رواية ولد الترف والدلال -24
كانت تعتقد أن بالطريقة هذي بتثبت وجودها وتستعيد كل اللي راح ...........رجع جوالها يرن للمرة العاشر من الرقم الغريب وكل مرة تعطية بزي........جلست رتاج على أحد الكراسي وطلعت مرايتها تتأكد أن وجهها مافيه أي غلط
جتها رسالة وفتحها : ((الحلو حلو ؟؟؟؟؟؟؟؟؟؟ ))
انصدمت وتلفتت حولها تدور الرجال الغريب وشافت وجهه مؤلوف عليها
لابس ثوب وحاط الشماغ على كتفه ويطالعها بحقد مع رفعة الحاجب الأيمن ........من الصدمة طاح الجوال من يدها وتناثرت القطع وقامت مرتبكة وجمعته وركبتهم شغلته ودقت على السواق يقرب من البوابه .........
ومصدومة وتمتم :طلال معقولة ؟؟؟؟؟؟؟؟؟؟؟؟؟؟؟؟
مشت بخطوات سريعة وكل شوي تطالع ورها وتشوف طلال يمشي معها
صدمت بحرمة وتعورت لأن رتاج وطت رجلها من دون قصد أعتذرت منها على السريع رغم تذمر الحرمة وكملت رتاج طريقها وودها لو تركض ....
وصلت للسيارة وركبت وبشفايف ترجف طلعت هالكلمات :
ساجد سكر الأبواب
ساجد : ليش ماما ؟؟؟؟؟؟؟
رتاج عصبت :ماما في عينك سكر الأبواب وخلاص
وسكر ساجد الأبواب على طلب الماما ...............
وارتاحت رتاج نوعا ما .........................
وصلتها رسالة من طلال : ((ليش خايفة ؟؟؟؟؟؟؟؟؟؟))
مسحت رسالته ومسحت الرسايل القديمة .........
وجلست تتلفت على ورا وانصدمت لم شافت سيارة طلال وراهم
وصارت ترجف من الخوف ....................
جاها صوت ساجد : روح بيت ؟؟؟؟؟؟؟؟؟؟؟؟؟؟؟؟؟
رتاج : أجل ووين ؟؟؟؟؟؟؟؟؟؟؟؟؟
وتأففت من الوضع المرعب اللي تعيشه اللحين
كله من تحت راسها .................
رتاج جى على بالها شي : ساجد وقف عند بقالة .....
ساجد :أيش يبغى ؟؟؟؟؟؟
رتاج :وقف وخلاص
هز ساجد راسة ووقف عند أقرب بقالة ......................
ووقف وراهم طلال ............
رتاج تمد 50 ريال لساجد وتقول :جب باكت دخان
ساجد انصدم :دخان؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رتاج صرخت علية: ايه بسرررعه
خذ ساجد الخمسين ونزل من السيارة وجاب طلب رتاج الغريب وركب .....
ومد الكيس لرتاج مع باقي الفلوس .........
رتاج طلعت لها زقارة :عندك ولاعه ؟؟؟؟؟؟؟؟؟؟؟؟؟
ساجد بتردد : لا ما في ؟؟؟؟؟؟؟؟؟؟؟؟؟؟؟؟
رتاج : أنا عارفة أنك تدخن مستحيل ما يكون عندك ولاعه
ساجد خاف لأن كشفته رتاج لكن الغبي واضح من ريحة السيارة أنه يدخن وهو على باله أنهم ما يعرفون .,,,,,,فتح الدرج اللي عنده وعطى الولاعه لرتاج..
وجلست تدخن بعد ما فتحت الشباك شوي عشان الريحة ......................
لم وصلو البيت رمت رتاج الزقارة في الشارع قبل ما يدخلون ,,,,,
و كانت الساعة تدق 5 ونص العصر .,,,,,,,,,
ورتاج خايفة ان طلال بعد واقف عند البيت ........
دخلت مع البوابة وتوجهت للمصعد ورقت طلعت من المصعد ولغرفتها وفتحتها ووقفها صوت أمها اللي ما تدري ليه تجي في أوقات صعيبه .....
أم مشاري :أشوفك رجعتي بسرعة
رتاج تدور على تصريفة : دقت علي سديم لم وصلت وقالت ما لقت أحد يجيبها لأن سواقهم طالع
أم مشاري : طيب كان رحتي وجبتيها دامكم متواعدين تطلعون مع بعض
رتاج :ها ......لا قلت لها أني بتأخر لو أجيك ثم نروح مع بعض وهي عندها عزيمة في الليل فما نقدر نطول فأجلناها لبكرة يله مام أنا بنام اللحين ولاجى العشا قوميني
أم مشاري :اوكي خلاص ارتاحي
دخلت رتاج الغرفة وسكرت الباب بعد ما تنهدت بخوف ............
رمت شنطتها على الكنبة وتوجهت بسرعة لشباكها اللي يطل على الشارع .,
فتحت الستاير وطلت وكان طلال موجود :وش يبي مني ........أخاف ينتقم......أنا لازم اقلل طلعاتي من هنا لحد ما ألقى حل هالكلب........
تركت الشباك وراحت تتسبح من ريحة الدخان اللي علقت فيها ..
ولم خلصت انسدحت على السرير ودقايق ألا هي نايمه
جت سجى لهم وراحت لفهد اللي حبها على خدها وجلسها على رجولة
هيثم : سجى أجلسي زينا وخري عن فهد
فهد بعتاب :خلها مستانسه
سجى تطالع خالها بحقد تغير عليها مرة مو زي الأول
هيثم : كلمتي وحدة وش اتفقنا؟؟؟؟؟؟؟؟؟
فهد :ما قلنا شي بس ذيك غير وهذي غير
لكن كيفك ........يله حبيبي اجلسي جمبي
سجى على طول سمعت كلام فهد وجلست جمبه .........
ومثل العادة حاس شعرها فهد بيده :تبين نطلع نتعشى
هيثم :الساعة 7 تونا
فهد : خلنا نطلع عشان ما نزعجك وأنت عندك اختبار بكرة
هيثم : كيفكم
فهد : يله حبيبي روحي لبسي عشان نطلع
ابتسمت سجى ثم راحت تلبس بسرعة وفهد راح يلبس .......
ومن بعدها طلع فهد مع سجى بسيارة هيثم :::::::::
فهد :وش أخبار الدراسة يا حلوة
سجى اللي تطالع الناس من الشباك بصمت وسرحان ما سمعت
وش قال لها فهد ///////
فهد :سجــى وين رحتي .؟؟؟؟؟؟؟؟؟؟
لفت عليه سجى :ها
فهد ابتسم لها :أقول وش أخبار الدراسة يا حلوة ؟؟؟؟
سجى سكتت شوي وكأنها تتذكر: محد يحبني ؟؟؟؟؟؟؟؟؟
حتى خالي صار ما يحبني ............
أنت تركتني ورحت .........ما أحبك
انصدم فهد :ما تحبيني ليه وش سويت لك
سجى : أقول لخالي ليش لم فهد يكلمك ما يطلبني يقول ما يبيك
فهد تفاجأ: بس انا ما قلت كذاااااااااااا
سجى رجعت تطالع الشارع :هو قال خالي ما يكذب
فهد اللي ما يبي يشوه صورة خالها في عينها : يمكن قلت ما أبي أكلمك لأني مشغول............
سجى رجعت للصمت .............
فهد تنهد هيثم تصرفاته غريبه ,,,,,,,,,
وقف فهد عند مطعم : يله سجى ننزل
فتحت سجى الباب ونزلت ونزل فهد ودخلو وطلبو لهم ...
وبسرعة جاهم الطلب بسبب أن الوقت مو وقت عشى وزحمة ,......
سجى بضيق: أبي حمام
فهد : روحي حبيبي تلقينه هناك وأشر بيده لمكان دورات المياة
راحت سجى لحمام وفهد خلص من صحنه وجلس ينتظرها وهي طولت
انتظر شوي لينها جاية وعلى وجهها علامات حزن ودمعة بتنزل
فهد :وشفيـــك ؟؟؟؟؟؟؟؟؟
سجى : نرجع للبيت
فهد : ليه وش صار لك ؟؟؟؟؟؟؟؟؟
سجى بأصرار : نرجع البــيت
فهد بسرعة دفع الحساب ومشى معها للسيارة وركبو وطول الطريق سجى ساكته ومعقدة حواجبها وكأنها كاتمة ألم فيها ,,,,,,,,
لم وصلو للبيت على طول توجهت سجى للغرفتها وسكرت الباب ........
فهد دخل غرفته اللي هي غرفة هيثم لقاه جالس على مكتبه وبيدة أوراق كثيرة..
هيثم ينزل نظارته : غريبه رجعتو مبكر ؟؟؟؟؟؟؟؟؟
فهد طنش سؤالة وسكر الباب : الحين ممكن تفسر لي ليش تقول لسجى
أن لم هي تطلب منك تكلمني وترد عليها اني مابيها ,,,,
وش مقصدك من هذا؟؟؟؟؟؟؟؟؟؟
هيثم : وهذا اللي مرجعكم ؟؟؟؟؟؟؟؟؟؟؟
فهد : لا اللي مرجعنا شي ثاني
هيثم بأهتمام : وشو ؟؟؟؟؟؟؟؟؟؟
فهد : مدري بنت أختك راحت الحمام في المطعم وشوي ألا جت تقول نرجع البيت ومدري وش بلاها .......
هز راسه هيثم ورجع لأوراقة .......
فهد : ممكن أعرف وش صاير لك
هيثم : بعدين تعرف ..........
فهد تأفف من داخله وطلع من الغرفة وراح لغرفة سجى طق الباب وما فتحت
خلاها برحتها وراح هو يطلع يغيرجو .......
.................................................
حصه في محل الملابس مع جارتهم سحر اللي عرفت أن حصه بترجع راحت
تتمشى معها.......................
حصه : وش رايك بهالبلوزه وش أحلى أي لون الأسود أو أحمر
سحر: شوفي الأسود حلو مع بشرتك والأحمر ما بزبط معك لأنو بيبين أنك سمرا كثير وهيدا مو حلو
حصه ابتسمت :خلاص بأخذ الأسود ..........
أخذت سحر البلوزة من حصه :خلاص يله نحاسب بدك شي تاني؟؟؟
حصه : لاخلاص
راحو للكونتر
وحاسبت حصة وطلعو ....................
حصه : أبي ملابس رجالية
سحر تغمز لها : لجوزك ؟؟؟؟؟؟
حصه ضحكت :ههه أيه لجوززززي ؟؟؟؟؟؟؟؟؟
سحر :عندي لك محل بيطير العقل .........تعالي ومسكت يد حصة ومشو
للمحل اللي بيطير العقل .........
حصه تطالع المحل :المشكلة أن سلطان في السعودية ما يلبس إلا ثياب إلا ان طلع للنادي يلبس بدلات .,,,,,,,
سحر : يعني ما بنشتري ؟؟؟؟؟؟؟؟؟؟؟؟
حصه : إلا بنشتري بس مو كثير
سجر : شوفي أنا خبيرة بهالأشياء بأركب لك وأنتي
شوفي أدا عجبك ولا لا ؟؟؟؟
حصه : ياليت يكون شتوي
سحر :اوكي
انشغلت سحر مع الحرمة اللي تبيع
وحصه جالسه على الكرسي وتطالع سحر المشغولة ومبتسمه عليها وهي تتنقى بعناية وخبرة .,,,,,,,,,,,,,,,,
بعد عشر دقايق لفت على حصه :زوجك شو يحب من الألوان
حصه : أزرق ,,أبيض,,,ممم رمادي زي كذا
سحر :ههه شكل جوزك كئيب
حصه ابتسمت :أحيانا
رجعت حصه تنشغل.........................
بعد ربع ساعة :حصصصصصه تعي شوفي
قامت حصه من الكرسي وتشوف تركيب سحر :ههه كل هذا ؟؟؟؟؟؟
سحر : يله أختاري اللي بيعجبك
حصه تأشر على :::::::جنز أسود مع تشيرت أبيض طويل الكم
وجاكيت أسود جلد .................::::هذا حلو بيطلع على سلطان جنان
سحر :بس هذا سعرو كثير غالي
حصه :ما عليك المهم حلو
سحر :وغيرووو ؟؟؟؟؟؟؟؟
حصه تطالع اللبس الثاني وكان بنطلون أبيض مع بلوزة صوفية رماديه
وجاكيت أبيض كت ,,,,,,,::هذا بعد حلو
سحر :يله نحاسب ..........
حصه : لا لحظة شوفي الجيشي مرة حلو
سحر : جيشي ؟؟؟؟؟
حصه تطالع بنطلون جيشي ومع جاكيت من نفس النوع :أشرايك حلو صح ؟؟
سحر : كيفك
حصه تطلبه من الحرمة وتجيبه لها :::
ثم عطت الكارد للحرمة وحاسبت ,,,
وطلعو وراحو محل للعطور ......
وشرت حصه عطر لمنيرة ولطيفة وعطر رجالي لأبوها ولسلطان....
من بعدها طلعو وراحو للسيارة سحر ورجعو لبيوتهم..............
دخلت حصه البيت وبيدها أكياس كثيرة حطتها على طول جمب الباب لأنها ثقيلة وما تقدر تشيلها ..............
سلطان اللي جالس يطالع التلفزيون مثل عوايده :ما شاء الله ما خليتي شي ..
حصه تفسخ العباية وتاخذ نفس عميق :لا بعد ما شريت شي
سلطان يقوم ويشيل الأكياس ويدخلها غرفتهم وحصه وراه :
قلبي تعشيت ؟؟؟؟؟؟؟؟؟؟
سلطان : ما أشتهي شي
حصه :مم حتى أنا ,,تعال أوريك وش شريت لك
وراحت تطلع من الأكياس البدل اللي شرتهم مع سلوى ,,,,,,,,,
سلطان واقف ومكتف يدينه : شكرا
حصه : العفو يله ألبسها أشوفها عليك اذا هي قدك ولا لا عشان نرجعها ...
سلطان :اوكي ,,,,,,,
طلعت حصه من الغرفة عشان ياخذ راحته سلطان وجلست
في الصالة ..........دقايق ألا جاها سلطان ولابس الجيشي
وطالع جنان عليه حصه تنحت فيه وأكتشفت أنه بأختصار أنها نجمة وهو قمر...!!!!!!!1
حصه : سلطان طالع عليك حلو
سلطان : أدري
حصه : يله ورني الباقي
سلطان بأنصياع :اوكي
ورجع داخل الغرفة وهو يخفي شعور الفرحة أن حصه شرت له هالملابس وعبرته .؟!!!!
وراح لبس الباقي وطلع كلهم حلوه عليه ,
من بعدها راحت حصه توري سلطان وش شرت واغلبها ملابس حوامل
اللي في التاسع والثامن شاريتها لأنها عجبتها ,,,,,,
سلطان جلس على السرير :::::::اللحين وش باقي لك بتشترينة
حصه تعدد : باقي أهلك ما شريت لهم شي بكرة أو بعده على حسب سلوى متى تفضى ونطلع نشتري وباقي الجزم ما شريتهم ,,,,
سلطان بأهتمام :أشتري لخواتي ساعات وأمي خاتم والباقين عطورات.....
وجلست حصه تسولف مع سلطان أللي مندمج معها ويسولف ,,,,,
اليوم وكل يوم مر في سفرتهم لاحظت تغير كبير في سلطان لانها بأختصار غيرت مافي نفسها قبل .......اول كانت تخاف أنها تسولف في شي وينقد عليها لكنها تجرئت وصارت تسولف وحتى لو نقدها في بعض الأمور تطنش وتكمل حتى لو جرحها لم قال بيرجع عشان يتزوج لكن في نفس الوقت راح تطلع من قصرهم اللي مالها فيه غير قسم وتنتقل ألى فلة كاملة لها لوحدها من دون شريك
لها ولسلطان وولدهم القادم ,,,,,,,,,
هناك بتكون هي اللي تهتم في البيت وتسوي كل شي براحة بعيد عن عيون أم مشاري او رتاج المتبكرة وصيتة اللي ما يعجبها شي فيها ,,,,,,,,,,,,,
وراح تهتم في شي جديد بحياتها وما عمرها فكرة فيه إلا هو أنها تدخل سوق الأسهم وتبيع وتشتري وسلطان راح يحط لها كبداية لها 100 ألف
ولم يشوفها تقدمت راح يزيد لها المبلغ على حسب حاجتها ’’’’’’
ومن بعدها بيخليها تعتمد على نفسها وتكون تجارة خاصة فيها ......
سلطان بأختصار يبي يطور من حصه لانه مل من حياتهم ويبي يجرب مواهب حصه ويختبرها وبيشوف هي بتنجح أو بترسب وتخيب ظنه فيها ,,,,,,
الأيام قادمة يا سلطان ......................
.................................................. ........................
في بيت وعد,,,,,,,,,,,,,,,,,,
نزلت وعد من غرفتها للصالة ولقت لافي ولد أخوها ومعه أخته الاصغر نهاد
وعد : نهاد وين أبوك ؟؟؟؟؟؟؟
نهاد : في مكتبه ,,,,,,,,,,
راحت وعد للمكتب أخوها وطقت الباب ودخلت وفي بالها أشياء كثيرة تتمنى أن تتحقق ’’’’’’’’
أبو لافي لم شافها ترك اللي عنده وقام : هلا وعد أجلسي
وجلسو متقابلين على الكنبه :::::::::
أو لافي :ها أن شاء الله خير
وعد تبتسم وبجدية :خير يا خوي خير .............
أبو لافي : موافقة
هزت راسها وعد بالأيجاب
أبو لافي :استخرتي ؟؟؟؟
وعد :ايه والحمد لله ارتحت لقراري
أبو لافي يقوم:زين وافقتي خلني أقوم أدق أبشرة
وعد مسكت يده: لحظة اسمعني قبل
أبو لافي رجع يجلس :وش عندك يا وعد ؟؟؟؟؟
وعد :اسمع شروطي قبل
أبو لافي :وش تبين من حقك طبعا
وعد بجديتها المعتادة :أولا ///ما أبي أسكن مع مرته في بيت واحد
هز راسه أبو لافي ينتظرها تكمل
وعد :ثانيا أبيه ينقلني لمستشفى ثاني أو يرجعني للوحدة الصحية
لأني ما أبي أشتغل معه
أبو لافي : ليش يا وعد ما تبين تشتغلين معه ؟؟؟؟؟
وعد : أحسن لو نتفارق في اليوم للساعات عشان ما نمل من بعض في الشغل والبيت متقابلين صح كلامي ولا لا ؟؟؟؟؟؟؟؟؟؟؟؟؟
أبو لافي : صحيح وغيره ؟؟؟؟؟؟؟؟؟
وعد :بس هذا أهم شي ,,,,,,,
أبو لافي :أن شاء الله أنه مو معارض اللي تبينة وبيوافق والله يتمم على خير وانتي اللحين أطلعي لغرفتك خليني اكلم الرجال على راحتي
وعد ابتسمت لطردة أخوها الغير مباشرة :اوكي
وطلعت وسكرت الباب وراها تاركه أخوها يتناقش مع زوج المستقبل
......................
المحطة الرابعة عشر :
في مدينة سدني يوم الأربعاء,,,,,الساعة 11 صباحا,,,,,,
قام فهد من النوم ودور على هيثم ما لقاه في الغرفة وتذكر أن وراه أختبار اليوم
قام من السرير وخذ فوطته ودخل الحمام يرش جسمه ,,,,,,
لم طلع ولبس راح يشوف سجى ,,,,,
طق على غرفتها ودخل ولحسن حظه أنها مفتوحة ,,,,,,,
مالقها في الغرفة وسمع صوت موية في الحمام
فهد ابتسم : يا حليلها تتسبح ’’’’’’’’
لفت نظرة الموجود على السرير وانصدم
تقرب أكثر وعلى طلعة سجى من الحمام لابسة روبها الوردي
لم شافت فهد يطالع سريرها ويطالعها انصدمت هي الثانية,,,,,
لكن فهد طلع من الغرفة وسكرت الباب وراه سجى بخوف لبست
وجلست تطالع الشباك وبالها مشغول من ردة فعل فهد لم يعرف...
............................................
أبو حصه يدخل البيت ويلقى بناته جالسين في الصالة يسولفون في
أشياء ما يهتم لها ,,,,,,,,
سلم ودخل غرفته وسكر الباب وراه وقلبه معورة على اللي بيسوية فيهم !
طلع ورقة من جيبه وطالعها وحطها على جمب وكانت استقالة من شغلة ’’’
طلع شناط السفر وجلس يحط فيها كل شي يشوفة قدامة من أغراضة .,,,
سمع صوت منيرة عند الباب : يبــه الغدا جاهز
أبو حصة : كلو ما أبي أكل
وأختفى صوت منيرة من عند الباب ورجع أبو حصه يرتب اغراضة,,,
منيرة تجلس على السفرة البسيطة : ما يبي ياكل
لطيفة تحط في صحنها من الرز : كيفه
منيرة : أول مرة يسويها
لطيفة : يمكن ما يشتهي كلي بس
مديت يدها منيرة وغرفت لها من الرز وتغدو البنتين.........
..............................
فهد جالس في الصالة ويهز رجله بتوتر وينتظر هيثم يجي ,,,,,,,
بعد نص ساعة من الانتظار دخل هيثم مبتسم بما أنه حال زين :السلام عليكم
فهد بسرعه:وعليكم السلام تعال أبيك
هيثم :؟؟؟؟؟؟؟
وجلس على الكنبة المقابلة لفهد .......
فهد دخل في الموضوع على طول : دخلت على سجى الصبح وشفت دم على سريرها ممكن تفسر لي اللي شفته ؟؟؟؟؟؟؟
هيثم اللي ارتبك : وش جى على بالك
فهد : أشيــــاء كثيرة
هيثم :وشافتك سجى
فهد : شافتني ومن الصبح وهي في غرفتها ماطلعت
هيثم وهو منحرج:اسمع يا فهد الحقيقة أن سجى كبرت
فهد :ما فهمت ؟؟!!!
هيثم : سجى بلغت يا فهد ما عادت طفلة زي ما تتصور اللحين
عشان ما تلومني لم أخليها تبتعد عنك لأنك رجال غريب ومو محرم
فهد عصب :وليش ما قلت لي من قبـــــــــــــــل
هيثم : هد شوي أدري أني غلطان وش أسوي تبيك
فهد عصب زيادة: حتــــى لو تبينـــــي مـــــفروض مـــــا أجي لــــــها خلاص كبرت
لازم تتعود أني رجال غريب مثل ما تقول ,,,,,,,,,,,,,,
وتفهمها هذا الشيء ,,,,,,
وأنا طالع من هنا .........
ودخل الغرفة وضف ملابسة بعصبية وهيثم يهدي فيه لأنه هو الغلطان
مفروض ما يخلي فهد يترك أهله وشغلة عشان بنت أخوه ..
حتى لو كانت نفسيتها صعبه ...
مع الأيام تتعود ..................................
خذ شناطة وطلع من البيت بعد ما أخذ سيارة هيثم بيدور له فندق ثم بيرجع السيارة له ,,,,,
سجى طلعت من غرفتها بعد ما سمعت كل ما دار بين خالها والرجال اللي صار غريب :خالي .......فهد راح ؟؟؟؟؟؟؟؟
هيثم اللي خلقة معصب :أدخلي الغرفة أحسن لك ترى ماني طايقك
سجى سمعت كلامه وراحت تتدخل غرفتها وتحس بالوحدة ..
.................................................. ................
أم مشاري تسلم على بنتها جواهر وعلى ولدها نايف ويجلسون في المجلس
جواهر : وين البنات ؟؟؟؟؟؟؟؟
ام مشاري : بينزلون اللحين سولفي لي عن دبي وين رحتو ووين جيتو
وجلست جواهر تسولف على أمها كل شي ألا سالفة رتاج طبعا ...
وشوي جت ربى وشوق وسلمو على أختهم وجلسو يفتشون الهديا اللي جابتها جواهر لهم ,,,,,,,,,,,,,,,,,,,,,,,
ربى :الله العطر هذا حلو
شوق : جبيه أنا باخذه
جواهر : لا أنتي ولا أنتي هذا حق ماجد
ربى :هههه رجالي الله يفشلنا
شوق :يمه قولي لها عن سالفة السيارة يوم تعطلت
أم مشاري : دارية من زمان
جواهر: وشو أي سيارة
أم مشاري :حق المزرعة
جواهر : ايه بس ما سولفتو كل شي
واستلمتها شوق تقول لها كل شي صار لهم في ذاك اليوم .,,
جواهر :وين رتاج ما شفتها
أم مشاري :في غرفتها مدري وش فيها
جواهر :اها ..ما قالت لك أنها تبي تترك الدراسة
أم مشاري بأستغراب: لا والله ما قالت لي
جواهر :ايه جاك العلم اللحين وترها جادة عاد هاوشيها ما أوصيك
أم مشاري : ليش أوهشها من زين اللي تدرسه عاد خرابيط في خرابيط تجلس في البيت أحسن وتدور لها شغلة تنشغل فيها أحسن لها ....,,......
هزت جواهر راسها ....ورجعت تكمل سواليف مع أخواتها شوي جى ماجد وسلم على أخته وجلس :نايف حلوه دبي ...
نايف استحى : حلوة
ماجد : شفت بنات حلوات ؟؟؟؟؟؟؟؟؟؟؟؟؟
جواهر بعتاب : ماجد ؟؟؟؟؟؟
ماجد يطنشها :ها شفت بنات حلوات
هز نايف راسه بالأيجاب
ربى : لا تعلمه على الوساخة
ماجد :ها رقمتهم ؟؟؟؟؟؟؟؟؟؟؟؟؟
نايف :ما عندي جوال
جواهر فتحت عيونها :وشووووووو فهم الكلمة ماجد الله
يخليك لا تخربه لي وان أبيه يكون صالح
ماجد :اما واحد صالح يطلع من عائلتنا كثري لي منها
ناظرته جواهر بعصبيه لكن ماجد أستأذن وطلع من البيت .......
في غرفة رتاج جالسة على السرير وقبالها لاب توبها وداخلة النت
وبيدها زقارة ..........وفاتحة الشبابيك وسادة فتحت الباب بمنشفة مبلولة منعا من خروج الريحة ...........
خلاص صارت ما تفك عن الزقاير اكثر من 4 ساعات
طلعت من المخدرات لكن دخلت في شي ثاني إلا هو التدخين
المخدرات تأثيرها سريع
الدخان تأثيرة مع الزمن
رن جوالها من طلال لكن سكرت في وجهه ما راح تعطية مجال انه يتمادى معها.....
رفعت جوالها ودقت على سديم : الو
سديم :أهلـــــــين رتاج كيفك من زمان عنك ما صرتي تداومين قالو لي مسافرة
ليش ما تردين على جوالك ....................
رتاج :أولا وش أخبارك ؟؟؟؟؟؟؟؟؟؟؟؟
سديم : بخير أنتي كيفك ؟؟؟؟؟؟؟
رتاج : الحمد لله
قبل كل شي أبس أسألك سؤال
سديم :وش؟؟؟؟؟؟؟؟؟
رتاج :العنود تدوام
سديم : لا والله من زمان ما شفتها مطلعين أشاعة عنها يقولون أنه اخوها مروج مخدرات ومسكوه
رتاج مسوية نفسها ما تعرف :جــد والله وش قالو بعد
سديم : بس هذا اللي سمعته عنها
رتاج : أها طيب اسمعي الخبر الجديد
سديم:وشووووووووو
رتاج : ما راح أكمل دراسة
سديم انصدمت : من جدك ؟؟؟؟؟؟؟؟
رتاج :أيه والله فكرت فيها ليش أدرس وأتعب عمري وبالأخر باتزوج وأجلس في البيت يعني هالكرف اللي نكرفة بيروح مع الرايحين
سديم : وليش حبيبتي واثقة أنك راح تتزوجين ؟؟؟؟؟؟؟؟
رتاج : أكيد واثقة ليه شايفة فيني شي ناقص ؟؟؟؟؟؟؟؟؟؟؟؟
سديم : لا مو قصدي على طاري العرس عازمتك على زواج بنت خالتي
رتاج : متى ؟؟؟؟؟؟؟؟
سديم : الخميس هذا أذا كنتي بتجين أرسلت لك بطاقة
رتاج : اوكي أرسلي أنا فاضية وما عندي شي اسوية
سديم : وبتتركين الدراسة بعد
رتاج : خلاص سديم انا قررت وأذا على صداقتنا راح
نشوف بعض كل يوم لو تبغين
سديم :ممم اوكي على راحتك وخلاص بأرسلك البطاقة اليوم
اندمجو في السوالف لمدة نص ساعة حول الجامعه ووش صار في غياب رتاج
وكثير من الحش في المعيدات والطالبات ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك