟؟؟؟؟؟؟)))))))))))
وصل قلب رتاج لبلعومها من الخوف :ساجد اسررررررع للبيت
ساجد :ماما يقول مافي يسرع
رتاج صرخت :أقوووووووووووووووووووووولللللللك أسررررررع...............
ساجد زاد سرعته على طلب رتاج ..........
وطلال صار جمب السيارة ومتقدمها بشوي ....................
رتاج : أي مخرج قريب لف معه على طوووووووووووووول فاهم
هز ساجد راسه ........ورتاج متوترة وتفرك يديها في بعض
ومنزعجة من بوري سيارة طلال .......
لم شاف ساجد المخرج هد سرعته ولف وطلال وراه ...........
ورتاج خايفة أنه يصير حادث وتروح فيها .,,,,,,,,,,,
واستمر طلال ورا السواق لم قربو من البيت .......
ورتاج تحمد ربها أن للحين ما صار لها شي .......
دقت على جوال فاهم عشان يفتح البوابه ويدخلون بسرعة .,,,,,,,
رن جوال رتاج من طلال وسكرت في وجهه ...................
وعند لفت حارتهم أختفى طلال ...........
واستغربت رتاج
وصلو للبيت بسلام وانتهى الفلم المرعب اللي عاشته ووصت السواق ما يقول لأمها شي ولا راح تسفره ,,,,,,,,
دخلت البيت وعلى طول لغرفتها فتحت الشباك تطالع أذا طلال موجود ولالا ؟؟
لكن ما لقته .............
وراحت تغير وتمسح المكياج وتتسبح ......
لم طلعت من الحمام لبست بجامتها ........
وراحت تسكر فتحت الباب بالمنشفة ......
وتفتح الشبابيك ....وولعت زقارة تهدي أعصابها ........
طفت اللمبات وجلست تطالع الشارع وبيدها جوالها تتنظر أي شي من طلال ....\
في مكان مو بعيد طلال واقف في الشارع وبيده جواله يكلم على خوية يجي ياخذه لأن سيارته تعطلت فجأة .................
سكر الجوال وبعصبية رفس كفر السيارة : المولللللللللللعونه هذا وقتتتتتتك تتعطليــــــــــــــــــــــــــــــن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حك شعره بعصبية أنه ما لحق يتخلص من رتاج ويذبحها ........
لانه ناوي يصدمهم ويروح لكن السواق كان حريف وما سمح بذلك ........
نص ساعة جى خوية وخذاه .....................
وارسل لرتاج : (( نامي وأنتي متطمئنة أنكتب لك تعشين يوم جديد)))))
وصلت الرسالة رتاج وابتسمت بسخرية على طلال وطفت زقارتها وولعت الممبات وعطرت الغرفة من الريحة.....وراحت تنام لكن الشباك شوي مفتوح حتى لم تقوم تكون الريحة كلها طلعت ...........................
............................................
يوم الجمعه عند منيرة ولطيفة .......الساعة 9 الصباح.....
أم أحمد :والله يا بناتي أنه يعز علي فراقكم لكن لازم تنقلون للبيت الجديد
وتعيشون حياتكم ترى محد عندكم هنا وأختكم لاجت هي المسوؤلة عنكم ....
منيرة :طيب يا خاله وش نسوي في هالبيت نبيعه ولا وش .......
أم أحمد :والله ولدي أحمد خاطبين له ويبي يسكن معنا
وكان بيتكم فاضي خليناه فيه ........
لطيفة :خلاص خالتي أعتبري بيتنا هدية مناسبة زواج أحمد
أم أحمد : بس هالبيت بأسم أبوكم ومتى ما جى ظهرنا أحمد منه .......
منيرة : خلاص خالتي أحمد يسكن في هالبيت والوالد ما أظني بيرجع من كلامه في الرسالة شكلة راح لبرى السعودية .....................
أم أحمد : الله يصلحة ويهديه ,,,,,,,,,,,
لطيفة :متى بنروح خالتي؟؟؟؟
أم أحمد : أحمد يقول بعد نص ساعة
منيرة : طيب خالتي اللحين وش نسوي بالفلوس نستثمرها مو معقولة نخليها كذا في البنك ...........
أم أحمد : لا رجعت أختكم من السفر تفاهموا معها ما أعرف فهالأمور شي
وهي زوجها ما شاء الله ولد عز وبيعلمك كيف تتصرفون معها........
...........................................
سلطان :حصة تنتظريني لم أطلع ولا ارجعي للشقة
حصه :مستحيل أروح وعندك عملية
سلطان : عملية تجميلية يزلون البقع ماهي خطرة
حصه : لا تحاول بأقعد لم تخلص ,,,,,,
سلطان : كيفك ......
حصه : متى بتدخل على الدكتور
سلطان يطالع ساعته : باقي ربع ساعة ...............
حصه : وبيرقدونك .؟؟؟؟؟؟؟
سلطان : لا يا بنت الحلال بس بأقعد عندهم لين يتطمنون أن كل شي أوكي وأروح البيت ,,,,,
حصه :الليزر ما يوجع
ابتسم سلطان :لهدرجة خايفة أنا ماني خايف
حصه : حتى ولو ما تبيني أخاف عليك؟؟؟؟؟؟؟
ابتسم سلطان وجلس يطالع الناس .............
جت النيرس ونادت على سلطان ودخل عند الدكتور ومن بعدها طلع سلطان ونادا حصة ودخلت عليه مع الدكتور وضحكت على شكل سلطان بلبس المستشفى
حق العميلات .........
حصه :أصورك ؟؟؟؟؟؟؟؟؟؟؟؟؟؟؟؟؟؟؟
سلطان : لالا تبين تفضحينا
حصه :ههههه ما عطوك بنج ؟؟؟؟؟؟
سلطان : لا
حصه :وهنا بتسوي العملية ؟؟
سلطان يأشر على الغرفة القريبه : لا هناك
كلم الدكتور سلطان ودخلو مع بعض للغرفة العمليات .........
وجلست حصه على مكتب الدكتور تنتظر سلطان يطلع ........
....................................
عند باب الفلة .........
أم أحمد : سمو بالله وقولو المعوذات وأدخلو .......
وسوت منيرة ولطيفة اللي قالته ام أحمد ودخلو الفلة .,,,,,
وكانت منقسمه دورين وكل وحدة لها مدخل لحالها مع كراج خاص
يعني كأن فلتين فوق بعض .........
كانت راقيه جدا وضحكت منيرة لم قالت لطيفة :توني أدري
أن ابوي عنده ذوق ,,,,,,,,,,,,
دخلو منيرة ولطيفة لداخل ((الدور الأرضي))...مع أم أحمد
واحمد جالس برى ينتظرهم ,,,,,,,,,,
أم أحمد تجلس في الصالة :شوفو البيت وأنا بأنتظركم هنا .......
راحت لطيفة ومنيرة يكتشفون المكان ,,,,,,,
كان الدور الأرضي يحتوي ,,,,,,,
مجلس رجال مع دورات مياه وومجلس حريم وصالة مع غرفة طعام صغيرة و 3 غرف نوم وحمامين .....
ومطبخ ...........وفي الخارج ملحق صغير
لطيفة :حلو الأثاث ما أصدق أن حنا بنسكن هنا
منيرة : والدور العلوي مع وين ندخل معه ؟؟؟؟؟؟؟؟؟
لطيفة :نطلع من الشارع ونلف ورا له مدخل ثاني
منيرة : الله يهدي أبوي كان حطها مفتوحة على بعض
لطيفة : عشان يأجر كل وحدة ,,,,
منيرة :خالتي خلينا نروح نشوف اللي فوق ...
أم أحمد تقوم : مشينا ...................
وطلعو ولفو للمدخل الثاني ودخلو ...
وكان الدور العلوي نفس تصميم الدور الأرضي لكن بدون ملحق خارجي ........
والكراج أصغر من الأرضي..........
بعد ما طلعو وركبو سيارة أحمد .......
أم أحمد : خلاص يا بنات من يوم الأثنين تجون لهنا زين .......
منيرة اللي يعز عليها فراق بيتهم القديم :أن شاء الله خالتي
ورجعوا...........................
............................................
مشعل طلع من صلاة الجمعه مع أخوه مشاري :مشاري بغيتك بموضوع ......
مشاري :سم بو سلمان وش بغيت ,,,,,
مشعل : تعال معي في السيارة وبأقولك وش الموضوع ...
توجه مشاري مع أخو لسيارته وركبو ................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك